Post: #2 Title: Re: ما حدث في ندوة الحرية والتغيير في الفاشر.. Author: Biraima M Adam Date: 09-01-2019, 06:26 PM Parent: #1
ههههاي .. الحصل شنو؟
بريمة
Post: #3 Title: Re: ما حدث في ندوة الحرية والتغيير في الفاشر.. Author: د. بشار صقر Date: 09-01-2019, 06:26 PM Parent: #1
بل شئ يدعو الى التفاؤل و الفرح ان يصل الوعي بدى شعوبنا لحد طرد منافقي وفود الجلابة المتسولين بقضايانا مرة يبيعوا و يتكسبوا باسم النازحين ومرة بيعملوا لجوء باسم نازحي واللاجيئن من ابناء شعبنا في الهامش... و اليوم يحاولون بيع الوهم بعد ما باعوا احلام التغيير بابخس تمن
Post: #4 Title: Re: ما حدث في ندوة الحرية والتغيير في الفاشر.. Author: Elhadi Date: 09-01-2019, 06:33 PM Parent: #3
بدلاً من محاولة إنحاء اللائمة على ما يعرف ( بقوى الثورة المضادة ) في أي حدث.. فالثورة المضادة هي تلك الموجودة في أجهزة الدولة الرسمية
وفي قلب المجلس السيادي الجنجقحتاوي..
ولكن بدلاً من اعادة استخدام تلك الأسطوانة المشروخة في كل مرة أعتقد لابد من الإقرار بأن مشروع التسوية السياسية ده (الهبوط الناعم) هو مشروع فاشل ..
وإجهاض لأحلام الناس وهو سيناريو يوفر ويهيئ الظروف لإعادة انتاج النظام القديم
Post: #5 Title: Re: ما حدث في ندوة الحرية والتغيير في الفاشر.. Author: محمد نور عودو Date: 09-01-2019, 06:34 PM Parent: #3
سلامات الهادي وضيوفك شي متوقعة يا الهادي أبناء النازحين والمشردين والارامل في دارفور الذين تم رفض تضمين قضاياهم في الوثيقة الدستورية من قبل قوي الحرية والتغيير لن يقبلوا بمن رفض تضمين قضاياهم .بل البعض يري أن زيارة في حد زاتها استفزاز وإهانة لضحايا دارفور.
Post: #6 Title: Re: ما حدث في ندوة الحرية والتغيير في الفاشر.. Author: Elhadi Date: 09-01-2019, 06:41 PM Parent: #5
ديل ما ثورة مضادة.. ولا كيزان ـ كدي عاينوا لأشكالهم وسحناتهم..
ديل ناس غبش زيهم زي كل الكانوا بيطلعوا مظاهرات في أي مكان آخر في السودان ده..
ديل ناس بينشدوا تغيير حقيقي.. وليس تغييراً زائفاً يستبدل البشير ولكن يبقي على كل أركان ومفاصل الدولة الإنقاذية التي سامتهم سوء العذاب
Post: #7 Title: Re: ما حدث في ندوة الحرية والتغيير في الفاشر.. Author: د. بشار صقر Date: 09-01-2019, 06:52 PM Parent: #6
طاردهم الجبهة الثورية من اجل تسوية عادلة لقضايا النازحين واللاجئبن و المشردين من ابناء الهامش. فرفض عيال الجلابة في قحت... ثم ذهبوا يتسولون من باعوا قضاياهم... فتم طردهم شر طردة.... لن يستطع احدا ان يضحك بعد اليوم على شعوب الهامش... لقد دفعوا التمن... وفهموا قضاياهم... و سينتصرون...
Post: #8 Title: Re: ما حدث في ندوة الحرية والتغيير في الفاشر.. Author: Mohamed Suleiman Date: 09-01-2019, 07:23 PM Parent: #7
Post: #9 Title: Re: ما حدث في ندوة الحرية والتغيير في الفاشر.. Author: عبداللطيف حسن علي Date: 09-01-2019, 07:27 PM Parent: #8
محاولة بائسة لتصفية الثورة وتسليمها للكيزان
Post: #10 Title: Re: ما حدث في ندوة الحرية والتغيير في الفاشر.. Author: د. بشار صقر Date: 09-01-2019, 07:34 PM Parent: #8
اروع صورة من بلد كان دوما مبتدأ محاربة الطغيان... عسى ولعل الجلابة يستوعبون ان السودان ليس حاكورة لعائلة اصم او مدني عباس او عائلة دقير....ومن لف لفهم لقد دفعنا تمن التغيير دما ...ولن يضحكو علينا اشبال الجلابة مرة اخرى... الرسالة واضحة جدا صوت وصورة و... عبرة لكل منافق يريد ان يبيع الاوهام لشعبنا الصابر
Post: #11 Title: Re: ما حدث في ندوة الحرية والتغيير في الفاشر.. Author: كمال عباس Date: 09-01-2019, 07:59 PM Parent: #10
وفد قوي الحرية لم يقتحم الفاشر بالبندقية او القنابل والبمبان ولا جاء محميا بالجنجويد او قوات جهاز الأمن ، جاءوا لممارسة حرية التعبير والرأي. والكلمة ، هي كلمة لك ان تختلف معها ،تنقدها وتقارعها بالحجة ، لا بالعنف والضرب والفوضي ومحاولة إخراس الرأي !،لكم رأيكم ولي رأي !
في اوخر عهده كان البشير يذهب للغرب محروساً بالسلاح. وقوات الأمن وكان حميدتي يفعل ذات الشئ فلماذا ام تتعرض لهم هذه القلة !؟
الأغلبية في زالنجي والفاشر ونيالا وكتم استجابت لجدول وأنشطة قوي الحرية والتغير اثناء الثورة ،ويقيني ان الأغلبية. خرجت اليوم لتستمع لقادة الثورة لتقوم قلة بممارسة الفوضي وتحرم الحضور من متابعة الندوة ومن ممارسة حق الاختلاف بصورة متحضرة ! هذه السلوك الهمجي من قلة لايعبر عن جماهيرنا في غرب السودان لانه يصب في خدمة الكيزان والجهات التي مزقت النسيج. الاجتماعي بدارفور وشردت وقتلت. وحرقت ! * أقول علي الرغم من اختلافي المعلن - مع الاتفاق السياسي وبعضا مما حوته الوثيقة بل والاتفاق مع بعض الوجوه العسكرية في مجلس السبادةُ !
Post: #12 Title: Re: ما حدث في ندوة الحرية والتغيير في الفاشر.. Author: Salah Zubeir Date: 09-01-2019, 08:34 PM Parent: #10
Quote: مشروع التسوية السياسية ده (الهبوط الناعم) هو مشروع فاشل ..
إذا الحصل منذ ديسمبر ٢٠١٨ حتي الآن هو الهبوط الناعم وهو مشروع فاشل جدا كما زعمت ويزعم عضوية الحزب الشيوعي في هذا المنبر فقط ... (ما ندر الشيوعي يقول ليك أنا شيوعي ... معظمهم مركبين مظلل بنسبة ٦٠%) فمن حقنا كقراء لهذا المنبر أن نعرف ما هو البديل للهبوط الناعم الذي أفرز المجلس السيادي ورئيس الوزراء وحكومة تعلن في الساعات القادمة ... هل البديل هو الهبوط الخشن ... وما هي درجة الخشونة ... غايتو قرينكم الكيزان نجرو ليهم فتوي قالو ممكن يزهقو أرواح ا/٣ السودانيين عشان يحكمو تلتين ... يعني من ٤٠ مليون يكتلو ١٣ مليون .. أها إنتو دايرين تهبطو بي كم عشان تقدرو تحكمو ... غايتو جنس أحلام وأوهام ... هههه
Quote: عسى ولعل الجلابة يستوعبون ان السودان ليس حاكورة
عسي ولعل أن يتفق أهل دارفور في من يمثلهم ليكون رئيس للسودان إذا سلم بذلك كل مكونات شعوب السودان ... هل هو حميدتي ام هلال ام كوشيب ام جبريل او نور او مناوي او طراجي ... الخ ... حقو في اللول تجمعو الناس ديل مع بعض (أكان بتقدرو) عشان يتفقو ويقدمو كومندر واحد بدل ٩٠ كومندر ...
Post: #13 Title: Re: ما حدث في ندوة الحرية والتغيير في الفاشر.. Author: AMNA MUKHTAR Date: 09-01-2019, 08:52 PM Parent: #1
هم كانوا عاملين فيها أذكياء.. وباختصار ، خطتهم كانت تتمثل في تخطي قيادات حركات المعارضة الدارفورية وبقية حركات الجبهة الثورية.. بزعم أنها لا تمثل قواعدها وكذلك ثوار ونازحي دارفور. فقرروا مخاطبة القواعد مباشرة إمعانا منهم في تهميش الحركات المسلحة والجبهة الثورية. ولكن الحقيقة التي لا تعلمها قحط التي قحططت الثورة عبر التأجيل والتعطيل غير المفهوم منذ البداية والذي بعد مفاوضاته المطولة رغم أن شعب سلمها ثورة كاملة وناضجة وممهورة بدماء شهداء يفع زغب الحواصل..فأعادتها لهم نصف ثورة وسيمي مدنية.. ثم أضافت إليه صراع المحاصصات والذي أثار غضب الثوار في كل مكان.. الحقيقة التي لا تعلمها قحط أكرر : أن القيادات باتت أقرب إليها من الثوار في كل مكان.
وبتخطي قحت للحركات المسلحة وبتنكرها لوثيقة أديس أبابا.. جعلها في نظر الثوار والنازحين وفي نظري أنا ذاتي.. غير آبهة باستمرار الحرب.. وفي ذلك مخالفة لشعار الثورة(حرية،سلام، وعدالة)..من قولة تيت.
وأعتقد أن أخبار الإجتماع الدكاكيني الصفوي الذي نقله الأخ إدريس لقمة.. بتخطيطهم لإشعال حرب جديدة بين حميدتي وجنجاويده والجبهة الثورية ربما يكون صحيحا.. خاصة أنهم عودونا منذ بداية الثورة على هذه الإجتماعات (المريبة) داخل صوالين رجال الأعمال...
Post: #14 Title: Re: ما حدث في ندوة الحرية والتغيير في الفاشر.. Author: ترهاقا Date: 09-01-2019, 09:00 PM Parent: #13
الثورة المضادة شغالة كويس حيطاردوا الثورة دي في أي مكان الحصل ده شغل كيزان منظم
Post: #15 Title: Re: ما حدث في ندوة الحرية والتغيير في الفاشر.. Author: جلالدونا Date: 09-01-2019, 09:14 PM Parent: #13
افتكر حان الوقت للتفكير جديا فى انفصال الشمال
Post: #16 Title: Re: ما حدث في ندوة الحرية والتغيير في الفاشر.. Author: خضر الطيب Date: 09-01-2019, 09:37 PM Parent: #15
المتعارف عليهو في السودان الكنا بنعرفو عدوك لو جاك في بيتك بتكرمو اهل الفاشر اهل كرم معروفين المأجورين ديل ما بمثلو اهل الفاشر و لا بعض الغرابة في البورد دا بمثلو اهل دارفور
Post: #17 Title: Re: ما حدث في ندوة الحرية والتغيير في الفاشر.. Author: محمد البشرى الخضر Date: 09-01-2019, 10:06 PM Parent: #16
تسجيل لمؤتمر صحفي لقوى الحرية و التغيير شمال دارفور مع وفد الحرية و التغيير الزائر عن ما جرى وفيه يشرح الاستاذ طه عثمان النقطة المغبشة عن عدم ادراج اتفاقية اديس اببا في الوثيقة الدستورية و يفند الادعاء بالبنود و الارقام, هم نقطتين فقط لم يتم تضمينهم وبأسباب مقنعة الاولى عدم ذكر الجبهة الثورية بالاسم و الثانية قسمة السلطة
متابعة طيبة
Post: #18 Title: Re: ما حدث في ندوة الحرية والتغيير في الفاشر.. Author: Mutasim Idris Date: 09-01-2019, 10:16 PM Parent: #16
سلمية الثورة اساس نجاحها واكتر كروتها الرابحة. اللي عاوز يوصي الثوار علي تمسكهم بالسلمية عليه بالقراءة في كتاب الثورة ما يفصل ويلتق من راسه. الفاشر خرجت في الثورة و قدمت شهداء مافي زول قال ديل ضد او مع الحركات يومها كان اسمهم ثوار اللي خلاهم يكونوا ما ثوار الليلة شنو. كف حمدوك بالامس واحداث الفاشر اليوم مؤشر خطير للتململ ورسالة لاولي الالباب وللذين يعقلون ويتفكرون كمان.
Post: #19 Title: Re: ما حدث في ندوة الحرية والتغيير في الفاشر.. Author: Idris Logma Date: 09-01-2019, 11:13 PM Parent: #18
سؤال للذين يقولون ثورة مضادة وعمل كيزان.. ما الفرق بين خالد سلك والرجال من حول البشير الم يكن خالد سلك ابن شقيقة جمال الوالى وجمال الوالى هو مسؤول استثمارات عمر البشير وكل المليارات الان باسمه ، وخالد سلك رفل فى نعيم اموال اهل دارفور المشردين بين معسكرات النزوح واللجؤ وثانيا من هو محمد ناجى الاصم اليس هو ابن اخى الاصم رجل البشير القوى ومزور الانتخابات لمد صلاحية البشير فى السلطة لارتكاب المجازر فى حق اهل دارفور......
ودعونا نسأل فى الاساس ماذا يريد السلك والاصم من اهل الفاشر الم يسبقهم كبيرهم صديق يوسف واسماعيل التاج بنفس العقلية وفشلوا هؤلاء لا يدركون ويقرؤون من دفتر واحد منذ عام 56 الى يومنا هذا الفرق فى زيارة صديق يوسف وزيارة خالد سلك قالوا نحن انتبهنا اننا لم نضم فى وفدنا السابق شخصا من دارفور والان قررنا استصحاب الاخ طه حتى يطمئنوا , بهذه السذاجة ...
Post: #20 Title: Re: ما حدث في ندوة الحرية والتغيير في الفاشر.. Author: Elhadi Date: 09-01-2019, 11:54 PM Parent: #18
الأخ صلاح الزبير ـ تحياتي
لعلك تذكر أو تعلم يا أخ صلاح أن الشعار الأساسي الذي التفت عليه كل جماهير الشعب السوداني هو شعار ( تسقط بس) المنافي تماماً لمشروع التسوية السياسية أو ما يعرف بـ ( الهبوط الناعم) والجاري الآن على قدم وساق..
وهو في حقيقة أمره مشروع قديم رفضه البشير مراراً وتكرراً وفي سياقات سياسية وتاريخية مختلفة، وتجاوزته كذلك القوى السياسية السودانية الفاعلة والحية وجموع الشعب السوداني بالتفافهم حول مشروع التغيير واسقاط النظام دون قيد ولا شرط وقدمت في سبيله ومهرته بالتضحيات، والآلام.. والعرق.. والدموع.. والدم.
ولكن نتيجة للتآمر الذي دبرته في الخفاء وأدارته قوى وأطراف إقليمية مجاورة عبر عملاء ووكلاء محليين لها في النظام (ممثلاً في المجلس العسكري) وبعض القوى في المعارضة.. فكان أن تمكنت من كبح وفرملة مشروع التغيير الذي انحازت له جموع الشعب السوداني لحساب أو لصالح مشروع التسوية السياسية أو (الهبوط الناعم) الذي يخدم ويحافظ على مصالح هذه القوى الخارجية
وكانت نقطة التحول البارزة في التآمر على ثورة الشعب السوداني والتي أفاد منها مشروع الهبوط الناعم وبصورة أساسية هي ما جرى في مجزرة فض اعتصام القيادة العامة الدامي التي نفذتها مليشيات النظام حيث راح المئات من أبناء الشعب السوداني ما بين قتيل ومفقود وأسير.. حيث استباحت مليشيات النظام العاصمة السياسية للبلاد وبعض المدن على مدى أيام، وشنت حملة وحشية للقمع !
وذلك بغرض كسر إرادة الشعب السوداني و(الثوار) أو الجمهور الملتف حول مشروع التغيير، وتعبيد وتمهيد و (تسليك) الطريق لشركاءهم في المعارضة لعقد الاتفاق أو التسوية السياسية المفضية إلى ما يجري الآن من شراكة في السلطة ما بين قوى النظام القديم وبعض أطراف وقوى المعارضة السودانية التي اختطفت مشروع التغيير لصالح (الهبوط الناعم) وأجهزت على ثورة أبناء الشعب السوداني وتحالفت مع عسكر النظام السابق متجاهلة كل التضحيات التي قدمت وكل الدم المسفوح !
Post: #21 Title: Re: ما حدث في ندوة الحرية والتغيير في الفاشر.. Author: Mahjob Abdalla Date: 09-02-2019, 01:39 AM Parent: #20
Quote: هم كانوا عاملين فيها أذكياء.. وباختصار ، خطتهم كانت تتمثل في تخطي قيادات حركات المعارضة الدارفورية وبقية حركات الجبهة الثورية.. بزعم أنها لا تمثل قواعدها وكذلك ثوار ونازحي دارفور. فقرروا مخاطبة القواعد مباشرة إمعانا منهم في تهميش الحركات المسلحة والجبهة الثورية. ولكن الحقيقة التي لا تعلمها قحط التي قحططت الثورة عبر التأجيل والتعطيل غير المفهوم منذ البداية والذي بعد مفاوضاته المطولة رغم أن شعب سلمها ثورة كاملة وناضجة وممهورة بدماء شهداء يفع زغب الحواصل..فأعادتها لهم نصف ثورة وسيمي مدنية.. ثم أضافت إليه صراع المحاصصات والذي أثار غضب الثوار في كل مكان..الحقيقة التي لا تعلمها قحط أكرر : أن القيادات باتت أقرب إليها من الثوار في كل مكان. وبتخطي قحت للحركات المسلحة وبتنكرها لوثيقة أديس أبابا.. جعلها في نظر الثوار والنازحين وفي نظري أنا ذاتي.. غير آبهة باستمرار الحرب.. وفي ذلك مخالفة لشعار الثورة(حرية،سلام، وعدالة)..من قولة تيت. وأعتقد أن أخبار الإجتماع الدكاكيني الصفوي الذي نقله الأخ إدريس لقمة.. بتخطيطهم لإشعال حرب جديدة بين حميدتي وجنجاويده والجبهة الثورية ربما يكون صحيحا.. خاصة أنهم عودونا منذ بداية الثورة على هذه الإجتماعات (المريبة) داخل صوالين رجال الأعمال...
لو زدت شئ واحد علي كلام الاخت امنة مختار حأقول "ما تدفنو رؤوسكم في الرمال و تتحججو بموضوع الكيزان و الثورة المضادة. النار من مستصغر الشرر زى ما بقولو. المقابل له هنا هي البداية الخاطئة بفكرة المحاصصة و اقصاء الجبهة الثورية, يعني من الاول لو كانت المحاصصة جاءت علي اساس الاقاليم الخمس, ما في زول كان حيتكلم عن محاصصة و كان بالامكان احتواء الخلاف مع الجبهة الثورية بكل سهولة. هذه الخطوة من قحت واضحة انها محاولة للالتفاف علي الجبهة الثورية و مخاطبة القواعد مباشرة و لكن المشكلة هنا ليست في انصار الجبهة الثورية و لكن لان في تجاوز الجبهة الثورية تمت معه تجاوز قضايا النازحين كليا. في تفكير قحت (الجبهة الثورية بتمثل دارفور و جبال النوبة و النيل الازرق) و رهنو استحقاقات هذه المناطق بموقف الجبهة الثورية و الان هم ذاتهم جايين دايرين يقولو ليهم انتو براكم و الجبهة الثورية براها. True و لكن رسالتك مخلوطة في راسك قبل ان تقنع الاخرين بها.
Post: #22 Title: Re: ما حدث في ندوة الحرية والتغيير في الفاشر.. Author: adil amin Date: 09-02-2019, 03:59 AM Parent: #21
الثورة تحدث في وعي الناس اول حاجة... المهدي لم كل السودانيين في كل السودان وحرر بيهم السودان من الاتراك الانجاس 1885 وهو من الشمال السيد عبدالرحمن جمع جل السودانيين في كل السودان في حزب الامة العريق وبالانتخابات حرر السودان من الانجليز الاذكياء سنة 1956 بالانتخابات وفد الحركة الشعبية باقان اموم وياسر عرمان القديم مشو دارفور في انتخابات 2010 وخرج لهم ابناء دارفور الشجعان بالملايين من المعسكرات احترما لجون قرنق والرؤية التي لا تموت ورغم قسوة النظام الاخواني الفاشي ان ذاك هسة ده استفتاء واقعي جدا يوضح الفرق بين رؤية جون قرنق التي لا تموت مهدي الجنوب 2005-2010 وبين ناس ق ح ت ومايو 1969 الشيوعيين والبعثيين والناصريين والاعلان الدستوري الفطير
اها احسن علم الاستقلال 1956 ولي علم مايو 1969؟؟؟ احسن دستور 2005 والاتفاقيات الملحقة به ولي الاعلان الدستوري وتصفير العداد زمان قلنا ليكن ثورتكم دي بتاعة جمهورية العاصمة المثلثة فقط لا حامل فكري محترم ولا مشروع سياسي واضح https://up.top4top.net/
تلغي جون قرنق وتجربة الحركة الشعبية وتمشي فيها بالاستيكة وتستهين بي وعي الناس ولحدي هسة تلهث ورا مصر والامارت والسعودية وتركيا وقطر وتهين قناعات الناس السياسية والدينية في السودان المتراكمة وعايز الناس يحترموك ؟؟
عاش ابو هاشم
Post: #23 Title: Re: ما حدث في ندوة الحرية والتغيير في الفاشر.. Author: Hasheem Karouri Date: 09-02-2019, 04:31 AM Parent: #22
سلام
خطوة غير موفقه من مواطني الفاشر . او المندسين بينهم . فما قامت به قحت حتي الان يعتبر انجازا كبيرا لاهل السودان . رغم تحفظات البعض . معروف عننا كسودانين ( المكاجره ) . وعدم القبول بالاخر . السودان كله قبل سنه من الان كان علي شفير خطوة واحدة من الزوال . وبحنكة قحت . تمكنت من تجاوز الكثير اوصلتنا لهذه المرحلة ورؤية اللص الكبير خلف القضبان . اعتقد ان الجبهه الثورية لها دور كبير فيما حدث . ______ لكم في انفصال الجنوب اسوة حسنة .
Post: #24 Title: Re: ما حدث في ندوة الحرية والتغيير في الفاشر.. Author: عمر دهب Date: 09-02-2019, 05:44 AM Parent: #23
غريبه تهميش شنو والمجلس السيادي كله من الهامش. وبالذات من كردفان ودا فور ورئيس الوزاء كذلك واكثر من النصف، من اهل العلم والخبره مرشحين كوزاء والحكومه الجديده لم تبدأ، عملها وين التهميش دا.
Post: #25 Title: Re: ما حدث في ندوة الحرية والتغيير في الفاشر.. Author: حسين عبد المجيد Date: 09-02-2019, 06:40 AM Parent: #15
Quote: افتكر حان الوقت للتفكير جديا فى انفصال الشمال
عشان ايه ؟ من هم الشماليين ؟؟ هل معاهم شرق السودان ؟؟؟ المشكلة فينا نحن الشماليين وتظل المشكلة قائمة لو انفصلنا واصبح السودان ده شمالي فقط من الجيلي الى حلفا ويستمر الصراع العربي النوبي والعربي العربي
Post: #26 Title: Re: ما حدث في ندوة الحرية والتغيير في الفاشر.. Author: جلالدونا Date: 09-02-2019, 06:56 AM Parent: #25
Quote: سؤال للذين يقولون ثورة مضادة وعمل كيزان..ما الفرق بين خالد سلك والرجال من حول البشيرالم يكن خالد سلك ابن شقيقة جمال الوالىوجمال الوالى هو مسؤول استثمارات عمر البشير وكل المليارات الان باسمه ، وخالد سلك رفل فى نعيم اموال اهل دارفور المشردين بين معسكرات النزوح واللجؤوثانيا من هو محمد ناجى الاصم اليس هو ابن اخى الاصم رجل البشير القوى ومزور الانتخابات لمد صلاحية البشير فى السلطة لارتكاب المجازر فى حق اهل دارفور......ودعونا نسأل فى الاساس ماذا يريد السلك والاصم من اهل الفاشرالم يسبقهم كبيرهم صديق يوسف واسماعيل التاج بنفس العقلية وفشلواهؤلاء لا يدركون ويقرؤون من دفتر واحد منذ عام 56 الى يومنا هذاالفرق فى زيارة صديق يوسف وزيارة خالد سلك قالوا نحن انتبهنا اننا لم نضم فى وفدنا السابق شخصا من دارفور والان قررنا استصحاب الاخ طه حتى يطمئنوا , بهذه السذاجة ...
اهو ده السؤال البليد البدرّم زول بى موقف زول اخرعشان البلادة دى انفصال الشمال مطلب شعبىواضح انو الدارفوريين خنا بيلعبوا اوسخ ادوارهمو دارفور صاحبة اسوأ ملف فى تحارة الرقيق بكل بجادة يرمون بسوأتهم على الشمال النيلىو يلعبون دور الضحية الذى تعلموهو و عاشوهو و شافوهو شوف العين من ضحايا تجارتهملكن نقول لهم الشمال شى و درب الاربعين شى تانىو سلطنة كير و السلطان سليمان شى تالت يفسى تماما نفوس بعض الدارفوريين هنا المملوءة حقدا لضياع مجدهم التليدو يسقطون تاريخهم الاسود على الشمال اهو ده السؤال البليد البجرّم زول بى موقف زول اخر عشان البلادة دى انفصال الشمال مطلب شعبى واضح انو الدارفوريين هنا بيلعبوا اوسخ ادوارهم و دارفور صاحبة اسوأ ملف فى تحارة الرقيق بكل بجاحة يرمون بسوأتهم على الشمال النيلى و يلعبون دور الضحية الذى تعلموهو و عاشوهو و شافوهو شوف العين من ضحايا تجارتهم لكن نقول لهم الشمال شى و درب الاربعين شى تانى و سلطنة كير و السلطان سليمان شى تالت و يفسر تماما نفوس بعض الدارفوريين هنا المملوءة حقدا لضياع مجدهم التليد و اسقاط تاريخهم الاسود على الشمال انفصال الشمال فى انتطار اعلان حق تقرير المصير دستوريا
Post: #27 Title: Re: ما حدث في ندوة الحرية والتغيير في الفاشر.. Author: محمد جلال عبدالله Date: 09-02-2019, 07:36 AM Parent: #26
العملوه ناس قحت في ذي النون وفي الدعاة السلفيين لمن كانوا بجوا عشان يتكلموا في الاعتصام يهتفوا ضدهم وما يخلوهم يتكلموا والعملوه في شيخ عبد الحي من تشويه متعمد واغتيال ممنهج للشخصية .. كله يجدون ثماره الآن .. فااااا شنو: يخموا ويصروا ..
Post: #28 Title: Re: ما حدث في ندوة الحرية والتغيير في الفاشر.. Author: محمد جلال عبدالله Date: 09-02-2019, 07:49 AM Parent: #27
أعجبني هذا التعليق من الفيس بوك:
Quote: الاعتداء على الاصم وسلك في الفاشر =الاعتداء على صالة قرطبة =الاعتداء على خيمة الاخوان المسلمين في القيادة = الاعتداء على ذا النون في القيادة =الاعتداء على امام المسجد في المنبر ..... ضوقوها ميييي حااااارة عشان الناس الفرحت بي الأحداث دي تعرف انو الاخلاق لاتتجزا
Post: #29 Title: Re: ما حدث في ندوة الحرية والتغيير في الفاشر.. Author: Salah Zubeir Date: 09-02-2019, 10:21 AM Parent: #28
سلام ومرحب حبابك الهادي ... خليني أول حاجه نقل اعجابي الشديد لإخلاصك ونفسك الطويل لبوستاتك ومواضيعك التي تطرحها هنا اختلفنا او اتفقنا حولها ... ثم ما يطرح هنا هي مجرد آراء قابله للصح والخطأ ولا تمثل 0.0001 من رأي الشعب السوداني ... يعني مافي واحد فينا يظن او يغش نفسو إنو بيتكلم بإسم هذا الشعب ... طيب نجي للحقائق علي الأرض وسيبك من الكلام الإنشائي السمعناهو كتير قبل كدا ..
Quote: لعلك تذكر أو تعلم يا أخ صلاح أن الشعار الأساسي الذي التفت عليه كل جماهير الشعب السوداني هو شعار ( تسقط بس) المنافي تماماً لمشروع التسوية السياسية أو ما يعرف بـ ( الهبوط الناعم) والجاري الآن على قدم وساق..
وهو في حقيقة أمره مشروع قديم رفضه البشير مراراً وتكرراً وفي سياقات سياسية وتاريخية مختلفة، وتجاوزته كذلك القوى السياسية السودانية الفاعلة والحية وجموع الشعب السوداني بالتفافهم حول مشروع التغيير واسقاط النظام دون قيد ولا شرط وقدمت في سبيله ومهرته بالتضحيات، والآلام.. والعرق.. والدموع.. والدم.
يا اخوي الهادي شعار (تسقط بس) قد تم تنفيذه بي حزافيره ... فالبشير وحكومته ومؤتمره الوطني وحركته الإسلامية أصبحوا خارج اللعبة السياسية منذ ١١ أبريل وإلي هذه اللحظة ... ومن لا يري ذلك عليه بالفكي ليطرد له الوسواس الخناس ...
Quote: ولكن نتيجة للتآمر الذي دبرته في الخفاء وأدارته قوى وأطراف إقليمية مجاورة عبر عملاء ووكلاء محليين لها في النظام (ممثلاً في المجلس العسكري) وبعض القوى في المعارضة.. فكان أن تمكنت من كبح وفرملة مشروع التغيير الذي انحازت له جموع الشعب السوداني لحساب أو لصالح مشروع التسوية السياسية أو (الهبوط الناعم) الذي يخدم ويحافظ على مصالح هذه القوى الخارجية
هذا كلام ظالم في حق هذا الشعب الأبي الحر فهو الذي خلع البشير وزمرته بفضل نضاله منذ ديسمبر ٢٠١٨ حتي انحياز قواته المسلحة له في ١١ أبريل حيث تم إنهاء حكم البشير .... ثم إن ضباط القوات المسلحة الذين يبذلون النفس رخيصة لعزة هذا البلد ليسوا بعملاء ولا وكلاء لأحد هم الذين أنجزو الصعب لنجاح ثورة ديسمبر وهم الذين يرعون ويأمنون مخرجات هذه الثورة حتي الآن ... ليس بينهم خاين ولا عميل وهم يتصرفون بي مسؤولية كبيرة جدا تفتقدها (قحت) في التوازن بين أمن البلد وبين متطلبات نجاح الثورة ...
Quote: كانت نقطة التحول البارزة في التآمر على ثورة الشعب السوداني والتي أفاد منها مشروع الهبوط الناعم وبصورة أساسية هي ما جرى في مجزرة فض اعتصام القيادة العامة الدامي التي نفذتها مليشيات النظام حيث راح المئات من أبناء الشعب السوداني ما بين قتيل ومفقود وأسير.. حيث استباحت مليشيات النظام العاصمة السياسية للبلاد وبعض المدن على مدى أيام، وشنت حملة وحشية للقمع !
ما حصل في ٣ يونيو جريمة مدانة من كافة أفراد الشعب السوداني والتحقيق في من خطط لها ونفذها سوف يتم من أطراف محايدة.. وسوف يقدم الجاني للعدالة ... هذا من ناحية ... ومن ناحية أخري الكتبتو بالأحمر دا عار عن الصحة تماما" لوجودي في الخرطوم في تلك الفترة ...
Quote: ذلك بغرض كسر إرادة الشعب السوداني و(الثوار) أو الجمهور الملتف حول مشروع التغيير، وتعبيد وتمهيد و (تسليك) الطريق لشركاءهم في المعارضة لعقد الاتفاق أو التسوية السياسية المفضية إلى ما يجري الآن من شراكة في السلطة ما بين قوى النظام القديم وبعض أطراف وقوى المعارضة السودانية التي اختطفت مشروع التغيير لصالح (الهبوط الناعم) وأجهزت على ثورة أبناء الشعب السوداني وتحالفت مع عسكر النظام السابق متجاهلة كل التضحيات التي قدمت وكل الدم المسفوح
يا الهادي ... إذا كنت تقصد كل القوي السياسية داخل قحت منقوص منها الحزب الشيوعي وحلفائه (بعثي ناصري .. الخ) فأظن أن هذه القوي السياسية في الطريق الصحيح ...
Post: #30 Title: Re: ما حدث في ندوة الحرية والتغيير في الفاشر.. Author: Salah Zubeir Date: 09-02-2019, 10:55 AM Parent: #29
Quote: (الجبهة الثورية بتمثل دارفور و جبال النوبة و النيل الازرق)
ما عصرت علينا شديد .... غلبني ابلع الكلام دا يا الهبيب محجوب .... الجبهة الثورية لا تمثل الفور ولا عرب دارفور ولا نوبة الجبال وحلفائهم من القبائل العربية في جنوب كردفان وحلفاءهم من قبائل النيل الأزرق ...
Post: #31 Title: Re: ما حدث في ندوة الحرية والتغيير في الفاشر.. Author: احمد حمودى Date: 09-02-2019, 02:06 PM Parent: #30
Post: #32 Title: Re: ما حدث في ندوة الحرية والتغيير في الفاشر.. Author: نادر الفضلى Date: 09-02-2019, 07:09 PM Parent: #31
مناديب ح.ق.ت. بعد أن كتبوا وقسموا الكيكة على كيفم، لزومو شنو ماشين يزوروا أهل الوجعة؟! وأهل الوجعة ديل فى دار فور وكل أقاليم السودان والعاصمة كمان .. ناس العاصمة سكتوا صابرين وهم يشاهدون مآسى وتخبط المفاوضات والإتفاقات والدستور .. ومهازل محاصصات مجلس السيادة، وعثرات ومحسوبيات ومخاصصات ترشيحات مجلس الوزراء سكت أهل الوجعة بالعاصمة ولم يرضوا .. وإنفجر أهل دار فور بعد زيارة ما بعد فوات الأوان.
قوى الحرية والتغيير يبحثون على مسببات الإستمرارية وليتهم مؤهلون دورهم إنتهى بمحصلة غير مرضية .. فلا داعى لمواصلة الركوب على ظهر الثورة وأرواح الشهداء ..
Post: #33 Title: Re: ما حدث في ندوة الحرية والتغيير في الفاشر.. Author: Mahjob Abdalla Date: 09-03-2019, 03:41 AM Parent: #32
Quote: في تفكير قحت (الجبهة الثورية بتمثل دارفور و جبال النوبة و النيل الازرق) و رهنو استحقاقات هذه المناطق بموقف الجبهة الثورية و الان هم ذاتهم جايين دايرين يقولو ليهم انتو براكم و الجبهة الثورية براها.
Quote: (الجبهة الثورية بتمثل دارفور و جبال النوبة و النيل الازرق)
ما عصرت علينا شديد .... غلبني ابلع الكلام دا يا الهبيب محجوب .... الجبهة الثورية لا تمثل الفور ولا عرب دارفور ولا نوبة الجبال وحلفائهم من القبائل العربية في جنوب كردفان وحلفاءهم من قبائل النيل الأزرق ...
و عليكم السلام ابوصلاح ابى ينبلع لانك فطيت سطر من كلامي. اياك و فط الاسطر.
Quote: الجبهة الثورية لا تمثل الفور ولا عرب دارفور
الجبهة الثورية لا تمثلني انا شخصيا. ليس لاني من غير العرب او لانتمائي الاثني. الجبهة الثورية تنظيم سياسي و بمثل مؤيديها بين كل مكونات الشعب و لا نعلم من هم و اين هم و في ذلك مثله مثل بقية الاحزاب.
Post: #34 Title: Re: ما حدث في ندوة الحرية والتغيير في الفاشر.. Author: ترهاقا Date: 09-03-2019, 03:55 AM Parent: #33
الحصل في الفاشر شغل خبيث ومنظم من جهاز الامن الذي ما زال يحمي النظام البائد الجهاز ده لو ما إتلغى نهائي حتقابلنا مشاكل كثيرة ، وحيمشوا مع المهنيين مع قحت في أي ركن من السودان من بورتسودان للفاشر لخلق هكذا بلابل ، لسع عندهم مخصصاتهم لسع قاعدين تحت المكيفات الباردة ولسع بقايا النظام بيجتمعوا بيهم لحبك المؤامرت . الخطوة الجاية حيبدوا في اغتيالات لو ما المجلس السيادي على مجلس الوزراء اخدوا موقف واضح والقبض عليهم وتقديمهم لمحاكمة عادلة
Post: #35 Title: Re: ما حدث في ندوة الحرية والتغيير في الفاشر.. Author: Mahjob Abdalla Date: 09-03-2019, 04:11 AM Parent: #32
جزء من كلام الاصم
Quote: اول مهمة من مهام الحكومة الانتقالية خلال الست شهور الجاية هي تحقيق السلام الدائم البشمل كل حركات الكفاح المسلح من دون استثناء و في معلومة مهمة لازم نوضحها. احنا ما في عداء بينا و بين الجبهة الثورية و لا في عداء بينا و بين حركات الكفاح المسلح بل العكس احنا نكن ليهم كامل الاحترام و التقدير و بنؤكد انو هم ناضلو قبل ناس كتار جدا بدأو النضال ضد نظام البشير و قدمو في سبيل ده الارواح و المهج و قدمو حياتهم يعني في ناس حياتهم كلها عايشنها في الاغتراب من اجل قضية شعبهم و ده لازم نؤكدو احنا بنكن كل الاحترام لقيادات حركات الكفاح المسلح و قوى الحرية و التغيير عملت اجتماعين مع الجبهة الثورية من اجل تقريب وجهات النظر و تبني القضايا المشتركة. اجتماع كان في اديس ابابا و اجتماع كان في القاهرة و الجلسات دى حتستمر و ما حتتوقف علي الاطلاق لانها قضية مشتركة و هم جزء من قوى الحرية و التغيير و لازم تستمر اللقاءات البتقرب وجهات النظر. في اديس ابابا احنا اتفقنا علي ورقة كانت اسمها قضايا السلام الشامل. الورقة دى معظم بنودها تم تضمينها في الاعلان الدستورى زى ما ذكر الاستاذ طه. الخلاف كان في نقطتين اساسيات النقطة الاولي الذكرها الاستاذ طه انو تحديد نصا الجبهة الثورية في الاعلان الدستورى و كان في تقدير الناس الموجودين كلهم في قوى الحرية و التغيير انو اذا تحدد انو السلام يتم مع الجبهة الثورية نصا, ده ممكن يكون عقبة في الوصول الي سلام مع باقي حركات الكفاح المسلح. دي كانت القضية الاولي القضية الثانية قضية المشاركة في السلطة. احنا بالنسبة لينا جزء من القضايا الاساسية الاتبنتها حركات الكفاح المسلح هي قضايا قسمة السطلة و الثروة ودي قضية مفهومة تماما و ما في خلاف حولها. الخلاف انو يجب انو يتم النقاش ده كجزء من مفاوضات السلام. بيتم النقاش حول كيفية قسمة السلطة بين كل السودانيين من كل المناطق بتاعت السودان بصورة عادلة و متساوية و ما ممكن يتم النقاش ده قبل او يستبق عملية السلام الشامل المفترض يشمل كل حركات الكفاح المسلح. في رسائل مهمة احنا كنا دايرين نجي نقولها و هنا برضو استميح الحضور انو نحي اهلنا في الفاشر.
Post: #36 Title: Re: ما حدث في ندوة الحرية والتغيير في الفاشر.. Author: Mahjob Abdalla Date: 09-03-2019, 04:25 AM Parent: #35
Quote: القضية الثانية قضية المشاركة في السلطة. احنا بالنسبة لينا جزء من القضايا الاساسية الاتبنتها حركات الكفاح المسلح هي قضايا قسمة السطلة و الثروة ودي قضية مفهومة تماما و ما في خلاف حولها. الخلاف انو يجب انو يتم النقاش ده كجزء من مفاوضات السلام. بيتم النقاش حول كيفية قسمة السلطة بين كل السودانيين من كل المناطق بتاعت السودان بصورة عادلة و متساوية و ما ممكن يتم النقاش ده قبل او يستبق عملية السلام الشامل المفترض يشمل كل حركات الكفاح المسلح.
دى النقطة البتهمني في الكلام ده كلو و اظن دى النقطة اللي حاولت قحت تسويقها علي انو الجبهة الثورية ببحثو عن محاصصة و هي قراءة خاطئة. اولا الكلام مبهم جدا. هل قالو المشاركة في الفترة الانتقالية ام الحديث عن كيفية ادارة السودان مستقبلا لتفادى مشكلات الماضى. الحالتين مشروعات السؤال فيهم و الاجابة عليهم دون التحاجج بمسألة السلام الشامل. الحالة الاولي هي رفض المحاصصة للكل (ليس حرام علي الجبهة الثورية فقط) و حلال علي الاخرين و دى الحالة القلنا فيها قصر نظر و ضرورة تفادية تكمن في المحاصصة الجهوية الملزمة للكل و للجبهة الثورية دون تمن. لانو لو ختيت تمن بظهرو ليك الف حركة و لواء خلا لكن لما تكون المسالة بدون اثمان اغلبهو سوف يختفي و من بقي منهم سوف ينخرطو دون شروط و يجهزو تنظيماتهم السياسية لما بعد الفترة الانتقالية. اما الحالة الثانية و هي كيفية المشاركة في السلطة مستقبلا (اليوم و غدا و الي الابد) فهو ما سوف يراه السودانيين اليوم في تكوين الحكومة الانتقالية و كاطار الي ما بعد الفترة الانتقالية و الانتخابات (الحشاش يملأ شبكتو). هذا لا يمكن ان ينتظر (فذورة السلام الشامل) مع لواءت خلا لا حصر لهم.
_____________ تبدأ بداية واحدة صحيحة و لا حاجة الي سلام شامل في 6 اشهر.
Post: #37 Title: Re: ما حدث في ندوة الحرية والتغيير في الفاشر.. Author: Mohamed Suleiman Date: 09-03-2019, 05:38 AM Parent: #36
Quote: القضية الثانية قضية المشاركة في السلطة. احنا بالنسبة لينا جزء من القضايا الاساسية الاتبنتها حركات الكفاح المسلح هي قضايا قسمة السطلة و الثروة ودي قضية مفهومة تماما و ما في خلاف حولها. الخلاف انو يجب انو يتم النقاش ده كجزء من مفاوضات السلام. بيتم النقاش حول كيفية قسمة السلطة بين كل السودانيين من كل المناطق بتاعت السودان بصورة عادلة و متساوية و ما ممكن يتم النقاش ده قبل او يستبق عملية السلام الشامل المفترض يشمل كل حركات الكفاح المسلح.
هنا الأصم مخطئ تماماً إن ظن أن مفهوم قسمة السلطة و الثروة توزيع مناصب لبعض منسوبي الحركات المسلحة .... نفس الوصفة الفاشلة لحكومة الإنقاذ و الحكومات اللتي قبلها ... منذ حرب الجنوب و إتفاقية أديس أبابا.
المشكلة الحقيقية في السودان هي في تمركز السلطة في الخرطوم ... و بواسطة السلطة تتم السيطرة علي ثروة البلاد.
لابد من تغيير نظام حكم السودان ... و ذلك بأحد الطريقين: 1- تطبيق نظام الحكم الفيدرالي الحقيقي بحيث تتمتع الأقاليم بسلطات أكبر في التصرف في مواردها الطبيعية و البشرية و وضع الأولوية لتنمية كل إقليم من موارده أولاً قبل تصدير العائد للمركز و ما تبقي من فائض الإقليم يذهب للمركز لمساعدة الأقاليم الفقيرة... ذلك هو المعني الأمثل لتقاسم الثروة ... أما تقاسم السلطة .. ليس هناك شئ يقال له تقاسم السلطة .. بل تفويض شعوب كل إقليم لحكم أنفسهم بحيث يكون التصويت في أي شئ هو الفيصل في إختيار الممثلين و سن القوانين و التصرف في ميزانية الإقليم. أي تطبيق الديموقراطية. بالطبع لابد من تمثيل الإقليم فدراليا في مؤسسات الدولة الفيدرالية.
أو
2- منح حق الحكم الذاتي لأقاليم مناطق الحروبات (دارفور و جبال النوبة و النيل الأزرق و الشرق) .. و بالتالي تنتفي الحاجة الي منازعة المركز السلطة.
Post: #38 Title: Re: ما حدث في ندوة الحرية والتغيير في الفاشر.. Author: Salah Zubeir Date: 09-03-2019, 09:00 AM Parent: #37
Quote: لابد من تغيير نظام حكم السودان ... و ذلك بأحد الطريقين:1- تطبيق نظام الحكم الفيدرالي الحقيقي بحيث تتمتع الأقاليم بسلطات أكبر في التصرف في مواردها الطبيعية و البشرية و وضع الأولوية لتنمية كل إقليم من موارده أولاً قبل تصدير العائد للمركز و ما تبقي من فائض الإقليم يذهب للمركز لمساعدة الأقاليم الفقيرة...ذلك هو المعني الأمثل لتقاسم الثروة ... أما تقاسم السلطة .. ليس هناك شئ يقال له تقاسم السلطة .. بل تفويض شعوب كل إقليم لحكم أنفسهم بحيث يكون التصويت في أي شئ هو الفيصل في إختيار الممثلين و سن القوانين و التصرف في ميزانية الإقليم. أي تطبيق الديموقراطية.بالطبع لابد من تمثيل الإقليم فدراليا في مؤسسات الدولة الفيدرالية.أو2- منح حق الحكم الذاتي لأقاليم مناطق الحروبات (دارفور و جبال النوبة و النيل الأزرق و الشرق) .. و بالتالي تنتفي الحاجة الي منازعة المركز السلطة.
بلا شك هذه حلول صحيحة جدا ويمكن تطبيقها في كل أقاليم السودان ما عدا دارفور ... السبب ليس المركز ولا الجلابة وإنما عدم اعتراف ونكران مكونات دارفور بدارفورية بعضها البعض ... كل مكون هو الأصل والآخرين دخلاء ... وبعض المكونات لها امتدادات خارج دارفور ... عشان كدي أخير ليكم تمسكوا قوي في الجلابة والمركز الشغالين ليكم ترياق لكل المشاكل البيناتكم ... غايتو يومكم التبقو براكم بتبقي داحس والغبراء ... الهبيب محجوب ... انتا صاح وانا خطأ ... لأنو فعلا ما ركزت في انو الكلام منسوب لي قحت وليس انتا ...
Post: #39 Title: Re: ما حدث في ندوة الحرية والتغيير في الفاشر.. Author: Idris Logma Date: 09-03-2019, 10:27 PM Parent: #26
Quote: اهو ده السؤال البليد البدرّم زول بى موقف زول اخرعشان البلادة دى انفصال الشمال مطلب شعبىواضح انو الدارفوريين خنا بيلعبوا اوسخ ادوارهمو دارفور صاحبة اسوأ ملف فى تحارة الرقيق بكل بجادة يرمون بسوأتهم على الشمال النيلىو يلعبون دور الضحية الذى تعلموهو و عاشوهو و شافوهو شوف العين من ضحايا تجارتهملكن نقول لهم الشمال شى و درب الاربعين شى تانىو سلطنة كير و السلطان سليمان شى تالت يفسى تماما نفوس بعض الدارفوريين هنا المملوءة حقدا لضياع مجدهم التليدو يسقطون تاريخهم الاسود على الشمال اهو ده السؤال البليد البجرّم زول بى موقف زول اخر عشان البلادة دى انفصال الشمال مطلب شعبى واضح انو الدارفوريين هنا بيلعبوا اوسخ ادوارهم و دارفور صاحبة اسوأ ملف فى تحارة الرقيق بكل بجاحة يرمون بسوأتهم على الشمال النيلى و يلعبون دور الضحية الذى تعلموهو و عاشوهو و شافوهو شوف العين من ضحايا تجارتهم لكن نقول لهم الشمال شى و درب الاربعين شى تانى و سلطنة كير و السلطان سليمان شى تالت و
فى الحقيقة لا نحنب ان يقتطع جزء من ارض الوطن وكنا نريد من هؤلاء المنادين بالانفصال ان لا يكونوا طفيليات يعيشون على حق الاقاليم الاخرى ولكن اذا قرروا الانفصال فذلك شأنهم لا يأثر شى سواء المساحة وجيمعنا يعلم مستوى المساهمة فى الدخل القومى، حيث دخلهم للدولة لا تتعدى 2% وما ياخذونه من الدولة يفوق 80% بإنفصال يكونوا وفرتوا للشعب السودانى موارده صدقا اذا انفصلتم لا تستطيعون العيش شهرين
Parasites can't survive without host يفسر تماما نفوس بعض الدارفوريين هنا المملوءة حقدا لضياع مجدهم التليد و اسقاط تاريخهم الاسود على الشمال انفصال الشمال فى انتطار اعلان حق تقرير المصير دستوريا
Post: #40 Title: Re: ما حدث في ندوة الحرية والتغيير في الفاشر.. Author: Mahjob Abdalla Date: 09-04-2019, 02:01 AM Parent: #39
Quote: بلا شك هذه حلول صحيحة جدا ويمكن تطبيقها في كل أقاليم السودان ما عدا دارفور ... السبب ليس المركز ولا الجلابة وإنما عدم اعتراف ونكران مكونات دارفور بدارفورية بعضها البعض ... كل مكون هو الأصل والآخرين دخلاء ... وبعض المكونات لها امتدادات خارج دارفور ... عشان كدي أخير ليكم تمسكوا قوي في الجلابة والمركز الشغالين ليكم ترياق لكل المشاكل البيناتكم ... غايتو يومكم التبقو براكم بتبقي داحس والغبراء ...
كل المطلوب انو الناس تعمل الصاح و ما دام عارف انو (ممكن) او (بالتأكيد) حتحصل مشاكل كهذه, فهنا بجي دور الدولة الايجابي في كيفية وضع الخطط لمواجهتا ان حصلت. Just advocate for what is right و خلي شغل التنجيم.
Post: #41 Title: Re: ما حدث في ندوة الحرية والتغيير في الفاشر.. Author: Elhadi Date: 09-04-2019, 04:07 AM Parent: #40
Quote: الأغلبية في زالنجي والفاشر ونيالا وكتم استجابت لجدول وأنشطة قوي الحرية والتغير اثناء الثورة ،ويقيني ان الأغلبية. خرجت اليوم لتستمع لقادة الثورة لتقوم قلة بممارسة الفوضي وتحرم الحضور من متابعة الندوة ومن ممارسة حق الاختلاف بصورة متحضرة ! هذه السلوك الهمجي من قلة لايعبر عن جماهيرنا في غرب السودان لانه يصب في خدمة الكيزان والجهات التي مزقت النسيج. الاجتماعي بدارفور وشردت وقتلت. وحرقت !
الأخ كمال عباس..
هل تريد القول أن أغلبية الدارفوريين مع قحت ؟؟ بأمارة شنو يا كمال ؟؟
وقحت تتجاوزهم وتقصيهم ، وتتجاوز ممثليهم في الجبهة الثورية والحركات المسلحة وتسعى لعقد اتفاق لتقاسم السلطة مع بقايا نظام الإنقاذ في استمرار لذات نهج الحكومات السابقة في نقض المواثيق والعهود
Post: #42 Title: Re: ما حدث في ندوة الحرية والتغيير في الفاشر.. Author: Elhadi Date: 09-04-2019, 04:30 AM Parent: #41
Quote: يا اخوي الهادي شعار (تسقط بس) قد تم تنفيذه بي حزافيره ... فالبشير وحكومته ومؤتمره الوطنيوحركته الإسلامية أصبحوا خارج اللعبة السياسيةمنذ ١١ أبريل وإلي هذه اللحظة ... ومن لا يري ذلكعليه بالفكي ليطرد له الوسواس الخناس ...
الأخ صلاح الزبير.. وماذا عن المجلس العسكري أو ما كان يعرف باللجنة الأمنية العليا لنظام الإنقاذ والتي استولت على السلطة اعتباراً من تاريخ 11 أبريل ؟؟ ألم يكن جزءاً أصيلاً ومكوناً أساسياً من مكونات نظام البشير ؟؟
وماذا عن المؤسسة الأمنية للإنقاذ ؟؟ جهاز الأمن وتوابعه بمسمياتهم المختلفة.. أليست هي ذات المؤسسة الأمنية القائمة حتى اليوم والتي أذاقت الشعب السوداني الأمرين.. والتي كانت تحمي البشير ونظامه..
صحيح خرج البشير ـ ولكن لأنه فقط قد استنفذ أغراضه تماماً وأصبح بقاءه مهدداً للنظام ككل ـ فقرروا التضحية به لإنقاذ أنفسهم من السقوط معه..
الحصل في 11 أبريل ده يا أستاذ صلاح ما اسمو انحياز للثورة، اسمو التفاف على الثورة وبإسناد ودعم وعون إقليمي فاضح وتآمر مكشوف من بعض أطراف قوى المعارضة..
ثم قولك..
Quote: ثم إن ضباط القوات المسلحة الذين يبذلون النفسرخيصة لعزة هذا البلد ليسوا بعملاء ولا وكلاء لأحدهم الذين أنجزو الصعب لنجاح ثورة ديسمبر وهمالذين يرعون ويأمنون مخرجات هذه الثورة حتيالآن ... ليس بينهم خاين ولا عميل وهم يتصرفونبي مسؤولية كبيرة جدا تفتقدها (قحت) في التوازنبين أمن البلد وبين متطلبات نجاح الثورة ...
أو لم يكن الاعتصام من مخرجات الثورة برضو ؟؟الفض الاعتصام منو يا أستاذ صلاح ؟؟ موش ياهو نفسو المجلس العسكري بشقيه العسكري والمليشيوي ؟؟
Post: #43 Title: Re: ما حدث في ندوة الحرية والتغيير في الفاشر.. Author: Salah Zubeir Date: 09-04-2019, 08:00 AM Parent: #42
Quote: و خلي شغل التنجيم.
التنجيم دا أنا إشتغلتو وين بالظبط ...؟
Post: #44 Title: Re: ما حدث في ندوة الحرية والتغيير في الفاشر.. Author: Salah Zubeir Date: 09-04-2019, 08:39 AM Parent: #43
Quote: صحيح خرج البشير ـ ولكن لأنه فقط قد استنفذ أغراضه تماماً وأصبح بقاءه مهدداً للنظام ككل ـ فقرروا التضحية به لإنقاذ أنفسهم من السقوط معه..
شوف يا أستاذ الهادي انا جني وجن النقاش الداءيري لو اصلا المجلس العسكري عايز نظام المؤتمر الوطني يستمر وزي ما بتقول البشير استنفد اغراضه كان شال البشير وختا بدلو صلاح قوش أو أي من الجنرالات وكان الدعم السريع (١٢ الف جندي و١٠٠٠ تاتشر) الدخل الخرطوم يوم ١١ أبريل أزال اعتصام القيادة في أقل من ساعة زمن وكان كون حكومتو يوم ١٢ أبريل ويا دار ما دخلك (قحت) ولا حزب شيوعي ولا جبهة ثورية ... المبكي والمضحك انو يوم ١٢ أبريل دعا المجلس العسكري (قحت) لتكوين حكومته المدنية فورا وقالا بي صريح العبارة نحنا أمس قبل إعلان الانقلاب كنا نكرات تعالو كونو حكومتكم المدنية وقولو لينا دايرين شنو ونحنا بنفذ ... (راجع المؤتمر الصحفي لرئيس اللجنة السياسية للمجلس العسكري الفريق أول عمر زين العابدين يوم الجمعة ١٢ أبريل فهو مبذول في اليوتيوب) ... اتصور لو أعلنت (قحت) يوم الجمعة ١٢/٤ عن اسم رئيس الوزراء فقط كيف كان يكون الحال ... لذلك كل المآسي الحصلت بعد ١٢/٤ تعتبر (قحت) شريك أساسي وطرف رئيسي في كل المصايب الحصلت بعد تاريخ ١٢/٤ بما فيها فض الاعتصام ... لأنو ما كان حا يكون في اعتصام للفض ...
Post: #45 Title: Re: ما حدث في ندوة الحرية والتغيير في الفاشر.. Author: Mahjob Abdalla Date: 09-04-2019, 08:49 AM Parent: #44
Post: #46 Title: Re: ما حدث في ندوة الحرية والتغيير في الفاشر.. Author: Salah Zubeir Date: 09-04-2019, 09:02 AM Parent: #45
دا ما تنجيم بقدر ما هو قرايه خجوله جدا للواقع ... كمية السلاح وكمية الناس البتعرف تستعمل السلاح وقبل ذلك (الجيوش القبلية) وقبل قبل ذلك كمية الأحقاد والغباين التي ازدردها الدارفوريين من كافة المكونات ... داحس والغبراء كانت بالسيوف والحصين التي لن تقارن بالتاتشرات والدوشكا ... الخ يا الهبيب ... نجحت النخب الدارفورية في إشعال الحرب ... وجاء الوقت لتقوم هذه النخب بعملية الإطفاء... وهي المهمة الأصعب ...
