Post: #1
Title: استقاله مديري الجامعات السودانيه الان.
Author: زهير عثمان حمد
Date: 09-19-2019, 10:52 AM
Parent: #0
10:52 AM September, 19 2019 سودانيز اون لاين
زهير عثمان حمد-السودان الخرطوم
مكتبتى
رابط مختصر
أستقاله ٣٦ من مديري الجامعات السودانيه في موتمر صحفي بالجامعه الاسلاميه منذ قليل
|
Post: #2
Title: Re: استقاله مديري الجامعات السودانيه الان.
Author: زهير عثمان حمد
Date: 09-19-2019, 11:28 AM
Parent: #1
*العام الدراسي بالجامعات يواجه خطر التجميد*
*علي خلفية تصريحات وزيرة التعليم العالي.*
طالبوا باصدار قرار اعفائهم
*مديرو (٣٢) جامعة حكومية يعلنون استحالة مواصلتهم في ادارتها*
اعلن مديرو( ٣٢) جامعة حكومية استحالة استمرارهم في ادارة الجامعات السودانية عقب التصريحات المستفزة التي صدرت من وزيرة التعليم العالي والبحث العلمي البروفسور إنتصار الزين صغيرون لدي مخاطبتها مايسمى بتجمع اساتذة جامعة امدرمان الاسلامية.
وطالب مديرو الجامعات في مذكرة معنونة لرئيس مجلس الوزراء الدكتور عبد الله حمدوك طالبوه بالاسراع في اصدار قرار اعفائهم عبر راعي التعليم العالي حسب تصريحات وزيرة التعليم العالي لاكثر من مرة وذلك قبل الموعد المحدد لفتح الجامعات ليتمكن المديرون الجدد من استئناف الدراسة في الاول من شهر اكتوبر القادم.
واستنكر المديرون بشدة في مذكرتهم مابدر من وزيرة التعليم العالي والبحث العلمي من عدم حضورها لافتتاح مجمع الكليات الطبية لجامعة السودان رغم تحديدها لموعد الافتتاح وعدم رفعها خطاب الافتتاح لمجلس السيادة وخطابها في جامعة أمدرمان الاسلامية بلغة لاتليق بالاستاذ الجامعي من كنس وكسح ومسح واقالة للعمداء ولا يليق بمنصبها كوزيرة تعليم عالي ولم تلتق مديري الجامعات منذ تعينها بينما التقت بما يسمى بتجمع الاساتذة وغيرهم من منسوبي التعليم العالي في الوقت الذي طالبت فيه المديرين بفتح الجامعات.
ولفتت المذكرة إلي الجهود الكبيرة التي بذلها مديرو الجامعات طوال الثمانية اشهر الماضية متحملين عبء المسؤولية وإدارتها في ظروف استثنائية وبالغة التعقيد وتحملوا في ذلك الاذي المعنوي الجسيم وحاولوا الحفاظ على ممتلكات الجامعات واصولها واعادة استئناف الدراسة حرصا منهم على مصلحة الطلاب.
وأعربت المذكرة عن خيبة أمل المديرين الذين استبشروا خيرا بقدوم الوزيرة باعتبارها من اسرة التعليم العالي ومشاركتها في اللجان العليمية المختلفة على مدى عقود من الزمان حيث توقعوا منها العون والمؤازرة والسعي لجمع الصف بالمنهج العلمي السليم لاعادة استئناف الدراسة بالجامعات واستقرارها قبل ان تاني بتصريحاتها وافعالها المستفزة والمؤججة للصراعات والمؤلبة لمنسوبي الجامعات مما عقد فتحها في الامد القريب
|
Post: #3
Title: Re: استقاله مديري الجامعات السودانيه الان.
Author: MOHAMMED ELSHEIKH
Date: 09-19-2019, 11:38 AM
Parent: #2
مع السلامة
مع اعتبار انهم مايزالون اساتذه في الجامعات
|
Post: #4
Title: Re: استقاله مديري الجامعات السودانيه الان.
Author: ترهاقا
Date: 09-19-2019, 11:49 AM
يورونا عرض أكتافهم ، عسى ما يكون بينهم مظلومين
|
Post: #5
Title: Re: استقاله مديري الجامعات السودانيه الان.
Author: عمر قسم السيد
Date: 09-19-2019, 01:03 PM
Parent: #4
احسن حاجة عملوها
الزولة دي كل يوم بتهدد بإقالتهم ..
كل واحد فيهم يتخارج برا البلد دي الفرص رااااااقدة وبامتيازات افضل بكثير من هنا
السودان بأى بأأأأأأأأأأأأأأأأأأأأأأأي
|
Post: #6
Title: Re: استقاله مديري الجامعات السودانيه الان.
Author: Abdullah Idrees
Date: 09-19-2019, 01:10 PM
Parent: #4
| Quote: واستنكر المديرون بشدة في مذكرتهم مابدر من وزيرة التعليم العالي والبحث العلمي من عدم حضورها لافتتاح مجمع الكليات الطبية لجامعة السودان |
يستاهلو اكتر من كده
ليه جامعة السودان يكون فيها مجمع طبي ؟ هذه الجامعة انِشأت ككلية للمستقبل وروعي ان تخرج كفاءات
محترمة ترفد سوق العمل بعناصر هامة جدا لاي نهضة ، بدل ما تطوروها جيتو خربتوها وبقت زيها وزي اي
جامعة تاني ، توسع افقي في الفاضي واهمال فظيع لاهم مرافقها العلمية
البلد ناقصة مجمع طبي جديد ؟ لو تكلفة التوسع الافقي الحصل في الجامعة ده كلو خصصوها
لتحديث كليات الهندسة كان بقا عندنا كلية بولتيكنيك على اعلى مستوى
اسي ما عندنا اي حاجة ، مجرد جامعة فاشلة اخرى ..
|
Post: #7
Title: Re: استقاله مديري الجامعات السودانيه الان.
Author: احمد حمودى
Date: 09-19-2019, 02:21 PM
Parent: #6
| Quote: احسن حاجة عملوهاالزولة دي كل يوم بتهدد بإقالتهم ..كل واحد فيهم يتخارج برا البلد دي الفرص رااااااقدة وبامتيازات افضل بكثير من هناالسودان بأى بأأأأأأأأأأأأأأأأأأأأأأأي |
لازم السيدة الوزيرة تكنس وبى كلوركس عفن الجامعات دى واستاتذتك ديل والله ما ياكلوا اى عيش خارج ا السودان و فى اى دولة يا كوووز با يامصدى
|
Post: #8
Title: Re: استقاله مديري الجامعات السودانيه الان.
Author: Hani Arabi Mohamed
Date: 09-19-2019, 03:20 PM
Parent: #7
- هل لدى وزارة التعليم العالي ورئاسة الوزراء خطة جاهزة بأسماء بديلة تستلم إدارة الجامعات فوراً وتستأنف الدراسة في الجامعات في الأول من أكتوبر حسبما هو معلن؟
- هل أعدت الوزارة والرئاسة خطتها للمحافظة على استقرار العام الدراسي ومستقبل الطلاب وأحوال أولياء أمورهم ؟
|
Post: #9
Title: Re: استقاله مديري الجامعات السودانيه الان.
Author: Zakaria Fadel
Date: 09-19-2019, 03:28 PM
Parent: #8
أتمنى ان يتم التعامل مع ملف التعليم بصورة فيها الكثير من الجدية
لقد أضر المزج السياسي والكيد بمستقبل اجيالنا كثيرا
|
Post: #25
Title: Re: استقاله مديري الجامعات السودانيه الان.
Author: Asim Ali
Date: 09-20-2019, 03:46 PM
Parent: #9
Quote: أتمنى ان يتم التعامل مع ملف التعليم بصورة فيها الكثير من الجدية
لقد أضر المزج السياسي والكيد بمستقبل اجيالنا كثيرا |
|
Post: #10
Title: Re: استقاله مديري الجامعات السودانيه الان.
Author: Asim Ali
Date: 09-19-2019, 03:52 PM
Parent: #8
Quote: - هل لدى وزارة التعليم العالي ورئاسة الوزراء خطة جاهزة بأسماء بديلة تستلم إدارة الجامعات فوراً وتستأنف الدراسة في الجامعات في الأول من أكتوبر حسبما هو معلن؟
- هل أعدت الوزارة والرئاسة خطتها للمحافظة على استقرار العام الدراسي ومستقبل الطلاب وأحوال أولياء أمورهم ؟ |
سلامات هانى
من قبيل داير اعلق لكن للاسف الناس هنا نظره قاصره لبعض الاحداث وبتعاملو بعاطفيه ثوريه.
المجلس العسكرى -السيادى هو المتعجل وحاول يقرر استئناف الدراسه (عام وعالى) بقرار من السيادى حتى قبل مايشكل حمدوك حكومتو وبعد تحويل الموضوع ليهو ناقش فتح المدارس مع وكلاء الوزارات وموضوع تهيئه الظروف مجرد اعلام ساى وانظر مشكله مدرسه الرياض الكانو محظوظين بقرب سودانيه24 للمدرسه
اما اقاله المدراء كانت جزء من 9 مطالب لتجمع الاساتذه والموضوع داير حزمه قرارات وفتره للمدير الجديد عشان يبدا شغلو بفريق عمل متفاهم مش ملغوم بفلول النظام .
المدراء بالمناسبه تقريبا ورطو الوزيره بالاستقاله قبل قرار رئيس الوزراء بالاقاله وتكليف مدراء ودا معناهو حيوقفو المراكب السايره فى المؤسسات دى لغايه مايجى مدير جديد. ولاحظ انو استئناف الدراسه مفروض معاهو بدايه معايانات الطلاب الجدد ودى براها برنامج طويل على مستوى الكليه وعلى مستوى الجامعه ككل .وقضيه ايضا موضوع البت فى اعاده الطلاب المفصولين لاسباب (سياسيه ) حتى يواصلو مع زملائهم الدراسه وقضيه الشرطه الجامعيه لم يبت فيها طبعا غير خطوه مهمه وهى ضروره جمع المدير الجديد للقوى السياسيه فى الجامعه (بما فيها تنظيمات الفلول للاتفاق على نشاط سياسى بدون عنف لضمان استقرار الدراسه وسلامه الطلاب والمؤسسه.
تفاصيل تحتاج فتره تتشارك فيها القوى الثوريه لدعم الاداره الجديده لتهيئه المناخ للددراسه والنشاط السياسى.
تحياتى
|
Post: #11
Title: Re: استقاله مديري الجامعات السودانيه الان.
Author: Hani Arabi Mohamed
Date: 09-19-2019, 04:34 PM
Parent: #10
Quote: سلامات هانى
من قبيل داير اعلق لكن للاسف الناس هنا نظره قاصره لبعض الاحداث وبتعاملو بعاطفيه ثوريه.
المجلس العسكرى -السيادى هو المتعجل وحاول يقرر استئناف الدراسه (عام وعالى) بقرار من السيادى حتى قبل مايشكل حمدوك حكومتو وبعد تحويل الموضوع ليهو ناقش فتح المدارس مع وكلاء الوزارات وموضوع تهيئه الظروف مجرد اعلام ساى وانظر مشكله مدرسه الرياض الكانو محظوظين بقرب سودانيه24 للمدرسه
اما اقاله المدراء كانت جزء من 9 مطالب لتجمع الاساتذه والموضوع داير حزمه قرارات وفتره للمدير الجديد عشان يبدا شغلو بفريق عمل متفاهم مش ملغوم بفلول النظام .
المدراء بالمناسبه تقريبا ورطو الوزيره بالاستقاله قبل قرار رئيس الوزراء بالاقاله وتكليف مدراء ودا معناهو حيوقفو المراكب السايره فى المؤسسات دى لغايه مايجى مدير جديد. ولاحظ انو استئناف الدراسه مفروض معاهو بدايه معايانات الطلاب الجدد ودى براها برنامج طويل على مستوى الكليه وعلى مستوى الجامعه ككل .وقضيه ايضا موضوع البت فى اعاده الطلاب المفصولين لاسباب (سياسيه ) حتى يواصلو مع زملائهم الدراسه وقضيه الشرطه الجامعيه لم يبت فيها طبعا غير خطوه مهمه وهى ضروره جمع المدير الجديد للقوى السياسيه فى الجامعه (بما فيها تنظيمات الفلول للاتفاق على نشاط سياسى بدون عنف لضمان استقرار الدراسه وسلامه الطلاب والمؤسسه.
تفاصيل تحتاج فتره تتشارك فيها القوى الثوريه لدعم الاداره الجديده لتهيئه المناخ للددراسه والنشاط السياسى.
تحياتى |
ماذا بشأن مستقبل الطلاب الذين تعطلت مسيرتهم الدراسية منذ 11 شهراً بالتمام والكمال ! ؟
هل ستضاف أشهر وسنوات أخرى ؟
تحياتي يا عاصم علي.
|
Post: #12
Title: Re: استقاله مديري الجامعات السودانيه الان.
Author: Asim Ali
Date: 09-19-2019, 04:50 PM
Parent: #11
هانى مساء الخير
11 شهر وشباب غض وطريقمستقبل واعد على خطى ديمقراطيه مشتقره وثابته افض حالا من 30 عاما (هرمنا ) فيها ولم يتبقى من الطريق بقدر ما سلكنا من قبل
لو ادارت الوزيره الملفات بهدوء على ان تفتح الجامعات فى نهايه اكتوبر اوبدايه نوفمبر -بدايه مستقره افضل من بدايات معرضه لانتكاس.- يتمكن خلالها المدير وطاقمه من ترتيب البيت داخليا بشكل جيد غير متعجل
|
Post: #13
Title: Re: استقاله مديري الجامعات السودانيه الان.
Author: عمر التاج
Date: 09-19-2019, 04:52 PM
Parent: #11
مدراء الجامعات يعاملون معاملة الوزراء..
تم تعيينهم وفقا للشريعة الانقاذية بدافع الولاء والطاعة
ويجب ان يقالوا وفقا لشرعية الثورة، ويعين مكانهم اكفاء مؤهلين
قرار الاقالة لا أعتقد سيترك فراغا اداريا، تماما كما اقيل الوزراء من قبلهم
وهذا بالطبع لا يقدح في كفاءة بعض البروفيسرات الذين ترقوا وفقا للإنتاج العلمي
|
Post: #14
Title: Re: استقاله مديري الجامعات السودانيه الان.
Author: Asim Ali
Date: 09-19-2019, 04:58 PM
Parent: #13
Quote: مجلس السياده يقرر الغاء الوحدات الجهاديه
|
خبر جيد فى مضمونه لكن يظل يطرح التساؤلات حول الاختصاات فى اتخاذ القرارات بين المجلس السيادى ورئيس الوزراء او الوزير المختص ؟؟؟
|
Post: #15
Title: Re: استقاله مديري الجامعات السودانيه الان.
Author: Asim Ali
Date: 09-19-2019, 05:05 PM
Parent: #13
عمر التاج سلام
القضيه لو كانت مدير وبس هينه .
امسك عندك وكلاء الجامعات نواب العمداء وعماده الطلاب /مشرفى الطلاب ومسجلى الكليات وضباط الامتحانات ديل فى الغالب ديل فى الغالب اساس تحكم العهد البائد فى كثير من التفاصيل واختيارهم لايتم اعتباطا والخلفيه الامنتيه وارده
|
Post: #16
Title: Re: استقاله مديري الجامعات السودانيه الان.
Author: عمر التاج
Date: 09-19-2019, 06:03 PM
Parent: #15
كلامك صحيح يا عاصم
هيئات التدريس عموما في الجامعات يتم الاختيار لها علي أساس أكاديمي بحت
وهي أساس العملية التعليمية والإدارية في الجامعة بدأً من المعيد مرورا بالعميد وحتى المدير
وبالطبع تحدث تجاوزات وتوصيات من نافذين وفاسدين ولكن بقدر طفيف
قطاع الموظفين في الغالب يكون ذو صلة أو قرابة بالإدارة التي أساسها الاكاديميين
تبقى عملية التدخل عميقا في هذه الهياكل من قبل الوزارة مخاطرة كبرى غير مضمونة العواقب
والقرار الحكيم يقتضي التدخل الوزاري على مستوى مدراء الجامعات فحسب
على أن يتولى هؤلاء باقي المهمة ، فيقومون الهيكل بناءا على تقارير الأداء والكفاءة ثم الولاء
|
Post: #17
Title: Re: استقاله مديري الجامعات السودانيه الان.
Author: حامد عبدالله
Date: 09-19-2019, 07:52 PM
Parent: #13
قرار الاقالة لا أعتقد سيترك فراغا اداريا، تماما كما اقيل الوزراء من قبلهم
👍👏
|
Post: #18
Title: Re: استقاله مديري الجامعات السودانيه الان.
Author: Asim Ali
Date: 09-20-2019, 02:47 AM
Parent: #17
حازم زيتون🌿HaziⓂ Zaytoon
@Hazim_Husein
·
٥ س
خطاب من البروف إنتصار صغيرون وزيرة التعليم العالي والبحث العلمي الي السادة مديري الجامعات الحكومية المؤقتون كل علي حدا وذلك لترشيح مدير للجامعة.
🔥الشرط أن يكون مؤمنا بميثاق الحرية و التغيير و العدالة 😍 وألا يكون له نشاط سياسي صارخ.
#تنظيف_مفاصل_الدولة
#تحديات_الفتره_الانتقاليه
|
Post: #19
Title: Re: استقاله مديري الجامعات السودانيه الان.
Author: عبدالعظيم عثمان
Date: 09-20-2019, 07:30 AM
Parent: #18
بروف صغيرون بردت بطنا في الكيزان المطاليق
احتلوا الجامعات لا كفاءة ولا شئ
بعضهم شايل ةشهادات مضروبة
يغورو في 60 داهية
|
Post: #20
Title: Re: استقاله مديري الجامعات السودانيه الان.
Author: جمال ود القوز
Date: 09-20-2019, 07:54 AM
Parent: #19
اصلا تعيين هؤلاء لم يكن لكفاءة بل كانت بسبب ولاءات
وبعضهم تم تعيينه بي شهادات اي كلام ولا خبرة ولا كفاءة
فيستقيلوا الان احسن لانه مافي زول ماش يخليهم يقعدوا في كراسيهم
الجات عبر ولاءهم للنظام الهالك
نرجو ان يعيدوا الدكاترة التم تشريدهم رغم كفاءتهم وشهاداتهم العلمية المحترمة
|
Post: #21
Title: Re: استقاله مديري الجامعات السودانيه الان.
Author: جمال ود القوز
Date: 09-20-2019, 10:34 AM
Parent: #19
اصلا تعيين هؤلاء لم يكن لكفاءة بل كانت بسبب ولاءات
وبعضهم تم تعيينه بي شهادات اي كلام ولا خبرة ولا كفاءة
فيستقيلوا الان احسن لانه مافي زول ماش يخليهم يقعدوا في كراسيهم
الجات عبر ولاءهم للنظام الهالك
نرجو ان يعيدوا الدكاترة التم تشريدهم رغم كفاءتهم وشهاداتهم العلمية المحترمة
|
Post: #22
Title: Re: استقاله مديري الجامعات السودانيه الان.
Author: جمال ود القوز
Date: 09-20-2019, 10:39 AM
Parent: #21
up
|
Post: #23
Title: Re: استقاله مديري الجامعات السودانيه الان.
Author: دفع الله ود الأصيل
Date: 09-20-2019, 02:20 PM
Parent: #22
∆ يا جماعة الخير، رجاء كدا تعاينو للگاس من نصف
عمنا أبو داوود التحتاني (المليان). ح نلقى إنو البروفة/
انتصار سغيرون(ة) دي هبشت ثورتنا زاتا في اللحم الحي.
ربما تكون داقسة و بحسن نية و هاشمية ثورية ، و منها
ما قتل. و لكن بصرف النظر عن كون مديريها ملاحقين
بلعنة الكوزن ، فالجامعات هي (فقاسة) المصنع اللي فرخ
لينا هؤلاء الشبيبة الولعو شرارة الثورة.و نخشى بقرارها
المتعجل أن توشك الوزيرة بوضع مستقبلهم في محك
و مأذق فعلي؛ إن ام تكن قد هددت بنسفه من عروشه.
∆ ثم عمك حمدوك زاتو شكلو دقس و حذف مننا الالف
و النون و فاكر نفسو في السودان فرد شبحتن واحدة.
بالله تفگروا فيها گدا، بدون تشنج. و يديكم العافية
*ود ال ح ي ش ان اات ل ا ت ة
|
Post: #24
Title: Re: استقاله مديري الجامعات السودانيه الان.
Author: امتثال عبدالله
Date: 09-20-2019, 03:37 PM
Parent: #23
اذا كان مديري الجامعات ديل تم تعيينهم من قبل نظام اللصوص والحرامية بسبب الولاء وليس على اساس الكفاءة العلمية والعملية فليذهبوا ...ويأتي من هو أجدر وغير متملق لاي نظام .
|
Post: #26
Title: Re: استقاله مديري الجامعات السودانيه الان.
Author: امتثال عبدالله
Date: 09-20-2019, 04:54 PM
Parent: #24
وليه مدير جامعة ام درمان الإسلامية بيقول أن الوزيرة ما رسلت ليهم جواب شكر وان الطريقة التي طردتهم بها مهينة وان ذاك سبب تقديم الإستقالات ....واها الرسالة التي أوردها عاصم هنا واضحة..وهي رسالة شكر...وطلب ترشيح...
لكن نقول شنو !!! نظام اللصوص والحرامية علمهم الكضب ...
يا اخونا وين أخبار الكضاب الكبير في المجلس...اخباره مقطوعة..
|
Post: #27
Title: Re: استقاله مديري الجامعات السودانيه الان.
Author: nour tawir
Date: 09-20-2019, 05:18 PM
Parent: #26
يغوروا فى 61 داهية..
هم غير الفساد و الافساد و الجريمة, عملوا شنو تانى..
|
Post: #28
Title: Re: استقاله مديري الجامعات السودانيه الان.
Author: Asim Ali
Date: 09-20-2019, 05:54 PM
Parent: #26
| Quote: يا اخونا وين أخبار الكضاب الكبير في المجلس...اخباره مقطوعة. |
امبارح طلعت اشاعه فى صفحه اخبار الغبش انو اتعرض لمحاوله اغتيال وهجوم مسلح على بيتو
|
|