Post: #1
Title: ألزمن دوّار يا ألرزيقي !
Author: abdalla elshaikh
Date: 12-19-2019, 01:54 AM
00:54 AM December, 18 2019 سودانيز اون لاين
abdalla elshaikh-MEMPHISE-TN-USA
مكتبتى
رابط مختصر
تداول رواد مواقع التواصل الاجتماعي من الناشطين صورا لرئيس اتحاد الصحفيين المحلول الصادق الرزيقي وهو يجتمع مع قيادات وموظفي الاتحاد المحلول تحت أحدي الاشجار قرب مبني الاتحاد وعلقوا على الصورة ساخرين من رئيس الاتحاد المحلول لكونه كان ينعت بعض الصحفيين الذين فصلوا تعسفيا من الصحف او الذين تمت محاربتهم من قبل النظام البائد بصحفي الاشجار .
وكانت قوات شرطة تسلمت مقار عدد من الاتحادات التي تم حلها وقامت بأغلاقها من بينها اتحاد الصحفيين سئ السمعة الذي ظل بعيدا عن قضايا الصحفيين ومعاناتهم وفقط كان يعمل على الجبايات واستخراج البطاقات لغير العاملين بالمهنة حسب ماذكرة بعض الصحفيين في اكثر من مناسبة
|
Post: #2
Title: Re: ألزمن دوّار يا ألرزيقي !
Author: abdalla elshaikh
Date: 12-19-2019, 02:09 AM
Parent: #1
صورتكم دي يا الرزيقي رجعت بي إلي شهر أغسطس ١٩٨٩ إذ توجهنا صباح أحد أيامه إلي دار نقابة ألصحفيين ألكائنه جوار صينية المك نمر وكان من بيننا ألصحفي ألما خمج عبدالواحد كمبال ألله يرحمه ويحسن إليه ثم محمد الإسباط وإبراهيم علي إبراهيم ومنتصر عبدالماجد وأزهري الحاج فوجدنا الدار محتله بعدد من العساكر فتقدم نحوهم كمبال بشجاعته المعهوده فقالوا له ~ شوف يا زول كلم جماعتك ديل وقول ليهم لو زول جا حايم بجاي ما حا يشوف الشمس تاني !
|
Post: #3
Title: Re: ألزمن دوّار يا ألرزيقي !
Author: abdalla elshaikh
Date: 12-19-2019, 02:20 AM
Parent: #2
في المساء يا ألرزيقي ذهبنا لإتحاد الكتاب السودانيين ~ سلمي الشيخ سلامه و عوضيه يوسف ومريم محمد الطيب وعمر الدوش و تيسير النوراني و أماني عبدالجليل وكمبال والصادق الرضي و حافظ خير ومحمد خلف و عبداللطيف علي الفكي ! فوجدنا دارنا محتله وبعد إسبوع يا الرزيقي حولتوها
داراً لإتحاد طلابكم مما حدي بالشاعر يحي فضل الله إن يسجل هذا المشهد العبثي في إحدي تداعياته !
|
Post: #4
Title: Re: ألزمن دوّار يا ألرزيقي !
Author: بدر الدين الأمير
Date: 12-19-2019, 02:29 AM
Parent: #3
ياكارلس
جا الخريف والفولة امتلات
|
Post: #5
Title: Re: ألزمن دوّار يا ألرزيقي !
Author: abdalla elshaikh
Date: 12-19-2019, 02:57 AM
Parent: #4
صباحاتك خير يا بدرو !
ناس الرزيقي لا يقرؤون التأريخ حتي يتسني لهم ترتيتبه بحيث يروا ويتحسسوا نتائجه الماثلة الآن والمتمثله في سقوطهم العمودي ! أهو الزمن دوّار يا بدرو ! والظاهر عليهم الجماعه ديل ما قعدوا في حديقة المورده وغنوا ~ الدنيا ما دوامه !
|
Post: #6
Title: Re: ألزمن دوّار يا ألرزيقي !
Author: abdalla elshaikh
Date: 12-19-2019, 03:16 AM
Parent: #5
كُنّا يا الرزيقي بنتغدي في نادي بنك السودان ~ منعم شتلي والفاتح المرضي و فيصل محمد صالح والزين يحي و كمبال وإبراهيم علي إبراهيم وإبراهيم بخيت والقائمة تطول ! فحضرنا ذات غداء فوجدنا الدار قد أُغلقت فتحولت فيما بعد لبيت أشباح يا الرزيقي !
|
Post: #7
Title: Re: ألزمن دوّار يا ألرزيقي !
Author: abdalla elshaikh
Date: 12-19-2019, 03:24 AM
Parent: #6
بعد داك يا الرزيقي إتحولنا لفندق الواحه بالخرطوم شرق وفاجأنا صاحب الفندق بقوله ~ أنا ما بقدر أقدم ليكم خدمات لأنو جماعه و هددوني بقفل المحل إن إستضفتكم ! فضاقت علينا الخرطوم وشوارعها يا الرزيقي !
|
Post: #8
Title: Re: ألزمن دوّار يا ألرزيقي !
Author: بدر الدين الأمير
Date: 12-19-2019, 04:38 AM
Parent: #7
ياكارلس
الصادق الرزيقى وعندور وحسين جعبات
وباقى الجوقة لسا مامصدقين ان دولة الكوزن ولت
وكمان دايرين تجيبو ليهم اختنا وصديقتنا تيسير النوارانى
والى لولاية الخرطوم تبا لك وللزنديق عمر دفع الله
|
|