Post: #2
Title: Re: حميدتي المدينة غير
Author: Mohd Ibrahim
Date: 12-01-2019, 04:31 PM
Parent: #1
فارشين ليو كاربت ومعطلين الدنيا كلها والشوارع بره ...حيمشي يعمل شنو جديد ..غايتو جنس هبالة ..
|
Post: #3
Title: Re: حميدتي المدينة غير
Author: عمر التاج
Date: 12-01-2019, 04:42 PM
شايف الطول والقامة يا اخ محمد؟
افورقي بس ماشاء الله، والغريبة الزيارة لارتريا
ولواءات الجيش ومدنيو المجلس السيادي يتطوحون للوداع والاستقبال
Quote: *النائب الأول لرئيس مجلس السيادة الإنتقالي يتوجه الي أسمرا*
توجه النائب الأول لرئيس مجلس السيادة الانتقالي الفريق أول محمد حمدان دقلو صباح اليوم الي اسمرا عاصمة دولة إريتريا في زيارة رسمية تستغرق يوما واحدا يرافقه عضوا مجلس السيادة الانتقالي الفريق الركن ياسر العطا والأستاذة نيكولا عيسي عبدالمسيح ووزير الثقافة والإعلام الأستاذ فيصل محمد صالح .
وكان في وداعه بمطار الخرطوم عضوا مجلس السيادة الانتقالي اللواء ابراهيم جابر والأستاذ محمد الفكي سليمان والأمين العام لمجلس السيادة اللواء أسامة الصديق جادالله ووزير الداخلية الفريق شرطة الطريفي ادريس ووزير الزراعة والموارد الطبيعية عيسي عثمان شريف. |
غايتو الصور توضح بجلاء الفرق الواضح بين
حميدتي الخلا وحميدتي العاصمة..
|
Post: #4
Title: Re: حميدتي المدينة غير
Author: اسماعيل عبد الله محمد
Date: 12-01-2019, 04:44 PM
ولدنا أنيق ورشيق الله يطول في عمره و يحفظه من اولاد الح......
|
Post: #5
Title: Re: حميدتي المدينة غير
Author: اسماعيل عبد الله محمد
Date: 12-01-2019, 05:13 PM
Parent: #4
مغصة عيال خراطيم..
بهتموا بالقشور...
اها جاتكم القشرة المن امها..
الملاحظة في أناقة ولدنا
| Quote: السياسي السوداني الوحيد اللابس بدلة قدرو و slim fit كمان |
دا تعليق ناشطة سودانية مقيمة في هولندا..
|
Post: #6
Title: Re: حميدتي المدينة غير
Author: مرتضي عبد الجليل
Date: 12-01-2019, 05:47 PM
Parent: #5
السياسي السوداني الوحيد اللابس بدلة قدرو و slim fit كمان
يا اسماعيل كيفك
حلو الوحيد يعترف بارتكابو مع اخرين المجزرة ويسلم اخوهو والضباط النفذو للعدالة , بعد داك
يلبس
slim fit
ياكل ام فتفت ما بهمنا و يرجى البل القانونلى لقواتو اجلا ام عاجلا .
|
Post: #7
Title: Re: حميدتي المدينة غير
Author: اسماعيل عبد الله محمد
Date: 12-01-2019, 05:57 PM
Parent: #6
| Quote: ياكل ام فتفت ما بهمنا و يرجى البل القانونلى لقواتو اجلا ام عاجلا |
انت بتتكلم من على الرصيف
وقولك لا يعتبر جريمة
الزول الان ممثل لسيادة وطنك السودان..
بالغانوووووون هههههههههههههه
|
Post: #8
Title: Re: حميدتي المدينة غير
Author: عمر التاج
Date: 12-01-2019, 06:17 PM
Parent: #7
| Quote: ولدنا أنيق ورشيق الله يطول في عمره و يحفظه من اولاد الح |
سلامات سمعة
بالجد مكمل الوجاهة والوسامة
ومشروع سيسي كبير في السودان
الظاهر عنده مستشار أناقة محترف
الله يحفظ ليه أولاد الح 
|
Post: #13
Title: Re: حميدتي المدينة غير
Author: اسماعيل عبد الله محمد
Date: 12-01-2019, 07:49 PM
Parent: #8
| Quote: ومشروع سيسي كبير في السودان |
لا لا لا لا في دي غلطت غلط كبير...
لم يصل السيسي ابداً إلى موقع الرجل الثاني الممثل لسيادة الدولة...
السيسي ومناوي كانا مساعدين فقط لرأس السيادة
لكن حمديتي اليوم يمثل السيادة
بحقو
سواء الوجاهة والأناقة
او القوة و السطوة
كلاب
عشان تآمنوا
ههههههههه
|
Post: #9
Title: Re: حميدتي المدينة غير
Author: عمر التاج
Date: 12-01-2019, 06:58 PM
Parent: #6
سلامات مرتضى،
التاريخ ده لو الناس مشت تبحت فيهو كعب خلاص
كل الأحزاب الكبيرة التقليدية والتقدمية لديها ثقوب سوداء في التاريخ
وانت مثلا كتقدمي يساري ستجد تاريخك الحزبي متورط في مجزرة الجزيرة أبا وغيرها..
لذا اتوقع ان ينسى الناس التاريخ قريبا ويقلبوا جغرافيا..
وعلى هذا الأساس نتعامل مع حميدتي في متاهته الجديده ونتابع اخبار الزيارة..
Quote: #وزير_الاعلام_الاريتري_يمان_قبرمسكل
الجنرال حميدتي اطلع الرئيس اسياس افورقي على مجريات محادثات السلام السودانية وأكد على اهمية دعم ارتريا لإنجاح العملية بينما اكد الرئيس اسياس على استعداد الحكومة الارترية وشعبها لاداء دورها الذي وصفه بالمتواضع مع الاتفاق على تعزيز العلاقات الثنائية |
ونعود لصور عربي الخلا في حلته الجديدة..
|
Post: #10
Title: Re: حميدتي المدينة غير
Author: عمر التاج
Date: 12-01-2019, 07:10 PM
Parent: #9
بالله قفوا وتاملوا الصورة الأخيرة دي..
وشوفوا فريق المدينة (خرت) الفريق افورقي كيفن
وفي عقر داره كمان
افورقي لسه بلبس اللبسة الاشتراكية الباهتة
وينتعل شبط مبشتن، وجلسة مملة حزينة
بينما جنرال الخلا بتاعنا ما شاء الله، آخر هندمة وشياكة
فل سوت زي الليل، ألوان دبلوماسية طاعمة
طقم اكسسوارات ومكملات متناسق، جزمة زي الجزمة
شرابات طاغية على المشهد، جلسة ملكية..
الراجل ما شاء الله مثلنا في الخارج خير تمثيل،
ومثل بنا في الداخل أيما تمثيل هههه
..
أما الصورة الأكثر جاذبية واحترافا، فهي الصورة الثانية فوق..
في تلك الصورة يبدو حميدتي وكأنه يسبح في الهواء
يتطلع نحو الافق، ويكاد يناطح الشمس
الصورة ممكن ان تكون لوحة فنية عالية الجودة شديدة الاحترافية،
لا تقل روعة عن صورة عريس يشهق ملء حبه وحبوره وهو يتأمل عروسه الفاتنة..
|
Post: #11
Title: Re: حميدتي المدينة غير
Author: جمال ود القوز
Date: 12-01-2019, 07:34 PM
Parent: #10
بالمناسبة دي ..
أهدي ليك أغنية الاتشتت وغلب اللقاط ..
|
Post: #12
Title: Re: حميدتي المدينة غير
Author: محمد على طه الملك
Date: 12-01-2019, 07:48 PM
Parent: #11
فعلا انيق ورشيق بس حقو ناس سمعة ينبهو يزرر الجاكيت لما يكون مستقبل او مستقبلنو.
|
Post: #14
Title: Re: حميدتي المدينة غير
Author: اسماعيل عبد الله محمد
Date: 12-01-2019, 07:52 PM
Parent: #12
| Quote: فعلا انيق ورشيق بس حقو ناس سمعة ينبهو يزرر الجاكيت لما يكون مستقبل او مستقبلنو |
برضو أحسن من بشة بالكاروهات في نيالا هههههههه
اولاد الذين...
|
Post: #15
Title: Re: حميدتي المدينة غير
Author: عمر التاج
Date: 12-01-2019, 08:00 PM
Parent: #11
ونحن بدورنا نرد الهدية بأفضل منها ونهديك اغنية (انكسر المرق واتشتت الرصاص)..
..
ويا سمعة كويس انك ماقريتها زي التانين (سياسي) ..
الا انا قصدي السيسي الكبير.. والرئيس الخطير
جابها عسكرية، وقلب مدني اترشح وفاز،
وتاني رجعها عسكرية..
انها عسكرية المدن الحديثة التي تتوافق مع توجهات الغرب يا صديقي..
|
Post: #16
Title: Re: حميدتي المدينة غير
Author: عمر التاج
Date: 12-01-2019, 08:07 PM
Parent: #15
حبابك مولانا الملك
Quote:
فعلا انيق ورشيق بس حقو ناس سمعة ينبهو يزرر الجاكيت |
انت في أسد الخلا ده
ولا السبعة بتاعين المدينة المبارينو في البساط الأحمر في الصورة الفوق
واحد فيهم قافل الزراير وقوفا مافي..
بما فيهم عضو المجلس السيادي المدني
|
Post: #17
Title: Re: حميدتي المدينة غير
Author: اسماعيل عبد الله محمد
Date: 12-01-2019, 10:00 PM
Parent: #15
| Quote: الا انا قصدي السيسي الكبير |
ههههههههههههه
لقيت ليك مراقة...
ما جلابي ما بتغلبك حيلة اللولوة انتو سيادا...
|
Post: #18
Title: Re: حميدتي المدينة غير
Author: خضر الطيب
Date: 12-01-2019, 10:19 PM
Parent: #17
عريان العروض ما بسترنو هدومو
و الكتل العيال لابد يجي في يومو
|
Post: #19
Title: Re: حميدتي المدينة غير
Author: اسماعيل عبد الله محمد
Date: 12-01-2019, 10:24 PM
Parent: #18
Quote:
عريان العروض ما بسترنو هدومو
و الكتل العيال لابد يجي في يومو |
لينا ستين سنة بنسمع (دخلوها وصقيرا حام)..
لليلة لا زول دخل لا صقيراً حام،،،
اقعدوا في الفصاحة و خلونا للبيان بالعمل،،
|
Post: #20
Title: Re: حميدتي المدينة غير
Author: عمر التاج
Date: 12-02-2019, 07:03 AM
Parent: #19
بما انك زول لعاب يا اسماعين
عايزينك تعلق على الصورة الجميلة دي..
ناس مدنياااو يمتنعون
|
Post: #21
Title: Re: حميدتي المدينة غير
Author: Abureesh
Date: 12-02-2019, 07:30 AM
Parent: #20
.
|
Post: #22
Title: Re: حميدتي المدينة غير
Author: اسماعيل عبد الله محمد
Date: 12-02-2019, 08:35 AM
Parent: #20
| Quote: عايزينك تعلق على الصورة الجميلة دي. |
أهو انت علقت.
يا ود التاج مت بغيظك...
من تتحدث عنه رمز سيادة دولتك..
|
Post: #23
Title: Re: حميدتي المدينة غير
Author: Ali Alkanzi
Date: 12-02-2019, 09:55 AM
Parent: #22
بالمناسبة اخ اسماعيل
بالمناسبة اولاد (الخرب)
اعني الغرب
آخر اناقة بالبدلة
they are so smart
وكذا الدينكا
بس انحنا ناس مربع حمدي كروش وبروش
ولكن ما زال فينا الانيق
وانا لو حميدتي تاني ما بلبس بدلة عسكرية
|
Post: #24
Title: Re: حميدتي المدينة غير
Author: عمر التاج
Date: 12-02-2019, 03:08 PM
Parent: #23
مافي اي غيظ يا سمعة
نحن بنشجع اللعبة الحلوة وبس
واوهو السودان كلو عايش على الحاء
حمدوك وحميدتي وحا نعمل
و الخلاصة طلعنا من قميص حمدوك ووقعنا في بدلة حميدتي
|
Post: #25
Title: Re: حميدتي المدينة غير
Author: علي عبدالوهاب عثمان
Date: 12-02-2019, 04:40 PM
Parent: #24
التاج حبيبنا .. تحياتي ..
صدقني حضور .. منافس خطير لإبننا الأصم
أين قروب ناس (( منبر شات ))
أكيد حميدتي عندو مستشارين على مستوى
ملاحظة حبيبنا الكنزي صاح .. إخواننا الجنوبيين قمة في الاناقة
طول والاستايل .. وحميدتي كمان ما شاء الله ..
إذا استمر في هذا ( اللوك ) سوف يجذب المزيد من الجمهور
حبيبنا التاج صدقني بوستاتك جميلة جداً
حبيبنا التاج رغم سنوات العمر البدلة معاي 100% بسبب النحافة
لكن الجلابية السودانية مشكلة لأنها تحتاج إلى ناس عريض المنكبين
|
Post: #27
Title: Re: حميدتي المدينة غير
Author: اسماعيل عبد الله محمد
Date: 12-02-2019, 08:57 PM
Parent: #24
| Quote: و الخلاصة طلعنا من قميص حمدوك ووقعنا في بدلة حميدتي |
دي الانصرافية الضيعت البلد
|
Post: #26
Title: Re: حميدتي المدينة غير
Author: اسماعيل عبد الله محمد
Date: 12-02-2019, 08:55 PM
Parent: #23
اخي علي الكنزي كيف حالك
Quote: بس انحنا ناس مربع حمدي كروش وبروش
ولكن ما زال فينا الانيق |
يا ريت كل ناس مربع حمدي يكونوا حقانيين زيك
..
شكراً على قول الحق.
|
Post: #28
Title: Re: حميدتي المدينة غير
Author: محمد على طه الملك
Date: 12-02-2019, 10:19 PM
Parent: #26
| Quote: انت في أسد الخلا دهولا السبعة بتاعين المدينة المبارينو في البساط الأحمر في الصورة الفوقواحد فيهم قافل الزراير وقوفا مافي..بما فيهم عضو المجلس السيادي المدني |
طبعا يا ود التاج الشائع لما تكون فاتح الزراير معناه انت من السكيورتي المرافق ..
معليش خطا في انزال صورة
|
Post: #29
Title: Re: حميدتي المدينة غير
Author: محمد على طه الملك
Date: 12-02-2019, 10:23 PM
Parent: #28
دي الصورة إن شاء الله تظبط
|
Post: #30
Title: Re: حميدتي المدينة غير
Author: جلالدونا
Date: 12-02-2019, 10:25 PM
Parent: #28
و كمان اسياسى افورقى استقبلو بالشبط
|
Post: #31
Title: Re: حميدتي المدينة غير
Author: اسماعيل عبد الله محمد
Date: 12-02-2019, 10:32 PM
Parent: #30
زمااااان في أغنية لواحدة إسمها عوضية عز الدين
مغص يا مغص يا العزابة تاكلو فول وعدس يا العزابة
اليوم منطوق الاغنية يقول
مغص يا مغص يا الجلابة........
|
Post: #32
Title: Re: حميدتي المدينة غير
Author: اسماعيل عبد الله محمد
Date: 12-03-2019, 00:06 AM
Parent: #30
| Quote: و كمان اسياسى افورقى استقبلو بالشبط |
أن شاء الله يكون لابس ماااااايوه...
|
Post: #33
Title: Re: حميدتي المدينة غير
Author: عمر التاج
Date: 12-03-2019, 05:56 AM
Parent: #32
أوافق الكنزي وشيخنا علي انه الشاسي بتاع الغرابة والدينكا متزبط مع الفل سوت
وحتى حميدتي ما بانت وجاهته وازدانت بطنه المستوية الا بالنيولوك بتاع اسمرا
زمان كان الكاكي ظالمو، ويبدو عليه كأنه مجند نفر..
الجلابة برضو فيهم الاستايل البخش في اي حاجة وتتظبط أموره..
واضرب مثال بنميري، والزبير محمد صالح.. رحمهما الله.
كنا بنشوفهم قيافة سواء بالكاكي أو البدلة أو الزي القومي..
|
Post: #34
Title: Re: حميدتي المدينة غير
Author: عمر التاج
Date: 12-03-2019, 06:10 AM
Parent: #33
| Quote: الشائع لما تكون فاتح الزراير معناه انت من السكيورتي المرافق .. |
معلومة مهمة مولاي الملك، نحن الجلابة ديل اتربينا على الجلابية والعراقي، اسه البدله أصبحت لزوم شغل وبس، تقفل قاعد وتفتح واقف ومرات بدون كرافتة ولا شرابات، لكن ان شاء الله لو اشتغلنا وزراء بعد العمر ده نكلم السكيورتي يقفلوا.. ههههه
أو كمان ننضم لحزب حبيبنا علي وننسي الجلابيب والعمم ونبقى ناس قمصان كاروهات وجاكت أو لبسة اشتراكية، تحية ليك حبيبنا علي والف شكر..
ا
Quote:
حبيبنا التاج صدقني بوستاتك جميلة جداً
حبيبنا التاج رغم سنوات العمر البدلة معاي 100% بسبب النحافة
لكن الجلابية السودانية مشكلة لأنها تحتاج إلى ناس عريض المنكبين |
|
Post: #35
Title: Re: حميدتي المدينة غير
Author: walid taha
Date: 12-03-2019, 07:37 AM
Parent: #1
بصراحة أناقة لافتة ، مع الأخذ بملاحظتي مولانا الملك .
|
Post: #36
Title: Re: حميدتي المدينة غير
Author: MOHAMMED ELSHEIKH
Date: 12-03-2019, 08:24 AM
Parent: #35
| Quote: بصراحة أناقة لافتة ، مع الأخذ بملاحظتي مولانا الملك . |
برضو ما ينسى الجزمة أبو من غير رباط دي يغيرها ويجيب واحدة أبو رباط
|
Post: #37
Title: Re: حميدتي المدينة غير
Author: دينق عبد الله
Date: 12-03-2019, 08:28 AM
Parent: #35
من الناحية السايكلوجية و البرتوكولية فإن وضعية الجلوس و البعد بين الرجلين ينم عن الثقة
رأي في الاخ حميدتي لم يتغير بعد
لكن اعجبتني وضعية جلوسه التي تنم عن الاعتزاز .
بعكس كبكبة المسؤولين السودانيين امام اقرانهم الاجانب منذ 1956
|
Post: #38
Title: Re: حميدتي المدينة غير
Author: دينق عبد الله
Date: 12-03-2019, 10:11 AM
Parent: #37
اسماعيل اخي
سلامات
ياخي خفف رجلك على البنزين
|
Post: #39
Title: Re: حميدتي المدينة غير
Author: محمد على طه الملك
Date: 12-03-2019, 10:32 AM
Parent: #38
| Quote: من الناحية السايكلوجية و البرتوكولية فإن وضعية الجلوس و البعد بين الرجلين ينم عن الثقة |
زد على ذلك ابتسامته تلقائة غير مفتعلة على العكس من مضيفه.
|
Post: #41
Title: Re: حميدتي المدينة غير
Author: محمد على طه الملك
Date: 12-03-2019, 10:40 AM
Parent: #39
عموما الزيارة دي مهمة وانتداب حميتي ليها عندها رمزية أهم ..
أقترح إنتدابة أيضا في زيارة مماثلة لمصر.
|
Post: #40
Title: Re: حميدتي المدينة غير
Author: اسماعيل عبد الله محمد
Date: 12-03-2019, 10:36 AM
Parent: #38
| Quote: ياخي خفف رجلك على البنزين |
ههههه
سلامات يا دينق.
|
Post: #42
Title: Re: حميدتي المدينة غير
Author: Salah Zubeir
Date: 12-03-2019, 11:51 AM
Parent: #40
أها ... سعادة الفريق أول حميدتي برفقتي في
مسيد جدي الشيخ باسبار ... يناير ٢٠١٧ ....
المناتلين يمتنعون ....
|
Post: #43
Title: Re: حميدتي المدينة غير
Author: اسماعيل عبد الله محمد
Date: 12-03-2019, 12:06 PM
Parent: #42
| Quote: سعادة الفريق أول حميدتي برفقتي |
جلابي أصلي يا صلاح.
تعرف من أين تؤكل الكتف.
هنيئاً لك بصحبة الفارس دقلو.
|
Post: #44
Title: Re: حميدتي المدينة غير
Author: Salah Zubeir
Date: 12-03-2019, 12:29 PM
Parent: #43
ههههههه يا سمعه ... الداير ياكل كتف التاني
منو .. الزول جانا في دار ابوي .... افاااااااا ...
الزول ضيفنا واكرمناهو .. وهو ما قصر ...
بني مسجد المسيد ومنامتين لحفظة القرآن ....
|
Post: #45
Title: Re: حميدتي المدينة غير
Author: دينق عبد الله
Date: 12-03-2019, 01:06 PM
Parent: #44
اي طوبة توضع في اي ركن من هذا البلد هو بناء لبيتي
لكن لا للفهلوة
نحن في سودان ما بعد ابريل 2019
هو ليس سودانا جديدا كما يعتقد البعض انما هو السودان الذي غاب لمدة 11 عقد ليعود من جديد الي (جميع) اصحابه و ليس للبعض منهم.
فليتقدم من يعطي الاولولية للوطن و انسانه.
قد ولى عهد المرجعيات المناطقية و الجهوية
نحن في سودان آخر
معا لبناء وطن الحرية و المواطنة
|
Post: #46
Title: Re: حميدتي المدينة غير
Author: اسماعيل عبد الله محمد
Date: 12-03-2019, 01:10 PM
Parent: #44
Quote: وهو ما قصر ...
بنى مسجد المسيد ومنامتين لحفظة القرآن ... |
بسسسسسس.
ياها دي الكتف الاكلتوها.
|
Post: #47
Title: Re: حميدتي المدينة غير
Author: دينق عبد الله
Date: 12-03-2019, 01:21 PM
Parent: #46
ههههه
اها
لما بناء لكم مسجد و منامتين لحفظة القران انتو ضيفتوه و اكرمتوه بي شنو؟؟
أكيد بلبن الطير من جبال كوريا الشمالية
ياخي لا داعي لذكر اكرامكم للفريق أول حميدتي
لأنه و من ناحية القيمة المادية لا يساوي واحد علي 50مليون من تكلفة المسجد و ملحقاته.
من الانسب الاكتفاء بذكر ما قام به تجاه منطقتكم- وهو للناس و السودان كافة.
|
Post: #48
Title: Re: حميدتي المدينة غير
Author: عمر التاج
Date: 12-03-2019, 01:53 PM
Parent: #47
ماشاء الله صلاح الزبير،
صورة في السلك أو اوسكار علي قول امتثال
طلعتوا انت وحميدتي جلابة ولبسوا الجلابية البيضاء مكوية
والحميدتي ماصدق، الجلابية نفعت معاه ياربي يكون اتزوجها ولا لا؟
على كل حال الجلابية خايفة فوقه، والبدلة خالت فوقو، بعكس الكاكي
وحميدتي المدينة فعلا طلع غير حميدتي الخلا الكنا بنعرفه.
اخونا دينق سلامات..
سمعة كان لازم يحتفل معانا في مولد زي ده
والقائد السيادي ما شاء الله مما حشش بقى حديث المدينة
الا تعال نسألك عن رأيك في الممارسة بتاعة أعزمني وأمنحك
أو بمعنى تأتي زورني وبتبرع ليك
القاعدين يمارسوها المسؤولين والمواطنين معا
هل هي ممارسة سليمة وبتمارس في أرقى المحتمعات
ولا عادة دخيلة واستغلال غير حكيم لموارد الدولة..
السؤال أيضا موجه للأخ صلاح، بعيدا عن (إكرامية) حميدتي
|
Post: #49
Title: Re: حميدتي المدينة غير
Author: Salah Zubeir
Date: 12-03-2019, 02:19 PM
Parent: #47
عاين جوز اللوز ديل ...
بيكون لعبتوا بلي اللتنين .. صاح؟
جوز ما يخسر .... هههه
| Quote: ياها دي الكتف الاكلتوها. |
Quote: لما بناء لكم مسجد و منامتين لحفظة القران انتو ضيفتوه و اكرمتوه بي شنو؟؟
اكيد بلبن الطير من جبال كوريا الشمالية |
حميدتي ركب عربيتو و معاهو ٤ عربات يعني ٥ عربات
لاندكروزر (أوباما) من جبرة في الخرطوم جنوب
لي مسيد الشيخ باسبار بمدينة البسابير مرتين
٣٠٠ كيلو ماشي وجاي ... مرة للتبرع للمسيد
وللبسابير زاتا التي اقام فيها مبني المحكمة
وبيت القاضي والمرة التانية لافتتاح هذه
المنشآت .... مش لأنو عندو عقيدة في جدي
زي وزي باقي أهلي ومش لأنو من المنطقة كما
تعلمون ومش لأنو عبيط ممكن أي جلابي ياكل
كتفو وراسو عشان يقطع المشوار دا ماشي
وجاي ليقوم بما قام به ... ولكن مؤكد
لأمر أنتم لا تعرفونه ولن تعرفونه مني ... ومؤكد
هذا الأمر يفوق بأضعاف ما قدمه للمنطقة ....
(صدور الرجال بنوك) ....
اهمدو وروقو فلسنا ممن يأكل الكتف قبل أن
نعطي اكتافنا لتؤكل ...
|
Post: #50
Title: Re: حميدتي المدينة غير
Author: اسماعيل عبد الله محمد
Date: 12-03-2019, 02:23 PM
Parent: #49
Quote: اهمدو وروقو فلسنا ممن يأكل الكتف قبل أن
نعطي اكتافنا لتؤكل ... |
هههههه
دي على هامان يا فرعون؟
|
Post: #51
Title: Re: حميدتي المدينة غير
Author: Salah Zubeir
Date: 12-03-2019, 02:53 PM
Parent: #50
يا عمر البنطلون slim fit ...
وللعنقالا المثقفين بقولو ليهو skinny
| Quote: دي علي هامان يا فرعون |
هامان منو إتا فرعون زاتو ... هههه
هامان دي لافقه مع دينق ...
زي التقول لاعب مصارعة بتاعت القفص ...
مافي استسلام حتي الموت ...
|
Post: #52
Title: Re: حميدتي المدينة غير
Author: اسماعيل عبد الله محمد
Date: 12-03-2019, 03:08 PM
Parent: #51
عموماً يا ابو صلاح انت وصلت إلى بلاط السلطة، ،،
|
Post: #53
Title: Re: حميدتي المدينة غير
Author: دينق عبد الله
Date: 12-03-2019, 04:11 PM
Parent: #52
اخي صلاح الزبير
لك التحية
انا و اسماعيل لدينا مواقف كثيرة متباينة حول الاخ الفريق أول حميدتي.
لذا لم نكون اي ثنائية ضدك
فقد استوقفتني فقرة ضيفناهو و اكرمناهو
بناء لينا مسجد و منامتين
ما قام به الرجل تجاه اهله هناك شيء عظيم .يستحسن الثناء عليه دون ذكر اكرامكم المزعوم له.
لا ادري لماذا تفترض بانك تفهم ما لن و لا نفهمه انا و الاخ الباشمهندس اسماعيل؟؟
عموما يفرحني جدا وضع اي طوبة في أي جزء من السودان
---------------------
هسة في ذمتك كنية هامان لافقة معاي
|
Post: #54
Title: Re: حميدتي المدينة غير
Author: قسم الفضيل مضوي محمد
Date: 12-03-2019, 08:23 PM
Parent: #53
.
حميدتي جندوا كانوا بدقوا في المعتصمين يوم فض الاعتصام وبيسألوا فيهم ..
مدنية ولا عسكرية ؟
.
.
.
الزول دا يا سمعة انا سبق وقلت ليك متى ما جرى أكل الايس كريم في عروقوا حا يبعيكم في أقرب ملف ..
فعلا صدقت توقعاتي واهو بقى (مدنيااااو) ......
.
..
.
مرة لاقوني شباب صغار وقعدوا يسألوا فيني ..
(مدنية) ولا عسكرية؟
مدنية ولا عسكرية؟
قلت ليهم : مكية ... ...
|
Post: #55
Title: Re: حميدتي المدينة غير
Author: صديق مهدى على
Date: 12-03-2019, 08:57 PM
Parent: #40
غايتو حميدتى التكة كان اتمصلت بعرف يرجعها لكن المصيبة الفى الرقبة دى كان اتملصت البرجعها
ليهو منو هههها غايتو جنس محن
|
Post: #56
Title: Re: حميدتي المدينة غير
Author: MOHAMMED ELSHEIKH
Date: 12-04-2019, 08:27 AM
Parent: #55
Quote: غايتو حميدتى التكة كان اتمصلت بعرف يرجعها لكن المصيبة الفى الرقبة دى كان اتملصت البرجعها
ليهو منو هههها غايتو جنس محن |
ههههه
يا صدقي في واحدة فيها لستك زي الفيونكة
|
Post: #57
Title: Re: حميدتي المدينة غير
Author: عمر التاج
Date: 12-04-2019, 12:42 PM
Parent: #56
قسم الفضيل يا مراااحب
Quote: حميدتي جندوا كانوا بدقوا في المعتصمين يوم فض الاعتصام وبيسألوا فيهم ..
مدنية ولا عسكرية ؟
.
.
.
الزول دا يا سمعة انا سبق وقلت ليك متى ما جرى أكل الايس كريم في عروقوا حا يبعيكم في أقرب ملف ..
فعلا صدقت توقعاتي واهو بقى (مدنيااااو) |
يعني بقت علينا قصة الشيخ بتاع الكوتشينة القالهم
هنا ببكيكم وهناك ببكيكم هههه
اسه حميدتي في العسكرية ببكي وفي المدنية ببكي
|
Post: #58
Title: Re: حميدتي المدينة غير
Author: عمر التاج
Date: 12-04-2019, 06:17 PM
Parent: #57
حميدة رجعت لي قديمها
|
|
