Post: #1
Title: دبابيس من صحف اليوم 21 اغسطس 2019 م
Author: Abdulhaleem Osman
Date: 08-21-2019, 02:37 PM
02:37 PM August, 21 2019 سودانيز اون لاين Abdulhaleem Osman-Sudan مكتبتى رابط مختصر
.. .. ﻣﺒﺮﻭﻙ ﻋﻠﻴﻚ ﺍﻟﻠﻴﻠﺔ ﻳﺎ ﻧﻌﻮﻣﺔ أردمي الكيزان الزمان أذونا . ﻣﺒﺮﻭﻙ ﻋﻠﻴﻚ ﻳﺎ رئيس قضانا الفساد كتير جيبي إيدِك معانا علشان بلدنا وتتحسن احوالنا أردعي ناس بشه ﻭﻗﻠﺒﻚ ﻣﻌﺎﻧﺎ .ه. .ه. 📰 الجريدة: 👈 إعادة سيارات حكومية لرموز النظام المخلوع بمروي 📌 كانوا غانجين بيهن ؟ . 📰 الجريدة: 👈 قيادي بالوطني: لا توجد جهة تحل الحزب إلا المؤتمر العام 📌 حاسب لا يطق لك عرق والا حاجة . 📰 الجريدة: 👈 وفاة وإصابة”32″ شخصًا نتيجة الأمطار بالجزيرة 📌 ربنا يرحم المتوفيين ويشفى الجرحى ويلطف بالأحياء . 📰 الجريدة: 👈 وجدي صالح يشدد على تقديم المتهمين في الانتهاكات للمحاكمات ويتمسك بنزاهة القضاء 📌 اصلا دا يعتبر الركن الأكبر لنجاح الثورة . 📰 الجريدة: 👈 نهر النيل: تدابير محكمة لتوزيع المواد البترولية 📌 بالتوفيق ، التدابير مهمة والله . 📰 الوطن: 👈 نعمات محمد خير رئيساً للقضاء والهادي مكاوي نائباً عاماً 📌 اللهم اجعلهم خير خلف وفاتحة خير . 📰 الوطن: 👈 مرسوم دستوري بحل المجلس العسكري 📌 غايتوا يطلعوا بالباب ويدخلوا بالشباك ، يحلنا الحل بله . 📰 الوطن: 👈 "121" بلاغاً ضد كبار قادة النظام البائد 📌 الرقم دا ناقص أصفار . 📰 الوطن: 👈 تسليم قائمة مرشحي "التغيير" للمجلس السيادي وحل المجلس العسكري. 📌 حمدا لله على السلامة لكن عذبتوا الجداد الالكتروني عذاب . 📰 التيار: 👈 الفريق أوّل عبد الفتاح البرهان رئيسًا 📌 كان ودنا نقول يستاهل . 📰 التيار: 👈 كباشي لـ”التيار”: أعضاء السيادة يؤدون القسم أمام رئيس القضاء الحالي 📌 غايتو انت القسم دا حقو يدوك ليه حقنة في الوريد . 📰 التيار: 👈 حمدوك يؤدي القسم رئيسًا للوزراء مساء اليوم 📌 نفسي اعرف شعور الهندي عزالدين شنو . 📰 الانتباهة: 👈 محامي المعزول: لا علاقة للبشير بمحاولة تهريبه.. 📌 المعزول بعد كلامه الأخير دا اتضح انه ماله علاقة بأي حاجة مسكين بس راقد والناس تغمت له . 📰 الانتباهة: 👈 كباشي: تعيين رئيس القضاء والنائب العام حق للعسكري 📌 ليه ؟ انت قايلهم (بوت وقاش)؟ . 📰 الانتباهة: 👈 الطرق والجسور: لم نتسلّم طريق بارا 📌 طيب ما اعترضتوا ليه يوم المخلوع كان بي يرقص ويسوي في تتذكروا ايام الصاجات؟ . 📰 الصيحة: 👈 اكتمال”فرح السودان” بتشكيل”السيادي” 📌 اللهم زيد وبارك وأحفظ . 📰 الصيحة: 👈 “حميدتي” للجان المساعدة بالجيلي: مقولة”البتقصو جيب نصو” انتهت 📌 قلبك أبيض المقولة الجماعة غيروها زمان بقوا يقصوهو ويشيلوهو كامل . 📰 آخر لحظة: 👈 التغيير: لن نعترف بمحاكمة البشير 📌 كمان جاتنا محاكمة ود الطهور ؟ . 📰 آخر لحظة: 👈 ارتفاع هائل في مناسيب النيل وتحذيرات للمواطنين 📌 يكون النيل عاوز يغسل الفساد . 📰 آخر لحظة: 👈 نجوى قاسم مبهورة بقطار عطبرة 📌 العجيبه كان شافت عطبرة ذاتها . 📰 أخبار اليوم: 👈 بدء محاكمة المتهمين بمقتل الأستاذ أحمد خير بخشم القربة . 📌 المحكمة دي حقو تأجلوها لحدي ما يجي قضاء نزيه . 📰 أخبار اليوم: 👈 حميدتي يتفقد المتضررين من السيول والفيضانات بمنطقة الجيلي . 📌 إت احنا واحنا إت وإت إت وإحنا إحنا . 📰 أخبار اليوم: 👈 سلفاكير يستقبل وفد من حركة جيش تحرير السودان برئاسة مناوي . 📌 سلفاكير دا بي يدغمس له في حاجه غايتو . 📰 أخبار اليوم: 👈 الهلال يخسر بهدفين نظيفين امام الوصل الاماراتي في ذهاب البطولة العربية . 📌 البركة في السفرية والتسوق . . 📌ابووضاح 📌
|
|