حكومة الجوع حكومة الذل حكومة القهر حكومة رفع الدعم.. تسقط بس. حكومة ترفع اسعار كل السلع والخدمات لأكثر من ٥٠٠٪ في شهر واحد وترفع سعر الرغيفة لأربعة جنيهات دقة واحدة لا يمكن وصفها الا كحكومة جوع وفقر وقهر والا فكيف ستقنع - سيدي الرئيس- الجياع عن أهمية التعليم والصحة؟
Post: #2 Title: Re: حكومة الجوع Author: اخلاص عبدالرحمن المشرف Date: 12-28-2019, 07:11 AM Parent: #1
قالو البنزين والجازولين الباقي ده جبتو من وين
التاج قول بسم الله
Post: #3 Title: Re: حكومة الجوع Author: اخلاص عبدالرحمن المشرف Date: 12-28-2019, 07:16 AM Parent: #2
إياك تقول كلو ح يرفع
في فطور وغاز ومدرسة
اللحمة ال برفعها شنو الفول والعدس تبع السندويتش والعيش مدعوم والترحيل مسكوا بصات الخرطوم لواحد لو فشل لا تأخذنكم به رحمة تاني في شنو
Post: #5 Title: Re: حكومة الجوع Author: منتصر عبد الباسط Date: 12-28-2019, 07:27 AM Parent: #3
Quote: حكومة الجوع حكومة الذل حكومة القهر حكومة رفع الدعم.. تسقط بس.
لا يوجد وجه مقارنة بين عهد الكيزان وهذا العهد بعدين البي اللون الأحمر ديل ليستا موجودتان في حكومة قحت خت بدلن حكومة الغباوة والدقسة الكبرى وحتى لو سقطت حكومة قحت فسقوطها لا يعني عودة الكيزان فلا يفرح بني كوز إن مكرهم إن جهله الغافلون فإن الله به عليم وهو حسبنا ونعم الوكيل
Post: #6 Title: Re: حكومة الجوع Author: عمر التاج Date: 12-28-2019, 07:42 AM Parent: #5
Quote: بعدين البي اللون الأحمر ديل ليستا موجودتان في حكومة قحت
ومن قال لك ان القهر يعني القهر الأمني الذي عرف عن الكيزان فقط الجوع هو سيد القاهرين يا عبد الصمد، والفقر هو رأس البطش اما البطش السياسي فقد مارسته حكومة قحت من اول يوم عندما صرح الناطقون بها الا منصب ولا وظيفة في عهد الثورة إلا لمن يؤمن بميثاق الحرية والتغيير اما الرغيفة يا د. إخلاص فقد بيعت بجنيهين وثلاثة قبل تطبيق سياسة رفع الدعم وكل المؤشرات تقول انها سيبلغ سعرها الجنيهات الأربعة خلال ايام فهل هذا رفع الدعم ام زيادة خفية لأسعار الدقيق؟ اما عن كيفية زيادة اسعار كل السلع والخدمات لمجرد زيادة اسعار المحروقات فهو معلوم للصغير والكبير.. كل السلع والخدمات في العالم تتأثر باسعار عوامل إنتاجها وترحيلها و دخول منتجيها ومعلوم بالضرورة ان الزراعة والصناعة والنقل والتعليم والصحة، وحتي راعي البقر والضان ومايرعاه والفول والعدس واللبن والخبز لا تنتج ولا تتغذي الا على البنزين والجازولين ومصادر الطاقة البديلة.
Post: #23 Title: Re: حكومة الجوع Author: Asim Ali Date: 12-29-2019, 06:28 PM Parent: #3
Quote: في فطور وغاز ومدرسة
الغاز من نهابات الانقاذ ماشى فى زياده وصل لغايه 200 وفى ظروف شركات احيانا طبعا مافى غاز الا لما يكون على المشترى دلائل قبول بدفع اكتر بدغوى جلب الغاز من محل اخر . مش كدا عندنا فى الحى بيت ببيعو العاز من غير محل مجرد غرفه فى البيت توضع فيها الانابيب دون حتى اشتراطات السلامه للنوع دا من النشاط وطبعا كميه الانابيب دى بيتحصلو عليها دون تراخيص من الجهات الرسميه للنوع دا من النشاط. . فى حاجات موجوده مش لانها دايره قرار سياسى وشماعه تركه 30 سنه وانما تفعيل اجهزه الرقابه لتقوم بواجبها ودا ماحاصل
Post: #4 Title: Re: حكومة الجوع Author: عمر التاج Date: 12-28-2019, 07:26 AM Parent: #1
هل يعلم د. حمدوك أو هل يعلم السيد ابرهيم البدوي أو هل يعلم البنك الدولي من ورائهما أن أكثر من نصف الشعب السوداني يعيش على حد الكفاف وان هنالك أسر تعيش في أطراف العاصمة القومية لا تجد وجبة واحدة في اليوم تسد رمق اطفالهم الا بشق الانفس وهل يعلم هؤلاء السادة ان كثير من المواطنين في قري السودان البعيدة لا يجدون حق ملوة الذرة الفتريتة، لكي يصنعوا بها حرف كسرة يابسة لاطفالهم وان طبق الفول أصبح أمنية صعبة المنال لأسر نسيت تماما طعم اللحم ورائحة مرقه فكيف سيكون حال هذه الاسر بعد أن تزيدهم غلاء على غلائهم؟ وكيف سيكون رد فعلهم وقد استبشر ا بالثورة خيرا وقيل لهم ان حمدوك سيخفض لكم اسعار السلع والخدمات ويسهل لكم أمور حياتكم؟ هؤلاء يا حمدوك سيكونون خصماؤك امام الله لم أشعلت عليهم الحياة غلاءا وزدتهم فقرا وهذا فراق بيني وبينك يا حمدوك ان لم تدعم السلع التي كانت المدعومة اصلا، وتزيدها دعما لأجل مواطن ينشد الحياة الكريمة..
Post: #7 Title: Re: حكومة الجوع Author: اخلاص عبدالرحمن المشرف Date: 12-28-2019, 07:53 AM Parent: #4
بس البنزين والجازولين دي معركة الكرامة الكبري الخليج رفض بدعمكم والبرميل ح يصل متين من الان شوفوا البديل
ما تعشوا روحكم ، ما في حل اما الرفض لرفع الدعم عن البنزين فهو فعل طفولي
دي الدولة وزي الموارد
Post: #8 Title: Re: حكومة الجوع Author: عمر التاج Date: 12-28-2019, 08:00 AM Parent: #7
بإختصار نقاط حول رفع الدعم # ماهو الدعم؟ هو الفرق بين السعر العالمي والسعر البتببع بيهو الحكومه الوقود للمواطن . بيكون دعم فى حاله ان السعر العالمى اعلي من سعر البيع للمواطن # السعر العالمي مقوم بالدولار وسعر البيع بالسوداني ( ده معناهو لو رفعو الدعم بنسبة 100% والدولار زاد معناها تاني فى دعم لازم يترفع) . وهكذا حالة رفع دعم مستمره .الحل السليم هنا معالجات استقرار سعر الدولار وليس رفع الدعم. # من الخطأ نفهم انو رفع الدعم ماحيتضرروا منو الفقراء لانو ببساطة مجرد رفع الدعم المستوي العام للأسعار حيرتفع بالتالى الفقراء حيتأثروا . # من الخطأ نفهم انو الدعم بستفيدوا منو الطبقه الغنية فقط ، لنفس السبب فى النقطة السابقة.لذلك الحكومات بتدعم السلع ماعشان خاطر عيون الاغنياء. # توجيه الدعم للمستحقين : بمعنى انو تصرف للناس التعبانين (اللى هم فوق لل80% من السودانيين) زيادات في المرتبات أو بطاقات كوته ، كدا مبلغ الزياده البتدي ليهم حيكون اقل بكتير من معدل الغلاء الحيسببوا رفع الدعم مثلا تزيد مرتبو مليون فى الحالة دى مثلا اذا مؤجر سيد البيت حيعمل ليهو زياده 2 مليون فى الشهر ، غير زيادات بقية اسعار السلع كدة المليون اخير عدمو . # هل رفع الدعم حل ؟ بالنسبة الحكومة اى حل ساهل لسد عجز الموزانة ولكن هو فى حد زاتو ماحل ولاعلاج لمشاكل الاقتصاد لأنو هو اساسا عرض لمرض وليس سبب . زي الحمي المصاحبة للمرض علاج الحمى مامعناهو علاج المرض .
# والحل شنو ؟ حل الازمة الاقتصادي نفسها عن طريق عمل برنامج حل متكامل يستهدف الازمة الاقتصادية الحقيقية (عاوزه بوست منفصل) وهذا البرنامج ينفذ بصرامة يبدأ بالادارة الرشيدة للازمة وإصلاحات للقطاع المالى العام والخاص وتنشيط القطاعات الإنتاجية . وإذا الحكومة دى أو غيرها ماقدرت تخت برنامج حقيقي لعلاج الازمة الاقتصادية في الحالة دي مابنقدر نقول عندنا حكومه . منقول؛
Post: #9 Title: Re: حكومة الجوع Author: عمر التاج Date: 12-28-2019, 08:02 AM Parent: #8
العلاج الصدمة والرفع التدريجي !!! التقديم العاطفي غير موفق لموازنة تعكس واقعنا الاقتصادي البائس بدت من خلال تعابير وجه فيصل محمد صالح .. الرفع التدريجي بتعملو دول عندها احتياطات وبرامج بتمتص بيهن آثار ارتفاع الاسعار بي جدول واضح لكن دولة خزينتا خلا بنعالج بالصدمة طوالي بتحرر الاسعار وتزيد الرواتب بمكافي معقول ومدروس .. الكلام في دولة زي السودان عن مجانية علاج وتعليم اثارو صادمة على المواطن لما يمشي المستشفى الحكومي ما يلقى حقنة ولا شاش ويمشي المدرسة الحكومية يلقاها فيها استاذين وبالمناسبة الحاجات دي في الورق كانت مجانية في الانقاذ فأحسن الحكومة ما تجيب السيرة دي ... كويس انو المواطن عرف وضع البلد الاقتصادي عشان ما يجو الساسة الكضابين يطلسو ليهو بحكايات مليارات الدولارات .. الرفع التدريجي بدون تحرير كامل هو زيادة اسعار اكتر من انو رفع دعم مفروض يتوجه للانتاج ويحقق وفرة في السلع .. ما زالت الحكومة كسابقتها تعتبر المواطن غير جدير بالاطلاع على حقيقة الوضع الاقتصادي ويمكن خداعه برفع وهمي للرواتب او بيع وهم مجانية الخدمات !!! منقول؛
Post: #10 Title: Re: حكومة الجوع Author: عمر التاج Date: 12-28-2019, 08:42 AM Parent: #7
ما البنزين بس يا دكتورة السنياريو اكبر من ذلك واعظم من مجرد فشل اقتصادي الحقيقة المرة هي حقيقة اخضاع السودان و موارده وشعبه لإرادة خارجية تحت مسمى المساعدات والدعم الدولي الحقيقة هي الوصول بالمواطن السوداني لادني درجات الفقر والعوز حتى يستسهل كل أمر صعب فيما عداه.. أما الحلول فالجميع يعلم انها حلول داخلية ليس بينها مساعدات ولا دعومات السودان غني بموارده عظيم بفوائده، ولكنها تحتاج لارادة جبارة تكون بمستوى عظمة الشعب دول الخليج التي نتوق لدعمها ليست بأفضل من السودان حتى ينتظر منها حمدوك دعم موازنته والبنك الدولي ليس جهة ذات موارد حقيقية، بل هي مجرد حسابات سياسية قد تصيب وفي الغالب تخيب إذن الحل الحقيقي يكمن في الاتجاه نحو موارد الداخل.. الحل الحقيقي يجب أن يكون بتكثيف الزيارات الي مناطق الانتاج لا امريكا واوربا الحل الحقيقي في تفجير طاقات البلد البشرية والمادية، واستخراج خيرات الزراعة والمعادن والنفط بصورة حضارية وليس مجرد خبط عشواء كما هو حاصل الان. تفكير حمدوك يجب أن يرقي
Post: #11 Title: Re: حكومة الجوع Author: خضر الطيب Date: 12-28-2019, 09:05 AM Parent: #10
عمر التاج يا فلة :) ما تبرر و تبربر خلي الناس تشوف شغلها دا المتاح يا دكتور لو عندك حلول اطرحا غير كدا ببقى كلام ساي
Post: #12 Title: Re: حكومة الجوع Author: Gafar Bashir Date: 12-28-2019, 10:16 AM Parent: #11
تحياتي يا اخلاص
الانقاذ 30 سنة ما سمعناها قالت رفعت الدعم عن اللحمة ولا رفعت الدعم عن الطماطم
رقع الدعم عن البنزين هو تلقائيا بيرفع جميع الاسعار في السوق بدون بيان
Post: #13 Title: Re: حكومة الجوع Author: اخلاص عبدالرحمن المشرف Date: 12-28-2019, 10:32 AM Parent: #12
سبحان الله أربعة شهور ما تمت حكومة حمدوك رفع الدعم لا بد منه والا انتخابات مبكرة زي ما قال الصادق
والحشاش يملأ شبكته
Post: #14 Title: Re: حكومة الجوع Author: عمر التاج Date: 12-28-2019, 11:10 AM Parent: #13
كذبة زيادة المرتبات
تجمع المهنيين كانت عندهم مسيرة للبرلمان للمطالبة برفع الحد الادني للرواتب من ٤٠٠ جنيه سوداني الي ٨ الف جنيه ونص.
الليلة وحكومتهم مقبلة علي ارتكاب جريمة اقتصادية بحق الشعب المسكين تراجعو عن مبدأ ومطلب رفع الحد الأدنى للأجور الي زيادة المرتبات.
طيب كدي تعالو نتسال عن موضوع المرتبات دا
الحد الأدنى للمرتبات في السودان ٤٠٠ جنيه سوداني يعني زيادة المرتبات بنسبة ١٠٠% حتبقا ٨٠٠ جنيه ، وفي نفس الوقت لو قمنا بزيادة سعر جالون البنزين ل٩٨ جنيه ، في ظل سعر البنزين ٢٨ جنيه كانت المواصلات من الكلاكلة للعربي ماشي وجاي بي ٣٠ جنيه يعني في الشهر ٩٠٠ جنيه.
تخيلو معاي زيادة سعر البنزين بنسبة ٣٠٠% يعني ارتفاع سعر التذكرة من العربي للكلاكلة ل ٩٠ جنيه ماشي وجاي، يعني ٢٨٠٠ في الشهر مواصلات بس.
يعني زيادة المرتبات في حدها الادني ل ٨٠٠ جنيه وفي المقابل زيادة تذاكر المواصلات فقط ل ٢٨٠٠ جنيه في الشهر ، يعني عجز ٢٠٠٠ جنيه شهريا من ميزانية موظف الدرجة التاسعة. طبعا دا اذا كان الزول شغال عشان يدفع حق المواصلات بس وماعندو اي اللتزامات تانية.
اذا حنك زيادة الرواتب دا كلام فارغ ساي من حيث هو معالجة
الحاجة التانية عدد السودانيين الشغالين وعندهم وظائف ورواتب لايتجاوز ال٢ مليون سوداني من مجمل ٣٥ مليون نسمة في السودان ، يعني ابراهيم البدوي والقحاتة شايفين السودان دا فيهو ٢ مليون.
اذا زيادة المرتبات لن تؤثر في معيشة السودانيين بشكل ايجابي ، وبالمقابل اثر تدميري لزيادة اسعار المحروقات اثر سيظهر في النقل والمواصلات والاستهلاك اليومي. منقول بتصرف..
Post: #15 Title: Re: حكومة الجوع Author: عمر التاج Date: 12-28-2019, 11:42 AM Parent: #13
خضر الطيب ياصديق كيفنك يا جدادة؛
Quote: ما تبرر و تبربر خلي الناس تشوف شغلها دا المتاح يا دكتور لو عندك حلول اطرحا غير كدا ببقى كلام ساي
نحن لانقدس الأفراد والأشخاص، ولكن نحترم البرامج متى ما احترمت الشعب حمدوك وقفنا معاهو أربعة شهور لانه كان امل المواطن في الرفاهية والتغيير اما وقد تحول لسياسات البنك الدولي ضد المواطن المسكين الأعزل، فوالله لن يجد منا الا ما وجده سلفه البشير حتى يؤوب أو ينقشع البلد مليانة كفاءات واقتصاديين عايشين واقع البلد مش واقع المنظمات الدولية ولئن ذهب حمدوك وكل طاقمه فمثل هذه الحكومة يمكن أن تخرج مثلها من اقرب محلية.. ماتسمعوا صيحات الدجاج المرتزق يعوعي ليلقط الحب.. هذا الاتجاه سيسقط حجر اي حكومة في هذا التوقيت اما حكاية الدعم المباشر وزيادة المرتبات فهذه مخدرات موضوعية اخذ منها للشعب كفايته من قبل واصبحت لديه مناعة ضد الأكاذيب والأمنيات الجوفاء..
.. ..
Quote: أربعة شهور ما تمت حكومة حمدوك رفع الدعم لا بد منه
ما دي يا ها المصيبة ذاتها يا دكتورة.. اربعة شهور بس الحكومة ما قادرة تصمد في دعم السلع أربعة شهور ما اتحملت تحافظ على الحد الذي استلمت فيه البلاد أربعة أشهر وحال المواطن ازداد بلاءا ومسغبة الاسعار كلها حاتزيد وانفجر نتيجة زيادة الوقود المرتبات لا يتقاضاها من الدولة الا حفنة من الموظفين يرتزقون اصلا من موارد غير الوظيفة المواطن المسكين يتحمل وضع فوق طاقته الان وكان ينتظر الفرج من حمدوك في شكل تخفيف المعيشة وتخفيض للأسعار.. يجي حمدوك بعد ٤ شهور بس يطبظها ويرفع الدعم التعبان من المواطن الأكثر تعبا؟ المواطن الذي ثار ضد الكيزان يا إخلاص لم يثر لان التعليم كان بقروش ومافي وجبة مدرسية ولم يثر لان المستشفيات تعبانة، ولم يثر لان الكيزان كضابين وتجار دين الشعب ثار مرتين وقدم الشهداء مع كل زيادات في أسعار الخبز والبنزين
Post: #16 Title: Re: حكومة الجوع Author: عمر التاج Date: 12-28-2019, 01:45 PM Parent: #15
إذا حدث الانفجار السعري السلع والخدمات من جديد نتيجة لزيادة اسعار الوقود، فليس للمواطن المسكين خيارات غير هذه: -اما ان يكون عفيفا وينتظر الموت جوعا في بيته - وأما يحترف الرشوة والكومشنات في وظيفته ويكتسب منها كسلا غير مشروع ليعوض الفارق المهول - أو أن يتمرد ويحمل السلاح ويعيش على السلب والنهب والغنائم. - وأما ان يصبح وزيرا أو مدير مؤسسة ياكل مجانا ويشرب مجانا ويترحل على حساب الحكومة.. - غير كده الا ان يلحق بنا في بلاد المهجر، يا غرق في المحيطات يا وصل مذلولا مدحورا. -و
ههههههههه انا بقيت جداده يا عمر ؟ انحنا ديوك و لي حمدوك واقفين معاهو قنا انت زول عندك امكانيات و ممكن تساهم في المسيرة دي بي حقك ابقى مارق بس
Post: #19 Title: Re: حكومة الجوع Author: كمال عباس Date: 12-28-2019, 06:50 PM Parent: #18
رفع الدعم وزيادة معاناة الشعب أمر مرفوض ,,, لابد من إيجاد حلول للأزمات- قصيرة وطويلة المدي للإقتصاد ومواجهة الأزمات والدمار الذيتسبب فيه عهد الإنقاذ المشؤم مقرونا بنهب الموارد والفساد ,, من الجيد والضروري نقد إي إتجاه يزيد من معاناة الجماهير من قبل قوي التغيير والثورة...ولاعزاء للفلول وأبواق النظام البائد و كل من أيده خفية أو علانية أو برر له - أو صمت عليفساده وعلي إفقاره للشعب ,,
Post: #20 Title: Re: حكومة الجوع Author: عمر التاج Date: 12-28-2019, 07:23 PM Parent: #19
Quote: انا بقيت جداده يا عمر ؟ انحنا ديوك و لي حمدوك واقفين معاهو قنا انت زول عندك امكانيات و ممكن تساهم في المسيرة دي بي حقك ابقى مارق بس
مرحبا بالديوك السودانية وعقبال تبقوا زي ديوك فرنسا هههه وما تجيب لها سترات صفراء.. وبالمناسبة يا خضر، الحكومات والأحزاب السياسية انا ما ضد اي واحد من حيث المبدأ ماعندي مشكلة مع أي فكر أو تنظيم أو حزب أو حكومة وكلها بعتبرها تجارب انسانية تستحق الدراسة والتامل صحيح بيكون في تباين في أساليب الحكم والمعارض وبتكون في نجاحات واخفاقات ولكنها كلها متعلقة بالعوامل المحيطة. لذا انا من حيث المبدأ ما ضد اي جهة وفي المقابل لن أكون مبدئيا مع أي حزب أو جماعة أو حكومة بحاول اوطن نفسي مع الفكرة ودعمها ان رأيت فيها إصلاحا، وانتقدها ان رأيتها ضارة، حتى يتضح صباحها من طلاحها.. لذا فحمدوك حبيبنا مهما قسونا عليه، وندعمه في كل شى الا ثلاثة.. حاجة اسماء، ورفع الدعم.. بصراحة رفع الدعم سياسة جبانة ولا تعتبر انجازا بل هي اكسل الطرق لوزن الموازنات يعني لو اجتهد حمدوك في الزراعة أو الطاقه أو النفط والتعدين وحاول يظبط الموازنة من خلالها ثم فشل.. بنقول لا ملغمة عليه، وله اجر المحاولة.. ولكن الرجل ما اشتغل على اي الية وطوالي شاف أقرب السبل أو الحيطة القصيرة زي مابنقول ووضعها نصب اعينه هدفا للحكم، وده كلام ما بستقيم مع عقلية حكم ثوري جاء لخدمة الناس.. .. اخونا كمال حبابك،
Quote: رفع الدعم وزيادة معاناة أمر مرفوض ,,, لابد من إيجاد حلول للأزمات- قصيرة وطويلة المدي للإقتصاد ومواجهة الأزمات والدمار
خلينا ناتلف فيما اتفقنا عليه الحقيقة اذا كانت حلوة أو مرة علينا أن نتقلبها ونعمل بها غض النظر عن اتفاقاتنا الاخرى أو اختلافاتنا.. رفع الدعم مضر بالمواطن الضعيف الذي جاء بالثورة.. فلستوب.. أما ابواق النظام البائد والعلانية والاخفاء فأنت مسؤول من محاسبتهم وفضحهم بالقانون، لأن السلطة الان بيدك كاملة.. لذا عليك بانجاز ذلك فعلا لا تلميحا، أو قل خيرا او اصمت.
Post: #21 Title: Re: حكومة الجوع Author: كمال عباس Date: 12-28-2019, 09:52 PM Parent: #20
الفلول والأبواق تحاسب بالقانون في التجاوز الذي يقع تحت طائلة القانون ولكن محاكمة المواقف فيما هو دون ذلك يتم بالفضح والتعرية والملاحقة السياسية والإعلامية وهذا ما نقوم به ،،نقد حكومة حمدوك مطلوب ومرغوب وخصوصا ان جاء من كل حادب علي الثورة ورافض لنظام الإنقاذ الذي تسبب فيما نحن فيه -دمارا ونهبا وفسادا
سلام عمر التاج و زوارك الكرام البوست ده واحد من مجموعة بوستات بتهاجم الميزانية مع انو لا توجد ميزانية الى الان بالمعنى القانوني للكلمة ما هو مطروح الان مرحلة من مراحل اعداد مقترحات الميزانية و تسمى مناقشة مقترحات الميزانية وحتى المناقشة دى بتمر بى مراحل اخرها مجلس الوزراء كأعلى سلطة تنفيذية و بعد الاتفاق عليها يقوم تمريرها او رفعها .... و ليس اجازتها ... للجهاز التشريعي المعنى بالتصديق عليها و اجازتها و اعتمادها بعد خضوعها لقراءات متعدده حتى بعد داك تبقى ميزانية اها الميزانية دى فى معناها العام منصرف يقابله مصدر دخل يغطى هذا المنصرف اها الدخل ده ليه تلاتة احتمالات مصدر الدخل يغطّى المنصرف النتيجة هنا صفر مصدر الدخل يغطى المنصرف و يزيد النتيجة هنا وفرة مصدر الدخل لا يعطى كل المنصرف النتيجة هنا عجز و التلاتة حالات دى عندها معالجات بيعرفوها اهل الاختصاص بيضمنوها مقترح الميزانية انزل بيك تحت شوية من اهم المطالب لعلاج الخلل الاقتصادي .. العجز ... هو تخفيض الانفاق الحكومي معاى برضو من اهم المطالبات مجانية التعليم و الصحة و ده مطلب بيتناقض مع المطلب الاول تماما لانو يعتبر زيادة فى الانفاق الحكومي هنا يأتى دور المعالجة لتحقيق المطلبين برغم انو مصدر الدخل ثابت مقترح الحل هو كان رفع الدعم عن المحروقات لتغطية منصرف المجانية فى التعليم و الصحة طيّب الفئة الفقيرة و المتوسطة الدخل تمش وين ؟؟؟؟ مقترح الحل دعم مالي شهري لهذاه الفئات هنا يجى دور المناقشاتو بالقلم و المسطرة الوصلت مرحلة مجلس الوزراء عشان قول بس يشوفوا الوفرة الناتجة من رفع الدعم بيغطى المصروفات الجديدة المطلوبة فى الجزئية دى من مقترح الميزانية الغرض من المداخلة لا يمكن تمسك جزئية محددة من مقترح الميزانية دو ن النظر للظرف الحاكم لها و ما يقابلها من معالجة و تقيّم بيها الشغلة كلها ونسة الميزانية غير يا حبيب
Post: #24 Title: Re: حكومة الجوع Author: محمد على طه الملك Date: 12-29-2019, 07:11 PM Parent: #22
Quote: هل يعلم د. حمدوك أو هل يعلم السيد ابرهيم البدوي أو هل يعلم البنك الدولي من ورائهما أن أكثر من نصف الشعب السوداني يعيش على حد الكفاف وان هنالك أسر تعيش في أطراف العاصمة القومية لا تجد وجبة واحدة في اليوم تسد رمق اطفالهم الا بشق الانفس
بالله دا كلو بعد 19 ديسمبر ؟؟ إذن حقو نحرق الشعب الذي قام بهذه العملية المضرة.. اسمع القصيدة من الدقيقة 56/9
Post: #25 Title: Re: حكومة الجوع Author: عمر التاج Date: 12-30-2019, 08:27 AM Parent: #24
حبابك جلال وليك وحشة
Quote: من اهم المطالب لعلاج الخلل الاقتصادي .. العجز ... هو تخفيض الانفاق الحكومي معاى برضو من اهم المطالبات مجانية التعليم و الصحة و ده مطلب بيتناقض مع المطلب الاول تماما لانو يعتبر زيادة فى الانفاق الحكومي هنا يأتى دور المعالجة لتحقيق المطلبين برغم انو مصدر الدخل ثابت مقترح الحل هو كان رفع الدعم عن المحروقات لتغطية منصرف المجانية فى التعليم و الصحة طيّب الفئة الفقيرة و المتوسطة الدخل تمش وين ؟؟؟؟ مقترح الحل دعم مالي شهري لهذاه الفئات هنا يجى دور المناقشاتو بالقلم و المسطرة الوصلت مرحلة مجلس الوزراء عشان قول بس يشوفوا الوفرة الناتجة من رفع الدعم بيغطى المصروفات الجديدة المطلوبة فى الجزئية دى من مقترح الميزانية الغرض من المداخلة لا يمكن تمسك جزئية محددة من مقترح الميزانية دو ن النظر للظرف الحاكم لها و ما يقابلها من معالجة و تقيّم بيها الشغلة كلها ونسة الميزانية غير يا حبيب
اتفق معك في أهمية تخفيض الإنفاق لوزن الموازنة العجز الذي اجيزت به الميزانية الحالية والبالغ ٧٣ مليار (بوست زهير ) يمكن سده بالاقتراض من البنك المركزي والبنوك الدولية أو تجويد الانتاج والمصادر (زراعة، نفط، معادن.. الخ) أو تخفيض الدعم الحكومي على الأجهزة الحكومية اولا.. واخر خطوة هي ترشيد دعم عن المواطن.. أما مجانية التعليم والصحة والوجبة المدرسية فأعتقد انها نفقات في غير وقتها.. التعليم الخاص هو السائد الان وعليك بذل جهود لإعادة الثقة في التعليم الحكومي قبل أن تجعله مجانيا خفض الرسوم تدريجيا، امحها ان شئت ففي محوها دعم لكل الوجبات وليست مجرد وجبة قد يحمل عبئها الإداري أكثر من قيمتها.. أما موضوع التركيز على جزئية رفع الدعم من كل الموازانة فذلك مقصود، لأنه أبرز بنودها على الاطلاق الملاحظة الثانية فيها هي كبر حجم الموازنة مقارنة بالموازنات السابقة ولا احد يجزم هل هي -بهذه الضخامة - موازنة طموح ام انتحار.
Post: #26 Title: Re: حكومة الجوع Author: عمر التاج Date: 12-30-2019, 08:51 AM Parent: #25
مولاي الملك تحيات ورافة بي
Quote: بالله دا كلو بعد 19 ديسمبر ؟؟ إذن حقو نحرق الشعب الذي قام بهذه العملية المضرة..
العنوان فقط جبناهو من قبل ١٩ ديسمبر اما العفش داخل البوست فهو علي حسب تصور قارئه قلنا فقط نذكركم بالشعارات الجابت الثورة وان كانت المصائب فينا لثلاثين عاما فنحن نريد لذكراها زوالا كما زالت دولة الانقاذ ما ممكن نثور على واقع ثم نرضى به أو بأسوأ منه بعد الثورة اطلاقا