"بضدها تُعرف الأشياء" الحزب الشيوعي v الكيزان

07:06 AM December, 02 2019

سودانيز اون لاين
حمد عبد الغفار عمر-
مكتبتى
رابط مختصر

فلا تعرف فضل الصحة إلا بالمرض ولا البصر إلا بالعمى ولا الشبع إلا بالجوع ولا الراحة إلا بالتعب ولا النور إلا بالظلام.

الحزب الشيوعي وخلال مسيرته التي امتدت حوالي 73 عاماً تعرض خلالها إلى كافة انواع التنكيل والمضايقات إدت في كثير من الأحيان إلى وهنه وخفوت صوته لدرجة شيعه بعض الناقمين عليه وراهنوا على عدم استطاعته الوقوف مرة أخرى ولكنها لم تثنيه عن ممارسة أقصى درجات الإنضباط الحزبي وابرزها صفة النزاهة والأمانة التي لازمت منتسبيه في تعاملهم مع المال العام وفي أداء وظائفهم .

وبالمقابل شارك الكيزان في الحكم في فترات عديدة حتى دانت لهم السيطرة التامة في 1989 وفي كل هذه الفترات صاحبت ممارستهم التعدي على المال العام والمحسوبية حتى استباحوا موارد البلد تماماً ما أدى إلى تدمير اقتصاد البلد وافقار الناس وأدى ذلك إلى هذه الثورة العظيمة التي دكت عرشهم ورمت بهم إلى حيث لا ذكرى حسنة.

الآن يتصايح الكيزان ويولولون من سيطرة الحزب الشيوعي واليسار على مفاصل الفترة الإنتقالية ولكن يتناسون أن الشعب لم يثر عليهم إلا لأنهم فاسدين وسارقين لأموال الدولة ولتبلور اعتقاد أن الدولة لم يضيعها إلا التعدي على المال العام وسرقته وبذلك يكونوا هم من قدم الدولة على طبق من ذهب لقوى اليسار لأنهم لو طرحوا السؤال : من هو بديل من يسرق ؟ فالإجابة ستكون بالتأكيد هو النزيه النظيف عفيف اليد.

و بضدها تتمايز الاشياء
مرحب بيك يا حمد

ح على السلامة يا زول

كيفك يا خضر
شنو نجي تمشوا نمشي تجوا؟
المتنبيء كمان قال بضدها تتبين الأشياء كلو ماشي بس عيال كوزموس ديل يفارقوا دربنا

عبدالله ادريس الله يسلمك ياخ والشوق بحر

ايام الثورة الواتسب مسك بتلابيبنا وسيطر علينا بسبب سيل الاخبار وسرعة التلقي والنقل بعدنا شوية من المنبر

قدر ما اشوف صورة بروفايلك يجي في بالي طه الحسين..


سلامات وتحايا .. بعد طول غيبة .. الجابك يجيب طه

وينك يا حيدر انت ذاتك مختفي
طه الحسين منو اوع يكون فلان سيد الاسم

سلامات يا حمد
الغلاط دا زي الخشيناه قبل كدا ولا دا دي جافو ساي

Quote: صفة النزاهة والأمانة التي لازمت منتسبيه في تعاملهم مع المال العام وفي أداء وظائفهم . وبالمقابل شارك الكيزان في الحكم في فترات عديدة حتى دانت لهم السيطرة التامة في 1989 وفي كل هذه الفترات صاحبت ممارستهم التعدي على المال العام والمحسوبية

المهم, أول خطأ منهجي في كلامك اعتبارك ان الشيوعيين ضد الكيزان وقفلتها على كدا, و استخدمتها كتدليل على مسالة النزاهة! وين الباقين العلى الضد من الكيزان؟ هل الحياة السياسية السودانية فيها الاتنين ديل بس!
لكن ما مشكلة نجي للمغالطة الأهم و هي الفرضية الفي المقتبس
طيب عشان تقارن لازم آبل لآبل, كم حكم الشيوعيين وكم من المناصب العامة تولّوها مقارنة بحكم الكيزان عشان تقارن وتخلص لنتائج قاطعة زي دي!

لكن الأهم من دا أن النزاهة مسألة شخصية, ممكن اقول فلان نزيه لكن ما بقول الحزب الفلاني وكل منسوبية نزيهين و العكس كذلك
أخيرا ما فيني حيل افتّش ليك رابط صلاح بندر بتاع "المليور" دولار لكن كان ود الزبير جا بي جاي أو الفقر ابو منو دا بجيبوه ليك

حمدنا ... بركه بالشوفه ...
عارف يا حمد انا من أشد المعجبين بدول
الخليج وحكوماتها وانجازاتها تجاه مواطنيها
وتجاه تنمية وعمران بلدانها وانخراط شعوبها
في العمل وترقية وتطوير قدراتهم لمزيد من
التجويد والاحترافية مع غياب تام للطبقة
السياسية (ما عندهم سياسيين) ... اللافت في
الموضوع لا عندهم كوز ولا شيوعي ولا حزب
أمة او اتحادي ... هل الحاصل في الخليج دا
نتيجة وعي شعوبها بخطل هذه التشكيلات
السياسية العقيمة التي لم تقدم سودانا دا
ولو لي بوصة واحدة ... مع حفظ حق
السودانيين في التقدم علي شعوب هذه
الدول في معظم المجالات الفكرية والعملية ....
مرحب بيك تاني ... ويا زول اعترف ليك
ولي علي دفع الله ... انا عندي ٤ أشقاء من
الجنسين شيوعيين ... الفوبيا ولا اللوبيا
ما تمسكني لي شنو ...

محمد البشرى حياك

Quote: المهم, أول خطأ منهجي في كلامك اعتبارك ان الشيوعيين ضد الكيزان وقفلتها على كدا, و استخدمتها كتدليل على مسالة النزاهة! وين الباقين العلى الضد من الكيزان؟ هل الحياة السياسية السودانية فيها الاتنين ديل بس! لكن ما مشكلة نجي للمغالطة الأهم و هي الفرضية الفي المقتبس طيب عشان تقارن لازم آبل لآبل, كم حكم الشيوعيين وكم من المناصب العامة تولّوها مقارنة بحكم الكيزان عشان تقارن وتخلص لنتائج قاطعة زي دي! لكن الأهم من دا أن النزاهة مسألة شخصية, ممكن اقول فلان نزيه لكن ما بقول الحزب الفلاني وكل منسوبية نزيهين و العكس كذلك أخيرا ما فيني حيل افتّش ليك رابط صلاح بندر بتاع "المليور" دولار لكن كان ود الزبير جا بي جاي أو الفقر ابو منو دا بجيبوه ليك

انا ما قفلتها قلت الحزب الشيوعي واليسار وأيضا يشمل الجمهوريين لكن فكرتي هي انو الولولة على الدين من قبل الكيزان والتخويف من العلمانيين دا بقى حنك بيش الناس بقوا يكرهوا الكيزان في نفسهم لاعتقاد الناس بأنو ما دمر البلد إلا السرقة الممنهجة من الكيزان لموارد البلد وانو حال البلد ما بتصلح الا اذا مسك البلد نقيض ذلك وهو الحزب الشيوعي صاحب الباع الطويل في مسألة النزاهة دي أما مسألة انو الشيوعيين واليسار بشكل عام ما اتجربوا في حكم دا كلام مردود لانو الخدمة المدنية كانت تعج بالموظفين الشيوعيين ما حصل سمعنا بواحد فيهم اختلس أو ارتشى لدرجة انو محمود شريف رفض يفصل موظفي الكهرباء بدعاوى التمكين
تانيا كلام صلاح البندر دا كلام غبينة ساي وصاحب الغبينة بقول أي شيء وما عندو ما يسند كلامو قوالات بس زي حكاية القروش بتاعة مدني عباس مدني
المهم في الكلام إنو المفاهيم تبدلت بشكل كبير وانتهى أدب الستينات والسبعينات والتمانينات السياسي الناس بقوا ابديتد وكلام الحبوبات بقى ما بمشي لذلك تحس في ترحيب ببروز اليسار في واجهة المشهد السياسي


صلاح شايفو جاء لكن أبوطاقية لو جاء طوالي بشد سلك للكاونتربوينت وتنقد الرهيفة


أها الوجه الضاحك أبى

أبو الصلح كيفك ياخ

Quote: حمدنا ... بركه بالشوفه ... عارف يا حمد انا من أشد المعجبين بدول الخليج وحكوماتها وانجازاتها تجاه مواطنيها وتجاه تنمية وعمران بلدانها وانخراط شعوبها في العمل وترقية وتطوير قدراتهم لمزيد من التجويد والاحترافية مع غياب تام للطبقة السياسية (ما عندهم سياسيين) ... اللافت في الموضوع لا عندهم كوز ولا شيوعي ولا حزب أمة او اتحادي ... هل الحاصل في الخليج دا نتيجة وعي شعوبها بخطل هذه التشكيلات السياسية العقيمة التي لم تقدم سودانا دا ولو لي بوصة واحدة ... مع حفظ حق السودانيين في التقدم علي شعوب هذه الدول في معظم المجالات الفكرية والعملية .... مرحب بيك تاني ... ويا زول اعترف ليك ولي علي دفع الله ... انا عندي ٤ أشقاء من الجنسين شيوعيين ... الفوبيا ولا اللوبيا ما تمسكني لي شنو ...

دول الخليج دي ما حالة خاصة يا صلاح بلد مليانة قروش بتسمح بالتجريب وصولا للنجاح

لكن وين مع الشحتفة العندنا دي نحن عايزين ممارسة جيدة من خلال مشاركة جماعية

اتفق معاك نحن السياسة عندنا خربانة لكن البزيد الدمار هو الفساد المالي والإداري 0 ياخ السرقة السرقوها الكيزان دي ساهلة ؟

حمدوك قال عايز 2 مليار يمين اتنين مليار دي تلقاها في حساب أي كوز من الطبقة المتوسطة


طيب ما دام عندك شيوعيين الفوبيا البجيبك ليك شنو خليك مطمئن الحبة ما بتجيك
اصبروا لليسار دا الناس ديل متجردين لخلق توازن يمشي بالبلد دي لي قدام

(بضدها تعرف الاشياء) من المقولات الشهيرة و هي مقولة خاطئة مثلها و مثل مقولة (هل يستقيم الظل و العود اعوج). قد يستقيم الظل و العود اعوج، و يمكن ان يكون مئات الناس ضدك و معظمهم ضد بعض. كم حزب ضد المؤتمر الوطني، هل يمكن معرفتها و معرفة مكنوناتها؟

.
اووووووو ...
صديقُنا (حمد)وك ... (حمد)ا لله على السلامة ... البورد منور والله ... شنو الغيبة دي !!!
.
..
.

مرحب عبدالله محمد احمد
السياسيون تحكمهم التزاماتهم لكن عامة الناس اصبحت لا تصدق ما يتفوه به الكيزان
ولم تفلح كل محاولتهم لإثارة الناس ضد اليسار كما كانوا يفعلون في السابق وهذا حصاد افعالهم

هلا قسم الفضيل
ياخ الواتسب دا مصيبة خاصة ايام الثورة كان ما معاهو فرصة حتى للأكل
يديك العافية

منوّر يا حمدنـــــــا ........

نهاية الأضداد تُعيدك لبداية الضد ..
والعكس ليس صحيح ..
مش بقولوا في قمة الشناة سماحة تراها إن تمعّنت ..
البياض لمحة فارس والزراق أقعد جالس ..
عشان تتمعن للسماحة وكده ..

فلسفة مني ساي دي ...

سلام حمد
و سلامة العودة.
التشخيص الصحيح نصف الحل و فى تقديرى المتواضع هذا التشخيص ليس سليما و لو الناس مشت عليهو, بعد 30 سنة تاني ترجعو لنقطة البداية.

الله معاكم.

Quote: الفوبيا البجيبك ليك شنو خليك مطمئن الحبة ما بتجيك اصبروا لليسار دا الناس ديل متجردين لخلق توازن يمشي بالبلد دي لي قدام

يا حمد يا خوي دي تاني ما بتمشي علينا ...
الأحزاب الشمولية البتحكم لوحدها ولا
شريك لها (منفستو الماركسية معلوم للجميع
ولم يتبرأ منه الحزب الشيوعي السوداني
الي الآن) ... لن تنجح الأحزاب العقائدية
في حكم السودان بعد مصيبة الكيزان
العشناها واتعلمنا منها ... عندنا ٤٠ مليون
سياسي كلو واحد فيهم عارف عوجة
التاني وين ...

حمد بيقول ليك :-
تضحك بلاهن (طبعا هو لا يعلم إنك مركب طقم)
... إيش فيك؟
😜😜😜

ابوحسين
تضحك يا كبير؟ هههه
تضحك بلاهن

Quote: بضدها تُعرف الأشياءandquot; الحزب الشي�

الشيوعيين ليس نقيض الكيزان بل الوجه الاخر للعملة نفسها الردئيئة والمنتهية الصلاحية الجات من مصر
وهسة حسبت للكيزان مخازي نص مايو 1978-1985 وكل الانقاذ 1989-2019
والحقيقية كل الانقلابات دي وراها المخابرات الاقليمية والدولية ونفس الفئة من المجتمع السوداني "اقليات"المركز من خدم هذه المشاريع المجرمة ومستمر حتي الان انقلاب 1958 و1969 و1989 و2019
ومن مخازي الحزب الشيوعي المشاركة في انقلاب مايو 1969 مع الناصريين ولبعثيين ومستمر الان في قح ت مع نفس القوميين العرب وحكمة ربك نفس الناس
لا الكيزان لا شيوعيين قوى ديمقراطية من الاساس ومن تاسست ولي يوم الدين
من مخازي انقلاب مايو 1969
القتل الخسيس
للازهري
السيد الهادي المهدي
تاميم مشين
التطهير الغوغائي
مسخ العلم والشعار والتعليم والقوات النظامية
جهاز امن الدولة المرتبط بالمخابرات المصرية حتي اليوم
خفة اليد الثورية والشيوعيين المتساقطين عبر المسيرة افسد من الفساد ذاتو
وهسة نحن عالقين بين السيء والاسوا فقط
وما تحشر الجمهوريين =مشروع سوداني نظيف مع الخمسة ديل اطلاقا الشيوعيين الناصريين البعثيين الاخوان المسلمين السلفيين اطلاقا ولا يكون تدليس اكاديمي
الحزب الجمهوري والحركة الشعبية فقط هم وجهين لعملة سودانية حرة واصلية واحدة
امشي شوف مشروع الجمهوريين السياسي في كتاب اسس دستور السودان 1955 وكتاب جنوب السودان المشكلة والحل وهو مغيب تماما حتي الان
الحركة الشعبية تتجلي في كتب د منصور خالد الراقية مثلا كناب (السودان تناقص الاوتاد وتكاثر الزعازع او برنامج الحركة الشعبية شمال الانتخابي (الامل ) بتاع انتخابات 2010
مشكلة السودان اصلا نفسية اجتماعية ما عندها علاقة بالسياسة كعلم اطلاقا
ودي عايزة دكتور فيل واوبرا ونيفيري

Quote: الحزب الشيوعي وخلال مسيرته التي امتدت حوالي 73 عاماً تعرض خلالها إلى كافة انواع التنكيل والمضايقات إدت في كثير من الأحيان إلى وهنه وخفوت صوته لدرجة شيعه بعض الناقمين عليه وراهنوا على عدم استطاعته الوقوف مرة أخرى ولكنها لم تثنيه عن ممارسة أقصى درجات الإنضباط الحزبي وابرزها صفة النزاهة والأمانة التي لازمت منتسبيه في تعاملهم مع المال العام وفي أداء وظائفهم .

إنضباط و نزاهة و أمانة ....؟؟؟؟؟؟؟؟؟؟؟؟؟؟؟؟
ياخي تخ ياخي قوم لف ......
حكمو تلاتة أيام بي إنقلاب يعني حاجاتك دي كلها طلعت فشوش ساكت ....
قتل العزل في غرفة مقفولة خليه ..... أحسب لينا الباقي بس
بعدين علي قولك حزب ليه 73 سنة عمل فيها شنو ...؟؟؟؟
عامل خطوات تنظيم أو مكانك سر ....
ياخي قوم لف بلا حزب شيوعي بلا بطيخ معاك ....

Quote: فلا تعرف فضل الصحة إلا بالمرض

اكيد والصحة دونها خرط القتاد الان لرجل افريقيا المريض والمعاق السودان وما طلعو من وعي مايو 1969 وعلم مثلث الحمدي فقط
الشيوعيين ايضا مرض والفرق بينهم وبين الكيزان اختلاف مقدار بس
ذى الفرق بين الملاريا الخبيثة =الاخوان المسلمين والملاريا العادية = الشيوعيين

ابو حسين
جمعة مباركة
يا شاب انتو لو عايزين تحصرو نفسكم في تاريخ محدد انا برجع بيك لبعانخي وتهراقا وبطلع ليك انهم قتلوا وظلموا السياسة فيها الاخطاء رغم انو القتل المزعوم بتاع بيت الضيافة دا قتل غلاطا في الاسافير وفي النهاية هو كان بين فصائل مسلحة غض النظر انهم شيوعيين او مايويين او خلافو
تانيا هسه دور الحزب الشيوعي في الثورة دي بتقدر تنفيهو ؟
ياخ تكوين لجان المقاومة في الاحياء دي براها تقف شاهد على مجهود الحزب
قوم اشرب ليك كباية وشاي ولف او اكتب ليك قصيدة

يا صلاح الزبير
انا لا ادعو لحكم أحادي سواء للحزب الشيوعي او خلافه وانما ان تكون الديمقراطية هي الطريق للحكم
لكن بدعو صراحة لتبني مفهوم ونهج اليسار في الحكم الاحزاب اليمينية مع احترامنا للكل عجزت طوال فترة ما بعد الاستقلال في تقديم رؤية حكم واضحة ظلت تتخبط في تحالفات تكرس فقط لوجودها في الحكم .
النهج اليساري منفتح ويتقبل التجديد

المحجوب عبدالله
هلا بيك
التشخيص ما صحيح كيف يا محجوب هل في تاريخ السودان طلعت مظاهرة لاقالة مدير ادارة زي التلفزيون لانو ينتمي للحزب الفلاني؟
يا محجوب انا مع تداول السلطة على نهج ديمقراطي

جمال القوز
كيفك يا حبيب
ياخ انا مطول الغاز سودانييز دي بقت صعبة علي
المهم انت كزول عائش الوضع ما ملاحظ في صعود وقبول دون تحفظ لليسار من غمار الناس؟
دون تحفظ دي مهمة

حمد ، حمدله ع السلام ياجاي من السفر. و الله ما
جابني البوست؛ لعلمك بجهلي بساس يسوس. و لعلمي
بإنك زول بتاع"حبيبي أمسك لي و أنا بكطع ليك"
و لا عندنا روح زاتا لي جنس اللت و العجن دا.

● و لكن إن كان و لا بد من تعقيب فزي ما قال ليك
عمو عادل أمين كيزان على عِلمان دا الرماد و دا قدحو.
ديل عاملين زي" غلفا و حايمة بي موسا تطهر" و ديلك
"يبخرو فوقا و هي قاعدة تفسي". معليش ياخ تاني ما
تطول النجعة ؛ ود القوز جهجه باكاتك و جينا طمجناها
ليك فرد مرة . بلا ؛ تخريمة: وكت الله جابك و يجيب
عقابك، فاتحين لينا بوست للحنتوباب بالله تجي تتاوق.

حمد لبد .... سلام واشتياقات ...

الكيزان في اول سنة من ثورة الانقاذ ...( قبل اللحس ) كانو متحمسين وماشين كويس ...
ومع طول فترة الحكم قلبو هوووبة ...
اها الجماعة ديل في البداية حيمشو كويس ( الجديد شديد ) ..
وبعدين بقلبو ...( دا مقرر في كل الحكومات السودانية )
والله أعلم ,,,

عاالم بطاالـــــــــــــــــــــــــــة ,,,

Quote: و لكن إن كان و لا بد من تعقيب فزي ما قال ليكعمو عادل أمين كيزان على عِلمان دا الرماد و دا قدحو.

ود الاصيل تصدق انا قاعد في البورد ده من 2002 من القى الزول يخصص يا فلان ويا علان بخستك بي نفسو والقضية الفاتحا ونرجع تاتي لثقافة القطيع
انك بتقرا وتتابع كويس وحتما السايقة واصلة
زول داير يشكر لينا الراكوبة في المطر في القرن21 من الاصل
ما في شيوعيين في السودان في نسختين من القوميين العرب نسخة ردئية الشيوعيين ونسحة ردئية جدا الناصريين والبعثيين
والحقيقة لحدي هسة بعرفوها في السودان انا ومنصور خالد وانت كمان طبعا
الما بقرا المكتوب بنجيب الصور ....

وانت بتحب القصص الطريفة في واحد قمبرجي اداري في نادي كده جاب ولد لي فريقو بتاع الكورة قال الا يلعبو راس حربة زمن الدامر بي خيرا ..جابو في الميدان عشان يشوت ضربة جزاء في التمرين بالله الكورة دي مشت ذى السم وقلعت راية الكورنر البعيد هناك الجماعة ضحكو علي الجحبور ,,,,وزولك زعل قال ليهم الولد مالو كويس جدا بس عايز كدارة..رد ليه المخضرم (ع) والله ولدك ده داير ليه نضارة وذهبت مثلا
عليك اصرف النظارة اللابسا دي لي ناس لالا في البورد ديل عشان ما يفوتهم الكثير من الوعي الجديد نحن ما في زمن 1964 وهبي هبي يا اكتوبر الان
وما يعرفو ان الشيوعيين والناصريين والبعثيين والكيزان والسلفيين ملة واحدة ادوات استخبارات اقليمية ودولية
لو قعدو مليون سنة ضوئية ما بجو بي الانتخابات في السودان عشان كده حيقعدو في راسنا بي المحاصصة ويقعدوا معانا الانقاذ
لحدي ما تصحي كديسة الدعم السريع وتريحنا من السالفة المكرورة في البورد بتاعة انو الكوز احسن من الشيوعي
وكده شوف عليك الله الحزب الشيوعي اهان الانصار كيف 1970وعمل القصة صراع طبقي https://up.top4top.net/https://up.top4top.net/
هو فعلا صراع طبقي بس ما لي صالح الشيوعيين
لان الانصار ((قبائل )))وشجعان وسودانيين ليهم تاريخ مجيد في تحرير السودان عبر العصور من الاتراك تجار الرقيق 1885 والانجليز الراقين 1956 اما مايو1969 ديل خدم واقليات المركز مخلفات الصاغ صلاح سالم و الباش بذوق ناس عجبوني الولاد السرارة من قوميين عرب مشوهين لحدي هسة من ثورة 1924 المزيفة نحن نعيش هذا الاستلاب المقيت ونحيا ونشوف ....بنصل وين ؟؟؟
موضوع البوست الجابني وما عندي قضية بي فلان او علان
الشيوعيين والكيزان حاجة ولحدة
يختلف الاوغاد والمشروع الماشي يدمر ما تبقى من السودان وااااااااااااااحد ونفس الناس حكمة ربك

● يا عمو عادل و الله ليك وحشة . ياخ ما دايرين
نفتل البوست لولدنا حمد ؛ بس جنس كلامك دا بالنسبة
لي مهضوم جدن لكن خايف غيري يقول ليك زي البتقرمش
ليك في تسالي و راكب ليك هوستن داوودي شاحن زبالة
موديها علي جيهة ناس ( حشرو عباس ) ديك المي هنا.

● بالموناسبة أخونا المسرحي عادل السعيد طراني من
تكساس و كلمتو بيك ما صدق ؛ جبنا سيرتك بالخير طبعن
و ذكرناك بما لم يقله الإمام ابن كثير في علم الرجال .
♤ تخريمة - شهقة لون و تكية خط:
ياخ نسيت أقول ليك: الدنيا خمايس و عقاب شهر؛
فلو عندك لينا نص كارب كدا تباصيه النخمسو معاك.

عادل امين
مرحب بيك
انت لسه ماسك المساحة والتباشيرة وتكتب بمزاجك؟
ياخ من الاجحاف انك في الوضع الراهن دا تساوي بين الكيزان والشيوعيين
انا احترم الجمهوريين وجون قرنق لذات النزاهة لكن ما دام زمن الغتغتة والدسديس انتهى هاك امسك:
1- الجمهوريين كانوا متحالفين مع نميري لحدي 83 وكانوا شاهدين على كل جرائم نميري ولم يعترضوا عليها دا ما بنفي معارضتهم الصادقة والوقفة البطولية للاستاذ في مواجهة جلاديه
2- جون قرنق لما سقط نميري ظل يحارب ارادة الجماهير ممثلة في الفترة الانتقالية وفترة الديمقراطية حتى وصلت قواته مشارف كوستي دا غير التعالي الاتعاملت بيهو الحركة مع قوى المعارضة.
3- منصور خالد عراب نظام مايو وشاهد على كل الجرائم ولم يفتح الله عليه بكلمة في مواجهة الدكتاتور نميري
بعد دا عايز تحاسب الحزب الشيوعي على تأييدو لمايو الاختلف معاها بعد سنة بس وكان اول ضحاياها بمجزرة ادمت القلوب


شايفك ما جبت سيرة السيدين عسى ما خلاف

حياك الله يا ود الاصيل
سلامي لي عادل السعيد وقول ليه التولي يوم الزحف من الكبائر يطلع في امريكا حملة تضامن مع الشعب اليمني وما هانت العشرة الزول ده كان معانا ردحا من الزمن وكان فاعل في المشهد الثقافي في اليمن ومدير مكتب صحيفة الشرق الاوسط
والحياة الهداف والرجال مواقف ... اطلع مع عادل في اي حملات تضامن مع الشعب اليمني لو انت في امريكا واتصور سلفي ونزلا هنا عشان نشهد ليك الان ويوم القيامة ببراءة من اهل الرجس وقررررط علي كده
ده كلامي العايز اقولو لي عادل السعيد
وانا قاعد في البورد والحمدالله
تحت شعار زهت ايامي وانا بتغزل ما بهتم لي قول العزل والمشهد السياسي السوداني البائس وكعوك المركز المدورين بي السودان لحدي هسة وحكمة ربك ((نفس الناس )) ونفس الكلام ونفس حقي سميح وحق الناس ليه شتيح (دي احسن من غلفا وشايلة موسا تطهر )
والسكر حق الرجال وخليناه من قرينا قصيدة صلاح احمد ابراهيم دييك ...
وبقينا نتفكر ونتامل والبلد هنا قوية روحيا جدا ... وتحرر عقل المعاد والذات المبدعة
وانت ما تجي مناطق العمليات عشان النيران الصديقة
في بوستات ثقافية كويسة ممكن تتمدد فيها ذى ما عايز ما بتلقي فيها الرايش المؤذى من اهل البلادة المؤدلجة
والله ديل ذى ما قلت ليك يشعروك بشعور بغيض جدا ذى ((الحصحاص في الجذمة )))
ما داع للرايكس هنا
واضح الافق البتحرك فيه البوست ...

Quote: انت لسه ماسك المساحة والتباشيرة وتكتب بمزاجك؟

عليك الله يا عادل رش الكعوك حمد دا رشه
معتبره ليرعوي ويرعوي كل من تحدثه نفسه
بالتطاول وياريت تديهو من النوع دا :-

الفرق الأكبر انه الكيزان ما بخافوا الله لا في السر لا في العلن الشيوعين بخافوا الله لكن بالدس رأسهم قوي

ههههههه
هو عليك الله يا صلاح انا ذاتي لو ما تعاسة، بعد سنة اجي وما يتلموا فيني الا اتنين من اخطر كعوك المنبر؟ ابو حسين وعادل امين
لكن بمساعدة الاصدقاء الشيوعيين بردمهم ليك

Quote: الفرق الأكبر انه الكيزان ما بخافوا الله لا في السر لا في العلن الشيوعين بخافوا الله لكن بالدس رأسهم قوي

لا يا عواليق انت ....
الكيزان بعرفو الله و ما بخافوه ....
الشيوعيين ما بعرفو الله زاتو عشان يخافوه ....
😂😂😂😂😂😂😂

●أمريكا وين يا عمو عادل نحن صابنها قلبنا بجاي.
و الله إلا آخد ليك سلفي مع ( جملن ) أصهب في بطاح أم هبج
بطانة أب علي . و ناس معزتتا الما بنريد غيرم رحلو خلونا حليلم)
عادل السعيد في عم(ريكا) و أخونا Shinteer ضارب اليابان كمان.
● بعدبن ياخ فهمتني غلت، قصدي (نص) أدبي من تجليات أيام
اليمن الخوالي، نخمسو معاك نمخمخ فيه لحد بكرة؛ و يلا نقرط
على كدا نتخارج من مناطق العمليات دي خسوسن أخ حمد اللي
جابنا حسو شكلو كره انبعاثنا فلم يرد التحية بمثلها و لا أظرط
منها.لكن معليش عادي بتحصل في بنبر من ما لا (بامبر ) له.

دفع الله ودالاصيل
بالغت ياخ انا في اشد الشوق للصحاب انا لاقيك وين ياخ لو اخرت مداخلتك دي دقائق كان جاييك بس كتابة الجوال سخيفة الواحد حتى ما قادر يضحك بالوجوه الخضراء ديك البوست بوستك يمين وانا بحب التنوع في البوست اكتب ياخ جمل ايامنا ما تكتبه مقروء وبنهم رغم مشقة اللغة ههههه برجع لمداخلتك الفوق

● لا تثريب عليك يا حمد. و الله دا كان من شوقي ليك
و سؤالنا عنك ما أنقطع طيلة فترة غيابك ؛ و اللي كان
جرت خلالها مياه آسنة كثيرة من تحت الجسر هنا .
بس توعنا إنك تاني ما تطول النجعة. خالص موتي.

وينك يا مجيدو مشتاقين اكتر

شنو من ديك وعييك ههههه عالم بطالة

Quote: حمد لبد .... سلام واشتياقات ... الكيزان في اول سنة من ثورة الانقاذ ...( قبل اللحس ) كانو متحمسين وماشين كويس ... ومع طول فترة الحكم قلبو هوووبة ... اها الجماعة ديل في البداية حيمشو كويس ( الجديد شديد ) .. وبعدين بقلبو ...( دا مقرر في كل الحكومات السودانية ) والله أعلم ,,, عاالم بطاالـــــــــــــــــــــــــــة ,,,

الكيزان ديل دا شيتا أصلو ما شفنا لا في الناس ولا في الاباليس
دا لغف عقيدة وكانت تجربة مريرة ما اعتقد تاني الناس بسمحو بتكرارها
السرقة ما بتقيف لكن توجد إمكانية حسمها الآن الوضع مختلف يا مجيدو في عزيمة وحماس لبناء سودان جيد

هلا منتصر
كيفك يا حبيب

الفرق الأكبر انه الكيزان ما بخافوا الله لا في السر لا في العلن الشيوعين بخافوا الله لكن بالدس رأسهم قوي

هههههه
آي خليك منصف يا جميل وأحكي للمتزمزغين ديل كل الحصل

الشيوعية فكرتها قائمة على البؤس والحقد الطبقي ومشاركة الفقر ..
اي فساد وثراء حرام بما يخرج من دائرة برجوازي صغير معناها انت برة الفكرة وتبقى طبقة محقود عليها .. لذا فالنزاهة خط سياسي

الاخوان المسلمين قائمين على فكرة - التمكين في الارض وخلافة العباد الصالحين ... ثم على وأما بنعمة ربك فحدث !
عدم مظاهر النعمة والتملك والتمكين لهم بيعنى انهم ليسو العباد الصالحين . فالفساد عندهم خط سياسي برضو

اما الجمهوريين فتعبانيين لي شنو ما عارف :)




المهم
نعم قاصد طه الحسين جنرال المنفى :)