ماذا يجرى فى مكاتب بيع الكهرباء ؟

09:08 AM December, 02 2019

سودانيز اون لاين
قلقو-الخرطوم,السودان
مكتبتى
رابط مختصر

الجمهور الداخل لشراء الكهرباء عن طريق بطاقة الصراف الآلى من مراكز البيع فى الخرطوم صاروا يسمعون نغمات جديدة من موظفى البيع المباشر وذلك حتى يجبرون المواطن على الشراء الكهرباء نقدا ويتفننون فى ايجاد الأعذار لعدم البيع عن طريق البطاقات :
مثلا : مكتب العمارات ش(1) المجاور وشرق مقابر فاروق : عذرهم هو أن الشبكة طاشة ( العذر السرمدى والأذلى لكثير من مكاتب الحكومة التى تتعامل مع الجمهور) .
مكتب شارع عبيد ختم قرب محطة المشتل : عذرهم أن هناك اعطال فى اجهزة التعامل مع بطاقات الصراف الآلى بقت تسبب ليهم فروقات ومشاكل كتيرة مع البنك المسحوب عليه قيمة الكهرباء المشتراة بواسطة المواطنين الشيئ الذى يتضرر منه موظف البيع .
مكتب بيع الطائف قرب مسجد السواحلى : رصيدك يا شيخنا ما بيغطى قيمة الكهرباء المطلوبة ,مع إنك بتكون متأكد أن رصيدك فيه ما يكفى لدفع القيمة ولمن تبتدى تجادل فى المسألة دى , يقوم الموظف يقول ليك : والله دى المكنة البتقول كده وما نحن , وفعلا لمن يوريك المكنة تلقى فعلا إنه ليس لديك رصيد .هل هناك تلاعب يتم فى ماكينات التعامل مع البطاقات المصرفية ؟
هذه فقط ثلاثة نماذج لثلاثة مكاتب فى الخرطوم تتفنن فيما بينها لأجبار وإكراه المواطن لشراء الكهرباء نقدا , وبالتأكيد هناك كثير من مكاتب بيع الكهرباء تلعب نفس الدور القذر هذا .
يا ترى ماذا يجرى فى قطاع بيع الكهرباء ؟ ولماذا يريدون إجبار المواطن على شراء الكهرباء نقدا وليس عن طريق بطاقات الصراف الآلى ؟ ماهى المصلحة فى ذلك .
هناك كثير من الخباثات والخساسات تجرى فى هذا المرفق الهام ولابد من كشفها وتعريتها ومحاكمتها .

لسلام عليكم
بالنسبه لشرء الكهربا وتشحن رصيد الهاتف وتسديد بعض الفوتير متوفر عبر اجهزه الصراف الالى وممكن لمشترك يقوم بالعمليه مباشره عبر الصراف (ايام ازمه السيوله كنت اشترى الكهرباء واشخن رصيد استفيد منو للمكالمات والانترنت واحيانا لبيع الرصيد للحصول على مال سائلاوقات (الزنقه) ودون عوائق ربما مشكله وحيده هى احيانا نفاذ بكره الورق الخاص بالاشعارات وتضطر تضرب لشركه الخدمات المصرفيه عشان يدوك الكود(التوكن) كما يسموه .

انا اشتري الكهرباء من خلال الحساب البنكي بالموبايل ..حاجة مريحة فعلا

الزملاء عاصم على ومحمد إبراهيم ,
نعم هناك بعض الوسائل المريحة لشراء الكهرباء أو للتعامل مع كثير من المتاجر والمولات لدفع قيمة المشتريات عن طريق كرت الأئتمان, لكن انا تسآؤلى كان حول تملص مكاتب بيع الكهرباء عن التعامل مع الجمهور عن طريق هذا الكرت او كرت الصراف الآلى كما يطلقه عليها الناس ,وذلك عن طريق إطلاق حجج واهية ذكرتها فى البوست السابق .
أنا لا اقول كل المكاتب تفعل هكذا لأنى لا اعلم كيف تسير الأمور فيها كما لا أقول أن ذلك يحدث طوال الأيام الوقت ,فأحيانا يفعلون طريقة الدفع عن طريق البطاقة . لكن تكرر هذا الأمر وحدوثه فى ثلاثة مكاتب بيع فى ثلاثة مناطق مختلفة فى اوقات مختلفة شيئ يدعو للوقوف والتسآؤل حول ماذا يجرى هناك ؟ هل هو اختلاق وافتعال أزمة مثل أزمة المواصلات والرغيف ؟ أم هى محاولة لجمع السيولة من أيدى المواطنين لشراء الذهب والدولار او لشراء محاصيل نقدية للصادر مثلما تفعل شركة (زين) ؟
الأمر يحتاج لمراجعة ومتابعة .

سلام عليكم تانى
بالمناسبه ناس الكهربا ديل نظام براهو
قبل الضحيه شاشه العدادمسحت (الحمدلله كان فى كهبه كفايه) بلغت بالعطل على رقم البلاغات وانتظرت قريب شهر ماجانى زول واضطريت اضرب تانى وابلغ واكدت عليهم يدونى رقم البلاغ وانتظرت يوم وتانى يوم مشيت لقيت مكتب البلاعات فى مكتب الكهرباء تبع حينا مقفول والجماعه مع ست الشاى تحت شجره قدام المكتب. سالتهم ياجماعه حاصل وحاصل قالو لى مافى حاجه بتتم الا ببلاغ لرقم البلاغات نحنا مابنقدر نعمل شى هنا وريتهم انو بلغت وعندى رقم اللاغ ..قالو لى تمشى تقابل المهندس جوا وفعلا مشيت لقيت رقم البلاغ موجود فى جهازهم وتم بعدهامعالجه مشكلتى .
حاجه تخليكتستغرب مادام بتاخرو عليك لما تبلغ على رقم اللاغات مش احسن الواحد يمشى للمهندس عديل يبلغ طالما انو فى مشور فى مشوار لمكتب الكهربا