التحالف القادم الصادق وحميدتي

07:39 AM November, 07 2019

سودانيز اون لاين
Khalid Abbas-Sudan
مكتبتى
رابط مختصر

بوست للتوثيق وسوف اعود له قريبا لتاكيد نظرتي للواقع كل المؤشرات تؤكد حدوث تحالف قادم بين الصادق المهدي وحميدتي كلاهما يبحث عن هذا التحالف
كما أنهما مقبولين للتحالف السعودي الإماراتي . حميدتي يبحث عن حاضنة سياسية ليحقق احلامه في رئاسة السودان والصادق ينظر للقوة الضاربة التي يمتلكها حميدتي
لكن كيف سيتم شكل التحالف هل يكون حميدتي رئيس جمهورية واحد ابناء الصادق رئيس وزراء ؟

والله الصادق المهدي قاعد 50 سنة في الساحة السياسية وما اكتسب اي وعي جديد او رؤية محترمة في مستوى السيد عبدالرحمن اطلاقا
ياخ حزب الامة يتحاف في هذه المرحلة مع عبدالواحد نور وموسي هلال ويطالب باطلاق سراحه فورا دون قيد او شرط او تدليس سياسي رخيص من ق ح ت
موسي هلال صاحب رؤية وطنية برنامج الصحوة وحميدتي حالة اماراتية طارئة في السودان واذا طلع موسي هلال وسجل حزب الصحوة في مسجل الاحزاب ولا واحد من ابناء المحاميد الشجعان حيفضل مع حميدتي مافي اطلاقا
تحالف الاحزاب السودانية العريقة في هذه المرحلة تكون مع الحركاات المسلحة التي تحمل رؤية والمحترمين الما عندهم علاقة ابدا مع قرود السيرك الامريكي في الخارج ذى ما عمل الحزب الاتحادي الديمقراطي الاصل مع الحركة الشعبية شمال الاصل
الدعم السريع ده شنو عليكم الله
والله يطلع موسي هلال من السجن ما يفضل جنددي واحد فيه
الامارات دي عايزة تعمل السودان ذى جنوب اليمن خارج دولة المؤسسات تعمل عصابات مسلحة علي حساب الجيش السوداني ملعونة والديها وتنهب الذهب من السودان
الصادق المهدي مش عالة علي حزب الامة العريق فقط اضحي عالة الي المهدي وفكر المهدية العريق في السودان من 1964 ولحدي الليلة وبارا كار الاخوان المسلمين المختسك والخلافة والشريعة والفجر الكاذب بتاع الترابي
وعالق مع الاخوان المسلمين التنظيم الدولي لحدي الليلة والسبب النرجسية الشديدة التي اعيت من يداويها والبركة في شباب الامة الجديد ناس محمدحسن العمدة
https://up.top4top.net/

شكرا عادل على المرور
لا يمكن المقارنة بين الصادق والسيد عبدالرحمن الاخير مدرسة سياسية وطنية خالصة
لا أتوقع خروج موسى هلال الا محمولا على نعش

Quote: لا أتوقع خروج موسى هلال الا محمولا على نعش

والازمة في اخلاقيات ق ح ت
وشعار
سلام حرية عدالة
والثورة خيار الشعب
لماذا موسي هلال في السجن وهو صاحب مشروع افضل من اهل الرجس في المؤتمر الشعبي والغدل والمساواة والكثير من جماعة المؤتمر الوطني ذى حسين خوجلي والطيب مصطفي
عشان كده قلنا للناس غريمكم المحكمة الدستورية وليس اهل السفاهة في قح ت من مخلفات مايو 1969
https://up.top4top.net/

الاضل والعن من الكذب هو الاستمرار فيه
وما يؤذي الشخص هو ما يخزيه

صدق يا خالد و ماك طالبني حليفة.
لا عندي غرد في حميرلاي و لا في طابق
البوخة. علا لامن ألقى الزيك إتا و عمك عادل
دا بتكيف بن حبشي عديل.و للأسف ، هي دي
الانطباعية الشغالين بيها هنا.بالنسبة للصادق دا
فعلن عندو حاضنة؛ و كمان فقاسة. و لو ما قدر
عاش لى زمن داك ممكن يدفع بأي سيسيوة و
كمان مع سيداو المتحمدانا دي عندو فروجة
تكاكي جاهزة لركوب الخازوق الجاي!!!
.

المرهف ودالاصيل نحن لاقنك وين نتشرف بمرورك
الفروجة سبب العذاب نسال الله السلامة

حميدتي يبحث عن الحاضنة السياسية المناسبة التي توفر له الغطاء السياسي للحكم..
وهذه الحاضنة لا تخرج عن الحزبين الكبيرين بعد استبعاد التنظيمات الإسلامية،
والصادق المهدي لا ينقصه الدهاء والخبث السياسي ليحصد من اجتماع كهذا مالم يحصده البشير

وثّق إن شا الله عشرة سنة لقدّام يا خالد مافي كلام زي دا بحصل

محمد البشرى ترونه بعيداً ونراه قريباً

ياعمر الحزب الإتحادي مستبعد حاليا تقريبا في حالة موت سريري حتى يفتح الله عليهم بقائد محنك

Quote: والصادق المهدي لا ينقصه الدهاء والخبث السياسي ليحصد من اجتماع كهذا مالم يحصده البشير

دي بالغت فيها يا عمر ، او الحاجة دي ما شفناها والصادق في العقد التاسع من عمره حنشوفا متين تاني ؟
زول اتعلم كويس في زمن المتعلمين فيهو على الاصابع ؟ نعم ده صحيح
لكن يصدق عليهو المثل " قام من نومو ولقا كومو"

Quote: التحالف القادم الصادق وحميدتي

تحالف قائم ...
قاعدة جبل الجليد مابتنشاف ..
حميدتي قبل كده أذكر قال في تصريح ..
لو حينضم لحزب حيكون حزب الأمة ...
يبقى قادم ولاّ قائم وأساساته مرميه ..

Quote: تحالف قائم ... قاعدة جبل الجليد مابتنشاف ..

اتفق معاك تماما جمال ويدار بحنكة من الخليج

اتخيل يا ود الاصيل
نحن في القرن 21 وعندنا زول مباري عبدالناصر وزول مباري صدام حسين ولحدي هسة مخو الضيق ذى جذمة حاجة بغارة ما وصل وعي الحركة الشعبية او الفكرة الجمهورية وينعي موت الانصار والختمية في السودان ومستقبل السودان هم الشيوعيين وابعثيين والناصريين
حميدتي وحمدوك حالة انتقالية والثورة دي حركوها قرود السيرك الامريكي السيسي وبن زايد وبن سلمان ديل من الخارج ومصالهم الضيقة في السودان واسواها الجنود في اليمن وزحو البشير بس وقليل من الانقاذيين

https://up.top4top.net/
ولم تاتي بالجديد المفيد حتي الان لا خلتنا في صبة جون قرنق القوية2005-2010 ولا جابت احسن منها
حميديتي مشروع الامارات الفاشل في السودان والمضاد الحيوي ليه فقط موسي هلال ورؤية الصحوة ....وعبدالواحد نور في دارفور وفي كردفان الحركة الشعبية شمال نسخة الحلو وفي جبهة الشرق ناسا قاعدين وفي الشمال الختمية قاعدين وعادل عبدالعاطي ايضا
وقح ت ساطع والسنهوري دي حدها علم مايو ومثلث الحمدي فقط
الصادق المهدي عالة علي حزب الامة والانصار من 1964 وما عايز يزح للشباب
ويا بعاعيت مايو من هسة ولحدي القيامة صناديق اقتراع ما بتجيبكم في ظل
1- محكمة دستورية حقيقية
2- اعلام حر محترم ومسؤال
3- انتخابات حرة نزيهة ذى الطلعت الانجليز

إقترب الوعد

ربما هناك من الدلائل ما يشير الى التحالف المذكور ولكن المؤكد الذى لاشك فيه هو :
انّ الشعب السودانى لا يقبل الاثنان لا الصادق المهدى ولا حميدتى والاثنان بالنسبة للشعب السودانى ( كروت محروقة )
حتى ولو فرضنا جدلاُ قيام مثل هذا التحالف فانه سيكون ميتاُ قبل ان يظهر الى الوجود .
بفعل الثورة الابدية التى ستنطلق منذ لحظة اعلان قيام الجسم المذكور .

زيارة حميدتى للصادق المهدى فى منزله ايام الثورة لطى الخلافات بين الرجلين .

Quote: ولكن المؤكد الذى لاشك فيه هو : انّ الشعب السودانى لا يقبل الاثنان لا الصادق المهدى

اليشوف الثقة البتفتي بيها يا علاء دي يقول الشعب السوداني كله مضاف في صفحتك وعملولك لايك!!
يا زول ما تتكلم ساي, انت قايل الشعب السوداني ياهم الكم و تلتين بورداب الحايمين هنا ديل!
الله يدينا و يديه طولة العمر وتعال شوف راي الشعب السوداني في الانتخابات

Quote: انّ الشعب السودانى لا يقبل الاثنان لا الصادق المهدى ولا حميدتى والاثنان بالنسبة للشعب السودانى ( كروت محروقة )

أخاف عليك من الصدمة في الإنتخابات

كل يوم يثبت الصادق صحة توقعاتي القادمة

Quote: اليشوف الثقة البتفتي بيها يا علاء دي يقول الشعب السوداني كله مضاف في صفحتك وعملولك لايك!! يا زول ما تتكلم ساي, انت قايل الشعب السوداني ياهم الكم و تلتين بورداب الحايمين هنا ديل! الله يدينا و يديه طولة العمر وتعال شوف راي الشعب السوداني في الانتخابات

يا زول انا ثقتى البفتى بيها انا اخدتها من الشارع
وانتا سيد العارفين ركيزة حزب الامة وغالبية دوائره الجغرافية فى ولايتى دارفور وكردفان
والآن هناك لاعبين جدد واحزاب جديدة تولد الان مثال حزب شباب الثورة واحزاب اخرى لها وجود كبير فى الولايتين
يعنى حزب الامة اليوم ماهو حزب الامة ذات الغالبية فى انتخابات 1986 م
وبالنسبة للبورداب هنا : شخصياُ لا اعتمد عليهم فى استقراء وبناء معلوماتى عن مثل هذه المسائل .
ومع علمى التام على قدرتهم فى التأثير على ذويهم واقاربهم وجيرانهم فى الداخل .

هناك تغيير عميق فى الساحة السياسية السودانية وتغيير اعمق فى الدوائر الجغرافية ومع علمى التام ان الانتخابات
القادمة سوف لن تكون بنفس مفاهيم الانتخابات السابقة " الدوائر الجغرافية ودوائر الخريجين " مثال انتخابات 1986م .
والاقرب للتطبيق سيكون : التمثيل النسبى .. حتى ولو طالب البعض بالدوائر الجغرافية : الدوائر ستكون محدودة .
بمعنى انتخابات مختلطة .

Quote: أخاف عليك من الصدمة في الإنتخابات

ما فى صدمة ح تحصل ياخالد
لانو سيتم تغيير نظام الانتخابات
واصلا حتى لو فى انتخابات دوائر جغرافية
ح تكون محدودة . وهناك احزاب جديدة فى الساحة .

Quote: واصلا حتى لو فى انتخابات دوائر جغرافية ح تكون محدودة . وهناك احزاب جديدة فى الساحة .

برضو سيكتسحها السادة