قالت لي دي من الاسناب و انا اصلا بتابع ده في الانستجرام فلو عملت لي add في الفيس ممكن اعمل ليك شير ؟
بعدين سكتت كده لامن لقتني ما اتجاوبته و قامت قالت لي بي قرفه كده انت ما حريف شكلك في السوشيال ميديا؟
قت ليها و الله انا كنت احسن زول بدكك الكفر و احرف من العجلاتيه في رقعة الجواني اب بوز ؟ نططت عيونها و قهت ... عاينت ليها بي طرف عيني و بي تغا و قلت ليها ... انتي شكلك ما حريفه في الحاجات دي ؟
Post: #2 Title: Re: في زول بعرف يدكك كفر في المنبر ده ؟ Author: جلالدونا Date: 12-10-2019, 02:12 AM Parent: #1
اها
Post: #3 Title: Re: في زول بعرف يدكك كفر في المنبر ده ؟ Author: يحي قباني Date: 12-10-2019, 02:30 AM Parent: #2
Quote: اها
و الله زي ما بقولك كده ... صدق أو لا تصدق يا مؤمن
Post: #4 Title: Re: في زول بعرف يدكك كفر في المنبر ده ؟ Author: خضر الطيب Date: 12-10-2019, 03:09 AM Parent: #3
Quote: قت ليها و الله انا كنت احسن زول بدكك الكفر و احرف من العجلاتيه في رقعة الجواني اب بوز ؟ نططت عيونها و قهت ... عاينت ليها بي طرف عيني و بي تغا و قلت ليها ... انتي شكلك ما حريفه في الحاجات دي ؟
ههههههههههه يعني اديتا بالباقي تسالي :) لحدي هسي بتكون مقهية بتقول عمو دا من عصر الديناصورات يا قُبه عندي ليك فيديو قريب من حالتكم دي ما بقدر ارسلو هنا بجيبو ليك بي هناك رسلتو لي واحد صاحبنا من جيلكم دا صرف لي بركاوي هههههههه
Post: #5 Title: Re: في زول بعرف يدكك كفر في المنبر ده ؟ Author: Kabar Date: 12-10-2019, 03:39 AM Parent: #3
هههههه...
انا بعرف يا قريبي (لا تستغرب يا قريبي ، يضع سرو في جناح بعوضة..في اضعف الخلق يا يحي..!!)
العريبي بدر الدين الأمير ، ذات حرية ، ذات هواء نقي ، ذات تضحيات شباب امسودان ، بدر الدين يضري عيشو في الهبوب..,يحجر علي عيال الريف الإحتفال براس السنة..يدخل دينق..ويصرف حاجات كتيرة لبدر الدين..مفادها اقعد في صريفك يا عريبي يا بدر الدين..وخلينا نحتفل برانا ..ونعرف وين نخط قزازنا..!! كاااااااااااااك يا يحي..وتاني كاااااااااااااااااااااك..!! دينق ، من كل ابهة اللحظة ومظنة العريبي بدر الدين في الإحتفال بيقين اخر..دينق ما فهم غير رصة القزازة..!! قول ليها يا يحي ، لو بتقدري ، بمحبة اليقين النضاح ، تعمل شير لحسن الهاوي ، ولو ما عرفت حسن الهاوي ، دارجها..ماشيها شوية ..بمصطفى سيد احمد..لو ما عرفت واحد من ديل..ما ح اقول ليك الرماد كال حماد ، لكن بقول ليك..ارحكاكا نجلد بدر الدين الأمير ودينق ، الإثنين معا يا قريبي..!! اوعى زولتك تطلع حنكوشة..وتملانا فقر انو دق الناس انتهاك لحقوق الإنسان..!! كل الحب يا يحي..هبي نو اير يا عمك..!! كبر
Post: #6 Title: Re: في زول بعرف يدكك كفر في المنبر ده ؟ Author: يحي قباني Date: 12-10-2019, 07:30 AM Parent: #5
Quote: ههههههههههه يعني اديتا بالباقي تسالي :) لحدي هسي بتكون مقهية بتقول عمو دا من عصر الديناصورات يا قُبه عندي ليك فيديو قريب من حالتكم دي ما بقدر ارسلو هنا بجيبو ليك بي هناك رسلتو لي واحد صاحبنا من جيلكم دا صرف لي بركاوي
جيلنا مالو .؟ و الله صمغنا شايل و ابشرك كلما نكبر نزيد حلا زي ما قالن البلابل ... هههههههه
Post: #8 Title: Re: في زول بعرف يدكك كفر في المنبر ده ؟ Author: يحي قباني Date: 12-10-2019, 07:36 AM Parent: #6
Quote:
هههههه...
انا بعرف يا قريبي (لا تستغرب يا قريبي ، يضع سرو في جناح بعوضة..في اضعف الخلق يا يحي..!!) العريبي بدر الدين الأمير ، ذات حرية ، ذات هواء نقي ، ذات تضحيات شباب امسودان ، بدر الدين يضري عيشو في الهبوب..,يحجر علي عيال الريف الإحتفال براس السنة..يدخل دينق..ويصرف حاجات كتيرة لبدر الدين..مفادها اقعد في صريفك يا عريبي يا بدر الدين..وخلينا نحتفل برانا ..ونعرف وين نخط قزازنا..!! كاااااااااااااك يا يحي..وتاني كاااااااااااااااااااااك..!! دينق ، من كل ابهة اللحظة ومظنة العريبي بدر الدين في الإحتفال بيقين اخر..دينق ما فهم غير رصة القزازة..!! قول ليها يا يحي ، لو بتقدري ، بمحبة اليقين النضاح ، تعمل شير لحسن الهاوي ، ولو ما عرفت حسن الهاوي ، دارجها..ماشيها شوية ..بمصطفى سيد احمد..لو ما عرفت واحد من ديل..ما ح اقول ليك الرماد كال حماد ، لكن بقول ليك..ارحكاكا نجلد بدر الدين الأمير ودينق ، الإثنين معا يا قريبي..!! اوعى زولتك تطلع حنكوشة..وتملانا فقر انو دق الناس انتهاك لحقوق الإنسان..!! كل الحب يا يحي..هبي نو اير يا عمك..!! كبر
كبر يا صديقي الجميل ...
انت عارف وليدات الزمن ده قايلين دكيك الكفر ده اي من كان بعرف ليو ...
زمان حتى لو ما لعاب بكون عندك خانة في التيم لانك بتعرف للكفر ...
اما العريبي ود الامير الدنيا ودتو من شراب العيكوره لي شراب الشيفاز يا كبر تخيل ...
انا خايفو كمان اكون بقى يعرف الفرق بين السنقل مالت و باقي الاوساك ...
Post: #7 Title: Re: في زول بعرف يدكك كفر في المنبر ده ؟ Author: أحمد محمد عمر Date: 12-10-2019, 07:30 AM Parent: #5
عن إذنك يا قباني زح لي كدة شوية عاوز كبر دة :)
شنو يااااا كبر ياخ منتظرين منك بوست حول قضية التعويضات السودانية لضحايا الهجمات الامريكيين أنا غايتو جنس القضايا دي ما بفهمها إلا منك لأنك بتكسر لغة القانون الجامدة بملكة الرواية وكلام الونسة أقسم بالله ما فهمت موضوع العقوبات الأمريكية إلا منك .. ولا فهمت جوطة سيداو إلا منك برضو ووزعت رابط البوست بتاعك بالواتساب
المهم يا إما تعملو بوست كامل زي عادتك يا إما تعال لي في بيت قباني دة وقع لي الشغلانة
Post: #9 Title: Re: في زول بعرف يدكك كفر في المنبر ده ؟ Author: MOHAMMED ELSHEIKH Date: 12-10-2019, 08:01 AM Parent: #7
Quote: تعال لي في بيت قباني
سبحان الله كلكم قاعدين محل الويكة أربعة شهور ما تنشف؟
كبر بتعرف " التخريز؟" ؟
Post: #10 Title: Re: في زول بعرف يدكك كفر في المنبر ده ؟ Author: أحمد محمد عمر Date: 12-10-2019, 08:09 AM Parent: #9
أوعدنا يا رب
بيت قباني يعني البوست دة :)
Post: #11 Title: Re: في زول بعرف يدكك كفر في المنبر ده ؟ Author: عمر أبوعاقلة Date: 12-10-2019, 08:20 AM Parent: #9
جينا ندكك معاك في الخيت دا .. فأصابتنا عنصرية المكان والشلة حلال عليكم كندا وبيت قبة وخلونا في صقيعتنا دي تحياتي للجميع
بي زاوية كدا: ملف التعويضات دا مهم يا كبر .. لو جاتك نفسية تكتب شوفوا لينا معاك بالله
Post: #12 Title: Re: في زول بعرف يدكك كفر في المنبر ده ؟ Author: Osman Musa Date: 12-10-2019, 06:02 PM Parent: #11
اخونا قباني سلامات سنة 1998 رسلتني الشركة لي ساوباولو في مهمة تجارية ( احذية رياضية ) الزولة المسكت ملفي من انزل من الطيارة لاحدي ما اشحن الحاوية كان اسمها مارتا . انا كان وصولي صباح يوم ثلاثاء . وبي سرعة قطعنا شوط في ترتيب الطلبية . يوم الاحد جاتني في الفندق وده برنامج المصنع لي ك زبون . من الخارج . جاتني والدنيا مصيفة وكانت لابسة حاجة اسمها ( ساكت ) ودتني زيارة لي مكان سمح . فيه تمثال وزحمة ناس واقعين تصوير في التمثال . بعد شوية زولتي اخدت كرة قدم من شاب و راحت تدكك . دككت زي الليل . وبي نفس قايم قالت لي الشاب الفي التمثال ده اسمو ( شارل ميلر ) وقعدت تحكي . قالت لي شارل ده شاب انجليزي . ودخلت في كلام كتير انا مع ضيافة الشربوت نسيت نصو . كلام عن ملعب باكاديمو في بانيستير كورت اسكول في ثاوثهامبتون . وسرحت تشرح في قواعد اللعبة الكان اسمها ( الكريكت ) اتحولت لي فوت بول . و اهل البرازيل سرقوا المصطلح واهتمو بي الكرة . دخلتني مكتبة ضخمة كلها عن قواعد اللعبة والدككان حقك ده . وقالت لي الناس هنا انشغلوا بي الشغلة دي من سنة 1895 والله يا قباني من الشربوت ضحكت في التاريخ . واتذكرت كلام اخونا الشاعر الراحل حميد كان يحكي لي في جدة السعودية عن قصيدة ام بقر بيحكي في القصيدة عن معركة ام بقر الحصلت في نوري بين الاهالي والانجليز سنة 1895 .. معركة ام بقر حصلت في نفس الساعة القامت فيها اول مباراة في ساوباولو سنة 1895 وفي طرف باحة تمثال شارل ميلر مكتوبة اسماء اللاعبين جت . الشاركوا . ضحكتنى التواريخ وانا برضو سرحاني طال مع قصيدة حميد البتذكر فيها اسماء جميع شهداء معركة ام بقر . .... ياخ الحكاية طويلة . لكن داير اقوليك لحظة زولتنا بتدكك بي الكرعين البرتقاليات . انا جاطت في راسي الحكايات . بعدين هي ليه اللغة البرتغالية سموها برتغالية ؟ شنو الداعى ؟ وكيف اهلنا البرازيليين دفسوا مصطلحاتنا العربية والانجليزية في البرتغالية . وانت يا قبة الوداك تدكك في حارة الدكاكين شنو ؟ برجعليك
Post: #13 Title: Re: في زول بعرف يدكك كفر في المنبر ده ؟ Author: Osman Musa Date: 12-10-2019, 09:34 PM Parent: #12
عان جاي يا قبب ياخ مافي طريقة تسويلك قرطة دولارات لي تذكرة طيران للبرازيل لي شيخنا عبدالحي . شوف منك ومن كبر وياسر طيفور . خلي الشيخ يمشي يتفرج في دككان بنات الريودي والساوباولو . خلوهو يمشي يتفرج سحر البنات بي الكرة في الفسحات البهية المش ممكن يعتدي عليها لا كرتي لا برتي . خليه يمشي يتفرج في ضقل البنات لي الكرة . خليه يتفرج في خط طمنطاشررررر . والوان نجوم سراويل ناس شيلينا . خليه يتفرج في الضقل الحلال . ربنا يرحم شهداء التحرر . يارب .
Post: #14 Title: Re: في زول بعرف يدكك كفر في المنبر ده ؟ Author: Osman Awoda Date: 12-11-2019, 07:03 AM Parent: #13
يا ربي عثمان موسى دا لخبت بين الضقيل والدكيك ولا عيوني بقن كعبات.
Post: #15 Title: Re: في زول بعرف يدكك كفر في المنبر ده ؟ Author: محمد مجيدو Date: 12-11-2019, 09:38 AM Parent: #1
يا هندسة ...
شوف البت الحريفة دي ,,,
انا غايتو بعرف اترتر الترتاار ,,,,
عاالم بطاالــــــــــــــــــة ,,
Post: #16 Title: Re: في زول بعرف يدكك كفر في المنبر ده ؟ Author: يحي قباني Date: 12-11-2019, 12:42 PM Parent: #15
Quote: عن إذنك يا قباني زح لي كدة شوية عاوز كبر دة :)
ابو حميد يا جميل
إذنك معاك طوالي ... انا داير الحق شايف الكفر سرّج في البوست داير الحق ناس عثمان و مجيدو اصحابي قبال ما ناس عووضه يضقلوا بيهم 😉
Post: #17 Title: Re: في زول بعرف يدكك كفر في المنبر ده ؟ Author: MOHAMMED ELSHEIKH Date: 12-11-2019, 12:42 PM Parent: #15
Quote: يا ربي عثمان موسى دا لخبت بين الضقيل والدكيك ولا عيوني بقن كعبات.
يا كومر بتعرف التخريز؟
Post: #18 Title: Re: في زول بعرف يدكك كفر في المنبر ده ؟ Author: Osman Awoda Date: 12-11-2019, 01:14 PM Parent: #17
خليني انا يا ابو الشيخ،،،انت بتعرف المخرز؟🤪
Post: #19 Title: Re: في زول بعرف يدكك كفر في المنبر ده ؟ Author: يحي قباني Date: 12-11-2019, 01:58 PM Parent: #18
يابو الشيخ
عصمان ده كان في الكشافة ... حريف تخريز من خمسينات القرن الماضي ...:)
كان اسمه عصمان كبك ...
Post: #20 Title: Re: في زول بعرف يدكك كفر في المنبر ده ؟ Author: يحي قباني Date: 12-11-2019, 02:00 PM Parent: #19
Quote: جينا ندكك معاك في الخيت دا .. فأصابتنا عنصرية المكان والشلة حلال عليكم كندا وبيت قبة وخلونا في صقيعتنا دي تحياتي للجميع
ايوعاقله يا صديقي حياك و حبابك يا حلو ...🙂
Post: #21 Title: Re: في زول بعرف يدكك كفر في المنبر ده ؟ Author: يحي قباني Date: 12-11-2019, 02:16 PM Parent: #20
عثمان موسى يا حبيب
انت يا زول ماك مننا و جاي ؟
مالك انخلته ... اخوك بتكلم عن الكفر أبجواني ... الجواني أب أنبوبة برتقالية لازم تكون حريف في طوية البوز و لازم يكون عندك مسلة محترمة ... و التدكيك زاتو خشم بيوت ... يا زول ده شغلة اسطوات ..ههههه
Post: #22 Title: Re: في زول بعرف يدكك كفر في المنبر ده ؟ Author: أبوذر بابكر Date: 12-11-2019, 03:46 PM Parent: #1
السلامو عليكوم
عليكوم دى بى وا ودك
ههههه
تعرف يا يحي انا ما كنت لعاب شديد فى الكورة
لكين اى تدكك لى اى كفر واى تزرقن لى اى كدارة ولا باتا
كانو بجيبوه لى
عارف السبب شنو ؟
عشان انا اصلا ود ترزى وخياط
بعدين من انا وعمرى يمكن سبعة سنين مافى زول أحرف منى فى السوق العربى كله فى عمل "العراوي"
Post: #23 Title: Re: في زول بعرف يدكك كفر في المنبر ده ؟ Author: جمال ود القوز Date: 12-11-2019, 05:18 PM Parent: #22
أنا قاعد ياقباني من أول البوست .. وعايز أعرف التدكيك ده شنو .. وماعايز أتشالق ساي .. قلت لو عنده علاقة بالكورة اصلا مابتفوتني .. الواحد كان راسه غير الكورة مافيهو حاجة .. لكن حسيت إنه شفل التدكيك ده ما لعب كورة ولاتضقيل .. فطلع زي ما اتوقعت بوز وكفر برتقالي بمخرزوهو بي مخرز ... يأخ دي حاجات قديمة خلاص .. عامله زي الكدارات الكدايسا كدايس خلا ديك ـ .. والله مالعبت بيها ... خخخخخ
عارف فكرت برضو في لحظة ما إنه كفر العجلة ... ههههههه المهم قعدت لامن بانت لبتها ولبّنت .. والسعيد بشوف في غيره أو كما يقولون .....
Post: #24 Title: Re: في زول بعرف يدكك كفر في المنبر ده ؟ Author: نادر الفضلى Date: 12-11-2019, 05:35 PM Parent: #23
غايتو لمن ظهر كان أحسن إختراع .. كفر الإبرة .. رحمنا من كفر البوز والدكيك وله تسمية تانية (الزرير) ولو بقت على بوزو وربيطو أهون .. لكن الخارجى فتايلو بتتفرتق .. دا غير الجوانى البرتكانى بيطرشق!
أخونا عثما ن موسى ما كمل قصتو .. وقف فى الكرعية البرتكانية البضقل فى ميدان عام .. أها وبعديين .. بات فى الميدان؟
Post: #25 Title: Re: في زول بعرف يدكك كفر في المنبر ده ؟ Author: Osman Musa Date: 12-11-2019, 05:58 PM Parent: #22
اخونا اب ذر سلامات . ههههها قلت لي القلفطة؟ ياحليل زمن المراكب الماهلة . مراكب نقل الفاصوليا من مشرع الزيداب غرب لي المحطة . قلفطنا يا اب ذر ما خلينا شلتوت ما حشيناهو في حطب المراكب . قلفطنا وخللنا وصررنا وجزينا ضان علي حمير وداوينا الجرب والقراقيش وضلفنا الحمير . انتو في رفاعة وسم مرحاتكن شنو .؟
Post: #26 Title: Re: في زول بعرف يدكك كفر في المنبر ده ؟ Author: علي عبدالوهاب عثمان Date: 12-11-2019, 06:44 PM Parent: #25
حبيبنا قباني .. يا زول يا جميل .. صدقني أقرأ البوست خمسة مرات ما فاهم حاجة .. آه يا ناس ضواحي الدنيا مع أن هناك مجموعة من عندينا محيدو ودالقوز عووضة بوست فيه فطاحل الاخوانيات أرجو المداخلة تكون بحواشي ( شرح ) مراعاة لظروف ( ضواحي الدنيا) يدكك يقلفط يخرز .. إلخ
مودتي الحبيب قباني .. دائماً بوستاتك جميلة
Post: #27 Title: Re: في زول بعرف يدكك كفر في المنبر ده ؟ Author: Hamid Elsawi Date: 12-11-2019, 06:52 PM Parent: #25
تحياتي قباني و ضيوفه نحن ناس كورة شُراب ساكت و بنسرق الشراب من اهلنا الموظفين الكبار مرة عمنا شافنا بنلعب كورة بي الشراب بتاعوا دخل البيت و جاب لينا الفردة التانية اما عماتنا و خالاتنا و امهاتنا حكايتهم تانية لمن وحدة منهم ربنا يرحمها لِقتْنا بنقطع في الملاية بتاعتها الجديدة بالمقص عشان نعمل كورة شُراب. بقينا كل ما نعمل كورة يقولوا ياربي دي بي ملاية منو. و احسن ناس بعملوا كورة شراب كانوا موضع الاتهام. اها الموظف الجاب فردة الشُراب التانية مشي جاب لينا كفر لعبنا بيهو كم يوم لكن ما عرفنا نتعامل معاهو لان الشارع ضيق و كل شوتة يطير في بيت. لمن يوم الكفر طار في بيت فيهو ضيوف و كسر عدة الشاي الفارههة التي تم و ضعها امام الضيوف الجايين لخطوبة احدي الفتيات و من اليوم داك الكفر اختفي و نحن قلنا الحمد لله و رجعنا لي كورة الشراب و سرقة الملايات
Post: #28 Title: Re: في زول بعرف يدكك كفر في المنبر ده ؟ Author: يحي قباني Date: 12-11-2019, 09:56 PM Parent: #27
Quote: يا ربي عثمان موسى دا لخبت بين الضقيل والدكيك ولا عيوني بقن كعبات.
عثمان موسى الشربوت غلّت معاو يا عصمان
عيونك ما كعبات و اللاي رغم عامل السن ...😉
Post: #29 Title: Re: في زول بعرف يدكك كفر في المنبر ده ؟ Author: يحي قباني Date: 12-12-2019, 03:52 AM Parent: #28
Quote: تعرف يا يحي انا ما كنت لعاب شديد فى الكورة
لكين اى تدكك لى اى كفر واى تزرقن لى اى كدارة ولا باتا
كانو بجيبوه لى
عارف السبب شنو ؟
عشان انا اصلا ود ترزى وخياط
بعدين من انا وعمرى يمكن سبعة سنين مافى زول أحرف منى فى السوق العربى كله فى عمل "العراوي"
مش بس التدكيك ... ياخي النفخ الا بالخشم .. لأمن سدرنا أنقده .... تقول لي السناب و الانستجرام و ما بعرف شنو ...
Post: #30 Title: Re: في زول بعرف يدكك كفر في المنبر ده ؟ Author: Abureesh Date: 12-12-2019, 04:05 AM Parent: #29
النصرى ما شاف البوست دا؟
ناس الفرينى و التعريفة المقدودة البيحجزوا التندة لما يسافروا.. البيدفورد الماب ياكلو الدود.. و اليابانى الما يهددو غير الميلانى
و يا كبر كلمة "صريف" دى تانى ما تفكها مجانا، و قلعتها من وين زاتو..
Post: #31 Title: Re: في زول بعرف يدكك كفر في المنبر ده ؟ Author: يحي قباني Date: 12-12-2019, 04:40 AM Parent: #30
Quote: أنا قاعد ياقباني من أول البوست .. وعايز أعرف التدكيك ده شنو .. وماعايز أتشالق ساي .. قلت لو عنده علاقة بالكورة اصلا مابتفوتني .. الواحد كان راسه غير الكورة مافيهو حاجة .. لكن حسيت إنه شفل التدكيك ده ما لعب كورة ولاتضقيل .. فطلع زي ما اتوقعت بوز وكفر برتقالي بمخرزوهو بي مخرز ... يأخ دي حاجات قديمة خلاص .. عامله زي الكدارات الكدايسا كدايس خلا ديك ـ .. والله مالعبت بيها ... خخخخخ
عارف فكرت برضو في لحظة ما إنه كفر العجلة ... ههههههه المهم قعدت لامن بانت لبتها ولبّنت .. والسعيد بشوف في غيره أو كما يقولون .....
للقوز ما نسينا يا صديقي ...يا جمال
ياخ كفر التدكيك ده قاعد لييي السبعينات ... الانبوبه و حاجات الرقعة كنا نجيبها من دكان احمد حسين في المحطة الوسطى
انت لعبتها كفر ابره و منفاخ عجله شكلك ... كفركم جاااهز ... انحنا عشان تجهز الكفر ساعتين انت ترزي و عجلاتي و نقلتي ...
Post: #32 Title: Re: في زول بعرف يدكك كفر في المنبر ده ؟ Author: MOHAMMED ELSHEIKH Date: 12-12-2019, 08:04 AM Parent: #31
هل "حمبقت" ووديتوها لود الزين يخيطها ليكم بقرشين؟
ام نفست الانبوبة الداخلية ورقعتوها بي " سلسيون"؟
Post: #33 Title: Re: في زول بعرف يدكك كفر في المنبر ده ؟ Author: يحي قباني Date: 12-12-2019, 02:24 PM Parent: #32
Quote: ايتو لمن ظهر كان أحسن إختراع .. كفر الإبرة .. رحمنا من كفر البوز والدكيك وله تسمية تانية (الزرير) ولو بقت على بوزو وربيطو أهون .. لكن الخارجى فتايلو بتتفرتق .. دا غير الجوانى البرتكانى بيطرشق!
مشكلتو لامن يتفرتق لو ما اتلحق تاني ما بتلم ...
و تصليحه صعب لان الخياته عمياني دايره صبر ...
اما لو شرب مويه ... فصباحاتكم بيض ... :)
Post: #34 Title: Re: في زول بعرف يدكك كفر في المنبر ده ؟ Author: muntasir Date: 12-12-2019, 02:49 PM Parent: #33
ليس بعد الكفر ذنب ،ما هو الكفر وماهي التكة وهل هو سترابلس شكراً اعمامنا
Post: #35 Title: Re: في زول بعرف يدكك كفر في المنبر ده ؟ Author: يحي قباني Date: 12-12-2019, 08:35 PM Parent: #34
Quote: حبيبنا قباني .. يا زول يا جميل .. صدقني أقرأ البوست خمسة مرات ما فاهم حاجة .. آه يا ناس ضواحي الدنيا مع أن هناك مجموعة من عندينا محيدو ودالقوز عووضة بوست فيه فطاحل الاخوانيات أرجو المداخلة تكون بحواشي ( شرح ) مراعاة لظروف ( ضواحي الدنيا) يدكك يقلفط يخرز .. إلخ
مودتي الحبيب قباني .. دائماً بوستاتك جميلة
و الله طولنا من اكل ( الحواشي ) يا عم علي ...
قعود مدنكل كده و نقعد نسولف ...ههه
حاضرين يا عمك ... المره الجاي ليك علي البوست يمر على خوري و عبيد قبل العرض ...
Post: #36 Title: Re: في زول بعرف يدكك كفر في المنبر ده ؟ Author: يحي قباني Date: 12-12-2019, 11:01 PM Parent: #35
Quote: تحياتي قباني و ضيوفه نحن ناس كورة شُراب ساكت و بنسرق الشراب من اهلنا الموظفين الكبار مرة عمنا شافنا بنلعب كورة بي الشراب بتاعوا دخل البيت و جاب لينا الفردة التانية اما عماتنا و خالاتنا و امهاتنا حكايتهم تانية
صاوينا كيفنك ...
كورة الشراب دي ما تبعي ... شغلها صعب و لعبها اصعب ... و لعب زقاقات بس ... الكفر اساسي للسداسيات و البزيانوس هههه
