*** ياجماعة الكلام دة معقول منقول واتس ***

10:28 PM November, 30 2019

سودانيز اون لاين
احمد حمودى-
مكتبتى
رابط مختصر

✳️ورد الان
🔳منقول من قروب القانونين السودانين

الله يجازيكم يا الحرامية
أخيراً إنكشف المستور وعرف سبب الأزمات
———————————————-

🚨# وجدوا في دور المؤتمر الوطني الآتي ومازال البحث
مستمر حتى كتابة هذه السطور :
🚨# 1189 بص مواصلات عامة
🚨# 3 ألف حافلة 25 راكب
🚨# واحد مليون و 650 ألف جوال دقيق
🚨# 49 ألف كرتونة تشمل 219 صنف من الأدوية
🚨# في مخزن تحت الأرض في المقر الرئيسي للحزب
مستودعين للبنزين والجاز تكفي البلاد 15 شهر
🚨# 9 خزن حديدية بها ال 64 مليار دولار القالا عصمت
# 417 ألف جوال سكر
🚨# 300 عربة نفايات حديثة عبارة عن المنحة الأوربية
من بينها 112 تقوم بالفرز وإعادة التدوير تلقائياً
🚨# 2 مليون طن لحوم للأسف منتهية الصلاحية
🚨# 9 مليون فرخة نصفها منتهى الصلاحية

لا حول ولا قوة الا بالله
# الحمد لله من اليوم ما في أي أزمات تاني
و سلمية سلمية ضد الحرامية

🖍المصدر : قروب رابطة القانونين السودانين
🖍منقووول
————————————————
✅ملاحظة :-
اتوقع اكثر من ذلك
Kosh Civilization

سلامات احمدوى
دور المؤتمر الوطنى مغلقه واظن عليها حراسه كما وضعت اليد على مقار الدفاع الشعبى بعضها للشرطه العسكريه.
لااعتقد التخزين وصمتعه الندره والازمات تحول موادها لمقارهم فهى مقار واجهه سياسيه على الاقل من باب تامينها حتى لاتصادر من او تهاجم من حشود غاضبه اذا تم اكتشافها.
مثلا قبيل فى خبر عن القبض على كميه من الدقيق المدعوم مخزنه فى منزل فى اطراف الحاج يوسف ودا جزء من حملات كتيره والمتوقع اى تخزين يكون فى مخازن بمعرفه كوادرهم من التجار دا غيرامكانيه استفادهتهم واسرهم بالمواد المخزنه

دا قروب القانونيين السودانيين ولاّ النجّارين السودانيين

سلامات حمودي
لا استغرب ذلك
وصدقا للرسالة فهي من شاهد عيان لا اشكك في مصداقيته

في حلتنا في دار كيزان ونقطة بسط امن شامل ومدرسة ..

امس حلوا المؤتمر الطني مشو الدار لقوا فيها ..
**/ 3 الف شوال حنة الدامر اصلية ابونجمة
**/ 41 الف رطل لبن بقر و 14 الف رطل غنم + 21 الف كيلو لبن بدرة
**/ 725 طن اسمنت ماسبيو تهريب
**/ 5138 مترمكعب رمل خشن ورملة ملاس وبرميل موية فاضي
**/ خمسين كيلومتر طريق مسفلت ملفوف ومخزن تحت قاعات الاجتماعات
**/ عدد 33 عربة ركاب وقطارين في حالة جيدة
والأدهي والامر وجدنا اكتر من 268 كيلو واط كهرباء جاهزة للاستخدام مخزنة في حين انه الناس كانت بتفتش للمتر الواحد






حسبنا الله ونعم الوكيل ولا حول ولا قوة الا بالله

ارجو الشير لتصل لاكبر عدد #

دا كلام بقبلو العقل الجبتو دا يا حيدر
قلتا لي الظلت ملفوف ويمكن فرشو في اي شارع
وبعدين الكهرباء مخزنة
يا ريت تجود علينا بربعا

عارف نحن السودانيين نحب الاحلام الوردية
ولا نريد ان نعيش واقعنا

Quote: في حلتنا في دار كيزان ونقطة بسط امن شامل ومدرسة .. امس حلوا المؤتمر الطني مشو الدار لقوا فيها .. **/ 3 الف شوال حنة الدامر اصلية ابونجمة **/ 41 الف رطل لبن بقر و 14 الف رطل غنم + 21 الف كيلو لبن بدرة **/ 725 طن اسمنت ماسبيو تهريب **/ 5138 مترمكعب رمل خشن ورملة ملاس وبرميل موية فاضي **/ خمسين كيلومتر طريق مسفلت ملفوف ومخزن تحت قاعات الاجتماعات **/ عدد 33 عربة ركاب وقطارين في حالة جيدة والأدهي والامر وجدنا اكتر من 268 كيلو واط كهرباء جاهزة للاستخدام مخزنة في حين انه الناس كانت بتفتش للمتر الواحد

بالله دا كلو في بيت جيرانكم لا حولا
طيب تلقى حلتكم ملاينة كيزان
وعندهم هذا قليل من كثير
بالله القطارات دي ما ليقتو ليها سكة حديد ملفوفة زي الظلط؟

Quote: بالله دا كلو في بيت جيرانكم لا حولا

انا هسه وين قلت في بيت جيراننا ؟؟؟!
لاحول ولا قوة الا بالله بس فالحين تبهتو الزول وتقولوه الماقالوا

دا كلامك دا بالله ؟
متين قلت في بيت جيراننا
وكمان جابت لينا اتهام باننا كيزان

شوف يا اخونا الكنزي
اثبت اني قلت ذلك او اعتذر لي :)

ثم اي زول يستغرب او ما يصدق الحاجات البعملوها الكيزان ديل معناها كوز..

يس إت إيزي لايك ذات ..:)

Quote: غايتو (العلمانيين) ديل دايمن بحرجونا مع بني قحتان!! والله صحي!! هسه القصة دي فرقا شنووو من القصة الرواها القحتاني الجمهوري ع ع عن ربهم محمود؟؟ القصة باختصار شيخ طريقة عازم شبخ طريقة تاني بي حيرانوووو والشيخ المعزوم اشترط على العازم أن يدخل جميع الحيران جوة صالون الشيخ العازمهم!! أها أها شنوووووو؟ ما الصالون كان بتمدد حسب الحيران الجووواهوووو !!والله صحي!! بس يا قول محمود محمد طه: القصص دي صعب على العلمانيين يفهموها!! ههههههههههههههههههههههههههههههههههه شيخكم اليابان عندووو مشروع قرب يرى النور

هههههههههههههههههههههههههههه

اصلن الجماعة ديل كدي يا عاطف عمر..
داك اليوم اتشي جيفارا وموهيتو يوكوهاما ومات ديمون وقت كانوا بيقاتلوا لتحرير امريكا اللاتينية من كذب الشيوعيين والعلمانيين
قال جيك كالجينهال انه شاف القرود تنبش الالغام من الأرض لتفتح الطريق امام الثوار بل واقسم داني الفيبس ان الاشجار كانت تكبر وتلقى الرعب في قلوب الكفار
اما ما قاله ستيفن سبيلبيرج عن السحاب ماطرهم فذاك للضحك بجنون ههههههههه

ياخي مرة موهيتو يوكوهاما مااات بطلقة صادت قلبه فقام على جنازته جاك وستيفن وكان امامهم هوبكنز عندما فاحت رائحة المسك من جثة القتيل فعطرت الغابات
والاودية والوهدان وابتسم لهم القتيل ابتسامة وضاءة تهللت لها اساريرهم وشاهدو مع القتيل حواري الجنة ومخيخ عظام ربلاتهن من خلف السندس الاخضر
وتنسموا رائحة عطر لن تغادر خياشيمهم حتى وان غطسوا في كنيف وخرجوا بمجري كنيف آخر ..

وحكمة الله الذي لا تضيع ودائعه اذا بالاخ القتيل بعد فترة يُشاهد بنفس ابتسامته الوضيئة مع جون سينا وهابي فلانتين في شوارع امدرمان .. ولا حرج في ذلك ولا شئ فالعلمانيون ديدنهم الكذب والتلفيق

تحياتي ..

Quote: **/ خمسين كيلومتر طريق مسفلت ملفوف ومخزن تحت قاعات الاجتماعات

حيدر الزين
الزلط ده زلطنا ( ودحامد -المتمة ) سرقوهو ناس الولاية ولمن قامت الثورة ما عرفو يودوهو وين
قالو يشوفو ليهم حلة "مش موقودة ع الخريطة" قاموا طووهو و دسوهو عندكم هناك.
عـــايـــزيــن زلـــطنا
ناس الدامر ديل قبل كده سرقو مننا بيارة عليك امان الله قطعونا بالعطش

احمد ود حمودي نعلك طيب واعفا لينا

احمد حمودى وضيوفه الكرام

بالله عليكم الله شوفو الكيزان داسين القروش وين ؟ وحات الله الشئ دا ابليس ذات نفسو مايفكر فيه .

قروش شنو يا علاء؟