كاميرة المراقبة تنقل .. سوداني يخلع ملابسة بمدينة جدة صوناً لكرامة السودانيين وسمعتهم

06:45 PM October, 08 2019

سودانيز اون لاين
Abdulhaleem Osman-Sudan
مكتبتى
رابط مختصر

في موقف أثار إعجاب رواد مواقع التواصل الإجتماعي، قام أحد المقيمين السودانيين بالسعودية، بخلع (عراقي بلدي) تنكر به أجنبي ليبدو في مظهر سوداني متسولاً باسواق مدينة جدة السعودية، صوناً لكرامة الشعب السوداني وسمعته .

وظهر السوداني بمقطع الفيديو الذي صورته كاميرة مراقبة بالمحل وهو يستبدل (العراقي البلدي) للمتسول الاجنبي، بتشيرت كان يرتديه بالعمل.

وقال المقيم السوداني معلقاً على الموقف ” اليوم كنت في محل بشتري أجهزة، جاء واحد ما سوداني(جنسية عربية) لابس عرّاقي سوداني وبيشحد بيهو، إتصلت على الشرطة، وقلعتو ليهو في المحل وأديتو فنيلتي”.

مضيفاً: عند العصُر ارسل لي صاحب المحل المقطع الذي صورته كاميرة المراقبة “.

وذلك التوفيق من الله الثورة اتت أوكلها فعادت كرامة اهل السودان بعد غيبة ثلاثين عاما ولله الحمد

حذف بسبب التكرار

Quote: في موقف أثار إعجاب رواد مواقع التواصل الإجتماعي، قام أحد المقيمين السودانيين بالسعودية، بخلع (عراقي بلدي) تنكر به أجنبي ليبدو في مظهر سوداني متسولاً باسواق مدينة جدة السعودية

العراقي ملك للشخص الأجنبي الذي يلبسه ولا يوجد قانون يحتكر لبس العراقي للسودانيين
وما لم تقم الحجة عليه بعدم ملكيته للعراقي او الحصول عليه بطريقة غير مشروعة، فمن حقه التمتع بلبس العراقي
فبأي وجه حق يقوم شخص آخر من منعه من حقه في إستخدام العراقي؟
هل كان يستطيع السوداني خلع القميص من ذلك الأجنبي لولا ضعفه وفقره
أي أخلاق هذه التي تدعونا لظلم الضعفاء والإستقواء عليهم؟

أنا غايتو السنة دي كنت سايق عربية ماشي عطبرة، جنب شندي شفت لي زول كبير ماشي عريان،
وقفت عربيتي جنبو وخلعت جلابيتي ولبستها ليهو وفضلت بالفنلة والسروال
ستات الشاي صفّقن لي
لكن شندي ما فيها كاميرات مراقبة

هل يا مولانا، تطرفي دا كويس ولّ كعب؟
ولّ ما عندو معنى؟

القصّة دي قدر ما انتظرت تجي مناسبة أحكيها) ما جات.
الليلة جات مناسبة بعيدة شويّة؛ قلت ما بفوتها

Quote: وفضلت بالفنلة والسروال

وإنت ليه ما لابس عراقي تحت الجلابية يا مستلب؟😀

ياخي أنا لاحظت إنو مغتربين السعودية ديل مرات كدا عندهم عدم إحساس عجيب بالعدالة وحقوق الغير

أنا دائما أكتب و لا أمل..
السودان عند شعوب الوسط هو سودانهم فقط. يعنى هذا الشخص لو كان لا بس ملابس سودانية اخرى غير العراقى فهل كان سيفرض عليه خلعه؟
الثوب الذى يلبسه ابناء قبائل الدينكا المربوط فى الكتف، و ما زال الكثير منهم سودانيون، هل كان سيفرض عليه خلعه؟ أو أزياء جنوب النيل الأزرق؟
و كيف عرف هذا الشهم الوطنى أن المسكين تفضل عليه سودانى بالعراقى كما فى تجربة اخونا أبوبكر أعلاه، و لم يقصد الإساءة للسودانيين.

سلام عليكم
انا شفت الفيديو ماسمعت الحوار لكن لغه الجسد للابس العراقى تقول من اشاراتو حركتو انو سودانى واعتقد انو السودانى اداهو الفنله بدل العراقى عشان المظهر لانو العراقى ما للاماكن العامه وخاصه فى الغربه وعمليه تبليغ الشرطه لانو شاف انو اكرم للسودانى انو يترحل بلدو بدل يشحت فى بلد الغربه
والله اعلم

السترو الفضيحة متبارات
https://up.top4top.net/
وديل الشحادين البهرولو لحدي الليلة يشحدو دول الخليج وعندهم نفط وذهب يكفي العالم ...ليه ما قلعت جنسيتهم ذاتا وجاوز سفرهم
وباعو الجنود بثمن بخس
كاونو يكون في متسلوين في السعودية صاحبة اكبر احتياط نفط العيب ما في المتسولين ..العيب في نظامها الفاسد ودولة الراعي والرعية والريع والرعاع والسعودية ليست دولة رعاية اجتماعية من الاساس والمخ السلفي لا يعرف الاشتراكية والمجتمع الاشتراكي لانه مرتبط بالغريزة وليس الروح وسبق في مقابلة قال محمد بن سلمان انا غني وليس نلسون مانديلا وليس غاندي متبايها ومع ذلك يقرلع قروش حتي الامرار ذاتهم ودمر اليمن بي 3 ترليون دولار
قلتا ليك يا سودانيين السعودية ..احسن تقعدو ساكتين وتخلو ((العوارة)) نحن ما صدقنا خلصنا من البشير ومصطفي اسماعيل وعوض الجاز ..ده اذا فعلا خصلنا

صاحب العراقي لو ما سوداني بالتاكيد عمل كده بهدف انو يشحد من السودانيين
لانهم بقيفو مع بعض في الظروف الزي دي اكتر من بقية الجنسيات ..
مرت علي تجربة زي دي بالظبط "شحدة موجهة" بي هدوم شغل..
ده كل الموضوع ، صاحب التي شيرت ما عارف عايز يصل لي شنو بالظبط؟
عايز يقول انو السودانيين ما بشحدو يعني ؟ اكيد ما صاح

دا تصرف بغيرة من غير اي حسابات واي زول في محلو كان حيمتعض من الموقف نفسو ....

حركتو انو سودانى واعتقد انو السودانى
اداهو الفنله بدل العراقى عشان المظهر لانو العراقى
=====================
الحبيب عبدالحليم .. تحياتي ..
كما ذكر الحبيب عاصم أعلاه ..
يا جماعة هنا في السعودية صعب الحصول على عراقي إلافي المحلات المخصصة للسودانيين
يعني تقريباً باب شريف فقط في جدة
مصري سوري هندي .. إلخ من الصعب أن يصل إلى محل العراريق

تحياتي الحبيب عبدالحليم

شوفو الضحالة التي يتم بها تناول المواضيع بالله في البورد
الشحاد الكبير ما لابس عراقي في زمن الكوليرا لابس جترال وبدلة وكرفتة
ده يحلو مشكلتو كيف
https://up.top4top.net/

وانتو يا كعوك البورد من حدكم لي قدكم ...10 % من ذكاء السيد عبدالرحمن المهدي ما عندكم
وعاملين فيها احسن منو وتضللو في الشباب يا عقاب الشيوعيين والناصريين وابعثيين والسلفية والكيزان
السيد عبدالرحمن المهدي كان يطعم اهل الحجاز بشهادتهم الان

هو السودانيين فى جدة متجدعين وحايمين بالعراريق ساى بدون ما يدرعوا جلاليب لحدى ما العراقى بقى معروف سودانى؟