Post: #2
Title: Re: مؤتمر صحفي لمجموعة andquot;كلنا حميدتيandquot; !!
Author: محمد البشرى الخضر
Date: 11-13-2019, 05:52 AM
Parent: #1
يا هداك الله لو قدرت تغالب القرف و تكمل الفيديو أكيد حتكون لاحظت الرجفة و الكبكبة عند المتحدثين خاصة الأول وحديثه عن دماء الشهداء ولجنة (المصابين) زي ما قال و الكلفتة ومحاولة الهروب من الحديث!
بتاع سونا فاهم الدور و متفاعل أحسن منهم!
ودي برضو ملاحظة الاسئلة الأولى من صحفيي سونا واحد منهم قال شعار كلنا حميدتي انتو سرقتوه مننا انا اطلقتو يوم 10 ابريل!! وعايزين (نلتقي بيه) عشان نكون كلنا حميدتي, خت لي خطين تحت (نلتقي بيه)
المهم ما علينا
يبدو أن حميدتي استوعب درس المرة الماضية و ان شيوخ الإدارة الاهلية ما بأكّلوا عيش فسعى للملمة نوع مختلف!
|
Post: #3
Title: Re: مؤتمر صحفي لمجموعة andquot;كلنا حميدتيandquot; !!
Author: علي دفع الله
Date: 11-13-2019, 06:01 AM
Parent: #2
اخخخخخخخخخخخخخخخخخخخخخخخخخخخخخخ
او كما قال طلحة رضوان الله عليه
رجفة وترتيب فشنك والله يا بشرى مفروض كان يعملوا بروفة اكتر من كدة
وشفت عمك الشايب داك القال سرقتوا مني الشعار احييييي انا ههههههه
في طبخة لسع ما استوت الله يستر
|
Post: #4
Title: Re: مؤتمر صحفي لمجموعة andquot;كلنا حميدتيandquot; !!
Author: Mutasim Idris
Date: 11-13-2019, 06:25 AM
Parent: #3
عشان كدا قلنا لجان (رجال) المقاومة بالاحياء ماااا يهبشوهم.
عارفنها ماشة علي وين. تلميع تلميع قال ليك عسكر وجنجويد.
سلام ودالبشري وضيوفه.
|
Post: #5
Title: Re: مؤتمر صحفي لمجموعة andquot;كلنا حميدتيandquot; !!
Author: جلالدونا
Date: 11-13-2019, 06:35 AM
Parent: #4
و مع ذلك
ضاحب مرقة البوخة لا يمانع
بل يتمنى
وووووين اخونا كبر ... عندو اجود انواع البركاوي
|
Post: #6
Title: Re: مؤتمر صحفي لمجموعة andquot;كلنا حميدتيandquot; !!
Author: Salah Zubeir
Date: 11-13-2019, 06:50 AM
Parent: #5
عندي سوعالين ما داير ليهم إجابة:-
١ :- ما هو تعريف الديموقراطية ؟
٢ :- البلد دي (السودان) مسجلا بي اسم منو؟
يعني حقت منو؟؟؟
|
Post: #7
Title: Re: مؤتمر صحفي لمجموعة andquot;كلنا حميدتيandquot; !!
Author: Haytham Ghaly
Date: 11-13-2019, 07:01 AM
Parent: #6
هم شدة ما متأكدين انو خطوتهم دي ذات اهداف مكشوفة لاي مواطن
بتكلموا بطريقة تبريرية وكأنهم مهاجمين ههههههه
كان يستقلوا القسم الاول من المؤتمر في التعريف بالقروب بصورة غير تبريرية على الاقل
لكن كدا فضحوا رقبتهم براااهم واللذيذة اي واحد يتراجف ويقولو كلمتين ويفكها في رفيقو ههههههههههه
هذا المؤتمر الصحفي فضيحة بمعنى الكلمة
|
Post: #8
Title: Re: مؤتمر صحفي لمجموعة andquot;كلنا حميدتيandquot; !!
Author: عماد حسين
Date: 11-13-2019, 07:10 AM
Parent: #7
Quote: المهم ما علينا
يبدو أن حميدتي استوعب درس المرة الماضية و ان شيوخ الإدارة الاهلية ما بأكّلوا عيش فسعى للملمة نوع مختلف! |
السلام عليكم ورحمة الله وبركاته
تحياتي يا ود البشرى
توقعاتي: هناك حلف قادم بين الصادق المهدي وحميدتي
ومعذرة.. إن لم استطع التداخل مرة أخرى
|
Post: #9
Title: Re: مؤتمر صحفي لمجموعة andquot;كلنا حميدتيandquot; !!
Author: Biraima M Adam
Date: 11-13-2019, 07:19 AM
Parent: #6
صلاح،
Quote: عندي سوعالين ما داير ليهم إجابة:-
١ :- ما هو تعريف الديموقراطية ؟
٢ :- البلد دي (السودان) مسجلا بي اسم منو؟
يعني حقت منو؟؟؟ |
الديمقراطية .. هى حرية الرأي والتعبير .. وممارسة تلك الحقوق دون وصاية من الأخر.
بخصوص البلد مسجل بأسم مينو؟ بكل من يملك الجنسية السودان .. وأنت واحد من البلد مسجل بأسمهم .. وصحب البوست وهؤلاء الشباب أيضاً .. الوطن لكل سوداني .. متسايين أمام القانون .. ولنا حقوق وعلينا واجبات.
يا صلاح، أخشي أنني أحرجت ناس البلد الأصليين .. الذين قالوا لزعيم ثورة اللواء الأبيض "ما هو فصله وأصله عشان يتكلم بأسم البلد"! ..
بريمة
|
Post: #10
Title: Re: مؤتمر صحفي لمجموعة andquot;كلنا حميدتيandquot; !!
Author: Abdullah Idrees
Date: 11-13-2019, 08:24 AM
Parent: #9
و سونا ذاتا علاقتها بالموضوع ده وبي حميدتي شنو؟ وينك يا فيصل ....
المهم ده فيرشن جديد من بتاع "شباب حول البشير" واحتمال اسي يكون فيهو وجوه من الجماعة ديلك ذاتم
نفس الفيلم ونفس الاغراض الدنيئة ، التاريخ بكرر نفسو كتير ، لكن الطغاة واللصوص لا يتعلمون.
|
Post: #11
Title: Re: مؤتمر صحفي لمجموعة andquot;كلنا حميدتيandquot; !!
Author: Nasser Amin
Date: 11-13-2019, 03:07 PM
Parent: #10
سلامات ود البشرى
Quote:
بيان
"يسقط العفَن البِتلِب فوقنا من شُرف الفنادق"
خرج الكوز المتسلق عمار ملاح الذي هو أحد مصادر جهاز الامن في العباسية سابقاً يدعي أنه أحد
ثوار الأربعين و متحدثاً باسم لجاننا لدعم حملة كلنا حميدتي،
ننفي هذا الخبث عن لجاننا وعمار هذا لا صلة له بأي من لجاننا
و ننوه أن منصة ثوار الأربعين و الفيل و الموردة الإعلامية هي هذه الصفحة دون غيرها.
إن حملة التلميع الفاشلة التي ينتهجها حميدتي تجلب حوله ضعاف النفوس و شرذمة البشر، كما
القمامة لا يتجمع حولها الا الذُباب.
لجان مقاومة الأربعين والفيل و الموردة
13نوفمبر
|
Quote:
بيان مشترك
.شعبنا السوداني البطل الصامد في وجه المؤامرات القابض على جمر الثورة سلام من الله تعالى و بركاته وعليه
اطلعنا في مؤتمر صحفي على و كالة السودان للانباء سونا ظهور بعض المتسلقين و المداهنين الذين يعملون
على تحقيق اجندتهم الخاصه من خلال دماء الثوار و اهات و اوجاع شعبنا الجليل و يمتهنون الزور قولاً و
الارتزاق عملاً و يقدسون عبادة الفرد اشاعو و ادعو فيما ادعو تشريفهم بتمثيل شارع الاربعين بكل لجانه الثوريه النقيه.
و عليه ينبغي توضيح التالي
•نحن في لجان المقاومه في كل من احياء
العباسيه
حي الامراء
و الهاشماب
ننفي بشكل لا يدع مجال للشك معرفتنا بقطعان المطبلين لحميتي المتحدثين في وكالة سونا و نؤكد بان ثوار الأربعين ليس لهم
اي صله او علم ببذلكم الارجوز صاحب الاداء السمج لتمثيلهم في اي فعاليه او لجنه
•نحن لجان المقاومه المذكورة اعلاه ليس لنا اي صلات او علاقات مباشرة او غير مباشرة مع العضو بالمجلس السيادي السيد دقلو
•و يطيب لنا ان نجدد في العهد و التاكيد لجميع افراد شعبنا العزيز الباسل و خصوصا لجان مقاومته الصامده بان لجان مقاومة
شارع الاربعين -شارع الشهيد عبدالعظيم - ستظل وفئيه لاحلام و امال و تطلعات شعبه في حكم دولة المؤسسه و ليس
حكم الشخص بعيداً عن اي تجاذبات حزبيه او اختلافات ايدولوجيه
•و نحذر الجهات و الافراد التي تتحدث بإسمنا بدون اي تفويض بإتخاذ اجراءت ثوريه ضدها
و اخيراً نحن خرجنا ثائريين و لم و لن نبحث عن كسرة خبز حتى يكون الملاح هدفنا
عاش الشعب السوداني
الخلود لشهدائنا
الحريه و السلام و العداله للسودان
13. November. 2019
|
|
|