Post: #2
Title: Re: بوست إنصرافي جداً
Author: Hamid Elsawi
Date: 08-22-2019, 07:46 PM
Parent: #1
مرحب بكل المُتهمين بانهم مونساتية و علي
رأسهم منو كده ما عارف
... هسه يجي معاوية ناطي يقول جلال...
ما عاوز زول يجيب سيرة زول
لا بي خير لا بي شر
|
Post: #3
Title: Re: بوست إنصرافي جداً
Author: Hamid Elsawi
Date: 08-22-2019, 07:49 PM
Parent: #2
الونسة و الفرفشة و الضحك
بتطول العُمر ... ما ممكن اي
بوست فيهو شكلة و شتيمة
اي زميل منبر يترك مشاكلو هناك
و يجنا مفرفش مرحب بيهو
|
Post: #4
Title: Re: بوست إنصرافي جداً
Author: Hamid Elsawi
Date: 08-22-2019, 07:50 PM
Parent: #3
ذكرت في بوست للأخ علي عبد الوهاب جملة
نحن كشعب خُلِقنا للانتصار. و لكننا نبرمج أنفسنا للهزيمة
الونسة و الفرفشة و الضحك
بتطول العُمر ... و بتقلل من النزعات الشريرة
داخل النفس و تزرع روح المحبة و التسامح
|
Post: #5
Title: Re: بوست إنصرافي جداً
Author: Hamid Elsawi
Date: 08-22-2019, 08:08 PM
Parent: #4
ابو حسين قال في بوست مجاور
Quote: قبل كدا ابو الريش إحتج على الدعاء للميت ب:-
اللهم اغسله بالماء و الثلج و البرد
قال في واحدين بتوفو في الشتاء في مناطق باردة ...
|
كان التعليق بتاعي
Quote: بكون قاصد ناس كندا ولا شنو
حلوة دي يا ابو حسين خاصة لاصحاب الصِلَع
خليك شاهد. انا هسه قلت معاوية المدير؟؟؟
|
لحدي كده كويسين
|
Post: #6
Title: Re: بوست إنصرافي جداً
Author: Hamid Elsawi
Date: 08-22-2019, 08:12 PM
Parent: #5
قام ابو حسين إنبَرش و قال
ما قلت معاوية المدير يا الصاوي ...
لكن قلت ابو حسين 😠😠😠😠😠
انت ابو حسين دا قايلو خاتي ليه خلال في شعرو ....؟؟؟
الفيك عرفتها يا الصاوي و الايام بيناتنا ....
طلع صديقنا ابو حسين و أبو صلعة كمان
|
Post: #7
Title: Re: بوست إنصرافي جداً
Author: Hamid Elsawi
Date: 08-22-2019, 08:17 PM
Parent: #6
من هنا فكرت في اصحاب الصِلع في المنبر
و جاتني فكرة اعمل منهم فريق كرة قدم
كل واحد الخانة بتاعتو حسب مؤهلاتو في المنبر
|
Post: #8
Title: Re: بوست إنصرافي جداً
Author: Hamid Elsawi
Date: 08-22-2019, 08:19 PM
Parent: #7
كتبت مداخلة في البوست المجاور وهي
Quote: ود المدير عايش في كندا
الثلج و البرد لا يناسب صلعتو
لكن الحرمي في راسو ريشة
بعدين الفيني شنو ال عِرفتها دي
نحنا ال عرفنا العِمة تحتها في شنو
كانت مستورة. و يا مدير جاك زميل
و حتي يكتمل الفريق
بكري ابو بكر في حراسة المرمي
ابو حسين في الوسط لانو في الدفاع ح بسبب ضربات جزاء
معاوية المدير رأس حربة لانه مشاكس
و نشوف مدرب قدير ليكمل التسجيل
باقي ٨ لعيبة و يكتمل الفريق
و لي الفضل في إكتشاف اللاعب المغمور
و الذي حجبت مهاراته العِمة
|
-------------------------
|
Post: #9
Title: Re: بوست إنصرافي جداً
Author: Hamid Elsawi
Date: 08-22-2019, 08:21 PM
Parent: #8
قررت نقل هذا الهراء الي
بوست إنصرافي حتي لا افسد
لابو الريش فكرة البوست بتاعو
|
Post: #10
Title: Re: بوست إنصرافي جداً
Author: Hamid Elsawi
Date: 08-22-2019, 08:29 PM
Parent: #9
النصر أمين هو اللاعب الرابع الذي اقترحه للفريق
و أنصح ان يكون في الاحتياطي مستقبلا لانو
عندو عشرة شعرات ... خمسة باليمين و خمسة بالشمال
و مشيبات كمان
أكرر ما عاوز سيرة زول في البوست ده
لا بالخير و لا بالشر
|
Post: #11
Title: Re: بوست إنصرافي جداً
Author: Hamid Elsawi
Date: 08-22-2019, 08:31 PM
أصاب الصِلع يمكن اضافتهم دون حرج الآن
سوف يتم إستثناء فئات أُخري لاحقاً
البوست معرض للبيع
مجاناً اي مشتري يقدم الطلب بتاعوا
|
Post: #12
Title: Re: بوست إنصرافي جداً
Author: ABUHUSSEIN
Date: 08-22-2019, 08:39 PM
Parent: #9
يعني انت عارف انو كلامك مجرد هراء ...
و جايي فاتح بيه بوست ؟؟؟
غايتو بكري لو ما شال البوست يكون بالغ عديل كدا ...
لأنو البوست مقصود بيه المصلعين و هو صاحب اكبر و اقدم صلعة في المنبر دا
و اقحام ابو حسين و معاوية المدير دي محاولة فاشلة لتضليل العدالة ..
و على قول ود البشرى العواليق :-
شيل يا بكري شيل
و لا نامت اعين اي زول .....
و اخيرا و ليس آخرا قوم لف ....
|
Post: #13
Title: Re: بوست إنصرافي جداً
Author: Hamid Elsawi
Date: 08-22-2019, 08:53 PM
Parent: #12
| Quote: و اخيرا و ليس آخرا قوم لف .... |
خلي روحك رياضية شوية
ألِف شنو با ابو حسين
ألِف عَمة تقصد, لِف عِمتك انت
البوست للبيع قبال ما يجي ال بنط في اي بوست
داك ... معروف لديكم...
مباراتكم الاولي يا ابو حسين و معاوية ح تكون
ضد فرق أبين تِفف شعر غزير
بقيادة كبر و منصور المفتاح
|
Post: #14
Title: Re: بوست إنصرافي جداً
Author: ABUHUSSEIN
Date: 08-22-2019, 09:17 PM
Parent: #13
إن شاء الله يجيك مهبوش اريزونا يكتب ليك كم بيت شعر
من شعرو الزي مشي السكارى داك ... 😂😂
|
Post: #15
Title: Re: بوست إنصرافي جداً
Author: جلالدونا
Date: 08-23-2019, 00:16 AM
Parent: #14
يعنى البوست ده نحنا طالعين منّو بى قد القفة
حتى مشجعين ما ننفع
غريبة ابو حسين يكون اصلع
لقاها وين دى
دى مصيبة دى
|
Post: #16
Title: Re: بوست إنصرافي جداً
Author: النصرى أمين
Date: 08-23-2019, 00:53 AM
Parent: #15
يا حامد ..
اقسم بالله قبل فترة اشتكيت لاحد الأصدقاء انى افتقدت
الضحك البمسكو ليه البطن ..
الضحك البخليك لا تستطيع التنفس .
الضحك البخلى دموعك تجرى .
قلت ليه مستعد ادفع قروش على ضحكة كاربه تستمر دقائق معدودة ..
الحصل لينا شنو؟
ليه حياتنا كلها بقت هموم و جرى وراء المعايش .
غايتو مافى زول بقيم الضحك زى فى المنبر.
و لو كان للبيع كنت اشتريت كيلو امشى بيه الأيام دى
|
Post: #17
Title: Re: بوست إنصرافي جداً
Author: Hamid Elsawi
Date: 08-23-2019, 04:04 AM
Parent: #16
Quote: يعنى البوست ده نحنا طالعين منّو بى قد القفة
حتى مشجعين ما ننفع
غريبة ابو حسين يكون اصلع
لقاها وين دى
دى مصيبة دى |
أبدا يا جلال تطلع وين انت تطلع فوق الصلع كلها و تنقز كمان
انت شيخ المونساتية بيتك و مطرحك
برطع زي ما عاوز في البوست ده
و زي ما قلت البوست للبيع
و ليك انت مجاناً
أبو حسين مشكلتو قاعد علي الهبشة
ما كنت قايل الصلعة دي حارقاهو للدرجة دي
دردق روحو براهو و طالب بكري بحزف البوست
في حقد أكتر من كده.
و جودك مهم يا جلال للتصدي لتطاول اصحاب الصلع
نورت البوست
|
Post: #18
Title: Re: بوست إنصرافي جداً
Author: Hamid Elsawi
Date: 08-23-2019, 04:26 AM
Parent: #17
Quote: يا حامد ..
اقسم بالله قبل فترة اشتكيت لاحد الأصدقاء انى افتقدت
الضحك البمسكو ليه البطن ..
الضحك البخليك لا تستطيع التنفس .
الضحك البخلى دموعك تجرى . |
مساهمة و محاولة لرسم الضحكة احكي ليك القصة دي
أيام الدراسة جو جماعة من معهد الكليات التكنلوجيه بيسألوا عن الصاوي
أشاروا لهم لي و حضروا و قدموا لي دعوة لحضور حفلة في المعهد
أكدت لهم حضوري و شكرتهم و شعرت بأني زول مهم . و عزمت أصحابي منهم مجتبي
ذهبت يوم الحفلة و قالوا لي يلا عاوزين نعمل بروفة سريعة قبل الصعود للمسرح
في تلك اللحظة عرفت ان المقصود بالدعوة الصاوي شقيقي و هو طالب بكلية الاقتصاد
قلت ليهم انا ح اشارك بالحضور فقط لكن المقصود بالدعوة الصاوي شقيقي و ليس أنا
و شكرتهم علي الدعوة تاني .
بعد فترة واحد صاحبي قال لي يلا نرقص
قلت ليهو أنا كان رقصت الجماعة ديل بطردوني عديل كدة .
قعدت شوية و تخارجت بهدوء شديد.
----------------------
للقراء الصاوي شقيقي عضو المنبر و هو عازف كمان متمكن كان ضمن فرقة
الراحل مصطفي سيد أحمد . و تشابه الاسم وقعني معاهو في مواقف كتيرة محرجة و مضحكة
ان شاء الله تكون ضحكت يا النصري
و مرحب بيك في البوست .... تشتري
|
Post: #19
Title: Re: بوست إنصرافي جداً
Author: ABUHUSSEIN
Date: 08-23-2019, 09:26 AM
Parent: #18
لسه ما شرفك ديناصور (الكعوك) ....
إن شاء الله يجيك و يملاك فقر لمن تدفق ... 😂😂
يجي و يسكن ليك في بوستك (الهراء) دا ....
و يتحفك بي مداخلاتو المترية ديك ...
قول آمين ....
|
Post: #20
Title: Re: بوست إنصرافي جداً
Author: النصرى أمين
Date: 08-23-2019, 01:38 PM
Parent: #19
يا حامد يا منصرف
والله اخدت لى ضحكة صغيرونة لقصتك دى.
قصص الرواشه دى انا ملكها ، حاجة كده وراثة من العائلة ؛ رواشه شديدة .
لمن جيت ولاية البرتا؛ قدمت لوظيفة و انا فى ادمنتون لكن الشغل فى فورت ماكميرى فى الشمال.
نادونى للمعاينة ..
من الرواشه ...صبغت شعرى ..و غيرت زيت العربية و سافرت فورت ماكميرى للمعاينة..
ما لقيت الشارع و لا المبنى ..اتصلت على الشركة قالوا المعاينة فى ادمنتون على بعد دقائق من محل السكن...
طبعا الوظيفة طارت ...خجل ساكت غلبنى اتصل بيهم تانى.
شفت الرواشه المكلفة دى !!!
|
Post: #21
Title: Re: بوست إنصرافي جداً
Author: Hamid Elsawi
Date: 08-23-2019, 03:05 PM
Parent: #20
Quote: لسه ما شرفك ديناصور (الكعوك) ....
إن شاء الله يجيك و يملاك فقر لمن تدفق ... 😂😂
يجي و يسكن ليك في بوستك (الهراء) دا ....
و يتحفك بي مداخلاتو المترية ديك ...
قول آمين .... |
محمد معانا ما تغشانا
إطمئن يا ابو حسين البوست مَحَوط بي بركة
الشيخ حامد أب عصا
|
Post: #22
Title: Re: بوست إنصرافي جداً
Author: Hamid Elsawi
Date: 08-23-2019, 03:17 PM
Parent: #21
Quote: طبعا الوظيفة طارت ...خجل ساكت غلبنى اتصل بيهم تانى.
شفت الرواشه المكلفة دى !!! |
بالله شعورك شنو و إنت راجع المشوار
الطويل ده و انت خسرت زمن و بنزين و وظيفة
السؤال عن شعورك و ليس شَعَرك لاني عرفت
نص الصلعة دي جات من وين
مبروك الدار الجديدة و ان شاء الله دار مبروكة
ح نمر عليكم مساء اليوم
|
Post: #23
Title: Re: بوست إنصرافي جداً
Author: Hamid Elsawi
Date: 08-23-2019, 03:19 PM
Parent: #22
Quote: يا حامد يا منصرف
والله اخدت لى ضحكة صغيرونة لقصتك دى. |
المضحك اكتر اني طولت لساني
وسط الاصدقاء و قلت ليهم انا تجاوزت
مرحلت سَكْ الحفلات و الحفلات بِقَتْ
تجيني في مَحَلِي. و بعد ما إكتشفوا اني
غير المقصود بالدعوة عملوني موضع سُخرية شديدة
لدرجة إني كرهت الحفلات
|
|