Post: #2
Title: Re: ايعقل ياحمدوك هذا تيم تنسيق مؤتمراتك الصح
Author: بدر الدين الأمير
Date: 12-08-2019, 05:19 PM
Parent: #1
سؤال جواب
|
Post: #3
Title: Re: ايعقل ياحمدوك هذا تيم تنسيق مؤتمراتك الصح
Author: بدر الدين الأمير
Date: 12-08-2019, 05:54 PM
Parent: #2
الوزير فيصل محمد صالح
كان فى وضع ارجوزى وهو
يدير الموتمر الصحفى لحمدوك
بمطار الخرطوم وحمدوك تجاوز
فيصل وبقى هو مدير المؤتمر الصحفى
وبرضو حمدوك طبظ
|
Post: #4
Title: Re: ايعقل ياحمدوك هذا تيم تنسيق مؤتمراتك الصح
Author: علي عبدالوهاب عثمان
Date: 12-08-2019, 06:07 PM
Parent: #3
الأمير تحياتي ..
في رأي الخاص .. وزير الاعلام لا يدير مؤتمرات صحفية
هناك ناطق رسمي لرئيس ، سكرتير إعلامي وصحفي
في اشياء غريبة في السودان كمثال عضو مجلس السيادة أعلى هرم في البلاد
يكون الناطق الرسمي بإسم مجلس السيادة ( شغل سكرتير )
إدارة المؤتمرات الصحفية شغل سكرتارية
كمان احياناً التواضع أكثر من اللازم ( كما الحبيب فيصل ) وهو إنسان رائع
ولكن للتواضع حدود في ممارسة العمل الرسمي .. ( دي مشكلتنا كلنا حتى في الاغتراب )
( سكرتير يوزع المايك حسب الفرص المتاحة للصحف ووكالات الانباء كأولوية )
الامير طبعاً خبراتك واسعة في مجال مؤتمرات ( حسب طبيعة العمل )
تحياتي الحبيب الامير ..
|
Post: #5
Title: Re: ايعقل ياحمدوك هذا تيم تنسيق مؤتمراتك الصح
Author: Deng
Date: 12-08-2019, 06:23 PM
Parent: #4
بدر الدين.
ده كلو كلام فارغ وخرمجة بتاعت ناس العالم الثالث، خصوصا السودان الذي تخلف لمدة ثلاثين عاما.
ود الفكي من عضو مجلس سيادة كامل الدسم والصلاحياتن بقى فرحان بوظيفة الناطق الرسمي بأسم مجلس السيادة.
فيصل محمد صالح وزير وزارة كاملة بقى متحدث رسمي بأسم الحكومة ورئيس الوزراء!
هل يعقل كل ذلك؟
الناس ما قاعدين يتفرجوا في التلفزيونات ويشاهدوا رئيس أعظم وأكبر دولة في العالم أمريكا هو الذي يقوم بنفسه بتوزيع الفرص للصحفيين
وقبل المؤتمر الصحفي بكون هنالك أتفاق مع السكرتير الصحفي حول من هم الذين سوف يتم أعطائهم الفرص للأسئلة.
سكرتير صحفي وليس وزير أو عضو في مجلس السيادة.
|
Post: #6
Title: Re: ايعقل ياحمدوك هذا تيم تنسيق مؤتمراتك الصح
Author: بدر الدين الأمير
Date: 12-09-2019, 08:18 AM
Parent: #5
على عبدالوهاب ودينق
اتفق معكم
حمدوك من يوم مااستلم المنصب
ولحدى اليوم كل المؤتمرات الصحفية
خرمجة وفوضى وارتباك يعنى مؤتمر صحفى
فى مطار الخرطوم اكيد الصحافة العالمية
حاضرة وللاتوجد ترجمة فورية احد المراسلين
وجه له سؤال بالانجليزى حمدوك جابو
بالانجليزى مفروض يترجم السؤال وبرضو
اجابته على السؤال دا غير ان الصحفين الاجانب
ومحطات النقل الاجنية بكونو اماناقشين
حمدوك دا قال شنو وحمدوك جاى بخبرات
عالمية وبعرف كيف يتم ويرتب للمؤتمرات
الصحيفة واهميتها لكن يبدو لى نحن مازلنا
فى برتوكولات ناس تهليل وامريكا دنا عذابها
بعدين الناطق الرسمى دى وظيفة يخصص لها مختص
مدرب وملم عضو مجلس سيادة ناطق رسمى وزير عضو
مجلس وزراء ناطق رسمى طيب ومتين بتفرغو لمهمتهم الرسمية
لانو الناطق الرسمى وظيفة مرهقة وتحتاج لتفرغق وغلطة منه ممكن
تتسبب في كارثة الناطق الرسمى لوغلط ممكن تقيلو ديل لو غلطو بتعمل ليهم شنو
ولا حاتقول العالم باركوها زولنا ماكان قاصد كدا
|
Post: #7
Title: Re: ايعقل ياحمدوك هذا تيم تنسيق مؤتمراتك الصح
Author: بدر الدين الأمير
Date: 12-09-2019, 08:28 AM
Parent: #6
ذهب فتى للخليفة عمر ابن الخطاب
وقال ياخليفة رسول الله ان قومى
يقدمونى على من سواى ويكيلون لى
الثناء وانا يهمنى رايك انت فينى قال عمر
تحدث يا ابنى حتى راك
|
Post: #8
Title: Re: ايعقل ياحمدوك هذا تيم تنسيق مؤتمراتك الصح
Author: محمد حيدر المشرف
Date: 12-09-2019, 09:59 AM
Parent: #1
سعر منصة لن يتجاوز 200 او 300 دولار ..
والمشكلة اني شبه متأكد من وجود منصة اضافية في مكان ما بس عاوزه زول يرتب المكان وبحيث يفي بالمطلوب .. منصة تتسع لاثنين او منصتين
سبهللية للحد البعيد ..
(لم ينقصها الا يطلع فنان يغني: عاد الحبيب المنتظر)
|
Post: #9
Title: Re: ايعقل ياحمدوك هذا تيم تنسيق مؤتمراتك الصح
Author: Amira Hussien
Date: 12-09-2019, 12:31 PM
Parent: #8
يا جماعة الصبر الصبر أكيد فى الطريق خبرات ثرة لمعالجة كل هذه الهنات
|
Post: #10
Title: Re: ايعقل ياحمدوك هذا تيم تنسيق مؤتمراتك الصح
Author: بدر الدين الأمير
Date: 12-09-2019, 01:25 PM
Parent: #8
يامحمد حيدر
هى المنصات برايها
الصحفين انفسهم محتاجين لورش عمل تدريبية عن كيف تسال
واحد يقدم مداخلة وكأنه فى ندوة فكرية
والتانى يقدم استجواب والثالث داير يتكلم والسلام وكان الامر
جلسة خاصة على كباية شاى
الكيزان دمرو كل شىء دى حقيقة
بس الثوار قدمو ثورة ابهرت العالم
متى يرتقى تيم حمدوك لمستوى الثورة والثوار
|
Post: #11
Title: Re: ايعقل ياحمدوك هذا تيم تنسيق مؤتمراتك الصح
Author: بدر الدين الأمير
Date: 12-09-2019, 01:40 PM
Parent: #10
اميرة
ياخى نصبر على شنو ولاشنو
انت شفتى محطات التلفزة السودانية
مذيعة سودانية ٢٤ بتقطع كلام
حمدوك عشان هى تعلق قبل ماحمدوك
يكمل كلامو وتقول خلوكم معانا نحن
فى تغطية مباشر لامهنية ولافهم ولاتحضير
بضيف مختص او محلل معلومات جنس عواسة
تفقع المرارة
|
Post: #12
Title: Re: ايعقل ياحمدوك هذا تيم تنسيق مؤتمراتك الصح
Author: Amira Hussien
Date: 12-09-2019, 03:09 PM
Parent: #11
لا حظتا للمذيعة لكن نعزى أنفسنا بالصبر ونتفاءل بالقادم الأفضل
|
Post: #13
Title: Re: ايعقل ياحمدوك هذا تيم تنسيق مؤتمراتك الصح
Author: بدر الدين الأمير
Date: 12-09-2019, 11:26 PM
Parent: #12
اميرة
تلاتين سنة صبر وتانى تقولى اصبروا
ياسيدتى مستعدين نقدم خبراتنا وعلاقاتها
لنهضة الوطن حلمنا الوحيد ان نبنى ماهدمه الكيزان
|
Post: #14
Title: Re: ايعقل ياحمدوك هذا تيم تنسيق مؤتمراتك الصح
Author: Amira Hussien
Date: 12-10-2019, 04:54 AM
Parent: #13
يا سلام ........شعور كل ود بلد اصيل والوطن فى انتظار خبراتكم والمشاركة فى البناء
|
Post: #15
Title: Re: ايعقل ياحمدوك هذا تيم تنسيق مؤتمراتك الصح
Author: خضر الطيب
Date: 12-10-2019, 05:02 AM
Parent: #14
كلامك سليم يا ابو الأمير
الموضوع محتاج ترتبات من جهات تانية
انا ما بلوم حمدوك و لا فريقه الاعلامي
حمدوك يا بدر الدين ما كان رئيس وزراء قبل كده
و لا الفريق الاعلامي و لا وزراء حمدوك
خليهم يتعلمو
صبرنا على كيزان السجم الفاشلين تلاتين سنة
ليه ما نصبر على حكومة حمدوك 6 شهور ؟
|
|