Post: #2 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-06-2019, 03:09 AM Parent: #1
أنا لابطيق ولابعرف يكون عندى اكتر من رقم واكتر من جوال
Post: #3 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-06-2019, 03:16 AM Parent: #2
وهى عندها رقمين وجوالاين واحد حق الشغل والتانى شخصى لاسرتها وزملاها واصحابها
Post: #5 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-06-2019, 03:21 AM Parent: #3
انا اغير جوالى تمش تغير جوالاتها لنفس الموديل
Post: #4 Title: Re: حرب الجوالات كيف اضع لها حد مع المدام افيد Author: abdalla elshaikh Date: 11-06-2019, 03:18 AM Parent: #2
كتّر الوحوحه و عدم الإستغفار ! والجاتك في جوالك سامحتك ! عُعقبال صديقك دينق !
Post: #6 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-06-2019, 03:26 AM Parent: #4
ياود الشيخ اكمل ليك هى تسمع النغمة بتاعت جوالى طوالى تمش وتعمل نفس التغمة
Post: #7 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-06-2019, 03:38 AM Parent: #6
امس ابننا امير ذو الأربعة سنوات ونصف جانى خامش واحد من تلفونات امو وقال بابا تلفونك عاينت لقيتها دى اختها من امريكا شلت الجوال ومشيت ليها فى المطبخ وقلت امير ما قادر يفرق بين جوالى وجوالاتك قالت وليش دايرو يفرق انا وانت وهو مش حاجة واحدة المهم عملت انسحاب تكتيكى مع شوية طنطنة
Post: #8 Title: Re: حرب الجوالات كيف اضع لها حد مع المدام افيد Author: عوض جاه الرسول Date: 11-06-2019, 07:15 AM Parent: #7
Post: #9 Title: Re: حرب الجوالات كيف اضع لها حد مع المدام افيد Author: قلقو Date: 11-06-2019, 07:55 AM Parent: #8
يا أبو امير , انا من هنا احيى المدام لتكتيكاتها الرائعة والمبتكرة راجيا لها التوفيق والنجاح , وبصراحة كدة عجبنى ليك . لكن بينى وبينك, لا أكثر الله من امثالها .
Post: #12 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-06-2019, 08:14 AM Parent: #9
دى افادتك ياقلقو الفيك اتعرفت تب
Post: #10 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-06-2019, 08:01 AM Parent: #8
هههههه ياعوض انا تلفونى بقفل كل خمسة ثوانى وكل اسبوع بغير الباصويرد ما عشان حاجة بس عشان امير مايلعب بلتفون
Post: #11 Title: Re: حرب الجوالات كيف اضع لها حد مع المدام افيد Author: أحمد محمد عمر Date: 11-06-2019, 08:05 AM Parent: #10
أنا دخلت قايك بتعاني من حملات التفتيش زينا كدة
Post: #13 Title: Re: حرب الجوالات كيف اضع لها حد مع المدام افيد Author: Deng Date: 11-06-2019, 08:15 AM Parent: #11
بدر الدين.
أنا لقيت لك الحل
تشتري لك تلفون زي ده ما ح تجيك أي عوجة، حتى أمير ما ح يجي بي جنب تلفونك تاني، بعدين أنت أصلا مالك ومال الوتساب ووجع الدماغ.
تعرف التلفون ده عندو أحسن بطارية وأوضح صوت كمان.
Post: #14 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-06-2019, 08:19 AM Parent: #11
احمد محمد عمر التفتيش ممكن ترفضو وتحتج عليهو بس الحرب الباردة دى تخليك متوتر اليوم كلو
Post: #15 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-06-2019, 08:21 AM Parent: #14
يادينق ياخى الوتساب للشغل بطل سوء نية
Post: #16 Title: Re: حرب الجوالات كيف اضع لها حد مع المدام افيد Author: MOHAMMED ELSHEIKH Date: 11-06-2019, 08:53 AM Parent: #15
نسمع الظرف الآخر
كلكم المريتو وعلقتو مافي واحد حقاني فيكم
حتى الأجنبي الكنا متوقعين يحكم بالعدل سار في نفس الاتجاه ال.......
Post: #17 Title: Re: حرب الجوالات كيف اضع لها حد مع المدام افيد Author: أبوبكر عباس Date: 11-06-2019, 09:04 AM Parent: #16
عرب وحظهم ضرب
Post: #18 Title: Re: حرب الجوالات كيف اضع لها حد مع المدام افيد Author: Deng Date: 11-06-2019, 09:12 AM Parent: #17
Quote: يادينق ياخى الوتساب للشغل بطل سوء نية
التلفون الارضي مالوا، عيبوا شنو؟
ولا أنت من جماعة الصور والفيديوهات بتاعت هلا بالخميس هلا!
Post: #19 Title: Re: حرب الجوالات كيف اضع لها حد مع المدام افيد Author: Osman Awoda Date: 11-06-2019, 09:24 AM Parent: #18
طيب يا ابو امير اسمع نقول ليك الكلام الجد: تطلع الشريحتين والبطارية،،خلاس طلعتهم؟ تغتس ال cover في كورية ملوحة لمدة تلاتة دقايق، تاني لو امير ولا امه مشوا جنب التلفون حقك علي.
Post: #20 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-06-2019, 11:26 AM Parent: #16
محمد الشيخ يقولو ليك حرب باردة وغتاتا تقول اسمع الطرف الآخر
Post: #21 Title: Re: حرب الجوالات كيف اضع لها حد مع المدام افيد Author: MOHAMMED ELSHEIKH Date: 11-06-2019, 12:36 PM Parent: #20
Quote: طيب يا ابو امير اسمع نقول ليك الكلام الجد: تطلع الشريحتين والبطارية،،خلاس طلعتهم؟ تغتس ال cover في كورية ملوحة لمدة تلاتة دقايق، تاني لو امير ولا امه مشوا جنب التلفون حقك علي.
ههها عمك عوض ديل اهل الملوحة ذاتهم يا حاج , يا دوب ما حلا
قول ليه في ملاح كول
Post: #22 Title: Re: حرب الجوالات كيف اضع لها حد مع المدام افيد Author: Abureesh Date: 11-06-2019, 01:05 PM Parent: #21
Post: #23 Title: Re: حرب الجوالات كيف اضع لها حد مع المدام افيد Author: Deng Date: 11-06-2019, 01:20 PM Parent: #22
بعدين نسيت أقول لك
التلفونات الذكية حرام بالنسبك لك، لأنوا بتصلك بعض الرسائل والفيديوهات الخليعة من الظلامي ود القريش واخرون.
Post: #24 Title: Re: حرب الجوالات كيف اضع لها حد مع المدام افيد Author: امتثال عبدالله Date: 11-06-2019, 01:38 PM Parent: #23
امسك في نصيحة عثمان عووضة قوي ما بتجيك حبة العودة وتوتراتك حتنتهي ... لكن بصراحة تكتيكات المدام عجبتني شديد ،،برافو عليها ...تكتيكات اوسكار ...
Post: #25 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-06-2019, 02:48 PM Parent: #24
ابوبكر ود عباس ياخى يقولو حصار وحرب باردة تقول حظ ضارب
Post: #26 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-06-2019, 02:48 PM Parent: #24
ابوبكر ود عباس ياخى يقولو حصار وحرب باردة تقول حظ ضارب
Post: #27 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-06-2019, 03:05 PM Parent: #26
عثمان عوضة محمد الشيخ وامتثال ومعكم الاجنبى دينق لوسمحتو غير مرغوب فى حضوركم هنا وبعدين فى احيان كتيرة بكون عندى عشاء عمل اكرر عشاء عمل بدل العطور الباريسية امش رحتى تركين وانتو ا ماعارفين انو لازم يكون الكفر بتاع الجوال من نفس ماركة العطر لانتا واضعو عشان العطور ممكن تداخل عالم غير مثقفة ومابتعرف بزنس
Post: #28 Title: Re: حرب الجوالات كيف اضع لها حد مع المدام افيد Author: Abureesh Date: 11-06-2019, 05:40 PM Parent: #27
"فترت تب من هذه الحرب الباردة الساخنة"
إنت الهب ما تارف
Post: #29 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-06-2019, 06:53 PM Parent: #28
ياابو الريش ياخى هبينا وهبونا انت زروف شغل ماتعرف
Post: #30 Title: Re: حرب الجوالات كيف اضع لها حد مع المدام افيد Author: Hamid Elsawi Date: 11-06-2019, 07:38 PM Parent: #29
الناس دي كلها ممكونة و صابرة إنت الجرسة ليك شنو؟
عموما بحكم وجودي في مدينة كالقري أُحيل الملف إلي القانوني كبر و المنظراتي بكري العاقب و الإفادة لاحقاً.
Post: #31 Title: Re: حرب الجوالات كيف اضع لها حد مع المدام افيد Author: يحي قباني Date: 11-06-2019, 08:31 PM Parent: #30
اهلك حقين RBG كان شافوا كلامك ده حيقولوا دعوة الزبير الختمي حقة المرجِ ديك اصابتك في مقتل
اخشوشنوا فان النعم لا تدوم 🙃
Post: #32 Title: Re: حرب الجوالات كيف اضع لها حد مع المدام افيد Author: احمد حمودى Date: 11-06-2019, 08:45 PM Parent: #31
Quote: اهلك حقين RBG كان شافوا كلامك ده حيقولوا دعوة الزبير الختمي حقة المرجِ ديك اصابتك في مقتل
اخشوشنوا فان النعم لا تدوم 🙃
Post: #33 Title: Re: حرب الجوالات كيف اضع لها حد مع المدام افيد Author: Kostawi Date: 11-06-2019, 08:55 PM Parent: #1
Post: #34 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-07-2019, 08:37 AM Parent: #33
ود الصاوى فى زول عاقل ممكن يكون بعرف المعتوه كبر والمتخلف بكرى العاقب
Post: #35 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-07-2019, 08:42 AM Parent: #34
ياقبانى ناس اربجى بالنسبة لهم تعرس خواجية اوتعرس من الخرطوم الامر عندهم واحد وطوالى برمو طوبتك ونا قنعو من خيرا فينى
Post: #37 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-07-2019, 08:44 AM Parent: #35
حمودى وحبوبا كوستاوى انتو اقعدو للمديدة حرقتنى
Post: #36 Title: Re: حرب الجوالات كيف اضع لها حد مع المدام افيد Author: Deng Date: 11-07-2019, 08:43 AM Parent: #34
Quote: وانتو ا ماعارفين انو لازم يكون الكفر بتاع الجوال من نفس ماركة العطر لانتا واضعو عشان العطور ممكن تداخل عالم غير مثقفة ومابتعرف بزنس
أنت جادي!!
كفر يا متخلف
Post: #38 Title: Re: حرب الجوالات كيف اضع لها حد مع المدام افيد Author: Deng Date: 11-07-2019, 08:46 AM Parent: #36
عطر وكفر تلفون وأكيد نوع القلم
فعلا ده العالم الثالث
Post: #39 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-07-2019, 09:31 AM Parent: #38
عالم تالت فى عينك ياحاقد
Post: #40 Title: Re: حرب الجوالات كيف اضع لها حد مع المدام افيد Author: الفاتح شلبي Date: 11-07-2019, 09:46 AM Parent: #39
سمو الأمير بدر الدين, لعلك بخير يا صديق
Quote: اكرر عشاء عمل
بتكون كثرت من عشاء العمل والجوال ده ضحية عشاء عمل هههههههههه
Post: #41 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-07-2019, 11:21 AM Parent: #40
الفاتح ياشلبى كيف انك ياصديقى كررنا عشاء عمل عشان مايجي حد يحرف الكلام وبرضو اصدقاء السوء بقيادة عثمان عوضة جو ورمو حقدهم الطبقى
Post: #42 Title: Re: حرب الجوالات كيف اضع لها حد مع المدام افيد Author: عماد الدين الطيب عمر Date: 11-07-2019, 04:05 PM Parent: #1
المراء يمكن حست ليها بي سي قالت الراجل دا معديها كل يوم عشاء عمل يمكن عمل دريبات انت ااااا بدر اخوي بدور اسعلك انت ناس اربجي ديل كلهم كدة؟
تحياتي الخالصة المدام كان الله في عونها
Post: #43 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-08-2019, 04:11 AM Parent: #42
عماد ياود الطيب يعنى انت ماعندك خبر بقصة شيخ الهميم وقاضى العدالة دشين الحصلت امام مسجد اربجى كما اوردها ود ضيف الله فى كتاب الطبقات
حيث مسك القاضى دشين بلجام فرس شيخ الهميم وقال له خمست وسدست ولم تسألك ام ان تجمغ بين الاختين فلا فكان رد شيخ الهميم ان الشيخ عبد الصادق اذن له فكان رد القاضى دشين سوف افسخ عقدك من الاختين فكان رد الشيخ الهميم لوفسخت العقد سوف افسخ جلدك وتقول الرواية ان القاضى فسخ العقد وبلمقابل شيخ الهيم فسخ جلد القاضى دشين لكن القاضى لم يتراحع عن قراره على فكرة قبر القاضى دشين فى ربوة على منحنى النيل باربجى وانا اعتبره اهم مزار سياحى فى مدينة ارابجى واربجى كمدينة سبقت سنار بى ٣٨ سنة لذا محمد عبدالحى كان مفروض يكتب العودة لاربجى وليس لسنار هههههه
Post: #44 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-08-2019, 11:08 AM Parent: #43
😂😂😂😂😂😂
الزننن .🔊. هو احد الاسلحه المحرمه دوليا والتي تستخدمها المرأة ضد الرجل. وهو عباره عن ذبذبات كهرومغناطيسيه ترسلها المرأة للجهاز العصبي عند الرجل حيث يصاب الجهاز بالتهيج .
يقسم الزّن الى ٣ انواع: 1- الزّن المتقطع مثل ان تستريح نصف ساعه وتعود للزن. 2- الزّن المتواصل مثل ان تستمر في الزن حتى تحقيق المطالب. 3- الزّن الكهرومغناطيسي وهو الاشد فتكا بالرجال حيث يشعر الرجل بالزّن دون وجود الزوجه حيث يذهب للعمل وتبقى الزّنات مستمره نظراً لتخزينها في الدماغ.
واثبتت البحوث انّ نسبة ١٠٠/١١٠ من النساء زنّانات هذا ولم يكتشف الطب الحديث اي علاج للزّن سوى ان يختصر الرجل ويحقق مطالبها من اول زنّه وذلك لاختصار المزيد من الزّنات. 😂😂😂😂😎
Post: #45 Title: Re: حرب الجوالات كيف اضع لها حد مع المدام افيد Author: najma Date: 11-08-2019, 11:16 AM Parent: #44
https://www.0zz0.com
Post: #46 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-08-2019, 02:11 PM Parent: #45
محمد معنا ماتغشنا
Post: #47 Title: Re: حرب الجوالات كيف اضع لها حد مع المدام افيد Author: احمد عمر محمد Date: 11-08-2019, 02:54 PM Parent: #45
قناعتي ان الجوال لا علاقة له بين الزوج والزوجة وليس من شروط الزواج وجه باسم جدا
Post: #48 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-08-2019, 07:13 PM Parent: #47
ياود عمر مفروض يكون الاقتراب من جوال زوج شرط من شروط الطلاق
Post: #49 Title: Re: حرب الجوالات كيف اضع لها حد مع المدام افيد Author: ايوب عبدالرحيم Date: 11-08-2019, 07:34 PM Parent: #48
بدرالدين, من الآخر , ارفع العلم الأبيض ودا يعني : تشيل الباسوورد برة تجي من الشغل تخت الموبايل فوق الصفرة ممنوع المكالمات أو استخدام الموبايل بعد سبعة مساء يتم شحن الموبايل ب واسطة المدام ( عشان ما تعمله عذر ل فتح الموبايل )
صدقني ح ترتاح و ح تريح الحولك
Post: #50 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-08-2019, 07:54 PM Parent: #49
ايوب عندى صديقى عامل فيها حويط عندو جوال للشغل وجوال للعلاقات الاجتماعية جوال العلاقات الاجتماعية مابشيول البيت بقفلو فى درج المكتب اليوم داك بدل يشيل جوال الشغل شال جوال العلاقات الاجتماعية ومشى البيت ولطش ونام وجوال العلاقات شغال اتصلات ورسائل صوتية ومكتوبة لمن صحى الصباح لقى جوال العلاقات الاجتماعية في يد المدام اوعك تسالنى الحصل شنو بعدها اخر اخبارى عنه بقى معتكف فى المساجد
Post: #51 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-09-2019, 03:20 AM Parent: #50
غلطان ثم غلطان البطلب منكم مشورة يامواسير يااصدقاء بلاصداقة يالبتخافو من نسائكم الدخلت البوست بسم نجمة وختت قصة تفتيش الموبايل فى شكل كركتير دى زوجتى الحاقدة دكتورة منال السر هى مهندسة شبكات طبعا وأكيد الحرشها على دخول البوست العزابى الحاقدة دينق والزنديق عمر دفع الله وتابعهم عماد عبدالله ديل اصدقاء السوء بتاعنها تبا لها ولهم واعلن رغبتى فى الزواج من خليجية مكان الرهيفة التنقد انا ود اربجى وجدى شيخ الهميم
Post: #52 Title: Re: حرب الجوالات كيف اضع لها حد مع المدام افيد Author: najma Date: 11-09-2019, 07:46 AM Parent: #51
الراية البيضاء ايوووا كده ياابوأمير خليك لذيذ ورايق ياشباب كتر خيركم لمؤازرتى تم استلام الباسويرد 🔓 قفل واحتفل 🔒🎶🎵🎼🎷🎸 هههههههههه😂😂😂😂😂
Post: #53 Title: Re: حرب الجوالات كيف اضع لها حد مع المدام افيد Author: Farida Mahgoub Date: 11-09-2019, 03:16 PM Parent: #52
تعالوا كلكم ...التركين مالوووووو!!!!!
عيبوهوا لي......
Post: #54 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-10-2019, 08:55 AM Parent: #53
فريدة كيف انك وبما انك رطانية تعالى اشرحى لنا كيف يتم تركيب التركين
Post: #55 Title: Re: حرب الجوالات كيف اضع لها حد مع المدام افيد Author: امتثال عبدالله Date: 11-10-2019, 12:39 PM Parent: #54
سمعت من نوبية هنا أن التركين وجبة لذيذة جدا النوبيين مع القراصة ...ولكن فيه عيبان : العيب الأول أنه معمول من ساردين وكمية كبيرة جدا من الملح ...ولذلك ما بينفع مع الناس العندهم ضغط دم ..لانه بيرفع الضغط.. والثاني: الريحة كعبة شديد ...وبعد اكل الوجبة تغسل يديك عشرة مرات عشان الريحة تطلع ... وفي نفس الوقت قالوا بعض الدكاترة النوبيين بياكدوا أنه مفيد للصحة ....اها نصدق منو !!
Post: #56 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-10-2019, 02:37 PM Parent: #55
الخواجية امتثال القروية سابقا انت بقيتى راوية لأحاديث الرطانيات
Post: #57 Title: Re: حرب الجوالات كيف اضع لها حد مع المدام افيد Author: Abureesh Date: 11-10-2019, 09:50 PM Parent: #56
"انت زروف شغل ماتعرف"
لا كدا معليش.. الحتة دى ما لاحظت ليها
Post: #58 Title: Re: حرب الجوالات كيف اضع لها حد مع المدام افيد Author: امتثال عبدالله Date: 11-10-2019, 11:41 PM Parent: #57
هم اجمل ناس ، وأكرم ناس ، واسمح ناس ، وناس متسامحين ... انت براك ما شايف عمنا و استاذنا علي عبد الوهاب ، زميل المنبر، بيعلمنا التسامح كيفن .... ...وبالمناسبة هل انت جربت التركين ...
Post: #59 Title: Re: حرب الجوالات كيف اضع لها حد مع المدام افيد Author: Abureesh Date: 11-11-2019, 00:50 AM Parent: #58
التركين يقوى التركيز.. أنصح به لمن عنده مبادئ الزهايمر بعيد عنكم. و اول مرة اكله كان فى عزومة صديقا لى (من إندينا) فى المزاد بحرى. بس تمسك انفك و تاكل. فى اكلة فى الصين انا كنت اخلى ليها الشارع.. تتباع برة زى جرة الفول. دا الشارع كله يكون معطر!! و هى من احب الاكلات عندهم.
Post: #60 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-11-2019, 07:45 AM Parent: #59
Quote: هم اجمل ناس ، وأكرم ناس ، واسمح ناس ، وناس متسامحين ... انت براك ما شايف عمنا و استاذنا علي عبد الوهاب ، زميل المنبر، بيعلمنا التسامح كيفن .... ...وبالمناسبة هل انت جربت التركين ...
امتثال تركين شنو البجربو انا تسالينى عن الكافيار عن السلمون ووالخ بعدين عمك على هبدالوهاب دا عجوز رطانى ومخرف
Post: #61 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-11-2019, 07:48 AM Parent: #60
Quote: تركين يقوى التركيز.. أنصح به لمن عنده مبادئ الزهايمر بعيد عنكم. و اول مرة اكله كان فى عزومة صديقا لى (من إندينا) فى المزاد بحرى. بس تمسك انفك و تاكل. فى اكلة فى الصين انا كنت اخلى ليها الشارع.. تتباع برة زى جرة الفول. دا الشارع كله يكون معطر!! و هى من احب الاكلات عندهم.
ابو الريش اتاريك عندك جينات رطانية قوم لف بلا صين جديدة ولا صين قديمة
Post: #62 Title: Re: حرب الجوالات كيف اضع لها حد مع المدام افيد Author: ابو عثمان Date: 11-11-2019, 08:11 AM Parent: #61
اخونا بدرالدين بوبار
بالله عليك ماهي الفائده التي ستعود علي أعضاء و قراء هذا المنبر
من هذا الموضوع الشخصي البايخ
ياخ حشيتنا
Post: #63 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-11-2019, 09:45 AM Parent: #62
خلينى من حشك انت الحشرك هنا شنو ولاقصة الفايق يهمز امو
Post: #64 Title: Re: حرب الجوالات كيف اضع لها حد مع المدام افيد Author: علي عبدالوهاب عثمان Date: 11-11-2019, 01:01 PM Parent: #63
بعدين عمك على هبدالوهاب دا عجوز رطانى ومخرف
================== التحية للاميرة الابنة امتثال وباقي الاميرات .. حبيبنا الأمير .. صدقني إنت زول جميل .. يحفظك الله والعائلة الكريمة ما شاء الله .. نحن مازلنا في القالب القديم .. حتى في مراكز التسوق أنا أكون قدام وحاجة ورا جنب بعض ( ممنوع ) .. آه يا زمن .. التركنيج هو نفس الفسيخ ما في فرق كبير .. سمك وملح .. اليوم طبعاً الطعم تغير نهائي عشان يا الامير أنتو الاعراب دخلتوا في هذه الصنعة في جبل أولياء .. اليوم في الشمالية ما في مصانع تركينج الفول غريتو طمعو ( قلنا كويس ) .. الكمونية كذلك .. بس باقي مفروم الخضرة والمحاشي واللحم بالفرن ( من خيرات مصر علينا) طبعاً انتو جوار اثيوبيا الجميلة ( زغني + انجيرا ) فقط .. بالمناسبة التركينج الحالي غير مطابق للمواصفات ولا يراعى فيه معايير الجودة والنوعية لأنه انتقل من وجبة تراثية إلى تجارية وضاعت المواصفات .. لأن التركينج إلا بأسماك صغيرة جداً تسمى بالنوبية ( سنجا singa ) وكان لا يحفظ إلا في ماعون فخاري شايف اليوم في اكياس بلاستيك التركينج الاصلي ليس له رائحة نافذه بعد الطبيخ وإضافة البهارات ..
حبيبنا الأمير .. من ادبيات تناول التركينج كان لازم معاه كأس ( موية التمر .. البكر ) حطم الكأس وولى .. زعيمنا الرطاني .. الجميل عزام .. ممثلنا في قطر .. ده خليل فرح ( ما شاء الله في النوبية والعربية ) ممكن يعمل محاضرة عن التركينج ..
التحية لك الامير الجميل .. والتحية للعائلة الكريمة الشكر للابنة امتثال .. وكمان تحياتي للكنداكة فريدة .. ================ ملاحظة : خطأ في الاسم ( هبدالوهاب ) يا أخي دي جريمة بالنوبية هبد معناه بالعربي ( شجرة العشر ) يعني ( عشر الوهاب ) ههههه
خليت الشغل .. وسرحت في البوست .. حاجات زي دي جميلة .. خاصة مع كتمة الخليج
Post: #65 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-11-2019, 07:39 PM Parent: #64
شيخنا على عبدالوهاب ياخى ماممكن تفلق وتداوى عرفنا التكرينج بكشحو معاهو كاس عرقى بلح مع انك لم تترجم للاعرابى الزى يعنى شنو تركينج بس هل كان في داعى تجيب سيرة مقطوع الطارى عزام فرح
Post: #66 Title: Re: حرب الجوالات كيف اضع لها حد مع المدام افيد Author: Basamat Alsheikh Date: 11-13-2019, 00:24 AM Parent: #65
gift for Najma Basamat
Post: #67 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-13-2019, 08:00 AM Parent: #66
Quote: gift for Najma Basamat
بسمات ياداعشية دا يقع فى خناة التحريض على القتل والفتنة اشد من القل
Post: #68 Title: Re: حرب الجوالات كيف اضع لها حد مع المدام افيد Author: najma Date: 11-13-2019, 10:25 PM Parent: #66
Post: #69 Title: Re: حرب الجوالات كيف اضع لها حد مع المدام افيد Author: AMNA MUKHTAR Date: 11-14-2019, 04:43 AM Parent: #1
ههههههه
حلوين الأعزاء منولة وود الأمير . أيوا كدا يا هندسة..إضربي بيد من حديد 😹😎
Post: #70 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-15-2019, 09:11 AM Parent: #69
امنة بت مختار هو انا القلها منك ولامن الداعشية القبلك قالت حزب خضر قالت انت حزب ادروبات شايلين شوتال اها شوتال دى بتقدرى تترجميها كيف للاعراب والرطانة طبعا ناس نجمة والخواحية امتثال بفتكرو حاجة بتشبه التركين
Post: #71 Title: Re: حرب الجوالات كيف اضع لها حد مع المدام افيد Author: نادر الفضلى Date: 11-15-2019, 05:07 PM Parent: #70
يا بدر الدين بس معقول جوالين للمرأة قصاد جوال للرجل .. ما قالوا الشريعة عكس كدا!
ما عرفنا جوال الشغل عاملة ليك بلوك وللا بتستقبل كولاتك واللا حدك مس كول؟ وكان ردت عليك بتختصرك وتقول ليك I have to go دا تلفون الشغل وما ضربتا فى التانى لية (النقة) .. أو جانى كول شغل بتكلم معاك بعدين! بالله وصف لينا شعور الإحباط فى اللحظة دييك والبخطر على بالك بترغى وتذبد (مع روحك) من وارها .. أم يتغش على روحك بيكون قلبك واجعك ومبتسم إبتسامة صفراء بتاعة الود متحضر ومقدر بتشوش عليك فلاشات خواطر ألإحباط وبهدلة الغربة وكان ناس أربيجى عرفو حالى .. ملعون أبوها (غربة) وتفك الدبرسة .. هههه ... نجمة ورتك النجوم جوالة فى عز الضهر والليل كمان!
لكن برضو خليك حامد شاكر الرقابة وخلط الجوالات علامات إهتمام ومحبة الجوالات هينة الحساب البنكى إنشاء الله أيضا تم خلطه فى واحد! بس ما تقول لى بتسلمها شيك الماهية أول بأول .. عشان كدة متحسر على الجوالات البتتبدل كل يوم والتانى .. ههههه
Post: #72 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-15-2019, 11:49 PM Parent: #71
يالشمتانات والشمات كدى فهمونى نادر الفضلى دا مالو معاى ولا هى قصة الفيك بدربو
Post: #73 Title: Re: حرب الجوالات كيف اضع لها حد مع المدام افيد Author: Basamat Alsheikh Date: 11-16-2019, 00:55 AM Parent: #72
نجمة الغالية اذا الهدية ما اشتغلت تمام ...في محل في نيويورك متخصص في استعادة الرسائل الممسوحة حتى ولو قبل سنة ،،،وصفوف النسوان في المحل ده صفوف طويلة ....اركبي تعالي ومعاك تلفونه ...والتذاكر علينا هدية ....بس لمن نجيكم ترانزيت في الدوحة تعزمونا في مطعم في اللؤلؤة...
Post: #74 Title: Re: حرب الجوالات كيف اضع لها حد مع المدام افيد Author: بدر الدين الأمير Date: 11-16-2019, 06:32 AM Parent: #73
بسمات ياخى خليك بسمات كمان جابت ليها ترجيع ماضى الجوال على ذكر ترجع الماضى فى بواكير الصبا كنت مجكس حبكانة فى ذلك الوقت الرسائل فقط بخط اليد المهم فجأة ظهر لها خطيب رسمى ولاشاورتنى بس سمعت من الشمات فلانة خطبوها والنار انطلقت فينى وماعندى حيلة المهم جانى شمار انها زعلانة من خطيبها طوالى تملكتنى الطاوسية الذكورية قمت رسلت لها رسالة ومعها شريط كاست فيهى اغنية كمال ترباس كلمات التجانى الحاج موسى الاغنية الوقت داك كانت ضاربة بقول مطلعها جاى ترجع الماضى ماخلاص الماضى ولا زمان وجفت مقلتى الباكية الى اخر الاغنية لا ردت ولاهببتو لى بعد فترة سمعت أنها عقدت على خطيبها طوالى رسلت ليها خطاب ومعه شريط كاست فيهى اغنية رجع لى رسايلى والصور لو درت برضو ولا هببتو لى فتأملى كيف انا مهشم وماعندى حيلة على فكر الكاست فى ذلك الوقت كان يعادل الوتساب
يابكرى ابوبكر لوسمحت اسحب هذا البوست او امنع اي مداخلة لنجمة وباقى الحاقدات امثال تكشيرات
Post: #75 Title: Re: حرب الجوالات كيف اضع لها حد مع المدام افيد Author: خضر الطيب Date: 11-17-2019, 05:04 PM Parent: #73
ابو الامير كيف حالك الموضوع دا عندي محسوم مع المدام موبايلاتي الاتنين تحت تصرفا و النغمة انا ذاتي ناسيها .. صامت بس و لو متوقع مكالمة مهمة بعملو هزاز انا مرتاح كده :) بعرف واحد عندو موبالين و احد دا الرسمي بتاع الشغل و اهلو التاني دا قاعد في العربية السنة كلها دا فيهو كشكول نسوان من كل الجنسيات يوم للتعترو راكبه معاهو المدام ودرجة الحرارة كانت فوق الخمسين لقى الموبايل واقع تحت مقعد المدام , بس الكويس انو الموبايل باظ خالص قالت ليهو دا حق منو قال ليها نساهو الهندي البغسل لينا العربات في الشركة لكن قال لي حسيت انها ما مطمئنة لاني بلعتا ريقي تلاتة مرات لوكنت سافي كنت بلعتا السفة ههههههه
Post: #77 Title: Re: حرب الجوالات كيف اضع لها حد مع المدام افيد Author: najma Date: 11-18-2019, 09:56 AM Parent: #73
Quote: قبل سنة ،،،وصفوف النسوان في المحل ده صفوف طويلة ....اركبي تعالي ومعاك تلفونه ...والتذاكر علينا هدية ....
باللة يابدر شوف الرد والكلام الجميل ده ياخ شايف الجنس للجنس رحمة كيف دى حواء الجميلة تسلمى يابسمات اللؤلوه وكل مطاعمها اليوم داك تضبح ليك ود الامير يدفع غالى والطلب رخيص
Post: #76 Title: Re: حرب الجوالات كيف اضع لها حد مع المدام افيد Author: najma Date: 11-18-2019, 09:44 AM Parent: #71
Quote: الحساب البنكى إنشاء الله أيضا تم خلطه فى واحد! بس ما تقول لى بتسلمها شيك الماهية أول بأول .
هههههه نادر الفضلى ماقصرت معاهو ردك يمثلنى بعدين يااحباب انا ماخليت لى شيء بدر ده كلووووو تربستوا وشلت مفتاحووو امنه مختار تسلمى لى يارب للتشجيع انا حماسي فل بدر ده تحت السيطرة بقي ويابسمات مااظن بحتاج لخبير اجنبي ارجع الارشيف زولى ده بقي لطيف ووديع والله من شدة استسلامو عيونوا لمن تعاينى لى يحنن .
Post: #78 Title: Re: حرب الجوالات كيف اضع لها حد مع المدام افيد Author: سامر دوشه Date: 11-18-2019, 11:10 AM Parent: #1
كما قال قلقو: لكن بينى وبينك, لا أكثر الله من امثالها .
