Post: #1
Title: قوش في الخرطوم قريبا
Author: زهير عثمان حمد
Date: 10-29-2019, 09:53 AM
09:53 AM October, 29 2019 سودانيز اون لاين
زهير عثمان حمد-السودان الخرطوم
مكتبتى
رابط مختصر
أفادت مصادر عليمة لـ (الأهرام اليوم) أن الفريق أول صلاح عبد الله محمد صالح قوش سيعود في الأيام المقبلة وأشار المصدر إلي أن بعض قوى الحرية والتغيير تري بأنه ليس هناك ما يمنع من عودته خاصة
وأن له دور كبير في التغيير الذي حدث في أبريل الماضي.
ووصف قيادي بارز في الحرية والتغيير فضل عدم ذكر اسمه أن قوش لعب دوراً محورياً في عدم حدوث صدام بين الأجهزة الرسمية والمواطنين من خلال وجوده في اللجنة الأمنية التي شكلها الرئيس السابق عمر البشير
وأشار المصدر إلي أن المجلس العسكري أكد في وقت سابق على هذا الدور في التصريحات التي أدلي بها الفريق أول عمر زين العابدين رئيس اللجنة السياسية السابق ورئيس المجلس العسكري حينذاك الفريق أول عبد الفتاح البرهان.
|
Post: #2
Title: Re: قوش في الخرطوم قريبا
Author: Khalid Abbas
Date: 10-29-2019, 10:00 AM
Parent: #1
دى ونسة ساكت قوش عليهو كمية من البلاغات مصادر عليمة دي اخت مصدر موثوق والمحصلة كذب في كذب
|
Post: #3
Title: Re: قوش في الخرطوم قريبا
Author: Asim Ali
Date: 10-29-2019, 11:15 AM
Parent: #2
ما اظن بعد كدا يكون فى شىء غريب او غير وارد الحدوث .
الكيزانعملو مسرحيه التغيير بقياده قوش والعسكر وهسى التحدى لو البلد دى حصل فيها ثوره جد نشوف مطالب الثوره تتحقق واول شى نشوف الناس الحايمه بره السجن و الكانت قوه النظام وايدو الباطشه نشوفهم فى السجون ويتحاكمو ب(الغانون).
لكن الحاصل هسى لايبشر بمستقبل لديمقراطيه او حكم مدنى حقيقى ومتمسك بانو حيكون ديمقراطيه ديمقراطيه ديكور برضاء الغرب وامريكا وشبيه بالجربه الباكستانيه وبعض التركيه
ماتضيعو زمنكم ....الثوره راحت فى حق الله
|
Post: #4
Title: Re: قوش في الخرطوم قريبا
Author: امتثال عبدالله
Date: 10-29-2019, 02:38 PM
Parent: #3
يا عاصم
ما تتشاءم التشاؤم ده كله ...لسع في امل كبير ان الثورة تكون ناجحة ونرى جميع المجرمين الذين أذلوا واهانوا الشعب وسرقوا ونهبوا أمواله وراء القضبان في سجن كوبر للحساب والعقاب...فقط نريد من حكومة حمدوك الانتقالية إسكات أصوات الفتن وعلى وجه الخصوص الطيب مصطفى والمتشيخ الإرهابي الداعشي عبد الحي والانتهازي حسين خوجلي ....
|
Post: #5
Title: Re: قوش في الخرطوم قريبا
Author: Asim Ali
Date: 10-29-2019, 06:26 PM
Parent: #4
يا امتثال
الناس هنا وفى مجموعات الواتس عايشين احلام ورديه وصدى مايترددفى الواتساب والفيس - احيانا متاخر بيومين وتلاته-ومفتكرين انو فى حكومه مالكه قرارها ووبتضرب بيد من حديد من جهه ومن جهه اخرى الناس منتظره صدقات امريكا ودول اوروبا(تحت اى مسمى) الدعم الخارجى عندو فاتوره على حساب كرامه الوطن والمواطن واى شىء من بره دعم للسودان والعسكر شركاء فى الحكم معناها نتيجه صفقه لصالح تثبيت اركان العسكر فى الحكم .
الكن جوا الناس كل يوم والتانى المسافه بيتزيد بينهم وبين مكونات قياده الثوره سايقا (تعدد المنابرالداعيه لمسيرات 21 اكتوبر والمواقف ابلغ مثال) والحكومه فى وادى تانى .البلد مازال فايدى الكيزان مش الولايات بس بل حتى فى الخرطوم اللى اصبحت على حال من التردى والسوء فى كل شىء (ماقصه ادوهم فرصه) لانو حمدوك وعمر مانيس لو فضونفسهم يوم واحد للخرطوم وجوله مع الوالى (العسكرى) ينتهى اليوم بحزمه اجراءات اهمها تفعيل اليات الرقابه مضاف ليها الرقابه الشعبيه اظن كثيرمن الامور ستتحسن.
الاعتداءات مستمره على عضويه لجان المقاومه والقتل اخرها مقتل امام وشقيقو فى دارفور اليوم
عايزه تعرفى الوضع واتجاهات الراى العام وتوثيقات كثير من الامور خاصه بين الشباب ادخلى تويتر وتابعى حسابات لجان المقاومه وناس زى وقلبا اضافه للتغريدات على اساس الهاتشتاقات الساخنه حسب توجيهات منبر المغردين السودانيين وحتشوفى النبض الحقيقى وترمومتر المشاعر والمواقف للناس تجاه الوضع
|
|