حتى باغة العسل اباها ... وكمان الجماعة بالغوا ما سألوهو ...
Post: #2 Title: Re: ظلمنا البشير في عفة يده في مسألة المال الع Author: يحي قباني Date: 11-06-2019, 01:08 PM Parent: #1
و حسبما ورد في السيد الواتساب ...
ان محمد البشير كان ناظر مدرسة اوليه ...
فمن أين له ذلك القصر المنيف ؟
من ارباح مزرعة السليت المختلطة حقة اخوهو ؟
و لا شال باغة العسل باعها ؟
هو منو الكان عنده دكان حلاقة ؟
Post: #3 Title: Re: ظلمنا البشير في عفة يده في مسألة المال الع Author: يحي قباني Date: 11-06-2019, 01:18 PM Parent: #2
بالله رجاء ...
كل من يمر من هنا
دعوة كاااااربة تطلع روحهم ...
Post: #4 Title: Re: ظلمنا البشير في عفة يده في مسألة المال الع Author: Kamal Alalla Date: 11-06-2019, 01:20 PM Parent: #1
والظلم ظلمات والظن الزي دا اثم عديييييل
Post: #5 Title: Re: ظلمنا البشير في عفة يده في مسألة المال الع Author: Osman Musa Date: 11-06-2019, 01:40 PM Parent: #1
يا قباني ياخ اولاد حسن البشير ديل ناس مساكين اولاد حلال . . حتي في واحد كاتب في البص بتاعو اولاد حسن حمير بس اولاد حلال. . انا معاك ظلمنا البشير . هسع قصة العسل الجبلي دي انا لما سمعتها قربت ابكي بعدين اخو البشير الاسمو عبدالله داك قروشو كلها جابها بي الحلال . تصدق يا قباني قالوا عبدالله عمل القروش دي كلها من صالون حلاقة . اولاد عفيفين شديد . ولا عندهن ولا قطعة ارض واحدة في كافوري . بيت جالوص بس . حتي زوجة عمر مسكينة ما عندها لا عمارة في ماليزيا لا دبي . ولا علي كرتي زاتو ما عندو . انت عارف يا قباني طبعا عمك الطيب مصطفي زول حازم وصادق زي اسحاق احمد فضل الله . الطيب مصطفي حلف بي الله .. حلف بي الله . قال الناس دي بتفك اشاعات ساكت . غايتو يا قباني بس نخليهم لي يوم القيامة . انت قايل هو بعد قعد في الحكم 30 سنة . انت قايل يوم القيامة باقي ليه كتير ؟ الحكاية قربت . نخليهم بس لي يوم القيامة . يوم القيامة ربنا ح يطلع ز..... ...
Post: #6 Title: Re: ظلمنا البشير في عفة يده في مسألة المال الع Author: عمر التاج Date: 11-06-2019, 02:16 PM Parent: #5
مما شفت الفيديو ده بقيت ألخبت في قصة الباغة بين اهل البشير واهل العوض
Post: #7 Title: Re: ظلمنا البشير في عفة يده في مسألة المال الع Author: مرتضي عبد الجليل Date: 11-06-2019, 02:19 PM Parent: #5
و حسبما ورد في السيد الواتساب ...
ان محمد البشير كان ناظر مدرسة اوليه ...
فمن أين له ذلك القصر المنيف ؟
من ارباح مزرعة السليت المختلطة حقة اخوهو ؟
و لا شال باغة العسل باعها ؟
هو منو الكان عنده دكان حلاقة ؟ ------------------------------------------------------- ناس ما عندها دم ! قال عفيف قال ؟ بعدين مش الشعب سبعة شهور بقول ليهو غور ؟؟؟ كان اطرش الاخو؟ كلاب و مافى سوداى واحد شريف متعاطف معاكم يا حرامية . سلام اخونا قبانى ز
Post: #8 Title: Re: ظلمنا البشير في عفة يده في مسألة المال الع Author: يحي قباني Date: 11-06-2019, 04:48 PM Parent: #7
Quote: والظلم ظلمات والظن الزي دا اثم عديييييل
كمال سلامات المحيرني .. محمد البشير ده عارف التسجيل ده حيتنشر و بي كل بساطة و قوة عين يقول عفيف في المال العام
و الأكثر من كده البعوض و المجاري ؟؟؟
ذكرني الزينكو زمان قال لي النميري خلونا نظبط السجون دي الدنيا ما معروفة !!!
Post: #9 Title: Re: ظلمنا البشير في عفة يده في مسألة المال الع Author: Osman Awoda Date: 11-06-2019, 05:09 PM Parent: #8
يا قبة محمد دا ما كان ناظر ولا حاجة،،كان معانا في الإمارات شغال librarian في مكتبة جامعة العين بي ٢٥٠٠ درهم،،يوم انقلاب الكيزان ضربت ليهو تلفون وقلت ليهو اوعا الجماعة ديل يكونوا كيزان،،،حلف بالتقطعه انه ما كدا ولا حاجة،، بعدها مباشرة استقال ومالم عفشة وارجع السودان وحدس ما حدس. بس،،دا الموضوع.
Post: #10 Title: Re: ظلمنا البشير في عفة يده في مسألة المال الع Author: Osman Awoda Date: 11-06-2019, 05:10 PM Parent: #8
. حذف للتكرار
Post: #11 Title: Re: ظلمنا البشير في عفة يده في مسألة المال الع Author: يحي قباني Date: 11-06-2019, 08:27 PM Parent: #10
Quote: يا قباني ياخ اولاد حسن البشير ديل ناس مساكين اولاد حلال . . حتي في واحد كاتب في البص بتاعو اولاد حسن حمير بس اولاد حلال. . انا معاك ظلمنا البشير
مساكين ساي يا عثمان موسى
و الله شي يحير زولك ده بكل أريحية يدعي أشياء الدنيا كلها عارفاها
و الأعجب انو عارف ده تسجيل حيتنشر !!!
طيب مافي أختشا ؟
Post: #12 Title: Re: ظلمنا البشير في عفة يده في مسألة المال الع Author: يحي قباني Date: 11-07-2019, 00:21 AM Parent: #11
Quote: مما شفت الفيديو ده بقيت ألخبت في قصة الباغة بين اهل البشير واهل العوض
ود التاج كيفنك ...
رأيك شنو بالله ؟
Post: #13 Title: Re: ظلمنا البشير في عفة يده في مسألة المال الع Author: abdalla elshaikh Date: 11-07-2019, 03:03 AM Parent: #12
Post: #14 Title: Re: ظلمنا البشير في عفة يده في مسألة المال الع Author: Osman Musa Date: 11-07-2019, 07:06 AM Parent: #13
يا قباني ياخ اختشا من شنو ؟ مش هو رجع جركانة العسل ؟
Post: #15 Title: Re: ظلمنا البشير في عفة يده في مسألة المال الع Author: NEWSUDANI Date: 11-07-2019, 07:25 AM Parent: #14
يا صديقي كيفك من الخرطوم بعد الثورة لأول مرة
لم تسقط بعد ولن تسقط بهذه الطريقة ،،،، القصة دي عايزة خجة جد هل تصدق الخرطوم هي الخرطوم وأمثال مسكين كافوري كثار .....
حرامية المؤتمر الوطني ملوا البلد بكمية من العرب الذين يشترون ممتلكاتهم المنهوبة أبتداء من الفنادق والمؤسسات المخصخصة والوزراء في فعاليات اليوم كله !!!!!!
لابد من الديمقراطية ولو طال السفر وح يطول
Post: #16 Title: Re: ظلمنا البشير في عفة يده في مسألة المال الع Author: يحي قباني Date: 11-07-2019, 12:33 PM Parent: #15
Quote: ناس ما عندها دم ! قال عفيف قال ؟ بعدين مش الشعب سبعة شهور بقول ليهو غور ؟؟؟ كان اطرش الاخو؟ كلاب و مافى سوداى واحد شريف متعاطف معاكم يا حرامية . سلام اخونا قبانى ز
مرتضى يا حبيب ... الشعب ما مهم ... الشعب كفاهو عرف الهوت دوق في عهده ... دايرين كمان يتدخلوا فيما لا يعنيهم
Post: #17 Title: Re: ظلمنا البشير في عفة يده في مسألة المال الع Author: Osman Musa Date: 11-07-2019, 12:40 PM Parent: #16
انت يا قباني هسع الثورة دي كلها والمتاريس بس بي سبب بسة حاول يستلم جركانة العسل ؟
Post: #18 Title: Re: ظلمنا البشير في عفة يده في مسألة المال الع Author: يحي قباني Date: 11-07-2019, 01:53 PM Parent: #12
Quote: يا قبة محمد دا ما كان ناظر ولا حاجة،،كان معانا في الإمارات شغال librarian في مكتبة جامعة العين بي ٢٥٠٠ درهم،،يوم انقلاب الكيزان ضربت ليهو تلفون وقلت ليهو اوعا الجماعة ديل يكونوا كيزان،،،حلف بالتقطعه انه ما كدا ولا حاجة،، بعدها مباشرة استقال ومالم عفشة وارجع السودان وحدس ما حدس. بس،،دا الموضوع.
يعني يا عم عصمان ...
لو قلنا مشى الامارات سنة 79 و رجع 89 قعد 10 سنوات ...
لو القصر الساكن فوقه ده تمنه بالدرهم نقول مليون درهم ؟ يعني كان لازم عمك ده يوفر في السنة 100 الف درهم اي حوالي 8 الف درهم في الشهر ! وهو مرتبه 2500 درهم ... اتنين معانا الوااااحد ... ما بتظبط اللهم الا يكون يكون هو الكان راكب بص الديوم زمان ...
بص الديوم الغربية الاحمر كان مشواره طويل نوعا ما ..و لذلك دايما زحمة .. التذكرة وقتها كانت شلن ... الكمساري كان ببدا من المحطة الوسطى يشيل القروش من الركاب ... و طبعا ما كل زول معاهو الشلن جاهز ... فده يدفع ريال و داك طرادة والبي جاي ورقه بخمسين قرش .. الكمساري بلقط و بمسك الورق بين اصابعينه لغاية ما ينتهي من الركاب ... و هو راجع بكون استلم فكات كتيره و ببدا يرجع للناس ... المهم الكمساري واحد واقف اداهو ريال و واحد قاعد جنبو اداهو جنيه ... الكمساري جدع الريال في جيبو و خت الجنيه بين اصابعينو ... وهو راجع بدل يرجع شلن لابو ريال ... قام اداهو باقي الجنيه و ما انتبه لي سيد الجنيه القاعد ... ربك اراد سيد الجنيه محطته جات نادى الكمساري و قال ليو وين باقي الجنيه ؟ طققق ... الكمساري اتذكر زول الريال و حمر ليهو وقال: - انت مش اديتني ريال ؟ - قال ليهو : ايي اديتك ريال! - يعني باقيك شلن !!! - سمح شلت باقي الجنيه و ختيتوا في جيبك لي شنو ؟ - قال ليهو : هو انا عارف تذكرتكم دي بي كم ؟
Post: #19 Title: Re: ظلمنا البشير في عفة يده في مسألة المال الع Author: يحي قباني Date: 11-08-2019, 01:40 AM Parent: #18
Post: #20 Title: Re: ظلمنا البشير في عفة يده في مسألة المال الع Author: Mahjob Abdalla Date: 11-08-2019, 02:35 AM Parent: #19
Quote: ذكرني الزينكو زمان قال لي النميري خلونا نظبط السجون دي الدنيا ما معروفة !!!
سلام باشمهندس قباني. الزول عمل كل شئ سياحي حتي مرة جابوهو بحاجج ناس المستشفي الايطالي لاضافة قسم سياحي و نسي يعمل سياحي في سجن كوبر.
________________ انا غايتو ناوى اترشح لرئاسة السودان ببرنامج انتخابي واحد, بناء قسم سياحي في سجن كوبر و سجن شالا. يا اخي كل السياسيين السودانيين قضو ربع عمرهم في سجن كوبر و ما في زول فكر يبني قسم سياحي.
Post: #21 Title: Re: ظلمنا البشير في عفة يده في مسألة المال الع Author: يحي قباني Date: 11-08-2019, 05:43 AM Parent: #20
Quote: يا صديقي كيفك من الخرطوم بعد الثورة لأول مرة
لم تسقط بعد ولن تسقط بهذه الطريقة ،،،، القصة دي عايزة خجة جد هل تصدق الخرطوم هي الخرطوم وأمثال مسكين كافوري كثار .....
حرامية المؤتمر الوطني ملوا البلد بكمية من العرب الذين يشترون ممتلكاتهم المنهوبة أبتداء من الفنادق والمؤسسات المخصخصة والوزراء في فعاليات اليوم كله !!!!!!
لابد من الديمقراطية ولو طال السفر وح يطول ProfileEditرد على الموضوع
بركة الزرت الخرطوم اخيرا ... عقبالنا :)
معليش ... الإرث تقيل و داير صبر ... بس انتو ما تيآسو
كيف الوالدة و الشاب ... أكون بقى راجل محترم الان ههههه
تحياتي ليكم جميع ...
Post: #22 Title: Re: ظلمنا البشير في عفة يده في مسألة المال الع Author: Osman Awoda Date: 11-08-2019, 06:16 AM Parent: #21
بص الديوم الغربية كان احمر وظهري والشرقية كان احمر واخدر،، ؛؛؛؛ يا قبة بدون مؤاخذة انت عمرك كم؟
Post: #23 Title: Re: ظلمنا البشير في عفة يده في مسألة المال الع Author: NEWSUDANI Date: 11-08-2019, 07:21 AM Parent: #21
كلهم تمام الحمدلله الشاب ثالثة طب !!!
لازم تحاول تزورها في أقرب وقت لانه قد لا توجد في القريب العاجل ،،،،،، الخرطوم والسودان في كفي عفريت يا صديقي
تحياتي للأسرة والجميع طرفكم
Post: #24 Title: Re: ظلمنا البشير في عفة يده في مسألة المال الع Author: يحي قباني Date: 11-08-2019, 02:16 PM Parent: #23
Quote: بص الديوم الغربية كان احمر وظهري والشرقية كان احمر واخدر،،؛؛؛؛ يا قبة بدون مؤاخذة انت عمرك كم؟
يا عجوز بص الديوم الغربية كان احمر بي خط اخدر أما بص الديوم الشرقية ازرق بس خط اصفر و ده كان (باظي) لانه بمر بمحطة العداد
أنت مالك و مال ديل ... خليك في الترماج و لوري كندا
Post: #25 Title: Re: ظلمنا البشير في عفة يده في مسألة المال الع Author: يحي قباني Date: 11-08-2019, 03:21 PM Parent: #23
Quote: كلهم تمام الحمدلله الشاب ثالثة طب !!!
لازم تحاول تزورها في أقرب وقت لانه قد لا توجد في القريب العاجل ،،،،،، الخرطوم والسودان في كفي عفريت يا صديقي
تحياتي للأسرة والجميع طرفكم
ما شاء الله
اول امس لما اتلاقينا في اوكڤيل الولد ده ما دخل مدرسة الحاصل شنو ؟ انحنا بقينا كم يا صديقي ؟
بعدين و الله لسة متفائل ... بس ابقو عشرة على المبادئ
Post: #26 Title: Re: ظلمنا البشير في عفة يده في مسألة المال الع Author: نادر الفضلى Date: 11-08-2019, 04:31 PM
عفيف فى المال العام مثالها باغة العسل .. العسل بقى مال عام .. أمال الدهب كيف؟
بخصوص السجن السياسى .. الشغلانة دايرا مستثمر بقدم مشروع لرخصة سجن قطاع خاص مبنى فندقى خممسة جنوب بكل الرفاهيات .ز الرسوم بالدولار يدفعها النزيل ومافى مانع سجن نجمتين إقتصادى أهل السجين وأصحابه بيقدرو يلمو كشف يسددوا تكاليف الإقامة .. والمجل مفتوح لأثحاب البر والخير والعاوزين يتصدقوا يجسنوا ويتصدقوا بتكلفة سجين سياسى أو عدد منهم وكله بثوابه.
أها الفساد حيكون بين راسمالية ملاك السجون الخاص وضباط الأمن إعتقال وحجز بالسجن بدون مبرر وتطويل مدة الحجز لزوم رفع قيمة العمولة! طبعا من شروط السجن الخاص المعااملة الحسنة.
أصحاب الجوازات الأجنبية ناس أمريكا وكندا وأوربا الغربية ما بيد سفارتهم تدفع تكاليف إقامة سجن رعاياها .. خازوق السفير ذاتو يعتقلوه جناح دبلوماسى بالسجن (7 نجوم) .. ههههههههه
Post: #27 Title: Re: ظلمنا البشير في عفة يده في مسألة المال الع Author: محمد محمود محمد Date: 11-08-2019, 07:54 PM Parent: #26
Quote: بص الديوم الغربية كان احمر وظهري والشرقية كان احمر واخدر،، ؛؛؛؛
يا عمنا عثمان 😊 بص الديوم الغربية كان احمر و بص الشرقية كان ظهري بخط اصفر ، و البيوصل العشش و امتداد الدرجة التالتة كان ظهري بخط ابيض . حبيبنا قباني شلن ده ما متذكرو ، نحن ساكنين السجانة بين شارع الحرية و شارع الديم ، بصات الشرقية كانت بقرش و نص ، والبصات الحُمُر ، زي ما كنا بنقول كانت بقرش ، اها كنا بنمشي نركب الحمر عشان نوفر التعريفة دي 😂 تحياتي يا صديقي
Post: #28 Title: Re: ظلمنا البشير في عفة يده في مسألة المال الع Author: يحي قباني Date: 11-08-2019, 10:49 PM Parent: #27
Quote: عفيف فى المال العام مثالها باغة العسل .. العسل بقى مال عام .. أمال الدهب كيف؟
كمان أنت ما تبالغ يا نادر
يعني يخلوا كل حاجة ؟
Post: #29 Title: Re: ظلمنا البشير في عفة يده في مسألة المال الع Author: يحي قباني Date: 11-08-2019, 10:52 PM Parent: #28
Quote: بص الديوم الغربية كان احمر و بص الشرقية كان ظهري بخط اصفر ، و البيوصل العشش و امتداد الدرجة التالتة كان ظهري بخط ابيض . حبيبنا قباني شلن ده ما متذكرو ، نحن ساكنين السجانة بين شارع الحرية و شارع الديم ، بصات الشرقية كانت بقرش و نص ، والبصات الحُمُر ، زي ما كنا بنقول كانت بقرش ، اها كنا بنمشي نركب الحمر عشان نوفر التعريفة دي 😂 تحياتي يا صديقي
محمد محمود يا دفعة من شفت اسمك بس بره عرفت خط السجانة جابك هههه
ياخي الشلن ده عشان نحبك النكتة ... و نتجمل شوية ناس عووضة ما يشيلوا حسنا