بس معقولة؟! الزول دا بتحدي فينا علي عينك يا تاجر ويكفر علي هواه!!! الفتنة لا نايمة ولا شئ صاحية والله ولافيها المعتوه دا عمة.
Post: #2 Title: Re: الشيخ دا مفروض ينضرب عنقه بدعوته للفتنة. Author: Mutasim Idris Date: 08-10-2019, 04:25 AM Parent: #1
تهديد عدييييل وصريح لا فيه شق لا طق.
Post: #3 Title: Re: الشيخ دا مفروض ينضرب عنقه بدعوته للفتنة. Author: صباح حسين طه Date: 08-10-2019, 04:34 AM Parent: #2
سلام أستاذ معتصم يا حليلو في الإنقاذ كان ليه شان وهسع شايف مافي زول شغال بيه عشان كدا رجع لسلاح غضب الله عليكم ويوم القيامة والنار :انه معاه وحي بأن عمل من كانوا من قبل الله راش عنه كل الرضا وعمل الثوار في السودان الله غير راضي عنه بس في الحقيقة هو يتمنى على الله الأماني
Post: #4 Title: Re: الشيخ دا مفروض ينضرب عنقه بدعوته للفتنة. Author: Mutasim Idris Date: 08-10-2019, 04:40 AM Parent: #3
سعيد جداااا بطلتك يا استاذة صباح..
Quote: يا حليلو في الإنقاذ كان ليه شان وهسع شايف مافي زول شغال بيه
اسمعي الكلام بتاعوا في الفيديو دا.. الكلام دا مفروض ناخده مأخذ جد.. المعتوهين كتيرين علي الاقل لما يشوفوا واحد منهم اتردع ح يبطلوا فرفرة.
Post: #5 Title: Re: الشيخ دا مفروض ينضرب عنقه بدعوته للفتنة. Author: ترهاقا Date: 08-10-2019, 04:55 AM Parent: #4
يحُرق على نار هادئة ، انتهازي سخيف
Post: #6 Title: Re: الشيخ دا مفروض ينضرب عنقه بدعوته للفتنة. Author: Mutasim Idris Date: 08-10-2019, 05:15 AM Parent: #5
Quote: يحُرق على نار هادئة ، انتهازي سخيف
ترهاقا كيفك يا سيدي.. الناس ديل زي النسينا عمايلهم وانهم لسسسسسسة ماسكين ومسيطرين وبخلاياهم الكوووووولها صحت. كلام المعتوه دا مع فاطمة المجنون الشرير سيخة متزامنين مع بعض , الناس ديل لن يسلموا رقابهم من غير معركة ومعركة اشرس من فض الاعتصام. الجدية في التعامل مع الاشارات دي مطلوووووووبة.
Post: #7 Title: Re: الشيخ دا مفروض ينضرب عنقه بدعوته للفتنة. Author: Yasir Elsharif Date: 08-10-2019, 08:11 AM Parent: #6
سلام يا معتصم
كالعادة أئمة الهوس الديني يثيرون الفتنة في محاولة للإبقاء على مصالحهم، كما يفعل هذا الشيخ التكفيري.
لا بد من أخذ المسألة بجدية معه ومع أمثاله بالقانون.
Post: #8 Title: Re: الشيخ دا مفروض ينضرب عنقه بدعوته للفتنة. Author: Yasir Elsharif Date: 08-10-2019, 08:26 AM Parent: #7
ولكن قبل كل شيء لابد من إلغاء مادة الردة من القانون الجنائي السوداني لأن وجود المادة يعطي أمثال هذا الشيخ الظهير القانوني والحماية. أول قانون مقيد للحريات ينبغي إلغاؤه أول قانون مقيد للحريات ينبغي إلغاؤه
Post: #9 Title: Re: الشيخ دا مفروض ينضرب عنقه بدعوته للفتنة. Author: Mutasim Idris Date: 08-10-2019, 08:37 AM Parent: #8
دكتور ياسر سلام.. والله يا دكتور انا كلامه دا وبنبرة التحدي والدعوة الظااهرة (للجماعة) يقيفوا ضد الاتفاق دا ويدافعوا عن (دينهم) ماا عاجباني والكيزان ما ح أنوم ليهم مغمض ابداا وتاريخهم القريييييب يشهد.
Quote: لا بد من أخذ المسألة بجدية معه ومع أمثاله بالقانون.
شفت البند دا الناس حقيقة ضحت عشانه بأرواحها. والدين (حقنا) ما عاوز ليهو (جماعة) يدافعوا عنه لانه موجود فينا بالفطرة. عبدالحي وامثاله ما ح يجيبوها البر والجدية مطلوبة.
Quote: ولكن قبل كل شيء لابد من إلغاء مادة الردة من القانون الجنائي السوداني لأن وجود المادة يعطي أمثال هذا الشيخ الظهير القانوني والحماية.
الوثيقة دي يا دكتور مفروض نعرف الكتبها منو! بالجد دي لا مطالب الثورة ولا التضحيات الجسام القدمها الشارع لحريته. في فرق بين الثورة وبين التصحيح. والماشين فيه دا ما ثورة غايتو.
Post: #10 Title: Re: الشيخ دا مفروض ينضرب عنقه بدعوته للفتنة. Author: Asim Ali Date: 08-10-2019, 09:19 AM Parent: #9
والمضحك انو يقول (لقد فرطتم فى ما حافظ عليه الحكام من قبلكم) .الاسلام الذى استخدموه وتاجرو به للتسلط على رقاب الناس وكانهم ظل الله فى الارض . لقد صمت وساندت طغكه تجار الدين الذين الذين حاربو كل قيم الدين السمحه فى المجتمع وزرعتم الفتنه فى البلد بين مكوناته افراد وجماعات