البرهان بستفز في الشارع في أكثر وقت الشعب متماسك فيه. طريق التفاوض الحالي لن يوصل الي أي إتفاق مع مجلس البرهان. بقي واضح جداااا إنه المجلس العسكري وراء كووووول الفظاعات كلما أقترب الوصول للاتفاق النهائي. البرهان ما عاوز التفاوض ولا ح يسلم السلطة.
Post: #2 Title: Re: الحل.. إسقاط المجلس العسكري الإنقلابي Author: Mutasim Idris Date: 07-30-2019, 09:39 PM Parent: #1
إتهامه لمكون من قوي الاعلان المشاركة في المحاولة الانقلابية المسرحية الاخيرة غير مقبول ومستفز جداااااا.
Post: #3 Title: Re: الحل.. إسقاط المجلس العسكري الإنقلابي Author: Mutasim Idris Date: 07-30-2019, 09:45 PM Parent: #2
قوي الحرية والتغيير هي الممثل الوحييييييد للشعب السوداني ومفوضه بإستلام السلطة وشكل الحكم في الانتقالية.
دا كلام غير مسؤول يصدر من شخص مفترض يحمل صفات الامانة ومسئولية وطن وشعبه.. خائب تعيس عميل وسخان يا برهان.
Post: #4 Title: Re: الحل.. إسقاط المجلس العسكري الإنقلابي Author: Mutasim Idris Date: 07-30-2019, 09:53 PM Parent: #3
قوي الحرية والتغيير تمثل كووول الشعب السوداني رغبت أو أبيت. والشارع ح يرد بقوة علي ترهاتك وبيع ذمتك ورهنك الوطن. فشلك في ادارة الآلة الأمنية يستوجب إستقالتك..
Post: #5 Title: Re: الحل.. إسقاط المجلس العسكري الإنقلابي Author: Mutasim Idris Date: 07-30-2019, 11:24 PM Parent: #4
طبعا عمالة اليمن والارتزاق هو السبب الرئيسي والوحيد في وجودكم علي رئاسة المجلس. وللاسف قوي الاعلان متفقة معاكم فيه. الجلسة الجاية هي ح تكون آخر جلسات التفاوض بينكم وقوي الاعلان. الشارع لم يعد يتحمل المط واللت والعجن في (شراكتكم). من أطلق النار واضح صورة وصوت وحتي لوحات سيارة القتل السريع. ما جديد علي البرهان الكذب والتحايل حتي علي مقتل الاطفال!!. إتهام خطير جدا علي المشاركة حتي في المسرحية.. وقوي الاعلان ليها حق او الامتناع عن الرد. دا ما بهم لا من بعيد او قريب في مسار الثورة السودانية..
Post: #6 Title: Re: الحل.. إسقاط المجلس العسكري الإنقلابي Author: Mutasim Idris Date: 07-30-2019, 11:29 PM Parent: #5
جلسة التفاوض القادمة يجب أن يسبقها عصيان مدني شامل تحسبا لاي أعمال عنف متوقعة من ما يدعوا (المندسين). الشارع لا يحتمل دفع المزيد من شبابه وأطفاله في مفاوضات لا تعرف نهايتها. ح ينشط المجلس العسكري وكتائبه في اليومين القادمين علي تفشيل جلسة التفاوض الاخيرة مع قوي الحرية والتغيير وفي كل الحالات أن عقدت وإن لم تعقد هي آخر الجلسات.
Post: #7 Title: Re: الحل.. إسقاط المجلس العسكري الإنقلابي Author: Mutasim Idris Date: 07-30-2019, 11:46 PM Parent: #6
اللجنة الامنية أو اسم الدلع المجلس العسكري الانتقالي لم يبد أي رغبة في تسليم السلطة بعد جلسة المفاوضات الاولي مع قوي الحرية والتغيير. دفعت الثورة السودانية في سبيل الوصول لاتفاق بين الجسمين المتحاورين الكثير جدا من شبابها مهرا للتفاوض! وآخر المرتقين كانوا من أطفال الثورة. مرت منعطفات جلسات الاتفاق بأجمل مدينة فاضلة صممها وبناها شباب الوطين أمام مباني وبوابات ماكان يدعي بالجيش السوداني وأقوي اضراب سياسي عرفه العالم المعاصر. مارس ثوار الثورة السودانية وأحرارها إنضباط يفوق الوصف في إستعمالهم أنجع أسلحة الحراك المدني وعلموا العالم معني الثورة السلمية. العصيان المدني العام كان أجمل لوحات الثورة والمليونيات هزت الارض تحت أقدام المخذلين وأسيادهم , ولا ابالغ ان قلت قد سمع وقع أقدام ثوار الخرطوم في كل عواصم الدنيا.
Post: #8 Title: Re: الحل.. إسقاط المجلس العسكري الإنقلابي Author: منتصر عبد الباسط Date: 07-31-2019, 00:45 AM Parent: #7
من يقول يسقط المجلس العسكري ويسميه انقلابي فهو أما كوز متعصب لحزبه الإجرامي الفاسد أو غبي شديد الغباء وأحمق شديد الحمق فاختار لنفسك ما شئت من هذين الذان لا ثالث لهما.
Post: #9 Title: Re: الحل.. إسقاط المجلس العسكري الإنقلابي Author: منتصر عبد الباسط Date: 07-31-2019, 00:49 AM Parent: #8
Quote: جلسة التفاوض القادمة يجب أن يسبقها عصيان مدني شامل
معناها لست غبيا ولا احمقا وبقي الخيار الثاني هو الراجح.
Post: #10 Title: Re: الحل.. إسقاط المجلس العسكري الإنقلابي Author: Mutasim Idris Date: 07-31-2019, 08:03 AM Parent: #9
(الاخ) منتصر عبدالباسط
Quote: من يقول يسقط المجلس العسكري ويسميه انقلابي فهو أما كوز متعصب لحزبه الإجرامي الفاسد أو غبي شديد الغباء وأحمق شديد الحمق فاختار لنفسك ما شئت من هذين الذان لا ثالث لهما.
Quote: معناها لست غبيا ولا احمقا وبقي الخيار الثاني هو الراجح
. غايتو حسب فهمي للغة العربية و (المنطق) لما تخير إنسان بين شيئان وقبل ما هو يختار تقوم إنت تختار ليه واحد منهم يبقي ما (راجح) إنما (قطعا) صار.. اللهم الا تكون شاك في إختيارك بين حاجة واحدة ونفسها. غايتو دا مااا غباء (قطع شك). طيب.. أنت هنا ما جبت اااي حاجة تستدل عليها أنو أنا كوز وفاسد كمان! ولا (كوت) لجملة أو حتي اشارة لشئ من كل البوست دا لمجرد قولي يسقط المجلس العسكري الانقلابي!! هل ااي زول يقول كدا معناه كوز؟! الكيزان عاوزين سقوط المجلس؟! غايتو أنا تحديدا في البوست دا معني كلامي قلت بعد الجلسة الاخيرة لو ما وصلوا لإتفاق فليسقطوا الاثنين (المجلس وقوي الاعلان). أنت فهمت كيف وشنو.. الله أعلم. دا يا سيدي ما يخص المداخلات بتاعتك.. فاضيات فارغات. نجي للاساءة لي بالغباء والحمق : فيها عدم احترام لنفسك اولا ولأي زول يدخل البوست دا.. مافي سبب يقرأو دا. أما ردي ليك لإساءتك يا (أخ) منتصر هو : سلاماً سلاما.
Post: #11 Title: Re: الحل.. إسقاط المجلس العسكري الإنقلابي Author: Maher AlMahi Date: 07-31-2019, 02:41 PM Parent: #10
Quote: من يقول يسقط المجلس العسكري ويسميه انقلابي فهو أما كوز متعصب لحزبه الإجرامي الفاسد أو غبي شديد الغباء وأحمق شديد الحمق فاختار لنفسك ما شئت من هذين الذان لا ثالث لهما.
يسقط المجلس العسكري الانقلابي وستين ألف يسقط اقولها بملء فاهي يلا يا منتصر حدد موقعي وين حسب (الآية المنزلة) والتى لا تحتمل اي تأويل - ياخ أحترمنا ياخ نحن حتى الكيزان مابنعاملهم بطريقتك دي.
Post: #12 Title: Re: الحل.. إسقاط المجلس العسكري الإنقلابي Author: بشير حسـن بشـير Date: 07-31-2019, 03:00 PM Parent: #11
يا زول يسقط يسقط للمره المليون هذا المجلس الانتهازي العميل
Post: #13 Title: Re: الحل.. إسقاط المجلس العسكري الإنقلابي Author: Mutasim Idris Date: 07-31-2019, 06:18 PM Parent: #12
خروج الحزب الشيوعي من التفاوض وإقرار عدم المشاركة في اي من أشكال الحكم في الانتقالية وضع بقية مكون قوي الحرية والتغيير في المحك. الاتفاق علي نصف ثورة ( حسب الوثائق) السياسية الموقعة والدستورية المنتظر التوقيع عليها يصب في مصلحة اللجنة الامنية للكيزان وحميدتي. القيادي بقوي الحرية والتغيير الاستاذ ساطع الحاج ابدي تخوفه من مادة القوات النظامية في الوثيقة الدستورية وإعتبرها مشروع إنقلاب وقنبلة موقوته قد تنسف الفترة الانتقالية..
Post: #14 Title: Re: الحل.. إسقاط المجلس العسكري الإنقلابي Author: Mutasim Idris Date: 07-31-2019, 06:22 PM Parent: #13
العزيز ماهر سلام.. ياخ دا عجيب جدا في طريقته..
Quote: يسقط المجلس العسكري الانقلابي وستين ألف يسقط اقولها بملء فاهي يلا يا منتصر حدد موقعي وين
الاستاذ بشير حسن بشير سلام وتحايا..
Quote: يا زول يسقط يسقط للمره المليون هذا المجلس الانتهازي العميل
حتما ح يسقط مجلس الكيزان دا..بس الثمن ح يكون غالي والطريق طويل.
Post: #15 Title: Re: الحل.. إسقاط المجلس العسكري الإنقلابي Author: علاء سيداحمد Date: 07-31-2019, 07:20 PM
يسقط البرهان ويسقط المحلس الانقلابـي
مواصلة التفاوض حريمة لا تغتفر وخيانة لدماء الشهداء
Post: #16 Title: Re: الحل.. إسقاط المجلس العسكري الإنقلابي Author: Mutasim Idris Date: 07-31-2019, 08:11 PM Parent: #15
العزيز الواقف الف احمر علاء سيد أحمد سلام..
Quote: يسقط البرهان ويسقط المحلس الانقلابـي
مواصلة التفاوض حريمة لا تغتفر وخيانة لدماء الشهداء
مسكنا الوثيقة الدستورية اليوم داك بند بند ولقيناها كوولها علي بعضها بتخدم اللجنة الامنية للكيزان بتكريس الجيش والامن العام في يدهم وقدموا لفريق الخلا وجنجويده وضعية خااااصة خارج الوثيقة كولها!!. الوضع دا أشبه بتصحيح الانقاذ وامتداد لحكمهم بإعاده هيكلة المؤسسات المدنية الفشلت الانقاذ نفسها فيها والابقاء علي المؤسسة العسكرية اللي جات الانقاذ راكباها دبابة.. شفت كيف. يعني الاتفاق بشكله دا (لو وقعوا عليه) الانقاذ ماسكة الملف الامني والعسكري وهبت لفريق الخلا وضعيته بمواصلة العمالة من جهة ومن الجهة الثانية منحت قوي الحرية المؤسسات المدنية من مالية وإقتصادية والعدلية (فيها شكوك) بتصحيحها وإعادة بناءها , وبعد 21 شهر فترة الانتقال الاولي أو قول الثلاثة سنوات الانتقالية كاملة وبعدين يقوموا يشكروهم علي الخدمات الجليلة.. والشارع يدور تاني. عشان كدا بقول الثورة لن تموت إنما قد تتأخر في الوصول لغاياتها ودا ح يكون في الشوط الثاني للثورة العملاقة دي. قوي الحرية والتغيير مفروض يكونوا فاهمين أنه قدامهم رمال متحركة ومنزلقات وممرات شائكة لو دخلوها تاني الخروج ح يبقي منها صعب. الكيزان اولاد هرمة ولن يسلموا السلطة ورقابهم بسهولة. وجهة نظر وراي مني..
Post: #17 Title: Re: الحل.. إسقاط المجلس العسكري الإنقلابي Author: Mutasim Idris Date: 08-01-2019, 02:50 AM Parent: #16
من رحم الوطن خرج رجال صدقوا علي ماعاهدوه عليه , منهم من قضي نحبه ومنهم من ينتظر , لا خانوا لا هادنوا ولم يبدلوا تبديلا.. الشريف الهندي يخاطبنا من قبره.. الف رحمة ونور.
الثورة السودانية سوف تصل غاياتها وحتما ح ننتصر لن يهزمنا أو يحكمنا العسكر.
