Post: #1
Title: هل تم إعتقال كل من الطيب سيخة ويونس محمود؟
Author: اسماعيل عبد الله محمد
Date: 12-02-2019, 09:30 PM
Parent: #0
08:30 PM December, 02 2019 سودانيز اون لاين
اسماعيل عبد الله محمد-
مكتبتى
رابط مختصر
الأول قاتل مأجور و راعي ما يسمى بالصالح العام،،
والثاني قطع ارزاق السودانيين العاملين بدول الخليج بسبه لملوك وأمراء تلك البلدان،،
سيخة دا متهم بقتل الدكتور علي فضل و تصفية الأسير داؤود يحي بولاد...
|
Post: #2
Title: Re: هل تم إعتقال كل من الطيب سيخة ويونس محمود؟
Author: اسماعيل عبد الله محمد
Date: 12-06-2019, 11:49 AM
Parent: #1
ماصحة هذا الخبر الواتسابي؟
Quote: عاجل عاجل عاجل
تم القبض الان على المجرم القاتل الطيب محمد خير المشهور بالطيب سيخة وتم ذلك بعد تخفي دون الحيلولة ولكن بفضل معلومات الثوار تم القبض عليه.
الجدير بالذكر انه واثناء القبض عليه بدأ منهارا وجأش بالبكاء وكان خائفا والطريف انه بدأ يدلي بالمعلومات الخطيرة اثناء القبض عليه.
وقال ضابط مسئول كان ضمن تيم منفذي القبض فضل حجب ذكر اسمه ان الطيب سيخة بدأ يفضي ببعض المعلومات الخطيرة اثناء القبض عليه وانه جهش بالبكاء وقال "الديان لا يموت وكما تدين تدان".
واهم ما قاله الطيب سيخة ربنا يغفر لينا ونريد التوبة النصوحة وكما بدأ بذكر بعض الاسماء مثل الشهيد دكتور فضل والشهيد الزبير محمد صالح واسماء من بعض شهداء رمضان من القوات المسلحة.وكما قام بترديد عبارات مثل طهرونا من دماء القتلناهم تحت تأثير الحبوب المنشطة. انا عندي صرعة. انا مدمن كبتاقون. ومعلومات كثيرة فضل المصدر عدم الافصاح عنها ولكن سوف تنشر مستقبلا للشعب السوداني الابي المغوار.
#حقيقة كما تدين تدان والديان لا يموت |
|
Post: #3
Title: Re: هل تم إعتقال كل من الطيب سيخة ويونس محمود؟
Author: عماد الدين الطيب عمر
Date: 12-06-2019, 03:51 PM
Parent: #1
يا سمعة تحياتي
موش قالوا الراجل دا جن و فقد المحنة
الطيب سيخة يعاني من مرض نفسي و محبوس في بيته
حسب ما قيل
|
Post: #4
Title: Re: هل تم إعتقال كل من الطيب سيخة ويونس محمود؟
Author: Osman Musa
Date: 12-06-2019, 04:03 PM
Parent: #3
الاخ اسماعيل سلامات
القاتل الطيب سيخة ده قالوا اختلف معاهم زمان في بعض الحاجات .
وهم قاموا قشطوهو بي حقنة جننتو . طبعا هم عندهم حقن
اشكال وانواع وفي سوق الحقن ضيعوا ملايين الدولارات من
خزينة الشعب المسكين .
|
Post: #6
Title: Re: هل تم إعتقال كل من الطيب سيخة ويونس محمود؟
Author: اسماعيل عبد الله محمد
Date: 12-06-2019, 05:22 PM
Parent: #4
| Quote: وهم قاموا قشطوهو بي حقنة جننتو |
يا اخوي عثمان مع الجيل الراكب راس مافي مجال لأي نوع من التحايل...
مجنون موهوم ماسكو زهايمر لازم يتكلبش...
|
Post: #5
Title: Re: هل تم إعتقال كل من الطيب سيخة ويونس محمود؟
Author: اسماعيل عبد الله محمد
Date: 12-06-2019, 05:17 PM
Parent: #3
| Quote: موش قالوا الراجل دا جن و فقد المحنة |
والله يا اخ عماد الأنا عارفو الزول دا شديد ولضيض كان آخر ظهور له في مؤتمر ما يسمى بالحركة الإسلامية قبال خمسة ستة سنوات...وكان بارك زي الجمل قدام شيخهم الماسوني علي عثمان...
الكيزان بيعرفوا يديروا صراعاتهم كويس ما تظن في يوم من الأيام أن الخلاف بينهم ينتهي بقطيعة دائمة لو عايز تعرف الكلام ده شوف ردة فعل ناس المؤتمر الشعبي حول حل حزب المؤتمر الوطني...
سيخة مجرم كبير أشرف على قتل الدكتور علي فضل و صفى الأسير المهندس داؤود يحي بولاد...
هنالك تسجيل صوتي منسوب إليه يلقي قصيدة بعنوان فاطمة السمحة فيها رمزية لفقدانهم للسلطة بتلميح واضح إلى أن من فرط في السلطة و سلم فاطمة السمحة هو قوش....
|
Post: #7
Title: Re: هل تم إعتقال كل من الطيب سيخة ويونس محمود؟
Author: منتصر عبد الباسط
Date: 12-06-2019, 05:36 PM
| Quote: مثل الشهيد دكتور فضل والشهيد الزبير محمد صالح |
كدا معناتو الخبر مضروب بنسبة 100%
|
Post: #8
Title: Re: هل تم إعتقال كل من الطيب سيخة ويونس محمود؟
Author: يوسف الطيب احمد إدريس
Date: 12-06-2019, 05:45 PM
Parent: #7
Quote: موش قالوا الراجل دا جن و فقد المنحنة
الطيب سيخة يعاني من مرض نفسي و محبوس في بيته
حسب ما قيلة |
قبل سنة قابلتو في المدينة في الحرم النبوي.. تصادفنا قريب الروضة الشريفة
سلمنا على بعض سلام سودانيين وكان عادي جدا بمجرد ما قلت مرحب يا دكتور الراجل تغير
وبسرعة اختفى ..
اتذكر كان جار لخالنا الله يرحمه في بيوت النقل النهري في بحري هو ومصطفى عثمان اسماعيل
وكان قبله الترابي وسليمان محمد سليمان عضو مجلس قيادة الثورة السابق ..
|
Post: #12
Title: Re: هل تم إعتقال كل من الطيب سيخة ويونس محمود؟
Author: اسماعيل عبد الله محمد
Date: 12-08-2019, 12:12 PM
Parent: #8
Quote: سلمنا على بعض سلام سودانيين وكان عادي جدا بمجرد ما قلت مرحب يا دكتور الراجل تغير
وبسرعة اختفى .. |
القتلة و سافكو الدماء جبناء يرتعدون من ضلهم,,
|
Post: #9
Title: Re: هل تم إعتقال كل من الطيب سيخة ويونس محمود؟
Author: يوسف الطيب احمد إدريس
Date: 12-06-2019, 05:45 PM
Parent: #7
Quote: موش قالوا الراجل دا جن و فقد المنحنة
الطيب سيخة يعاني من مرض نفسي و محبوس في بيته
حسب ما قيلة |
قبل سنة قابلتو في المدينة في الحرم النبوي.. تصادفنا قريب الروضة الشريفة
سلمنا على بعض سلام سودانيين وكان عادي جدا بمجرد ما قلت مرحب يا دكتور الراجل تغير
وبسرعة اختفى ..
اتذكر كان جار لخالنا الله يرحمه في بيوت النقل النهري في بحري هو ومصطفى عثمان اسماعيل
وكان قبله الترابي وسليمان محمد سليمان عضو مجلس قيادة الثورة السابق ..
|
Post: #11
Title: Re: هل تم إعتقال كل من الطيب سيخة ويونس محمود؟
Author: دفع الله ود الأصيل
Date: 12-06-2019, 05:55 PM
Parent: #9
●يا سمعة شاحد إلاهي و سيدي
يجمع شمل كول (الطيبين) خلف
القضبان . يلا قوللهم: هاتو اللي بعدو
الخال الرئاسي دا عامل لينا سافوتة.
|
Post: #13
Title: Re: هل تم إعتقال كل من الطيب سيخة ويونس محمود؟
Author: اسماعيل عبد الله محمد
Date: 12-08-2019, 12:16 PM
Parent: #11
Quote:
الخال الرئاسي دا عامل لينا سافوتة. |
مراحب يا ود الأصيل ,,
لقب الخال الرئاسي دا ليهو تمن.
ما كان بتخيل يكون في يوم من الأيام خال السجين.
|
Post: #10
Title: Re: هل تم إعتقال كل من الطيب سيخة ويونس محمود؟
Author: منتصر عبد الباسط
Date: 12-06-2019, 05:49 PM
Parent: #7
قصة إنو الزبير محمد صالح والرائد شمس الدين ماتو مكتولين قتل عمد وبفعل فاعل
دي كانت قصص ألفها الكيزان عشان يجملوا بيها صورة مواتهم ويغطوا على جرائمهم
بسبب دموية هذين الشخصين الزبير وشمس الدين وممارستهم للتصفيات والقتل
صنعوا في موتهم بحوادث قصص مصتنعة .
ويقوموا يلصقوا قصة القتل على من خرج منهم مغاضبا .
أنا لا أكذب احتمال أن يكون تمت تصفيتهما بشكل مطلق
لكن الاحتمال ضعيف ويحتاج لإقرار أو أدلة توكده.
وليس بمجرد اشاعات
لأن الزبير محمد صالح والرائد شمس الدين لم يكونا محل خطر وضرر على الكيزان
بل كانا لهم طائعين ووديعين وينفذان لهم كل ما يريدون من جرائم.
|
Post: #14
Title: Re: هل تم إعتقال كل من الطيب سيخة ويونس محمود؟
Author: علي عبدالوهاب عثمان
Date: 12-08-2019, 12:45 PM
Parent: #10
الحبيب اسماعيل .. تحياتي ..
يونس محمود بصراحة كان كارثة .. خاصة أيام حرب الخليج
كل يوم شتائم أحرج السودانيين في السعودية لدرجة توقف التأشيرات لفترات
واضطر البعض إلى استخراج جوازات تشادية
هجوم يومي وبمفردات غريبة جداً مثل (( دينكا نجد ))
يتهم فيها السعودية بتمويل قرنق بالسلاح
وأذكر مقالة للامير عبدالرحمن بن سعود ( كان رئيس نادي النصر )
نشرها في جريدة الجزيرة يشكر فيها الشعب السوداني وحمل المسئولية للشيخ الترابي
وبذلك الموقف جلب البشير لنفسه الكثير من المصائب والعداوات
ربما إرساله الجنود لليمن لتعويض ما فات
مع التحية الحبيب اسماعيل ..
|
Post: #15
Title: Re: هل تم إعتقال كل من الطيب سيخة ويونس محمود؟
Author: اسماعيل عبد الله محمد
Date: 12-08-2019, 01:23 PM
Parent: #14
| Quote: يونس محمود بصراحة كان كارثة . |
حبيبنا علي عبد الوهاب سلامات
كان يطلق عليه ديك الصباح , لقد كان ديك شؤم جر وبال على المغتربين السودانيين في دول الخليج,,,
|
Post: #16
Title: Re: هل تم إعتقال كل من الطيب سيخة ويونس محمود؟
Author: علاء سيداحمد
Date: 12-08-2019, 06:57 PM
Parent: #15
الانتباهة: القبض على الطيب”سيخة” في كمين
Quote: الخرطوم: باج نيوز
ألقت السلطات القبض على أحد قيادات الإنقاذ الطيب إبراهيم محمد خير”سيخة” بعد كمين ببحري أمس.
وأوضحت صحيفة الانتباهة الصادرة اليوم”الجمعة” بحسب مصادرها، أنّ القوة المكلّفة بالقبض على الطيب نصبت له كمينًا بإحدى ضواحي مدينة بحري، ونجحت في القبض عليه. |
|
Post: #17
Title: Re: هل تم إعتقال كل من الطيب سيخة ويونس محمود؟
Author: اسماعيل عبد الله محمد
Date: 12-08-2019, 08:54 PM
Parent: #16
Quote:
الانتباهة: القبض على الطيب”سيخة” في كمين |
شكراً علاء،،
|
|