بشتنة وهروب و عفص و هرج ومرج بعد فك البمبان في قلب السوق واكتر. المكانات زحمة . يوم كان زي يوم القيامة . ده سوق ليبيا يا جماعة . اكبر الاسواق الشعبية في قارة افريقيا . سوق يفتح ضلفاتو علي 8 دول افريقية وعربية . سوق تتعايش من خير. شعوب كتيرة. من دول الجوار. ومن شعب السودان . والصين وتركيا و الهند وباكستان واليمن وسوريا وتشاد كنت شاهد اليوم علي الحصل . لكن والله ما في زول في لحظة كثافة دخاكين وكتمة البمبان يقدر يجرد عدد من طاحوا في الارض بين الموت والحياة والحيرة .
Post: #2 Title: Re: اليوم خطورة ضرب البمبان في عمق زحمة سوق ل� Author: Osman Musa Date: 07-30-2019, 05:28 PM Parent: #1
الحمد لله الحكاية مرت بدون دوشكا . طبعا الجماعة ديل عندهم الدوشكا تسلية . ومع زحمة السوق كان الدم حيكون حدو الركب . لكن ربك لطف . والحكاية مرت شوية كدمات مع طراش وكتمة نفس وترضرض وشوية كسور . وتقطع سفنجات ونسيان اكياس . وحسب كلام اخ قال لي في حولي حاجتين حصل ليهم كسر في الحوض و عمك واحد كسر يد وبتاع كارو كسر. في الساق .
Post: #3 Title: Re: اليوم خطورة ضرب البمبان في عمق زحمة سوق ل� Author: Osman Musa Date: 07-31-2019, 07:25 AM Parent: #2
يوم امس كان امتحان عسير للمستشفيات و اقسام الطواري . علي كل حال . يجب فتح تحقيق عن من الذي امر بفك البمبان في زحمة . السوق . والتسبب في حالات الاختناقات والكسور وضياع حاجيات الناس .
Post: #4 Title: Re: اليوم خطورة ضرب البمبان في عمق زحمة سوق ل� Author: Osman Musa Date: 08-01-2019, 08:32 AM Parent: #3
في سوق ليبيا وصل عدد الشهداء الي اثنين واحد شاب عشرين سنة ورجل كبير فوق الستين .
Post: #5 Title: Re: اليوم خطورة ضرب البمبان في عمق زحمة سوق ل� Author: Osman Musa Date: 08-01-2019, 06:54 PM Parent: #1
الزعزعة الحاصلة في سوق ليبيا حاصلة. لليوم التالت . والشعب محتاج يقضي مقاضي العيد . قبل شوية سمعنا. في اخبار. قناة الحدث عن مقتل اربعة في منطقة دار السلام سبعة دقايق بالعربية من سوق ليبيا . في سوق ليبيا كتمت حوالي الساعة اتنين وانتهت بي البمبان . احتمال يكون ابوطيرة حول نفسو. من سوق ليبيا لي دار السلام .
Post: #6 Title: Re: اليوم خطورة ضرب البمبان في عمق زحمة سوق ل� Author: Mutasim Idris Date: 08-01-2019, 07:32 PM Parent: #5
الاخ عثمان موسي سلام.. فيديو قصير من فض مسيرة سوق ليبيا وصوت الرصاص مسموع.. اللهم أرحمهم شهدائنا وانزلهم منزلة صديق مع الصديقين وحسن أولئك رفقا..
Post: #8 Title: Re: اليوم خطورة ضرب البمبان في عمق زحمة سوق ل� Author: Osman Musa Date: 08-01-2019, 08:27 PM Parent: #6
الاخ معتصم سلامات الحمد لله 93 في المية من السعب السوداني متمسك بالسلمية ومطالب بالمدنية والمحاسبة . مهما طالت بنادق القناصين . الشعب فهم المخطط . لابد من التضحيات ولابد من النهوض بالوطن العزيز .
Post: #7 Title: Re: اليوم خطورة ضرب البمبان في عمق زحمة سوق ل� Author: عبد الصمد محمد Date: 08-01-2019, 07:34 PM Parent: #5
سلام عثمان لا حول ولا قوة الا بالله كل شيء اصبح غامض وارخص مافي السودان اصبح هو الإنسان كيف في سوق زحمة زي سوق ليبيا تطلق البنبان ووكأنه بلد ما فيها سلطة نظامية ولا ليها وجيع الفوضى الغير أخلاقية وغير خلاقة الله بس يخلصنا منهم
Post: #9 Title: Re: اليوم خطورة ضرب البمبان في عمق زحمة سوق ل� Author: Asim Ali Date: 08-01-2019, 08:57 PM Parent: #7
