حمدوك في زيارة واشنطن لو قدر ينفرد بي ديل زيارتو حتمسح القديم كلو

12:06 PM September, 06 2019

سودانيز اون لاين
Osman Musa-
مكتبتى
رابط مختصر

لو هو محظوظ يقابل العشرة ديل .

في اسرة امريكية صديقة للسودان من ولاية ميرلاند تتاجر مع السودان من مية واربعين سنة في حطب المهوقني . حمدوك قبل ما يسافر من الخرطوم يحاول يرتب يقابل نفر من الاسرة دي . لو هو داير يدخل للسياسة الامريكية من من ابوابها .
المهوقني حطب ارضيات . وهو اكتر سلعة مطلوبة في امريكا والاصلي
ما بقوم الا في السودان في جنوب النيل الازرق . سلعة دهب .

نفر من دي الاسرة المحبة لكل ما هو سوداني ممكن تلم حمدوك بي الشيخ هنري كسنجر .
والشيخ كسنجر هو سيدا . هنري اسمو لحاق بعيد . وحمدوك لو قدر يحنك الشيخ عينك ما تشوف
الا البيرقر . بعض الامريكان يحبوا حنك انجليزي السودان القديم .
واكيد حمدوك بي داك الحنك حيطلع في الكفر

وفي نفس ولاية ميرلاند يحاول يقابل اسرة امريكية تانية ليها ضل
في تجارة الصمغ العربي . وانفردت بي دي التجارة سنين ودنين .
برضو الاسرة دي تحب السودان حب عميق . وليها باع في معرفة بلدنا
وبرضو قريبة من ابو السياسة شيخ هنري .

ليه ما يختصرها ويمشي واشنطون (ترانزيت تل أبيب) وخلصنا
ما شياف حرفنة الدول العربية

واهم حاجة هو يكون رئيس وفد السودان في اجتماعات الجمعية العامة ويلقي خطاب السودان ، ولازم بكون خطابه قوي شديد ، ويستعين ب جهابذة السياسة والدبلوماسية في صياغة الخطاب ،،،ويؤكد فيها أن السودان الان دولة ديمقراطية ١٠٠ في الميه ، وأن القضاء السوداني أصبح مستقلا ويؤكد أن لا إرهاب في السودان ، ويطلب من الدول الغنية تقديم مساعدة مارشال للسودان وإعفاء الديون الخارجية بالكامل لان السودان بدأ عهدا جديدا ....والان الفرصة مواتية لحمدوك بمخاطبة العالم كله ....

الاخ جعفر سلامات
لو دفر ديك الجهات يكون قطع نص الطريق .
طبعا يا جعفر اصحاب الشركات القديمة عندهم كلمة في مصير اي بلد .

مرحب امتثال
كبري معانا الدعوات بالتوفيق لحمدوك والعودة المنصورة للسودان الحبيب .

بيل كلينتون برضو صاحب كلمة وممكن يقود حمدوك من يدو علي طريق مساعدات الخزينة
الماكنة وعلي شلل وحزم من الاتفاقيات الصناعية والزراعية . واهم شي الزراعية في دي المرحلة .

لازم ولازم ولازم حمدوك يجد فرصة مقابلة تلفزيونية
يتحدث فيها عن العلاقة الجديدة بين السودان وامريكا .
مقابلة في قناة من القنوات الكبيرة .التلفزيون في امريكا مهم جدا .
والواشنطن بوست . ولابد من الوقوف علي قبر بوش
وجدع كلمتين عن الراحل بوش وما قدمة من تسهيل للمساعدات
للسودان ايام كان بوش الاب وزير دفاع . اي كلمة يقولها حمدوك
في حق بوش . تعني فك كتير من العقد وانبهال كتير
من المساعدات العاجلة .

عثمان سلامات..
رئيس وزراء دولة ذات سيادة يمثل غزة و كرامة شعب بحاله.. عاوزه يتحاوم على مسؤولين سابقين؟
المرة هذه السودان لا يحتاج يتسول اموال او حتى مواقف. اقترح عليه الحديث مباشرة مع نده الرئيس
الأمريكى .. و لو قدمت له دعوة من الكونجرس ممكن يتكلم فيه. و تكون لفتة طيبة لو زار متحف الهولوكوست فى العاصمة واشنطن.. تلك المجزرة التى تعتبر وصمة عار و نقطة سوداء فى. تاريخ البشرية.
لازم يكون تقيل.. الخفة تفقده الوقار و الاحترام تبعا لذلك.

الاخ ابوالريش سلامات .
تقيل ؟ تقيل دي حركات سعوديين بس .
صدقني السودانيين بخلاف الكيزان ناس محبوبين جدا في العالم كلو .
بس سل منهم الكيزان .
دحين داير اقوليك تفتيش الرجل لي مدخل ضروري .
واكيد حمدوك قدرها وقدود . كان حضور كان توصيل رسالة . كان لغة .
بي الجد نرجو له التوفيق

التفتيش لمدخل لشنو يا اخ عثمان؟
هو عنده الباب .. و دخل البيت من بابه.. البيت الابيض. و ليس من باب النسوان.
هذا اسلوب الانقاذ.. كانوا على علاقة قوية بالابواب الخلفية بما فيها السى اى ايه..
و حتى لو فرضنا جدلا ان تكون اتصالات فهذه لا يقوم بها رئيس الدولة او رئيس الوزراء..
و انما شخصيات تتساوى بروتوكوليا مع الاطراف المستهدفة مثل الرؤساء السابقين
او مواطنين عاديين لهم معارف و علاقات. و بمناسبة تقيل فهذه صفة السودانيين التى مرغها
الانقاذيون فى التراب.

الاخ ابوالريش سلامات
ومشكور علي الكلام الواضح . لكن برضو دخلة البيت الابيض
من الكاربت الاحمر ما بتكفي .
انا قاصد ليك الدخلة المجلجلة . الانقاذ بعد الحركات البليدة كرهت الامريكان
في التعامل مع السودان . وبعد ٣٠ سنة لابد من يكون في تحضير وتعريف
بي السودان الجديد . والتعريف صدقني لو كان عبر واحد من مراكز القوة
في امريكا يكون ده المطلوب .
يعني لو بتتذكر عليك الله ارجع لي بيل كلينتون الامريكي لمان فكر يعمل
دعايتو الانتخابية استعان بي منو . عشان الشعب يعرفو .
وعشان الدعم . والله حمدوك يا اخ ابوالريش زول فيه العشم
ويستحق النجاح .

ما اختلفنا يا عثمان.. بس كل زول يتكلم مع القدرو. حمدوك ممكن يشوف سودانيين (واصلين) فى امريكا ويكلفهم بحملة دعاية للسودان.

صحيح يا ابو الريش . وكت كلامك جاب سيرة السودانيين الواصلين . شايف في بعض من اخوانا المترجمين القدام في اليونايتد نيشن نيويورك عندهم معارف قديمة بي اهل الحل . .. والله احكي ليك يا ابوالريش حكاية قديمة في عهد نميري . حكاية عن ضابط عظيم من القصر الجمهوري نميري كلفو بالقيام بواجب خدمة الضيف وزير الدفاع في داك الزمن بوش الكبير . وبعد كسحان نميري .
بعد انتفاضة ابريل . هام الضابط . وبعد سككان للتاشيرة .
العظيم لقالو فرصة تاشيرة هو واسرتو لي لندن . بعد وصول الضابط لي لندن .
الضابط اشتغل غسال صحون هو وزوجتو وولدو الكبير وتعب وملطشة بين المتروهات والبرد . بوش الكبير اخد المعاش وبعدو مسك كلينتون . في بداية عهد كلينتون صاحبنا الضابط العظيم بالصدفة في دفتر من دفاترو عتر علي كرت اداهو ليه بوش واتذكر كلام بوش ليه في سلم الطيارة وهو راجع لواشنطن . قالو : اشكرك وده كرتي الخاص لو جاربك الزمن لا تتردد في الاتصال زولنا الضابط بعد زمن طويل في زمهرير لندن اتصل بي بوش وحكالو عن ملص بردلوبة الجيش وطلب اللجو في u k والله يا ابوالريش بعد شهربن بس زولنا جاتو بالبريد سبعة ازونات عمل خضراء للعيش والاقامة في امريكا وتذاكر سفر سبعة ليه والاسرة علي الدرجة الاولي ووظيفة سيكيورتي في وزارة الدفاع بعد كورس تلاتة شهور بعد الوصول .

"ووظيفة سيكيورتي في وزارة الدفاع بعد كورس تلاتة شهور بعد الوصول "

الزول بختو يا عثمان.. من نومو و لقى كومو.

نفتش كروتنا القديمة

فتش كروت اليانكي يا زول .
امريكا هي الشركات الماكنة . وناس المعاشات المكوك مكوك واهل الاعلام وممكن بعض
الزينهورات . والروزنفيلتياب . والبنجابيناب .

وزي ما قال الكاتب الكبير تاج السر الملك : قال حمدوك شغال في مجالو .
نعم الرجل مكرب مجالو تكريب السنين . وخابر بطون عواصم العالم وجحور
التمويلات وصوالين الاتفاقيات . وعندو الكاريزما النايوليتية البتوديهو لقلوب
الناس وعندو اللغات .
وسامع عن انو بي اللغة الانجليزية بدقش لهجات اهلنا في تنزانيا دقش رهيب .

الاخ عثمان
اعتقد لا زلت تقيم الامور بأدوات الإنقاذ.. بمعنى مشكلة السودان هى التمويل.. لا يمكن مشكلة السودان ان تكون ابعد من هذا المفهوم. ابدا مشكلة السودان ليست التمويل و القروش.. خالص.

الانقاذ فكرت تدمر وتكتل وتسرق بس يا ابوالريش .
الانقاذ ما قيمت شي .
الانقاذ اشتغلت بي سجن فلان وخراب بيت علان
والسرقة وبيع اي مكان .