اوقفو محاكمة البشير

Post: #1
Title: اوقفو محاكمة البشير
Author: عبدالحفيظ ابوسن
Date: 09-01-2019, 05:21 AM

05:21 AM August, 31 2019
سودانيز اون لاين
عبدالحفيظ ابوسن-no where
مكتبتى
رابط مختصر

القروش الاكلها بخيتة وسعيدة عليهو
انا عافي ليهو مما يليني من حق مادي
دة حرامي وضيع حقير وتافه ما اتفه واحقر منو الا الجابوهو للسلطة ولي هسة ببكو عليهو وبدافعو عنو
حاكمو لينا بالقتل والابادة الجماعية
خلونا نسمع منو كلم جنابو منو وجنابو منو قال ليهو شنو
اقلاها جنابو دة قاعد هسة في الحكم

Post: #2
Title: Re: اوقفو محاكمة البشير
Author: عبدالحفيظ ابوسن
Date: 09-01-2019, 07:13 AM
Parent: #1

محاكمتو وردودو المنحطة والتي توضح عمليا كيف لانسان ان يصير منحطا ووضيعا وتافها وحقيرا ثم لا يستحي من كونه كذلك . والمدهش ان لا يستحي من جعلوه زعيما وقائدا وحاميا للدين وللقرآن . وذلك بدلا من ان يتوارو عن الانظار هاهم يسيرون المظاهرات والنقالات دفاعا عنه
محاكمتو دي كما الثورة تكشف الخونة والاعداء وزيف الشعارات والمشروع الحضاري المزعوم
كما انها كشفت لي
لماذا يتسيد التافهين المشهد . كل المشهد في تلك الحقبة المظلمة
في المؤسسات و دواوين الحكم وكل الخدمات . بل حتي في الاقتصاد والثراء
والغناء
كنا بحق نعيش في محنة عظيمة

Post: #3
Title: Re: اوقفو محاكمة البشير
Author: عبدالحفيظ ابوسن
Date: 09-01-2019, 07:24 AM
Parent: #2

الشينة منكورة
مثل سوداني
الحس السليم يأنف من العيب والانحطاط
ف شنو لو فيهو بنكرو
الا هؤلاء
ولا بخجلو شايلين لافتاتهم وبهتفو كمان
من يعش منحطا طول عمره لايري في الانحطاط عيب

Post: #4
Title: Re: اوقفو محاكمة البشير
Author: Abdullah Idrees
Date: 09-01-2019, 03:51 PM
Parent: #3

ود ابسن كيف حالك
والله العظيم شيء غريب وعصي على الفهم
البشير نحن عارفنو لص وحرامي وقاتل واي حاجة ، اها جماعتو زمان بنكرو الحاجات دي
طيب الزول اعترف قدامهم بانو استلم رشاوى ، وبطريقة مهينة ووضيعة ومذلة لينا كلنا
ولسة الكيزان الرمم ديل بهتفو ليهو في المحكمة !؟
اتمنى انو المحكمة دي تستمر عشان اي زول على الرصيف يعرف تفاهة وانحطاط حكامه السابقين
، رغم انو "ضنبا رقيق" وما باقي فيها شي لانو الاعتراف واضح وبين .. وكمان نعتبرا بروفة للجاي ..

لكن الويل ثم الويل لمن يحاول الدفع باتجاه عدم محاكمته على الجرائم الكبيرة .. كلها

Post: #5
Title: Re: اوقفو محاكمة البشير
Author: عبدالحفيظ ابوسن
Date: 09-01-2019, 04:13 PM
Parent: #4

حباب عبدالله
شوف الصديق الجاهل
قريت انو المحامي قال عيان من 2017 مضطرب نفسيا
طيب الكان حاكم منو ؟
وليه سكتو ؟
ادانة للتنظيم نفسه وتجريمه
يا خوي الزول دة يتحاكم لينا بالابادة والقتل والفساد . خايفين يعكو في المسرحية دي يا مات ولا مات 😆 قبل يكشف لينا المدسوس

Post: #6
Title: Re: اوقفو محاكمة البشير
Author: ABUHUSSEIN
Date: 09-01-2019, 07:49 PM
Parent: #5

سلام اخونا حفيظ و اخونا عبدالله
ما تعشم في محاكمة القشير في جرائم شركاءه فيها الآن موجودين في الحكومة
حا يجرجو ليك محاكمته بالفساد و جرجرة المدنيين اتباعه لغاية ما تهدأ الثورية في نفوس الناس
و لغاية ما كل المواضيع تبقى مييييييتة و الناس تنسى الموضوع ...
فا شنو لوك الصبر ....و خلي بالك طوييييييييل ....

Post: #7
Title: Re: اوقفو محاكمة البشير
Author: عبدالحفيظ ابوسن
Date: 09-02-2019, 06:57 AM
Parent: #6

يا ابوحسين خايفو يموت قبل تبقى ميتة
اليفوت لينا المحل دة ويخش طوالي فيمن قتل وسحل واغتصب
المحامي حقو مفروض يخش شريك معاهو
قال فاقد للاهلية من 2017 وذات المحامي كان بطالب بترشيحو ل 2020

Post: #8
Title: Re: اوقفو محاكمة البشير
Author: محمد البشرى الخضر
Date: 09-02-2019, 11:03 AM
Parent: #7

وين يا قريبك!!
تعرف إذا دي كانت الفضائح الطلعت في جلستين بس يا ترى ح يحصل شنو في المحاكمات الحقيقية!! اتوقع ان يغتال بالسم او باي وسيلة لا تثير شبهة طالما طلع فتّاااااات كدا وما بنستر

Post: #9
Title: Re: اوقفو محاكمة البشير
Author: Osman Awoda
Date: 09-02-2019, 11:26 AM
Parent: #8

انتو بي صحكم؟
يعني نحنا بريليمات المنبر
نعمل شنو اذا كان دا كلام
سنايرنا
- ابو حسين الفقر قبل كدا
وراني كيف اخت الوجوه،،نسيت

Post: #10
Title: Re: اوقفو محاكمة البشير
Author: منتصر عبد الباسط
Date: 09-02-2019, 02:22 PM
Parent: #9

والله مصيبتنا كبيرة !
والكيزان لا زالوا يتربصون ويعملون ويحكمون ليس بمناصب ولا وظائف
لديهم رصيد من الغباء والحمق الذي فينا يكفي لأن يحققوا به الشيء الكثير
مصيبتنا كبيرة لأننا أصبحنا لا نثق في أحد
و لا نريد أن نفكر نريد أن نشك دون أن نفكر!
نجرم الآخر دون أن نفكر !
مصيبتنا كبيرة
نريد أن نخدم الكيزان بأكثر مما يحلمون !

Post: #11
Title: Re: اوقفو محاكمة البشير
Author: ABUHUSSEIN
Date: 09-02-2019, 08:11 PM
Parent: #10

Quote: - ابو حسين الفقر

المنبر دا ما فيه فقور غيرك انت و الفوق ليك طوالي دا ...
Quote: - ابو حسين الفقر قبل كدا
وراني كيف اخت الوجوه،،نسيت

كنت جاهل و ابو حسين علمك يبقى تحترمني يا جاحد....
ما سمعت بي من علمني وشا صرت له كلبا ....😂😂😂

Post: #12
Title: Re: اوقفو محاكمة البشير
Author: Osman Awoda
Date: 09-02-2019, 08:39 PM
Parent: #11

انت اقعد طاردني كدا من
بوست لي بوست لمن باص
الروصيرص يفوتك

Post: #13
Title: Re: اوقفو محاكمة البشير
Author: ABUHUSSEIN
Date: 09-02-2019, 10:13 PM
Parent: #12

Quote: انت اقعد طاردني كدا من
بوست لي بوست لمن باص
الروصيرص يفوتك

البقرأ كلامك دا يقول انت سليم الذوق .... 😂😂

اسمع قوم لف ...

Post: #14
Title: Re: اوقفو محاكمة البشير
Author: Osman Awoda
Date: 09-02-2019, 10:23 PM
Parent: #13

😭😭😭

Post: #15
Title: Re: اوقفو محاكمة البشير
Author: Mohamed Adam
Date: 09-02-2019, 11:44 PM
Parent: #14

Quote: اوقفو محاكمة البشير
ياحفيظ، يعني نقدر نقول زعل ود الباوقة ما جزء من إهتماماتك .!

Post: #16
Title: Re: اوقفو محاكمة البشير
Author: عماد الدين الطيب عمر
Date: 09-02-2019, 11:58 PM
Parent: #1

حبيبنا ود اب سن
يا اخي ازيك
و فرحانين بي جيتك

Post: #17
Title: Re: اوقفو محاكمة البشير
Author: عبدالحفيظ ابوسن
Date: 09-03-2019, 10:41 AM
Parent: #16

مرحب ودو
نفس هاجسك دة عندي والظروف مؤاتية لذلك . مامعروف هو زاتو مسجون وين وكيف والحارسو منو
ما فهمتك يا عم عووضة يا برلوم وبعدينك تأدب امام استاذك فلا يحق لمأموم ان يسبق امامه ولا بطل نضاله 😆
يامنتصر دي تلاتين سنة ! تغلغلو داخل الاسرة الواحدة وقسموها
يا محمد آدم بعيدا عن الاسماء في ناس واقفين مع النظام وللاسف كتابتهم تثير الغضب والحنق فتخلو من الذكاء والذوق والحس الانسان وقيم الدين زاتو
تشكر عماد
وكتر خيرك لترحيبك
الله يكرمك

Post: #18
Title: Re: اوقفو محاكمة البشير
Author: abdulhalim altilib
Date: 09-04-2019, 03:19 PM
Parent: #17

أنا غايتو ما بعرف ..
لكن أي بوست كاتبو أو متداخل فيهو أبو سن أو أبو حسين
طوالي بخشو ، لأني بلقى فيهو المناكفات الحلوة والمشاكسات
اللذيذة ، ومعاها الفائدة المرجوة ..

عشان كده جيت ماري أقول سلام يا الحبان ..

وخلونا نتنسم عبير الحرية والسلام والعدالة في باقي الوطن الفضَّـــل
بعد أن كنا مغيبين ثلاث عقود .. والبركة في شباب ثورتنا
والعملوا اللي ما قدرنا نعملوا نحنا عواجيز الفرح ... هههههه

مودتي ،،،

( ليمو )

Post: #19
Title: Re: اوقفو محاكمة البشير
Author: Kamal Alalla
Date: 09-04-2019, 07:22 PM
Parent: #1

أوقفو ميتينا زاتو

Post: #20
Title: Re: اوقفو محاكمة البشير
Author: عبدالحفيظ ابوسن
Date: 09-04-2019, 10:00 PM
Parent: #19

حباب ليمو
وكتر خيرك والله
هههه يا علي الله