Post: #1
Title: الجبهة الثورية خازوق الثورة السودانية
Author: النصرى أمين
Date: 08-13-2019, 01:10 AM
Parent: #0
01:10 AM August, 12 2019 سودانيز اون لاين
النصرى أمين-كالغرى, كندا
مكتبتى
رابط مختصر
يا قوى اعلان الحرية و التغيير بالله
ما تحنسوا ناس الجبهة الثورية ديل.
لو دايرين يحاربوا الحكومة الانتقالية خليهم يمشوا يحاربونا .
لو دايرين بقعدوا فى علبهم و يتركوا الشروط و المحاصصة مرحب بيهم.
عن المزاج العام السودانى
النصرى امين
|
Post: #2
Title: Re: الجبهة الثورية خازوق الثورة السودانية
Author: د. بشار صقر
Date: 08-13-2019, 01:58 AM
Parent: #1
اولا تحدث عن المزاج العام الجلابي وليس السوداني
ثانيا عقلية الجلابي و استهباله السياسي و نفاقه
و نقضه المتكرر للهعود و المواثيق هو الخاذوق
و ليس الجبهة الثورية....
الجبهة الثورية و بقية قوى الثورة في الهامش
ستكون الترياق الذي يعالج عقلية الجلابي المستهبل....
|
Post: #3
Title: Re: الجبهة الثورية خازوق الثورة السودانية
Author: ترهاقا
Date: 08-13-2019, 03:12 AM
Parent: #2
Quote:
لو دايرين يحاربوا الحكومة الانتقالية خليهم يمشوا يحاربونا . |
يحابوا بي شنو؟ دييل ما عندهم التكتح ، لا قوة عسكرية ولا قاعدة شعبية ، لوردات حروب
لا همهم انسان الهامش ولا بطيخ ، شوية انتهازيين ، تفاوضوا وشاركوا النظام البائد
واليوم جايين يسرقوا الثورة ، لو فعلا عندهم ثقة في نفسهم فلينتظروا صندوق الانتخابات
ولو في تفاوض مفروض يكون مع عبد العزيز الحلو صاحب اكبر قوة عسكرية وكمان راجل متزن ومحنك
مش زي المرتزقة دييل كلو واحد فيهم فاكي ليه عشرة جنود في ليبيا ويسترزقوا منو .
على قحت ان توقف التفاوض مع المستهبلين دييل ولو عندهم عضلات، يورونا
|
Post: #4
Title: Re: الجبهة الثورية خازوق الثورة السودانية
Author: النصرى أمين
Date: 08-13-2019, 05:15 AM
Parent: #3
اخونا دكتور بشار
ياخ روق المنقه شوية ؛ شايفك هايج تضرب يمين شمال.
اعتقد قضية الدفاع عن الهامش و المهمشين تحتاج شوية حكمة ، فليق الناس بالحجارة لا اظن ياتى بالثمر الكبار.
المهم :
هل سألت نفسك ، نحن الجلابة العنصريين (فى نظرك) لماذا لا نتعرض للحلو او عبدالواحد مع انهم معارضين لقوى الحرية و التغيير و رافضين الاتفاقات مع المجلس الانقلابى الجنجويدى.
لماذا لا نتعرض لهم او ننقد موقفهم ؟
لماذا نهاجم الجبهة الثورية (عقار مناوى جبريل) مع انهم حلفاء للجلابة او قوى إعلان الحرية و التغيير ؟
ناس الجبهة الثورية ديل يا دكتور خصم على الهامش بتصرفاتهم دى .
يعملوا نفس حركات احزاب الفكه ..عيب فى حقهم و حق تاريخهم .
اى سودانى دلوقت عارف انه الجبهة الثورية رغم انه كيسها فاضى تتطالب بمقاعد فى الحكومة الإنتقالية؛ مقاعد لا يستحقونها مثلهم مثل الخمسين حركة مسلحة اخرى .
|
Post: #5
Title: Re: الجبهة الثورية خازوق الثورة السودانية
Author: النصرى أمين
Date: 08-13-2019, 05:31 AM
Parent: #4
والله يا ترهاقا ..ناس الجبهة الثورية ديل محتاحين حملة ضخمة بتاعت Public relations
شعبيتهم زى الزفت وسط السوشال ميديا ؛ جداد مدفوع الاجر ماعندهم عشان يدافع عنهم.
احتمال يكون ده هو السبب وراء اصرارهم على مقاعد فى السيادى لانه فرصتهم الأخيرة.
|
Post: #6
Title: Re: الجبهة الثورية خازوق الثورة السودانية
Author: Mutasim Idris
Date: 08-13-2019, 06:47 AM
Quote:
احتمال يكون ده هو السبب وراء اصرارهم على مقاعد فى السيادى لانه فرصتهم الأخيرة. |
النصري أخوي دي ماااا عاوزة ليها زكاوة.. الناس ديل تم الاتفاق معاهم في اديس وطلعوا بمؤتمر
صحفي قالوا خلاص اتفقنا وكل شئ تمام. يقوم المصريين ينادوهم باتفاق مع الاماراتين بعد زيارة
حميدتي ليييييه؟ كمان مش مفروض مشاكل الحركات دي تكون في الستة شهور الاولي حسب
الاتفاق في الوثائق؟ الجد شنو؟ أنا اقول ليك.. مقاعد مدنية في السيادي لزيادة مقاعد العسكر لتمرير
اااااي عنقريب المحور عاوزه. دي عاوزة ليها فهم.
بعدين مشكلة قوي الحرية انها بتغطي في عورات غيرها وتكشف في عوارتها لروحها.
الشفافية الشفافية الشفافيييييييياااااااااا يا خلق. بتساعدكم والله ما بتضر يا ق ح ت.
|
Post: #7
Title: Re: الجبهة الثورية خازوق الثورة السودانية
Author: Hasheem Karouri
Date: 08-13-2019, 05:56 PM
Parent: #6
سلام
يعني بالمنطق كده هم دايرين شنو . اخونا معتصم جاب الزبدة . اتفقوا في اديس . تاني النطيط ليهم شنو ؟
الغرض من العراقيل دي واضح . دايرين ليهم كرسي في وزارة او اي مكان تشريفي . نفس العقليه القديمة وانو الواحد يكون عندو منصب . وتصاديق . وعمولات وغيره .
الناس ديل ياربي ماعارفين الثورة دي قامت عشان شنو ؟
|
|