قباب دنقلا العجوز و ما جاورها،،، ابحث عن معلومات

04:05 PM October, 16 2019 سودانيز اون لاين
عمار عبدالله عبدالرحمن-
مكتبتى
رابط مختصر

(adsbygoogle = window.adsbygoogle || []).push({});يسعد اوقاتكم احبابناابحث عن معلومات عن قباب منطقة دنقلا العجوز (القدار و ما جاورها)من المدفونين بها ، و الفترات التاريخية التى بنية فيها

سلامات يا عمار ..
أفضل من يجيبك الأستاذ عثمان عووضة ديل جدودهم .

الحبيب عمار .. تحياتي ..
بعض القباب للمشايخ في المنطقة لشيوخ معروفين والبعض عبارة اجتهاد والتأويلات
اساساً أهلنا وخاصة في شمال دنقلا حتى أمتداد المحس وسكوت وحلفا .. لم تكن هناك طرق صوفية بالمعنى المنتشر في السودان
هناك بعض المشايخ .. حتى الذين قدموا من الخارج لم يطول بهم المقام في المنطقة بل هاجروا إلى الداخل وهم كثر
لأن انسان المنطقة عصارة من ديانات سماوية متعددة تعاقبت عليه ، فإعمال العقل في المجتمع الزراعي له الأولوية
أكثر من الجانب العاطفي .. كان السيد هو الانسان المنتج .. والفكي أو ( الفقير ) كما يسمى عندنا لم يكن بتلك القداسة
إلا من البعض القليل ( مريض يبحث عن شفاء .. أو شخص خارج السياق العالم ) لأن هؤلاء الفقراء لم يكونوا منتجين
بلبس نظيف وحمار وسرج لامع فقط في ( السمايات يؤذن في اذن المواليد .. وفي المآتم .. إلخ ) كانت اهميته ترتفع في شهر رمضان
التراويح .. ومثال الادارسة مثلاً كان الناس يتقربون منهم للمصلحة لأن لديهم اراضي زراعية وأملاك .. بالاضافة إلى أنهم كانوا قريبين
من السلطات زمان ( الواسطة ) ودائرتهم في الموردة امدرمان للنزول والاستراحة ( التربال دائماً نفعي يدرس جدوى كل حركة )
جنوب دنقلا مختلف قليلا عن الشمال للتزواج والاختلاط مع الامتدادات الرعاة .. فتجد نوعاً ما الطرق الصوفية والمشايخ لهم تأثير
================
إذا بدأنا من امتداد كرمة البلد شمالاً منطقة وادي خليل ( قبة الشيخ زمراوي الولي ) هو جد شاعرنا الجميل عبدالاله زمراوي عضو المنبر
ثم بعد ذلك قبة الشيخ منور ( بعد امتداد البرقيق جنوباً ) وبجانبه قبة الشيخ هارون ..
وهناك قباب حامد نارتي شرق النيل ..
أذكر بغرب النيل في مشو كان في مزار ولكن حضر احد الخواجات وأدعى ان جده دفن هنا عن طريق أهل المنطقة
وأنهم لم يكن لهم معرفة بطريقة دفن المسيحيين وتم دفنه بالطريقة الاسلامية ..ومن يومها وقف الناس عن الزيارة والتقرب

تعرف يا الحبيب عمار (( الامام المهدي )) من جزيرة الاشراف لو جلس 100 عام يردد كلامه لم يكن أحد يسمع به
وكان رحلته من منطقتنا إلى الاجزاء الاخرى من السودان مساعدة كبيرة بالنسبة له .. الناس زمان ترابله منتجين ( ما تنسى عصير التمر كمان )
ولإتباع الفقراء والطرق الصوفية .. لازم تجيد العربية بطلاقة وتفهم المعنى
وكان البعض يردد القصائد ولكن لا يعرف ما المقصود ..
مثل قصائد الختمية وكان هدفهم سياسي أكثر من الدين .. ليالي الفتة واللحم وعشاء تمام كانوا يجذبوا الناس أيام الانتخابات

تحياتي الحبيب عمار .. هذه نقاط مختصرة ففط .. الموضوع طويل وشائك مع التحية

اخي العزيز استاذ عمار سلامات . يشهد الله يا عمار انو احترمك جدا وشايفك انسان كويس . لكن جدودنا اصحاب القباب داير بيهم شنو ؟ والله يا اخ عمار نحن عندنا عقيدة قوية في عموم مشايخنا اصحاب القباب . اها غايتو لو داير تدخل اهلنا اهل القباب في قصص شيعة وما شيعة دي حنختلف معاك . عشان شايفك في البوست الفات بتحتفل بي عاشورا وما ادريك ما عاشورا ونحن في السودان يا اخوي ما ناقصين . وخالطنا الشيعة في الغربة وشايفين الحاصل في اليمن وسوريا والعراق . عشان كدي اقولك والله ابدا ما مرتاح لي دعوة الشيعة السرية القايمة في السودان دي . وكمية الفلوس المهولة البتتصرف في تجنيد الشباب . واستقلال
الديمقراطية الوليدة في السودان .
الشيعة خطر علي السودان زي ما ناس عبدالحي خطر .
وزي ما ناس الطيب مصطفي خطر .
ربنا يسلم السودان من كل شر . وارجو ان لا اكون
يا اخوي ازعجتك في بوستك . مع تحياتي

حبينا علي عبدالوهاب
منطقة القدار بها صلاح دنقلا
(٩٩) قبه ،، القباب مجاورة لاثار لفترات و حقب دينية مختلفة
(كما أن دور الفقريادي) في مناطقنا جنوب دنقلا كان كبيرا، و في منطقتنا تحديدا
اصحاب القبب لهم سواقي معروفة و بعضهم كانوا دعاة قدموا للمنطقة من مناطق أخرى وديل ما عندهم سواقي ، بالنسبة للطرق الصوفية فملاحظتك مهمة لم اجد من يشير إلى نسبة اي من أصحاب القباب إلى طريقة صوفية معينة،،
و من شاهدتهم من الزهاد و العباد في منطقتنا اهل سياحة و زهدا و لا يظهرون الانتساب إلى أي طريقة صوفية
وهذا ما يدفع للبحث عن أسرار هذه القباب
(وقد سمعت أن في المتحف القومي في القسم الاسلامي
هنالك جزء لشواهد قبور و اثار اسلامية لم تفتح للجمهور الان)
تخريمة ،,,.
هنالك قصيدة للشاعر احمدون من حوض لتى يقال فيها ذكر لاسماء بعض أصحاب هذه القباب ، اتمنى احصل عليها