لماذ اعاين للسماء هذه الأيام؟

00:07 AM November, 04 2019

سودانيز اون لاين
النصرى أمين-كالغرى, كندا
مكتبتى
رابط مختصر

و الله مستغرب من اسراب الطيور المهاجرة جنوبا !
طريقة طيرانها تحير ابليس نفسه !
المسافات التى تسافرها تجنن عبدالقادر!
لماذا لا تضيع فى الطريق؟
و متى تحدد مواعيد السفر ؟
اما الوز goose فده قصة براه

والعجب لو ضربت البسكويت حتشوف العجب

كدا لما تضرب البسكويت عاين شوية لـ فوق فوق خصوصا في الليالي الصافية و لو انو في داخل المدينة صعب رؤية التفاصيل.

____________
عندنا جدنا زمان الله يرحمه, بعد عمرا طويل, و هو مفنقل في فضاية الحوش بعد العشاء و فجأة كدا سأل سؤال من هذا القبيل: النجوم ديل المثبتهم شنو في السماء؟

هناك بركة صغيرة pond قريبه من محل شغلى الحالى (نفس الشارع الذى به محرقة الموتى) بالمناسبة ؛ لازلت اراقب المدخنة لمعرفة نوع الدكان الناتج عن حرق جسد الانسان ؛ حتى اليوم لم اشاهد اى نوع من الدخان لكن بدخول الشتاء اى دخان حريق لازم يظهر بسبب كثافة الهواء، دايرين نشوف الموضوع ده اخره شنو and get over with

المهم البركة المعنية فى حجم كرة القدم ؛ اظن هناك آلاف او مئات الآلاف مثل هذه البرك فى جميغ أنحاء كندا . لو بكرى ساعدنا و رجع خاصية رفع الصور فى السيرفر يشجعنا ناخد صور بالجوال.
البرك دى اصغر بكتير من البحيرات ؛ قرات انه فى كندا اكثر من 31 الف بحيرة lakes بحجم تلاته كيلومتر متر و لفوق ..اما البرك والخيران بكونو زى مليون .

المهم البرك دى منتشرة فى كل مكان ..جزء منها من صنع الإنسان man made ..
نرجع لموضوعنا البركة بتاعتى ظللت اراقبها لاكثر من شهر ، تقريبا اربع مرات فى اليوم ..
فيها حوالى مية وزه goose معظمها سواسيو .
الوز ده قاعد فى البركة اليوم كله ؛ لا شغله لا مشغلة .
اكتر حركة بعملوها الواحدة تغطس فى الموية و تجى طالعة.
ياكلوا شنو ؟ الله اعلم !
الغربان طوال اليوم يفتشوا فى الاكل و بالمناسبة ياكلوا اى شي خاصة لو سنجاب ميت فى نصف الظلط صدمتوا سيارة....الغربان اليوم كله يفتشوا فى رزقهم
و الوز ده عاطل مركلس اليوم كله.
كنت متأكد ان الموية دافئة بعض الشيء لغاية الأسبوع الفات ؛ بقيت منتظر موجة برد من النوع ابوكديس عشان اشوف نهاية عمالة الوزين دى شنو !! هل تستمر فى الركلسة فى بركه متجمدة او شبه متجمدة ...
حاجة تانية ؛ لاحظت السواسيو اصغر من ان تسافر مسافات طويلة.

بعد نزول الاسنو ..اختفت من المشهد الوز و سواسيو ..
مشو وين ؟.لغز لن أجد له أجابه

يا منتصر نحن من غير بسكويت مهبوشين

والله يا محجوب نوع أسئلة جدك دى فى خاطرنا اليوم كله.
ياخ انا فى امتحان الفيزياء للشهادة السودانية حصلت على 18 من مئة و مع ذلك نشأت لدى اهتمامات غير متوقعة
بالفيزياء الكمية و حركة الكواكب و اصل الكون و طبعا نظرية التطور

مثلا

القطرس من أكبر الطيور. يتميز بمقدرة فعالة في الطيران والتحليق لمسافات طويلة ويستطيع أن يقطع آلاف الكليومترات في رحلة واحدة، يزن البالغ تقريبا 10 كغم، ويعيش في المحيط ويأتي لليابسة على الجزر لأجل التناسل ويتغذى على الحبار والسمك عن طريق صيدها بعدة طرق منها الغطس، ويقوم برحلة طويلة لإطعام صغاره ويطعمهم عن طريق استفراغ الأكل. القطرس كلمة عربية نقلها البرتغاليون.

أقدم طيور القطرس المسجلة هي طيور القطرس ليسان المسماة الحكمة التي تم تسجيلها في عام 1956 كطائر بالغ وناضج فرخ في فبراير 2017 ، مما يجعلها تبلغ من العمر 66 عامًا على الأقل. إنها أقدم طائر بري مؤكد وكذلك أقدم طير نطاقي في العالم.

القطرس ليس لديهم مشكلة في شرب مياه البحر المالح يتم امتصاص الملح الذي يتناولونه وينتقل عبر مجرى الدم إلى زوج من الغدد الملحية فوق أعينهم. يفرز السائل المملح الكثيف من الخياشيم ويمتد إلى أسفل الأخاديد. كلما زاد حجم القطرة ، يهز الطائر رأسه ليعيد الملح إلى المحيط.

ادعو الله ليل نهار نبقى زى الطيور المهاجرة دى.
نقضى الشتاء فى السودان و الصيف (شهرين فى كندا)

لماذا الطيور اذكى مننا مع انها ما عندها خرطة و لا فى يدها جواز سفر.

لأنها ما بتآكل لحم فتخلصت من الطاقة السلبية والبني ادم وقع في اللحم والداجون فتخلص من شعر رأسه وصلع

يا منتصر ؛ عشان يتحقق الحلم مستعدين ناكل اى حاجة.

قالوا فى سودانى مقطع فى الإمارات فى حسابه فى بنك ابوظبى ستين درهم .
عمل شمطه مع الموظفة لانها قالت ليه لو سحبت القروش نقفل الحساب.
دخلوه على المدير و كان معاه واحد من المطاوعة .
المطاوعة سأل السودانى عندنا قروش ربح فائدة (ربا يعنى) تاكل ربا ؟
السودانى قال ليه (باكل اى شئ)

Quote: لماذا الطيور اذكى مننا مع انها ما عندها خرطة و لا فى يدها جواز سفر.

النصري يا عزيزي الطيور دي عندها رحلة الشتاء و الصيف
ديل ربنا أطعمهم من جوع و آمنهم من خوف.
طبعا التعامل مع الطيور عندو قوانين كتيرة في كندا
تشمل مواعيد الصيد و هذا يشمل مواعيد صيد الاسماك ايضاَ
بعرف زول تعرض لعقوبة لانه صاد سمك في غير الزمن
المصرح به.

Quote: This is the most important law protecting birds in Canada. Most birds in Ontario are protected by this Act. The Migratory Birds Convention Act (MBCA) was completely updated for the first time in June 1994. The new Act strengthens the enforcement provisions and significantly increases the penalties. The original MBCA was passed in 1917 to meet the terms of an agreement signed with the United States to protect birds such as waterfowl and shorebirds, which were being subjected to uncontrolled hunting.

شفت ال uncontrolled hunting
دي قوية كيف

ايام كده ، يا حامد ، كنت مرضان صيد سمك فى نهر نياجارا ، ما كان عندى رخصة لصيد السمك (اظن رسوم الرخصة عشرين دولار فى السنة)

نكون قاعدين مشركين للسمك؛ تكون مركز انه سمكة تنقر على السنارة و فى نفس الوقت تكون متوتر و خايف مفتش الحياة البرية يهاجمك و يديك غرامة تخلى خشمك ملح ملح.

السودان يحتاج لقوانين صارمة لحماية الحياة البرية خاصة من السواح العرب الذين قتلوا اعداد كبيرة من الأرانب و الغزلان و الطيور فى منطقة وسط السودان..

Quote: البني ادم وقع في اللحم والداجون فتخلص من شعر رأسه وصلع

يا زووووووووول !!!.

يا النصري ما جيّت الليلة الشِعرية في النادي مالك ؟.

يوم الخميس الجاي عازمك جنحين جدآد ...

يا مدير بالله خليك من عزايم المراكبيه دى.
الخميس الفات صمت اليوم كله ل
استعدادا لالتهام قفص جداد كامل

Quote: يا مدير بالله خليك من عزايم المراكبيه دى. الخميس الفات صمت اليوم كله ل استعدادا لالتهام قفص جداد كامل

المرّة دي صُح ...

صورة اخدتها ظهر اليوم (حوالى الثانية ظهرا) للبحيرة الصغيرة pond ؛ كان هناك حوالى مئة وزه مركلسة فى البحيرة دى قبل ثلاثة أسابيع.
قبل البحيرة تتفرزن ؛ الوز سافر ؛ مشى وين ؟ الله اعلم

سلام يا نصري،
في الغالب الوز الكندي دا بهاجر لوسط وجنوب الولايات المتحدة،
للآن شايفو موجود في الميادين بنورث كارولاينا.
المفروض ما يرجع كندا ويقعد مع أخوانو هنا
المنطقة كثيرة الماء وخضراء طول العام ما عدا أيام بسيطة،
إلا تكون عندو مشكلة هجرة ترامب؛
غير كدا ما مفروض يرجع لبلدكم البتجيب النفسيات دي

أين مني الودعته شاهق ، باكي ناهد لسع مراهق
عيني ما بتشوف إلا شاهق ، أين وجه البدر التمام

يا النصري ... دة خليل أفندي فرح لمن سافر مصر للعلاج ما بشوف غير عمارات عالية...ما بشوف سما ولا وجه البدر التمام (بنته) و هي المقصودة ب "الودعته شاهق" ...يعني تشهق من البكا.



.............
يا بكور انت لمن جيت من الضهاري للخرطوم بقيت شمباتي و في أمريكا نورث كارولينا ...الحكاية شنو... الضهاري دي محمداك محل ما تقبل

المشكله يا خالد بك تعبنا فيه ودرسناه ٤ سنين طب حمير عشان يلحقنا في الضيق يجي بعد جهد جهيد يقول لينا وز كندي بدل يجيب لينا إسمه العلمي أو على الأقل يقول الأوز

يا ابوبكر , هو الوز الغبيان ده , بدل يواصل السفر الى المكسيك والبرازيل حيث الماء والهواء والغذاء , ينزل فى نورز كارولينا المنتهية دى ؟ وز طير ساااااى ؟

انت عارف السفرية من كالقرى لغاية نورز كارولينا استغرقت نصف يوم سفر , يعنى امريكا اللاتينية جبدة رجل لكن انه غباء الطيور.


بعدين منو القال ليك بلدنا دى تجيب النفسيات ؟ عندنا كل شء , السعادة وراحة البال و الامان , الحاجة الوحيدة الناقصة هى القروش

غايتو , يا خالد بشير . من وصلت كندا دى قبل سبعين سنة , لا اذكر انى شفت نجوم , السبب انى طوال اقامتى هنا لم اسكن سوى المدن.

اما فى وضح النهار , اليوم كله نعاين للسماء تحسبا للثلوج والعواصف الرعدية والاعصارات و فى الصيف الدخان الناتج عن حرائق الغابات .

عندنا هنا فى كالقرى (وهى تقع شرق جبال الروكىى بحوالى ساعة بالسيارة) عندنا فى الشتاء ظاهرة عجيبة جدا اسمها الشينوك او رياح الشينوك
chinook , الرياح دى فى الشتاء تغير درجة البرودة فى زمن خيالى , مثلا , تكون درجة الحرارة عشرين تحت الصفر , الرياح الدافئة دى تغير
الدرجة الى 10 فوق الصفر خلال ساعات .