حمدوك يستهل جولاته الداخلية

09:49 AM November, 04 2019

سودانيز اون لاين
عمر التاج-KHT
مكتبتى
رابط مختصر

صورة جميلة وبسيطة للدكتور تعبر عن عظمة المدنية

يا سلام .. لكن ليه القميص نص كم؟ وليه ما حاشيه في البنطلون؟
وليه ماشي في البساط الاحمر و المعاه ماشين في الزلط؟
وليه استقبال رسمي؟ يكون كلف كم اسي؟ واسي تكلفة الطيارة كم؟
وليه وليه وليه؟

_______________________

هههههههههه مش وفّرت عليك يا قريبك المداخلة التانية! خش في التالتة ولخ طوالي بعد دا

لا والله يا ود البشرى القميص عاجبني
والبساطة انا من انصارها تماما..
والاستقبال الرسمي ضرورة وان كان يلزم تبسيطه اكثر
وناس الغرب معروفين بالكرم ولذا سيوفروا عليه فواتير حرامية المراسم في المشاكل والمسكن
.

بس السؤال: ليه بدا بمنطقة أقرب لمسقط راسه؟ الشرق والشمال مالو؟
الا اننا نرجع ونقول المسافر عذره معاهو..

الظهور مع الشعب كمواطن عادي وبقدرات عادية امر محفز للنقاش والمحاورة وطرح الأفكار وتبادلها بين المسؤول والرعية.. وبالتالي يقرب الرئيس من شعبه خاصة إذا كان شعبا بسيطا كمعشر السودانيين..
البدل والكرافتتات والرسميات مطلوبة في القصر لسبب بسيط، لأن القصر رمز الدولة وملتقى ضيوف البلاد
ولذا وجبت فيه الهندمه والرسميات، ولو كنت أنا الرئيس لما دخلت القصر الا اذا جاءه ضيف من الخارج.
حمدوك يرغب في ان يعيش بين الناس بسيطا، وان كانت هناك ملاحظة فهي في زمرة الشلة
المبارياه من مكان لآخر وحايمه معاه وان ذهب للحمام .. يكفي ان يذهب معه فردا تأمين ومسؤولين رسميين حسب طبيعة الزيارة والحوامه.

Quote: بس السؤال: ليه بدا بمنطقة أقرب لمسقط راسه؟ الشرق والشمال مالو؟

ههههه ما بتغلب اصلك, بتلقى ليك لخّة

سلام للجميع
هه يا ود البشرى وعمر التاج
وليه البساط الأحمر مقصر عن طول صف العساكر؟؟

وليه بساط أحمر من أساسو؟؟

ما علينا.
ــــــــ

أتمنى التوفيق لرئيس الوزراء حمدوك كان لابس نص كم وكان لابس جلابية ومركوب أو فولسوت!

بالتوفيق ان شاء الله

Quote: وليه بساط أحمر من أساسو؟؟

هو وينو البساط ؟ يمين بالله ذكرني سير الطاحونة

البساط والله اخير عدمه
وغير انه رقيق، برضه قصير الا يتمو المسؤول شيل
عموما التواضع في مقام حمدوك فعلا جميل، والزيارة بدون تكلف بتقضي غرضها
اخيرلنا من زيارات بره..

عبد الله إدريس
الله يجازي محنك. .المهم ضحكنا من تعليقك الظريف ان البساط الاحمر بيذكرك بسير الطاحونة ...
اذا انت داير تشوف البساط الاحمر الجد جد شوف زيارة الشافع رئيس كوريا الشمالية لأي دولة وشوف البساط الاحمر البيفرشو ليه من سلم الطيارة وحتى خارج المطار قدر شنو ....

تحية وشكر للجملاء الأعزاء
حمدوك
ياسر
أميرة
عبده
امتثال

Quote: يا سلام .. لكن ليه القميص نص كم؟ وليه ما حاشيه في البنطلون؟

يا ود البشرى يعنى القشروا 30 سنة كانوا عملوا لينا شنو ؟ّ! :)

باقي تسؤلاتك المشروعة برجع ليك فيها

البيت محروس وستو تكوس
والجديد شنو البغير ماساة دارفور يحولا الي جنة ثاني ؟؟؟
مشروع الحركة الشعبية الاصل ولي ناكل باسطة

لا يا الوليد ما ترجع لي النبي فينا من الغلاط كفاي الليلة
دي ما اسئلتي, لبست فيها حذاء ود التاج و كتلت ليه الدش قبل يشنف بيها الزيارة

حذائي اكبر من كده يا ود البشرى يا اخي،
خلي وليد يتغالط معاك لحدي ما يصل للكبيرة
ولما تصلوا مرحلة المظاهرات المضاده السبقت الزيارة
ومشاكل معسكرات النزوح ومافيها من بلاوي وشغل استخباري
وعلاقتها بالجيش والجنجويد الماشين مع حمدوك
وطالما جات سيرة الجيش جيب لي زيت الصورة دي وبعدين قول لي عووك

وماتنسي تخت أسئلة كبيرنا عادل امين ديك في النص
لعلاقتها الوثيقة بملف السلام وموضوع التوطين
وكلام عبد الواحد عن حكومة حمدوك والبرهان

عان الكوز دا برضو لبس حذاءك :)

Quote: عبد الماجد عبد الحميد ١٠ ساعات · لأهل دارفور تقاليد راسخة في تفاصيل الحكم والسلطة ..من هذه التقاليد التاريخية أن يكون الحاكم في كامل هندامه الرسمي عندما يلتقي الناس أو يزورهم .. سؤال لمراسم مجلس الوزراء ..كيف غادر حمدوك إلي ولاية شمال دارفور وهو بهذه الهيئة التي لم يسبقه إليها أحد ؟! حمدوك لم يخرج بعد من كونه موظف أممي إلي كونه رجل حاكم لايليق به أن يظهر بقميص نص كم في أول زيارةرسمية خارج العاصمة الخرطوم ..

أرشح ود البشرى رئيسا لفراشات العهد الانتقالي

وصلني خبر قبل شوية عن انو ناس مسجد الفاشر الكبير عندما اتو لصلاة الصبح فجر اليوم قالو ان الفرشة الخلفية داخل المسجد كانت مفقودة :)

هو بالجد حمدوك بفتش حرس الشرف ليه؟
موش الحركة دي مفروض تتعمل لناس مجلس السيادة فقط؟

Quote: هو بالجد حمدوك بفتش حرس الشرف ليه؟

سيد الرايحة (يفتش) خشم البقرة يا مولانا حافظ.
عمر وضيوفه سلام.

بالجد الزيارة جميلة وبسيطة، يستحقها هؤلاء البسطاء..
الغريبة انها بعكس زيارات البشير مافيها مخاطبات جماهيرية جوفاء..

حمدوك ما كان بفتش في حرس الشرف، وبالمناسبة اغلب العساكر المعاهو بلبس يشبه لبس الدعم السريع هم جزء من الرحلة وليس الاستقبال..

الفرشة دي بصح بتشبه بتاعة المساجد يا محجوب، وبالعدم جايبنها من صالون الوالي
الا بس رفعة اليد التحت دي ما عرفناها، للحرية ولا الله اكبر ..
المهم في الزيارة أيضا هذه الكلمة والتي تخللتها شعارات( الله اكبر) مع شعارات حرية سلام وعدالة

ثمن هذه الوجبة كان النظام السابق يشتري بها ربطة جرجير لضيافة أصغر موظف
فيا لتواضعك يا حمدوك

تواضع الملوك والماهمين..

وبعد كده يجيك واحد هندي ويقول ليك الجيش مستاء من حمدوك عشان قميصه

ولكان مانديلا الفوق كان لابس لبس الملوك وهو في حضرة النازحين
ولكان البشير كان يلبس ملابس اهل الجنة حتى لا يستاء الجيش منه

مانديلا منو؟

حبيبنا التاج .. مواقع بعض الصحف

أن حمدوك لم يخاطب الجماهير فقط في المطار تحدث لمدة دقيقتين
ثم توجه إلى منزل الوالي .. وأن الزيارة لم تتم ترتيبها بصورة جيدة
كما حدث للاصم وخالد سلك في الفاشر ..

هل حدث هذا بالفعل أثناء الزيارة
صدقوني حمدوك ده رمز ممكن يجمع السودانيين
مقبول ومهضوم من الكثير ولا نقول كل السودانيين
لماذا فاشر السلطان الرمز والايقونة ضد هؤلاء
ما قادر أفهم

التاج الحبيب معليش على الاسئلة تحياتي يا جميل
حمدوك لديه معزة خاصة لدينا

Quote: أن حمدوك لم يخاطب الجماهير فقط في المطار تحدث لمدة دقيقتين ثم توجه إلى منزل الوالي .. وأن الزيارة لم تتم ترتيبها بصورة جيدة كما حدث للاصم وخالد سلك في الفاشر ..

سمعت ان هناك حملة مضادة سبقت الزيارة،
وربما هذه وحادثة الأصم جعلت حمدوك بكتفي بمخاطبة النازحين دون بقية الجماهير
وأعتقد أن دخوله لمعسكر النازحين بلبسه المتواضع هذا فيه رسالة عظيمة،
كرسالة مانديلا فعلا يا ود البشرى،
الترتيب للزيارة فعلا لم يكن بالمستوى المطلوب
ولكنها كأول زيارة تعتبر ناجحة ورمزيتها عالية..
،
حمدوك ده لسه حبيبنا يا ناصر نعيم.. لانه الأمل الوحيد في الديمقراطية المرتقبة
صحيح بنديه بعض القرصات لكن من باب اقصد في مشيك واعدل من خطوك
اما الباقين ففيهم كثير من النطائح والمتردية،
وديل لازم ياخدوا المعلوم حتى ينعدلوا
أو يستبدلهم حمدوك بالكفاءات التي وعدنا بها..

Quote: هههههههههه مش وفّرت عليك يا قريبك المداخلة التانية! خش في التالتة ولخ طوالي بعد دا

حامضة
نفسًت البوست
ود التاج اتحول من راس حربة لى استوبر
ــــــــــــــــــــــــــــــــــــــــــــــــــــــــــــــــــــــــــ
انا متأكد لو حمدوك مشى ببدلة كان مانشيت الهندي زفت الطين و عبد الماجد ع الحميد
كان ح يكون عن عدم احساس حمدوك بالنازحين و انو دا استفزاز...
غايتو الما بدورك ....

اتخيل زوا ذيي مباري رؤية اوضح من الشمس لي سوداني ذكي جدا دكتور جون قرنق 2005-2010
وناس مبارية زول ما عنده رؤية وقالا براه ذلك
دي الوثنية السياسية الجاتنا من مصر يا تاج
عشان كده عالقين مع ديل في الخارج
https://up.top4top.net/


وناس لالا في الداخل
الجديد شنو ؟؟
الفرق بين تباري شخص او تباري رؤي كبير جدا
الفجوة كبيرة بين اهل الطريق في البورد واهل الرجس والسفاهة
والزمن بوري
time will tell

Quote: قميص حمدوك وشنطة أكرم. الجماعة المصدومين يبحثون عن كل ما يحقق لهم توازناً ولو زائفا، وفي زيارة حمدوك ، إلى دارفور، لم يجدوا ما يجعلهم متوازنين إلا أنه " لابس قميص" وما مفروض الجيش يحييه، أو أن الجيش مستاء من قميص رئيس الوزراء! بالله؟ مثلما كانوا يتندرون في شنطة وزير الصحة أكرم علي التوم. لم يهتمواً بالوضع الصحي هناك، وحمى الضنك وهل يستطيع الوزير يسيطر على الأوضاع؟ يا كيزان، الكلام هنا يعيدنا الى بنطلون وزير السياحة أياه، أما حمدوك، وأكرم، موظفان دوليان، ويعرفان ال dress code والجماعة ديل ما ناقصاهم بدل طبعا. ههههههه لكن مناسب أن تزور معسكر نازحين بقميص أو تي شيرت، أو ماشي بلد درجة حرارتها عالية؟ شخصياً يعجبني المسؤولين لمن يكونوا كاشوال كدة، خاصة في الأماكن المفتوحة، بلا بروتوكلات. أما زيارة حمدوك إلى دارفور، أتمنى أن تكون بداية حقيقية لتحقيق مطالب المتأثرين بالحروب من سلام وتنمية وتحقيق عدالة. مع أن هذه المسائل تبدو شكلية، لكنها ستكون بداية تحول في مفاهيم ثقافية ومنها مثلاً هل الجلابية هي زينا القومي؟ مثلاً. مثلاً

قميص د. أكرم داك بالذات ياناصر عاجبني شديد
وجولاته العفوية في انحاء البلاد وهو ممسك بشنطة ظهر اعتبرها أيقونة النشاط والعمل الثوري الحق
ده هو النموذج العايزنوا يا جماعة.. مش الوزير المكتف بالفل سيوت في مكتبه ومعديها كلها مقابلات تلفزيونية ولقاءات صحفية.. وطالق عياله يعذبوا في خلق الله.
حبيبنا علي نسينا نسلم عليكم أو نذكر اسمك في ردنا على مداخلتك السابقة، فلك العتبي
ولناصر وودالبشري وعادل والتحية لهم وللجميع الي حين عودة

لا يا حبيب التاج .. تحياتي
عمك علي متابع بوستاتك أنت والحبيب عاصم
شغل جميل .. دافعوا عن حمدوك .. أي واحد في الحكومة إلا حمدوك

تحياتي واصلوا

اخونا الكبير عادل حبابك..

Quote: اتخيل زوا ذيي مباري رؤية اوضح من الشمس لي سوداني ذكي جدا دكتور جون قرنق 2005-2010 وناس مبارية زول ما عنده رؤية وقالا براه ذلك دي الوثنية السياسية الجاتنا من مصر يا تاج

صحيح حمدوك قال ما سلموه برامج..
لكن لديه من الكفاءه والخبره والعلم ما يجعله في قامة قرنق
الراحل قرنق خدمته الظروف والعلاقات الدولية وطبيعته العسكرية ،
ولكنه في النهاية يتحمل بالاشتراك مع البشير وعلى عثمان مسؤولية الوضع الانفصالي الحالي
وذلك لفرضه وتوقيعه اتفاقية تقرير المصير.
حمدوك من الأفضل له ان يعمل وفق منظومة ويطبق برنامج..
وكما علمتنا في محاضراتك فإن الثورة برامج وليست مجرد افراد وكفاءات

Quote: كرسالة مانديلا فعلا يا ود البشرى،

مانديلا الفوق دا ولّا واحد تاني؟

العصيدة في المندولة و العصير كركدى.
ما في افضل ضيافة من هذه.

بقولو الوزراء بجو شايلين سندوشتاهم من البيت او بشتروها من كافتريا العمال في الوزارة و هذه هى الطريقة السليمة للتعامل مع المنصب العام.
______________
متعهدين الحفلات و الزيارات الرئاسية اتمقلبو في العهد الجديد.

الجبوري قال اكل العصيدة بالملعقة يعد مخالفة مجتمعية ويفترض حمدوك يدفع غرامة لصاحبة الوجبة
الكلام ده صحيح يا محجوب؟
.
.
مانديلا هدا التحت ده يا ود البشرى، وبنفس لبس حمدوك، الفوق برضه لايقل عنه أهمية

الحمدلله العرفتها، عملت لي عشراقة ابت تروح كلو كلو زي العشراقة العملها قميص حمدوك للكيزان 😁

Quote: الكلام ده صحيح يا محجوب؟

انا لي 20+ من البلد و بقيت باكل العصيدة بالملعقة و الكسرة بالشوكة.

__________
احسن نحاجحهم بانو الزمن اتغير.

https://www.alttahrer.com/wp-content/uploads/2018/12/%D8%A7%D9%84%D8%A8%D8%B4%D9%8A%D8%B1-%D8%A7%D9%84%D8%AC%D8%B2%D9%8A%D8%B1%D8%A9.jpghttps://www.alttahrer.com/wp-content/uploads/2018/12/%D8%A7%D9%84%D8%A8%D8%B4%D9%8A%D8%B1-%D8%A7%D9%84%D8%AC%D8%B2%D9%8A%D8%B1%D8%A9.jpg
ناس مدني فرشتهم اطول شوية

رابط الأخير ده ما زبط معاي يا محجوب ..
لكن للضمان كدة، ناسكم بخلاء...
كدي قارن بين زيارة حمدوك للفاشر ، وزيارة البرهان لشندي
تأمل الصور التحت دي، وكلم النصري يجي يشوف الفرق بين النباتيين والحيوانيين هههههه



الجماعة الما ظاهرة عندهم الصور، دي مجموعة كبيرة البراميل والطشاتة والحلل الكبيرة، مليانة لآخرها لحم ضان ..

قبل أن يستانف حمدوك جولاته الداخلية،
هاهو يعود ليواصل سياسات بسمارك الخارجية.
ورغم يقيننا ان الاقتصاد الحقيقي يبني من الداخل
الا اننا نتمنى النجاح لهذه الزيارة، فقد تكون اخر الآمال..

Quote: لكن للضمان كدة، ناسكم بخلاء... كدي قارن بين زيارة حمدوك للفاشر ، وزيارة البرهان لشندي

لربما البرهان في زيارة لاهله و عشيرته المقربين بعد ان ظفر برئاسة السودان.
اما حمدوك فكان في زيارة عمل و في تقديرى الشخصي اختار رسالته التي يريد ايصالها بذكاء شديد:
فكان ان ظهر للنازحين كمن يشعر بألامهم و هو منهم, فليس من العقل ان يعود الي داخل المدينة و تقدم له وجبة غير تلك التي يأكلها النازحون في وجباتهم الثلاثة.
اذا في تقديرى هو الذى وضع البرنامج الزيارة من الالف الي الياء و ليس بمقدور المراسيم تغييرها.

في الاخر رأيك وصل او كما تراه و ليس هناك حكر علي رأى. فأن قلت الفقر فهو ليس عيب و لكن صفة البخل (هي ليست اهل دارفور) فنعتبره اساءة اتت
With no provocation

Quote: لربما البرهان في زيارة لاهله و عشيرته المقربين بعد ان ظفر برئاسة السودان.

البرهان كان في مهمة صلح بين قبيلتين من اهل الشمال متناحرتين، ولذا ذبحت له ولها الذبائح
وحمدوك برضو كان في مهام صلح شبيهه وكان بين أهله وعشيرته اهل الغرب
والاتنين ماشاء الله عليهم رؤساء ومافيه زول من اهل اليمين..
أما موضوع الكرم ده فهو مجرد مزاح.. رغم انه موضوع تنافس بين
الناس السكينهم دايما حمراء، وبين ناس الخيرهم جوه وبرا..