وسام في صدر المجلس السيادي السوداني سيخلده التاريخ.

10:20 PM August, 21 2019

سودانيز اون لاين
محمد نور عودو-
مكتبتى
رابط مختصر

وسام في صدر المجلس السيادي السوداني سيخلده التاريخ.
في جو مشحون بقلة التفاءل و التحفظ والحذر أدى اليوم أعضاء المجلس السيادي في السودان اليمين الدستورية لقيادة السودان في الفترة الانتقالية . رغم قلة تفاؤلي وتحفظي علي المجلس السيادي الا ان للامانة والتاريخ لم يمر في التاريخ مجلس سيادي عسكرية انقلابية او ديمقراطية او انتقالية لقيادة دولة عربية او مسلمة عبر التاريخ بمثل هذه التشكيلة .مجلس سيادي مكون من احد عشرة شخص ومن ضمنها اثنين نساء الدكتورة عائشة موسى السعيد و المستشارة رجاء نيكولا عبد المسيح اول امراءة مسيحية في الوطن العربي تدخل المجلس السيادي انها وسام في صدر المجلس السيادي سيخلده التاريخ.


لكن برضو شكلتنا في محلها لغاية م نصل لحلول لقضايا والحرب والسلام.

Quote: لكن برضو شكلتنا في محلها

ههههههههههههههههههههههه
حلوة يا عودو
ودا المطلوب! انتهى زمن التاييد المطلق و الشيك على بياض, اعتى و اعرق الديمقراطيات ما يميزها هو مستويات الرقابة المتعددة على الاداء التنفيذي و النقد البناء
كلنا "شكلتنا" في محلها و عكاكيزنا جاهزة مع اي حركة كدا ولا كدا, نحن السودانيين اجارك الله فينا ضعف فطري امام فايرس السلطة و سريعا ما يسعى المسؤول للسلطة المطلقة

سلامات با شمهندس
محمد البشرى الخضر
نختلف ونتصالح في شان الوطن لانو الوطن فوق الجميع وربنا يصلح الحال والناس تبعد الخلافات وتجلس تعمل لبناء الوطن .
يااخي والله كفاية خلافات وكفاية حروبات وكفاية اانانية وكفاية تعصبات حزبية وتعصبات جهوية وتجاوزات نعرات قبلية وعنصرية ووووو.
يا اخي الحاجات دي كلها جربنها وعشناها منذ خروج الانجليز استفدنا شنو؟
غير القتل والتشريد والتفريق وتقسيم السودان وبقينا في مؤخرة الدول في العالم.
كدا خلونا نقعد ونتفق ونوقف الحروبات ونجرب السلام ونشوف
تحياتي

Quote: لكن برضو شكلتنا في محلها لغاية م نصل لحلول لقضايا والحرب والسلام.

يا عودو نحن من الناحية دي وانتو من هناك وكلنا شايلين عصينا وعكاكيزنا.
اااااي لولوة ما بنتحملها. والهدف واحد.

حبيبنا محمد نور عودو
ليك التحية و التقدير

Quote: لكن برضو شكلتنا في محلها لغاية م نصل لحلول لقضايا والحرب والسلام.

السودان دا حقنا كلنا هو وطن يجب ان يسع الجميع
مهما اختلفنا في الرأي بنكون إخوة عشان نبني سوداننا الجديد
يا ريت الناس تنسى جراحات الماضى لكن تبقى المحاسبة واجبة لكل من اجرم في حقنا
ما كان لينا يد فيها انحنا ناس عاديين .. و ما كنا في وظائف عليا في سودان الإنفاذ
ارجوكم خلونا نبدأ صاح
محبتي يا محمد

الاخ محمد وبقية الاخوة
فعلا ما ينقص الدولة السودانية هى القرار الصحيح فى اتجاه اعتدال الإختلال فى ميزان الدولة رغم هروب البعض والصراخ بكلمة المدنياوووو وهى كلمة حق اريد بها الباطل
وكنا على تفاؤل وبشريات عند سقوط الدكتاتور الفاسد لكن ظهر لنا فى المشهد بعض من يؤمنون بنهج المخلوع فى تسير الدولة وهذا ما نرفضه جميعا
جاء الزمن كى تتعافى الدولة من متلازمة الفشل التى لم تفارقنا منذ خروج الانجليز ولم نسميه إستقلالا لاننا لم نصل بعد، وكثيرون كانوا متشوقون للاستقلال فى هذا العام ولكن ربما حلم يراود الكل
لكن كما تفضلتم بقوة الإعتراض على الخطأ حتما تولد الصح.

Quote: فعلا ما ينقص الدولة السودانية هى القرار الصحيح فى اتجاه اعتدال الإختلال فى ميزان الدولة رغم هروب البعض والصراخ بكلمة المدنياوووو وهى كلمة حق اريد بها الباطل

في شيء باطل اكتر من المؤتمر اللاشعبي بتاعك ، مدنية رغم انفك ورغم أنف الهالك الدباب بتاعك خليل ابراهيم
والمؤتمر اللاوطني الحالي بقيادة التافه علي الحاج ، ليس لكم مكان مع سودان الديمقراطية ،
عليك الله ما بتختشي يا دباب ، الحاصل في السودان ده من مآسي انت وامثالك من حملة الكتاب الاسود الجهلة ، لعبتو دور وسخ كتير
انزوي جانبا ، الثورة دي قامت ضدكم

Quote: دولة عربية او مسلمة عبر التاريخ

يعني دي بس مرجعيتك ؟؟؟؟؟

سلامات ترهاقا يا اخي اني لك من الناصحين. كدا يا اخي بعيدا من التعصب أو غبن وتهجمك علينا في كل بوست .يا اخي انت لو عندك مشكلة مع المؤتمر الوطني أو مع المؤتمر الشعبي لا يدفعك غضبك لاتهام الناس انتماءهم لهذين المؤتمرين .الأستاذ إدريس محمود لقما لم يكن دبابا ولا مجاهدا في يوم من الأيام و ليس له أي علاقة لا من بعيد ولا قريب بالمؤتمر الوطني ولا المؤتمر الشعبي الرجل ضحية حكومة المؤتمر الوطني أكثر منك وأكثر من كثيرين في هذا الفضاء وكونو انسان قيادي أو منتسب لحركة العدل والمساواة السودانية واتهام حركة العدل والمساواة السودانية بجناح حزب المؤتمر الشعبي هذا الكلام غير صحيح علي الاطلاق حركة العدل والمساواة السودانية حركة وطنية مستقلة عندها قضية كل السودان والايام بتثبت يا ترهاقا .يا اخي اتهام خصومك بالكوزنة والمؤتمر شعبي ووطني للنيل منهم لا يفيد .صحيح نختلف ونتوافق قضايا الوطن لكل منا رأيه لكن اختلاف الرأي لا يعني الفجور في الخصومة ومطاردات من بوست البوست واتهامات فارغة .من افضل نناقش المواضيع بعيدا من التعصب أو التشفي أو البحث عن انتصار للزات. وهذا رأي قد اكون مخطي أو غير مخطي .فا يا اخي اذا تري ما تقوم به صح في رايك فاستمر .

الاخوة الاعزاء الأكارم
معتصم إدريس
خضر الطيب
الأستاذ إدريس محمود لقما
السلام عليكم وشكرا للمرور والتعليق وامل من الاخوة في المجلس السيادي مراجعة الخلل بعيدا من العصبية والعقلية القديمة التي قسمت البلاد وفرقت العباد واقعدت السودان في مؤخرة الدول لكي يكتمل عملية السلام في السودان. لان الثورة السودانية التي اطاحت بحكومة الانقاذ ثورة شاركت فيها كل الشعب السوداني بداية بحركات المسلحة الثورية من اطراف السودان واكتملت في الخرطوم بتلاحم القوي المدنية والمسلحة . واي اقصاء لاي طرف من الاطراف الثورة السودانية سواء مسلحة او مدنية حتما لا يؤدي الي سلام كامل شامل والسلام الناقص ربما يرجع السودان الي المربع الانقاذ علي الجميع استفادة من دروس الماضي لكي نجنب البلاد من الكوارث بتكرار أخطاء الماضي .
والمسؤولية تقع علي عاتق المجلس السيادي .
كما ذكرت من قبل رغم قلة تفاؤلي وتحفظي علي المجلس السيادي لكن اختيارات و تشكيل المجلس السيادي درس في الديموقراطية واحترام حقوق المراءة والأقليات ودي بداية مبشرة و مؤشر جيد لتقدم السودان في المستقبل اذا توصل لاتفاق مع بقية المعارضة في القضايا الأساسية مثل قضايا الحرب والسلام والنازحين واللاجئين والمشردين وبقية قضايا إدارة الدولة في المستقبل .

Quote: لكن برضو شكلتنا في محلها لغاية م نصل لحلول لقضايا والحرب والسلام.

حبيبنا محمد نور .. تحياتي ..
هذا هو الجمال .. حتى المناظرة بيننا تكون في نطاق الاخوانيات
يا سلام يا محمد الحبيب هذا هوالسودان الذي نصبو إليه
نختلف ما مشكلة حتى داخل العائلة الواحدة ناس يختلفوا إلا مع الام فقط
أنا كنت مع الحبيب اسماعيل في بوست لاحظت أنه اسلوبه اختلف كثيراً

ندخل معاك في شوية ونسة أو ( طقطقة ) كما يقول الخليجيين ( هو المزاح التقيل شوية )
كده نحن بقينا في الهامش ( ناس دنقلا والشايقية )
أول مرة من منذ جدنا المهدي يتم تهميش الدناقلة عن الحكومة ( ههههه )
معقول (11) عضو ما في واحد من جماعتنا ..
نعمل إيه كلهم هربوا وبعضهم في السجن ..
باقي ( بكري ) ما فيه فائدة ..

سوف نعلن التمرد بعد ان نرى الحكومة والوزراء
وسيكون سلاحنا ( جرايد التمر ) ههه

تحياتي محمد نور الحبيب .. تدوم الاخوة والوطن الواحد

Quote: ¯ في شيء باطل اكتر من المؤتمر اللاشعبي بتاعك ، مدنية رغم انفك ورغم أنف الهالك الدباب بتاعك خليل ابراهيم والمؤتمر اللاوطني الحالي بقيادة التافه علي الحاج ، ليس لكم مكان مع سودان الديمقراطية ، عليك الله ما بتختشي يا دباب ، الحاصل في السودان ده من مآسي انت وامثالك من حملة الكتاب الاسود الجهلة ، لعبتو دور وسخ كتير انزوي جانبا ، الثورة دي قامت ضدكم

ترهاقا من بقايا الدولة العميقة وعنصرى من حاضنة المجموعة التى اذاق اهل السودان كل المرارات ولا يريدون تغير شاملا لانهم ياتون هنا ويلهون
وامورهم ماشة تمام من دولة الظلم
هو يتكلم عن المؤتمرين الشعبى والوطنى ونحن نقول كل احزاب المركز لا يمثلنى وجميعهم وجوه لشى واحدة تسمى الظلم ليس عندى فرق بين الشيوعى والمؤتمرين الشعبى والوطنى والبعثى وناصرى
وغيرهم من احزاب همهم الاول كراسى السلطة وجميهم عبروا من بوابة السلطة ولم يقدموا شى غير تقتيل والتشريد ...

اهلا عادل ابو حسين شكرا للمرور يا رجل
تحياتي

سلامات عمنا الأستاذ علي عبدالوهاب عثمان .
يا اخي ذكرتني قصة قريبا لي ضابط شرطة اشتغل في كوستي وقال كان علاقتو كويس جدا مع عساكرو مرة قال جاءو حضرة الصول وقال ليهو انت عارف يا جنابو قسمنا دا م قسم بوليس .قال قلتا ليهو كيف يا حضرة الصول م قسم بوليس .
ف قام قال ليهو يا جنابو قسم فيهو كم ضابط وكم صول ما عندنا لا ضابط شايقي ولا صول شايقي رقيب واحد شايقي دا م قسم بوليس.
اها يا عمك انت برضو قلتا لي حكومة م فيها لا دنقلاوي ولا محسي .
لكن م تشيل هم السودان الجديد لازم يسع الجميع عشان كدا قلنا شكلتنا في محلها لناس المجلس السيادي .
اي إقصاء أو إبعاد لأي طرف من أطراف صانعي الثورة لا يؤدي الي سلام واستقرار السودان لابد للجميع الجلوس والاتفاق دون إقصاء أو إبعاد لأي شخص لمناقشة القضية والوصول الي اتفاق يوقف الحروبات لبناء دولة المواطنة والحقوق والمساواة في السودان.

خطاب مبشر ياحمدوك ومبروك يا الشعب السوداني.
محمد نور عودو
في البدء نترحم علي ارواح شهداء الأمة السودانية الذين سقطوا منذ خروج الإنجليز الي اخر شهيد والشفاء العاجل للجرحي والحرية للمعتقلين السياسيين والاسري وعودة حميدة للمفقودين.
وملايين التبريكات للشعب السوداني الذي طوي صفحة كالحة السواد بعد عناء ومشقة بدماء الشهداء ودموع اليتامة وجراحات الارامل والثكالي والام المغتصبات والمسجونين في بيوت الأشباح التي ظلت حاضرة لمدة ثلاثة عقود . الشعب السوداني انتظر هذا اليوم طويلا بعد سقوط حكومة الانقاذ لياتي يوم 5 سبتمبر عام 2019 يعلن عن نهاية حكومة الانقاذ التي جثمت علي صدر الشعب السوداني بحكم شمولي ديكتاتوري مستبد عبثت بموارد الدولة وقسمت البلاد وفرقت العباد سيظل هذا اليوم يوم عظيم للشعب السوداني يخلد في التاريخ.
اخيرا بعد ستة اشهر تقريبا من سقوط حكومة الانقاذ تم تشكيل الحكومة الانتقالية اليوم ليقود البلاد في الفترة الانتقالية نعم لا أخفي عليكم ان التشكيل الحكومي للمرحلة الانتقالية لم تكن قدر طموح والتضحيات التي قدمها الشعب وفيها عيوب كثيرة بالاضافة للشد والجذب والخلافات واللغط حول المحاصاصات الحدثت قبل التشكيل الا انها خطوة مهمة لإدارة شئون الدولة بحكومة .ورغم تحفظاتنا نبارك هذه الخطوة وندعمه لاحلال السلام الشامل في السودان بوقف الحرب ومحاكمة مجرمي حكومة الانقاذ الذين ارتكبوا جرائم الإبادة الجماعية والتطهير العرقي ومخاطبة جزور الأزمة السودانية وقضايا الحرب والسلام وإعادة النازحين واللاجئين وتعويضهم ماديا ومعنويا وهذه أكبر مسؤلية علي عاتق الحكومة الانتقالية السودان اليوم دخل مرحلة جديدة مرحلة بناء سودان جديد ويحتاج لجميع ابناءه ان يقفوا وقفة رجل واحد في بناؤه. تشكيل الحكومة الانتقالية وجدت ترحيب واسع من الثوار قادة حركات الثورية صانعي الثورة السودانية المجيدة من اقاليم السودان الطرفية قبل عقدين من الزمن أصحاب النضال والبطولات الذين قاتلوا حكومة الانقاذ بكل شراسة واضعفوها حتي سقطت واعتبروها الخطوة مهمة وبادرة امل لإنهاء ازمات السودان و للأبد.
التهنئة خالصة لشعب السوداني والتحية والشكر لدكتور عبدالله حمدوك رئيس الوزراء لتقبله قيادة السودان في هذه المرحلة الحرجة ونشكره علي خطابه الرصين بعد تشكيل الحكومة الانتقالية وامل ان يبداء فورا بلقاءات قادة الجبهة الثورية السودانية وبقية القوي الثورية المسلحة السودانية لإرساء السلام وان يقوم بإطلاق سراح اسري حركات القوي الثورية المسلحة والمعتقلين السياسين وإطلاق سراح الشيخ موسى هلال.
ان الاوان لوضع السودان في الطريق الصحيح وبمجهود ابناءه بعيدا عن الاقصاءات والأبعاد والحزبية والجهوية .
معا لسودان جديد بفهم جديد.

كلامك كلو جميل يا عودو بس دي

Quote: والحزبية والجهوية

دقست فيها ..
مافي ممارسة ديموقراطية بدون أحزاب ..
وما في توزيع عادل للسلطة والثروة بدون جهات ..
الحزبية والجهوية مطلوبات ولكن ممارستهما يجب أن تتم بشروط صحتهما .

سلامات مولانا
محمد علي الملك
حمدالله على السلامه يا زول وين فقدناك ايام الثورة وبعدها لكن الحمدالله ظهرتا .
اتمنيت اراك في الحكومة الانتقالية وانت من الكفاءات في ناس القانون .

(دي دقست فيها ..
مافي ممارسة ديموقراطية بدون أحزاب ..
وما في توزيع عادل للسلطة والثروة بدون جهات ..
الحزبية والجهوية مطلوبات ولكن ممارستهما يجب أن تتم بشروط صحتهما .)
.......................................
نعم يا مولانا الحزبية والجهوية موجودات لكن ما ارفضه هو التعصب للحزبية والجهوية التي تضر الوطن والمواطن.
لا نريد حزبية مثل حزبية المؤتمر الوطني البائدة في السودان ولا جهوية زي جهوية الاكراد في العراق وتركيا.
تحياتي