Post: #2
Title: Re: حمدوك:واضعو الوثيقة الدستورية لم يفكروا ا
Author: ترهاقا
Date: 10-08-2019, 05:35 PM
Parent: #1
لم تسقط بعد ، يبدو أننا نفتقد القانويين المحنكين
|
Post: #3
Title: Re: حمدوك:واضعو الوثيقة الدستورية لم يفكروا ا
Author: اسماعيل عبد الله محمد
Date: 10-08-2019, 05:54 PM
Parent: #2
Quote:
لم تسقط بعد ، يبدو أننا نفتقد القانويين المحنكين |
تحياتي ترهاقا،،
بالمناسبة حمدوك رجل ذكي جداً
ربما أراد بتصريحه هذا ابتزاز قحت والخروج من حرج نحنا جبناك،،
|
Post: #4
Title: Re: حمدوك:واضعو الوثيقة الدستورية لم يفكروا ا
Author: دفع الله ود الأصيل
Date: 10-08-2019, 06:16 PM
Parent: #3
▪ يعني يا سمعة، بحري و أمدر أمان
برة الكرتلة. دا ناهيك طبعن ، عن أي
امتدادت و لا إسكانات و أرياف و لا
وادي أخضر و لا هم يحزنون.
|
Post: #5
Title: Re: حمدوك:واضعو الوثيقة الدستورية لم يفكروا ا
Author: منتصر عبد الباسط
Date: 10-08-2019, 06:41 PM
Parent: #4
يا ود الأصيل معقول فات عليك إنو الخرطوم لها معنيين
وهنا المقصود الخرطوم العاصمة أو الولاية
وليس الخرطوم المحافظة بحسب تقسيم العهد البائد الذي لا زالت تقسيماته سارية
أو بمعنى آخر الخرطوم هي العاصمة المثلثة بمدنها الثلاثة كلها مجتمعة
بخلاف الخرطوم المنحصرة بين منطقة التقاء النيلين ..
|
Post: #6
Title: Re: حمدوك:واضعو الوثيقة الدستورية لم يفكروا ا
Author: اسماعيل عبد الله محمد
Date: 10-08-2019, 07:58 PM
Parent: #4
Quote: يعني يا سمعة، بحري و أمدر أمان
برة الكرتلة. دا ناهيك طبعن ، عن أي
امتدادت و لا إسكانات و أرياف و لا
وادي أخضر و لا هم يحزنون |
ود الأصيل سلام يغشاك
القول ما قال منتصر..
|
Post: #7
Title: Re: حمدوك:واضعو الوثيقة الدستورية لم يفكروا ا
Author: دفع الله ود الأصيل
Date: 10-08-2019, 08:42 PM
Parent: #6
▪ تاني نحية ليك يا سمعة ، و أحسن منها
لصديقي اللدود الودود منتصر ، ياخي طولنا منك
و اشتهينا (مكاجرتات)الطاعمة ديك لامن تخلي الزول
ينكرش. طبعن الوصفة و الله ما مني ، دي من ود التاج
و ماني داير أسوي المديدة حرقتني؛ علا زعلت ليك تب.
و أصلك ما تخليو بيها. و أما الولاية محل تيارة دا بيقوم
و المخلوع بشة و وداد كان بنوم عارفا و ماني غبيان منها ،
لاكين حبيت بس غتاتة سمعة دا أطلٍّع منو حكي أكتر.
▪ بالمناسبة اتلومت يا سمعة، ليه ما تداخلت معاي في
بوستي المجمبع من أمس هداك " عنصرية مقنعة"؟!!
|
Post: #8
Title: Re: حمدوك:واضعو الوثيقة الدستورية لم يفكروا ا
Author: اسماعيل عبد الله محمد
Date: 10-08-2019, 09:40 PM
Parent: #7
Quote: بالمناسبة اتلومت يا سمعة، ليه ما تداخلت معاي في
بوستي المجمبع من أمس هداك " عنصرية مقنعة"؟!! |
يا صاحب انت زول أديب و اسلوبك الأدبي طاغي حتى على تناولك للقضايا الجدلية الشائكة المسببة للصداع مثل قضية العنصرية ، وصفك لموضوع العنصرية (بالمقنعة) غير صحيح.. فهي عنصرية فاضحة و واضحة وضوح شمس الظهيرة..
بإختصار اذا انا تداخلت في البوست حايتغير إيقاع الحوار و بتكتر العكاكيز..
|
Post: #9
Title: Re: حمدوك:واضعو الوثيقة الدستورية لم يفكروا ا
Author: دفع الله ود الأصيل
Date: 10-08-2019, 10:51 PM
Parent: #8
▪ ماهو عشان شغل العكاكيز دا ظاطو
اضطررنا عملنالا (بُلَّامَة) عِنية. زي صاحبنا
الكرستلاوي داك الكان برمي في الجمرة الكُبرَى
و مبلم وشو قال حايف الدنيا تلف معاه و تجيبو
حوبة للوساس الخناس . ف كدي إنتا غايتو تعال
بغادي و مرحبتين حبابو الشر محل ما بتق
و تنقد الرهيفة.. إن شاء الله ما تترتق!!
|
Post: #10
Title: Re: حمدوك:واضعو الوثيقة الدستورية لم يفكروا ا
Author: محمد جبره
Date: 10-09-2019, 00:47 AM
Parent: #9
سلام يا اسماعيل
| Quote: ربما أراد بتصريحه هذا ابتزاز قحت والخروج من حرج نحنا جبناك،، |
او ربما اراد المفاصلة مع قحت !!!
الوثيقة الدستورية وثيقة هامش بامتياز ..
تحياتي
|
Post: #12
Title: Re: حمدوك:واضعو الوثيقة الدستورية لم يفكروا ا
Author: اسماعيل عبد الله محمد
Date: 10-09-2019, 07:57 AM
Parent: #10
مرحب بيك اخي محمد جبرة ،،
| Quote: او ربما اراد المفاصلة مع قحت !!! |
ربما.
الزول شكلو كده حايحير ناس التحيير ذاتم.
|
Post: #11
Title: Re: حمدوك:واضعو الوثيقة الدستورية لم يفكروا ا
Author: اسماعيل عبد الله محمد
Date: 10-09-2019, 07:52 AM
Parent: #9
Quote: مرحبتين حبابو الشر محل ما بتق
و تنقد الرهيفة.. إن شاء الله ما تترتق |
ههههه ماهو عشان حماقة اهلك الجعليين دي حظرونا من المنبر أكثر من ثلاثة مرات..
فقلنا احسن نواكب تطورات المدنية و نركن للسلاح السلمي والمدني و نبعد من العكاكيز،،
|
Post: #13
Title: Re: حمدوك:واضعو الوثيقة الدستورية لم يفكروا ا
Author: زهير عثمان حمد
Date: 10-09-2019, 08:21 AM
Parent: #11
أخي أسماعيل سلام
أنتهي زمن رمزية الخرطوم الدولة و علي الذين في خانة التهميش أخذ المبادرة والعمل والمشاركة والحضور لا وقت للتباكي
والتاكيد علي أننا في زمن سودان يسع الجميع
مع كل الود
|
Post: #14
Title: Re: حمدوك:واضعو الوثيقة الدستورية لم يفكروا ا
Author: اسماعيل عبد الله محمد
Date: 10-09-2019, 04:08 PM
Parent: #13
أخي زهير
وعليكم السلام
علك بخير
| Quote: أخذ المبادرة والعمل والمشاركة والحضور لا وقت للتباكي |
نعم لا وقت لجلد الذات..
لنوقد الشموع ونلعن الظلام..
|
Post: #15
Title: Re: حمدوك:واضعو الوثيقة الدستورية لم يفكروا ا
Author: Abureesh
Date: 10-09-2019, 04:30 PM
Parent: #14
ينصر دينك يا حمدون
دا الكلام الريقنا نشف و نحن نكرر فيه.
المثقفون السودانيون و الطبقة الحاكمة متهم بصفة خاصة .. و منهم الرجعيون و التقدميون و الظلاميون و المستنيرون .. كلهم لا يرون السودان سوى الخرطوم.
حتى ناس المنبر هنا الواحد يقول ليك مشيت (السودان) و لقيت الشوارع وسخانة و زحمة العربات لا توصف.
بعدين الفرق شنو بين مدينة الخرطوم وولاية الخرطوم.. ما كلها شبرين فى تلاتة بالنسبة للسودان.
|
Post: #17
Title: Re: حمدوك:واضعو الوثيقة الدستورية لم يفكروا ا
Author: اسماعيل عبد الله محمد
Date: 10-09-2019, 07:22 PM
Parent: #15
Quote: حتى ناس المنبر هنا الواحد يقول ليك مشيت (السودان) و لقيت الشوارع وسخانة و زحمة العربات لا توصف.
ب |
هذه العقلية لا محال ستهزم وستسحق قريباً ، لأن ثورة الشعب السوداني هذه المرة شاملة و لم تكن كسابقاتها، تلك التي تندلع في الخرطوم وتملي شروطها على بقية أجزاء البلاد.
|
Post: #16
Title: Re: حمدوك:واضعو الوثيقة الدستورية لم يفكروا ا
Author: Idris Logma
Date: 10-09-2019, 04:47 PM
Parent: #14
سلام العزيز اسماعيل
السيد رئيس الوزراء محق فى ما ذهب البه ناس ساطع الحاج وبنت السنهورى وغيرهم مركزي الهوى ، ودى السبب الاساسى فى رفض
تضمين وثائق اديس ابابا والقاهرة فى الوثيقة الدستورية
وعندما نادت الجبهة الثورية باعطاء افضلية لوثيقة اتفاق السلام التى تنتج فى ما بعد كانوا محقين مليون فى المائة ، اما الرافضين من قحت جناح المركز تظهر عيوب وثيقتهم وخداعهم للشعب
بفرية رفض المحاصصة وغيره كل يوم بصورة فاضحة.
وحمدوك يعرف جيدا ان الخلل الحقيقى فى البنية السودانية ليس المدنية او المدنياووووو فقط بل اكبر من ذلك بكثير وهى معالجة الخلل فى تركيبة الدولة السودانية من ذ الإستقلال فى كل النواحى منها تقاسم السلطات والموارد والتنمية المتوازنة وغيرها ووقف
كل الحروب التى افقرت الدولة السودانية وكان سببها المركز التى لم تفكر ابعد من ارنبة انفها، مما خلق فجوة بين المركز والهامش وها هؤلاء القحتيون المركزيون يريدون تكرار نفس المشهد القديم باسم الثورة لكن نقول لهم السودان القديم قد افل فمن يحلم به عليه ان يستعد للعواقب.
|
Post: #18
Title: Re: حمدوك:واضعو الوثيقة الدستورية لم يفكروا ا
Author: اسماعيل عبد الله محمد
Date: 10-09-2019, 07:37 PM
أخي إدريس لك التحية والسلام
Quote: وحمدوك يعرف جيدا ان الخلل الحقيقى فى البنية السودانية ليس المدنية او المدنياووووو فقط بل اكبر من ذلك بكثير وهى معالجة الخلل فى تركيبة الدولة السودانية من ذ الإستقلال فى كل النواحى منها تقاسم السلطات والموارد والتنمية المتوازنة وغيرها ووقف
كل الحروب التى افقرت الدولة السودانية |
يحمد لحمدوك إصراره المستمر على جعل قضية السلام في أولى اولوياته ، سمعته اخيراً يوجه وزير الإعلام بتكثيف التبشير بالسلام، ،
قضيتا الحرب والسلام هما القضيتان اللتان كانتا سبباً رئيساً في فشل كل الحكومات التي أعقبت الإستقلال،،
الآن الفرصة مواتية لحكومة الانتقال كي تضع حداً للحرب و تحقق السلام،،
بعض الرافضين لتمثيل الجبهة الثورية في أجهزة الحكم الانتقالي يعتقدون ان وقف إطلاق النار سيستمر حتى لو لم يتم تحقيق اتفاق بين الحكومة و حركات الكفاح المسلح..
وبعضهم يعول على قوات الدعم السريع في مواجهتها لأي نشاط مسلح ناسياً أن هذه القوات وقادتها قد اسنوعبوا الدرس ولن يخوضوا حرباً بينية مع حملة السلاح بل ربما يرتفع سقف طموحات قائدها في حال شنت الجيوش المتمردة الحرب على منظومة الحكم وذلك بالاستفادة من الامتياز الذي مايزال يتمتع به كونه القوة العسكرية الوحيدة الباطشة في السودان والوحيدة التي لها صلات واواصر مع حركات الكفاح المسلح،،
|
Post: #19
Title: Re: حمدوك:واضعو الوثيقة الدستورية لم يفكروا ا
Author: adil amin
Date: 10-10-2019, 03:52 AM
Parent: #18
جمهورية العاصمة المثلثة من مصطلحات الدكتور منصور خالد ..الرجرجة...النخبة السودانية وادمان الفشل ...النعر...كلها صفات هؤلاء المكرورين بتاعين هبي هبي يا اكتوبر 1946 في كتب منصور خالد
وهي طبعا الدولة المركزية في حدود مثلث الحمدي الصنعتا الانقلابات والمخابرات المصرية وتخدم مصالح مصر والخارج فقط وكل يهرول الي مصر حتي الان رغم السيسي الساقط لايسوى حاجة في مصر نفسها
وطبعا ناس المحاصصة ديل محقين هم عقاب مايو 1969 عقاب شيوعيين وبعثيين وناصريين ..ديل بلقو جماهير وين في الاقليم الخمسة مع احزاب السودان الوطنية والحركة الشعبية الزول السمح الفات الكبار والقدره
عشان كده دستور 2005 الديمقراطي الفدرالي افضل مليون مرة من الاعلان الدستوري 2019 القعدو بيه فى راسنا ناس ساطع الحاج ومقعدين معاهم كل فلول المؤتمر الوطني في ال18 ولاية سقيمة ويتسكعو في امريكا والخليج
من شعار ق ح ت((المعاق جنوبيا)) الخستكة ظاهرة ومن العلم الضللو بيه الشباب والاعلام البائس وفقدان البوصلة
وحمدوك نفسه جا بدون مشروع من الاساس ابي البشير وجا لي جنرالات البشير والهسة قدامنا ده انقلاب بدعم دول الخستكة العربية مصر السعودية الامارات وحرصهم علي مصالحهم المتبزلة في السودان
والفرق بين الوعين في السودان هو الفرق بين العلمين ديل بس
https://up.top4top.net/
|
Post: #20
Title: Re: حمدوك:واضعو الوثيقة الدستورية لم يفكروا ا
Author: اسماعيل عبد الله محمد
Date: 10-10-2019, 07:32 AM
Parent: #19
| Quote: جمهورية العاصمة المثلثة من مصطلحات الدكتور منصور خالد |
يا استاذ عادل , الدكتور منصور خالد يمتلك خصيصة جوامع الكلم, لقد لخص الجدل كله في هذه الجملة المفيدة جداً,,
|
Post: #21
Title: Re: حمدوك:واضعو الوثيقة الدستورية لم يفكروا ا
Author: adil amin
Date: 10-10-2019, 07:42 AM
Parent: #20
وده شعارهم المازوم في ق ح ت بعاعيت مايو 1969 ما عندهم فرق من ايتام الترابي 1989\
ديل قاعدين في راسنا بالمحاصصة البعثيين والناصريين والشيوعيين وديك فلول الوطني والشعبي بالامر الواقع\
والشرعية بالانتخابات بس في السودان من 1956 لا بي اللانقلابات ولا بي المحاصصة
https://up.top4top.net/
|
|
