هذا ما نستشفه مما جاء بصحيفة النيويورك تايم عدد الامس ٦ اكتوبر مرسل فى هذا البوست
Post: #2 Title: Re: طالما حميدتى والامن القديم فى السلطة أمري Author: محمد النيل Date: 11-07-2019, 04:34 PM Parent: #1
على كل حال طالما حميدتى ما زال عندو نفوذ والعسكر الكيزانى القديم وجهاز الامن بكلياتو موجود أمريكا ما ح ترفع الحظر ما زال هناك قيادات كيزانية مطلوقة السراح وقيادات امنية مثل صلاح قوش يتنسم الحرية وهو من محاربيها مطالب امريكا واضحة ما ممكن الناس اللى ساهموا في ابادات دارفور وجبال النوبة وكردفان والنيل الازرق يكونوا مشاركين في السلطة وبعد دا عايزين امريكا ترفع الحظر واضف لذلك الخطاب الارهابى بتاع ناس الجزولى وعبد الحى والشيخ اب تفة ديل مازالوا مطلوقى اللسان ومقابلات تلفزيونية وعايزين امريكا ترفع الحظر ما ممكن امريكا تحارب داعش وهناك من كان يدعمها مطلوق يبرطع زى ما عايز (الجزولى) فعلا هناك مطالب مشروعة لامريكا يجب اتمامها قبل رفع اسم السودان من لستة الدول الداعمة للارهاب حمدوك وحكومته لسع قدامهم كتييييير عشان يحققوا أحلام الناس.
Post: #3 Title: Re: طالما حميدتى والامن القديم فى السلطة أمري Author: Yasir Elsharif Date: 11-07-2019, 04:54 PM Parent: #2
سلامات يا محمد النيل
كلامك مظبوط.
تخريمة: الشيخ أب تفة دا منو؟
Post: #4 Title: Re: طالما حميدتى والامن القديم فى السلطة أمري Author: محمد النيل Date: 11-07-2019, 05:06 PM Parent: #3
Quote: تخريمة: الشيخ أب تفة دا منو؟
الشيخ اب بزغة الشيخ المايكاتو مليانة بكتريا داك
...... عندو فيديو مشهور قال نغزوا أمريكا ونسبى نساءهم شيخ زي دا مطلوق بكل حرية بيتكلم كلام بالشكل دا وعايزين امريكا ترفع الحظر؟؟؟
Post: #5 Title: Re: طالما حميدتى والامن القديم فى السلطة أمري Author: Yasir Elsharif Date: 11-07-2019, 05:34 PM Parent: #4
أها
دا بتاع "والله صحي"
Post: #6 Title: Re: طالما حميدتى والامن القديم فى السلطة أمري Author: محمد النيل Date: 11-07-2019, 05:43 PM Parent: #5
شفت كيف؟؟؟؟!!!! اها زى دا لافى بكل حرية الشيخ دا امريكا ترفع الحظر كيف؟؟؟؟
شكراً لجلب الفيديو ياسر الشريف
Post: #7 Title: Re: طالما حميدتى والامن القديم فى السلطة أمري Author: Kostawi Date: 11-07-2019, 08:47 PM Parent: #6
Post: #8 Title: Re: طالما حميدتى والامن القديم فى السلطة أمري Author: ترهاقا Date: 11-07-2019, 11:43 PM Parent: #7
Quote: طالما حميدتى والامن القديم فى السلطة أمريكا لن ترفع الحظر
المشكلة إنهم مفتكرين إنو الامريكان ما عارفنهم ولا شايفنهم . الجهل مصيبة
Post: #9 Title: Re: طالما حميدتى والامن القديم فى السلطة أمري Author: Asim Ali Date: 11-08-2019, 00:45 AM Parent: #8
ماعارف الناس شفقانه على رفع رفع اسم السودان من قائمه الدول الراعيهللارهاب ؟!!! وينها الخطوات الجادده فى الاتجاه دا ؟ عشان الناس تجرى تقول ارفعو اسم السودان. كدى اول شىء اقفلو بابكم عليكم ونضفو ونظمو بيتكم من الداخل تلقائيا الاثار السالبه (قيود وعقوبات) لفتره حكم الكيزان حتزول اذا كنا جادين فى التعامل مع مجرمى النظام السابق ومؤسساتهم . غير كدا بتضيعو مجهودكم وزمنكم وزمن الشعب السودانى بمواضيع بدرى توقيت نقاشها خارجيا
Post: #10 Title: Re: طالما حميدتى والامن القديم فى السلطة أمري Author: ترهاقا Date: 11-08-2019, 02:48 AM Parent: #9
Quote: كدى اول شىء اقفلو بابكم عليكم ونضفو ونظمو بيتكم من الداخل
البيت من الداخل خربان يا أخ عاصم ، ويلا فكوا الحصار يا أمريكان