تفاعل رواد التواصل الاجتماعي-بحسب موقع خرطوم ستار- مع بعض الصور المنتشرة بكثافة لمرشح وزارة الثروة الحيوانية ووزارة الزراعة الدكتور (حسام الدين عمر النصري) واقترح البعض” إسفيرياً” تنصيب الشاب في الوزارة بأسرع وقت ممكن، وحاز الأربعيني (حسام الدين عمر النصري) على أعجاب الكثير من حسناوات البلاد بعد تداول صوره بكثافة عقب ترشيحه لمنصب وزارة الزراعة والثروة الحيوانية في الحكومة الانتقالية، وكان شرط رئيس الوزراء عبد الله حمدوك الأساسي في اختيار الوزراء هو الكفاءة، حيث شدد على ضرورة الالتزام بالمعايير الموضوعة بين الطرفين (المجلس العسكري وقوى الحرية والتغيير)، وتسابق رواد مواقع التواصل الاجتماعي لإبداء إعجابهم بحسام الدين والتعبير عن مدى امتنانهم للرجل في حالة إشرافه على الوزارة مستقبلاً، وجاءت تعليقات الكنداكات في القروبات النسائية على مرشح وزارة الثروة الحيوانية على النحو التالي حيث ق
صحيفة السوداني
Post: #2 Title: Re: الكنداكات يتغزلن في مرشح وزارة الزراعة .. � Author: علي عبدالوهاب عثمان Date: 08-28-2019, 05:46 PM Parent: #1
الت آلاء يحيى :(أيوا دي الزراعة والزارعنا غير الله اليجي يقلعنا)، وقالت أم حمودي:(الخضرة والماء والوجه الحسن) أما انشراح بلال فكتبت: (أيوا عايزين ناس لبِقه وفاهمه، وشكلها حلو وفي سن مناسب “الأربعين” دي بكون عندو خبرة ممتازة وعلم كافي يسمح له بخدمة وطنه).!
Post: #3 Title: Re: الكنداكات يتغزلن في مرشح وزارة الزراعة .. � Author: علي عبدالوهاب عثمان Date: 08-28-2019, 05:58 PM Parent: #2
آه .. يا زمن .. يعني نحن قبل 45 - 50 سنة كنا حنفوز (هههه ) أجمل تعليق : ( الخضرة والوجه الحسن ) زمانا كانوا ابراهيم عوض الله يرحمه وصلاح أبن البادية من الجرائد لا تلفزيون لا حاجة .. يا حظكم .. صدقني زمنكم جميل ورائع .. ناس الاصم والنصري فوزهم مضمون في الانتخابات
كما نسيت المرحوم على محمود حسنين المحامي كان في قمة وسامة .. بس اصوات النساء كانت محدودة مع ده ناس الحزب الخصم قالوا علي محمود فاز على عزالدين السيد بأصوات الحريم التربالية في ضواحي الدنيا .. رحم الله على محمود وعزالدين بالمناسبة كان يطلقون عليه لقب ( كوجكول ) ما عارف الترجمة بالعربي يمكن ( الرطب)
ما شاء الله أولادنا ديل شكل ومضمون حفظهم الله .. يا ريت ناس دفعتنا ديل يبعدوا عن الساحة
Post: #4 Title: Re: الكنداكات يتغزلن في مرشح وزارة الزراعة .. � Author: علي عبدالوهاب عثمان Date: 08-28-2019, 06:07 PM Parent: #3
الناس الخبرات يكون مقاعد المدربين خارج الملعب حبيبنا الامام الصادق ، وقريبي الخطيب ، ودكتور ابراهيم الامين ، والسنهوري ، وصديق .. إلخ المقروض يكونوا في مقاعد المدربين زميلي في المكتب قال لي ديل اسمهم ( جلاكين ) بلغة الشباب صحيح الناس الحلوين أولادنا وبناتنا حتى لو أخطأوا الواحد يتقبل منهم
Post: #5 Title: Re: الكنداكات يتغزلن في مرشح وزارة الزراعة .. � Author: Hamid Elsawi Date: 08-28-2019, 06:30 PM Parent: #4
من الطرائف يا علي قالو مره مصطفي النقر مشي زيارة للهادي الضلالي في البيت و لم يجده و عندما عاد الهادي للبيت أخبرته زوجته بان مصطفي النقر حضر و لم يجده و كانت زوجته حامل رد الهادي باندهاش مصطفي ....نعم زاتو ..... آاي يا الهادي و إنت شفيهو ... آأي شفتو فيها حاجة ردت الزوجة وسلمتي عليهو .... آأي سلمت عليهو بي يدك دي .... ردت بي يدي دي قال ليها الهادي يللا إتوحمي عليهو....
Post: #6 Title: Re: الكنداكات يتغزلن في مرشح وزارة الزراعة .. � Author: علي عبدالوهاب عثمان Date: 08-28-2019, 06:40 PM Parent: #5
الحبيب الهادي .. تحياتي .. زين الله حياتك بالبهجة خليتني أضحك بس قفلت الباب عشان الحاجة ما تقول الزول ده ما لو صحيح مصطفى النقر كان ما شاء الله
زمنا داك .. الحلوين من الجنسين كانوا نادرين الزمن دا ما شاء لله أولادنا وبناتنا ما شاء الله
شكرا الحبيب الهادي .. مشكلتي يا الحبيب الهادي ما عارف أحكي يالعامية
Post: #7 Title: Re: الكنداكات يتغزلن في مرشح وزارة الزراعة .. � Author: عبداللطيف حسن علي Date: 08-28-2019, 06:47 PM Parent: #6
الفيس فيهو تقييم للناس علي الاساس دا فعلا
ماعرفناهو حقيقة ام تسويق بواسطة ناس متخفيين
اما لو كان حقيقة فلايجب ان نحلم بالتغيير
Post: #8 Title: Re: الكنداكات يتغزلن في مرشح وزارة الزراعة .. � Author: Hamid Elsawi Date: 08-28-2019, 06:50 PM Parent: #7
Quote: الحبيب الهادي .. تحياتي .. زين الله حياتك بالبهجة خليتني أضحك بس قفلت الباب عشان الحاجة ما تقول الزول ده ما لو صحيح مصطفى النقر كان ما شاء الله
صحيح الحاجة هاشاك شديد و مخوفاك كمان لدرجة انك ما فرزت الهادي من الصاوي اسمي حامد الصاوي يا علي عبد الوهاب
Post: #9 Title: Re: الكنداكات يتغزلن في مرشح وزارة الزراعة .. � Author: Hamid Elsawi Date: 08-28-2019, 06:56 PM Parent: #8
Quote: ماعرفناهو حقيقة ام تسويق بواسطة ناس متخفيين اما لو كان حقيقة فلايجب ان نحلم بالتغيير
الموضوع ياعبد اللطيف عبارة عن دعابة و العقل الباطن يستنكر الوجوه القبيحة التي كانت مفرضة علينا صباح و مساء
Post: #11 Title: Re: الكنداكات يتغزلن في مرشح وزارة الزراعة .. � Author: علي عبدالوهاب عثمان Date: 08-28-2019, 06:59 PM Parent: #8
صحيح الحاجة هاشاك شديد و مخوفاك كمان لدرجة انك ما فرزت الهادي من الصاوي اسمي حامد الصاوي يا علي عبد الوهاب
==================
يا سلام الحبيب حامد الصاوي آخخخخ أبو الزهايمر .. معليش الحبيب .. مشكلة الزهايمر أن الواحد ينسى الحدث أو شيء القريب ويتذكر البعيد ( زمناً ) تعرف مرات الواحد يخلط أسماء الابناء والبنات لحظة تضيع منك الاسماء كلها .. في ناس الصاوي في دنقلا المدينة .. ما شاء الله ناس حلوين لونهم أفتح ..
تحياتي الحبيب حامد
Post: #10 Title: Re: الكنداكات يتغزلن في مرشح وزارة الزراعة .. � Author: صديق مهدى على Date: 08-28-2019, 06:58 PM Parent: #7
حباب على وضيوفه الكرام ياخ الثورة دى خلقت جو ديمقراطى فى كل المرافق فعلا ثورة على كل شى ربنا يديمها ثورة اما تعليقات الحسناوات على مرشح وزارة الزراعة فى محله اللهم زد وبارك
Post: #12 Title: Re: الكنداكات يتغزلن في مرشح وزارة الزراعة .. � Author: علي عبدالوهاب عثمان Date: 08-28-2019, 07:05 PM Parent: #10
الفيس فيهو تقييم للناس علي الاساس دا فعلا ماعرفناهو حقيقة ام تسويق بواسطة ناس متخفيين اما لو كان حقيقة فلايجب ان نحلم بالتغيير ============ الحبيب عبداللطيف .. ممكن جداً يكون من ضمن القييم في بعض الوظائف لازم الشكل يكون جميل مرات الشخص لمن يكون وسيم وكده حتى تجاوزاته تكون مقبولة زرق من الله .. وورد قصة سيدنا يوسف عليه السلام
================== ربما في السابق نفس الاحساس ولكن حالياً الجرأة في المجاهرة بالمعايير حتى في الشركات ( الشكل الخارجي ) مهم كل جيل حسب نظرته
تحياتي الحبيب عبداللطيف
Post: #13 Title: Re: الكنداكات يتغزلن في مرشح وزارة الزراعة .. � Author: علي عبدالوهاب عثمان Date: 08-28-2019, 07:07 PM Parent: #10
حبيبنا صديق .. تحياتي .. فعلاً حرية التعبير في كل شيء أكيد الثورة سوف تغير الكثير الناس خاصة الشباب وكمان بالاخص بناتنا كانوا في كبت شديد .. نسمة حرية
تحياتي حبيبنا صديق
Post: #14 Title: Re: الكنداكات يتغزلن في مرشح وزارة الزراعة .. � Author: عبدالغني محمد الحاج Date: 08-29-2019, 01:22 AM Parent: #13
Post: #15 Title: Re: الكنداكات يتغزلن في مرشح وزارة الزراعة .. � Author: حسن ادم محمد العالم Date: 08-29-2019, 06:24 AM Parent: #14
حبيبنا علي عبدالوهاب وشكرنا ليك ان رفدت المنبر بأخبار صديقنا حسام النصري وهو زميل دراسة بشمبات وايضا المنطقة فوالدته من كركوج وقد عملنا معا وهو خريج البيطرة ونال الماجستير في الادارة فيما بعد وعلمنا سويا ونحن طلاب بجامعة الخرطوم في مشروع القرية النموذجية ام دونية ثم مشروع الفاو واعتقد التجربة العلمية والعملية بالاضافة الي الإدارية وعمله ايضا في مجموعة دال قروب تجعله مناسب جدا لهذه الوزارة
Post: #17 Title: Re: الكنداكات يتغزلن في مرشح وزارة الزراعة .. � Author: علي عبدالوهاب عثمان Date: 08-29-2019, 07:08 AM Parent: #15
حبيبنا حسن .. تحياتي .. يكفيني رأيك .. والتزكية منك معتمدة أكتملت الشروط : الكفاءة والمؤهلات من ثقة مثلكم والمظهر من الكنداكات
الباقي على حمدوك
Post: #16 Title: Re: الكنداكات يتغزلن في مرشح وزارة الزراعة .. � Author: علي عبدالوهاب عثمان Date: 08-29-2019, 07:05 AM Parent: #14
حبيبنا عبدالغني .. تحياتي شكراً على الفيديو ما شاء الله وسامة سودانية 100% ما مستوردة التحية لبناتنا الكنداكات .. حرية التعبير في كل مجال
Post: #18 Title: Re: الكنداكات يتغزلن في مرشح وزارة الزراعة .. � Author: Khalid Abbas Date: 08-29-2019, 07:43 AM Parent: #14
لقاء ممتاز لشاب مجتهد وعقلية ممتازة سكنت لفترة جار للاسرة في الجريف اسرة سودانية متوسطة الحال جميع الابناء متميزين اكاديميا ومجتهدين جدا بعد التخرج شقيق الاخ حسام الاصغر دفعتي وزميلي في الجامعة الاخ إسماعيل النصري وهو حاليا مستشار قانوني لواحد من اكبر البنوك البحرينة وتم إختياره ضمن أفضل مائة مستشار في الشرق الأوسط . أعتقد هذه التجربة الأسرية هى التي تحتاج الدراسة ماهو المناخ والسلوك التربوي الذي قاد هؤلاء الشباب للتمييز مع التوضيح مرة أخرى أنها اسرة متوسطة الحال ممكن نقول مستورة ده زمان طبعا .
Post: #19 Title: Re: الكنداكات يتغزلن في مرشح وزارة الزراعة .. � Author: علي عبدالوهاب عثمان Date: 08-29-2019, 07:55 AM Parent: #18
الحبيب خالد عباس .. تحياتي .. ما هذا الوطن الجميل ؟ أتمنى من الله أن يرزقنا بحكام على مستوى سلوك هذا الشعب . لاحظ يا الحبيب خالد .. أي إسم يتم ذكره في المنبر إلا ويكون لديه مجموعة من المعارف أهل أو صحبة ... إلخ أجزم أنه لا يوجد تواصل اجتماعي في هذا الكون بهذه الدرجة الرقية .. وطن بهذا الجمال والتواصل الانساني الرائع يكون من أفشل الدول تخيلوا اقتصادياً الثالث في آخر الجدول قبل الجنوب وفنزويلا
لننتظر المعايير الاخلاقية والسلوكية لقياس الشعوب شكراً الحبيب خالد .. فتحت البوست على سبيل الدعابة فقط وثم وجدت فيه الدرر ..
تحياتي فليدم هذا الوطن هكذا حتى لو متنا من الجوع .