تأمين طبي ممتاز لاسرة المغترب الموجودة في السودان

04:58 AM January, 05 2020

سودانيز اون لاين
حاتم محمود الجاك-
مكتبتى
رابط مختصر

السلام عليكم ورحمة الله وبركاته
فرصة ممتازة للمغتربين لعمل تأمين طبي للوالدين والزوجة والابناء الموجودين في السودان من شركة *المتخصصة للتأمين الطبي* على النحو التالي :
الأسعار :
احد الوالدين 995 ريال
الزوجة 890 ريال
الابناء 790 ريال

مع امكانية التقسيط

الشبكة الطبية
المستشفيات :
رويال كير /الزيتونة /البراحة /الفيصل/يستبشرون/آسيا /الفؤاد/جرش/الدولي/بست كير / امبريال/المعلم
وغيرها من المستشفيات والمعامل والمختبرات والصيدليات الكبيرة في الخرطوم والولايات .
توجد صيدليات خاصة بشركة المتخصصة لتوفير الادوية الغير موجودة في السودان
كما توجد شبكة مستشفيات ومعامل وصيدليات للعلاج خارج السودان في البلدان الآتية :
مصر / الاردن / الهند/ تايلند / تركيا / المانيا / اسبانيا / الجيك / السعودية قريباً
نسبة التحمل للمريض :
- متابعة الحمل والولادة مجاناً
- الفحوصات والتحاليل
والاشعة مجاناً
- العمليات الجراحية مجاناً
- كشف الطبيب العام مجاناً .
- النظارات الطبية مجاناً .
- الاسنان مجاناً .
- 50 جنيه للكشف لدى الاخصائي او الاستشاري .
-الدواء يتحمل المريض 25% من قيمته .
للتواصل :
واتساب 00249912342815
اتصال
00966501109077

الأخ حاتم،

أيش معنى المغتربين؟

يعنى الناس جوة السودان ما يشتروا شهادات التامين دى؟

لاحظت عبر السنين فى شركات تستهدف المغتربين بالذات.. شئ بيوت فى قرى نموذجية، شئ اراضى زراعية.. الخ.. و كتير من الوعود دى طلعت مواسير.
لا أقول ان هذا العرض فيه شك.. بس ليه المغتربين بالذات؟

تحياتى

Quote: أيش معنى المغتربين؟ يعنى الناس جوة السودان ما يشتروا شهادات التامين دى؟ لاحظت عبر السنين فى شركات تستهدف المغتربين بالذات.. شئ بيوت فى قرى نموذجية، شئ اراضى زراعية.. الخ.. و كتير من الوعود دى طلعت مواسير. لا أقول ان هذا العرض فيه شك.. بس ليه المغتربين بالذات؟ تحياتى

يا ابريش
تقولى لى سبق الحسانيه ؟؟
الناس جوه السودان طافححين الكوته واستحملوا ا السؤال السخيف من مغتربين ومهاجرين (قاعدين لى شنو ماتمرقو ؟) طيب مرقنا وقدمنا شهدا ولسه عقليه تفضيل المغترب على المواطن البسيطمستمره.
الليله فى السودان البمرض بمشى يكوس العلاج بالاعشاب لانو ماقدر العلاج فى المستشفيات لانو كل شى تمشى تشتريهو من بره المستشفى لزولك االعيان وشويه يقول ليك جيب سريرك معاك.

التمييز بين السودانيين فى الخدمات على اساس مادى/اقتصادى

تقول لى سباق حسانيه ؟؟؟
الكلام الببكى لما نفتحو الناس تعمل رايحه وتجرى ورا ونسه رسمه السرال وتمن الموديل الفلانى واغنيه حلوه ونحنا حرام علينا نتكلم عن الحريات (مهما كان مدخل النقاش) عشان كدا السودان حيكون نسخه من باكستان وماحيعيش ديمقراطيه حقيقيه.مجرد ديكور

اخي عاصم
مساء الخير
خدمة التأمين هذه متاحة للناس الفي السودان ، وللناس الخارج السودان ، ان كانوا مغتربين او مهاجرين (يمكن للمهاجر/ة ان يؤمن لاحد الوالدين او كليهما ) وهذه الخدمة مقدمة من الشركة المتخصصة للتأمين الطبي، وللمزيد من التفاصيل يمكنكم التواصل معي على الواتساب 00249912342815 او برقم الاتصال 00966501109077

مساء الخير اخي ابو الريش
خدمة التأمين بالتفاصيل المذكورة هنا تخص المغتربين بس ، ويوجد تأمين للناس الفي السودان بتفاصيل مختلفة ، هذا كل مافي الامر ، بمعنى انه لدينا تأمين للجميع .
شكرا لكم

رأيي الشخصي أنني لا انصح بهذا لخيار.

يمكن لأي مواطن سوداني ان يقوم بالتامين من داخل السودان وبالجنيه السوداني ويختار الشركة التي تناسبه من بين جميع العروض المتاحة.

وللاختيار لا بد من فحص عدة عوامل :
1- الشبكة والتغطية.
2- توافر الخدمات خلال 24 ساعة.
3- التوافر في محيط السكن واماكن التواجد.
4- الخدمات الصحية المناسبة.
5- شبكة الصيدليات.
6- الاجراءات والسقوفات.

ويا المغتربين ... ما تشترو حاجة برا ... حولو لاهلكم البتقدرو عليه وهم بيتصرفو والاسعار داخل الوطن افضل بكثير

Quote: احد الوالدين 995 ريال الزوجة 890 ريال الابناء 790 ريال

دي تكلفة عالية
و اتفق مع ماخلات الاخوان هاني و ابو الريش

هذه التكلفة اذا قارنتها مع التكلفة من داخل السودان فلن تجد فرق يذكر ، ويمكنني ان ازودكم باسعار السودان اذا حبيت .

للتواصل
واتساب 00249912342815
اتصال 00966501109077
او
اتصل على خدمة العملاء من داخل السودان
على الرقم 2627
شكرا لكم

رأيك محل احترامنا
ياريت تدخل على موقع الشركة ، اسمها المتخصصة للتأمين الطبي ، لتجد الاجابة الشافية لكل ما طرحت ، اما الاسعار فلا يوجد فرق يذكر بين السعر للمغترب او للناس الموجودين في السودان .

Quote: الزوجة 890 ريال الابناء 790 ريال

يعني الزوجة و4 أبناء مثلا ح تدفع 4000 ريـال في سنة واحدة ..
ما يعادل بسعر الليلة مبلغ 94 ألــف جنيه!!

94 مليون يا باشا!!


غايتو جنس غايتو!!

هههه يوجد تقسيط يا ود الصايم ، 50 % اولاً والباقي على 3 شهور
للتواصل
واتساب 00249912342815
اتصال 00966501109077
تحياتي

Quote: هههه يوجد تقسيط يا ود الصايم

أيووا كـدا يا وديع ..
يلا كمان ساعدنا بالخصم الخاص للبورداب

يا جماعه
نسال الله لكم العفو و العافيه و المعفاه الدائمه

اذا صدقوا في الخدمه

المبغ ما كبير

صدقوا انا مره شعرت بالم في الكتف ، مشيت مستشفي عليا السلاح الطبي ام درمان ، درب و صوره قلب ، قشطوني ب 4 مليون جنيه ، الكلام ده قبل سنتين .

السنه الفاتت ، اخوي جاني زياره في البيت ، شعر بالم في البطن ، الساعه 1 ص ، لفينا طوارئ ما حصلنا حاجه ، ، مشينا مستشفي اسمها اسيا ، في الشهداء ام درمان ، شي منظار و شي فحص ، و شي استدعاء استشاري جراحه ، طلعنا منهم ب 3 مليون .

سعر العلاج في السودان مصيبه .

اسعار التامين معقوله ، الكلام في مدي جديه و صدق شركة التامين ، طبعا السودان اركبوك ماسوره و لا يهمهم ، بالقانون .

ناس حمايه المستهلك مفروض اراجعوا خدمات شركات التامين الطبي و التامين علي العربات .

و دمتم بعافيه و صحه

الجماعة ديل قايلين المغترب ده لسه بينقط ريالات ههههه
أصحوا شوفو ليكم شطراً تاني

اذا صدقو في ما ذكروه فالموضوع نسبيا مقبول لانو المريض في السودان فعلا لا حولة له ولا قوة ...
كدي نبيض النية ونشوف البحصل شنو يا جماعة ما نتسرع ساي ...

شكرا صحاب البوست ونتمنى ان نرى المشروع على ارض الواقع ...

تحياتي : ياسر العيلفون ...

يا شباب فى حاجة اسمها قوانين السوق.. لازم تجى السودان و تقارن عروض شركات التامين، موش تنفرد بيك شركة واحدة ما معروفة.. و انت خارج السودان..
تجى براك تقارن، ما تشترى ساى.. شوف الخدمات و الأسعار و الضمان و سمعة الشركات.. بعد داك قرر.

كن مستهلك واعى و فاهم.... informed consumer

Quote: تقول لى سباق حسانيه ؟؟؟ الكلام الببكى لما نفتحو الناس تعمل رايحه وتجرى ورا ونسه رسمه السرال وتمن الموديل الفلانى واغنيه حلوه ونحنا حرام علينا نتكلم عن الحريات (مهما كان مدخل النقاش) عشان كدا السودان حيكون نسخه من باكستان وماحيعيش ديمقراطيه حقيقيه.مجرد ديكور

يا عاصم يا خوي براحات الحياة أكبر بكثير من سودانيزاونلاين التي اغلب روّدها يعيشون خارج البلد ومهما كان التواصل و الزيارات قريبة برضو يوجد قاب ولا يحس نفس احساس العايش جوة
فا كونك تحكم على فشل - أو نجاح - تجربة كبيرة زي التحول البدأ و نعيشه الآن من خلال الانطباعات و ردود الافعال في الاسافير عموما و في سودانيز دا ما حيديك نتائج واقعية
ما يجري على الأرض غير, لا تعوّل على الاسافير عموما و سودانيزاونلاين خصوصا لعكس حقيقة ما يجري, هنا بنتونّس ساي

ياو دالبشرى حتى الونسه/الراى هنا دايرين يتحكموا ويصححو موضوعك ويصنفو ناقص يدوهو درجات

عادي ياها طريقتنا السودانية كدا, هسي شوف البوست دا مثلا, بوست يقدم عرض لبزنس خاص ما عمل حكومي او تطوّعي
ما غرضه كصاحب بزنس يناقش مواضيع لا تتعلّق بعرضه, لكن لا طالما كتب هنا يستحمل
دي كلها عادية في النهاية, الما عادي يقوم يلغي الفكرة مثلا بناء على ما دار في بوست في سودانيز!!
دا قصدي ليك, انت تحكم على تجربة كبيرة جدا جدا أكبر بكثير من كل اسافير العالم بالفشل بناء على تفاعل في صفحة صغيرة لا تضم اكثر من فاصل صفر صفر واحد بالمئة من اصحاب الشأن ولا تعكس أو تمثل ما يجري حقيقة على ارض الواقع.

انا فى الوسائط موجود ومتابع هنا وشريحه كبار سن وخارج السودان غالبا وتويتر مع شرائح مختلفه وفى الفيس شرائح نوع اخر سواء مجمواعات او خلافو وغير دا جوا البلد زول احسانا بمشى فى الشارع اعاين واشوف
الناس كل زول فى فقاعتو الخاصه اما الهم العام موضوع تواصل اجتماعى ووجود بين اصدقاء او شله.
الثوره والتغيير غلب عليهو شكليات اختفال بفتح قزازه شمبانيا او كافيهات على نمط جديد او حفلات ديرتى دانس او اعتراض طلبه حتى تفاصيل فى العمليه الاكاديميه خارجاطار معرفتهم ومسئوليتهم.اما التغيير والثوره الحقيقيه فى السودان الناس منتظرهانها تنزل غيث من السماء ومعونات وقروض والناس متظره تقطف ثمارها من غير تعب ليها حراثه او زراعه او حراسه
تحياتى ودالبشرى

الأحباب عاصم وودالبشرى
نقاش رائع ومداخلات في العمق
أتمنى أن تفتحوا بوست بنفس الموضوع

مداخلاتكم مفيدة

الحبيب حاتم الجاك .. تحياتي ..
طبعاً الحكاية تسويق وجميل أن تعرف أراء البعض من هم في الصالح والمعارض للعرض
هذه هي الفائدة المرجوة والمهمة جداً لتسنى لك دراسة الأمر بعمق ..
الشركة المتخصصة .. هذه الشركة مديرها الاستاذ / نصرالدين .. إذا كان ذلك
أذكر في السبعينات كان تلميذي في الثانوية العامة وكان متفوق جداً وصاحب كاريزما
أكيد شركة بقيادة نصرالدين سوف تكون ناجحة ..

تحياتي .. البوست مفيد بالنسبة لك لتتعرف على الآراء وكنوع من استطلاع للرأي
أرجو أن تتلقى كل الانتقادات بصدر رحب وبأنها معلومات قابلة للتداول ..

تحياتي الحبيب الجاك .. موفقين بإذن الله

اهلا وسهلا استاذنا علي عبدالوهاب وشكرا جزيلا على افادتكم ، وعن نفسي تجدني اتعامل بموضوعية مع كل ما ورد ويرد في البوست الذي كان القصد منه تعريف الناس وافادتهم بوجود هذه الشركة الموثوقة ذات الخدمات الراقية وهي الشركة المتخصصة للتأمين الطبي .
للتواصل واتساب 00249912342815
اتصال 00966501109077

شكرا استاذنا

شكرا اخي ياسر على حسن الظن ، وابشرك والجميع ان الشركة موجودة وتعمل على ارض الواقع وخدماتها على مدار الساعة ، تلفون خدمة العملاء في السودان 2627 ونسعد بزيارتكم لنا في الخرطوم المقرن عمارة الساحل والصحراء الطابق التاني المتخصصة للتأمين الطبي
للتواصل
واتساب 00249912342815
اتصال 00966501109077
تحياتي

نعم التكلفة معقولة جدا ، اما عن مصداقية الشركة يمكنكم زيارتها في الخرطوم في المقرن برج الساحل والصحراء الطابق الثاني
خدمة العملاء ٢٦٢٧ ولناس السعودية في الرياض في حي الروضة شارع ابن خلدون مقابل حديقة خزان الروضة مجموعة الدكتور إبراهيم الغنيم
للتواصل0501109077 او زيارة فرعنا في السفارة في الرياض او القنصلية في جدة
رقم الواتساب
00249912342815
شكرا لكم

الأخ حاتم وضيوف البوست

السؤال قد لا يكون ذي علاقة مباشرة بالخدمة العلاجية للشركة ...

حكاية السداد بعملة أخرى غير عملة البلد .... المسألة دي كيف بتتم؟؟

وكيف تعالج الشركة القيود المحاسبية لسداد أقساط العملاء؟؟؟

وبأي سعر يتم تقييم المقابل السوداني في القوائم المالية للشركة؟؟

وهل أصبحت القوانين تسمح باستلام قيمة الخدمات بعملات أخرى غير الجنيه السوداني؟؟


نورونا يا ناس ....

يامراحب اخي عبدالباقي الجيلي
السداد ليس بعملة اخرى لأن الخدمة مقدمة للمغتربين والسداد يتم بالريال السعودي حيث توجد فروع الشركة في الرياض وجدة ، يعني مافيش اي مشكلة مالية او محاسبية في الموضوع . اما المقر الرئيسي للشركة فهو في الخرطوم .

امنيات الصحة والعافية للجميع

الأخ حاتم

كلام عبد الباقى دا ما ترميه واطاة.. أسئلته وجيهة جدا و أظنك فات عليك معنى ما يقصد.

بإختصار اقول ليك: الممارسة هذه تعتبر تحويل عائد إنتاج سودانى الى الخارج بصورة غير قانونية.

اخي ابوالريش
السلام عليكم
اخونا عبدالباقي كان يظن ان الشركة تطلب من المغتربين السداد بالريال وهي
في الخرطوم ، وكان سؤاله عن كيفية معالجة القيود المالية والحسابات الختامية والقوائم المالية ، بينما واقع الحال يقول ان السداد لفروع الشركة في السعودية يتم بالريال او ما يعادله للذين يقيمون في بقية دول العالم .(الخدمة متاحة ايضا للمهاجرين «التامين للوالدين» )
اما عن قولك تحويل الاموال بطريقة غير قانونية ، فأقول اذا اراد المغترب ان يشتري اي سلعة او اي خدمة في السعودية ومن اي جهة فإنه سيدد بالريال ، فأين عدم القانونية هنا ؟ ، ثم ان هذه الشركة مسجلة رسميا في السودان وفي السعودية ولها مكاتب في السفارة في الرياض وفي القنصلية بجدة .

اللهم صل وسلم على سيدنا محمد وعلى آله وصحبه وسلم

سبحان الله وبحمده سبحان الله العظيم

سلام للجميع، طيب يا صاحب البوست لماذا لا تريد ذكر اسم الشركة؟ وارقام هواتفها؟ موقعها علي الشبكة العنكبوتية؟ موقعها جعرافيا هل هي في الخرطوم ام الرياض ام القاهرة ام تركيا؟ ام انك حضرتك مثلا
عميل وتريد عمولة من كل شخص يتسجل بواسطتك؟ طبعا دا من حقك انك تكون لديك عمولة لكن حاول اكشف لنا اسم الشركة ومقاراتها وتسلم

كدي حاول أقرا البوست تاني يا دقم

ود الخضر سلامات، شخصي اصلا قرا البوست ثم كتبت ما كتبت :) اما اذا كان هناك شيء رايح لي فياريت توضح مع احترامي وتقديري

طيب يا ود الدقم

Quote: لماذا لا تريد ذكر اسم الشركة؟

راجع المداخلة الأولى اسم الشرك مذكور بوضوح : المتخصصة للتأمين الطبي

Quote: وارقام هواتفها؟

مذكور : اتصل على خدمة العملاء من داخل السودان
على الرقم 2627
في تعليق آخر

Quote: موقعها علي الشبكة العنكبوتية؟ موقعها جعرافيا هل هي في الخرطوم ام الرياض ام القاهرة ام تركيا؟

لم يذكر الموقع الالكتروني لكن الموقع الجغرافي مذكور عنوان السوجان وعنوان الفرع في السعودية :
الخرطوم في المقرن برج الساحل والصحراء الطابق الثاني
خدمة العملاء ٢٦٢٧ ولناس السعودية في الرياض في حي الروضة شارع ابن خلدون مقابل حديقة خزان الروضة مجموعة الدكتور إبراهيم الغنيم

شكرا جزيلا اخي ودالبشرى

السلام عليكم
اسم الشركة مذكور في البوست هي المتخصصة للتأمين الطبي ومقرها في الخرطوم المقرن برج الساحل والصحراء
الطابق التاني ، تلفون خدمة العملاء 2627 ولها فرع في الرياض في حي الروضة ولها مكتب
في السفارة السودانية في الرياض ومكتب في القنصلية السودانية في جدة

اسمح لي ان اطلب منكم تحسين خدمات الرد على الارقام الهاتفية ،
وان تسلمو المهمة لموظفين مدربين على اعمال الكول سنتر

سلام اخونا حاتم

قبل كم يوم جا وفد يمثل شركة تامين في الجمعية ورئيس الوفد قال انو هو
أبو التامين الطبي في السودان وشركتو من ا كبر الشركات الفاعله والمعروفه
في عموم السودان
المهم أهلنا الدناقله ماقصرو دوروهو مع المجموعة المعاهو طلعوهو كوز وتموين شركتو
كيزانيه اشتغلو دفاع وبقو في التخارجوم

لو في شركة تامين نضيفه ونزيهه مافي داعي الخروج علي ا لمغتربين والشحده زي ناس الأراضي والمشاريع الفشنك

علي ضوء سمعتها الطيبة المغتربين بيمشو ليها في مكانهم وبالجنيه السوداني يسجلو فيها لاسرهم وكل من يهمهم امرهم

السلام عليكم
ليس دفاعاً عن الشركة لكن الشركة خرجت في رحلة ترويج لخدمة خاصة للمغتربين ، وهذه الخدمة مصممة للمغترب وبتفاصيل مختلفة عن الموجودين في السودان ، عموما خروج الشركة للناس ليس منقصة لها ، وللتعرف على الشركة يمكن زيارة موقعها على النت او زيارة صفحتها في الفيس او تحميل تطبيقها من الابل ستور او زيارة مقرها في الخرطوم ، المقرن ، عمارة الساحل والصحراء او الاتصال من السودان على خدمة العملاء 2627 .

Quote: وهذه الخدمة مصممة للمغترب

ما أهو الكلام دا زاتو الجاب علامات الإستفهام.. كيف يعنى مصممة للمغترب. المغترب ما بشر؟
بس كيف مصممة للمغترب؟

الحين ما قلنا شئ.. لها الحق تعلن فى أى مكان.. لكن نقول لا تشتروا هذه البوليصات إلا إذا نزلتوا السودان و قارنتوها بأسعار و كفاءة الشركات التانية.
البنقوله دا فيه توعية للمستهلك و ما أظنك تعترض عليه.

اخي ابوالريش سلام
انا ما معترض على اي شيء تذكره ، انا احاول ان اشرح لك وللجميع تفاصيل الخدمة لا اكثر ،اما سؤالكم لماذا مصممة للمغترب اقول ان الشركة المتخصصة للتأمين الطبي تعمل في السودان كما انها تعمل في السعودية ، وان بنود العقد مع العميل الموجود في السودان هي غير بنود العقد مع المغترب ، بمعنى ان التفاصيل المذكورة في هذا البوست تخص المغترب بينما الناس الموجودين في السودان لهم تفاصيل اخرى .
مثلاً :
1- نسبة التحمل مختلفة فالعميل المغترب يتحمل فقط %25 من قيمة الدواء ، اما العميل من داخل السودان يتحمل اضافة الى ذلك %25 في العمليات وهذه المغترب معفي منها .
2- العميل الموجود في السودان عليه ان يتحمل تكاليف الكشف الطبي (قبل) التعاقد مع الشركة ، بينما المغترب معفي من ذلك .
3- هناك تفاصيل اخرى وللمزيد يرجى التواصل على :
واتساب 002499123842815
اتصال 00966501109077
ارجو ان تكون الفكرة وضحت
تحياتي واحترامي

برضو يا حاتم.. السؤال ما زال قائم.
ليه العميل فى السودان يكشفوا عليه و كمان على حسابه .. ولو اكتشفوا انه عنده امراض معينة لا يقبلوه.. فى حين لا يكشفون على المغترب؟ يعنى لو المغترب عنده نفس المرض .
يعالجون بدون مشكلة

قال تعالى :
﴿ فَإنِّي قَرِيبٌ ﴾
أقصر جملة تُحسّسك بالأمان 🍀

المتخصصة للتأمين الطبي
الخرطوم
المقرن / برج الساحل والصحراء
الطابق التاني
تلفون خدمة العملاء
من داخل لسودان 2627
تلفون خدمة العملاء خارج السودان :
واتس 00249912342815
مكالمات 00966501109077

امنيات الصحة والعافية للجميع