شروع إدارة شركة اسمنت عطبرة فى نقله إلى مصر

07:17 AM January, 07 2020

سودانيز اون لاين
قلقو-الخرطوم,السودان
مكتبتى
رابط مختصر

الخرطوم سعاد خضر
كشف تجمع العاملين بشركة اسمنت عطبرة عن شروع إدارة الشركة فى تفكيك المصنع تمهيدا لنقله إلى مصر للضغط على العمال وإجبارهم على التنازل عن مطالبتهم بحقوقهم , وإنتقد التجمع إدارة الشركة لفصلها 4 من العمال وتهديدها 45 عامل آخر بالفصل .ونوه الى أن المصنع ظل الداعم الأساسى والبقرة الحلوب للحزب البائد ودللوا على ذلك بأنه يقدم الدعم لمنظمة سند الخيرية التى تترأسها حرم الرئيس المخلوع المخلوع وداد بابكر . وقال التجمع فى بيان له ظل عامل اسمنت عطبرة اكثر عامل يتعرض للظلم والأحتقار والأستعمار والجوع بواسطة إدارة الشركة العراقية الأصل والسودانية الجنسية التى منحها النظام البائد الشركة .
منقول بتصرف عن صحيفة (الجريدة) الصادرة صباح اليوم .

يبدو و الله اعلم ، ان المصنع تم بيعه من زمااااان لمستثمر اجنبي

اعتقد المصنع تابع للراجحي

الحبيب قلقو .. تحياتي
المهم في الموضوع ..
هل هذه العملية في صالحنا ؟
هل في صالح الاقتصاد السوداني ؟
لأنني بصراحة لا أفهم في الاقتصاد ( زيرو ) وهل سوف يؤثر في اسعار الاسمنت
معقول .. مزارع الراحجي ، أمطار , ومصنع الاسمنت ، وعدة شركات تصفي اعمالها في السودان
صدقوني ما قادر أفهم .. هل هي تصرفات كيدية ام في صالح الاقتصاد

قلقو الحبيب البوست ده مهم جداً ويا ريت الاحباب المتخصصين يحضروا
لأن موضوع هروب المستثمرين اصبح شيء ملفت

أرجو من الاحباب من لديهم دراية بالموضوع الحضور ..

التحية للحبيب قلقو ..

الاخ علي

قوانين الاستثمار غير واضحه

تعارض الاختصاصات في الدوائر الحكوميه و للعلم الحكومه واحده
مثال لذلك مستثمر الاراضي صدقت ليها ارض ليقيم عليها مجمعات سكنيه و اخدوا حقهم تالت و متلت ، جو ناس الكهرباء قالوا ما بصدقوا ليهم امداد كهربائي الا بعد دفع رسوم توفير الامداد ، تخيل

اما حكايه خروج المستثمر باثر و له ما باثر ، زي الزول الشغال في امان و سلام و افصلوه من عمله ، مصاريف البيت كلها تتجهجه

لابد من تغيير المفاهيم الاستثمارية في السودان ( concepts and frame )

سلام

الزملاء الزبير
محمد البشرى
على عبدالوهاب,
شكرا على المداخلات والأضافات الثرة .
فعلا المسألة تحتاج لوقفة ومراجعة جادة لقوانين الأستثمار فى هذا البلد مع مراجعة كافة الأتفاقيات التى وقعت فى الزمن البائد بلا ضرر ولا ضرار .
ويا حبذا لو كشف لنا اولئك المستثمرين كم ولمن دفعوا رشاوى واكراميات لى ناس ( حقى وينو) حتى يتم تسهيل اجرآءأتهم ومعاملاتهم فى دولة بنى كوز المتعفنة .

الاخ قلقو

الجفلن خلهن نقرع الواقفات

اولا الاصلاح الاداري لان معظم الموجودين الان معوقين الاستثمار ( الحل في البل ) الفصل الفوري

ثانيا اصلاح القوانين و فك تضارب اختصاصات الوزارات

ثالثا فساد بني كوزستان قالوا اللجان شغاله في الاستثمار و غيره

سلام

كيف تمت صفقة بيع المصنع للراجحي ما عارفها،
لكن الرجل استطاع عمل مصنع جديد بالكامل بدل مصنع أسمنت عطبرة ،
المصنع القديم ما زال موجوداً بالضفة الشرقية
المصنع الجديد بالضفة الغربية
اذا قارنت عدد العمال بالمصنع مقابل الانتاج بعدد عمال مصنع بربر والشمال
تجد العمال تقريباً دبل
مشكلة المصنع هي فهم العمال لحقوقهم وفق منظورهم القديم بانو دا مصنع الدولة

الاستثمار في السودان مشكلة كبيرة وضياع للأموال،
نقّة نقّة نقّة بس
تكون دخلت الماسورة ويظعطوا فيك
اليسوا من الما يسواش ينظر ليك في حقونا
المستثمرين أكلونا
المستثمرين حشونا
بلد كلها ناس عطالة وكضابة
بلا يخمكم كلّكم
تنظير بس
والله طابوقتين تقول ليهو ابنيهن مع بعض
يبنيهن غلط
جهل وكضب ولداحة

دا شنو يا مستنير!

الزميل ابوبكر ,
اتفق معاك فى كثير من نقاطك (الثائرة) التى طرحتها , لكننا كمان عشان ما نظلم العمال لازم نفهم منهم إنه إدارة المصنع ظلمتهم فى شنو ؟ ولازم نفهم ماهى مصلحة المصنع فى ظلمهم ؟ .
كما اتفق معك تماما فى انه بعد ثورة الوعى والأستنارة لابد لنا من أن نغير من انفسنا و أن نغير سلوكنا السبهللى والعشوائى تجاه كثير من الأمور فى هذه الحياة .

الحبيب قلقو .. تحياتي
يا سلام البوست بدأ يتحرك ..
نوع المشاكل دي عندنا في الشمالية ومؤثرة كمان
في انتظار المزيد

شكراً قلقو

يوم ٢/١٢ مدير كهرباء السودان وقف أي توريد للخزينة بما يخص المشاريع
بحجة نهاية العام
لليوم ما فتح التوريد
لا يهمو مشروعك واقف وين قروشك الكبيتها كم
كم ح تخسر

سليمان العبد العزيز الراجحي اشتغلت معه بالسعودية وأعرف نظرته للاستثمار والبعد الاجتماعي له
لن تجد حكومة السودان مستثمر مثله
الرجل يفعل الأشياء من بعد ديني حقيقي
وهو أكثر اشتراكية من أي شيوعي في السودان المعفن دا

تصل مرحلة تقول بس بستحمل الخسارة بس أمرق من الناس المعفنة دي

الدنيا كلها تلقاها تحت كرعيك دايرا تاكلك من غير مقابل

لو صحيح الراجحي قرر يخرج، سوف يخر مهما تكبد من خسائر

يا المستنير ذكرتني لما تاجر عمال سباكه في السودان ، عباره عن مهمه اقلاع مسبار فضائي


القوانين تحتاج لغربله كامله

و حمدوك و جماعته للان مدخلننا بي حمد و طلعونا بي خوجلي

الاستثمار لا وجيع له

مدني عباس مدني لاف صينيه

اقتصاد الكعوك 1989-2020
بالله لحدي القرن21 ما بتعرفو اقصتاد الكعوك
الحاكم في العالم الثالث اما محترم واصلي بجيبو الشعب بالانتخابات في المستوي والولائي او المركزي او ساقط وحثالة تاتي به المخابرات المصرية والامريكية بي الانقلابات والثورات المزيفة
ينهب موارد البلد ويختها في بنوك اليهود في لخارج ويعيش علي الفتات ويترك الشعب يتضور جوعا
اين اقتصاد المؤسسات في السودان الارسوهو الانجليز
المصنع ده ما قاعد من زمان ذى السكة الحديد وذى مؤسسة تسويق الماشية واللحوم
والدولة الحقيقية التي خرجت يوم 30 يونيو ولم تعد حتي الان
https://top4top.io/
اسالو الحثالة عبدالرحيم حمدي الضيع المؤسسات شنو في السودان