الشاعر محمد المكي ابراهيم هو السفير الانسب للعمل بواشنطن

12:17 PM December, 05 2019

سودانيز اون لاين
Osman Musa-
مكتبتى
رابط مختصر

الشاعر محمد المكي رجل لا تنقصه المعرفة بالسياسة
الخارجية . وهو رجل المرحلة الانسب للعمل بسفارة
السودان بواشنطن

أويد بشدة ودون تحفظ

وأرفض ديييك المتنطعين حول حمدوك

السلام عليكم
اعتقد سيتم اختيار عزاز شامي لان حمدوك يميل اكثر لتوظيف المرأه ، ولسبب آخر هو ان عزاز لها خبره عمل في السفاره الامريكيه في الرياض ،و لو تم ذلك ، يمكن تعيين الشاعر محمد المكي ملحق ثقافي .

الاخ نادر سلامات
شاعر الامة الشفيف ود المكي
اكيد مافي انسب منو في دي المرحلة .
والرجل قريب جدا جدا بي البدور في امريكا والعالم .
ولو السودان جد محظوظ كان يكون هو وزير الخارجية .
لكن برضو لو حصل وكان هو سفير السودان في واشنطن
ما بكون فات شي .
علي كل حال نسمع د. حمدوك يوم الجمعة في اجتماعو
بي الجالية السودانية في فرجينيا حيقول شنو .

بس معقول السفير السابق بخرته الدبلوماسية العريضة وبرمزيته الوطنية الأكتوبرية وكأديب أريب وشاعر مجيد وشخصيته المهولة يعود للدبلوماسية فى منصب أقل من سفير؟!! .. وسفيرته شابة تنقصها الخبرة .. وخبرتها أنها عملت فى السفارة الأمريكية .. وماذا عملت هل دبلوماسية سكرتير ثالث أو ثانى مثلاً وهى ليست بأمريكية، أم موظفة فى القنصلية؟ مع إحترامى لعزاز شامى ومؤهلاتها الأكاديمية .. أما خيارها مقارنة بى ديييك فهى أكيد أفضل

الأخوان عثمان ونادر سلامات

طولنا من المكان دا لكن جابني الشديد القوي

كيف ما في تحفظ يانادر اخوي
محمد المكي لا يصلح لاي منصب بعد ان قدم دعمه لنظام الانقاذ والنظام في امس حاجته لأمثاله ... عندما كانت مهاوييسس النظام يطاردوننا في شوارع الخرطوم وبيوت الاشباح تشهد تعذيب الشهداء من امثال على فضل كانت الغبينة تقتلنا ونحن نرى محمد المكي والديناصور عبدالله ع ابراهيم وهم يضعون اساس التمكين لنظام الأنقاذ ...
كل ما حدث لهم بعد ذلك لا يهم ولا ينبغي.
نحن قاعدين في واشنطن دي دم شهداء تلك الفترة امانه في اعناقنا وما عندنا لآ ناقة و لا جمل في السودان ... لكن محمد المكي وامثاله ما بنخليهم يتحاومو بهنا وزي الما حصل شئ
لو اصلوا في ثورة جد جد الزي ديل مفروض يتحاكموا زيهم و زي ناس حدس ما حدس بتاعين الزمن دا لكن دي ما عندنا فيها غرض ...
ورحم الله علي فضل ورفاقه

تحياتنا يا عثمان وادينا سلك ياخ
ولكم الود

أيّام ترشيحات الوزراء للحكومة الانتقالية كان اسوأ ما يحدث لك أن يتم ترشيحك اسفيريا, بلمّوا فيك الشفوت لخ و تشليح و يودّوا ملفّك منبرشات ويستحيل يجي فاضي
بنكتوا ليك عوارة الابتدائي! وبعد دا بكون الترشيح اسفيري ساي جا على بال الكاتب في لحظة روقة و كباية جبنة بشمالو زي البشمال عثمان موسى دي و يكون ناب المرشح اللخ و السلخ ع الفاضي :)

د. سيف سلامات
يازول انت وين ؟
ياخ الاستاذة شامي لسع عود اخضر ليها التحية .
وسفارة السودان في الزمن الحاضر محتاجة لي سفير
هفي ويت في السياسة العالمية واصلاح الكسور والترضرض
الحصل في مراير السنين الفاتت .

أنا اقترح ترشيح ودالبشرى سفير في الإمارات ،معاكم أحلى مايك رشوهوا😂

في تقديري ان شاعرنا الهمام
بلغ من العمر عُتِيا
اعطوا الشباب فرصة العمل
واكيد من بينهم من يحمل روح رئيس وزراء دعك من سفير في واشنطون

وعمو عووضة أب شنبن روب مدير لإدارة النفايات بولاية الخرطوم البلقطوا القروش ديك ، ياخ افتحوا التقديم لوزارة الخارجية للشباب الكانوا صابينها خريجي الجامعات كسكرتيرين توالت

سلاما يا عثمانا وزواره الكرام ..
مع أكيد تقديري للأديب الشاعر الدبلوماسي فهو أهل لذلك بحكم الخبرة والتخصص..
بس مش قالوا عمر قمر الدين رجل عندو باع بين المنظمات في امريكا ورشح من قبل للوزارة ؟
الأستاذة عزاز يمكن بمؤهلاتها ونشاطها أن تنسب لإحدى ملحقيات السفارة كما قال الأخ أعلاه وهي أهل لذلك .

Quote: الجرثومة الانقلابية التي لسعت الجيش بقلم: محمد المكي إبراهيم https://up.top4top.net/ هذا العنوان مستقى من محاضرة سياسية أقيمت للسيد الصادق المهدي في اسلام اباد قبل نيف وثلاثين عاما في خواتيم واحد من تلك المؤتمرات الإسلامية التي لا تنتهي واذكر ان المحاضرة كانت باللغة الإنجليزية وحسب المحاضر الجليل فإن الذي أصاب جيشنا منها لم يكن مكروبا أو فيروسا وانما بقة Bug من تلك الآفات السريرية التي تعذب الراقدين وتقلق مناماتهم. وقد كان ذلك تدقيقا حميدا من المحاضر زود به اخوتنا الباكستانيين الذين كانوا يعيشون أياما قاسية في ظل دكتاتور مسلم يبرر حكمه هو الآخر بالرجوع الى تقاليد الإسلام العريقة ولا سبيل لتصور بهجتهم وهو يفتيهم بأن الإسلام لم يعرف ولا يعترف بفكرة الجيش البريتوري (أي الجيش المنظم على الطريقة الرومانية القديمة بما فيها من تراتبية مرصودة والذي يتلقى معاشه مقابل حمايته للدولة حتى لو كانت ممثلة بدكتاتور) وكان من رأيه ان الجيوش الإسلامية كانت تقوم على التطوع الذاتي وليس على الأعطية والرواتب. إلا أن جيشنا السوداني نشأ على يد الاستعمار ونال نصيبه من الأعطية ولم تكن بالشيء القليل واستمات في الخدمة والتفريق بين ما هو عسكري- نظامي - رجولي وما هو ملكي- فوضوي- بلا مرجعية أو بلا انتساب الى أوامر القادة . وفي استخدامات الرتب الدنيا بالجيش يعني "شغل الملكية" الفوضى والتساهل والخيابة ومقدارا من شغل العوين بمعناه البلدي واذا بدا ذلك مبررا ومفهوما في سياقات كولونيالية، فإنه ليس ممارسا في جيوش البلدان المتقدمة التي استعمرت العالم الثالث وزودت جيوشه بتدريباتها الأساسية. فهناك ميول على الأقل لدمقرطة الحياة العسكرية (إشاعة الديمقراطية فيها) خاصة بعد انضمام النساء الى الصفوف القتالية والمستقبل هو وحده الكفيل بتحديد معالم الديمقراطية الوافدة على جيوش البلدان المتقدمة وعبرها الى جيوش العالم الثالث. من جهة أخرى يقدم الاقتصادي السوداني العظيم مأمون بحيري في كتاب ذكرياته الصادر بالإنجليزية ومترجما عنها الى العربية واقعة مبكرة للممارسة السياسية للعسكرية السودانية في الأيام الأولى للاستقلال وقبل أن يختطف العسكر السلطة السياسية في البلاد. وتدور القصة في الأيام الأولى للاستقلال حين ذهب الزعيم الازهري الى باندونج ومنها الى الهند في زيارة هي أولى زيارات القيادة السودانية إلى الخارج ومعروف ما كان للهند من محبة وتقدير وأسبقية نضالية في نفوس الرعيل الأول من آباء الاستقلال والأزهري على وجه الخصوص. وفي ختام الزيارة وافقت الهند على تزويد السودان بطاقم من المستشارين الهنود لمساعدته في مجال التخطيط الاقتصادي. وهنالك تفاصيل شيقة عن مقام الوفد الاقتصادي بالسودان ولكن الأمر الذي يهمنا هو استعانة أحد أعضاء الوفد بالسيد بحيري لتيسير لقاء بالزعيم الأزهري وهو أمر أكمله الاقتصادي السوداني على أحسن الوجوه وبموافقة فورية من الزعيم الكبير. وحين خطا الزائر الهندي خارجا من مكتب الزعيم لاحظ وجود عدد من العسكريين السودانيين قي غرفة الانتظار فسأل من يكونون وأطلعه بحيري على هويتهم كقادة لجيش البلاد. - وماذا يريدون من السيد الرئيس؟ أجابه السيد بحيري: - مكاتب سيخليها الجيش البريطاني عند الجلاء يريدونها لأنفسهم. قال الخبير الهندي: - اذن دعني أعود للسيد الرئيس. عندي له كلمة تحذير مهمة. ومن جديد استأذن له السيد بحيري فأذن الزعيم باستئناف المقابلة، وعاد الخبير الهندي يكاشف الزعيم بما يمثله العسكريون من خطر على الديمقراطية الوليدة. -إنهم أناس خطرون ولقد شكمناهم في بلادنا ولكنهم خطرون إلى أبعد مدى وأريد أن أحذرك منهم يا سيدي الرئيس. إنهم يفعلون كل ما تتصور وما لا تتصور وبمقدورهم ان يعتقلوك يا سيدي الرئيس وأن يودعوك السجن. وبالفعل وفي مدى سنوات قليلة وقع المحظور، وقام ضابط متقلب المزاج يمارس "مشية العقرب" في أوقات فراغه وبمساعدة من رئيس قضاء انقلابى وضعا رافع العلم وأبو الوطنية السودانية في الحديد، حيث مات محروق الحشا في قيود السجن والمهانة، دليلا على قدرة الشعوب الاستثنائية على النكران والجحود، وعض اليد التي تتقدم إليها بجميل الخدمة والاعزاز. وظني ان أحدا لم يستنكر موت النميري في داره وبين أهليه، ولا موت بابكر (والعوض على الله ) في القاهرة، وسط هذيانات الزهايمر ولوثات العمر المتقدم وقذاراته. في استكمال ذلك التاريخ الأسود لا أدرى كيف أقول جاء عبود او جيء بعبود وهو رجل لاشك في كونه لطيفا ومحبوبا، وكان من واجبنا أن نحاكمه بالإعدام ثم ينال عفوا رئاسيا في اليوم التالي لصدور الحكم. ولكننا فضلنا أن نكون في موقع المحسن المتفضل. وعندما علم شبابنا العسكريون ان الحكاية ليس فيها محاكمة واعدام، اقبلوا على اللعبة الانقلابية بلا أدني خوف. وليس أسوأ في حق الديمقراطية من العزة بالإثم والتمجد الذي مارسه النميري في نهايات عمره الشقي، مفتخرا بأنه حرق حشا الامة في محمود محمد طه وعبد الخالق محجوب، وآخرين لا تعلمونهم الله أعلم بهم. وفي كل ذلك قال دعبل الخزاعي او لعله لم يقل: بنات زياد في القصور مصونة وبنت رسول الله في الفلوات وزياد هو زياد ابن أبيه الذي استلحقه معاوية بن ابي سفيان كاخ له لأبيه من زانية معروفة، وبنت رسول الله المعنية هي السيدة زينب غفيرة مصر، حفيدة النبي وأخت الحسين. وثأرهما لا زال مطلوبا من قبل الشيعة الإيرانية بعد قريب من خمسة عشر قرنا على الجريمة. واليوم ها هم العسكر ينازعون الشباب على مجد ثورتهم وينازعوننا كمواطنين سودانيين في حقنا في الترشح للمنصب العام وخوض انتخابات شفافة للوصول الى ذلك المنصب المطلوب. وهنا يحسن بنا ان نتريث قليلا. فمن أين للعسكر علم ذلك؟ لقد فتحوا أعينهم على زعيط ومعيط، ولم يروا الأزهري والمحجوب الا في الصور القديمة الباهتة باللونين الأبيض والأسود، ولم يدرسوا في معاهدهم عن عظمة الجيوش وهي ترفع راية الديمقراطية، وتنتصر لها أو تموت من أجلها، مرددة مع الرئيس لنكولن: ان حكومة الشعب للشعب بالشعب لن تبيد من وجه الأرض، ولن تختفي من الوجود. من أين لهم و اكبرهم عمرا وبرهانا لم يسمع كثيرا عن أولئك الأعلام، ومبلغ علمه وعلمهم يقف عند المخلوع ورفيقه النميري. وما كلامهم وتصديهم الا تكرار ممجوج لخطابة المخلوع. وغدا يرقصون رقصاته، وبذلك يذبحوننا على الطريقة الإسلامية، اختناقا بالضجر والسأم والملالة.

مجمد المكي ابراهيم تخطي وعي النخبة السودانية وادمان الفشل واللهاث لي مصر زمان وامريكا هسة
ده افضل مقال كتب عن حالات الانقلابات في السودان والتدليس السياسي المستمر حتي الان
دي كلها انقلابات 1958 و1969 و1989 و2019 مدعومة من مخابرات اقليمية ودولية من منظومة العالم الراسمالي الجشع والمتوحش التي تقوده امريكا وقرود السيرك الامريكي الخمسة في المنطقة
مصر والسعودية والامارات × قطر وتركيا
اقرو كلامو ده واستفيدو واجدعو علم مايو القبيح 1969 وفكونا من وجوهم الشائهة في النلفزويون والاذاعة

Quote: أنا اقترح ترشيح ودالبشرى سفير في الإمارات

😂😂😂
أثني بشدة
وفي إنتظار بتاعة الإبتدائي ديك إن وجدت او حتى إن لم توجد😈
قال عوارة قال

حاجة مهمة جدا يجب الانتباه اليها.

أي مواطن أمريكي لا يحق له أن يعمل سفيرا أو دبلومسيا لدولة أجنبية في واشنطن، ممكن يشتغل في دولة أخرى ولكن في أمريكا لا يجوز.
إلا في حالة التنازل عن الجنسية الامريكية.


الله كفانا وحمانا من شرور الإنتهازي مصطفى البطل في واشنطن.

سيف مصطفى

إنشالله تكون بخير.

أخونا العزيز عثمان
نحن فى واشنطن منتظرين من يقع عليه الإختيار سفيراً فى واشنطن
ولا يهمنا من يكون بس ما يكون كوز .
وأعظم حاجه فى بوستك العظيم هذا أنه أعاد لنا أستاذنا سيف مصطفى ,

لقد فتحوا أعينهم على زعيط ومعيط، ولم يروا الأزهري والمحجوب الا في الصور القديمة الباهتة باللونين الأبيض والأسود، ولم يدرسوا في معاهدهم عن عظمة الجيوش وهي ترفع راية الديمقراطية، وتنتصر لها أو تموت من أجلها، مرددة مع الرئيس لنكولن: ان حكومة الشعب للشعب بالشعب لن تبيد من وجه الأرض، ولن تختفي من الوجود.
يا ناس زعيط ومعيط جبنا ليكم كلام المكي ابراهيم بالاحمر اللون المفضل لقرود بافلوف الشيوعيين

عرف محمد المكي ابراهيم قيمة جيل الاستقلال الذهبي 1938-1956 وقيمة الديمقراطية ذاتا يا ناس المحاصصة المستهبلة وشالو السيدة وخلو حرم ونحن في القرن21 ..
https://up.top4top.net/

الزول الفي صف ده يا رب في صف رغيف؟؟؟
وهل مات بالملاريا في 1969
يا ناس زعيط ومعيط بعاعيت مايو 1969
طال ما الكلام عن محمد المكي ابراهيم ما خرجنا من النص \
بس بنشرح مقال قيم وضح منو الشاعر محمد المكي ابراهيم موديل 2020
اها يا صاحب البوست زول وصل الوعي ده ؟؟ ممكن يكون سفير لي ق ح ت الرايح لهيا درب في النظام العالمي المفضوح الناس تجري من امريكا وانتو تجرو عليها لحدي ما تدخلكم جحر ضب خرب قريبا

عادل امين.

الازهري والمحجوب هم أسواء قدوة، لأنهم ساهموا في تكريس الدولة العربية والإسلامية في السودان.

التعامل الدبلوماسي مع امريكا يحتاج لمن خبر دروب الدبلوماسية و تدرّج فى سلكها عبر انتمائه الوطيفى بالخارجية السودانية
السفير د/ نصر الدين والى هو المرشح الافضل لشغل هذا المنصب بحكم خبرته الطويلة التى امتدت من المغرب و تشاد و رواندا و فرنسا
ثم الامم المتحدة
خلّو العيش لى خبّازو
قال ود البشر_ي_ قال
هو نحنا ناقصين

جلالدونا

نصر الدين والي جزء من النظام القديم ولا يصلح أن يكون في أي منصب.
ديل الناس الذين دافعوا على جرائم النظام البائد في المحافل الدولية.

Quote: عادل امين.الازهري والمحجوب هم أسواء قدوة، لأنهم ساهموا في تكريس الدولة العربية والإسلامية في السودان.

انت اوعي من محمد المكي وليليه مركب مكنة شيوعيين
الناس ديل بتاعين ديمقراطية وست منستر جابتكم ارادة شعبية انتخابية الاسواء هم ناس انقلاب مايو 1969 المات خلاس مات ولكن الحي المستهبل في قوى الاجماع الوطني وق ح ت والعلم القبيح
يا دينق انت عايز فرمتة تاني اي زول بجي بي انقلاب هو حثالة سياسية لو كحلتو
الازهري والمحجوب وديل كانت عندهم احزاب حقيقية الوطني الاتحادي وحزب الامة
نحن مشكلتنا في السودان في المشاريع نفسها مش الاشخاص
نوعين من الدولة الدولة المركزية الفاسدة ولفاشلة والفاشية سواء جات بي انقلاب عديل او ثورة مزيفة وماحصصة الشيوعي البعثي الناصري او الاخواني والسلفي والدولة الديمقراطية الفدرالية الاشتراكية ودي ب مثلا الاحزاب الوطنية التقليدية والحزب الجمهوري والحركة الشعبية وقررررد علي كده كلامك القديم المعفن عن القوى الوطنية السودانية رحلتو جيل بعد جيل لحدي 2020 ودخلتو السودان في جحر ضب خرب
انا زول ما يجي بي صناديق الاقتراع ما يقعد لي في راسي لا في الاقاليم ولا في المركز لذلك احترم الحركة الشعبية وانتخابات 2010
والمخزي فيكم عالمين فيها كمان اوعي من الفيلسوف الفرنسي روجيه غارودي وكتبه القيمة
والله بتذكرني بي كلامك القديم المسوس ده الشالستون الترفيرا والقميص الترحمني منك
هل انت فعلا دينق

وظني ان أحدا لم يستنكر موت النميري في داره وبين أهليه، ولا موت بابكر (والعوض على الله ) في القاهرة، وسط هذيانات الزهايمر ولوثات العمر المتقدم وقذاراته.

والكلام الاحمر ده من مقال محمد المكي ابراهيم ايضا
اها قادننا بي علم بابكر عوض الله ده ليه ؟؟؟ علم الازهري مش رد اعتبار لي حاجات كثيرة
قلتو عايزيت سفير في امريكا ام الدنيا طبعا ارتقيتو بقيتو بتاعين ماما امريكا ولكن لازلتو عالقين مع دمبلاب والسيسي لسه في السودان وليس هناك ثورة ولا هم يحزنون
الثورة جات ومشت من 2005-2010 وهسة القدامنا ده مسلسل مدبلج وليت قومي يعلمون
بعدين المنبر الحر ما محل ونسة محل حقائق وحراك فكري سياسي موثق القدرو يمرق لينا بره بس

عادل أمين.

خليك مركز معاي لو سمحت.

إسماعيل الازهري ده مش من الذين تسببوا في حل الحزب الشيوعي السوداني؟

طيب عن أي ديمقراطية تتحدث يا رجل؟

Quote: إسماعيل الازهري ده مش من الذين تسببوا في حل الحزب الشيوعي السوداني؟ طيب عن أي ديمقراطية تتحدث يا رجل؟

تحياتى أخى العزيز أبو الجورج
رغم إحترامى لنضالات الزعيم الأزهرى لكنى أعتبر حادثين مأخذ فى سجل تاريخه
السياسى وهما حادثة جوده وحل الحزب الشيوعى .

كدي يا دينق ركز انت وفكنا من موضوع البوست المهبب
الشوه الديمقراطية 1965-1969 هو الترابي نجم السودان الاوحد بالدستور المزيف ومحكمة الردة لي لجمهوريين وحل الحزب الشيوعي ومن وراه طبعا الاستخبرات الدولية والترابي الرخيص لحدي هسة نجم الموسم ويقهقه من وراء قبره
طيب حل الحزب واتحرك قاضي المحكمة العليا بمعده المسروق وعمل انقلاب مع حثالة القوميين العرب الناصريين والبعثيين ماذا حصل للحزب الشيوعي ؟؟
تم تصفيته بوحشية وبطريقة خسيسة ما تشه ابدا الساسة والسياسة في السودان في العصر الذهبي 1938-1956 ليه ؟؟
صفت المخابرات الامريكية بمساعدة المخابرات المصرية الوسخة بواسطة ادواتها الرخيصة في السودان الحزب الشيوعي السوداني 1971
وده بالنسبة لطرد نواب الحزب الشيوعي وتراهات الساقط الترابي ان ذلك ومحكمة الردة التي صفا بها الترابي محمود محمد طه 1985 بحيثياتها لانه في 1968 كان فقط طلب تطليق زوجته منه ...
يعني الديمقراطية التي افسدها الترابي والصادق المهدي قبل انقلاب مايو العفن ....اخف وافضل كثير وهسة قاعدين يا شيوعيين زمن الكوليرا من جنرالات الانقاذ ومخلفات عبدالناصر وصدام حسين وفي القرن 21
وتهينو في الازهري والمحجوب وفي سنين الزهامير مع صديق يوسف وساطع الحاج والسنهوري والصادق المهدي
ياخ المحجوب وقف الحرب في اليمن في 7 يوم بس بعد طلع دينهم عبدالناصر السافل من 1962 قضت علي 500000 يمني و70000 جندي مصري ة وما حققت ليهم اي حاجة غير عبادة الطوطم وتراهات مصر ام الدنيا
وانت حمدوك بتاعك ده ما عارف لحدي هسة سوق النخاسة الببيعو فيه جنرالات زمن الكولير الجنود السودانيين في حروب الابادة الموارد بتاعة البنك الدولي وحمدوك عارفا ذى جوع بطنو
انا برشح سقيرة السودان في امريكا الكنداكة ندا القلعة ..

https://up.top4top.net/
بس او انصاف مدني غير كده ا صلو امريكا ما بتستاهل احسن من ديل (صفت المخابرات الامريكية الحزب الشيوعي السوداني بمساعدة المخابرات الصرية وانور السادات ))) وعن وكي ليكس نكلمكم

بعدين غلطة الازهري الاستراتيجية هو حشر السودان في جامعة الدول العربية 1957 ودفع الثمن المر بانقلاب القوميين العرب المدعوم من المخابرات المصرية وبابكر عوض الله ومات بطريقة مشينة ويجب فتح ملفه الان 2020

Quote: الشاعر محمد المكي رجل لا تنقصه المعرفة بالسياسة الخارجية . وهو رجل المرحلة الانسب للعمل بسفارة السودان بواشنطن

قريت مقال محمد المكي ابراهيم اخر موديل 2020 زعرفت المكي وصل ووين ؟؟؟ يا زول ق ح ت الرايح ليها درب
ام علي القلوب اقفالها
والونسة في الماسنجر بس في المنبر الحر (الحقيقة الموثقة بس )) والمحاصصة رجس من عمل ناس مايو 1969 واحسن ذى ما قال ليك جون قرنق زمان\احسن تسمع قبل تشوف
المحاصصة دي بتنتهي بتين ؟؟
يعني عايزين كم سنة ضوئية لحدي ما يتم تغيير كل الناس في 18 ولاية وفي كل سفارات السودان في الخارج والحمدالله ما عندنا سفارة في اليمن من بدت الحرب ومرتاحين نحمد الله

كده قفلنا ملف سفيه السودان في امريكا
https://up.top4top.net/

نحن عايزين انتخاباات طوالي ذى بتاعة 2010 في ظروف جيدة ودولية تجي امريكا ملعونة والديها تراقبا والامم المتحدة
انتو يا شيوعيين ويا بعثيين ويا ناصريين ويا مخلفات مايو ما اوعي من الشعب السوداني الخرج الانجليز بالانتخابات
وبعدين الدبلوماسية السودانية كانت مؤهلات وبمتحنو ليها الميدان الغربي من كل السودان وهسة وزيرة خارحيتكم ذاتا موديل 1970
وخلونا من شالو السيدة وخلو حرم
اتكلمو عن الديمقراطية عن الفدرالية عن الانتخابات يا اهل السفاهة ومايو الاولي 1969