Post: #1
Title: لماذا لا تدعمنا الدول الافريقية في النكبات؟
Author: عمر التاج
Date: 09-05-2019, 05:27 AM
وصلت السودان حتى الان تلاتة او اربعة جسور جوية من:
الامارات ..السعودية ..قطر ..والكويت ..
وعند توقيع اتفاقية الدستور حضر أربعة رؤساء أفارقة شهودا على الاتفاق
بينما كان تمثيل الدول العربية على مستوى الوزراء فقط
السؤال: اين الدول الافريقية من مأساة فيضانات السودان؟
(بتصرف للنقاش فقط)
في خيارات؟
طبعا في؛ جهزوا حالكم ويمكنكم كتابة رقم الإجابة اذا بتردوا:
١- الدول العربية غنية والافريقية مفلسة..
٢- الرؤساء الافارقة فاضيين والعرب مشغولين
٣- البعض يستثمر في الأفراح والآخر في النكبات.
٤- واحدين ناس دين واحدين ناس دنيا
( وبينهما ناس مصالح وانسانية)
٥- أخرى (تذكر)
|
Post: #2
Title: Re: لماذا لا تدعمنا الدول الافريقية في النكبا
Author: adil amin
Date: 09-05-2019, 10:47 AM
Parent: #1
في نكبة اكبر من الاخوان المسلمين انقلاب 1989 والانقلابات ضعيت السودان والقزميين العرب ...انقلاب 1969
هذه الدول لها مصالح ضيقة في السودان وتاتي باسوا سياسيين في السودان في المركز وتدعمهم وتنهب موارد السودان عبرهم
افريقيا تاتي بالمشاريع السياسية التخليك زيهم توظف مواردك وما تبقى شحاد ذى البشير ومصطفي عثمان اسماعيل
300 طن ذهل مشت وين هربت الي الاماراات
اين عائدات نفط السودان من 1998 -2018؟
الحبشة ساعدتك بي اتفاقية اديس ابابا والحكم الاقليمي اللامركزي وافشلها الساقط الترابي و الفاشل الصادق المهدي
كينيا ساعدتك بي اتفاقية نفياشا اجضها النظام ومت يعارضونه من ناس مايو 1969
انت الانجليز عملوك دولة وقفوك علي حيلك الخلاك تهرول مصر السيئة دي شنو وتجي تخرب بلدك بي مشاريعا الفالصو والانقلابات
زح من العرب بتوعي وتشوف دربك الرايح من بعد الاستقلال وحدي الليلة
السودان الدولة الاغنى موارد في افريقيا والعالم وثاتي احتياط ذهب
شوف ليه الذهب ده ما قاعد في البنك المركزي والعملة الحرة ايضا قاعدة بيوت الناس او بنوك الخليج ومصر وتركيا ليه ؟؟
https://up.top4top.net/
|
Post: #3
Title: Re: لماذا لا تدعمنا الدول الافريقية في النكبا
Author: يحي قباني
Date: 09-05-2019, 10:55 AM
Parent: #2
مش لما نقتنع اول اننا أفارقه ما عرب 😏
|
Post: #4
Title: Re: لماذا لا تدعمنا الدول الافريقية في النكبا
Author: adil amin
Date: 09-05-2019, 11:04 AM
Parent: #3
| Quote: مش لما نقتنع اول اننا أفارقه ما عرب 😏 |
شوف كمان بتاع امة الامجاد ,,,ومايو 1969 ....هسة بقت امة الركشة يا يحي قباني ...هذه ازمة انقلاب 1969 وبعاعيت ق ح ت الما عيازين يفكونا من العلم القبيح ده لحدي هسة
نقتنع اننا سودانيين فقط ودقة المصطلحات مطلوبة توجد دول عربية افريقية ايضا
تصنيف عرب افارقة ما جايب حقو برضو
سودانيين فقط وبي مشاريعنا السودانية البتجي بي صناديق الاقتراع فقط
|
Post: #5
Title: Re: لماذا لا تدعمنا الدول الافريقية في النكبا
Author: HAIDER ALZAIN
Date: 09-05-2019, 11:12 AM
Parent: #1
Quote: ١- الدول العربية غنية والافريقية مفلسة..
٢- الرؤساء الافارقة فاضيين والعرب مشغولين
٣- البعض يستثمر في الأفراح والآخر في النكبات.
٤- واحدين ناس دين واحدين ناس دنيا
( وبينهما ناس مصالح وانسانية)
٥- أخرى (تذكر) |
للاستفسار الأول الإجابة رقم ( 1 )
وللاستفسار التاني الاجابة رقم ( 2 ) ..
وللسؤال
الاجابة تقع بجوار المأساة وليست بعيدة عنها ...
التحيات والمودة
ياحبيب ..
|
Post: #6
Title: Re: لماذا لا تدعمنا الدول الافريقية في النكبا
Author: مدثر صديق
Date: 09-05-2019, 11:32 AM
Parent: #5
سلام
| Quote: كينيا ساعدتك بي اتفاقية نفياشا |
الا تكون ساعدت بالمكان ...جون دانفورث الامريكي ...هو من قام بكل شئ ...يمكن مراجعة مذكرات جون دانفورث .........
|
Post: #7
Title: Re: لماذا لا تدعمنا الدول الافريقية في النكبا
Author: عبداللطيف حسن علي
Date: 09-05-2019, 12:00 PM
Parent: #6
اسال الازهري واللوبي القديم
من الزمن داك بدلا عن افضل الافارقة لاسوا العرب
|
Post: #8
Title: Re: لماذا لا تدعمنا الدول الافريقية في النكبا
Author: Abureesh
Date: 09-05-2019, 12:11 PM
Parent: #6
مساعدة افريقيا يجب ان تقدر و لا تبخس الناس أشياءهم.
لو مجهودات آبى أحمد المكوكية لما تنازل العسكر عن الحكم المطلق. و السودانيون وقفوا و صفقوا لابى أحمد و لم يصفقوا لرئيس الوزراء المصرى.
ما أنجزه ابى احمد اكبر و اكثر قيمة للسودان من ال 3 مليار التى تبرع بها العرب .
|
Post: #9
Title: Re: لماذا لا تدعمنا الدول الافريقية في النكبا
Author: عمر التاج
Date: 09-05-2019, 12:28 PM
Parent: #8
مرحبا بالاخوة المتداخلين..
ولنبدا بالاخ عادل،
Quote: هذه الدول لها مصالح ضيقة في السودان وتاتي باسوا سياسيين في السودان في المركز وتدعمهم وتنهب موارد السودان عبرهم
افريقيا تاتي بالمشاريع السياسية التخليك زيهم توظف مواردك وما تبقى شحاد ذى البشير ومصطفي عثمان اسماعيل |
إذا افترضنا جدلا بصحة المقطع الأول من الاقتباس اعلاه
فهل يحق لنا أن نسأل عن أسماء المشاريع التي قدمتها أفريقيا للسودان..
لا ننكر جهود إثيوبيا وكينيا في اتفاقيتي مشاكوس والحكومة الانتقالية الحالية،
ولكن علينا فرز جهود الاتحاد الأفريقي من هذه الاتفاقات من جهود الدول المستضيفة.
وعلينا الإقرار بأن الدولتين تحتلان مناطق سودانية حدودية في وقت دعمهما لكلا الاتفاقين.
|
|