Post: #1
Title: خالد عبدالقادر شكري سفير السودان لدى السنغال(لعناية وزيرة الخارجية أسماء محمد عبدالله)
Author: النورس الحزين
Date: 10-08-2019, 08:55 AM
Parent: #0
08:55 AM October, 08 2019 سودانيز اون لاين
النورس الحزين-الرياض المملكة العرية السعودية
مكتبتى
رابط مختصر
لخرطوم 7-10-2019م(سونا)- قدم السفير خالد عبد القادر شكري سفير السودان لدى السنغال أوراق اعتماده للرئيس السنغالي مكي سال، حيث نقل السفير للرئيس السنغالي تحايا وتهاني الفريق أول ركن عبد الفتاح البرهان رئيس المجلس السيادي والدكتور عبد الله حمدوك رئيس الوزراء .
خالد عبدالقادر شكري من مدينة ود مدني كوز عميق خريج اقتصاد الخرطوم عمل في سفارة السودان في ليبيا و سفيرا للسودان في ماليزيا
طارق عبدالقادر شكري كوز ايضا و ضابط في جهاز الامن و المخابرات
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ليس هنالك دوله عميقه ، توجد دولة الكيزان الممتده
|
Post: #2
Title: Re: خالد عبدالقادر شكري سفير السودان لدى السن
Author: Deng
Date: 10-08-2019, 09:27 AM
Parent: #1
UP
|
Post: #3
Title: Re: خالد عبدالقادر شكري سفير السودان لدى السن
Author: ترهاقا
Date: 10-08-2019, 10:10 AM
Parent: #2
فووووووووووووووووق
يشوفوا مين كان وراء تعيينه
وبعدين ما افتكر نحن محتاجين لسفير في السنغال وإلا موريتانيا
وإلا كوستاريكا.، اموال بتصرف في الفارغة
|
Post: #4
Title: Re: خالد عبدالقادر شكري سفير السودان لدى السن
Author: Abdullah Idrees
Date: 10-08-2019, 10:14 AM
Parent: #3
Quote: يشوفوا مين كان وراء تعيينه
|
يالظبط دي ممكن تكشف حاجات كتيرة
|
Post: #5
Title: Re: خالد عبدالقادر شكري سفير السودان لدى السن
Author: جمال ود القوز
Date: 10-08-2019, 10:18 AM
Parent: #4
هناك تعييات تتم رغم أنف الرافضين ..
ده ببساطة الحاصل ..
يعرفون من وراء تعيين الكيزان ..
لكنهم أيديهم مغلولة .. غلبنا النقولوا ..
كوووز بائن الكوزنة يتم تعيينة كسفير ..
ومتى ؟ !! ..
في حكومة الثورة التي مهرها الشباب بدماءهم ..
ماهذا الهوان والضعف ..
|
Post: #6
Title: Re: خالد عبدالقادر شكري سفير السودان لدى السن
Author: النورس الحزين
Date: 10-08-2019, 11:01 AM
Parent: #3
يشوفوا مين كان وراء تعيينه
هو اصلا معيين من زمن التمكين الان يتم توزيع اوراق الكوتشينة ، وزارة الخارجية اكبر معقل للكيزان حتى الان السفارات بالخارج نفس الوجوه البائسه
|
Post: #7
Title: Re: خالد عبدالقادر شكري سفير السودان لدى السن
Author: Deng
Date: 10-08-2019, 04:47 PM
Parent: #6
والعميد امن شقيق صلاح قوش يتجول من بين السفارات في الخارج، بين الدوحة وبيروت.
والوزراء يقولون أنهم بلا صلاحية أو أنهم لا يريدون قطع عيش زول.
يا لها من مهزلة.
|
Post: #8
Title: Re: خالد عبدالقادر شكري سفير السودان لدى السن
Author: خضر الطيب
Date: 10-08-2019, 05:18 PM
Parent: #7
يا شباب الشي دا ما كوز
دا رب الكوزنة ذاتا
و الصندوق الاسودلاستثمارات الكيزان في ماليزيا
و ين السيدة وزيرة الخارجية و وكيل وزارة الخارجية من المهزلة دي
فعلاً كان سفير في ماليزيا
فعلاً دي قضية عاجلة و يجب ان يكون البوست عالياً يا بكري
حتى يصل لوزيرة الخارجية و للسيد حمدوك
يجب اعتقاله و التحقيق معه و معرفة استثمارات و ارصدة الكيزان في ماليزيا
الصورة دي في حفل وداعه في ماليزيا بعد انتهاء فترة عمله في بداية العام 2017
https://www.0zz0.com
|
Post: #9
Title: Re: خالد عبدالقادر شكري سفير السودان لدى السن
Author: عبد الصمد محمد
Date: 10-08-2019, 05:54 PM
Parent: #8
الحبايب النورس الحزين والراكز خضر
الصورة أعلاه ليست صورة خالد شكري
ويا النورس الحزين صحح معلوماتك
خالد شكري ليس من مدني
وإنما من حمدنالله أو نواحي الدندر
وقد تعين في وزارة الخارجية في نهاية الثمانينات
وترقى تدريجياً
حتى وصل مرحلة السفير
أما حكاية أنه كوز دي ما فيها كلام
|
Post: #10
Title: Re: خالد عبدالقادر شكري سفير السودان لدى السن
Author: خضر الطيب
Date: 10-08-2019, 08:31 PM
Parent: #9
مرحب الراكز عبد الصمد للمعلومات الواردة في مداخلتك
نعم الصورة طلعت ما للسفير الكوز
بعتذر عن هذا الخطأ
دي صورة للأمنجي الكوز بتاع السفارة
اول ما تشوف واحد بعاين ذي حمار الخُرج اعرف انو كوز و امنجي
هاك دي صورة السفير في تقديم اوراق اعتماده للرئيس السنغالي
https://www.0zz0.com
|
Post: #11
Title: Re: خالد عبدالقادر شكري سفير السودان لدى السن
Author: حامد عبدالله
Date: 10-08-2019, 08:43 PM
Parent: #10
| Quote: اول ما تشوف واحد بعاين ذي حمار الخُرج اعرف انو كوز و امنجي |
توصيف جميل 👍😂
|
Post: #12
Title: Re: خالد عبدالقادر شكري سفير السودان لدى السن
Author: دفع الله ود الأصيل
Date: 10-08-2019, 08:56 PM
Parent: #11
خدوري و الله عليك جنس توصيفات
تقول رباطابي ماك جعفري . يومتا ضب
الحمامات و هدا هسي حمار خُرُج السقة!!
دي قوية من الدويم راس. ح اعمل ليك
كشكول خاص. علا تعال النسعلك آ اللخدر
طقت و حنتوب ديلك ما نشفن في رجاك.
|
Post: #13
Title: Re: خالد عبدالقادر شكري سفير السودان لدى السن
Author: منتصر عبد الباسط
Date: 10-08-2019, 09:00 PM
Parent: #11
لا ينبغي أن نلوم إلا أنفسنا لأنه بعد سقوط الكيزان لم يلتفت الثوار مباشرة
للعمل الجاد بتكوين الأجهزة الحكومية بالتعاون مع الشركاء في عملية التغيير
ونضرب الحديد وهو ساخن ونكون حكومة تشبه الثورة بل ظللنا أربعة أشهر
نتصارع مع بعضنا واعتبرنا أننا بالمسيرات والاعتصامات في القيادة بعد سقوط النظام
وبتتريس الشوارعواشعال لساتك السيارات في الطرقات بهذا فقط نسطيع القضاء على الدولة العميقة
متاجهلين أننا بذلك كنا نعمق في دولة الكيزان العميقة ونقويها
لماذا لا نقر بأننا حمقى ومغفلين!.
|
Post: #14
Title: Re: خالد عبدالقادر شكري سفير السودان لدى السن
Author: منتصر عبد الباسط
Date: 10-08-2019, 09:28 PM
Parent: #13
يجيبو ليكم سفراء من وين ؟!
وبعدين وين ناس قحت
لماذا لم يوسعوا ماعون المشاركة لكل الكوادر والنشطاء ؟
ويقوموا بتكوين لجان لمراجعة كل وزارات ومؤسسات الدولة وينشئوا
جهاز معلوماتي للتقصي وتعقب مسيرة عمل كل الشخصيات في العمل
العام من شاغلي المناصب الحساسة ؟
ومن يراد إعادة تعيينهم في المناصب العليا
|
Post: #20
Title: Re: خالد عبدالقادر شكري سفير السودان لدى السن
Author: عبد الله الصادق
Date: 10-09-2019, 10:43 AM
إنت عارف يا عبد الباسط مشكلة قوى الحرية والتغيير إنو إفتكرت تعيين الحكومة هو نهاية المطاف، بح صوتنا وقلنا ليهم الحكومة محتاج جسم ساند ليها محتاجة مطبخ خلفي يقوم بتجهيز كل الشغل المفروض تقوم بيهو إبتداءً من هيكلة الوزارات وفرز كوادر الكيزان في الخدمة المدنية وتقديم مرشحين لشغل الوظائف الشاغرة بعد إبعاد عناصر النظام البائد، وكمان محتاج جهة قانونية تقوم تراجع القوانين السارية وتنقيحها وتقديم البدائل ليها، وبرضو موضوع الحوكمة داير ليهو لجنة يعني الحاجات دي كلها محتاجة تجي جاهزة للوزير وهو عليهو يقرر بس، لكن حكاية نخلي كل وزير عشان يجتهد براهو دي المصيبة الكبيرة ودي البتجيب زي الكوز بتاع سفارة السنقال ووكيل وزارة المالية ومدير التلفزيون ، يعني أخطاء بالجملة ليه؟؟عشان ما في جسم ساند إستشاري يقدم خدماتو للوزارء مالم يتشكل الجسم دا ويتفعل حتتكرر الأخطاء
|
Post: #15
Title: Re: خالد عبدالقادر شكري سفير السودان لدى السن
Author: منتصر عبد الباسط
Date: 10-08-2019, 09:28 PM
Parent: #13
مكرر
|
Post: #16
Title: Re: خالد عبدالقادر شكري سفير السودان لدى السن
Author: خضر الطيب
Date: 10-08-2019, 09:51 PM
Parent: #15
سلام حامد عبد الله
طلعتا دفعتنا او الدفعة القبلنا
ياخ حمار الخرج دا عارف شغلو اكتر من كتيرين
حمار ابن اتان وكيزان ههههههه
|
Post: #17
Title: Re: خالد عبدالقادر شكري سفير السودان لدى السن
Author: خضر الطيب
Date: 10-08-2019, 10:03 PM
Parent: #16
مرحب حبيبنا ود الحيشان التلاتة
التوصيفات دي شفناها في الواقع في قرى و حتى مدن السودان
و انحنا لسه اطفال بترسخ الصورة في الذاكرة الدائمة
و بالمناسبة ضب الادبخانات ما الحمامات
هسي الحمامات ما فيها ضببة فيها قرومبعات كبار
عندهن شعر دقن , ذي دقن الكوز الحامد
عاملة و معنكشة ذي شعرة ال... ياخ مالك علي ههههه
و الله ما شفتا بوستات خور طقت و حنتوب لكن بشوفن و اجيك ليهن
ابداعك يا ود الأصيل بسوق الزول لعوالم بعيدة
و الواحد ما يعرف ذاتو يبداك من وين
لروعة حكيك و تعدد معارفك
Quote: خدوري و الله عليك جنس توصيفات
تقول رباطابي ماك جعفري . يومتا ضب
الحمامات و هدا هسي حمار خُرُج السقة!!
دي قوية من الدويم راس. ح اعمل ليك
كشكول خاص. علا تعال النسعلك آ اللخدر
طقت و حنتوب ديلك ما نشفن في رجاك. |
|
Post: #18
Title: Re: خالد عبدالقادر شكري سفير السودان لدى السن
Author: Al Sunda
Date: 10-09-2019, 05:57 AM
Parent: #17
معلوم ان بعض الوزارات ومن بينها الخارجية كمثال لها نظام معلوم منذ انشائها يخضع فيه الجميع دون تمييز للمنافسة والجلوس لامتحان بعد حصولهم علي الدرجة الجامعية واذا لم يستوف اي هذه المعايير يكون قد تميز علي الاخرين بغير حق وربما يكون الحال كذلك في وحدات اخري ومثل هؤلاء ان وجدوا يكونوا قد بلغوا خلال الثلاثين عاماً اعلي المناصب ويتحكمون في مقاليد الأمور
المطلوب مراجعة قوائم الذين التحقوا بالخدمة المدنية (بما في ذلك الخارجية ) دون ان يجتازوا امتحانات واختبارات الكفاءة التي تؤهلهم للالتحاق بالخدمة حتي وان كانوا قد حصلوا علي درجات جامعية او فوق الجامعية يضاف الى ذلك من تم استيعابهم بدون امتحانات او عبر امتحانات صورية او وفق قوائم معدة سلفا
منقول (من نقاش واتسبي )
|
Post: #19
Title: Re: خالد عبدالقادر شكري سفير السودان لدى السن
Author: Mohamed Elboshra
Date: 10-09-2019, 08:46 AM
Parent: #1
سلام للجميع
خالد شكري ... بعد قيام ثورة الكيزان تم استدعاءه من ضمن الكوادر الكيزانية من اليمن التي كان يعمل بها أستاذاً وبعد
فترة تدريبية بسيطة لأشهر تم إحضاره لنا بليبيا كملحق ثقافي في 1990 تقريباً وكنا حينها طلاب بجامعة الفاتح (هشام
هباني -وصديق السيدين شهودي بالمنبر) ...
وكان حينها قد تم إيقاف كل الإعانات للطلاب الدارسين بالخارج 70 دولار بسعر البنك - شهرياً) ... نحن لم نتأثر
بهذا الحرمان لأننا كنا ندرس بمنحة دراسية على حساب الليبيين ...ولكن نعرف من الزملاء من ترك الدراسة في المغرب
وباكستان والهند ومصر لأن هذا المبلغ كان اساسي لاستمرارهم في الدراسة بحسب إمكانيات أهلهم البسيطة ، بعد هذا
الحرمان اضطر الكثير من الطلاب في تلك البلدان لقطع الدراسة والعودة للوطن الا من كان له أقارب بالخليج يدعمونه...
على كل نحن بليبيا لم نتأثر بذلك ...لكن كان خالد شكري مشهور ببدلته الأنيقة وشنطته الدبلوماسية وحضوره في كافتيريا
الجامعة (العلوم) لخلط الطالبات وتوزيع إعانات للكيزان والكوزات ( 120 دينار تعطى لكل طالب) بينما تم حرمان
الطلاب الآخرين من ذلك .
خالد بقي في ليبيا للعام 1996م وتزوج احدى زميلاتنا الطالبات ... بعدها تم تحويله كقنصل بفرنسا ثم سفيراً بالفلبين ( لا أدري هل كان
سفير بماليزيا ام لا؟) ولا اريد أن أدلي ببعض ما شهد به قريبي وصديقي الذي عايشه باليمن لأن لا دليل لي عليه ...انه كوز
وأسوأ انواع الكيزان ....
لم تسقط بعد
ود البشرى
|
Post: #21
Title: Re: خالد عبدالقادر شكري سفير السودان لدى السن
Author: محمد عبد الله الحسين
Date: 10-09-2019, 01:17 PM
Parent: #19
اسمح لي ياصاحب البوست بالتعبير عن إعجابي بالاسم..
فقد آثار إعجابي منذ أن رايته.. فالاختبار يدل على رومانسية و خيال
لان اسماء الطيور تتضمن إحالات لصور و معاني شتى مثل الرومانسية و الحرية و الانطلاق
و الرقة و الحزن و السفر و البراءةو كل الأشياء الجميلة و البريئة.
تحياتي لك و لكل النوارس
|
Post: #22
Title: Re: خالد عبدالقادر شكري سفير السودان لدى السن
Author: النورس الحزين
Date: 10-09-2019, 02:19 PM
Parent: #19
سلامي للجميع
معلومات الاخ Mohamed ELbashra صحيحه خالد شكري اذا تتبعت مساره من اقتصاد الخرطوم الى اليمن وهي المحطة الاولي لخط سير الكوز ومنها الى منظمة الدعوه الاسلامية وهي الحاضنه و الفراخه للكوادر ثم الانتقال الى مفاصل الدولة في الخارجية و غيرها ، الغريب في الامر ان يحدث التعيين في وضح النهار بشكل مفضوح
|
|