الا رحم الله حاجة هديةكامراة وام ومسلمة

10:29 PM August, 04 2019

سودانيز اون لاين
صديق مهدى على-
مكتبتى
رابط مختصر

طبعا حقوق الاب والام بتمشى على الولد حتى بعد زواجه يعنى لو طلبوا منه اى طلب مفروض يوافق دون
تردد لانه طاعة الوالدين عدا طلب فيه معصية الله يعنى حاجة هدية رحمها الله عارفة ولدها البشير قاتله الله
حاكم السودان منذ ٨٩ بطريقة غير شرعية وحال الناس ماشى لاسوأ ولو مرة واحدةقالت لولدها الملعون انا
ما رضيانة عليك دنيا ولا اخرة لو لم تتنازل عن الحكم لانسان اخر او على الاقل تسال اولادها الاخرين
النعمة الانتم فيها دى جاتكم من وين او تنصح اخوها الابله دا الطيب مصطفى يقيف من عمايلو
البعمل فيها كل مرة ظاهر فى التلفزيون عامل فيها الكل فى الكل يعنى حاجة هدية الله يرحمها خلال فترة
حكم ابنها التى استمرت ٣٠ عاما كان فى مقدورها ان تعمل الكثير من اجل السودان على الاقل تقول لابنها البشير
انا ما رضيانا عليك كان ما صلحت معيشة الناس ووفرة ليهم العلاج والعمل
المهم ما علينا حاجة هدية اليوم بين يدى الله ربنا يرحمها اللهم امين
اليوم طالعنا اخوها الطيب مصطفى بمقال يثنى فيه على ملاسى فى موضوع
كتبه عن وفاة حاجة هدية ومن ضمن ما كتبه ملاسى ان حاجة هدية لم يشيعها الانتهازيون وبعد دا علق الطيب مصطفى لو اختى توفت وابنها فى الحكم كان شيعها الملايين اها فى دى انا ما عارف بنعى فى الانقاذ ولا اخته ؟

غايتو عليك لصيق

لا تجوز عليها الا الرحمة .......لكن باين لى الناس ماصدقت كل هذا الثراء والجاه