في لقاء الجالية السودانية بالرياض قال السيد حمدوك : ما عايز ألوم زول لكن لحدي أمس كنت في اجتماع مع المجلس المركزي لقوى الحرية والتغيير وطالبتهم بالبرنامج الإسعافي وبرنامج الحكومة للفترة الجاية وما سلموني ليه*
Post: #2 Title: Re: كلام غريب يا حمدوك !! Author: محمد جبره Date: 10-07-2019, 10:24 PM
نفهم انك مجرد منفذ لبرامج جاهزة ؟
جبناه فزع بقى وجع ..
شن فايدة الكفاءة ؟
Post: #4 Title: Re: كلام غريب يا حمدوك !! Author: محمد جبره Date: 10-07-2019, 10:37 PM Parent: #2
قبلت الترشيح على اي اساس ؟؟ قعدت قريب الشهر تنقي في وزرائك وانت ما عارف برنامجك شنو !!
ثم ليه التصريح الان ؟؟ هل هو استباق الفشل بالمبررات و لا شايف ليك شوفه غير قحت ؟
Quote: وطالبتهم بالبرنامج الإسعافي وبرنامج الحكومة للفترة الجاية وما سلموني ليه*
كلام السيد حمدوك سليم جداً قوى الحرية و التغيير هم شركاء في الحكومة و هم ليسو الحكومة و لا حتى حمدوك و لا المجلس العسكري و لا المجلس السيادي بإستطاعتهم انقاذ البلاد منفردين و وضع خطة سواء كانت عاجلة ام طويلة الأمد على كل هذه المكونات تقديم برنامجها لهذه المرحلة و مناقشته مجتمعين و الوصول لبرنامج قوي و متماسك يتم تنفيذه بمشاركة كل تلك الجهات هذه الحكومة لا تحمل عصا سحرية المرحلة صعبة و معقدة و مازالت الدولة العميقة موجودة و ما زالت المهددات كبيرة
Post: #6 Title: Re: كلام غريب يا حمدوك !! Author: صديق مهدى على Date: 10-07-2019, 10:51 PM Parent: #5
فعلا كلامك سليم يا خضر حيث جاء فى الاتفاق الاخير بين المجلس العسكرى سابقا وقوى الحرية والتغير ان فترة الستة شهور الاولى من الفترة الانتقالية للسلام وكلام دكتور حمدوك منطقى جدا هو بعمل على حسب الاتفاق وقوى الحرية والتغير هى التى اختارته
Post: #9 Title: Re: كلام غريب يا حمدوك !! Author: جمال ود القوز Date: 10-07-2019, 11:07 PM Parent: #6
حمدوك مفروض يكون أعد برنامج وتصور لكل الفترة الانتقالية .. التي سيحكمها ثم يستأنس بمقترحات وزراءه ومستشاروه وقحت .. هذا بعد اطلاعهم على تصوراته وافكاره وخططه ورؤاه وليس العكس مايفعله حمدوك الآن أمر يفتقر لاهم سبب تم اختياره لاجله (انه صاحب أفكار متجددة وبناءه وله ذخيرة خبرات محترمة) فكونه يجي ينتظر من حوله يقترحوا ليهو وهو ينفذ .. ده كلام عجيب وانا شخصيا أرى الأمر ده آية مقلوبة ..
Quote: كلام السيد حمدوك سليم جداً قوى الحرية و التغيير هم شركاء في الحكومة
طيب نفرض الكلام ده صاح وناس قحت اللي هي تنظيمات سياسية (تمتلك حلول لانها تملك كفاءات اكبر من حمدوك) قالت محتفظة ببرامجها عشان تنزل بيها انتخابات بعد تلاتة سنوات
الحل شنو؟
Post: #8 Title: Re: كلام غريب يا حمدوك !! Author: Asim Ali Date: 10-07-2019, 11:06 PM Parent: #5
Quote: السلطه الانتقاليه (مجلس الوزراء + المدنيين بمجلس السياده ) والكيان السياسى (قوى الحريه والتغيير +تجمع المهنيين) و الشعب السودانى الثائر كمكونات لعهد السودان الجديد خلال الانتقاليه تبدو الان كجزر معزوله عن بعضها البعض ويبدو فيها الحلقه التى خلقت الارتباك والضعف هى الكيان السياسى
Re: الاتكاء على الريح حال شعب وثورهRe: الاتكاء على الريح حال شعب وثوره تقصير (ق ح ت) يقابله ان المجلس العسكرى انتقل للقصر الجمهورى كمكون عسكرى فى مجلس السياده وهو محتفظ بلجانه النوعيه التى كانت يعتمد عليها.وعليه ف (ق ح ت) تترك ثغره واسعه سيحتحلها المجلس العسكرى عبر لجانه فى رسم سياسات الدوله. ونذكر هنا حضور بعض فلول النظام فى مؤتمر شاتام هاوس .من دعاهم؟ هل لهم دور ضمن لجان المجلس العسكرى ؟.
Post: #11 Title: Re: كلام غريب يا حمدوك !! Author: محمد جبره Date: 10-07-2019, 11:21 PM Parent: #8
Quote: كلام السيد حمدوك سليم جداً قوى الحرية و التغيير هم شركاء في الحكومة و هم ليسو الحكومة و لا حتى حمدوك و لا المجلس العسكري و لا المجلس السيادي بإستطاعتهم انقاذ البلاد منفردين و وضع خطة سواء كانت عاجلة ام طويلة الأمد على كل هذه المكونات تقديم برنامجها لهذه المرحلة و مناقشته مجتمعين و الوصول لبرنامج قوي و متماسك يتم تنفيذه بمشاركة كل تلك الجهات هذه الحكومة لا تحمل عصا سحرية المرحلة صعبة و معقدة و مازالت الدولة العميقة موجودة و ما زالت المهددات كبيرة
سلام يا ابن عمي
انا ابحث عن حمدوك (الشخصية و السيرة الذاتية )...المنتظرنوا يكتب لينا الروشتة
لو على تنفيذ برامج جاهزة كان احسن نعين خمسة من ثوار بري بنجزوه بدري
Post: #13 Title: Re: كلام غريب يا حمدوك !! Author: Asim Ali Date: 10-07-2019, 11:26 PM Parent: #8
حاجه تانيه لما الناس ايام التوقعات تقول حمدوك رئيس وزراء قلنا ليكم حمدوك افضل يكون وزير فى الحكومه ماليه وتخطيط افضل وانفع من تحمل مسئوليه رئاسه الوزراء وابعادها السياسيه والابعاد الاخرى اللى بتكون فىيها تشتيت لقدراتو وامكانياتوالفنيه لا السياسيه ووبتوقع كان ممكن يقدم شىء فى حال تلكوء (ق ح ت)
Post: #14 Title: Re: كلام غريب يا حمدوك !! Author: توفيق عيسى مكي Date: 10-07-2019, 11:26 PM Parent: #8
الحرية والتغيير عندهم برنامج معد سلفا تم اعداده من اكتر من عشرة مختصين لا اذكر العدد تحديدا لكن عدد مقدر ومتنوع ومؤهل عيبهم شباب تنقصهم الخبرة لا العلم (------) درسته حته حته لا يرقى لان يكون برنامج اسافي سريع البدوي عنده برنامج اقتصادي مدرسة حتى لمن يريد ان يتعلم وقد طرحه وبدا في العمل به وهو استاذ اساتذتنا الاقتصاديين لا ارقى ان انتقده مهما رأيت من قصور فمن المؤكد خطأي وحسب عمي حتى من قبل الثورة لهم برنامج قوي جدا تم اعداده من خبراء عبر دراسات وسنين سؤالي اين هذا البرنامج ؟؟؟
"ما عايز ألوم زول لكن لحدي أمس كنت في اجتماع مع المجلس المركزي لقوى الحرية والتغيير وطالبتهم بالبرنامج الإسعافي وبرنامج الحكومة للفترة الجاية وما سلموني ليه*"
أشك كثيرا فى هذا الكلام.. هل الفيديو الحايم فيه هو يتكلم أن كلام شخص اخر نقل عنه؟ و ما يجعلنى أشك أنه إشترط عدم التدخل فى سياساته قبل أن يقبل المنصب و قال بالحرف الواحد ما عhوز micromanagement أعتقد هذا الرجل تم تعيينه فى منصب رئيس وزراء و ليس سكرتير إدارى لقحت.
بسرعة الفيديو لو سمحتم.. لو عندك فى موبايلك ممكن ترسله بالواتساب
Post: #16 Title: Re: كلام غريب يا حمدوك !! Author: محمد جبره Date: 10-08-2019, 00:13 AM Parent: #14
خلال محاولتي لجلب مقطع الفيديو موضوع البوست عثرت على تسجيل كامل لحديث السيد حمدوك واتضح لي ان ما شاهدته كان جزء مبتور بعناية للتضليل و اخراج الحديث من سياق نعم وضح حمدوك انه لم يستلم برنامج الحرية والتغير بعد و لكنه لم يقف مكتوف الايدي فقد بدا فعلا في العمل في تنفيذ الاولويات العشرة بالوثيقة الدستورية عليه اعتذر عن البوست وعن هجومي المبنى على ما سمعته في المقطع المبتور تحياتي للجميع رابط الفيديو https://youtu.be/Mhzz89NPyKc؟t=3https://youtu.be/Mhzz89NPyKc؟t=3https://youtu.be/Mhzz89NPyKc؟t=3https://youtu.be/Mhzz89NPyKc؟t=3
Post: #17 Title: Re: كلام غريب يا حمدوك !! Author: Asim Ali Date: 10-08-2019, 00:36 AM Parent: #16
كلنا سمعنا المقطع كامل من الضهر وانو (اتصرف) لما الجماعه اتاخرو فى تقديم البرنامج والمفروض اصلا طالما الاختيتار كان على اساس الكفاءات ولو كان فى حاجه منتظره من (ق ح ت) خطوط عامه وموجهات على اساس اعلان الحريه والتغيير ومابحتاج الانتظار المده دى كلها..
Post: #18 Title: Re: كلام غريب يا حمدوك !! Author: اسامة محمد ابوبكر Date: 10-08-2019, 01:30 AM Parent: #16
Post: #19 Title: Re: كلام غريب يا حمدوك !! Author: جلالدونا Date: 10-08-2019, 01:45 AM Parent: #18
الحكومة تكليفا و برنامجا من اختصاص قوى التغيير الاختصاص كموجهات و سياسات عامة و تراتبية ما من اختصاص حمدوك حمدوك مطلوب منو ينفذو و بس التفاصيل حقتو باعتبارها ضمن اجندة التنفيذ اهو قال لامن يجيهو البرنامج بحاول يعمل حاجة و كتر خيرو ماشى فى درب السلام و الاقتصاد ّّّّّ____ ما صدقتو لقيتو ليكم حكومة تتنقدوها و الا تكالبتم عليها يدرجة عملتو نفسكم حكومة عليها و لا كمان اوصياء عليها
Post: #20 Title: Re: كلام غريب يا حمدوك !! Author: adil amin Date: 10-08-2019, 04:34 AM Parent: #19
ضعف الطالب والمطلوب ق ح ت رايح لهيم درب لحدي هسة الحوامة بره دي لا بترجع الديمقراطية ولا الفدرالية ويا حليل الحركة الشعيية جابت مشروع متكامل وصلنا الانتخابات 2010 وما قعدت في راس الناس تورجغ وترفس ده وتخلي ده المحاصصة الانتهازية قعدتكم انتو والكيزان في راسنا لحدي هسة وتمشطو في الانقاذ القبيحة بي قملا
Post: #21 Title: Re: كلام غريب يا حمدوك !! Author: عمر التاج Date: 10-08-2019, 09:33 AM Parent: #20
سلامات ود جبرة .. أنا غايتو اتفهمت كلامه في سياق مشاركته السلطة للثوار ومحاولة اتخاذ القرار وفق لبرنامج الثورة لكن الماقدرت أفهمه بعد كلامه داك بدقيقة قوله : (طبعا نحن المحلس السيادي ومجلس الوزراء بنمثل المجلس التشريعي) وما قدرت أفهم حديثه في أي اتجاه؟
Post: #22 Title: Re: كلام غريب يا حمدوك !! Author: امتثال عبدالله Date: 10-08-2019, 10:15 AM Parent: #21
فعلا كلام غريب وما مفهوم !!!
Post: #23 Title: Re: كلام غريب يا حمدوك !! Author: منتصر عبد الباسط Date: 10-08-2019, 10:47 AM Parent: #22
كلام جميل فعلا البرامج والخطط لا ينبغي أن يضعها شخص واحد ولو كان رئيس الوزراء لكن المشكلة في الفقر في الفكر وضعف الرؤية والبطء في التفكير وفي القرار والسلحفائية التي لازمت قوى الحرية والتغيير . والسبب هو لأنها قامت على أسس وفهم حزبي ولم تكن منفتحة ومتجردة لخدمة الوطن بل كانت تعمل بفهم حزبي ضيق وبطىء جدا لدرجلة تشبه الشلل التام..
Post: #24 Title: Re: كلام غريب يا حمدوك !! Author: منتصر عبد الباسط Date: 10-08-2019, 11:23 AM Parent: #23
السودان يمتلك أرض صالحة للزراعة شاسعة جدا وموارد مائية ضخمة جدا وموارد بشرية كبيرة تحتاج للـتاهيل والتدريب الجيد ونحتاج لإعادة هيكلة التعليم من مرحلة رياض الأطفال مرورة بمرحلتي الأساس والثانوي إلى الجامعات يكون هذا التعليم مرتبط بالانتاج والتدريب على الانتاج الزراعي والصناعي الزراعي والصناعي والحرفي. وكذلك يحتاج المننج للتشجيع على الانتاج بجعل الزراعة عمل مجدي اقتصاديا وذلك بفتح أبواب التصدير مشرعة بعمل شركات تصدير للمنتجات الزراعية السودانية تتعامل مع المزارعين بشكل مباشر بدون وسطاء وبدون احتكار مع التدريب على أحسن الطرق للتسويق بكل جوانبه لا يمكن أن نطالب بزيادة الانتاج بدون تشجيع للإنتاج بجعل المنتج مستفيد من الانتاج زيادة الانتاج يجب أن يسبقها مشاريع تصنيع زراعي وتسويق للمنتجات الزراعية تكون مواعين لتستقبل وتهيىء للزيادة القادمة من الانتاج وفتح نوافذ تصدير لتشجع المنتج وتستقطب الشباب للإنتاج مع تغيير التعليم تغيير جذري ليكون رابطاً للطالب والنشء بأرضه وبالعمل والإنتاج وهذا يحتاج خطوات جريئة جدا أخشى وربما غير مطمئن بأننا نملك هذه الجروءة والإنفتاح على الأفكار التي دونها لا يمكن أن نتقدم خطوة للإمام لابد من التفكير خارج الدوائر التقليدية التي حبسنا أنفسنا بداخلها. .
Post: #25 Title: Re: كلام غريب يا حمدوك !! Author: توفيق عيسى مكي Date: 10-08-2019, 09:01 PM Parent: #24
الحمد لله برغم جهل الناس وضيق نظرتهم بس هم اهلنا وناسنا قدرنا نشتغل في عشرة محاور كل محور يمثل لينا وسيلة في مجملها هذه الوسائل العشرة ستوصلنا لهدف كان مفروض يكون هدفنا كسودانيين منذ استقلالنا ما اشتغلنا بحكومة كيزان ولا حكومة احزاب طاشة شبكة ولا مثقفين اغلبهم اجهل من ضب في صحراء العراق بيدعوا التنور والمعرفة وهم طظ ساي قدرنا في خلال ستة سنوات من صنع مستحيل يحصل في بلد زي بلدنا بامكانيات مادية صفرية ولكن توازيها امكانيات تانية كتيرة في قمتها نحن اليوم ملوك السوشال ميديا بدون منازع في المسألة الاقتصادية السودانية اقل لايف بتتم مشاهدته ومتابعته من عشرات وعشرات الالاف من الناس البتفهم بصحيح 90% شبابنا الواعي جدا لما طرحنا برنامجنا الاقتصادي الطموح بلغتين رئيسيتين أكيد بكون متابع منو القراه واتفاعل معاه للأسف هنا في المنبر ممن يدعون الفهم لم يكلف واحدا ان يقرأه بتمعن ويتفاعل معه بقدر تفاعله مع الشبكة الطاشة السودانية القحتية والعسكرية الجديدة الجهل وعدم المعرفة بيخلي الزول يحصر نفسه في متر مربع واحد من ضمن مليون متر مربع كنت بخجل من مضاراة المدعيين وعدم تركيزهم ده عمل كبير ينجح كل يوم بنجاحات اشبه بمتواليات هندسية لا يراها او يستوعبها زول طاشي شبكة الذ مافي الموضوع هم اعني مدعي المعرفة والفكر الرصين ما شغالين بينا ومتضايرين ونحن زاتنا ما شغالين بيهم وشغالين معتز موسى وحمدوك وحتى البدوي انا متأكد يعلمون علم اليقين مشكلتنا لكن في تناول الحل يفشلوا في الجرأة لمجابهته لانه صعب جدا ما ينفع الا من زول اتكوي بنار القهر والعدم زينا وما خايف من شيئ وصادق بخبرته يعمل بيسر شئ . . انا ما عارف هنا في زول بيفهم ويستوعب مقصدي ولا مافي لكن حا اعطي مثال واللبيب بالاشارة يفهم : لو عليك جملة شيكات لازم بكرة قبل الساعة 2 تورد قروشها للبنك وانت ما عندك التكتح تفكيرك بيكون كيف وشهادات الدكتوراة وكل علمه الاتعلمه بيكون في ياتو اتجاه يصنع برنامج ينهض بدكانه او شركته او مؤسسته ولا يشوف طريقة سلف ولا دين ويكسر ليه بضاعة يسد بيها الشيكات !!!!!!!!!!!!!!؟؟؟؟؟؟؟؟؟؟
Post: #26 Title: Re: كلام غريب يا حمدوك !! Author: توفيق عيسى مكي Date: 10-08-2019, 09:04 PM Parent: #25
نحن اليوم البنكسر مجاديف حمدوك المحتاج حوجة ماسة لنا بالفعل وواجبنا ادبيا واخلاقيا نقيف معاه