Post: #2
Title: Re: عبارة تسجل نادر وصورة نادرة
Author: محمد أبوالعزائم أبوالريش
Date: 11-29-2019, 08:54 PM
Parent: #1
سبب السؤال، إنه كتير تلاقي واحد ناشر صورة على إنها (صورة نادرة) ولو دخلت قوقل، تلاقيها منشورة عشرات المرات ... طبعاً نفس الشئ للفيديوهات.
الأدهى إنه مرات الصورة ما بتكون قديمة ... دي بقت نادرة متين؟
|
Post: #3
Title: Re: عبارة تسجل نادر وصورة نادرة
Author: muntasir
Date: 11-29-2019, 09:37 PM
Parent: #2
تعريف تسجيل نادر في المنبر عندي هو ما أتى به زميلنا في المنبر خليل لزيدان إبراهيم وهو يغني العزيزة
|
Post: #4
Title: Re: عبارة تسجل نادر وصورة نادرة
Author: محمد أبوالعزائم أبوالريش
Date: 11-29-2019, 10:17 PM
Parent: #3
بالنسبة للفيديوهات، الواحد يكتب فيديو نادر، والفيديو مبذول في اليوتيوب!
|
Post: #5
Title: Re: عبارة تسجل نادر وصورة نادرة
Author: محمد أبوالعزائم أبوالريش
Date: 11-29-2019, 10:37 PM
Parent: #4
مرحب منتصر،
طبعاً هذا البوست لا ينفي أن هناك تسجيلات - فعلاً - نادرة، أظن مثلما تظن أن التسجيل الذي أتى به خليل إحداها.
|
Post: #6
Title: Re: عبارة تسجل نادر وصورة نادرة
Author: Ahmed Yassin
Date: 11-30-2019, 00:48 AM
Parent: #5
التسجيلات الصوتية هي غالبا البتكون نادرة ...لانها قديمة
وغير متداولة...
اغرب ما مر بي يا استاذنا محمد ابوالعزائم.... شخص سوداني
يمتلك مكتبة غنائية ضخمة جدا.وفعلا نادرة وممكن تكون مرجع او متحف
حسن فضل المولى مدير قناة النيل الازرق عرض عليه مبلغ ضخم ..ولكنه رفض
|
Post: #7
Title: Re: عبارة تسجل نادر وصورة نادرة
Author: محمد أبوالعزائم أبوالريش
Date: 12-03-2019, 08:12 AM
Parent: #6
Quote: التسجيلات الصوتية هي غالبا البتكون نادرة ...لانها قديمة
وغير متداولة... |
كلامك وجيه،
بس دي وين بينشرها صاحبها ويكتب عليها (تسجيل نادر)؟
كمان التسجيلات الصوتية - لكثرتها - صعب حصرها. يعني مثلاً ممكن واحد يكون حضر (قعدة) أو مناسبة غنى فيها فنان في السبعينات وسجلها ... ده حيكون تسجيل نسخة واحدة وفعلاً نادر ... أتوقع يكون في مئات أو آلاف من التسجيلات زي دي، أي واحد فيها نادر.
كلامك برضه ذكرني عزالدين أحمد المصطفى، يمتلك مكتبة مقدّرة، كتير منها ممكن تقول عليه (نادر)، لكنه لا ينشر شئ إلاّ بعد أن يدخل عليه عبارة بصوته تقول: مكتبة عزالدين أحمد المصطفى ... طبعاً يقصد الإحتفاظ بحقه (غض النظر عن حق صاحب التسجيل)، بس بيصبح التسجيل مشوّه.
|
Post: #8
Title: Re: عبارة تسجل نادر وصورة نادرة
Author: عمر أبوعاقلة
Date: 12-03-2019, 09:10 AM
Parent: #7
أبو الريش بالعربي حبابك
أتوقع المقصود من كلمة نادر ليس الكم (عدد الكلكات عليها في النت أو عدد مرات نشرها)
لكن المقصود هو الكيف (بمعنى تكرار الحدث نفسه)
مثلاً بعض المناسبات جمعت فنانين وأنتجوا عملاً ما .. وأنتهت المناسبة وظل العمل حبيساً أو طليقاً
فمثل هذا العمل نقدر نقول عليها نادر لأن المناسبة لن تتكرر مرة أخرى
من الأعمال النادرة والتي أدهشتني جداً هو أغنية (قام أتعزز الليمون) والمرحوم وردي يدندن فيها بالعود
مع العلم بأنه لم يغنيها بالرغم من أنها تسجلت باسمه وشاءت الصدف أن يكون في تسجيل بي صوته لهذه الأغنية
فاااا شنو .. يظل هذا العمل من الأعمال النادرة وإن انتشر على الميديا
هذا والله أعلم
|
Post: #9
Title: Re: عبارة تسجل نادر وصورة نادرة
Author: محمد أبوالعزائم أبوالريش
Date: 12-03-2019, 10:18 AM
Parent: #8
والله يا عمر أبوعاقلة ياخوي، في فهمي إنه بعد ما إنتشر، إنتفت عنه صفة الندرة.
طيب، ما معنى أن يقول (تسجيل نادر) كأنه إكتشف شئ وهو موجود في اليوتيوب؟
أو يقول (صورة نادرة) وهي منشورة خرطمية مرة في النيت؟
|
Post: #10
Title: Re: عبارة تسجل نادر وصورة نادرة
Author: أبوذر بابكر
Date: 12-03-2019, 03:26 PM
Parent: #1
تحياتى يا أبا العزائم
كلامك صحيح وسليم فعلا
الشى البكون نادر لو صوت لو صورة
يفترض اللحظة البتنشر فيها دى تكون أول مره فعلا يتنشر فيها
مش يكون شى متوفر و مبذول ومعروف و متاح
مرات الناس بشوفو أو يسمعو شى قديم وطوالى يلصقو فيه صفة الندرة
ده كله هين
والله فى إذاعة السجمان الشحمان حسين خوجلي الاسمها إذاعة المساء
عندهم برنامج طويل عريض اسمه أغنيات نادرة
المذيعة اسمها ميسون عبد النبى
شغالين بنفس الفهم الساذج ده
مره جابت اغنية لرمضان حسن وقالت دى اغنية نادرة
بقيت قاعد منتظر اسمع اغنية رمضان حسن النادرة ومتشوق جدا
قلت اكيد تكون اتسجلت "كيرى" يمكن فى بيت عبد الرحمن الريح ولا فى بيت رمضان فى الحلة الجديدة
أكان اسمع ليك رمضان يغنى فى التحدى
انا سلمتو قلبى وقايلو آمين عليهو
والله جد
قمت طوالى قفلت الراديو
الأغنية طبعا اسمها تحدى
|
|