إسم هذه المدرسة (يلاوز) لى من فترة طويلة

09:05 PM November, 11 2019

سودانيز اون لاين
النصرى أمين-كالغرى, كندا
مكتبتى
رابط مختصر

فى المنطقة التى اسكن بها (شمال شرق مدينة كالقرى) توجد مدرسة ابتدائية تتبع لمجلس التعليم الكاثوليكي (وهو بورد منتخب يدير حوالى 115 مدرسة مسيحية بميزانية من الحكومة ، إدارة هذا البورد تسمى trustees ينتخبوا اثناء انتخابات البلدية لاختيار العمدة و أمناء مجلس المدينة ).


نقطة مهمة بما ان التعليم الإبتدائي مجانى فى كندا ؛ المدارس الخاصة ل
تحصل على ميزانية (محترمة) من الدولة ؛ اظن الحساب بالرأس؛ كل طالب تدفع عنه الحكومة مبلغ معين ؛ بعد ذلك لكل مدرسة خاصة تسعيرتها بعضها يصل لعدة الالاف من الدولارات سنويا للمدارس الفاخرة بالإضافة الى مبلغ ضخم نظير الترحيل من والى المدرسة)

اى زول ممكن يعمل مدرسة خاصة ربحية اذا استوفى الشروط ؛ وكده ياخد قروش من الحكومة و قروش من أولياء الأمور (موش زى السودان)


المهم : معظم اسماء مدارس البورد الكاثوليكي اسماء قساوة و رهبان ، مثل القديس أنطونيو و القديس اندرو و جيمس.



اها ؛ اسم المدرسة فى حلتنا

Our lady of Fatima


كلما امر بالمدرسة دى استغرب من الاسم !! كيف مدرسة مسيحية تسمى باسم السيدة فاطمة..و
والله العظيم اكثر من خمستاشر سنة ، كل ما امر بالمدرسة يدور فى راسى السؤال ده.
ارجع البيت ؛ انساه و انسى حنانه زاتو.

اليوم قررت احسم الموضوع ده ؛ قوقلت و ويكبيديا و صلت لنتيجة مفاجاة بالنسبة لى
اكتشفت انى كنت اقرا العنوان قراءة استباقية (مثل تاجر مخدات دخل السجن ؛ نقرأها مخدرات)

اكتشفت ان الاسم فيه كلمة of و هى تغير المعنى تماما.
اكتشفت ان فاطمة هذه مدينة فى البرتقال.
الحكاية ان إحدى سيدات مدينة فاطيما البرتقالية رأت السيدة مريم العذراء الخ الخ.

اذن الاسم الصحيح يقرا سيدتنا من مدينة فاطمة البرتقالية Our lady of Fatima.

و بالضغط على مدينة فاطمة فى ويكبيديا ، وجدت نفسى فى موضوع مشربك اخر
ا عن فتاة اسمها فاطمة اختطفتها احد الفرسان و عيييبييييك

مرحبا بك فى (العالم الجديد )

سلام يا النصري وهاشم، يا النصري شكرا على المعلومة، هل تعتقد مدينة فاطمة الپرتغالية سميت أيام استعمار العرب للأندلس؟

يا النصري، متأكد انو المدرسة تابعة لمجلس التعليم الكاثوليكي وتاخد قروش من الحكومة؟

النصري..حبابك يا صديقي
كتر خيرك على التساؤل الجميل..
عطفا على تساؤل ول ابا النذير حجازي ، في كالقري لاقيت نساء برتغاليات كتار باسم (فاطمة/فاطيما) ..
عندي بحث كنت شغال فيهو قبل سنوات عن موقع السيدة فاطمة الزهراء في الفكر والثقافة المسيحية (نعم فاطمة بت الرسول ابو فاطنة الواحد ده على قول اهلك البقارة..!!)..
تقريبا في المسيحية يقابل اسم فاطمة الإسم (باتريشا)..ياخي في مسيحيين لمن يتكلموا عنها تحلف تقول الناس ديل شيعة..!!
ويا اخونا ابكر الطويل: كندا بلد علماني ، يعني ما عندهم قشة مرة..الإسم عندهم علامةومجرد هوية قانونية وما شغالين بالمحمولات الثقافية والدينية..بس اوعى زول يغلط يقول عندو مدرسة اسمها (هتلر) مثلا..دي العالم ح تدق جرس ، مش الحكومة وانما الأغلبية قد ترفض..!!
كبر

Quote: عطفا على تساؤل ول ابا النذير حجازي ، في كالقري لاقيت نساء برتغاليات كتار باسم (فاطمة/فاطيما) .. عندي بحث كنت شغال فيهو قبل سنوات عن موقع السيدة فاطمة الزهراء في الفكر والثقافة المسيحية (نعم فاطمة بت الرسول ابو فاطنة الواحد ده على قول اهلك البقارة..!!)

شكرا يا حبيبنا كبر على المعلومات الضافية، وياريت تنزل بحثك في هذا المنبر ونكون لك من الشاكرين.
كسرة: قبل شوية قريت في پوست آخر طلبك للمستنير عن فتح پوست عن العدة، أعجبتني مداخلتك عن هل يستعيض العلم عن بعض التعاليم الدينية؟! مثل العدة مثلاً، ممكن نضيف ليها الزنا أيضًا؟! غايتو سلاح ذو حدين

مودتي

اهلا هشام احمد ادم

طبعا متأكد يا ابوبكر ؛ و بعد سؤالك مشيت اتاكدت اكتر
البورد ال catholic ده عنده57 مدرسة بها 116 الف طالب .ميزانية البورد 623 مليون دولار معظمها ياتى من الحكومة الإقليمية ( 95%) العجز بتاعهم للسنة الدراسية الحالية حوالى عشرة مليون يحاولوا يباصروها فى تخفيض بعض الخدمات.

الحاجة التانية ، ابنى الكبير درس سنتين فى مدرسة خاصة فى الثانوية ؛ الرسوم كانت رمزية جدا ، السبب صاحب المدرسة يلفح من الحكومة.
هناك بورد اكبر هو Calgary Board of Education بميزانية 1.3 بليون دولار ؛ يدير 226 مدرسة فى مدينة كالقرى.

مية فى المية يا نذير ، واضح الاسم من ايام دولة الأندلس

اهلا محمد
كيفك ؟
والله اليوم شعرت بارتياح بعد معالجة الوسواس القهري ده.
تانى الواحد يمر بالمدرسة دى و راسه فوووووووق .
فى يكيبيدا جاء الآتى (الترجمة من قووقل)

قيل إن فاطمة هي اسم اميرة مغربية اختطفها فارس ، غونسالو هيرميجيس ، ورفاقه. أخذها هيرميغ إلى قرية صغيرة في تلال سيرا دي إير ، في مملكة البرتغال التي تم إنشاؤها حديثًا. وفقًا للرواية الكاثوليكية الغربية ، وقعت فاطمة في حب مختطفيها وقررت التحول إلى المسيحية من أجل الزواج منه. لقد تعمدت وأعطيت اسمًا مسيحيًا ، أورينا.[


ايضا جاء :-

بينما تزعم المصادر العربية أن فاطمة اجبرت إلى المسيحية ، كما كان حال معظم أسرى ريكونكيستا.

لا يوجد دليل وثائقي يدعم أي سيناريو لمثل هذا الروايات.

أياً كان الإصدار الصحيح ، فإن اسم المكان يشير إلى الاسم العربي الأصلي للأميرة بدلاً من اسمها المعمداني المسيحي.

تأسست الرعية في عام 1568 ، عندما ضمتها مجموعة أوريم (البرتغالية: Colegiada de Ourém). لعدة قرون ، احتفظ معظم القرويين بقطعان الأغنام واعتمدوا أيضًا على زراعة الكفاف. [6]

سلام نصري امس بتفرج في نتفلكس في مسلسل إسباني locked up قصته في سجن إسباني للنساء في حلقة امس في جمعية مسيحية كل سنه في ذكرى صلب المسيح هناك تقليد من عهد بيلاتوس الروماني يتم إطلاق سراح مسجون تأسياً بحادثة الصلب المهم يا سيدي الأمنتي ليك بسألوا المسجونات ليه بتعتقد انها مفروض يطلق سراحها واحدة منهم بتقول ظهرت ليها القديسة فاطمة اكثر من مرة قمت الصباح لقيت بوستك فقوقلت القوقل الما قوقلك لقيت مدينة فاطمة في البرتغال فيها حادثة تجلي العذاراء لثلاثة من الصبيان الرعاة في مدينة فاطمة الإسمها غالباً جا من أميرة أو نبيلة عربية تنصرت بعد زواجها من مسيحي

يا نصري بك الزنديق قصده ليك هل تمويل المدرسة من الحكومة غير ممنوع بمبدأ فصل الكنيسة من الدولة ،الكافر انا بعرف مغارزو

غايتو يا منتصر ؛ ما عارف الحياة تكون كيف من غير نتفلكس Netflix !!!
احب مسلسلات السجون خاصة المسلسل الشهير فى سجن النساء



Orange is the new Black
رهيب رهيب رهيب.
ايضا مسلسل اخر مشوق جدا اسمه
Prison Break
مبالغة عديل ..اتخيل كل مسلسل سبعة مواسم كل موسم حداشر او اتناشر حلقة.
شوف كمية الزمن البضيع مع المسلسلات دى .
لكن نعمل شنو مع ال stress. ..شغل البيت ..بيت الشغل...

بالنسبة للمعتقدلت ، عندى بوست فى الفرن عن طائفة مسيحية اسمها المورمون
ديل ملاوزين لى ملاوزة شديدة بكنائسهم المنتشرة فى كل المدينة.

يعنى السؤال ما برئ يا منتصر!!!
وانا الساذج صدقت براءة السؤال.
لاحظت عدد كبير من الطلبة فى المدارس الكاثوليكية دى غير مسيحيين ، عدد منهم مسلمين.
المقرر واحد لجميع المدارس (الحكومية الخاصة الكاثوليكية) لكن فى المدارس الكاثوليكية هناك مادة عن الأديان؛ ايضا صلاة صباحية ابوسريع فى طابور الحضور لكن غير الزامية .
يعنى عادى ممكن ابنك يمشى يدرس فى مدرسة كاثوليكية تماما كما كان يحدث فى السودان حيث ان معظم طلبة المدارس الإنجيلية كانوا مسلمين. اخوى الكبير درس فى الانجيلية امدرمان.

برضه فى مدارس إسلامية (يملكها افراد) ، نفس المقرر مع اضافة مواد إسلامية

غريبة يا نصري،
كنت قائل انو الدستور في كندا موحد، لكن تفاجأت انو دستور محافظة أونتاريو مثلاً يفرض على الحكومة كامل التمويل للمدارس الكاثولوكية،
دا بشبه المدارس الدينية بباكستان والسعودية
يا كبر، لا يمكن وصف دستور أونتاريو بأنه علماني

وآلله يا ابوبكر انا ما بفهم كتير فى الدساتير لكن
حسم علمى ان مسائل التعليم تقع تحت jurisdiction حكومة الولايات،
يعنى جستن ترودو ما عنده اى قضية بما يحصل فى مدارس البرتا .
هناك نظام مالى اسمه payment equalization بحيث الولايات العندها فائض مالى تدفع الولايات المنتهية وطبعا مقاطعة كويبك الفرنسية تاخد نصيب الأسد من هذه الدفعيات مما اثار حفيظة
كثير من مواطنى البرتا و اضطر بعضهم للدعوة للانفصال من كندا .

فاتيما المسيحية هينا
فى ولاية أوهايو فى مدينة إسمها (مدينة) ومسمية على المدينة المنورة
وفيها مدينة تانية إسمها (مكة) .. والمسافة بينهم زى ساعتين بالعربية
يعنى لو بنوا في الأخيرة كعبة والأولى مسجد .. وصلحوا لينا فتوة ..
العمرة والحج بيبقوا محليين .. ههههه

ما صادفنى فى بلد معظم سكانه مسلمين سموا مدينة مكة أو المدينة ..
لكن سموا نساء بإسم مكة ومدينة، وبقت كمان أسماء موضة قديمة
مثلما سموا محلات تجارية واسواق

Quote: بالنسبة للمعتقدلت ، عندى بوست فى الفرن عن طائفة مسيحية اسمها المور كون

سلام يا حبيبنا النصري، عندي أصدقاء كثر من المورمن، وقريبين شديد من التعاليم الإسلامية وأصلهم ولاية يوتا الأمريكية، ياريت تفتح پوست عنهم ناخد فيهو خشم خشمين.

اهلا نادر ؛ ابدا والله ؛ أسماء المدن مافيها غرابة لكن
مجلس تعليمى مسيحى يسمى مدرسة باسم شخصية إسلامية حاجة غريبة

المورمون ديل ، يا نذير ؛ ملاوزين لى ملاوزة شديدة و كلما أقرأ عنهم استغرب زيادة.
خلاص نفتح البوست ؛ ما بكلفنا قرش او تعريفة

ولو شفت مدرسة اسمها "مدرسة عبدالرحيم محمد حسين الثانوية" تعمل شنو ؟
تخيل مسمينها على اللمبي .. ماراعو احاسيس الطلبة ابدا

Quote: ولو شفت مدرسة اسمها "مدرسة عبدالرحيم محمد حسين الثانوية" تعمل شنو ؟

صدقنى التلاميذ حيطلعوا بى عقد كثيرة خلاس

.

.

.





..مدرسة عبدالرحيم محمد حسين ؛ يا عبدالله ادريس ؛ نوع من الاستنزاف الذهني للأطفال بغرض أمثال العاهة العبيط الساذج عبدالرحيم محمد حسين يكون قدوة ليهم و الغرض تفريخ اجيال محبطه مدمرة لا تقاوم المشروع الحضارى..الحمدلله ربنا عافانا من الأذى ده ؛ و نتمنى ناس الليمبى يعيشوا حياة طويلة (فى السحن)