كارثة: كيف تم اختيار وزير الصناعة؟

هل القصد هو تهميش الوزارة؟ و من ثم فرملة التطور الصناعى و التكنولوجي؟
استمعت لرد السيد الوزير و لكنه رد (ما يمسك موية) .
نحن فى عهد النانو.. و IoT .. و الفضاء و الدرون.. و ال 5G.. و عربات بدون سواق
تجيبوا صحفى ليكون وزير الصناعة؟ (مع كامل الاحترام لشخصه الكريم).

جاى راجع بعد التقط الأنفاس.

سلام ابو الريش الزول دا مسك عشان ما يخلى للكيزان مصنع باسمهم والتجارة عشان الحاجات المضروبة فى السوق تذهب من غير رجعة وجيوب الكيزان ما فيها ولا ابوالنوم هههههها

"سلام ابو الريش الزول دا مسك عشان ما يخلى للكيزان مصنع باسمهم والتجارة عشان الحاجات المضروبة فى السوق تذهب من غير رجعة وجيوب الكيزان ما فيها ولا ابوالنوم هههههها"

يا صديق نحن ما نعيش داخل صندوق الكيزان..
وزير الصناعة.. زى اى وزير.. لابد تكون عنده رؤية لتطوير الصناعة بصورة تساهم فى الاقتصاد و التجارة
و هذا يفرض انه ملم و متابع لاخر تطورات التقنية فى العالم و يتعرف على مواقع الخلل و النقص و الصعوبات الفنية التى تواجه الصناعة.. و هذا يقتضي ان يكون مهندس متخصص فى اى مجال من
مجالات الهندسة .. نحن ما عينا الوزير عشان يحارب الكيزان.. عيناه عشان يطور الصناعة فى البلاد

هو الوحيد الثوري من قلب الشارع

ولما الاكاديميين بتاعين الضل البارد يسرحوا

مع مخططاتهم الباردة علي الورق يذكرهم بان

هناك جماهير غاضبة ومهضومة الحقوق واسر مكلومة بالفقد

ونازحون لاينتظرون التنظير وثوريون عايزين يشوفوا

في الكيزان مافعلوه من ضرب وقمع وقتل وانتهاكات بيوت

هل تذكر علي الحاج عنما كان وزيرا للتجارة ؟
كان وزير تجارة ومرة وزير استثمار ومرة وزير الحكم الاتحادي

"هو الوحيد الثوري من قلب الشارع
ولما الاكاديميين بتاعين الضل البارد يسرحوا
مع مخططاتهم الباردة علي الورق يذكرهم بان
هناك جماهير غاضبة ومهضومة الحقوق واسر مكلومة بالفقد
ونازحون لاينتظرون التنظير وثوريون عايزين يشوفوا
في الكيزان مافعلوه من ضرب وقمع وقتل وانتهاكات بيوت
هل تذكر علي الحاج عنما كان وزيرا للتجارة ؟
كان وزير تجارة ومرة وزير استثمار ومرة وزير الحكم الاتحادي"

دا شنو دا؟
نعم أذكر على الحاج عندما كان وزير تجارة.. الخ.. و(البروفيسور) غندور حين كان على رأس نقابات (العمال).. هل هؤلاء من تقتدون بهم
لتضعوا الرجل الغير مناسب فى المكان غير المناسب؟ اليس هؤولاء من ثرنا ضدهم .. هل تريد أن تكون مثلهم؟

تقول:
"هو الوحيد الثوري من قلب الشارع
ولما الاكاديميين بتاعين الضل البارد يسرحوا
مع مخططاتهم الباردة علي الورق يذكرهم بان
هناك جماهير غاضبة ومهضومة الحقوق واسر مكلومة بالفقد
ونازحون لاينتظرون التنظير وثوريون عايزين يشوفوا
في الكيزان مافعلوه من ضرب وقمع وقتل وانتهاكات بيوت"

دا شنو الخمج دا؟ الحكومة كلها مسؤولة (كمجموعة) عن إحقاق الحق و رد الحقوق للأسر المكلومة.
هو الوحيد الثورى من قلب الشارع؟ كيف يعنى؟ كل الشعب صباها فى القيادة حتى اخر يوم.. فى قلب الشارع الاف صبوها.. و ماتوا الشهداء..
بعدين تقصد شنو بالضل البارد؟ و التخطيط على الورق.. بس تصحيح لو تقصد كفاءات اليوم يخطون على الكمبيوتر و ليس على الورق.. أصحى يا بريش.
هل أنت ضد التخطيط فى مكاتب باردة؟ أم ضد التخطيط اساساً، و حتشغل الكمبيوتر كيف فى غرف غير مكيفة؟
بطريقتك هذه امشى طالب بقطع الكهرباء عن المكيفات فى القصر الجمهورى و مكاتب الوزراء بما فيه مكتب وزير الصناعة و التجارة.. و تأكد ان سياراتهم
الحكومية ما فيها تكييف.

مداخلتك هذه يا سيدى عبارة عن ذر الرماد فى وجه موضوع البوست، الذى يتحدث عن عدم أهلية السيد وزير الصناعة لقيادة هذه الوزارة الهامة جداً و المحورية فى تقدم السودان.

لا يا اخوي ، اقصد انحياز الثوري القادم من الشارع
ومعاركه يختلف من الوزير القادتو مؤهلاته للمنصب

"لا يا اخوي ، اقصد انحياز الثوري القادم من الشارع
ومعاركه يختلف من الوزير القادتو مؤهلاته للمنصب"

ما فهمت معليش.. الكبر وكدا.. يا ريت لو أبنت أكتر.
الان نحن فى مرحلة البناء. و هذه تحتاج كفاءات و فهم وتخطيط و تخصصات.

سلامات يا ابو الريش
بالعكس مدني عباس مدني وفيصل محمد صالح
الرهان عليهم كبير في تحقيق الأهداف المرتبطة
بالإستحقاقات السياسية ، عندنا فساد عاوز كنس
عندنا مؤسسات تابعة للنظام السابق عاوزة إعادة هيكلة
واعادتها للشعب السوداني ووزارة المالية
دي معارك سياسية وقانونية ترتبط بتنفيذ مهام الفترة الإنتقالية
كما قالت الوثيقة الدستورية
عشان كدا وزير التجارة والصناعة عليه مسؤلية كبيرة
في محاربة الكيزان المسيطرين على موارد البلد حرمنة ولصوصية
وتفكيك شركاتهم ومؤسساتهم بالقانون والأجهزة العدلية
هنا انا محتاج لي عنلصر صلبة وقوية وعندها القدرة على الصراع
والكلام دا قد لا يتوفر عند الاكاديمين الذين لا يفهمون كثيرا في صراعات السياسة

لما يجي واحد زي ابراهيم البدوي عندو علاقة بالبنك الدولي
ويري الحل في اقتصاد السوق دا مابحل مشكلتي كاحد الثوريين
في المجتمع ، وعايز اقتصادي يحقق تنمية اجتماعية وتعليم وصحة
واسيعاب الناس في مشاريع خدمة لتوظيفهم ، اي يري العنصر البشري
هو الربح الحقيقي ، وحقق تطلعات الشارع والناس الخ

دا مثال فقط ، زول عائش في امريكا وتكنوقراط ممتاز لكنه ليس ثوريا
ولم يكن في الشارع او بين الثوار .....
الثورة تحتاج انحياز وجداني وعقلاني

الحل في تقديري في فصل الوزارتين ...

ويكون الأستاذ مدني وزيرا للتجارة

ويتم اختيار وزير متخصص لوزارة الصناعة

لو أعضاء الحكومة دى قعدوا يسكوا الكيزان و يتناطحوا معاهم ما حيصلوا أى حتة.. وإحتمال دى زاتها العاوزنها الكيزان.
يخلوا موضوع الكيزان و الحكومة العميقة و الفساد لأجهزة الأمن و النائب العام و القضاء.. وهم يعملوا الشغل المفروض يعملوه.

الاستقرار يبدأ بعد تصفية مؤسسات الكيزان
جرجرة الحرامية واللصوص ديل للمحاكم
أولى مطالب الثورة
الكلام دا لا فيه إنتقام ولا إقصاء
ولكنه تطبيق لشعار الثورة حرية سلام وعدالة
ودي مطلوبات عاجلة
إذا تقاعست حكومة حمدوك في تصفية النظام القديم
وسارعت في رفع اسم السودان من لائحة الارهاب
قبل كنس الفساد وتصفية مؤسسات الإنقاذ تبقي مصيبة
وكدا يكونوا الكيزان سلكوا أمورهم بي ثورة الشعب
وسيكونوا الأكثر استفادة من تواصل السودان إقتصاديا مع العالم
إمكانيات وموارد البلد كلها لا تزال في يد الكيزان المجرمين ديل