شكيتكم لله يا الكيزان ! جَدعتُ بشه في الإصلاحيه

09:31 PM December, 14 2019

سودانيز اون لاين
abdalla elshaikh-MEMPHISE-TN-USA
مكتبتى
رابط مختصر

شكيتكم لله يا الكيزان ! جَدعتُ بشه في الإصلاحيه
خُوّتكُم خُوّة كلاب !

لميتو فيهو كواريك ~ سير يا البشير لامن صار شمّاسي بدل كان رئيس دوله مجدوع بعراقي دموريه في إصلاحية كوبر !

إنتو يا الكيزان عمايلكم دي أبونا آدم أبو البشر نفض إيدو مِنكم ! قالوا في الأثر عندما مات الترابي رفض شيوخ المقابر من لدن أحمد شرفي و حمدالنيل دفنه بينهم فحمله إبليس ليدفنه في مقبرة ود الترابي فرفض الشيخ دفنه بينهم ! ففكر إبليس ثمّ قدّر وإتجه به نحو مقبرة أبونا آدم أبو البشر فإنتفض أبونا آدم نفضة مضريه حتي بانت أضراسه فقال لإبليس هُوي يا إبليس ! زمان فتنتني مع الله وطردني من الجنه ! كمان داير تفتني مع الترابي !
فيا ريت يا بشه لو سمعت نصايح الصادق المهدي أو تريثت مع حكم إبراهيم نقد أو إطلعت علي مساهمات حيدر إبراهيم علي حول خُبث هذه الجماعة !
وياريتك يا بشه وقفت عند عبارة الأستاذ محمود محمد طه واصفاً إياهم بأنهم يفوقون سوءِ الظن العريض !

في أغنيه ولاّ مثل بقول ندمان أنا وسَافي التراب
ولكن في حالة بشه ساعت النطق بالحكم قعدت أردد~
ندمان أنا وسافي الرماد ! لأنو خشُم بشه بقي زي السافي ليهو رماد !

عبدالله ياود الشيخ
ياخى عنوان البوست
مفروض يكون الى بشه
فى مصحته العقلية ووداد
فى محبسها
وهسى ياعلمانين ياكفرة لوبشه اتلحس
فى مصحته وداد تتحبس ليكم مرتين

يا ود الشيخ ابن خالنا بابكر مشهور بابليس
كان في زيارة للعذابة بتاعيننا في بيتهم بعطبرة
وهناك أصيب بحمى شديدة و هذيان ,زووووووول جاب خبرو مافي
لا علاج ولا مستشفى ولا اكل ولا سجم ولا " رماد" . وغايتو عد ايامو ديك لغاية ما تحسنت حالتو.

بعد مدة وأيضا في نفس البيت صحى الدغووووش لقى واحد من العذابة قدام الماسورة يستفرغ
عاين ليه كدى مع ضحكة استهذاء قائلا: " يازول هوي تاكل نارك بس براااااااك"

بدرو !
وداد جدعوها في سجن النسوان بأ مدرمان !
آه فوت يا زمان وتعال يا زمان !
مُش كان أفضل ليهم لاهاي ! أقلاّها يتقابلوا إسبوعياً

في حوار مع حسين خوجلي أفاد البشير بأنه وقبل قيام الإنقاذ إنه كان في طريقه للسفر لجمهورية مصر العربيه وفي جيبه حوالي مائة جنيه ولكن جوني الجماعه وقالوا لي تعال أمسك البلد !
ما دوامه يا بشه ! الدنيا ما دوامه ! هسع إنت وين ؟ وحسين لاقي هوا الديمقراطيه ألنقي وينفث في سخائمه !

أمين حسن عمر: البشير يتحمل مسؤولية سقوط النظام




17 ديسمبر، 2019/

105/

0/





الخرطوم: آخرلحظة

قال القيادي بالمؤتمر الوطني د. أمين حسن عمر، إن الحزب لم يعد منصة جاذبة ومؤثرة، وإن الساحة السياسية تحتاج لمنصة جاذبة وهو لم يعد كذلك، وأضاف في حوار مع صحيفة (التغيير الالكترونية)، إذا كانت هناك مجموعة تستطيع أن تصنع من المؤتمر الوطني حزباً قادراً وفعالاً ومؤثراً سنكون من السعداء، في قت أكد أنه غير نادم على انقلاب الإنقاذ، وقال أحمل البشير المسؤولية الأكبر في ما حدث، وأبدى عمر استعداده للاعتذار عن أي خطأ حقيقي خلال الفترة الماضية، قائلاً (الاعتذار والمراجعة أدب ديني، والتجربة فيها الصواب وفيها الخطأ، ونحن سنعتذر عن الخطأ ومن ارتكب خطأ فردياً أو شخصياً عليه أن يتعذر وإن كان خطأ جماعياً سنعتذر عنه جماعة).

قال أمين (لا داعي لتسمية أسماء، الاسم الواضح هو الرئيس البشير نفسه، والذي لم يسمح بترك الرئاسة أو حتى يشارك سلطته مع قاعدة واسعة، وأنا أحمله مسئولية أكبر، لأن الآخرين لو لم يعطهم صلاحيات وقدرة ما كان سيكون لهم قدرة، بمعنى أن الذين استعان بهم على أنهم حراس السلطة ويحرسون النظام لو أراد أن يغريهم ويستبدلهم بأجيال جديدة كان فعل ولكنه لم يفعل، والمثل يقول العيبة على كبير القوم)..

غايتو يا أمين حسن عمر خُوّتكم خوّة كلاب ! المسكين بشّه جدعتو زي الكلب السعران في الإصلاحيه وجدعتو مرتو التانيه زي الكلبه المهوبله في سجن أم درمان ! يا أمين حقو تسكتو وما ترمو وسخكم في حبيبنا بشه ! بشه المسكين أليتيم كما وصفه أحد إشقائه ! بشّه الما بعرف يتعشي لو ما جلست بجانبه فاطمه خالد و صاحبي لزم محمد لطيف ! أيوه محمد لطيف صاحبي لزم وكمان زوجتو نجاة الزين الحسن بت عم البشير ! والله يا بشّه أنا متعاطف معاك وتستاهل مني قزازة بيبسي ساقطه !