Post: #1
Title: لماذا لم يمثل الشرق لا في السيادي ولا في حكومة حمدوك؟؟؟
Author: بلال الطاهر
Date: 09-03-2019, 06:42 PM
Parent: #0
06:42 PM September, 03 2019 سودانيز اون لاين
بلال الطاهر-Sudan
مكتبتى
رابط مختصر
هل هو إنكار لدور ثوار الشرق .....
أم إنه إستمرار لدورة التهميش الخبيثة؟
وهل يعقل أن الشرق يخلو من الكفاءات؟؟؟؟
|
Post: #2
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-03-2019, 06:59 PM
Parent: #1
إنه من أهم الأقاليم , ومن أخطرها لو تفجرت فيه الأوضاع
إنه يرقد علي نار ملتهبة, فالأقضل تداركه قبل فوات الأوان
لا إقتصاد بلا أمن, ولا أمن بلا عدالة!
|
Post: #3
Title: Re: لماذا لم يمثل الشرق لا في السيادي ولا في ح�
Author: صديق مهدى على
Date: 09-03-2019, 07:09 PM
Parent: #2
هوى يا بتاع موسى محمد احمد يا كيزان انتم لا تمثلون الشرق فالشرق له اهله الذين يمثلونه وهم موجودون اما قصة الشرق ملتهب فاليتهب ههههها الخصة وطن ودى فترة انتقالية من اراد ان يحكم
فالانتخابات النزيهة فى الطريق كر يا جداد
|
Post: #4
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-03-2019, 07:13 PM
Parent: #3
Quote: هوى يا بتاع موسى محمد احمد يا كيزان انتم لا تمثلون الشرق فالشرق له اهله الذين يمثلونه وهم موجودون اما قصة الشرق ملتهب فاليتهب ههههها الخصة وطن ودى فترة انتقالية من اراد ان يحكم
فالانتخابات النزيهة فى الطريق كر يا جداد |
|
Post: #5
Title: Re: لماذا لم يمثل الشرق لا في السيادي ولا في ح�
Author: اسماعيل عبد الله محمد
Date: 09-03-2019, 07:21 PM
Parent: #4
سلام عليك اخي بلال
الشرق إقليم بمقومات دولة. و هو يحتل أهم منفذ بحري بالنسبة للسودان.
|
Post: #6
Title: Re: لماذا لم يمثل الشرق لا في السيادي ولا في ح�
Author: كمال عباس
Date: 09-03-2019, 07:24 PM
Parent: #4
حسن شيخ إدريس عضو مجلس السبادة -شرق السودان
وكان عضوا باخر جمعية تأسيسية في الحكم الديموقراطية. عن احد ودوا ئر كسلا !
|
Post: #7
Title: Re: لماذا لم يمثل الشرق لا في السيادي ولا في ح�
Author: زهير عثمان حمد
Date: 09-03-2019, 07:34 PM
Parent: #6
لك الشكرأخي كمال عباس
اعلم هذا الذي لا يعرف حتي اهل الشرق من هم واين كانوا ومن أين تحدروا أظنه بيعتبر كل الاقليم بني عامر فقط
|
Post: #8
Title: Re: لماذا لم يمثل الشرق لا في السيادي ولا في ح�
Author: أبوبكر عباس
Date: 09-03-2019, 08:11 PM
Parent: #7
وكمان حسن شيخ إدريس خال هاشم الحسن أدروب،
ورب المجرات تقولوا ليهو ما بمثل الشرق؛
يجي يردمكم جنس ردم نسب
لامن تقولوا الروب وتشتاقوا لعادل أمين
بعدين لو الشرق ما ممثل؛
آمنة مختار كانت خلتنا قعدنا في الواطة؟!
بس نحنا جلابة شندي دي المساكين
ما عندنا في المجلس غير برهان!!
|
Post: #9
Title: Re: لماذا لم يمثل الشرق لا في السيادي ولا في ح�
Author: جلالدونا
Date: 09-03-2019, 08:34 PM
Parent: #8
Quote: وكمان حسن شيخ إدريس خال هاشم الحسن أدروب،
ورب المجرات تقولوا ليهو ما بمثل الشرق؛
يجي يردمكم جنس ردم نسب
لامن تقولوا الروب وتشتاقوا لعادل أمين
بعدين لو الشرق ما ممثل؛
آمنة مختار كانت خلتنا قعدنا في الواطة؟!
بس نحنا جلابة شندي دي المساكين
ما عندنا في المجلس غير برهان!! |
شوف يا حفيد الهكسوس
برضو نحنا جلابة الشايقية و اهل الشمال
شمومة القدحة ما عندنا
انتو عندكم برهان و العطا
نحنا تراجى اكرمتنا بى تسجيل
|
Post: #10
Title: Re: لماذا لم يمثل الشرق لا في السيادي ولا في ح�
Author: عبداللطيف حسن علي
Date: 09-03-2019, 08:38 PM
Parent: #8
Quote: وكمان حسن شيخ إدريس خال هاشم الحسن أدروب،
ورب المجرات تقولوا ليهو ما بمثل الشرق؛
يجي يردمكم جنس ردم نسب
لامن تقولوا الروب وتشتاقوا لعادل أمين |
مش كان احسن هاشم بدل خالو !
المهم هاشم دا تاني ما حيدقا هنا
لانو حاليا جزء من السلطة او السلطة ذاتا ....
ثقافتو الزمان ديك مابتنفعوا تاني هههه
(المعرفة والسلطة !)
شكرا كمال القمت الطاهر حجر اصلا بحب الدغمسة
|
Post: #11
Title: Re: لماذا لم يمثل الشرق لا في السيادي ولا في ح�
Author: Salah Zubeir
Date: 09-03-2019, 08:39 PM
Parent: #8
Quote: بس نحنا جلابة شندي دي المساكين
ما عندنا في المجلس غير برهان!! |
8 غرابا
١ شرقاوي
١ جلابي
١ ده خرطوميه ...
الدال صفر بشار وصاحبي سمعه خايفين من
الجلابي الواحد دا يقوم يدقس ال ٨ غرابا ...
بكور ياخي بركه الفكو أسرك بعد رمضان والعيدين ..
|
Post: #18
Title: Re: لماذا لم يمثل الشرق لا في السيادي ولا في ح�
Author: د. بشار صقر
Date: 09-03-2019, 09:01 PM
Parent: #11
يا صلاح
من سنة ستة وخمسين...
الجماعة ما دايرين يفكو الشطر....!
الفطام سنتين بس ياخ!
وقالوا الطمع ودر ما جمع....
خليهم ينزلوا من برج الهيمنة
و يقعدوا مع جميع شعوب
السودان في الواطا ليقرروا
مصير الوطن معا....
بخصوص شرقنا الحبيب
اصلا ليه يجيبوا واحد يمثل الشرق....
اهل الشرق براهم يجيبوا ناسهم...
في امريكا بلد الديمقراطية
ذاتا كل ولاية بجيب ناسها....
|
Post: #12
Title: Re: لماذا لم يمثل الشرق لا في السيادي ولا في ح�
Author: علي عبدالوهاب عثمان
Date: 09-03-2019, 08:39 PM
Parent: #8
حبيبنا ابوبكر .. المستنير .. عودا حميدا
أول مرة حكومة خالية من جلابة (دنقلا)
معقول ياجماعة 11 ما في واحد دنقلاوي
أول مرة منذ ملوك كوش ( هههه )
شفتوا كيف التهميش .. كلهم في كوبر .. يستاهلوا
حبيبنا بلال تحياتي ناس الشرق أهلنا أحلى ناس
نحبكم كثير عشان كمان في شبه بيننا لدرجة التطابق
|
Post: #13
Title: Re: لماذا لم يمثل الشرق لا في السيادي ولا في ح�
Author: علي عبدالوهاب عثمان
Date: 09-03-2019, 08:39 PM
Parent: #8
حبيبنا ابوبكر .. المستنير .. عودا حميدا
أول مرة حكومة خالية من جلابة (دنقلا)
معقول ياجماعة 11 ما في واحد دنقلاوي
أول مرة منذ ملوك كوش ( هههه )
شفتوا كيف التهميش .. كلهم في كوبر .. يستاهلوا
حبيبنا بلال تحياتي ناس الشرق أهلنا أحلى ناس
نحبكم كثير عشان كمان في شبه بيننا لدرجة التطابق
|
Post: #14
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-03-2019, 08:41 PM
Parent: #8
Quote: ورب المجرات تقولوا ليهو ما بمثل الشرق؛
يجي يردمكم جنس ردم نسب |
حسن شيخ إدريس, لا غبار عليه, صحيح أنه من أبناء كسلا
ولكنه ليس من غمار أهل الشرق, وزي زي أوباما إمريكا, ما رطاني, وما عاش كتير في الشرق
معقول ما لقوا ولا واحد بجاوي غيره كامل الدسم!
|
Post: #15
Title: Re: لماذا لم يمثل الشرق لا في السيادي ولا في ح�
Author: عبداللطيف حسن علي
Date: 09-03-2019, 08:51 PM
Parent: #14
لغة العلوم هي اللاتينية (المصطلحات)
لانها محايدة
ولانها معبرة
ولغة العلم نفسها صارمة ومحددة
لانها تتبع نماذج محكمة
اما في الحقل الاجتماعي عندما نقول كفاءات علمية
لايمكن فهمها الا في اطار قبلي
وبما ان عدد القبائل خيالي في السودان لايمكن ارضاء
عقليات امثال الطاهر وسمعة
عنزة ولو طارت
لهذا الاسباب ابتعد الجلابة حتي يلحق الاخرون بموضوعية الحقيقة
|
Post: #16
Title: Re: لماذا لم يمثل الشرق لا في السيادي ولا في ح�
Author: كمال عباس
Date: 09-03-2019, 08:56 PM
Parent: #14
حسن شيخ إدريس من شرق السودان وقد اختارته كسلا ممثلا لها في اخر برلمان ديموقراطي !عقلية لو طارت عنزة. عقلية بيزنطية وغير منتجة !معقول الاختيار يكون بال DNA ؟وبالطلاقة في الرطانة ؟علما بان لفظ رطانًة. لفظ قاصر وسالب هي ليست رطانة وإنما هي لغات !
* بدأ البوست عن نفي وحود عضو بالسيادي من شرق السودان مطلقا !
وعن عدم وحود وزير بمجلس الوزراء من الشرق علما بان الوزراءلم يتم تعينهم رسميا ولم يعلنوا !
|
Post: #17
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-03-2019, 08:57 PM
Parent: #14
| Quote: علم هذا الذي لا يعرف حتي اهل الشرق من هم واين كانوا ومن أين تحدروا أظنه بيعتبر كل الاقليم بني عامر فقط |
صدقني يا زهير كل رد هنا يكشف لي عقليه صاحبه
وأنت هنا تهرف بما لا تعرف...لا عني ولا عن الشرق
ومن وين ليك أنا بعتبر كل الإقليم بني عامر, ولا قصدك أنا بني عمراوي
تفكيرك الإنطباعي يقول عنك الكثير يا صحفي مرموق!
|
Post: #19
Title: Re: لماذا لم يمثل الشرق لا في السيادي ولا في ح�
Author: muntasir
Date: 09-03-2019, 09:10 PM
Parent: #17
يا زندقة صدق انا قايل نجلاء عبدالمسيح من عندكم
|
Post: #20
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-03-2019, 09:12 PM
Parent: #17
لا ادري لماذا يفشل دائما أهل المركز في فهم مطالب الهامش
ولهذا يكررون نفس الأخطاء.....
ويستوي في ذلك حكم العسكر أو الأحزاب!
جاهل من يعتقد أنه يمكن بناء دولة بتجاوز المناطقية وأهلها
وتعيين أشخاص يمثلون الإقليم من خارجه, يعد ظلما ووصاية وإستهتار
|
Post: #21
Title: Re: لماذا لم يمثل الشرق لا في السيادي ولا في ح�
Author: جمال ود القوز
Date: 09-03-2019, 09:21 PM
Parent: #20
Quote: 8 غرابا
١ شرقاوي
١ جلابي |
يا يدونا ممثل للاقليم الشمالي يا نحن حننفصل ... 
|
Post: #22
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-03-2019, 09:30 PM
Parent: #20
| Quote: حسن شيخ إدريس من شرق السودان وقد اختارته كسلا ممثلا لها في اخر برلمان ديموقراطي ! |
تفتكره يا كمال لو ما كان نزل في كسلا الغربية كان حيفوز
ده منطقة تركز أهلنا من الغرب, وطبيعي يفوزوه لأنه حزب أمة
|
Post: #23
Title: Re: لماذا لم يمثل الشرق لا في السيادي ولا في ح�
Author: كمال عباس
Date: 09-03-2019, 09:33 PM
Parent: #20
دا جدل
غير منتج !
أثبتنا ان هناك عضو في مجلس السيادة من شرق السودان بل وأن أهل كسلا وشرق السودان سبق ان انتخبوه نائباً عنهم يفاخر برلمان ديموقراطي ! ولم يقم أهل كسلا وقتها باشتراط اجتيازه
DNA
هل يتصف شيخ ادريس بطول القامة وكثافة الشعر وإجادة صنع القهوة وشربها لا نعلم ولكن ربما كان من الضروري إخضاعه اختبار يقوم به بلال الطاهر !
*الغريبة ان اكثر العناصر. تشبثا بالعصبية القبلية والجهوية في جانبها السالب خلفيتهم اسلاموية !
|
Post: #25
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-03-2019, 10:28 PM
Parent: #23
بلاش أحكام ونعوت فارغة يا كمال, أفهم الموضوع بعدين رد, يبدو أنك تكتب وتقرأ لنفسك
من أكبر الأوهام التي أذاعها اليساريون هو الحط من الإنتماء القبيلي والمناطقي
وظن كثير من مثقفاتيتهم أن المتغير الآيدلوجي يمكن أن يلغي الثابت القبلي نهائيا
فإن الإستهانة بروابط المناطقية واللغة لا يخلق إلا واقعا مزيفا ومجتمعا مشوها
صحيح أنه بالثقافة أو الآيدلوجية أو الدين يمكن للإنسان أن يسموا فوق الإنتماء المناطقي
ولكن لا يعني ذلك نسلب الناس مناطقهم وحقوقهم الملكية لتؤول لغيرهم!
لا أعرف لماذا يستفيد حمدوك من تجربة إثيوبيا, وقد عاش فيها فترة طويلة
حيث لم تنعم بالسلام والديموقراطية إلا حينما إعتمدت الفدرالية علي أساس مناطقي
هذا من طبيعة الأمور, ولهذا تجد حتي الأوروبيين ما زال يتشبثون بقوميتهم!
|
Post: #24
Title: Re: لماذا لم يمثل الشرق لا في السيادي ولا في ح�
Author: Salah Zubeir
Date: 09-03-2019, 09:57 PM
Parent: #17
يا بشار ... تحية طيبة ..
Quote: من سنة ستة وخمسين...
الجماعة ما دايرين يفكو الشطر....! |
كويس استبدلتا كلمة جلابة بي الجماعة
ودا تقدم جيد نتمني يستمر للأفضل ...
Quote: الفطام سنتين بس ياخ!
وقالوا الطمع ودر ما جمع....
خليهم ينزلوا من برج الهيمنة
و يقعدوا مع جميع شعوب
السودان في الواطا ليقرروا
مصير الوطن معا.... |
يا بشار جرت ٣ انتخابات ديمقراطية نزيهة
في السودان منذ الاستقلال لم نري فيها غرابي
واحد تقدم صفوف حزبه عشان يبقي رئيس
السودان ... أها الطموح الزي دا نشتري ليكم
من السوق ..
الجلابة كانو مجبرين لتقدم الصفوف في تلك
الأزمان لأنو أصلا لم تقم حركات سياسية
يعتد بها ومستقلة عن أحزاب الجلابة في
دارفور ومناطق المهمشين الاخري ...
ويا خوفي بعد الفترة الانتقالية ترجعو تاني
وتنضمو لي حزب سيدي الإمام وخليفتي
الميرغني ... اعملوا علي إنتاج أحزاب قومية
تكون مستقلة ينضم ليها كل أبناء السودان
وتعالوا خوضو الإنتخابات بي برنامج قومي
يبشر بي سودان جديد بعيد عن الجهوية والعنصرية
وإن شاء الله نتمني ليكم النجاح ......
وياهو دا درب الديمقراطية الحا يودي البلد
لي قدام ... وابقو قدر التحدي ...
Quote: بخصوص شرقنا الحبيب
اصلا ليه يجيبوا واحد يمثل الشرق....
اهل الشرق براهم يجيبوا ناسهم...
في امريكا بلد الديمقراطية
ذاتا كل ولاية بجيب ناسها.... |
الكلام دا حا يحصل في وجود انتخابات
حرة ونزيهة فقط ... ما يحصل الآن هي
فترة انتقالية بي مهمات محددة من ضمنها
تجهيز البلد للإنتخابات ... ومن المفروض
أن تدير هذه الفترة كفاءات ولا يمكن القبول
بأي محاصصات وندينها إذا حصلت ...
|
Post: #26
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-03-2019, 10:42 PM
Parent: #24
Quote: ما يحصل الآن هي فترة انتقالية بي مهمات محددة من ضمنها
تجهيز البلد للإنتخابات ... |
وليه تكون الفترة الإنتقالية حكر علي مناطق معينة يا الزبير
إنت عارف أهم مرحلة في تأسيس الدولة هي الفترة الإنتقالية
ونفس كلامك ده قالوا مرسي وجماعتو في مصر
وكانو دايرين يعملوا الدستور والطيخة براهم ....
مع أنه هو وبرلمانه كان منتخب, لكن برضو لحقوه أمات طه
قول كلام غيره يا أخوي
|
Post: #27
Title: Re: لماذا لم يمثل الشرق لا في السيادي ولا في ح�
Author: AMNA MUKHTAR
Date: 09-03-2019, 10:49 PM
Parent: #1
Quote: بعدين لو الشرق ما ممثل؛
آمنة مختار كانت خلتنا قعدنا في الواطة؟! |
😂😁
|
Post: #28
Title: Re: لماذا لم يمثل الشرق لا في السيادي ولا في ح�
Author: AMNA MUKHTAR
Date: 09-03-2019, 11:10 PM
Parent: #1
زهير الصحفي النقلتي.. الما بيعرف الهمزة من الواو الضكر .
طبعا إنت فاكرني بني عامراوية.. علشان كدا مداخلتك العنصرية ضد أهلنا البني عامر دي كانت مقصودة..بعد طردتك من صفحتي في فيسبوك.
خاب فألك.. ومعلوماتك غلط.. راجعها وأعد 😂
وهي غلط برضه زي كضباتك الأخرى الكتبتها عني.. وإنت أساسا ما بتعرف عني حاجة.
وعليك أن تعتذر للبني عامر فورا.. بل لكل مكونات الشرق.
فمداخلتك هنا مسيئة للشرق بكل مكوناته ..يا عبيط الأسافير.
ووكت ما شفنا وقفتك في فتنة بورتسودان.. فأحسن تنطم.
يا نقلتي.. يا إفرازات صحافة عهد الكيزان وعدم اهتمامهم بالمهنية وإجادة لغة الصحافة.
وبنصحك تطور نفسك ولغتك وتصقل أدواتك...
هريتنا بالبوستات الركيكة..الكاتبها إنت.
وشايفاك فرحت أيام الثورة لما دخلت ليك بوستين وأضفت حاجات.
ولكن أنا بتعامل مع البوستات كموضوع.. ما كشخوص.. فبالتالي بدخل أي بوست لو لقيت عندي إضافة مهمة..
خاصة أن بوستاتك هي ما بوستاتك.. ولكنها مقالات وآراء منقولة عن آخرين كالعااادة.
مفهوم ؟
|
Post: #29
Title: Re: لماذا لم يمثل الشرق لا في السيادي ولا في ح�
Author: كمال عباس
Date: 09-04-2019, 00:00 AM
Parent: #28
كتب الأخ بلال الطاهر
. Quote:
بلاش أحكام ونعوت فارغة يا كمال, أفهم الموضوع بعدين رد, يبدو أنك تكتب وتقرأ لنفسك
من أكبر الأوهام التي أذاعها اليساريون هو الحط من الإنتماء القبيلي والمناطقي
وظن كثير من مثقفاتيتهم أن المتغير الآيدلوجي يمكن أن يلغي الثابت القبلي نهائيا
فإن الإستهانة بروابط المناطقية واللغة لا يخلق إلا واقعا مزيفا ومجتمعا مشوها |
التنوع العرقي ( والجهوي واللغوي والثقافي والديني ) واقع نعترف به ونقره وندعو لإحترامهوالنص علي ذلك تشريعيا !
* ولكن ماذا نفعل مع عقلية تُسمي لغات القوميات السودانية بالرطانة ! نعم بلال الطاهر يطلق علي -لغة - لغات قومية البجا بالرطانة !
- * تكوين مجلس السيادة راعي رمزية التنوع الجهوي والإقاليم الرئسية ومثلها في مجلس السيادة .. - أما التمثيل القبلي وفحص ال DNA لمعرفة إن كان شخص ما ينتمي عرقيا لإقليم ما فهذا طرح غريب ! وإغراق في التعسف !
تجد شايقي هجر أجداده نوري - منذ العهد التركي - لكسلا مجاورة للختمية وتزاوجوا جدوده من سكان كسلا وأكتسبوا ثقافاتها وعادتها ولم يعود لهم إنتماء غيرها ليأتينا في آخر الزمن من - يرفض أن يمثل بعضهم مثلا سنكات أوكسلا بدعوي أنهم ليسوا ببجا!
ماهذا الإنغلاق والشيفونية !
* يفعل بلال الطاهر ويدافع بكل أريحية بإقحام جيوشنا وأولادنا في عاصفة الحزم بدعويحماية الحرميين !
* شرق السودان ليس قوقعة مغلقة وإنما - بوقة للتلاقح والتعايش - والتمازج - تمازج البجا بالأكراد والإترا ك والزبيدية والحضر والحضارمة وأهل غرب السودان وأأقصي شمال سودان - وبالتالي البحث عن نقاء عرقي في كسلا
أو بورتسودان وحلفا الجديد أمر بالغ الصعوبة وتمثيل الشرق علي أساس ال DNA والدم تعسف وتعصب لامحل له في عصرنا هذا !
|
Post: #30
Title: Re: لماذا لم يمثل الشرق لا في السيادي ولا في ح�
Author: النذير حجازي
Date: 09-04-2019, 00:56 AM
Parent: #29
سلام يا حبيبنا بلال،
المجلس العسكري ما محسوب، و أيضا لا يوجد في المجلس السيادي المدني ولا واحد من شمال السودان، واتفق معك بوجوب الحكم في السودان ان يكون نظام فيدرالي، وهذا لا يتم إلا بعد كتابة الدستور وزي ما بقولوا الخليجيين الناس ما تستعجل على رزقها
|
Post: #31
Title: Re: لماذا لم يمثل الشرق لا في السيادي ولا في ح�
Author: Ali Abdalla Hassan
Date: 09-04-2019, 02:41 AM
Parent: #30
الشرق كان هاشم بامكار ولا بلاش
|
Post: #32
Title: Re: لماذا لم يمثل الشرق لا في السيادي ولا في ح�
Author: Mahjob Abdalla
Date: 09-04-2019, 03:23 AM
Parent: #31
Quote:
8 غرابا
١ شرقاوي
١ جلابي
١ ده خرطوميه ... |
من البداية قلنا اعملوها محاصصة اقليمية بالتساوى و ان الله يحب المحسنين
قلتو لا او باركتوها بكل مخجوجة. الان بتستخدمو نفس الشئ كحيلة مضادة.
عيب يا ناس.
|
Post: #33
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-04-2019, 03:45 AM
Parent: #32
| Quote: يرفض أن يمثل بعضهم مثلا سنكات أوكسلا بدعوي أنهم ليسوا ببجا! |
لعلك إنت كمان من سكان كسلا, هجرت منطقتك, وكمان وجدي صالح من حلفا الجديدة
خلاص ألغوا المكون البجاوي ومثلوا الشرق, لانه أرض بلا شعب!
وبالمرة كمان ناس نوبة الجبال وعبد العزيز الحلو ينزلوا السلاح, لأنه حمدوك من جنوب كردفان
ده نفس منطق جدادة الخلا الطردت جدادة البيت...يا لك مقزز!
صدقوني والله والله إنتو بتلعبوا بالنار, وتحركوا في الناس أسوأ ما فيهم!
|
Post: #34
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-04-2019, 03:54 AM
Parent: #33
| Quote: المجلس العسكري ما محسوب، و أيضا لا يوجد في المجلس السيادي المدني ولا واحد من شمال السودان |
يا راجل, والله بالغت يا النزير, مفروض تخجل علي كلامك ده| Quote: وهذا لا يتم إلا بعد كتابة الدستور وزي ما بقولوا الخليجيين الناس ما تستعجل على رزقها |
وبأي حق إنتوا تخول لنفسكم حق تقسيم الأرزاق......
وهل بقية الأطراف ضيوف عندكم عشان ينتظروا الفتات
والله كلام غريب!
|
Post: #35
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-04-2019, 04:09 AM
Parent: #34
| Quote: أول مرة حكومة خالية من جلابة (دنقلا) |
يا علي عبد الوهاب بختكم لأنكم من الترف بقيتو بالناقص تحتجوا علي عدم تمثيل جلابة دنقلا
وكمان أبوبكر عباس برضو يحتج علي أن جلابة شندي ما عندهم غير البرهان رئيس المجلس
بصراحة ظلمنا الإنجليز, ما كنا نظن في عقلية الإستعمارية زيهم
لكن من الواضح عندنا أكتر منهم داخل سوداننا!
|
Post: #36
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-04-2019, 04:16 AM
Parent: #35
إسماعيل
جلادونا
عبد اللطيف
صلاح زهير
دكتور بشار
محجوب عبد الله
شكرا لكم
|
Post: #37
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-04-2019, 04:23 AM
Parent: #36
الأستاذة آمنة مختار ألف مراحب
|
Post: #38
Title: Re: لماذا لم يمثل الشرق لا في السيادي ولا في ح�
Author: زهير عثمان حمد
Date: 09-04-2019, 07:21 AM
Parent: #28
الاخت أمنه مختار
في البداية السلام
أود أن أقول لك غباء المتعلم ليس منقصة في عالم اليوم وجهلي باللغة العربية ليس عيبا خطير أحمدالله أن لي قرأء كثر والنقل سيدتي جزء أصيل من الاستنارة وأنا لم أتعرض لشخص بأي نوع من التجريح ولاالاساءة لأهلنا من البني عامر
لا أعلم أين أتي كل هذا الغضب وفي نهاية الامر لا أملك أنا أقول الحمدلله علي كل شيء
ولن أدعي العلم وأنت بحرالعلوم بيننا
ولن لم أفرح أبدا بنص منقول هنا بالمنبر ولكني فرح بأني صديقي لكوكبة من الاعضاءهنا فقط
وأحمدالله علي أني ليس صاحب خصومة مع أحد لضعفي وقلة حيلتي وأرجو تكون لغة الخطاب التي تكتب مع رجل كبير في سني أكثرواعيا مما ورد منك
أكررليس يننا خصومة أو خلاف وخرجت من صحفتك في الفيس بكل أدب أرجو أن يكون التعامل بنفس الادب الذي هوسلوك الحر والحرة
ولك أعتذري لو كنت قد فعلت شئيا يستحق الاعتذار تجاه شخصك الكريم
ولكن الغباءوجهل اللغة وهذا قدري من حقي كأنسان يعيش في الارض
|
Post: #39
Title: Re: لماذا لم يمثل الشرق لا في السيادي ولا في ح�
Author: عمر نملة
Date: 09-04-2019, 07:28 AM
Parent: #38
سلام
آمنة مختار... العهد بك رجاحة العقل والاستماتة من أجل العدل
بعد طردتك من صفحتي في فيسبوك.
من حقك تضيفي وتطردي زي ما انت عاوزه.. وليس من حقك التشهير بمن
طردتي..
|
Post: #40
Title: Re: لماذا لم يمثل الشرق لا في السيادي ولا في ح�
Author: محمد على طه الملك
Date: 09-04-2019, 08:16 AM
Parent: #39
سلامات يا بلال ..
عنك فكرة نظارة الهدندة كانت في ياتو بيت قبل الناظر محمد الأمين ترك؟
|
Post: #41
Title: Re: لماذا لم يمثل الشرق لا في السيادي ولا في ح�
Author: زهير حيدر صديق
Date: 09-04-2019, 08:38 AM
Parent: #40
سن شيخ إدريس, لا غبار عليه, صحيح أنه من أبناء كسلا
ولكنه ليس من غمار أهل الشرق, وزي زي أوباما إمريكا, ما رطاني, وما عاش كتير في الشرق
معقول ما لقوا ولا واحد بجاوي غيره كامل الدسم!
----------------
الواحد لما يكون عايز يغالط وبس
كدي في الأول اعتذر عن عنوانك المغلوط
ما رطاني؟
لو جابو هدندوي حتقول ليه ما بني عامر
|
Post: #42
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-04-2019, 02:01 PM
Parent: #41
مولانا ود الملك مراحب| Quote: عنك فكرة نظارة الهدندة كانت في ياتو بيت قبل الناظر محمد الأمين ترك؟ |
النظارة في الهدندوة أصلا كانت للقورهباب, وآخر من تولاها تقريبا كان الزعيم أرباب الذي ناسب الويلياب
من بعده إنتقلت النظارة للويلياب, كانت لهداب موسي ومن بعده لمحمد الأمين ترك وحاليا إبنه الحالي
حسن شيخ إدريس أبوه ويليابي, لكن أمه جعلية علي ما أظن يعني هافكاست
عشان كدة قلت أوباما إمريكا, أنا ما عندي إعتراض عليه, فهو بلا شك من المنطقة
بس ما كان في مبرر لتجاوز غيره من كفاءات البجا, وما أكثرهم
|
Post: #43
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-04-2019, 02:09 PM
Parent: #42
| Quote: لو جابو هدندوي حتقول ليه ما بني عامر |
يبدو يا زهير ما قريت من البوست إلا مداخلة صحافينا المرموق زهير
ما صدفة أسماءكم متشابهة, شبهين....وين أنا قلت الكلام الفوق ده
وبعدين شنو حكاية يجيبوه ده زي ما قال دكتور بشار!
|
Post: #44
Title: Re: لماذا لم يمثل الشرق لا في السيادي ولا في ح�
Author: أبوبكر عباس
Date: 09-04-2019, 02:19 PM
Parent: #43
يعني يا بلال، ود شيخ خط الهدندوة بكسلا وابن عم ناظر الهدندوة بكسلا
مشكوك في أصالة شرقيته؟!
البلد دي شكلها ماشة في درب صعب
|
Post: #45
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-04-2019, 02:40 PM
Parent: #44
يا بكري الأمر ما أمر تشكيك في كونه من المنطقة, لكنه ما رجل المرحلة
لان هناك همس من البجا أن المرحلة القادمة مرحلة صراع حول الأرض
وهو بهذا الإعتبار يصعب عليه إدارة هذا الصراع...
هم دايرين واحد عينه قوية زي بوريس جونسون يقودهم إلي البريكست
أتمني تكون فهمتني
|
Post: #46
Title: Re: لماذا لم يمثل الشرق لا في السيادي ولا في ح�
Author: كمال عباس
Date: 09-04-2019, 03:04 PM
Parent: #45
الطاهر بلال وعقلية وان طارت غنمايةً !
ابتدر البوست بفرضيتين ومعلومات مغلوطة ومضللة !
أولا زعم انه لم يتم اختيار عضو بالمجلس السيادة من شرق السودان وأثبتنا ان هذه معلومة مغلوطة !
ثانيا زعم انه لم يتم اختيار وزير من الشرق في وزارة. حمدوك وهدا أيضا خطأ. وحكم مسبق حيث ان لم يتم تعيين او اعتماد الوزراء بعد !
ثالثا عاد وزعم انه لم يتم اختيار بجاوي وان شيخ ادريس ليس رطانيا !
ليعود ليقر ان شيخ ادريس من البجا وينسف فرضيته. الثانية ولكنه تعلق بقشة زعم ان شيخ ادريس بحاري من ناحبة الوالد ولكن والدته او حبوته جعلية ! يعني انً الرسول ليس قرشيا صرفا لان والدته ليست من قريش !
رابعا
عاد ليزعم انه المآخذ علي شيخ ادريس انه ليس رجل المرحلة وان البحا يتهامسون بانهم يريدون رجلا اخر بمواصفات اخري ! هكذا زعم ! علما بان البحا وغيرهم سبق ان انتخبوا ابنهم شيخ ادريس في البرلمان الديموقراطي !
وختاما
أهل شرق السودان -بجا وغيرهم اصحاب حقوق مشروعة -تنمية متوازية وتوزيع عادل للسلطة والثروة وفدرالية فعلية والاعتراف بلغاتهم وثقافتهم وخصوصيتهم في إطار السودان الموحد !
|
Post: #47
Title: Re: لماذا لم يمثل الشرق لا في السيادي ولا في ح�
Author: أبوبكر عباس
Date: 09-04-2019, 06:08 PM
Parent: #46
يا بلال، يا أخي، كمال دا ما بخليك
ما عندك حل غير تعترف انك تسرعت، لأنو كدا كلما تجي تكحلها بتتبظها زيادة وبلقى فيك فرصة
وأنا جني وجن كمال دا يكون في موقف قوي.
المشكلة كمان لو هاشم استجاب لتحانيسي وجاء البوست؛ بتتعب
فشنو؟
من سكات أعمل ليك خط رجعة مقبول
ويا دار ما دخلك شر
|
Post: #48
Title: Re: لماذا لم يمثل الشرق لا في السيادي ولا في ح�
Author: أبوبكر عباس
Date: 09-04-2019, 06:43 PM
Parent: #47
أشكر المرحبين بعودتي الميمونة
وعلى راسم الشفيف علي عبد الوهاب
ما داير استولى على البوست وأرد بالتفصيل
|
Post: #49
Title: Re: لماذا لم يمثل الشرق لا في السيادي ولا في ح�
Author: هاشم الحسن
Date: 09-04-2019, 07:33 PM
Parent: #48
| Quote: المشكلة كمان لو هاشم استجاب لتحانيسي وجاء البوست؛ |
هو أنا أقدر ما استجيب لتحاريشك يا شيخ الفتن؟
ثم دي فرصة لتبادل شرقاوي لذيذ ما بنفات مع أخينا بلال والحاضرين، ولتصحيح بعض الأغاليط فيما ساقه ود الطاهر..
أقله يرتفع عني حرج تزكية قريبي، ولو موضوعيا، كأنسب ممثل للشرق في مجلس السيادة وللمرحلة، وهو على عكس أطروحة بلال.
بس دا سكناب دايرلو بن أكلموي ظابط، نتساقاه بالزنجبيل، مع إن الظروف مهمشاني ساي في صمة قهوتي، لكن بلحق بلحق!!
| Quote: أشكر المرحبين بعودتي الميمونة |
ههههههههها، الله لا كسبك يا جلالدونا!!
|
Post: #50
Title: Re: لماذا لم يمثل الشرق لا في السيادي ولا في ح�
Author: ترهاقا
Date: 09-04-2019, 08:20 PM
Parent: #49
الحكومة لو حكومة كفاءات ، لا أعتقد إنو في مشكلة حتى لو كلهم من قرية واحدة
كفاءات يعني من أعلى GPA وانت نازل يكون الاختيار على حسب العدد المطلوب
لو دخلت فيها مسألة مناطق وقبائل مسالة الكفاءات بتكون ما عندها معنى
لو عندي شركة وعايز أعين تلاتة موظفين بختار احسن تلاتة من الخمسين شخص اللي كانو مقدمين على الوظيفة
بصرف النظر إنو هو من ويين
|
Post: #51
Title: Re: لماذا لم يمثل الشرق لا في السيادي ولا في ح�
Author: كمال عباس
Date: 09-04-2019, 08:30 PM
Parent: #50
بعد دخول وتداخل الأخ. هاشم الحسن
سنترك الساحة. له وللأخ بلال الطاهر. لإدارة حوار شرقاوي -شرقاوي - حي العرب v الميرغني في مبارة حبية !
|
Post: #52
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-05-2019, 05:41 AM
Parent: #51
ألف مراحب هاشم حسن
|
Post: #53
Title: Re: لماذا لم يمثل الشرق لا في السيادي ولا في ح�
Author: Biraima M Adam
Date: 09-05-2019, 05:55 AM
Parent: #52
بلال
كلامك صاح .. ما تتنازل ..
ما دام تمت محاصصات جهوية .. لماذا يعطونا نحن في كردفان 4 مقاعد في السيادي؟
أنا طالبت ومازلت أطالب .. يأخذ من كردفان المقاعد الزيادة .. نحن عايز واحد بس لشمال كردفان ودكتور صديق لجنوب كردفان ..
المقعدين الأخرين أنا قلت يذهب أحدهما للشرق الأحر أما لجنوب النيل الأزرق أو شمال دارفور ..
العدل عدل .. لا يمكن لا نمثل كل السودان ..
بريمة
|
Post: #54
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-05-2019, 06:04 AM
Parent: #52
ترهاقا مراحبQuote: لو عندي شركة وعايز أعين تلاتة موظفين بختار احسن تلاتة من الخمسين شخص اللي كانو مقدمين
على الوظيفة بصرف النظر إنو هو من ويين |
الدولة ما شركة أموال يا ترهاقا, فهي عقد إجتماعي مبني علي الكرامة والمشاركة علي قدم المساواة
يا أخي حتي شركة الأموال ليس مقبولا فيها إستحواز بعض مساهميها وإقصاء الآخرين
المنطقي إختيار الكفاءات من داخل مكونات المجتمع, وما في مكون يخلو من الكفاءات
|
Post: #55
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-05-2019, 06:16 AM
Parent: #54
حبيبنا بريمة ألف مراحب
|
Post: #56
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-05-2019, 06:30 AM
Parent: #55
عبد الله حمدوك- رئيس الوزراء
أسماء محمد عبد الله -الخارجية
انتصار صغيرون -التعليم العالي
محمد عبد السلام الأزيرق - العدل
براهيم البدوي- المالية
أكرم علي التوم- الصحة
محمد الأمين التوم-التربية والتعليم
عادل ابراهيم-الطاقة والتعدين
ياسر عباس-الري
عيسى عثمان الشريف-الزراعة
لينا الشيخ- العمل والتنمية الاجتماعية
مدني عباس - التجارة والصناعة
احمد محمد طاهر -وزارة البنى تحتية
معتصم محمود جلب - الثروة الحيوانية
يوسف ادم الضي - الحكم الاتحادي
عمر بشير منيس -رئاسة مجلس الوزراء
نصر الدين مفرح - الشؤون الدينية
ولاء عصام البوشي - الشباب والرياضة
فيصل محمد صالح - الإعلام
اسماء أعضاء مجلس الوزراءاسماء أعضاء مجلس الوزراء
|
Post: #57
Title: Re: لماذا لم يمثل الشرق لا في السيادي ولا في ح�
Author: MAHJOOP ALI
Date: 09-05-2019, 06:35 AM
Parent: #55
| Quote: بس دا سكناب دايرلو بن أكلموي ظابط، نتساقاه بالزنجبيل، |
رغم الاستاربكس ، ذاكرتك / ذائقتك طازة ... هههه ( اكلموي ) .
|
Post: #58
Title: تلفزيون السودان
Author: عبدالرازق يوسف الحاج
Date: 09-05-2019, 07:21 AM
Parent: #1
ليتك انتظرت
|
Post: #59
Title: Re: تلفزيون السودان
Author: بلال الطاهر
Date: 09-05-2019, 07:56 AM
Parent: #58
محجوب علي لوتنينا| Quote: بس دا سكناب دايرلو بن أكلموي ظابط، نتساقاه بالزنجبيل |
هاشم حسن جابها من الغريق وطلع ما ود مدينة زي ما ظنيت
وده قعدة شيوخ الخط, ما بحسموا أمورهم إلا مع الجبنة (أكلموي) كاربة
أنا هنا أتكلم سياسة, ولا شئ شخصي تجاه حسن, وأنا عارف هاشم يفهمني
|
Post: #60
Title: Re: تلفزيون السودان
Author: بلال الطاهر
Date: 09-05-2019, 08:12 AM
Parent: #59
أنتظر شنو يا عبد الرازق, ما هي باينة واللستة قدامك كما توقعناها
إدمان الفشل عادة ما تخلي صاحبها, وهو أصلا ما يخيب ظنك
ولهذا لا يصعب قراءته!
|
Post: #61
Title: Re: تلفزيون السودان
Author: زهير عثمان حمد
Date: 09-06-2019, 06:10 AM
Parent: #60
يابلال الطاهر
سلام
خلاص بقت عندكم وزارة موجودة حسب كلام حمدوك أمس ياله شفوا زول بسرعة عشان الشرق يمثل
|
Post: #62
Title: Re: تلفزيون السودان
Author: بلال الطاهر
Date: 09-06-2019, 06:36 AM
Parent: #61
أدونا الفضلة يا زهير...ده يسموها وزرات الهامش
ده أسلوب قديم درج عليه المركز كان زمان يستعملوه مع الجنوبيين
بس مخصصين ليهم وزرات العمل والفنادق والسياحة إلخ
يعني للترضية والإستهلاك السياسي فقط!
|
Post: #63
Title: Re: تلفزيون السودان
Author: زهير عثمان حمد
Date: 09-06-2019, 06:46 AM
Parent: #62
أدونا الفضلة..ده يسموها وزرات الهامش
يا زول قول خير
ماتنساق مع ناس الانا البعيدة عن الحس القومي
و السودان كلوا الان يعاني من قصة الجهويات والتهميش دي ربك يبعد البلد من الفتنه
|
Post: #68
Title: Re: تلفزيون السودان
Author: Yousuf Taha
Date: 09-06-2019, 07:38 AM
Parent: #63
| Quote: خلاص بقت عندكم وزارة موجودة حسب كلام حمدوك |
نظام يسكتوا يعني واللا الفكرة شنو؟
والله دي عوجة دي قال شنو قال
|
Post: #64
Title: Re: لماذا لم يمثل الشرق لا في السيادي ولا في ح�
Author: AMNA MUKHTAR
Date: 09-06-2019, 06:59 AM
Parent: #1
| Quote: أمس ياله شفوا زول بسرعة عشان الشرق يمثل |
يشوفوا زول بسرعة شنو هو سلق بيض ؟!
قوائم مرشحي الشرق إتقدمت من زمااان لقحت.. وفيها نساء وشباب مناضلين وكفاءات تسوي وي وي وي..
لكن نقول شنو ..
ياها سياسة الشللية والببوتات والدكاكينية المعتااادة.. وبسببها زمان قرنق حرد وقال دي مايو 2
واستمرت الحرب لغاية ما إنفصل الجنوب..
|
Post: #65
Title: Re: لماذا لم يمثل الشرق لا في السيادي ولا في ح�
Author: Mahjob Abdalla
Date: 09-06-2019, 07:14 AM
Parent: #64
في 5 شهور ما لقو زول من الشرق و اجلو التعيين.
____________
قبيلك يا امنة بسمع لواحد في الجزيرة اسمو د. النور, قال انو المنطقة من الجيل و حتي وادى حلفا ما اختارو فيها وزير.
في سبهللية و تعقيد للمسائل بشكل غير طبيعي.
الحلول واحد + واحد يساوى اثنين.
يعني مسألة المحاصصة الجندرية, الاصم في خطابو قال (علي الاقل تمثيل بنسبة 40%). الان طلعت 20%.
و في المحاصصة الجهوية, طلعت جهة كاملة صفر و الجهة الاخرى ما لاقين زول او ما لاقين كفاءة.
|
Post: #67
Title: Re: لماذا لم يمثل الشرق لا في السيادي ولا في ح�
Author: زهير عثمان حمد
Date: 09-06-2019, 07:30 AM
Parent: #65
معكم هنالك مجموعة مقدرة من الذين يمكن توزيرهم من أبناءالشرق أوالنيل الازرق ولكن تبقي مسالة الولاء الحزبي وأمراض النخب في الوطن
بالاضافة لتصريح لقيادي في قحت قائلا أن الاعتذارت من أبناء الشرق كانت كان لها دور في التاخير !!!
لذلك علي الجميع مناصحة الجانبين قبل الاتهام والتخوين في مسالة التوزير وأختيار الذين يمثلون أقاليمهم
وهنالك معركة حكام الاقاليم لامحال قادمة لابد من تجاوز محاصصات الاختيار ومجموعات العلاقات الشخصية فيما مضي لنحقق التغيير الحقيقي
|
Post: #66
Title: Re: لماذا لم يمثل الشرق لا في السيادي ولا في ح�
Author: AMNA MUKHTAR
Date: 09-06-2019, 07:24 AM
Parent: #1
يا محجوب يستاهلوا ناس الشرق.
زمااان لما نبحت فيهم لما حلقي إتقرش.. بقول ليهم بطلوا التطبيل والتبعية العمياء..كانوا شابكني أسكتي ..الحصة وطن.
هسه يادوب قاموا يولولوا وقالوا عايزين يقفلوا الطريق القومي هههه
|
Post: #69
Title: Re: لماذا لم يمثل الشرق لا في السيادي ولا في ح�
Author: النذير حجازي
Date: 09-06-2019, 11:55 AM
Parent: #66
سلام يا بلال،
والله زعلني ردك، بس اخوك دائما فتران علشان كدا ما برد.
يا بلال حكاية نحن وأنتم من الله خلقني ما قاعد استخدم التعبير دا، وانا ما سياسي ولا زول عندو طولة بال، ولا اريد كسبا سوى انني أحلم بتعايش سلمي في بلادي، ولقد نشات وتعرعرت في حي قومي فيه جميع أجناس وشعوب السودان، وما عندي أي إنتماء لجهة سوى السودان، وكل السودانيين بشوفهم واحد.
ولكن كلمة نحن وهم دي بستخدمها في تقسيم البشر إلى علماني وغير علماني، ودي قضيتي الأساسية، لأنها بالنسبة لي موضوع حياة او موت، نكون او لا نكون، والإسلاميين أهدروا دمنا، ولقد كُتب علينا النضال من أجل العلمانية، ومن كتب له خطى مشاها، بعد تخلص بوستك دا افتح لينا بوست عن العلمانية نكمل باقي حديثنا.
بخصوص موضوع البوست هنالك انباء بنرشيح حبيبنا د. هاشم الحسن لوزارة الثروة الحيوانية.
|
Post: #70
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-06-2019, 12:50 PM
Parent: #69
معليش يا النزير, أمسها في وشنا...الإختلاف في الرأي لا يفسد للود قضية
بس أنا كنت زعلان وما زلت من حكومة قحت وحمدوك وما فعلوه بالشرق
بالله لزول داير يبني إقتصاد, يهمش منطقة في حجم الإقليم الشرقي ويخليها محاصصة
ليه يعني ما فيهو كفاءات؟؟معقول ده؟؟؟ ..نظرة واحدة للبروفيسورات في جامعة الخرطوم تكفيه!
غير أنه الكلام ده غير ما صحيح في حد ذاته مستفز ومهين لأقصي حد, وينم عن إستهتار شديد لأهل الشرق
ده إن دل علي شئ إنما يدل علي قصور في فهمه للسياسة والمكونات المجتمعية للدولة
أنا قدامك ده بدون فخر أعتبر نفسي كفاءة من حمدوك ذاته تأهيلا وخبرة و مش كمان شغل منظمات بس
هاشم حسن لو عجبته المحاصصة مبروك عليه, بس ما بإسم الشرق, لأننا لا نقبل الإستخفاف!
|
Post: #71
Title: Re: لماذا لم يمثل الشرق لا في السيادي ولا في ح�
Author: النذير حجازي
Date: 09-06-2019, 02:10 PM
Parent: #70
شكرا يا بلال على الكلام المليان، بس نفهم من هسى أخونا هاشم الحسن يسقط بس؟! هههههههه
|
Post: #72
Title: Re: لماذا لم يمثل الشرق لا في السيادي ولا في ح�
Author: AMNA MUKHTAR
Date: 09-07-2019, 06:02 AM
Parent: #1
سودانا ون
طرح رئيس الوزراء رؤيته و وجهة نظره حيال اختيار فريقه من الكفاءات الوطنيه بحيث يشمل التشكيل الأبعاد المناطقيه والجيليه والنوعيه من قوي الثوره
وبالرغم من أن للطرح مايبرره الا ان ماننتظره منه هو سياساته وسياسات وزرائه التي يجب أن تخدم أهداف الثوره ومنها
1_تفكيك النظام السابق
2_ارساء دعائم النظام الديمقراطي المنسود
3_ارساء السلام العادل الشامل
ولذا ليس ذا اهميه ان يتم التشكيل وفقا لما طرح رئيس مجلس الوزراء ..
ولكن من باب التخصيص نرى ان وزارة البني التحتيه وهي الوزاره التي يتوجب عليها الاطلاع بالنقل والطرق.. لابد من تخصصها لكفاءة من ولاية البحر الأحمر وهذا الرأي لايأتي من فراغ فالمعروف ان كل مؤسسات هذه الوزاره مركزها ولاية البحر الأحمر او ان أعمالها تبداء من ولايه البحر الأحمر فولايه البحر بها
1.موانئ هيئة الموانئ البحريه..
2. شركة الخطوط البحريه السودانيه
3. يبداء من عندها النقل البري بالشاحنات والسكه الحديد.. ويعتبر طريق بورتسودان الخرطوم البري او الحديد أطول الخطوط وأهمها في حركة الصادر والوارد التي تؤثر على الإنتاج القومي
نعتقد ان ترشيح التجمع الشعبي و اختيار رئيس الوزراء للباشمهندس هاشم طاهر شيخ طه للوزارة المعنيه قد صادف من هو اهلا للإطلاع بالمسئوليات الجسام في هذه الوزارة والتي لابد من البدء فيها بالتالي
1. اعادة النظر في إداراتها و هياكلها الوظيفيه والراتبيه
2. مراجعة وتعديل قوانينها ولوائحها الماليه والاجرائيه.
3. مراجعة التعديلات التي أجراها النظام البائد على إجراءات العمل في هذه المؤسسات مما مكن له القيام بتصفية بعضها واضعاف أخرى وتدمير كافة البنيات التحتيه لهذه المؤسسات
اننا في البحر الأحمر وتحالف التجمع الشعبي نضع نصب أعيننا أهداف الثورة وفي دعمنا للباشمهندس هاشم طاهر ندرك ان حجم المسئوليات في الفتره الانتقاليه يتطلب تظافر الجهود الجماعيه لإنقاذ بلادنا مما لحق بها من تخريب
|
Post: #73
Title: Re: لماذا لم يمثل الشرق لا في السيادي ولا في ح�
Author: Salah Zubeir
Date: 09-07-2019, 06:52 AM
Parent: #72
| Quote: ولكن من باب التخصيص نرى ان وزارة البني التحتيه وهي الوزاره التي يتوجب عليها الاطلاع بالنقل والطرق.. لابد من تخصصها لكفاءة من ولاية البحر الأحمر |
سلام أستاذة آمنه ...
واضح انو دا بيان من جهة ما في الشرق ...
هنالك نظرة قاصرة جدا لدور هذه الوزارة في البيان ...
الوزارة اسمها البني التحتية والنقل ...
هذه الوزارة سوف تحدد مدي تطورنا بين الأمم ...
إضافة لما ذكره البيان ...
من مشاريع البني التحتية الضخمة قيام شبكة المجاري
في كل مدن السودان ومن المفترض أن تكون من الأولويات
نسبة لتأثيرها البءي والصحي والاجتماعي والاقتصادي
والسياحي وحتي السياسي ... يتلازم مع هذا المشروع
قيام مشروع (ايلا) لسفلتت شوارع المدن وتبليط جوانبها
(بالكربستون) وتضييق مصادر الغبار والتراب المتنقل
لاقل هبوب ...
كذلك من أوجب واجبات الوزارة إحياء السكة الحديد
والخطوط الجوية السودانية والنقل البحري والنقل النهري
وقيام شركات ضخمة للترحيل بين المدن كذلك قيام شبكات
المترو للتنقل داخل المدن ... الخ
ليس بالجهوية وحدها يحيا انسان السودان ويتطور ...
|
Post: #74
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-07-2019, 08:12 AM
Parent: #73
| Quote: نعتقد ان ترشيح التجمع الشعبي و اختيار رئيس الوزراء للباشمهندس هاشم طاهر شيخ طه للوزارة المعنيه |
أي تجمع شعبي هذا!!!! ده لعبة بايخة وقديمة, لو دايرين تلعبوا سياسة, بس مش علينا نحن في الشرق, نحن محترفين أكتر منكم, ونوريكم اللعبة علي أصولها يا خنازير
يجب أن يعلم الجميع أولا أن الشرق مع أهميته قد تم إخراجه من التشكيل الوزاري عن قصد وسابق إصرار, يعني حقت وحمدوك هدفوا لتغييب الشرق ويحرموه من أي مساهمة حقيقية في هذه المرحلة, لكي يتم ترتيبه دون يعلم أهله بالخطط المتعلقة به في غرفهم المغلقة
ثانيا يجب أن يعلم أبناء الشرق ـن الوزارة المعنية, غير أنها أي كلام, لا يبحثون لها عن شخص مؤهل, لانها وضعت أصلا للمحاصصة, لا للقيام بدور, فلا توجد حاليا بنية تحتية, ولا توجد أموال لها, حتي يعملوا لها وزرارة, الحكاية ضحك مجرد ضحك علي الدقون
نحن نعرف جيدا من عراب هذا النظام من داخل حقت وعرابهم الصادق أبو كلام!
نداءنا لكل أبناء الشرق, من كان طامحا في السلطة, فهو حر, بس ما بإسم لشرق لو سمحتم!
|
Post: #75
Title: Re: لماذا لم يمثل الشرق لا في السيادي ولا في ح�
Author: Biraima M Adam
Date: 09-07-2019, 03:20 PM
Parent: #74
بلال أخوي
سلام ..
| Quote: أدونا الفضلة يا زهير...ده يسموها وزرات الهامش |
أحفاد أمير الشرق .. عثمان دقنة .. والله العظيم في مقدمة الركب ..
يا داب من بوستيك دا .. بدأت أفهم !!
كده قول لي .. الجزيرة أبا، ربك، كوستي .. ظهر منهم منو؟ بعدين الشمالية فوق .. دخل منهم منو؟
أنا عايز أفهم الخرطة الطائفية .. مقبال الجماعة أحم أحم ..
بريمة
|
Post: #76
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-07-2019, 08:04 PM
Parent: #75
حبيبنا بريمة سلامات| Quote: كده قول لي .. الجزيرة أبا، ربك، كوستي .. ظهر منهم منو؟ بعدين الشمالية فوق .. دخل منهم منو؟ |
ما عرفت قصدك من السؤال!
|
Post: #77
Title: Re: لماذا لم يمثل الشرق لا في السيادي ولا في ح�
Author: AMNA MUKHTAR
Date: 09-07-2019, 08:21 PM
Parent: #1
Quote: إضافة لما ذكره البيان ...
من مشاريع البني التحتية الضخمة قيام شبكة المجاري
في كل مدن السودان ومن المفترض أن تكون من الأولويات
نسبة لتأثيرها البءي والصحي والاجتماعي والاقتصادي
والسياحي وحتي السياسي ... يتلازم مع هذا المشروع
قيام مشروع (ايلا) لسفلتت شوارع المدن وتبليط جوانبها
(بالكربستون) وتضييق مصادر الغبار والتراب المتنقل
لاقل هبوب ...
كذلك من أوجب واجبات الوزارة إحياء السكة الحديد
والخطوط الجوية السودانية والنقل البحري والنقل النهري
وقيام شركات ضخمة للترحيل بين المدن كذلك قيام شبكات
المترو للتنقل داخل المدن ... الخ
ليس بالجهوية وحدها يحيا انسان السودان ويتطور . |
الأخ صلاح زبير.
ولماذا تفترض أنك وحدك فقط من تعلم ماهية وزارة البنية التحتية ومهامها ؟
وكمان عايز تدينا درس ..الشفع في المدارس بيكونوا عارفنه!!
وقلت لي (ليس بالجهوية وحدها يحيا الإنسان ويتطور)..يعني خلااااص علشان مجرد بيان كتبه شخص
مستغرب من إقصاء باشمهندس هاشم.. يبقى خلاص تصدر حكمك إنه جهة الشرق خالية من القدرات والكفاءات؟!
كفاءات الشرق منتشرة في كل العالم ..وجوه الشرق.
وقحت تعلم ذلك فبحوذتهم القوائم.
بطلوا الإستعلاء الوهمي والتنظير الفاضي.
ما أهو نحنا هسه شايفين بعض السير الذاتية لبعض عضوية مجلس الوزراء المكدسة بالعمل مع أكثر من منظمة في العاصمة وأكثر من منظمة دولية بما فيها البنك الدولي ومنظمة الهجرة الدولية سيئي السمعة.. وكذلك شركات دال وسيقا.. وسفريات وكورسات وورش عمل حول العالم ..
وعارفين تماااما الأمور دي بتتم كيف..
معظمها علاقات ووساطات وشلليات وبيوتات أرستقراطية في العاصمة.. وأي زول أبوهو وزير عايز يبقى وزير.
فممكن توريني مثلا علاقة مدني عباس بوزارة في حجم التجارة والصناعة شنو ؟
رجاء جاوب على هذا السؤال..
وإياك ثم إياك أن تفترض في أهل الشرق البلادة والغباء وعدم الكفاءة..
فرغم ظروفنا هناك.. وقفل أبواب التدريب والمنظمات والمؤتمرات العالمية وورش العمل
وكل الهيصة دي.. لكن نحتنا الصخر علشان نتعلم ونطور قدراتنا.
قال ليس بالجهوية يحيا الإنسان ويتطور قااال...
آي بيتطور في السودان دا بالواسطات.. وقريبي وقريبك وشلتي وشلتك ومنظمتي ومنظمتك.. مش ؟
|
Post: #80
Title: Re: لماذا لم يمثل الشرق لا في السيادي ولا في ح�
Author: Salah Zubeir
Date: 09-08-2019, 06:15 AM
Parent: #77
Quote: ولماذا تفترض أنك وحدك فقط من تعلم ..
|
| Quote: وكمان عايز تدينا درس |
| Quote: خلااااص علشان مجرد بيان كتبه شخص |
| Quote: تصدر حكمك إنه جهة الشرق خالية من القدرات والكفاءات؟! |
| Quote: بطلوا الإستعلاء الوهمي والتنظير الفاضي |
Quote: قال ليس بالجهوية يحيا الإنسان ويتطور قااال...
|
Quote: وعارفين تماااما الأمور دي بتتم كيف..
معظمها علاقات ووساطات وشلليات وبيوتات أرستقراطية في العاصمة.. وأي زول أبوهو وزير عايز يبقى وزير |
Quote: فممكن توريني مثلا علاقة مدني عباس بوزارة في حجم التجارة والصناعة شنو ؟
رجاء جاوب على هذا السؤال.. |
| Quote: آي تطور في السودان دا بالواسطات.. وقريبي وقريبك وشلتي وشلتك ومنظمتي ومنظمتك.. مش ؟ |
امنتو بالله ... هههه ... باصس ...
|
Post: #78
Title: Re: لماذا لم يمثل الشرق لا في السيادي ولا في ح�
Author: AMNA MUKHTAR
Date: 09-07-2019, 08:27 PM
Parent: #1
| Quote: ثانيا يجب أن يعلم أبناء الشرق ـن الوزارة المعنية, غير أنها أي كلام, لا يبحثون لها عن شخص مؤهل, لانها وضعت أصلا للمحاصصة, لا للقيام بدور, فلا توجد حاليا بنية تحتية, ولا توجد أموال لها, حتي يعملوا لها وزرارة, الحكاية ضحك مجرد ضحك علي الدقو |
الأخ بلال أتفق معك في المقتطف أعلاه.
ولكن لم أفهم.. من تقصد بالخنازير ؟!!
|
Post: #79
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-07-2019, 08:44 PM
Parent: #78
الأستاذة آمنة ألف تحية
إنت تاج فوق راسنا يا آمنة
طبعا قصدي المستهبلين الدايرين يضحكوا علينا من جماعة ناس حقت وحمدوك
كنت زعلان من آلاعيبهم وإستهتارهم بينا!
|
Post: #81
Title: Re: لماذا لم يمثل الشرق لا في السيادي ولا في ح�
Author: Biraima M Adam
Date: 09-08-2019, 07:49 AM
Parent: #79
بلال،
الجزيرة أبا وربك وكوستي ..هي من معاقل طائفة الأنصار .. والشرق معقل الختمية .وكذلك الشمالية ..
والشيوعيين عايز يصفوا أي وجود طائفي وسلفي في السودان ..
أنا مازلت أسئل وجود أربعة في السيادي من كردفان لماذا؟ دا بخلق مشكلة .. ح يختلفوا في طرح قضايا الأقليم ..
نحن عايزين أثنين بس .. نحن ليس أحسن من أي جزء من وطنا الذي ما ينزف ..
تتم صياغة السيادي قبل الوزرات .. ويتم توزيع عادل بين الأقاليم ..
ما تتوقف دت .. نحن معاكم .. لما يحق الحق ..
لا يحسبن الجلابة أننا ألقينا سلاحنا في الهامش .. بنجوهم بجيوش من الغرب والشرق تسد عين الشمس وهناك تاني بتتشلع ..
إذا رفضوا .. هناك 5 جيوش في غرب وجنوبنا الجديد .. ضموا جيش أبناء الشرق ومؤتمرالبجا لهم في تحالف واحد .. تشوف لو ما قلعتم حقكم ..
حقك لازم تلاوي تقلعة ..
بريمة
|
Post: #82
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-08-2019, 11:35 AM
Parent: #81
بريمة حبابكQuote: الجزيرة أبا وربك وكوستي ..هي من معاقل طائفة الأنصار .. والشرق معقل الختمية .وكذلك الشمالية ..
والشيوعيين عايز يصفوا أي وجود طائفي وسلفي في السودان .. |
في رأي ديل أكبر خطر علي أبناء الهامش, والغريب أن يجعلوا من الهامش معقلا لهم
وخطورتهم مش بس في إستغلالهم للدين والآيدلوجية وتغبيش عقول البسطاء ونهب ثرواتهم
بل هم حصان طروادة لتمكين سيطرة المركز علي الهامش!
كلهم طبعا يتداوروا في حكم المركز دون غيرهم, ولهذا الكيزان سلموها الآن لحزب الأمة وحزب المؤتمر ومجموعة اليسار
هسي عرابين حقت هم الصادق المهدي وعمر الدقير!
وده السبب الخلي نصيب كردفان والجزيرة أبا وربك وكوستي الأكتر من غيرها من الأقاليم
هي حلال عليكم, بس خوفي يكون فخ معمول ليكم, عشان تكونوا إنتو الحيطة القصيرة
ويخلوكم تصطدموا بباقي الهامش وتشيلوا شيلتكم, وهم ينوموا قفا!
|
Post: #83
Title: Re: لماذا لم يمثل الشرق لا في السيادي ولا في ح�
Author: Biraima M Adam
Date: 09-08-2019, 02:12 PM
Parent: #82
بلال
سلام ..
| Quote: ويخلوكم تصطدموا بباقي الهامش وتشيلوا شيلتكم, وهم ينوموا قفا! |
أها يا بلال .. من الأول في الخيط دا .. أنا قلت شنو البخلي كردفان يعطوها أربعة في السيادي؟ .. وقلت هذا يشكل أشكالية ..
الطائفية التي دخلت بقوة سببها الأمام الصادق .. ولو أنتم عايزين تدخلوا من خلال الطائفية .. أبو هاشم لازم يتحرك .. وإما عليكم بضم جيش الشرق ومؤتمر البجا للحركات المسلحة .. حتى تأخوا حقوقكم ..
أنا وجهة نظري .. تفعيل دور نشطاء الشرق .. بالضغط علي النشطاء في كل السودان ومجلس الوزراء .. والسيادي ..
شدوا حيلكم .. ما زال السودان لم يصل لتسوية لقضية التهميش ..
وفوق ..
بريمة
|
Post: #84
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-08-2019, 03:32 PM
Parent: #83
| Quote: شدوا حيلكم .. ما زال السودان لم يصل لتسوية لقضية التهميش .. |
نحن صاحين للون كويس يا بريمة, ونعرف البير وغطاها, ونعرف كذلك وتر أخيل المركز
لدينا إتصالات مع بقية حركات الهامش, ولكن موقعنا ومركزنا والجهات الداعمة لنا أقوي منهم
خطأ الحركات أنها بدل أن تهتم بأقاليمها, تبنت طروحات مركزية, أضعفتها وأدخلتها في متاهة هي في غني عنها
|
Post: #85
Title: Re: لماذا لم يمثل الشرق لا في السيادي ولا في ح�
Author: AMNA MUKHTAR
Date: 09-09-2019, 00:07 AM
Parent: #1
اذا كانت فعلا حكومة كفاءات فاعتقد انه في شرق السودان لا يوجد شخص كفاءة وصاحب تاريخ نضالي مشهود له من الجميع اكثر من السيد النائب حامد ادريس سليمان لوزارة البنى التحتية .
صارع بمقدراته العلمية والادارية ليصبح مديرا لمشروع حصاد المياه ولاية الخرطوم خلال عامين فقط ودورات علمية خارج السودان وداخله واكتسب خبرة كبيرة في عمل المؤسسات التنفيذية والتشريعية في واشنطون واربعه ولايات امريكية اخرى بدعوة من السفارة الامريكية ، وبمقدراته السياسية وقبوله لدي المجتمع خاض لوحده صراعات في المجلس التشريعي وساهم مع المجتمع في مبادرات كثيرة .
حامد يعتبر اول سكرتير لمركزية طلاب مؤتمر البجا وامين اعلامي لجبهة الشرق وقيادي ضمن تيار التواصل ساهم بدور كبير على تشجيع اهالي شرق السودان للإنضمام لثورة ديسمبر المجيدة .
فقد كان حامد ابرز المرشحين والافر حظا لتمثيل شرق السودان في مجلس السيادة الا ان زهده عن المناصب ونصائح المقربين منه ادت لأنسحابه حسب ما يشاع .
حامد ادريس اكثر شخصية وفاقية ويتفق عليها كل مجتمع شرق السودان .
كتب منيب سلمان
#حامد_ادريس_سليمان_خير_من_يمثل_الشرق
منير تيتة
|
Post: #86
Title: Re: لماذا لم يمثل الشرق لا في السيادي ولا في ح�
Author: هاشم الحسن
Date: 09-09-2019, 07:32 AM
Parent: #1
معذرة يا بلال وجملة الأخوان.. أن تأخرت عن وعدي:
أولا: لوعكة وزهجة..
ثانيا: ورّطني الفيسبوك ثم شغلني بإيقاعه السريع..
ثالثا:الكلام الكتير في التلفون عن أي شيء وكل شيء، مع د. أبوبكر عباس،
بما في ذلك أمانينا ومحاولتنا لترشيح ودعم آمنة مختار للحكومة ووزاراتها.. مع إنها رئيسة حزب!!
رابعا: الجلطة السياسية المعنوية التي أصابني بها تناول د. حمدوك "الساذج سياسيا" لموضوع الوزراتين ووزيريهما.
وهو تناول "ساذج" فعلا لأنه كاد أن ينسف النوايا الحميدة في إصرار الرجل على تمثيل التنوع..
وبما أرسل من الرسائل السلبية العديدة، التي ليس أقلها مثلا:
أن الوزارتين غير مهمتين، فقد خصصهما صراحة بالتمثيل الجهوي بينما سكت عن ذلك في الأخريات.
أو أنه كان صعبا أن يجدوا أكفاء من المنطقتين.
أو أن أكفاء الشرق من حلايب إلى الكرمك كلهم كيزان أو لا وطنيين.. وسوى ذلك.
هذا رغم أن قائمة ترشيحات ق. ح. ت النهائية نفسها، فعلى الأقل قد احتوت على ممثل واحد للشرق
وآخر للنيل الأزرق، ثم استبعدوهما في اللحظة الأخيرة بشبهة التورط مع الإنقاذ!!
فإذن كيف جاز أصلا أن تسربت أسماؤهم إلى تلك القائمة النهائية؟
خامسا: المهمة التي كلفت بها نفسي وصاحبي الفوق دا، جراء جلطة المؤتمر إياها.
طبعا الرابعة دي عرفتها طوالي حتوفر ذخيرة حيّة لبلال الطاهر هنا، فقلت أحسن ألبد شوية.
ألبد شنو يا زول.. بل مباشرة عبرت عن حزني وإحباطي في الفيسبوك.
ولكنه للحق إحباط مركب ومصدره ليس جهة المركز السياسي فقط، بل من تلقاء الشرق أيضا.
اعتقد موضوع حسن شيخ إدريس قد حسمه قول بلال عنه إنه ويل عليابي/ ويلأليابي..
هذا يعني أنه محمودابي، هدأيدوي/هدندوي، بجاوي، شرقاوي. والباقي في الموضوع ونسة ساي.. بنتمها..
ولولا جلطة مؤتمر د. حمدوك، لأمكن القول أن السؤال الإستنكاري في عنوان البوست،
كما بعض الحيثيات، ليست صحيحة، لكن ملحوقة.
غدا إن شاء الله سأعود للونسة الشرقية،
والأهم لمناقشة أسباب ما حدث في مؤتمر إعلان الحكومة فأثار إستياء واسعا في الشرق.
قال لي صديق بيطري شرقاوي ثوري، وأظنه قولا محقا:
"إن حمدوك قد ضيّق علينا الواسعة، كناس شرق وكبياطرة، وأحرجنا مع أهلنا ومع زملاءنا وأساتذتنا."
وكذلك سأعود للحديث عن وزارة البنى التحتية التي وأبدا لا أظنها وزارة هامشية، ولا كذلك وزارة الثروة الحيوانية
رغم إني من دعاة ضمها للزراعة في المستقبل.
بل عن الأخيرة فإنني أعرف أن بياطرة مؤثرين قد أصدروا بيانا ودعوة للتظاهر ضد قرار حمدوك بتوزيرها جهويا،
ولفرض مرشحهم المهني المفضل، وهو كفوء كفوء كفاءة لا مزيد عليها.
وأيضا، سأعود لمناسبة أن يتم تمثيل الشرق في وزارة البنى التحتية بالباشمهندس حامد إدريس سليمان
والذي، مما توفر لي عنه، وفي حدود تقديراتي للظرف والمرحلة، ومن ثناء آمنة مختار عليه:)، أظنه مرشحا جيدا.
=====
ونعم يا عزيزي بلال.. أفهمك، إلى حد كبير جدا..
أما حبيبنا النذير اللفّاح| Quote: هنالك انباء بنرشيح حبيبنا د. هاشم الحسن لوزارة الثروة الحيوانية. |
أنباء وين يا:)..
سونا ولّا رويترز مثلا؟
ما ياهو بس الفيسبوك دا وأحبابنا البياطرة فيه يحاولون حلحلة ورطة حكومة الثورة،
وكل يرشح من يرى فيه خير،ا سواء من الشرق أو النيل الأزرق أو حتى بغير مراعاة لظرف حمدوك زات نفسو.
ياخي بارك الله في حسن ظنّهم بي وبالأحوال عموما، لكنني والله كنت مثلهم: مشغولا بالبحث بين زملاء المهنة الأكفأ مني،
عن الأصلح ليسد هذه الثغرة.
|
Post: #87
Title: Re: لماذا لم يمثل الشرق لا في السيادي ولا في ح�
Author: عبدالعظيم عثمان
Date: 09-09-2019, 08:16 AM
Parent: #86
القصة دي كدا ما بتمشي
المشكلة فوق
لجنة الترشيحات تناقش ممثلين مناطق وجهات
والأشخاص المتباحثين بستعينوا بقوقل (من عندي)
وبعض من دوائر العلاقات والشلة
الموضوع دا كان أفضل يتم تنزيله إلى الجهات دي وهي من ترشح
ممثليها (طالما موضوع التمثيل الجهوي لايمكن تجاوزه)
على الأغلب الترشيحات لعبت فيه الكتل الرئيسية
للحرية والتغيير دورا في كلفتتها واكمالها باي طريقة
علي قاعدة :
عاوزين لينا زول من دارفور
شوفوا لينا زول من الشرق
عشان كدا الموضوع دا اصلا مجوبك خلوا يمر بالطريقة دي
ونفتش لي علاج جذري قدام
|
Post: #88
Title: Re: لماذا لم يمثل الشرق لا في السيادي ولا في ح�
Author: Salah Zubeir
Date: 09-09-2019, 08:53 AM
Parent: #86
استاذة آمنه مختار ...
بي نظرة فاحصة لمداخلتي التي لا أظن اتطلعتي عليها جيدا
تحدثت أنا في تاني سطر لماذا تداخلت :-
| Quote: هنالك نظرة قاصرة جدا لدور هذه الوزارة في البيان ... |
مش لأنك وصفتي دور الوزارة بي ركاكة وسبهللية فقط
برضو عشان كلام فطير وسبهللي عن عدم اهمية الوزارة
وعدم وجود ميزانيات عشان كدا الوزارة دي حا تكون
مهمشة ويستحقها المهمشين (العقدة التي لا فكاك منها
حتي لو ...) ... الكلام دا موجود في البوست دا وانتي
تحديدا اتفقتي وايدتيهو ...
نرجع لي مداخلتي التي حوت توصيف لدور الوزارة فقط
ولو كنتي بتعرفيهو كان كتبتيهو في مداخلتك من ضمن
الأسباب التي أوردتيها لجعل هذه الوزارة وزارة تابعة
ومقيمة في البحر الأحمر وليس الشرق ... لأنو بهمك
فقط البحر الأحمر وليذهب الشرق ...
المهم بعد توصيف دور الوزارة ختمت المداخلة بعبارة :-
| Quote: ليس بالجهوية وحدها يحيا انسان السودان ويتطور ... |
أولا ... هنا اعتراف بي حقوقك الجهوية إذا قريتي الجملة صاح ...
لأني أعلم تماما إنو تربية الكيزان خلال ٣٠ سنة اعتمدت علي (انتا
من وين) وبالطبع ما يدور هنا وفي كتير من البوستات نتاج هذه
التربية ...
تانيا ... لسوء نيتك قصدتي تشيلي كلمة (وحدها) من الجملة عشان
تعرفي تسلكي الأباطيل والأكاذيب التي تكونت منها مداخلتك ...
أها دي مداخلتي ... كدي النشوف طراشك والهببتيهو ...
يتبع ....
|
Post: #89
Title: Re: لماذا لم يمثل الشرق لا في السيادي ولا في ح�
Author: Salah Zubeir
Date: 09-09-2019, 12:59 PM
Parent: #88
Quote: ولماذا تفترض أنك وحدك فقط من تعلم ..
... وكمان عايز تدينا درس |
هههه دا وهمك قال ليك كدا ... أنا ما افترضتا ..
انا كتبت المفروض تكتبيهو عشان تقنعي بيهو
من بيده الأمر عشان يعينك وزيرة وكمان ينقل
الوزارة الاتحادية بورتسودان ... دا انا بساعد فيك
يا عبيطه لانو الأسباب الجبتيها ساذجة جدا ... شنو
يعني المينا تابع للوزارة ... اتي بتستعبطي ...
| Quote: خلااااص علشان مجرد بيان كتبه شخص |
بالنسبة لينا انتي الكاتباهو ... لا تقولي زعيط لا معيط ...
البيان الفضيحه دا مكتوب تحت اسمك انتي بطلي ولوله ...
| Quote: تصدر حكمك إنه جهة الشرق خالية من القدرات والكفاءات؟! |
إن بقي ناس الشرق قدراتن وكفاءتن زي الليلتك .. الترابه دي في خشمن ...
أسلوب تراجي دا ما بينفع معاي ولو كررتيهو حا أرد
عليكي رد يخليك (يحصل عليكي ما يحصل) ...
Quote: وعارفين تماااما الأمور دي بتتم كيف..
معظمها علاقات ووساطات وشلليات وبيوتات أرستقراطية في العاصمة.. وأي زول أبوهو وزير عايز يبقى وزير |
يا حليلك ... هههه ... لا ارستقراطية لا أبوك وزير ...
تاكلي هوا بس وما تعايني لي فوق ...
Quote: فممكن توريني مثلا علاقة مدني عباس بوزارة في حجم التجارة والصناعة شنو ؟
رجاء جاوب على هذا السؤال.. |
هههههه ... ولييييه الرجاء ... من هنا وانتي طالعة تسألي بس
ونحنا حاضرين ... طيب بالسلطة المخولة لي من حمدوك
اقول ليك مدني دا قارناهو بيك ولقينا قدراتو وكفاءتو فايتاك
بي سنين ضوئية ... عشان كدا اخترناهو واسقطناك ..
| Quote: آي تطور في السودان دا بالواسطات.. وقريبي وقريبك وشلتي وشلتك ومنظمتي ومنظمتك.. مش ؟ |
اااااااي كلامك صحيح ... انتي يا كافي البلا لا عندك قريب
لا عندك شله لا عندك منظمه ... مالك ما عرفتي تسوي الحاجات
دي عشان تساعدك وتسندك قدام حمدوك وقحت وأنا ... ههههه ..
غايتو يا بتنا إذا دا مستوي فهمك ونظرتك للامور ... احسنلك
تقعدي محل ما إنتي ويا دار ما دخلك شر ....
|
Post: #90
Title: Re: لماذا لم يمثل الشرق لا في السيادي ولا في ح�
Author: أبوبكر عباس
Date: 09-09-2019, 01:51 PM
Parent: #89
حقو نتساهل مع ناس الهامش الشاركوا مشاركة خفيفة مع الإنقاذ زي ما فعلنا مع وزير شئون الرئاسة.
في نفس الوقت عدم التساهل نهائياً مع الجلابة
جادي في الأقتراح دا
|
Post: #91
Title: Re: لماذا لم يمثل الشرق لا في السيادي ولا في ح�
Author: هاشم الحسن
Date: 09-10-2019, 05:48 AM
Parent: #1
| Quote: حقو نتساهل مع ناس الهامش الشاركوا مشاركة خفيفة مع الإنقاذ زي ما فعلنا مع وزير شئون الرئاسة. |
دا كلام صحيح با أبابكر.
لكن مش تساهل، أفضل أن نسميه (مرونة معقولة) تأخذ في اعتبارها حقيقة انقطاع
السياسة المعارضة (بأزماتها المعروفة) عن سياسة الأقاليم، بل وعن ممثليها هناك!
وأيضا استفراد الإنقاذ بكثير من مهنيي الأقاليم الذين لم يغادروها،
بأساليبها في الدولة الزبائنية، سواء عبر القبيلة أو لحفظ مصالح الحياة.
وأيضا الاصطراعات الإقليمية نفسها، وتورط البعض فيها لدرجة الحفر لبعض المرشحين،
وهذا ما أخبرني به متابع قريب للترشيحات، وبقية أقواله تتتفق تماما مع ما أورده عبدالعظيم أعلاه،
وكذلك محاولات بعض المرشحين للنأي عن الصراعات والدسائس واعتذارهم.
وحتى اعتذار كفاءات مرشحة لأسباب شخصية الذي أشهد عليه، وغيره.
المهم؛ لولا المرونة لما أمكنت مشاركة محمد حسن التعايشي في السيادي، مرشحا عن تجمع المهنيين وممثلا لدارفور.
وذلك حين اعترض عليه البعض لمشاركته كمستشار في سلطة السيسي الانتقالية بعد اتفاقية الدوحة.
مع أن الأكيد أنه لم يشارك من موقع التماهي من الإنقاذ ولا بإغوائها.
نفس هذه الشبهة قد يرفعها البعض الآن اعتراضا على الباشمهندس حامد إدريس سليمان،
مع إنه شاب مؤهل سياسيا مؤيد للثورة وعليه توافق أهلي كبير.
ذلك لأنه كان فيما سبق عضوا منتخبا في تشريعي البحر الأحمر،
علما بأن المشهور خوضه وفوزه بتلك الانتخابات تعبيرا عن مشاكل أهله ودائرتهم، وضدا لمرشح المؤتمر الوطني،
بل ربما كان هو المعارض الوحيد للإنقاذ وحكومة الولاية من داخل ذلك المجلس لدرجة تجميده ومحاولة التخلص منه.
وحتى الآن أظنه قريب جدا من وزارة البنى التحتية لا يقف أمامه سوى شرط مهني حنبلي لا أعرف من وضعه:
أن يكون المرشح لهذا المنصب مهندس مساحة وحامد مهندس جيولوجيا!!
لا بد من المرونة، ومن مراعاة السياسة كمان..
الوزير سياسي في المقام الأول والرؤية هي أول المطلوبات ثم الفنيون متوفرون للاستشارة وللتنفيذ.
وكذلك لا من محاولة جادة لتجاوز سلبيات كل ما أورده عبدالعظيم عن حالة الهرج
التي سادت ولا تزال تسود في طريقة عمل لجان الترشيحات.
ياخي ما معقولة أنه لم يكن ثمة تنسيق مسبق بين هذه اللجان وبين د. حمدوك وليراعوا
به ضرورة التمثيل الجهوي كما أرادها!!
هذا حتى لا نذكر الغياب الواضح للتنسيق مع ممثلي الثورة في المناطق والجهات.
Quote: الموضوع دا كان أفضل يتم تنزيله إلى الجهات دي وهي من ترشح
ممثليها (طالما موضوع التمثيل الجهوي لايمكن تجاوزه)
على الأغلب الترشيحات لعبت فيه الكتل الرئيسية
للحرية والتغيير دورا في كلفتتها واكمالها باي طريقة
علي قاعدة :
عاوزين لينا زول من دارفور
شوفوا لينا زول من الشرق |
========
* وقال بلال:-| Quote: هاشم حسن لو عجبته المحاصصة مبروك عليه, بس ما بإسم الشرق, |
واللله يا بلال، لولا محاصصة الأقاليم في مجلس السيادة، وهي لازمة تاريخية فيه بل قد تطورت في التجربة دي،
وبدل ما كانت بين حزبي الأمة والإتحادي والجنوبيين فقد أصبحت أقرب لتمثيل الأقاليم فعلا.
فكل فكرة المحاصصة لا تعجبني أبدا، لا تمثيلا للشرق ولا لغيره، ولا حتى في بيتنا،
ولا بطريقة الإنقاذ ولا بغيرها، بل وأزعم إنني عارف بذيولها وتبعاتها وبخطرها الماحق.
لكن أهو، دا الواقع الذهني الذي فرضه تاريخ من الصراع والتكالب على السلطة،
حتى على فكرة د. حمدوك الواضح أنها جاءت متأخرة، بنوايا حسنة في تمثيل التنوع وكرسالة نحو السلام،
عليه، وتفاديا للقصور الذي شاب عمل لجان الترشيحات، فقد ظننت أن فكرته مناسبة للفترة الإنتقالية.. وفقط..
اي على أساس إنو لي قدام فالانتخابات الديمقراطية بين أحزاب أو تحالفات حزبية عابرة للجهات والقبائل
ستتكفل بالتعبير عن هذا التنوع وستكفل حتى مشاركة الهوامش السياسية في السلطة.
ولهذا، فمنذ الآن وحتى وقتها.. فإن أي من يتحدث باسم تنظيم إقليمي، بخطاب جهوي، باسم الهامش أو القبيلة الخ الخ
وفي نفس الوقت لا يدعو ويكافح من أجل اصدار قانون للانتخابات عبر التمثيل النسبي (شكل مناسب منه)،
فشخصيا ساسعتبره مزايدا كاذبا مستربحا بتاع مصالح وداعية فتنة.. والله على ما أقول شهيد!
وشنو يا بلال ياخي.. والله تنفعل مع بريمة أخوي دا يوديك التوج:)
كلامك دا هو رابع تهديد للثورة ومستقبل البلد يقع علي منذ الأمس:Quote: نعرف البير وغطاها, ونعرف كذلك وتر أخيل المركز
لدينا إتصالات مع بقية حركات الهامش, ولكن موقعنا ومركزنا والجهات الداعمة لنا أقوي منهم |
الأول: ما جاء في تهديد حميدتي لأهل الصلح في بورتسودان.. إنذار متوقع منه، ليس لهم فقط بل للجميع.
كان يهددهم ويقول (أنحنا)، انحنا مع المدنية لكن... أنحنا نمرقكم.. أنحنا ما بندفع.. يقصد نفسه/العسكر.
وواضح أنه من منصة عضويته العسكرية في المجلس السيادي، يتحدث كمكون منفصل عن الحكومة وعن الدولة.
والأخطر، يتحدث وكأنه الحاكم الفعلي وهذه (الحكومة المدنية) هي حكومة معتز أو إيلا ولا شيء فيها بالقانون.
حتى الحضور الأمني للدولة يغيب إلا عبر قواته وليقدمه وكأنما هي منة أو منحة من الدعم السريع للحكومة..
الثاني: تصريح البرهان بأن المجلسين السيادي والتنفيذي يمكن أن يضطلعا بالعمل التشريعي،
وبغير حاجة للمجلس التشريعي الانتقالي المؤجل برغبتهم، أي على طول الفترة الانتقالية!!
هذا اختراق مباشر للوثيقة الدستورية وتآمر سيسوي واضح على الثورة.
الثالث: تهديد الصادق المهدي بالسعي لانتخابات مبكرة إذا (فشلت حكومة حمدوك!)..
الفشل والتفشيل ساهلات.. كم مشكلة وكم كذبة وخلاص.. لن تنقصهم الذرائع.
لكنه يريد تكرار ما فعل في اكتوبر ١٩٦٤ فأفشل التجربة كلها.
يريد خوض الانتخابات بالانتخاب المباشر في الدوائر الجغرافية فقط،
يريد جمهورية رئاسية بدستور ٢٠٠٥ وسلطات البشير..
كل هذا لو حدث كما يرجوه الثلاثة المذكورين، أو حدث الذي في المقتبس عنك،
فقد يسقط حجر الدولة، مش الثورة بس!!
===
أبقوا بخير..
وإلى حين عودة..
|
Post: #92
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-10-2019, 06:17 AM
Parent: #91
دكتور هاشم مرحب بعودتك
المشغوليات ما خلت لي وقت سوي للطلة
البوست بوستك, واصل كتاباتك....
إذا سنحت الفرصة سأرد عليك يا ثائر!
|
Post: #93
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-10-2019, 06:25 AM
Parent: #92
الزبيرQuote: مش لأنك وصفتي دور الوزارة بي ركاكة وسبهللية فقط
برضو عشان كلام فطير وسبهللي عن عدم اهمية الوزارة
وعدم وجود ميزانيات |
مجرد الوصف بالفطارة والسبهللية ليست كافية كرد لدحض رأي يا أستاذ!
يعني إنت شايف الدولة كملت تأكل الناس وتشربهم, عشان تفضي للبنية التحتية!
|
Post: #94
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-10-2019, 06:28 AM
Parent: #93
| Quote: فقد يسقط حجر الدولة، مش الثورة بس!! |
والدولة ده كان بقوا كيزان ولا جماعة حمدوك أدتك شنو عشان تخاف عليها يا هاشم؟؟؟؟
|
Post: #95
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-10-2019, 06:29 AM
Parent: #94
االأهبل الأمي عبد العظيم جاييك
|
Post: #96
Title: Re: لماذا لم يمثل الشرق لا في السيادي ولا في ح�
Author: عبدالعظيم عثمان
Date: 09-10-2019, 06:56 AM
Parent: #95
حبابو ود الطاهر الكوز المطيليق
جاي تولو بي جاي ورافع شماعة شرق السودان والهامش
دا مخاض عسير لميلاد دولة جديدة
ستولد وتحمل معها مصايب وخوازيق الكيزان الله لا كسبهم
لولا الوعي العنصري الذي حمله مشروعهم الحضاري
لكنا تجاوزنا هذه المطبات من زمان
شوية صبر وتركيز وكل شئ يتصلح يا بلال
تحياتي
|
Post: #97
Title: Re: لماذا لم يمثل الشرق لا في السيادي ولا في ح�
Author: نعمات عماد
Date: 09-10-2019, 07:06 AM
Parent: #95
سلام عليكم صلاح الزبير و بلال و الزملاء
بالغت ي صلاح ، كدا عدد شكلاتك بقى حوالى ٥٤ شكلة 🙃😂
أنت مش كاره الشيوعيين و بس ؟ كمان عايز ناس الشرق يكرهوهك ؟
يا زول أتعوذ من ابليس. و امسح الكلام الفوق و ما في داعي للشخصنة
بيناتكم أنت و امونة .
|
Post: #98
Title: Re: لماذا لم يمثل الشرق لا في السيادي ولا في ح�
Author: Salah Zubeir
Date: 09-10-2019, 08:41 AM
Parent: #97
وعليكم السلام والرحمة والبركات الأخت نعمات ...
| Quote: بالغت ي صلاح ، كدا عدد شكلاتك بقى حوالى ٥٤ شكلة |
يا دكتوره آخر مره حسبتهم كانو ٤٩ .. زيدتيهم
مويه ولا الحاصل شنو ... لكن شكلة آمنه دي غير ..
اول شي مافي تاريخ بتاع اختلاف بيناتنا وتداخلنا
مره او مرتين لا أذكر وهي محل احترام وتوقير
بي سبب النوع وبي سبب أنكم شبه معدومات
في حوش بكري دا ...
كتبت مداخله عادية فيها الفايده لمن يرغب والضحك
عليها سرا او دحضها لمن رأي ذلك ... المفاجأة
لقيت الأستاذة ردمتني ردم من لا يخشي الغني ..
سردبت و رديت بالعفو والعافية وقتا بااااااصس ...
تاني يوم لقيت استفزاز شخصي في ود عيني...
ممكن تراجعي بوست أبوبكر بتاع الكنداكة امنه
الوزيره عشان تعرفي عظم المسعولية الوقعت علي ..
اها .. قتا لي رقبتي تطير عيشتك يا ود الزبير ..
لابد مما ليس له بد ... ما عندي عليها شي شخصي
وأتمني ليها الخير في وزارة او سيادة ...
بعدين علاقتي بالشيوعيين علاقة راسخة منذ الأمد
ونبرا من الكراهية عموما وكراهية الشيوعيين خصوصا ..
اليوم اصطبحت بي محادثة اتنين منهم شقيقتي وشقيقي ...
اما ناس الشرق ديل دافنين لينا عروق المحبة وين ما قبلنا
وما عندهم دروب للكراهية ومافي طريقة ننفك او يتفكو
مننا وشاهدي هاشم الحسن دا ...
|
Post: #99
Title: Re: لماذا لم يمثل الشرق لا في السيادي ولا في ح�
Author: AMNA MUKHTAR
Date: 09-10-2019, 09:44 AM
Parent: #1
Quote:
أولا ... هنا اعتراف بي حقوقك الجهوية إذا قريتي الجملة صاح ... |
تعترف لي شنو إنتي كمان بحقوقي سواء جهوية وللا غيرها.. يا الإسمك منو كدا الزبير..
هو إنت لو ما أنا وقومي ولا كان تحلم ذاته يكون ليك حقوق في السودان دا..ولا ذاته كان حا يكون في بلد إسمه السودان يا هطلة إنت يا أبيض يا ورد يا خالي من المواهب وحاجات تانية..
فأحسن تنجعص في واطة الله دي.
وتبطل عباطة وتهديد بكلام مخيف قال بين قوسين هههه
وجملتك ما عايزاها أقراها صح.. مزاااج كدا بس..
زي قرايتك لبيان التجمع الشعبي البيرشح باشمهندس هاشم..والمصر إني كتبته أنا.
وقلت لي شان تبقي وزيرة.. هههههه... لا شايفني جارية ورا وزارات التعيين دي لما مطيرة سفنجاتي.. وأجري وراها وأبكي وأتمخت.. زي العبيط سفاف قروش البؤساء... البقى مكروه الثوار.
هوووي.. أنا كان نويت إلااا محل حمدوك بس..😂
فبالله هوينا كدا وللا كدا عامل خلقتك الحامضة وشعرك المصبغ كحلي دا..
|
Post: #100
Title: Re: لماذا لم يمثل الشرق لا في السيادي ولا في ح�
Author: AMNA MUKHTAR
Date: 09-10-2019, 10:14 AM
Parent: #1
Quote:
حقو نتساهل مع ناس الهامش الشاركوا مشاركة خفيفة مع الإنقاذ زي ما فعلنا مع وزير شئون الرئاسة.
في نفس الوقت عدم التساهل نهائياً مع الجلابة
جادي في الأقتراح دا |
طبعا يا أبوبكر طرحك دا بالذات بقى يتم بثه هذه الإيام للإيهام إنه ناس الهامش وبالذااات الشرق كلهم كيزان..
دا هو نفس الطرح البدينا نناقشه في الشرق علشان نعرف الفك الإشاعة دي منو.
وفي النهاية إكتشفنا إنه الفكوها هم ناس قحت ذاااتهم..
ليييه ؟!
فدا طبعا صراع قديييييم بين الختمية واليساريين في الشرق..
وطبعا الختمية هسه ليهم كتلة متعددة الكيانات داخل الحرية والتغيير
وكونه قحت عندهم فروع ليهم في ولايات الشرق.. وبالتالي يستحيل ما يكونوا ما عارفين يرشحوا منو ويستحيل ما يكونوا عارفين الكوز من الما كوز..
فهل يعقل مثلا.. المرشحين الإتنين للوزارتين مثار الجدل..يطلعوا فيهم شبهة كوزنة ؟!
طيب الرشحهم منو أسااااسا منذ البداية..!!
وبالمناسبة النفرين الأنا جبت ترشيحهم في البوست دونا عن الآخرين.. كان لي غرض في جيبتهم..
باشمهندس هاشم دا في جهة قصدت تضربه ..داخل جماعته الإتحاديين ذاتهم .
أما الجيولجست الشاب حامد إدريس.. فإذا لم يشفع له نضاله ولا عمله العام ووقفاته في كل كارثة أو مشكلة في البحر الأحمر.. أو صبته في القيادة في خيمة الشرق منذ بداية الإعتصام حتى إنتهائه... فهل لا يشفع له إنتمائه إلى قوى الحرية والتغيير..
فزول رفيقهم.. كيف يجهلوه أو يتجاهلوه ؟!!!
دا غير طبعا اللستة الطويلة العريضة الرسلها شيخ مناضلي الشرق د. أبو محمد أبو آمنة.. والتي لا يوجد بها لا كوز ولا كوزة واااحدة يا أبوبكر..
سامعني.. ولا حتى رقشة كوزنة ولا حتى صحبة مع أكواز..
فبالله ما تمغصونا وتطمموا بطننا..
هسه نقوم ننضم لمملكة الجبل الأصفر.. 😂
|
Post: #101
Title: Re: لماذا لم يمثل الشرق لا في السيادي ولا في ح�
Author: Salah Zubeir
Date: 09-10-2019, 11:29 AM
Parent: #100
Quote: تعترف لي شنو إنتي كمان بحقوقي سواء جهوية وللا غيرها.. يا الإسمك منو كدا الزبير..
هو إنت لو ما أنا وقومي ولا كان تحلم ذاته يكون ليك حقوق في السودان دا..ولا ذاته كان حا يكون في بلد إسمه السودان يا هطلة إنت يا أبيض يا ورد يا خالي من المواهب وحاجات تانية..
فأحسن تنجعص في واطة الله دي.
وتبطل عباطة وتهديد بكلام مخيف قال بين قوسين هههه
وجملتك ما عايزاها أقراها صح.. مزاااج كدا بس..
زي قرايتك لبيان التجمع الشعبي البيرشح باشمهندس هاشم..والمصر إني كتبته أنا.
وقلت لي شان تبقي وزيرة.. هههههه... لا شايفني جارية ورا وزارات التعيين دي لما مطيرة سفنجاتي.. وأجري وراها وأبكي وأتمخت.. زي العبيط سفاف قروش البؤساء... البقى مكروه الثوار.
هوووي.. أنا كان نويت إلااا محل حمدوك بس..😂
فبالله هوينا كدا وللا كدا عامل خلقتك الحامضة وشعرك المصبغ كحلي دا.. |
نوثق أولا"
وبالتاكيد ما حا أنزل لي مستوي زباله زي دا
عشان تمثلي لي الناس دور الضحيه ...
تلقيها عند الغافل ....
|
Post: #102
Title: Re: لماذا لم يمثل الشرق لا في السيادي ولا في ح�
Author: AMNA MUKHTAR
Date: 09-11-2019, 09:37 PM
Parent: #1
وفد مؤتمر البجا – المكتب القيادي – وقيادات شرقية الي جوبا
بعد مجهودات مكوكية قامت بها الاستاذة زينب كباشي عيسي وبعض النشطاء الشرفاء من ابناء البجا تمكن هؤلاء ان تكون قضايا الشرق ضمن اجندة مفاوضات السلام القادمة بين الحكومة والحركات المسلحة. رحب عدد كبير من سياسيي الشرق بهذه الخطوة واعلنوا جاهزيتهم علي التفاوض والدعم.
من المتوقع ان يكون عدد المفاوضين من ابناء البجا حوالي الخمسة وسيكون علي رأسهم الاستاذة زينب كباشي عيسي ود. ابومحمد ابوامنة عن مؤتمر البجا – المكتب القيادي.
جاءت هذا الخطوة في وقتها وخاصة هناك شخصيات تدعي تمثيلها للشرق ولا صلة لها بكيانات الشرق لا اثنيا ولا سياسيا, لم يعرف عنها الشرق غير الانتهازية وبلع الاموال., والتمتع بمكيفات القصر حتي امس.
د.أبو محمد أبو آمنة
مؤتمر البجا -المكتب القيادي
|
Post: #103
Title: Re: لماذا لم يمثل الشرق لا في السيادي ولا في ح�
Author: هاشم الحسن
Date: 09-12-2019, 00:30 AM
Parent: #1
Quote: والدولة ده كان بقوا كيزان ولا جماعة حمدوك أدتك شنو
عشان تخاف عليها يا هاشم؟؟؟؟ |
والله يا قريبي الدولة دي أضاعت حقوقا كثيرة ولم تحقق وعدها ولا أدناه.
ولكن لولاها (كدولة) لما عرفنا هذه الحقوق أصلا ولا محل المطالبة بها..
أنا مقدر أحزانك وزعلتك وأشاركك الحنق على كثير من أسباب ذلك كما أتصورها،
لكن الدولة دي أدتنا كلنا حاجة مهمة جدا، هي الوطن.
ينقص نصيبنا أو يزيد، نتشاكل عليهو أو نتصالح فيهو ونتراضى، ياهو الوطن.
وبعيدا عن الجغرافيا وعن الصراع الأبدي للأخذ والعطاء وعلى الأنصبة،
والذي هو سمة الاجتماع في أي تنظيم اجتماعي أو قانوني أو سياسي،
فالوطن، أولا وقبل كل شيء، هو تاريخ..
التاريخ المؤطر بمفهوم الدولة حتى لو كان شخصيا.
صحيح الأخير هو تاريخ الإنتماء الوجداني أولا،
ولكنه ولا بد مرتبط بوجود الدولة وبالصراع عليها.
مثلا، قريبا من أصل البوست، ومن السكناب..
فتاريخي الأسري مع هذه الدولة (في كافة أشكالها) ممتد وعميق
ويمكنني مثلا تأتير بعضه إلى السلطنة الزرقاء على الأقل،
عبر التركية والمهدية والاستقلال وحتى الآن..
لاحظ ما يسرته الدولة من سيرورة وصيرورة!
تصدق مثلا أن أجداد(ي) مباشرين لصاحبنا حسن شيخ ادريس، ومن جهتي والديه؛
قد كانوا أعداء يتقاتلون على هذه الدولة، هذا قبل قرن ونصف تقريبا، ليس بعيدا!
وفي أجداده كذلك من توسط بين المتقاتلين وشهد صلحهما.
ثم من محلهم داك تصاهر أؤلئك الأعداء
وبل ناسبوا الوسيط زاته وجيران آخرين من قبائل ومعسكرات شتى،
وحتى الآن فهم لم يزالوا يتصارعون على هذه الدولة، وإن بطرق أخرى،
وكله حدث ويحدث في ومن ساحات هذا الشرق..
========
| Quote: وشاهدي هاشم الحسن دا |
والله يا صلاح يا قريبي بشهد ليك،
أولا بصحة مداخلتك الأولى عن وزارة البنى التحيتة،
وعن الوجود التاريخي للآلاف من أهلك في أوساط البجا
وعن المحبة والتعايش فيما بينهم.
لكن هنا الأعصاب الثقافية والسياسية الظاهر عليها مشدودة شوية،
وكلمة أو أخرى قد تنحرف بها نحو الهاوية.. والشخصنة..
شايفالحاصل لكن قلت إيه يا ولد، قرايبك ديل كلهم شديدين ولضيضين
مالك ومال شكلتهم الحاتنتهي بي ضحكة دي! يصطفلوا!!
وثانيا بشهد ليك، طبعا عن شقيقك صاحبي الشيوعي داك ههههها،
ولكن بالأخص عن شقيقتك الهميمة التي بهذه الأيام قربت تتقطع والله
من أجل أن تتحقق كلمة (حرية سلام وعدالة) ولتشمل كافة البلد..
لكن طالما ذممتني، فلا إنت لا أمنة ما بشهد ليكم إلا بالفشل في كظم الغيظ متى ما استحر.
وحتى لو عايز أشهد زورا، أها أعمل شنو مع حساب نعمات الدقيق دا!
شوف، آمنة دي الظاهر عليها صنفتك جلابي.. ودي ما عندها علاج، إلا تصاحب ليها بشاشا!
ولكن الغريبة أنا شايفها ختت ليك وجه ضاحك وعلقت على صبغتك وشيبتك
واستخدمت لغة حبوبات ظاهرها العذاب وباطنها الحنان.
يعني شنو.. يعني النوايا صافية والقلوب لبن.. صلوا على النبي.
+++++
أسمع، النفتنكم شوية..
زمان، تقريبا على أيام التهاب جبهة الشرق مشيت كسلا إجازة من نيالا..
الوالد عليه رحمة الله قال لي: ياخي قريبك فلان ود فلان جابوهو في الحامية هنا
وجاء زارنا وسأل منك ولازم تزورو.. قلت خير مرحب بابن عمي في بلدنا..
ذهب معي أخي شديد البجاوية على طريقته المشوبة بتوترات الوضع المعاش هناك.
في الونسة، قبل شرب العصير، زوجة قريبنا قالت إن (المتمردين البجا) هددوا كسلا لأن البجا
وطنيتهم ضعيفة وأن ما يجعلهم كذلك هو أنهم في الأصل أحباش مش سودانيين.. هكذا قالتها أحباش!
أنا حاولت أن اشرح وزوجها حاول أن يصلح لها من أثر سوء فهمها، ولكن أخي انتقض وقال لها مغضبا:
ولكن دي بلدنا في السودان ومش في الحبشة، دي بلدنا قبل الإنقاذ وقبل السودان زاتو، ديل هدندوة مش حبش،
إنتي لو ما بتعرفي تاريخ حقو تتعلميهو قبل ما تتكلمي ساكت عن أسياد البلد الجيتي تشتغلي فيها.
وأبى أن يشرب عصيرها بل أصر وألح أن نخرج من فورنا وسط حرج قريبنا ودهشة زوجته.
سافرت، لكن رغم الموقف والكلام القاسي والحرج، فقد علمت أن علاقة أخي بقريبنا وأسرته قد توثقت.
الحكاية دي وكلام أخوي دا ذكرني بيهو كلام أمنة:
((هو إنت لو ما أنا وقومي ولا كان تحلم ذاته يكون ليك حقوق في السودان دا..
ولا ذاته كان حا يكون في بلد إسمه السودان))..
الشاهد، هناك حساسيات ولها أسبابها،
ولكن الأهم ألا يكون كل الناس بقلة صبر أخي على الأذى،
أو كزوجة قريبي في الجهل وضعف الحساسية الوطنية.
======
يا آمنة ياخي انتي شانة حملة على الاتحاديين مالك
وماخداهم بجريرة استبعاد المرشح هاشم شيخ طاهر بالذات؟
أولا اتحاديو الحرية والتغيير ديل أنا قايلهم مشغولين بأنفسهم،
وبالهرج والمرج الحاصل مركزيا.
وما ظنيتهم عارفين الشرق حاصل فيهو شنو ولا منو زاتو، لسع؟
ثانيا اتحاديو سر الختم وستي مريم، ديل إلا تفتشيهم في بقايا المؤتمر الوطني.
ثالثا حتى لو كانوا فاعلين شرقيا، انتي يعني دايراهم يربعوا ايدينهم السياسية،
وتبقى عليهم البقت في حزبهم القديم في الانتخابات بعد ثورة اكتوبر،
يومداك فاز مؤتمر البجا بإحدى عشر دائرة، وكمان متحالفا مع حزب الأمة..
====
على سيرة مؤتمر البجا، وبالذات حول انفصال سياسة الشرق عن السياسة في المركز،
سأهادي هذا الحوار الشرقي بهذا المقال التالي عن بعض هموم السياسة في الشرق،
لكاتبه محمد عثمان ابراهيم..
ليس بالضرورة الاتفاق على الكاتب أو كل ما جاء في المقال، ولكنه يفتح أفقا لفهم الواقع وللحوار..
المقال أو رابطه سيلي.. هذا مقتطف..Quote: لكن من الضروري أن يندمج النشطاء من أبناء شرق السودان في العمل السياسي القومي بأحزابه
وجمعياته ومراكز النفوذ فيه على أن يتم استخدام تلك المنابر للتعبير والضغط لصالح قضايا أهلهم على النحو
الذي نراه من غالب أهل السودان. أيضاً هناك مجال واسع لتأسيس أحزاب وجمعيات تدافع عن قضايا
الإقليم على أن تتأسس على نسق مدني عابر للقبائل والإثنيات. |
|
Post: #104
Title: Re: لماذا لم يمثل الشرق لا في السيادي ولا في ح�
Author: هاشم الحسن
Date: 09-12-2019, 00:43 AM
Parent: #1
Quote: البجا في المشهد الجديد.. البحث عن أسقف!!
المقال لمحمد عثمان ابراهيم..
بعد الدوام
نشر بصحيفة السوداني في ٢٣ يوبيو ٢٠١٩
في تحية الرجل العظيم والمثقف التاريخي الأستاذ محمد دين أحمد إسماعيل البجاوي الذي ألف كتاباً يصلح لأن يكون مقدمة للاهوت النضال الثوري في شرق السودان بعنوان (كفاح البجة) ونشر بالخرطوم في الأول من يناير ١٩٥٣م. كان الرجل سابقاً لزمانه إذ تناول القضايا التي تواجه مجتمع الشرق اليوم بعد مرور ٦٦ عاماً منذ ذلك التاريخ و٦٣ عاماً على استقلال السودان عن الحكم البريطاني المصري. كتب أن “هذا هو الوضع الحقيقي والقائم في شرق السودان، حيث لا زالت الأغلبية الساحقة من قبائل البجة تعيش في البادية بين الجبال والوديان، كما وإنها تعيش حياة بدائية تشابه حياة الإنسان الأول في كثير من النواحي المختلفة ـ وإن كفاحها ونضالها لا يتعدى الخبز الضروري والماء العكر والمسكن البائس المتواضع “. سبعون مرت والخبز الضروري انعدم في بورتسودان والماء العكر صار حلماً بعيد المنال! لم يقرأ أحد كتابك يا أستاذ الأجيال. لا أحد يعرفك الآن ممن يعبثون باسم أهلك الكرام على الموائد من الخرطوم وأديس أبابا وجنيف ولندن وغرب أوروبا ـ سنعود إليكم جميعاً فلا تتعجلوا نصيبكم من اللعنات!
ضد اليايهماد (في مناهضة اللوم والشكر):
أحد أكبر معيقات العمل العام في شرق السودان هو سطوة فكرة اللوم والشكر في الثقافة الشعبية، وهي ثقافة معادية للصالح العام ولا تخدم المواطن، ومن إفرازات هذه الثقافة أنها تحرم المواطن من قول كلمة الحق التي قد يكره شخص آخر سماعها مما يجلب اللوم للقائل وأهله، وهذا ما يفسر لجوء الكثير من الشباب إلى الكتابة بأسماء مستعارة في الوسائط الإلكترونية تفادياً للوم والعتاب. بعبارة أكثر دقة إذا أسس شخص واحد تنظيماً باسم مؤتمر البجا وذهب وحضر مؤتمراً في إحدى العواصم مدعياً أنه زعيم من زعماء شرق السودان لما تصدى له أحد، ولما سأله أي من أبناء الإقليم عن هوية حزبه (المستوهم) وأين مقره؟ وما هي أدبياته؟ وكم عدد أعضائه ومناصريه؟ تحاشياً للوم والعتاب وهو ما أسس بيئة سياسية بشعة عمادها الانتهازية التي يستثمر في استخدامها كثيرون وقد حان الوقت لقول كفى!
في إرث أهل شرق السودان قصص لا أمل من العودة إليها وتأمل الحكم البارعة ومن ضمن تلك القصص ما يحكى عن أن أسرة مستورة الحال كانت تملك ناقة واحدة، ثم تبعت تلك الناقة إبل أحد الأكابر فاستحى شباب العائلة عن المطالبة بها من بين إبل الكبير حتى اضطر أبوهم الشيخ إلى الذهاب إلى مجلس الكبير واستئذانه في استعادة الناقة. قال الشيخ للكبير لقد استحى أبنائي من المطالبة بالناقة، فرد عليه الكبير حاسماً “استحى أبناؤك فما منعك أنت من الحياء؟”، فرد الشيخ : إذا استحينا كلنا ضاعت الناقة. هاؤم اقرأوا ما قال به الحكيم: إذا استحيتم جميعاً وترفقتم بمن يحتوون قضيتكم ضمن قضاياهم الخاصة الكثيرة ضاعت قضيتكم!
بهذا المعنى فإن هذه المقالة تعمل كجرافة تساهم في فتح الطريق للتخلص من أبطال المشهد السياسي الشديد القتامة والبشاعة في شرق السودان، وآمل أن تشجع الشباب النبلاء الذين دعاهم المثقف العظيم محمد دين البجاوي ولم يستجيبوا حين قال “الشباب مسؤول عن تقدم الأمة السودانية في عالم الحياة ودنيا الوجود ومسؤول ليتحدى أولئك الذين يقفون عقبة في الطريق بحكم أنانيتهم وتفكيرهم السقيم للاحتفاظ بقيادة الأمة قيادة هزيلة ضعيفة لا تخدم البلاد في قليل أو كثير”!
مع القبائل وضد القبلية:
أول ما ينبغي النظر إليه في مشهد شرق السودان هو مشهد الاستثمار في القبلية ومحاولة تضخيمها وضخ الدماء في قادتها وإظهارهم بقوة لم يكونوا يمتلكونها حتى في عصر ما قبل الدولة الوطنية. إن الحاجة إلى أطر مدنية واجتماعية لتعايش المواطنين تتطلب توقير القبائل وقادتها باعتبارهم حافظين للموروثات والقيم ودعامات للتعايش السلمي والتصالح والاحترام، وهذا يعني توفير العيش الكريم لهم وترفيعهم عن التهافت على مكاتب المسؤولين الرسميين والتسول باسم قبائلهم وتملق الحكام. إن قيمة هذه القبائل واحترام الدولة وأجهزتها لها مؤسس على الصورة التي يعكسها شيخ القبيلة أو العمدة أو الناظر في المؤسسات الرسمية فإن كان متهافتاً متكسباً مترخصاً فإن الرماد كال أفواه أتباعه، وإن كان قوياً محترماً فإنه يتمكن من أداء دوره وخدمة قبيلته وإحسان تمثيلها. في المجتمع الذي يميل يوماً بعد يوم إلى المدنية حيث لا يحتاج الناس إلى شيوخ القبائل والعمد والنظار لمساعدتهم في حياتهم اليومية بشكل مباشر ولكن الدولة تحتاج إليهم وإلى حكمتهم وقدرتهم وبراعتهم في حل النزاعات والحفاظ على القيم الرفيعة.
بهذا المعنى فإن القبلية أمر إيجابي إذا استخدمت على الوجهة الصحيحة وليس باعتبارها مدخلاً للوظائف العامة والتكسب وخداع الموظفين العموميين وتملقهم.
لقد عاش كاتب هذه المقالة عدة سنوات في مناطق همشكوريب والحدود السودانية الإرترية ولعل أفضل ما يمكن نقله من حياة الناس العظام هناك أنه لا توجد قبلية البتة فالجميع هناك (كرياتي) فقط يدينون بالإسلام ولديهم آليات لا مثيل لها في قبول الآخر حيث تجد في مجلس الشيخ سليمان الشيخ علي بيتاي الهدندوي والبشاري والفوراوي والقادم من خارج السودان دون أن ينتبه أحد أن هؤلاء أناس مختلفون. لقد أسس الشيخ الراحل علي بيتاي رضي الله عنه تجربة جديرة بالاحترام في شرق السودان ولكن هل تخلص الناس من القبائل والعموديات والمشايخ؟ لا وإنما حافظوا عليها واستخدموها لخدمة مصالح وترقية حياتهم الاجتماعية وحل نزاعاتهم ونقل قيمهم الرفيعة من جيل إلى جيل. إن تأسيس نظارة الجميلاب ينبغي أن ينظر إليه كفعل إيجابي كونه إطاراً جديداً رحباً يقوم على خدمة جماعة كبيرة من مواطني شرق السودان دون أن تكون خصماً على أحد، بل ستكون إضافة ذات فائدة لجميع أهل شرق السودان والسودان كله لأن يقين الكثيرين الذي لا ينازعه الشك أنه إذا صلحت أمور الجميلاب صلحت أمور جميع الهدندوة (أكبر قبائل شرق السودان من حيث العدد وملكية الأراضي) وصلحت أمور أهل شرق السودان جميعاً.
في العاشر من إبريل ١٩٩٤م، أعيد تأسيس (مؤتمر البجا) معلناً انطلاقة الكفاح المسلح من أجل إسقاط نظام البشيرـ الترابي وخلال سنوات عاش التنظيم نزاعاً لم يهدأ على قيادته حتى انضم إليه العشرات ثم المئات من طلاب خلاوي الشيخ علي بيتاي ومواطني مناطق همشكوريب، وخلال فترة محدودة حقق التنظيم حضوره في المشهد السياسي السوداني لكن تضافرت عدة عوامل (إقليمية ومحلية) أدت الى إبعاد أبناء تلك المناطق من التنظيم، والتنكيل بهم، وإقصائهم من القيادة فعاد التنظيم صغيراً ومحدود الأثر ودمية. لقد قدم أهل همشكوريب أعز أبنائهم شهداء في الحرب، ومات الأطفال والشيوخ والنساء من جراء إغلاق تلك المناطق وعزلتها بسبب الحرب والعمليات العسكرية والاستخباراتية، وانعدام الغذاء والخدمات الصحية. انهارت اقتصاديات أهل تلك المناطق، وفيها كثافة سكانية معتبرة وتجارة حدودية رائجة، وتوقفت الزراعة، وفتكت الألغام بالناس والمراعي والثروة الحيوانية، ثم لم يجن أهل همشكوريب شيئاً بعد توقيع اتفاقية سلام شرق السودان في أسمرا! إن لم نكن قادرين على رد المظالم فلنتحلى بالشجاعة اللازمة لنقول لمن قدم دمه فداء لشرق السودان: أحسنت فأنت أكرم منا جميعاً.
لم تكن اتفاقية سلام شرق السودان أمراً يخص شرق السودان بقدر ما كانت مصالحة بين حكومة السودان وحكومة دولة إرتريا الشقيقة وهي مصالحة لم يصبر على تبعاتها نظام البشير الذي أعاد محاولاته في الإضرار المستمر بالجيران فأغلق الحدود الطويلة وأضر بالأهالي الجميلاب، والبني عامر، والحباب في تلك المناطق الحدودية وكالعادة لم يتحدث أحد بمظالم هؤلاء الناس أمام السلطات في الخرطوم. إنني إذ لا أمتن على أحد إنما أبريء ذمتي أمام الله العارف بكل شيء وأهل تلك المناطق أفخر بكوني تحدثت عن تلك المظالم وأضرار التعامل مع تلك المناطق الحدودية كمناطق عازلة أمنية وأوضحت أن هذه الإجراءات تضر بأهل المنطقة مما لا سبيل لإصلاحه في المستقبل (ندوة بمركز الأهرام في القاهرة ونشرت حيثياتها في صحف السوداني وبرؤوت وعدد من الوسائط الإلكترونية).
قبل عدة سنوات أقام عدد من الأصدقاء من أبناء شرق السودان حفل استقبال كريم لشخصي في العاصمة الخرطوم خصصناه للحديث عن شرق السودان ووجوده في المشهد الوطني العام، وأذكر من ضمن ما قلت به في ذلك اللقاء إنني بعد غيبة أعود إلى السودان وذهني مثقل بالتصورات أن أحوال شرق السودان سيئة لكنني وجدتها -للأسف الشديد ـ أسوأ مما تصورت!
لا مناص الآن من أن نقول وفقاً لاتفاقنا بمخالفة قانون (اليايهماد) بأن جميع قادة التنظيمات المسماة بـ(مؤتمر البجا) في جانبي السلطة والمعارضة يفتقرون إلى التأهيل المعرفي، والاتساق الأخلاقي، والسند الشعبي للقيام بهذه المهمة وهم مجرد موظفين يتقاضون أجوراً غير مستحقة على حساب الفقراء والمعدمين! لنكن أكثر وضوحاً: لا توجد استثناءات! ما هو الحل إذن؟ هذا أمر مطروح للجدل ولا توجد إجابة صحيحة أو خطأ لكن من الضروري أن يندمج النشطاء من أبناء شرق السودان في العمل السياسي القومي بأحزابه وجمعياته ومراكز النفوذ فيه على أن يتم استخدام تلك المنابر للتعبير والضغط لصالح قضايا أهلهم على النحو الذي نراه من غالب أهل السودان. أيضاً هناك مجال واسع لتأسيس أحزاب وجمعيات تدافع عن قضايا الإقليم على أن تتأسس على نسق مدني عابر للقبائل والإثنيات.
التنافر على أساس اللغة، أو العداء المستتر والمصطنع بين قوميتي البداوييت والتقري:
هذا أمر معيب ومخجل للغاية! ففيما ظلت القوميتان تتعايشان منذ مئات السنين في إقليم شرق السودان وفي دولة إرتريا المجاورة الشقيقة، وفيما ظل الأهالي يتبادلون المنافع والمصالح والمكاسب وينجبون البنين والبنات من زيجاتهم المتبادلة، فإن الساسة من القوميتين الكبيرتين يصرون إصراراً فاجعاً على قطع صلات صنعها الله والتاريخ المشترك وسيعززها المستقبل الزاهي الذي ينتظر الجميع، لغرض محدود وهو الاحتفاظ بالقبائل كسند خاص للساسة أمام نخبة الخرطوم. في إطار هذا الصراع خسر الجميع في الأرياف وكسب الساسة (المستثمرون) في الخرطوم مكاسبهم الرخيصة.
ينشر الطرفان مخاوف لا أساس لها من الصحة كل إزاء الآخر ويتحدث البعض عن إن هؤلاء يستحوذون على الأراضي والثروات، وهذه المخاوف ينشرها كل تجاه الآخر ولكن أين هي الأراضي التي يتنازعون عليها؟ الأراضي في المدن مشاعة للجميع وفق قانون العرض والطلب ومن لديه القدرة المالية والعقل الاستثماري هو الرابح، أما أراضي القبائل في الريف فهي أكذوبة كبرى وسيتم نزعها من القبائل التي لا تستخدمها طال الزمن أو قصر. إن نمو سلطة الدولة وتزايد قوتها الاقتصادية وآليات بطشها العسكري في ظل نصيب أهل الإقليم المتناقص من السلطة الحقيقية والثروة سيجعل من هذه الأراضي بلا قيمة إذ ستترك الأراضي القاحلة للقبائل لتدق عليها لافتات (وهاش هاشون) بينما ستستأثر الدولة بالأراضي الزراعية الخصبة وتلك الغنية بالمعادن وهو أمر نراه الآن ويتعايش معه الجميع بكل ضعف وخسران ولا مبالاة. من ناحية أخرى يعاني إقليم شرق السودان من قلة عدد السكان حيث يعيش ما بين ٣-٤ أفراد في كل كيلومتر مربع، وهناك قرى لا يوجد فيها أطفال وتقل نسبة المواليد فيها بشكل مريع بينما تتزايد نسب موت الأمهات والأطفال دون الخامسة وفق إحصائيات ظلت تقدمها المؤسسات الرسمية والمنظمات الطوعية دون أن يهتم أحد بمعالجة ذلك.
إن إنشاء تحالفات سياسية مدنية على نسق حديث بين الشباب والنساء وهما القوتان الناهضتان الآن في المجتمع سيكون ترياقاً قوياً وناجعاً ضد المجموعات الانتهازية (لا اعتذر) التي تسيطر على المشهد السياسي في شرق السودان، وتحتكر تمثيل الإقليم والتمثيل به في فعاليات النادي السياسي لطبقة الحكام وأصحاب النفوذ في الخرطوم. لقد وضع المثقف القومي الرفيع محمد دين البجاوي في كتابه العظيم الأساس الذي لا نزال نفتقده في العمل السياسي في شرق السودان إذ كتب “كما وإننا نذكر الشباب خاصة أن واجبهم الوطني يفرض عليهم الاتحاد والتكتل في هيئات وطنية اجتماعية صالحة لتحارب هذه الفوضى الاجتماعية والسياسة الارتجالية، والقادة والساسة الانتهازيين وسماسرة السياسة السودانية ـ وليضيقوا الخناق على هذه المبادئ الهدامة التي تشل من حركة البلاد عامة، ونريد منه أن يشعل النار الموقدة في هيكل هذه العنصريات البغيضة، والقبليات الضارة، والطوائف المتعددة، ويسير على هدي سياسة عصرية “. من أي قبس منير كان هذا الرجل العظيم يستلهم كتاباته قبل استقلال السودان نفسه؟
إن عملاً سياسياً في شرق السودان لا ينطلق من إرث وفكر الأستاذ محمد دين البجاوي، وإرث صالح ضرار ومحمد صالح ضرار العلمي والمعرفي، ولا يستظل بشجاعة ونبل أخلاق آل كاظم، ولا يستضيء بنضال ومثابرة الزعيمين علي وشوقي ملاسي، ولا يستثار حماسة بأغاني الكابلي، ولا يستعيد أحاديث محمد عبدالجواد، ولا يستنير بتجارب ومعارف آل بعشر، ولا يتكئ على إنجازات الرماح وعبد ربه وباعبود والتبريزي وكردي، ولا يذكر بالعرفان والتجلة إسهامات مصطفى جعفر وآل باوارث والعشي والبربري في خير المنطقة ورفاه أهلها، ولا يستلهم تجربة آل البخاري، ولا ينظر في إرث آل الخضري، ولا يتعلم من آل الصمتي، ولا يستوعب آل باشنين وبيومي وعموم الرشايدة والدناكل والهوسا والفلاتة والنوبة وأهل الشمال ونهر النيل هو عمل قبلي محدود وخاسر وفاشل ومهزوم.
لقد كان الأستاذ محمد دين البجاوي مثقفاً صاحب رؤية وبصيرة وعزم وشجاعة وقد لفت نظري تجاوزه لقيود (اليايهماد) في تناوله لقضية تمليك الأهالي وصغار المزارعين أراضٍ زراعية في مشروع دلتا طوكر الذين رفضوا تمليكهم الأراضي وهتفوا أمام السكرتير الإداري الإنجليزي وطاقم حكومته الاستعمارية رافضين تمليكهم الأراضي ومطالبين بإبقائها في حيازات الإقطاعيين من كبار الملاك المحدودي العدد ووصف الكاتب أولئك المتظاهرين الذين هتفوا ضد مصالحهم ومصالح الفقراء بأنهم مرتزقة ومأجورون (صفحتا ٣٦ و٣٧). ترى ماذا كان سيقول وهو يرى بعض أبناء الإقليم من ساسة اليوم يطالبون علناً بطرد الأهالي من أراضيهم ووظائفهم لصالح آخرين يأتون من خارج الوطن كله فينهبون الثروات ويقدمون العمولات؟
المجاملة:
يميل مواطنو شرق السودان عموماً إلى المجاملة والتزيد في تقدير الناس وإكرامهم والكيل الفائض للضيوف سواء كانوا شخصيات عادية أم شخصيات رسمية وحكاماً، وهذا النوع من التعامل غير المتوازن استفادت منه الكثير من الشخصيات الرسمية وعل منه ونهل النشطاء السياسيون الاتحاديون وما انفك أولئك الذين يستثمرون في مرارات أهل الإقليم يستخدمونه لصالحهم الخاص. نشاهد في التلفزيون أو وسائط الإعلام الجديد كلما زار الإقليم سياسي أو فنان أو رياضي أو شخصية عامة الخطب الحماسية وكلمات الترحيب الرنانة والملق الزائف. إن الكرم شيء والتزيد في منافقة ذوي الهيئات شيء آخر وهو مما يحسب دائماً ضد مواطني شرق السودان الذين قد يوصفوا بـ(المسكنة) والضعف وقلة الحيلة في دوائر النخب السياسية الشريرة.
في هذا الإطار فإن العمل السياسي هو طريق من اتجاهين، فالسياسي يحتاج إلى السند الشعبي، والجماهير تحتاج إلى ساسة يتفهمون قضاياها وأهدافها، وينبغي أن يتم التعامل بين الطرفين وفق فهم واضح لعلاقة المصلحة هذه.. ينبغي أن نتوقف عن ابتذال كلمة زعيم التي صارت تطلق على كل قادم من الخرطوم في حفلات التكريم المدفوعة الثمن مقدماً.
الوضع الحالي شديد القتامة لكن المستقبل زاهر دون أدنى شك فأبناء شرق السودان يتخرجون بأعداد كبيرة في الجامعات وبتقديرات عالية، ويحققون إنجازات كبيرة على صعيد التحصيل الأكاديمي والتقدم الوظيفي، وخلال العشرة أعوام الماضية فقط حقق طالب وطالبة من أبناء الإقليم المركز الأول في امتحان الشهادة السودانية إضافة إلى مجموعة أخرى ضمن العشرة الأوائل على سبيل المثال فقط. بعد أكثر من ستين عاماً على استقلال السودان حصل ثلاثة من أبناء المناطق الأقل نمواً في الإقليم على لقب سفير وينتظر العديد من الشباب الترقي للحصول على مواقع متقدمة في الخدمة العامة في الداخل والمهاجر في الخارج، وتتأسس ببطء وثقة طبقة ناجحة من رجال الأعمال الشباب الأذكياء والطموحين. لقد انتظرت لندن، التي تقود الآن الحضارة الغربية وتساهم بقسط وافر في سيطرة تلك الحضارة على مناحي الحياة حول العالم، ستمائة عام على تأسيس الكنيسة في روما لتحصل على أول أسقف لها وهو القديس ميليتوس الذي جاء لأول مرة إلى لندن وهو يحمل تكليفاً محدداً من البابا غريغوري الأول بالترفق مع سكان المدينة ومساعدتهم على الدخول تدريجياً في المسيحية وترك عاداتهم الوثنية وهو عمل تخبرنا كتب التاريخ أنه مر بصعوبات هائلة. الأمل كبير في أن يحصل أهل شرق السودان في هذا العهد الجديد على أسقف سياسي نقي يمحو إرث (الوثنية السياسية) التي فتكت بأهل هذا الإقليم ويتحقق على يديه ورفاقه التقدم والرفعة والريادة وهو أمر تتوافر له الآن كافة الشروط الموضوعية.
* الشكر أجزله والمودة والتقدير للأستاذ ياسر عبيدي بردويل، الكاتب والموثق والمحقق، الذي وفر لي نسخة من كتاب الأستاذ محمد دين أحمد إسماعيل البجاوي. |
|
Post: #105
Title: Re: لماذا لم يمثل الشرق لا في السيادي ولا في ح�
Author: أبوبكر عباس
Date: 09-12-2019, 00:56 AM
Parent: #104
يا صلاح الزبير،
قلنا ليكم مية مرّة شعر السودانيين بني غامض،
لا تستعمل الصبغة السوداء المائلة للكحلي
استعمل الصبغة natural brown
بعدين أنا وهاشم دا ناس حق، لكن مع آمنة دي صعب نقيف معاك،
ما بنقدر نزعلها للآخر
نشاغبها، نشاغلها، لكن نزعلها جد جد؛ ما بنقدر
|
Post: #106
Title: Re: لماذا لم يمثل الشرق لا في السيادي ولا في ح�
Author: هاشم الحسن
Date: 09-12-2019, 01:01 AM
Parent: #105
Quote: عدين أنا وهاشم دا ناس حق، لكن مع آمنة دي صعب نقيف معاك،
ما بنقدر نزعلها للآخر
نشاغبها، نشاغلها، لكن نزعلها جد جد؛ ما بنقدر |
ههههههههها،
انت لو قريب ما تبطل إثارة المشاكل دي وتتصل ياخي..
|
Post: #107
Title: Re: لماذا لم يمثل الشرق لا في السيادي ولا في ح�
Author: أبوبكر عباس
Date: 09-12-2019, 01:11 AM
Parent: #106
لقيتك يا هاشم، زول جبان؟!
معقول السنين دي كلها مستمتعين بصلاح الزين براكم؟!
عديت معاهو ليلة ومعاوية كأروع ليلة في حيواتي الأخيرة دي!
أهم مخرجات الليلة دي؛ إعتماد نبوة الأستاذ محمود وشيخ سعيد شايب
بعد مشيت منهم أديت صلاح النبوة وبالليل أوحي إليّ بخبر الرسالة الثالثة
"بقدر ما تجزعت منها، إلا أنه طل ينادي:
ما لها إلا أنت يا مستنير"
|
Post: #108
Title: Re: لماذا لم يمثل الشرق لا في السيادي ولا في ح�
Author: محمد على طه الملك
Date: 09-12-2019, 01:39 AM
Parent: #107
Quote: بعد مشيت منهم أديت صلاح النبوة وبالليل أوحي إليّ بخبر الرسالة الثالثة
"بقدر ما تجزعت منها، إلا أنه طل ينادي:
ما لها إلا أنت يا مستنير" |
كمااان ؟؟
ناوين تاني تدورونا بعد 14 قرن ؟
لا تحلم المرة دي من اندينا.
|
Post: #109
Title: Re: لماذا لم يمثل الشرق لا في السيادي ولا في ح�
Author: Salah Zubeir
Date: 09-13-2019, 10:54 AM
Parent: #108
Quote: بعدين أنا وهاشم دا ناس حق، لكن مع آمنة دي صعب نقيف معاك،
ما بنقدر نزعلها للآخر
نشاغبها، نشاغلها، لكن نزعلها جد جد؛ ما بنقدر |
باركالله فيكم ... ومعاكم حق تقيفو معاها ...
أنا زاتي لو ما كنتا طرف وحامل فيروس اللؤم ..
كنتا وقفتا معاها ... مش دي وصية المصطفي (ص)
حقنا يا بكور ... فهي تستحق ... هسي عاين
بدينا من وين :-
| Quote: يبقى خلاص تصدر حكمك إنه جهة الشرق خالية من القدرات والكفاءات؟! |
وانتهينا وين :-
Quote: يا هطلة إنت يا أبيض يا ورد يا خالي من المواهب وحاجات تانية..
فبالله هوينا كدا وللا كدا عامل خلقتك الحامضة وشعرك المصبغ كحلي دا..
فأحسن تنجعص في واطة الله دي. |
ملحوظة :-
اكتر حاجه محيراني في الكوت أعلاه ومن
المفترض تكون شتيمة ماهو المعني من كلمات
مثل :- أبيض وورد ... دا رندوك بيجاوي فيهو
شتيمة ما بتتقال للعامه ولا اييه الحكاية .. يا ربي
تكون (زعلتك) صورة الفوتوشوب المغشوشه
الحامضه دي ...
يا بكور هسا بعد الشتيمة الشخصية دي أين أنتا
(الما بتقدر) من الاستنارة .. اصلا امونتكم ضلمت
عديييل كدا لانو لو شرحت ليك ما فهمته من شتيمتها
حا تدق الصيوان ...
|
Post: #110
Title: Re: لماذا لم يمثل الشرق لا في السيادي ولا في ح�
Author: أبوبكر عباس
Date: 09-14-2019, 10:37 PM
Parent: #109
يا صلاح، زي ما قلت ليك نحن نمارس مع آمنة تمييز إيجابي وكذلك أهل الهامش
باللغة الساهلة
فوّت ليهم الهفوات
بعد زي ما قال ليك هاشم، الزولة ختمت المداخلة بمداعبة لطيفة بتاعت الصبغة الكحلية
|
Post: #111
Title: Re: لماذا لم يمثل الشرق لا في السيادي ولا في ح�
Author: بلال الطاهر
Date: 09-15-2019, 09:45 AM
Parent: #110
Quote: زي ما قلت ليك نحن نمارس مع آمنة تمييز إيجابي وكذلك أهل الهامش
باللغة الساهلة
فوّت ليهم الهفوات |
حلوة حكاية فوت ليهم الهفوات؟؟؟؟؟
شكلك ما عرفت تجامل صحبك إلا بالكلام الفارغ ده!
جبت آخرك والفيك إتعرفت!
|
Post: #112
Title: Re: لماذا لم يمثل الشرق لا في السيادي ولا في ح�
Author: أبوبكر عباس
Date: 09-15-2019, 01:00 PM
Parent: #111
يا بلال، يا أخي، في غضب من أهل الهامش تجاه المركز وأهله ولازم نفوت ليكم عشان نمتص الغضب دا،
السياسة كدا
|
Post: #113
Title: Re: لماذا لم يمثل الشرق لا في السيادي ولا في ح�
Author: AMNA MUKHTAR
Date: 09-16-2019, 00:07 AM
Parent: #1
هههههه
صلاح الزبير ياخي.. لما ناس الهامش يكونوا هايجين لو إتدخلت بطريقة ما لبقة بتجيك حجار..
غايتو علشان خاطر نعمات وهاشم والمستنير.. هات صلعتك أبوسا..
والعفو والعافية
|
Post: #114
Title: Re: لماذا لم يمثل الشرق لا في السيادي ولا في ح�
Author: Salah Zubeir
Date: 09-16-2019, 11:26 AM
Parent: #113
العفو والعافيه يا خيه ...
| Quote: خاطر نعمات وهاشم والمستنير |
غايتو لو ما جبرتي بي خاطر (ديل) كنتا زعلتا جد جد ...
الله يسألني ما عندي صلعة ... جلحات علي خفيف ...
بعدين عربون حسن ظن ساي قررت أشيل صورة البروفايل
الحامضه دي ام شعرا مصبوغ ...
|
|