Post: #1
Title: عمك المخلوع قرب يجيب ود البقاوة
Author: بلدى يا حبوب
Date: 08-31-2019, 05:47 PM
05:47 PM August, 31 2019 سودانيز اون لاين
بلدى يا حبوب-kahrtoum
مكتبتى
رابط مختصر
اسد افريقيا حيرنا من اول محكمة قال علي وعلي اعدائي ما خله الدعم السريع ولا عبد الحي وكمان مدير مكتبه
انا بقرا في البوست قلت ما يقوم اذكر سودانيس اون لاين ويجيب لينا ود الباوقه من المستلمين
Quote: وجهت المحكمة، اليوم السبت، اتهاما للرئيس المعزول عمر البشير بتهمة الثراء الحرام و المشبوه، و حيازة النقد الأجنبي.
و رفض قاضي المحكمة إطلاق سراح البشير بالضمان العادي و هو الطلب الذي تقدمت به هيئة الدفاع.
و استجوبت المحكمة البشير، في جلسة أقرّ فيها باستلامه 25 مليون دولار من ولي العهد السعودي محمد بن سلمان. و قال البشير أمام المحكمة إنّ الأموال وصلت بطائرة خاصة، عبر مدير مكتب بن سلمان.
و في رده على سؤال قاضي المحكمة عن سبب عدم إيداعها في خزانة “بنك السودان”، أوضح البشير أنّ البنك كان سيسأل عن مصدر تلك الأموال، “فلم نفعل ذلك لأن بن سلمان طلب عدم ذكر اسمه”، مؤكداً أنه لا يتذكر التاريخ الذي أُرسل فيه المبلغ.
و أشار البشير إلى أن مدير مكتبه حاتم بخيت هو من تسلّم المبلغ المذكور، قائلاً: “لم أتصرف فيه بشكل خاص”، مضيفاً أنه صرف الأموال محل الاتهام على السلاح الطبي وجامعة أفريقيا وقناة طيبة”.
و قال إنّه تمنى أن تكون المحكمة سرية حتى لا يُذكر اسم محمد بن سلمان، مشيراً إلى أنّه فضل عدم إرجاع الأموال إليه “حتى لا يدخل في إحراج مع السعودية”، على حدّ تعبيره، مؤكداً أنّه سلّم قوات الدعم السريع خمسة ملايين يورو من هذه الأموال.
https://www.facebook.com/groups/794380554063171/[/QUOTEhttps://www.facebook.com/groups/794380554063171/[/QUOTE]
|
Post: #2
Title: Re: عمك المخلوع قرب يجيب ود البقاوة
Author: بلدى يا حبوب
Date: 08-31-2019, 05:49 PM
Parent: #1
عزرا للخطأ فى الاسم
ود الباوقه قاصد
|
Post: #3
Title: Re: عمك المخلوع قرب يجيب ود البقاوة
Author: عزيز
Date: 08-31-2019, 06:05 PM
Parent: #2
الأسد النتر هيييييع
ككو في قفص الإتهام
ومسخ يمتاز بغباء راسخ بخصم من تاريخ وطن ثلاثين عاماً بانسان ليس لديه أي موهبه ولا كاريزما ولا شجاعة ولا أي شئ !!!!
كيف حكم هذا القزم وطن عملاق ثلاثين عاماً؟؟؟؟؟؟
|
Post: #4
Title: Re: عمك المخلوع قرب يجيب ود البقاوة
Author: muntasir
Date: 08-31-2019, 06:55 PM
Parent: #3
ونسيت طارق راجل قريبته الكان بفتل ليه الدولار في السوق الأسود غايتو نستاهل إحنا ،ودالباوقة سلم والمزرعة والكونتينر وقروش تسهيل الجوازات تسلم وعفينا ليك حق الترحيل بتاع انتخابات ٢٠١٠
|
Post: #5
Title: Re: عمك المخلوع قرب يجيب ود البقاوة
Author: Asim Ali
Date: 08-31-2019, 06:58 PM
Parent: #3
فساد x فساد
Quote:
و أشار البشير إلى أن مدير مكتبه حاتم بخيت هو من تسلّم المبلغ المذكور، قائلاً: “لم أتصرف فيه بشكل خاص”، مضيفاً أنه صرف الأموال محل الاتهام على السلاح الطبي وجامعة أفريقيا وقناة طيبة”.
|
.
لو فرضنا انو كلامو صاح
مؤسسات رسميه او خاصه زى دى تستلم اموال من غير ايصالات استلام والمبالغ تكون معروفه المصر ووجه الصرف فى وثائق المؤسسات دى؟
الزول دا كل مره بورط نفسو اكتر مباشره باستلام اموال خارج قنوات رسميه وغير مباشره بفساد مؤسسات دوله يحكمها
.
اتمنى يتم ضغط عشان تطلب شهاده بن سلمان عشان نشوف الدراما المره دى شكلها يكون كيف ؟
|
Post: #6
Title: Re: عمك المخلوع قرب يجيب ود البقاوة
Author: محمد جبره
Date: 08-31-2019, 08:55 PM
Parent: #5
الاسد ما بحمل زرزرة ..بفتو فت فتتا فتتا
لله درك يا اسد
يجب حمايته لانه اصبح شاهد ملك ..ما نسمع بكره وجد منتحرا داخل زنزانته في ظرف غامضة
تحياتي
|
Post: #7
Title: Re: عمك المخلوع قرب يجيب ود البقاوة
Author: محمد على طه الملك
Date: 08-31-2019, 11:51 PM
Parent: #6
سلامات للجميع ..
كتبت في الفيس وقروبات الوتس ما يلي :
كثيرون ينتقدون ويرون استهلال محاكمة البشير بأموال جنبها لنفسه تسفيه لغايات الثورة واحد مطالبها الجوهرية ( الدم قصاد الدم..الخ)..
ولكن لحكمة يعلمها الله ابتدرت محاكماته بهذه السرقة حتى يدرك من كانوا ولا زالوا يهتفون باسمة كم كانوا مخدوعين فيه..
فليس أرذل على القائد العسكري من أن يختم حياته المهنية مسبوق بصفة حرامي ونهاب ولص..
من المضحك دفعه الذي قدمه للقاضي عندما سأله عن ما يمنع توريد المبلغ لبنك السودان..
فكان ردة أنه لم يفعل استجابة لطلب الواهب والصحيح الراشي حتى لا يظهر اسمه..
ناسيا أو متناسيا أن بنك السودان مؤسسة رسمية مسؤولة مثلما هو مسؤول عن أسرار الدولة إن اعتبرنا الفعل مجازا من أسرار الدولة!!
ثم إذا عجز وهو المؤتمن عن كتم سر من ائتمنه فكيف يفترض على غيره ذلك ؟
ولكن السؤال الأهم من هي الجهة أو من هو التنظيم الذي يسعده إشانة سمعة ابن سليمان ويريد البشير خدمة أهدافهم ؟؟
والسؤال الأكثر أهمية ماذا قدم البشير مقابل هذه الرشوة السخية؟؟؟؟؟
اعتقد وهذا رأيي الخاص ـ أن هذه المحاكمة كانت افتتاحية ضرورية لكي يفهم الشعب السوداني المغيب..
حقيقة شخصية الرجل الذي حكمهم لثلاثين عاما..
فقط وددت لو أرى مزعة من وجهوه المحامين ..
الذين تصدوا للدفاع عنه وهم يسمعون ردوده على أسئلة القاضي.
|
Post: #8
Title: Re: عمك المخلوع قرب يجيب ود البقاوة
Author: بلدى يا حبوب
Date: 09-02-2019, 03:34 PM
Parent: #7
| Quote: كيف حكم هذا القزم وطن عملاق ثلاثين عاماً؟؟؟؟؟؟ |
فعلا يا عزيز ده المحيرنا جميعا
تحياتى
|
Post: #9
Title: Re: عمك المخلوع قرب يجيب ود البقاوة
Author: بلدى يا حبوب
Date: 09-02-2019, 03:37 PM
Parent: #8
| Quote: ما نسمع بكره وجد منتحرا داخل زنزانته في ظرف غامضة |
محمد جبره بعد السلام
عمك ده شكله طلع نمر من الورق كل يوم بدخل ليه زول من شلته النوع الذى ده ما بنتحر ده لوح ثلج
تحياتى
|
Post: #10
Title: Re: عمك المخلوع قرب يجيب ود البقاوة
Author: بلدى يا حبوب
Date: 09-02-2019, 03:38 PM
Parent: #9
| Quote: ونسيت طارق راجل قريبته الكان بفتل ليه الدولار في السوق الأسود |
منتصر اسم طارق ظهر فى افادت المتهم
تحياتى
|
Post: #11
Title: Re: عمك المخلوع قرب يجيب ود البقاوة
Author: بلدى يا حبوب
Date: 09-02-2019, 03:43 PM
Parent: #10
قاسم
| Quote: اتمنى يتم ضغط عشان تطلب شهاده بن سلمان عشان نشوف الدراما المره دى شكلها يكون كيف ؟ |
عمك المخلوع ده جرسه منه معقول بن سليمان يديه قروش فى ايده معروف ان السودان وقتها كان وما زال فى قائمة دول الارهاب والحظر الاقتصادى وخوفا من امريكا فكل من يريد مساعدة السودان كان يرسل القروش عبر عدة طرق
وفى النهاية القروش يفترض تمشى بنك السودان
تحياتى
|
Post: #12
Title: Re: عمك المخلوع قرب يجيب ود البقاوة
Author: بلدى يا حبوب
Date: 09-02-2019, 03:47 PM
Parent: #11
الاخ محمد علي
Quote: عتقد وهذا رأيي الخاص ـ أن هذه المحاكمة كانت افتتاحية ضرورية لكي يفهم الشعب السوداني المغيب..
حقيقة شخصية الرجل الذي حكمهم لثلاثين عاما.. |
رايك سليم اتفق معاك فضحت البشسير لعامة الشعب
تحياتى
|
|
|