اشعال نار فى حفل فى شارع النيل

11:23 PM November, 04 2019

سودانيز اون لاين
Asim Ali-
مكتبتى
رابط مختصر

الحفل فى شارع النيل قصاد برج الاتصالات بى فنانين منهم حسب ماورد واحده اسمها دوليه

الفيديو الوارد هو تانى تلاته فيدوهاتمرت على حول الحادثه.
الاول كان بوست يتحدث عن حفله لتلاته فنانين ويوضح الفيديو شباب يرفعو كراسى الحفل لاشعال النار فيها.
االسبب غير معروف هل تم تخريب الحفل بسبب تاخير الفناينين ام بسبب مشكله حصلت

مهما كانت الروايات حول سبب الاحداث لكن خلونى ادق (ناقوس الخطر) مع اخونا عمر التاج فالقصه مهما كان لاتصل الى درجه اشعال النار فى كراسى الحفل .
اعتقد انو ظاهره زى دى حتتكرر مستقبلا محاولات ارهاب وتخريب وملابسات الاحداث فيها لاتشير الى المدبر الحقيقى للاحداث التخريب.
اعتقد كتائب الظل بدت تتحرك . وممكن ترجعو للتسجيل الصوتى الاوردتو فى بوست ناقوس الخطر اللى فيهو اشارات للمقاهى فى الهواء الطلق البدت تظهر فى الخرطوم.( اذكرها هنا كمثال).
الكيزان حيبدو يتخذو طرق مختلفه لتخريب وتعكير صفو اى محاولات لانشطه ومقاومه نشاط مجموعات تنشط فى مجالات الحياه الجديده بعد الثوره.
رابط المداخله الحاويه للتسجيل الصوتى
Re: لجان المقاومة وناقوس الخطرRe: لجان المقاومة وناقوس الخطر

الناسماتتوقع انو الحديث عن دور كتائب الظل فيهو مبالغه .فكتائبهم الان لاتشبه كتائب الجامعات فى التمانينيات .
اذكر مره جينا مارين جنب كليه شرق النيل فى شنبات وكان فى ضرب والكيزان سكو الناس برا الكليه وشايلين سيخهم وقافلين جانب الزلط المقابل للكليه .الملحوظه انو اغلب الشباب من حمله السيخ كانوا ( لابسين بناطلين الضيقه وناصله).
والنوع حيكون هو عنصر الهجوم و ممارسه الفظائع فى حق الثوره والثوار.

Quote: ahmed skoty @askoty ما حدث من أعمال تخريب وشغب وحريق في شارع النيل بسبب حفل غنائي متعمد ومدبر له من أجل اظهار أن الدولة ليست دولة نقولها بصراحة هناك تغييب متعمد للواقع الأمني هل الأمر يعني لمسؤولي الأمن انتقاليا إما البطش أو الوقوف بعيدا عن الحدث من هؤلاء المخربون نفس القتلة الذين فضوا الاعتصام؟