Post: #1
Title: 67% -33% في التشريعي..
Author: Mutasim Idris
Date: 08-05-2019, 06:30 PM
Parent: #0
06:30 PM August, 05 2019 سودانيز اون لاين Mutasim Idris-Sacramento مكتبتى رابط مختصر
في البداية ما معروف اسس اختيار النسبة دي كانت شنو! وليه العسكر ياخدوا نصها لما هم (شركاء) في الثورة لكيانات ما وقعت علي وثيقة الحرية والتغيير؟ حق ادبي يعني ول كرما حاتمي من وفد التفاوض ح يندموا عليه لما يجوا يتقاسموا النسبة (ما ح تحوق) بينهم.
|
Post: #2
Title: Re: 67% -33% في التشريعي..
Author: Mutasim Idris
Date: 08-05-2019, 06:37 PM
Parent: #1
المحاصصة في الوزراء او السيادي ماااا زي القلع في التشريعي. السكاكين الطويلة الجدجد ح تتسل يوم تقسيم المرارة دي. شئ جدا محير من قوي الاعلان ان تاخد نصيب اقل بكثيييييير مقارنة بدورها في الثورة والتفاوض. 201 ممثل في التشريعي كيف ح تكون معايير قسمتها بين الكيانات دي وماهو المعيار في القسمة؟ هل ح تكون علي حسب مقاعد آخر برلمان ديمقراطي أم هنالك (مقاس) تاني إتفقوا عليه؟ يحبوا التعقيد كيف..
|
Post: #3
Title: Re: 67% -33% في التشريعي..
Author: Gafar Bashir
Date: 08-05-2019, 07:05 PM
Parent: #2
التشريعي 300 كانت في الاساس سؤال شنو البعملوهو 300 ما بقدرو يعملوهو 30 مثلاً ايا كانت التقسيمات في داخل ال 30 سواء علي اساس وظيفي او علي اساس جغرافي او حتي قبلي يكفي واحد ممثل لمجموعة 300 شخص في حكومة لسة الديون قاصة ضهرها والانهيار الاقتصادي من كل جهة
|
Post: #4
Title: Re: 67% -33% في التشريعي..
Author: Mutasim Idris
Date: 08-05-2019, 07:24 PM
Parent: #3
Quote: التشريعي 300 كانت في الاساس سؤال شنو البعملوهو 300 ما بقدرو يعملوهو 30 مثل |
سلام يا جعفر.. كانت في البداية 120 علي ما اعتقد وبعدين زادوها (نفخوها) علشان تحوق. انا معاك في العددية الكتيرة دي ما ليها لازم هسي. بس كمان تمرين حقيقي وقوي في فترة محتاجة بناء خبرة بالممارسة للانتخابات ومعرفة الارضية اللي ح يكون التنافس فيها علي الدوائر للبرلمان الدائم. بعد السنوات العجاف دي كل حزب ح ينتبه لقواعده وكمان الاحزاب اللي اتبنت في فترة الانقاذ او حتي التمثيلها كان ضعيف او مافازت دي بالنسبة ليها ح تكون تجربة ممتازة.
|
|