Post: #1
Title: تسّفِر سعيتك تقنِّب تباري الجداد العقالي
Author: muntasir
Date: 10-08-2019, 11:44 AM
Parent: #0
11:44 AM October, 08 2019 سودانيز اون لاين
muntasir-
مكتبتى
رابط مختصر
العربية : السودان سيستلم الدفعة الثانية من المساعدات السعودية الأماراتية في نهاية 2020
|
Post: #2
Title: Re: تسّفِر سعيتك تقنِّب تباري الجداد العقالي
Author: خضر الطيب
Date: 10-08-2019, 11:51 AM
Parent: #1
سلام مونتي
هي الأولى مشت وين ؟
تعرف دي اسمها جوع كلبك يتبعك
جرجرة ذي الجرجرة
و اضح انو الامارات ما ناوية تطلع من اليمن قريب
و المرتزقة بتاعننا ديل منتظرين النقاطة
|
Post: #3
Title: Re: تسّفِر سعيتك تقنِّب تباري الجداد العقالي
Author: تماضر الطاهر
Date: 10-08-2019, 12:25 PM
Parent: #2
قصير العبارة..عميق الرسالة
واضح وصريح..من كتابي المفضلين
نادر يفتح بوست
،،
موال معاد..لن ننعتق منهم إلا....
،،،
تحياتي ومودتي
|
Post: #4
Title: Re: تسّفِر سعيتك تقنِّب تباري الجداد العقالي
Author: Osman Mahmoud
Date: 10-08-2019, 01:40 PM
Parent: #1
هُمَّ تلاتة حاجات.
١/يكون عندك جديد لي الCIA شغل استخباراتي ينفع
للأمن القومي الأمريكي.
دا بفتح عليك بركات امريكا والبنك الدولي، بس عندك
عائق ما لم تتبنى نظام اسلاموي يسهل ليك الحصول على
المعلومات ما حا ينتظروا منك شيئ لأنو استخباراتيًا وامنيًا
ما ذي جيرانك هم أقوى وأفضل منك.
٢/تحوِّل البلد لي جنينة خلفية للإقليميين الأثرياء، البلد بي
ناسها.
٣/تكرب بطنك وتزرع ارضك وتكفي نفسك من الاساسيات في
مجال الزراعة بكل انواعها، وتفتش علاقات مع دول ذي
الهند والبرازيل واليابان للصناعة في مجالات ذي الكهرباء
والبنى التحتية.
الخيار التالت دا هو المخرج الوحيد.
داير منك تلبس ابرول او أي لبس خمسة وتقعد مع الناس
في الواطة وتفهم الناس بإنو دايرين نبني بلدنا وبروح
ثورية تفهمم ممكن المواصلات تكون اسوأ، الرغيف ممكن
ينعدم لغاية ما ننتج كفايتنا من القمح، الكهرباء يمكن ما تفوت
المنطقة الصناعية. وتبدأ جادي وبكل قوة وثورية في الموضوع،
ما تدخل في الجدالات العقيمة وفي المواضيع الما محتاج ليها
حسي ذي التوجه السياسي وغيرو.
وبمناسبة التوجه السياسي لازم تتبنى نظام فيدرالي حقيقي.
وتطلق الحريات بدون قيد او شرط. وتطبق القانون في الكبير
قبل الصغير. وباقي الكلام المعروف لي أيي زول داير يبني
راكوبة خلي دولة. لكن لمن تشيل المرق والدقاقة من الجيران
وكمان الهبابي: ما تتفاجئ لمن تلقى جارك جوا الراكوبة خالف
كراعو ومولع سيجارتو.
ضمير الاشارة عبرك موجه لحمدوك.
اتمنى انو مداخلتي تكون أقصر من المقال في البوست😎.
خايف الامنية دي براها تكون قدر البوست😀.
تحياتي واحترامي.
.
|
Post: #5
Title: Re: تسّفِر سعيتك تقنِّب تباري الجداد العقالي
Author: HAIDER ALZAIN
Date: 10-08-2019, 02:10 PM
Parent: #4
العربية.نت
ال وزير مالية السودان إبراهيم البدوي، إن بلاده تلقت 1.5 مليار دولار من الدعم الذي تعهدت به السعودية والإمارات. واتفقت السعودية والإمارات على تقديم حزمة المساعدة مما يمثل طوق نجاة في للسودان في مواجهة الاضطرابات التي تلت الإطاحة بالرئيس عمر البشير. وقال وزير المالية السوداني في وقت متأخر الاثنين إن السعودية والإمارات أودعتا 500 مليون دولار في البنك المركزي السوداني، بينما جرى تسلم ما قيمته مليار دولار من المنتجات البترولية والقمح ومدخلات الإنتاج الزراعي.
|
Post: #6
Title: Re: تسّفِر سعيتك تقنِّب تباري الجداد العقالي
Author: علي عبدالوهاب عثمان
Date: 10-08-2019, 02:13 PM
Parent: #5
الحبيب منتصر .. تحياتي ..
مع أني ما فهمت العنوان ( ناس ضواحي الدنيا)
لكن عندي بوست بالموضوع وفرحت كثير
تحياتي ..
|
Post: #7
Title: Re: تسّفِر سعيتك تقنِّب تباري الجداد العقالي
Author: Ahmed Yassin
Date: 10-08-2019, 02:40 PM
Parent: #6
حبيبنا علوب
| Quote: مع أني ما فهمت العنوان ( ناس ضواحي الدنيا) |
اوع تكون قايل منتصر فاهم العنوان؟
بكون ناقلوا من حتة
|
Post: #8
Title: Re: تسّفِر سعيتك تقنِّب تباري الجداد العقالي
Author: محمد جبره
Date: 10-08-2019, 02:43 PM
Parent: #7
خوفي ان يكون الثمن دماء الشهداء
|
Post: #9
Title: Re: تسّفِر سعيتك تقنِّب تباري الجداد العقالي
Author: muntasir
Date: 10-08-2019, 02:46 PM
Parent: #6
سلام خدر حفرة فساد الإنقاذ الشفطت مليارات البترول ومليارات الدهب ما انسدت إن جاها قارون بمفاتحه التي تنوء بالعصبة أولى القوة لبلعوها جب كيف شكل التغير الإقتصادي في زول عارف ولا حمدوك عارف
|
Post: #10
Title: Re: تسّفِر سعيتك تقنِّب تباري الجداد العقالي
Author: muntasir
Date: 10-08-2019, 02:50 PM
Parent: #9
الشاعرة تماضر من جرب المجرب حاقت به الندامة شنو الجدّ عشان نتجارى بين القاهرة وجدة بين القومه والقعده بين الفرهْ والعقدةْ شنو الجدْ؟ وكنا هجين خيول الريح تنسد ولاهمَاهَا تنقد ولا رجعت اذا انسد اهو المشوار َوٍكت عرَّش حدانا ندم براهو اتمطي وامتد نهاية الحفلةْ دلوكهْ نهاية الحفلةْ مبروكهْ لأنو الحوت َفتَح خشمو لأنو الزول عِرٍف أسمو لأنو... لأنو
|
Post: #11
Title: Re: تسّفِر سعيتك تقنِّب تباري الجداد العقالي
Author: muntasir
Date: 10-08-2019, 02:55 PM
Parent: #10
سلام عثمان كنا نعتقد ان حمدوك ورغم القيد منع حايجينا بي الطريق التالت ولكن يتقاودو هو وبرهان من الرياض لأبوظبي ده مش شغل رزق اليوم باليوم بتاع ناس صقيرها حام
|
Post: #12
Title: Re: تسّفِر سعيتك تقنِّب تباري الجداد العقالي
Author: muntasir
Date: 10-08-2019, 03:06 PM
Parent: #11
الحبيب مك النوبة عموم يا تو ضواحي دنيا انت الخرتوم دي فرشتها برشها وأكلت قرشها زمن كانت الخرتوم بالليل بغنوها ليها والبمشي لي باريس جيب لي معاك عريس شرطاً يكون لبيس من هيئة التدريس وقد كنت لبيساً ومدرس اسكيل جي هي زي ما قال ليك إسماعيل يس اب ظمبارة وضحكة جريئة لافحها من سفر شيخ العرب قدال من رجعلك قليبي المهضلم عن اب عاج عندما دفق مويتنا على السراب وشردنا وقعد يباري عريب الجزيرة البيبعوا الزيوت (بهايم بتاكل سلاها غسيلها المشرشر نشف جوة فاس ) وفاس هي الما وراها ناس ومؤتمرها الذي بعده مات العرب
|
Post: #13
Title: Re: تسّفِر سعيتك تقنِّب تباري الجداد العقالي
Author: muntasir
Date: 10-08-2019, 03:08 PM
Parent: #12
محمود يس فتى الشاشة أب صفارة هو أنا كان بعرف شي كان قعدت معاكم هنا كان مشيت فور اول😂
|
Post: #14
Title: Re: تسّفِر سعيتك تقنِّب تباري الجداد العقالي
Author: muntasir
Date: 10-08-2019, 03:12 PM
Parent: #13
حيدر الزين بعد تكمل المليار دي حمدوك ده كان جاهو الحاوي البركاوي بيديهو شنو ،بعدين انا الما فاهمو مدخلات الإنتاج والقمح ده عمك السعودي داك أسمو منو القالوا وزع قروشو كلها رجا زرع قمح في السودان وشالها تتو اتخيل لي الراجحي يعني نصدر ليهم قمح ويدونا التيراب ومعاه جاز وموية صحة ولاشنو
|
Post: #15
Title: Re: تسّفِر سعيتك تقنِّب تباري الجداد العقالي
Author: muntasir
Date: 10-08-2019, 03:14 PM
Parent: #14
محمد جبرة خوفي من تلحق رفيقك ،شكلها زي ما بقولوا في المسلسلات المصرية قيدت ضد مجهول
|
Post: #16
Title: Re: تسّفِر سعيتك تقنِّب تباري الجداد العقالي
Author: عمر التاج
Date: 10-08-2019, 03:17 PM
Parent: #14
منتصر الطويل سلامات..
دخلت اقول مساء الخير واقولك ما ناسيك
بس سطرينك ديل بتعارضوا مع سطور حبيبنا علي العشرة في البوست المجاور
| Quote: العربية : السودان سيستلم الدفعة الثانية من المساعدات السعودية الأماراتية في نهاية 2020 |
هو يقول استلموا، وانت تقول نهاية ٢٠٢٠
وما حددت حايدونا ليها قروش ولا موز؟
والغريبة مصدركم واحد، يا ها العربية
غايتو الا عربية تراب.
|
Post: #23
Title: Re: تسّفِر سعيتك تقنِّب تباري الجداد العقالي
Author: HAIDER ALZAIN
Date: 10-09-2019, 12:26 PM
Parent: #14
| Quote: يعني نصدر ليهم قمح ويدونا التيراب ومعاه جاز وموية صحة ولاشنو |
موية صحة ولبن المراعي وعصيــر راني ومزازات وبامبرز :)
نعم الرجل هو الراجحي بس مش الوزع قروشو واحد من ووثته .. أداهم " الكيزان " مصنع اسمنتي في بربر للمساهمة في تطوير وسرقة البلد وادهوهو أرض وموية وايجار رمزي لـ99 سنة واعفاء من اي رسوم ماعدا إكراميات المسئولين ..
مع الحق في نقل كل الانتاج للسعودية .. أها السعودية ما محتاجة لقمح الراجحي في الوقت الحالي فبتسلم الراجحي قروشو في بلدو .. وهو يسلمنا القمح في محلنا ونحن نسلمهم ماء وجهنا وماضايع الا الماء المراق ..
|
Post: #17
Title: Re: تسّفِر سعيتك تقنِّب تباري الجداد العقالي
Author: علي عبدالوهاب عثمان
Date: 10-08-2019, 03:17 PM
Parent: #12
الحبيب منتصر .. كلام سلس وجميل ..
ايام السودان الجميل . ما سكان العاصمة ولكن اجازات
من ضواحي الدنيا زمن السفر باللواري ثلاثة أيام بلياليها
تحياتي لك الحبيب منتصر ..
|
Post: #18
Title: Re: تسّفِر سعيتك تقنِّب تباري الجداد العقالي
Author: خضر الطيب
Date: 10-08-2019, 05:23 PM
Parent: #17
يا مونتي الكيزان ديل مستحيل يكونوا بشر زينا كده طبيعيين
| Quote: سلام خدر حفرة فساد الإنقاذ الشفطت مليارات البترول ومليارات الدهب ما انسدت إن جاها قارون بمفاتحه التي تنوء بالعصبة أولى القوة لبلعوها جب كيف شكل التغير الإقتصادي في زول عارف ولا حمدوك عارف |
و اضح يا حبيب ديل ما خلو اي شئ
و الله من حجم الفساد المالي و لغف الثروات الكتيرة دي
لو الكيزان ديل كان اولاد ناس
كانت حتكون في دول كتيرة في العالم دا عايشة على الاعانات السودانية
هسي ظهر كوز ليهو ضل في بوست عاوزنو يكون فوق
الكوز اب فقرة دا كان سفير في ماليزيا و ما ادراك ما ماليزيا
حيث اضخم الاستثمارات الكيزانية
الكوز دا اسمو خالد عبد القادر شكري
الآن عينوهو سفير في السنغال
يجب محاسبة هذا الصندوق الأسود و من قبله و من اتى بعده في سفارة ماليزيا
وكل العاملين بهذه السفارة المشبوهة كمثيلاتها من سفارات الكيزان في الخارج
|
Post: #19
Title: Re: تسّفِر سعيتك تقنِّب تباري الجداد العقالي
Author: دفع الله ود الأصيل
Date: 10-08-2019, 06:27 PM
Parent: #18
سلام منتصر و جماعتك.
▪ قول لي خدر: هم بجرجرو فينا
بي"جوع كلبك يتبعك" ؛ خايفين من
" سمِّن مرفعينك يأكلك" إن شاء الله
و تلك الأيام نداولها بين الناس.
|
Post: #20
Title: Re: تسّفِر سعيتك تقنِّب تباري الجداد العقالي
Author: أبوبكر عباس
Date: 10-08-2019, 09:53 PM
Parent: #19
مبروك البوست التالت
|
Post: #21
Title: Re: تسّفِر سعيتك تقنِّب تباري الجداد العقالي
Author: محمد على طه الملك
Date: 10-08-2019, 10:21 PM
Parent: #20
| Quote: مبروك البوست التالت |
يا بقران مونت دا بكتب في عصر الحريات ..
المستغرب ليها يا مونت زماان لما نشوف مراة مكشكشة بالدهب دا معناتو راجلها مريش وعايش في بحبوبة ..
هسه بقولو السودان مكشكش وما شايف ليه بحبوحة يكون من شنو؟
|
Post: #22
Title: Re: تسّفِر سعيتك تقنِّب تباري الجداد العقالي
Author: كمال عباس
Date: 10-08-2019, 11:08 PM
Parent: #21
سلام اخ منتصر
نعم للدعم غير المشروط واستقلال القرار الوطني
ولا والف لا للدعم المشروط ولرهن الإرادة الوطنية للأجنبي او الدخول في المحاور الإقليمية ،،
|
|