Post: #1
Title: أعفاء مدير التلفزيون القومي
Author: زهير عثمان حمد
Date: 01-05-2020, 02:45 PM
Parent: #0
01:45 PM January, 05 2020 سودانيز اون لاين
زهير عثمان حمد-السودان الخرطوم
مكتبتى
رابط مختصر
إعفاء ابراهيم البزعي من مهامه، وتكليف وكيل أول وزارة الثقافة والاعلام الرشيد سعيد بمهام مدير الهيئة القومية للإذاعة والتلفزيون مؤقتا
|
Post: #2
Title: Re: أعفاء مدير التلفزيون القومي
Author: محمد قسم الله محمد
Date: 01-05-2020, 02:47 PM
Parent: #1
البزعي ده زاتو جابو مدير كيف ما تعرف.
في طرطشه حاصله
|
Post: #3
Title: Re: أعفاء مدير التلفزيون القومي
Author: خضر الطيب
Date: 01-05-2020, 02:55 PM
Parent: #2
| Quote: الرشيد سعيد بمهام مدير الهيئة القومية للإذاعة والتلفزيون مؤقتا |
اتمنيتو يكون في الموقع دا
عشان ينضف الوسخ الكيزاني من جهاز يفترض انو قومي
|
Post: #4
Title: Re: أعفاء مدير التلفزيون القومي
Author: عبد الصمد محمد
Date: 01-05-2020, 03:56 PM
Parent: #3
سلام أبوالزوز وخدوري
ما قلنا ليكم أصبروا نعم في حاجات كتيرة عايزة تتغير بس ما تستعجلوا عليها
فزي ما قال الأخ خضر تعيين الرشيد حيكون أسوأ خبر يسمعه الكيزان
وحلفاؤهم ويثلج صدور الوطنيين من الإعلاميين داخل وخارج الجهاز
|
Post: #5
Title: Re: أعفاء مدير التلفزيون القومي
Author: Salah Zubeir
Date: 01-07-2020, 08:03 AM
Parent: #4
Quote: اتمنيتو يكون في الموقع دا
عشان ينضف الوسخ الكيزاني من جهاز يفترض انو قومي |
Quote: تعيين الرشيد حيكون أسوأ خبر يسمعه الكيزان
وحلفاؤهم ويثلج صدور الوطنيين من الإعلاميين داخل وخارج الجهاز |
هههه ... فتأمل ...
شالو كوز وختو بدالو شيوعي ...
الله غالب ... نقوم من حفرة ونقع في حفرة ...
جوز اللوز ديل (شيوعي وكوز) مصدقين فعلا
انو القومية والوطنية صارت حصرا عليهم ...
معقوله مافي إعلامي سوداني نضيف يمثل
غالبية أهل السودان من غير الشيوعيين والكيزان؟
|
Post: #6
Title: Re: أعفاء مدير التلفزيون القومي
Author: خضر الطيب
Date: 01-07-2020, 09:18 AM
Parent: #5
حبيبنا ابو صلااااح يا فلة (فلة دي جمعها فلول )
ياخ طولنا من المتعة دي
هههههههههه
Quote: هههه ... فتأمل ...
شالو كوز وختو بدالو شيوعي ...
الله غالب ... نقوم من حفرة ونقع في حفرة ...
جوز اللوز ديل (شيوعي وكوز) مصدقين فعلا
انو القومية والوطنية صارت حصرا عليهم ...
معقوله مافي إعلامي سوداني نضيف يمثل
غالبية أهل السودان من غير الشيوعيين والكيزان؟ |
الشيوعي دا ما سوداني في نظركم يا فلة ؟
بعدين انت عرفتا كيف انو شيوعي
ياخ دا رجل اعلامي من طراز فريد
و اشتغل ضد الكيزان ديل و بظهر ليهم كل يوم في القنوات الاوروبية
و كان دبلوماسي شالوهو الكيزان اول ما وطئت اقدامهم النجسة ارض السودان الطاهرة
و اشتغل اعلامي في كتير من المؤسسات الصحفية و الاعلامية في فرنسا كان اخرها قناة فرنسا 24
و اول سوداني يترشح في الانتخابات البلدية الفرنسية و فاز
انا متأكد انو فرنسا دي لو مشى ليها في عمر صغير شوية كان هسي بكون رئيس فرنسا
عموماَ بعد ما يحلق لفلول التلفزيون بنوصي يحولوهو لوزارة الخارجية البؤرة السوداء
انا كاعلامي الرشيد سعيد يعقوب يمثلني :)
كنت اتمنى يكون وزير اعلام و الرجل بستحقها عن جدارة
ابقو مارقين يا فلول من غير يطردوكم خلو عندكم دم:)
|
Post: #7
Title: Re: أعفاء مدير التلفزيون القومي
Author: Salah Zubeir
Date: 01-07-2020, 10:18 AM
Parent: #6
| Quote: (فلة دي جمعها فلول ) |
يا ها بت عم كوز ورمادي ..
| Quote: ياخ طولنا من المتعة دي |
تدفرو الواحد دفر لي الكلام الما ياهو ..
ما كانن ديل نقطتين وإنتا نازل إسكتو بس ...
| Quote: الشيوعي دا ما سوداني في نظركم يا فلة ؟ |
هههه دي ما المشكلة ... المشكلة إنو أي شيوعي
سوداني بفتكر إنو الما شيوعي زيو يا كوز او ما
سوداني ... حل دي .. ونبصم ليك بالعشرة إنك
سوداني ...
| Quote: بعدين انت عرفتا كيف انو شيوعي |
من عمايل نميري معاهم في ٧١ .. الشيوعي
ممكن يقول انو سلفي لكن صعب يعترف ..
بعدين هو مش متزوج بت (الشهيد) بابكر النور
قايد إنقلاب ١٩٧١ الشيوعي ...
وهو مش مرشح اليسار الفرنسي في انتخابات
البلدية الفاز بيها في فرنسا ...
وتيب ...
| Quote: انا كاعلامي الرشيد سعيد يعقوب يمثلني :) |
ههههههاي .... إعلامي (بس) ... ياخي تخ ...
| Quote: ابقو مارقين يا فلول من غير يطردوكم خلو عندكم دم:) |
يعني حا نشوف التمكين الأصلي .. بتاع الكيزان بي
سجمو ورمادو سوف يكون أرحم ..
وإن عدتم عدنا ...
|
Post: #8
Title: Re: أعفاء مدير التلفزيون القومي
Author: bakri abdalla
Date: 01-08-2020, 07:39 AM
Parent: #7
يا صلاح الزبير الناس ما عندها مشكلة مع الشيوعيين حزب أمة إتحاديين جمهوريين أو أو .... حتى لوكان الشيطان الرجيم طالما أنهم سودانيين
لك أن تعلم أن المشكلة مع الكيزان الحرامية عديمي الإنسانية
|
Post: #9
Title: Re: أعفاء مدير التلفزيون القومي
Author: Salah Zubeir
Date: 01-08-2020, 08:46 AM
Parent: #8
| Quote: يا صلاح الزبيرالناس ما عندها مشكلة مع الشيوعيين |
تحياتي بكري ...
يا بكري يا أخوي لو كنا عارفين الكيزان
حرامية وعديمين إنسانية ما كنا خليناهم
حكمونا ٣٠ سنة ... المشكلة عند الكيزان
والشيوعيين المشاريع الاسلاموماركسية
العايزين يطبقوها في البلد والبتعتمد علي
غسيل أمخاخ هذا الشعب وللإعلام دور
رئيسي فيها .. دا غير تنظيماتم المتشابهة
كالدفاع الشعبي وكتايب وطلايع الشبيبة
الماركسية ... الخ ...
الطرفين يسعون وسعو للسلطة مش عشان
يرفعوا شأن البلد اقتصاديا وسياسيا واجتماعيا
ويقدمو خدمات لهذا الشعب وإنما همهم الأساسي
هو إنزال المعتقدات التي يؤمنون بها علي هذا
الشعب ...
الكيزان ومشروعهم الحضاري انتهو وطلعو
حرامية وعديمين إنسانية ...
الله أعلم بتاعين دكتاتورية البروليتارية
يطلعو شنو ...
البلد دي لن تحكم بي حزب عقائدي تاني ..
جملتك الفوق دي فيها شوية عوجه .. إلا
إذا افترضتا إنو أنا والكثيرين غيري ما ناس ...
|
Post: #10
Title: Re: أعفاء مدير التلفزيون القومي
Author: اخلاص عبدالرحمن المشرف
Date: 01-09-2020, 03:20 AM
Parent: #9
السلام عليكم
التلفزيون تحسن
بقيت اقدر اشوف في لمدة معقولة
الشعار القديم كما هو بجانبه شعار الثورة
رفع الأذان قائم والجمعة واضيف له برنامج
الأحد للأخوة الآكارم المسيحين
المشكلة وين ؟ المشكلة الناس ما دايرة تنوع
تعودنا علي الاتجاه الواحد
والمشكلة انه السودان متنوع شديد داير
غربلة عشان نقدم الأجمل لكل مجموعة ودي صعبة
مع التناحر الحاصل
|
Post: #11
Title: Re: أعفاء مدير التلفزيون القومي
Author: ترهاقا
Date: 01-09-2020, 04:01 AM
Parent: #10
| Quote: ياخ دا رجل اعلامي من طراز فريد |
كلام من رجل في المجال الاعلامي يجب ان ننظر له بإهتمام
الاعلاميين بيعرفوا بعضهم كويس ككل باقي المجالات ، لم لا نأخذ برايه؟
|
Post: #12
Title: Re: أعفاء مدير التلفزيون القومي
Author: خضر الطيب
Date: 01-09-2020, 04:44 AM
Quote: يا بكري يا أخوي لو كنا عارفين الكيزان
حرامية وعديمين إنسانية ما كنا خليناهم
حكمونا ٣٠ سنة . |
ههههههه
آمنت بالله... نكرتا معرفتك بيهم حطب ؟ و الله خوة اللستك كعبة بالحيل
صلاح الزبير يا فلة انت ما كنت عارف الكيزان حرامية و عديمين انسانية و تجار دين ؟
الكيزان ديل لما جو يا ابو صلاح انت كنت بترضع رضاعة طبيعية و لا بالبزازة ؟ يعني طفل رضيع و كده
و لا كنت بالغ و لا وضعك كان شنو ؟
ح ارجع لمداخلتك المترية الفوق ديك
بس حبيت امخمخ في الكوت بتاعك دا .. لذييذ كيف :)
قلتا لي ما كنت عارف ؟ يا ريتني كنت عارف
السنين ضاعت وا حسرتي
|
Post: #13
Title: Re: أعفاء مدير التلفزيون القومي
Author: Salah Zubeir
Date: 01-09-2020, 06:33 AM
Parent: #12
يا رفيق ... مرحب حبابك ..
انا جاييك للكتبتو دا والحا تكتبو ..
أصلو ما تشفق ... انا في حالة حركة ..
اول ما أستقر بوريك النكر حطب منو ..
المشكلة الحاجات كلها كانت تحت بصر
شعبي العزيز وما في زول طفا النور ...
ههههه
|
Post: #14
Title: Re: أعفاء مدير التلفزيون القومي
Author: Salah Zubeir
Date: 01-09-2020, 06:43 AM
Parent: #13
بعدين (فلة) دي لا تليق بي
(إعلامي) معتق زيك (يرنو)
ويتجمل ليسعه التمكين القادم
لا محالة ... أخير منها كوز عديييل ..
دا عشان ال CV لا يأتيها الباطل
من حيث لا تدري ...
|
|