Post: #1
Title: الوثيقة الدستورية ابتلعت قوات الجنجويد " جرس انذار قبل التوقيع "
Author: علاء سيداحمد
Date: 07-27-2019, 00:08 AM
00:08 AM July, 26 2019 سودانيز اون لاين
علاء سيداحمد-
مكتبتى
رابط مختصر
لم يرد ذكر قوات الدعم السريع في الوثيقة الدستورية !!!
القوات التي ورد ذكرها في الوثيقة هي :
- القوات المسلحة
- الشرطة
- جهاز الامن
اين قوات الدعم السريع ؟
اين مليشيات الدفاع الشعبى ؟
اين المليشيات الطلابية ؟
اين المليشيات الإسلامية الأخرى
لماذا لم تذكر الوثيقة عن هذه المليشيات صراحة بالدمج في القوات النظامية او حلها
|
Post: #2
Title: Re: الوثيقة الدستورية ابتلعت قوات الجنجويد andqu
Author: علاء سيداحمد
Date: 07-27-2019, 00:13 AM
Parent: #1
|
Post: #3
Title: Re: الوثيقة الدستورية ابتلعت قوات الجنجويد and
Author: علاء سيداحمد
Date: 07-27-2019, 00:14 AM
Parent: #2
بالإضافة الى المليشيات المذكورة أعلاه أيضا هناك الحركات المسلحة
كل هذه القوات لابد من إيجاد حل لها قبل التوقيع على الوثيقة الدستورية .
|
Post: #4
Title: Re: الوثيقة الدستورية ابتلعت قوات الجنجويد and
Author: علاء سيداحمد
Date: 07-27-2019, 00:22 AM
Parent: #3
وأيضا ورد في الفصل الرابع ّ مجلس السيادة ّ
من سلطات مجلس السيادة :
1- م - سلطة العفو عن المدانين واسقاط العقوبة وفق القانون
هذه المادة مبهمة حيث لم ترد حدود هذه الصلاحية هل هي صلاحية مطلقة ام مقيدة !؟
|
Post: #5
Title: Re: الوثيقة الدستورية ابتلعت قوات الجنجويد and
Author: Mutasim Idris
Date: 07-27-2019, 00:34 AM
Parent: #4
شكراااااا يا علاء ياااخ..
انا من قبيل اقطع واواسي عشان اجي افتح البوست دا..
غايتو ح أشاركك كان رضيت كان ابيت هههههههههه
|
Post: #6
Title: Re: الوثيقة الدستورية ابتلعت قوات الجنجويد and
Author: Mutasim Idris
Date: 07-27-2019, 00:38 AM
Parent: #5
طبعا انا بالنسبة لي المكون العسكري دا عامل لي جن..
واضح من الوثيقة إنه ح يتم دمج القتل السريع في القوات
المسلحة!! والمجلس السيادي هو القائد العام للقوات المسلحة!!
الكلام دا كيف؟؟؟؟؟؟؟
يعني القوات المسلحة ما تابعة لوزير الدفاع؟؟؟؟
هل ح يكون في وزارة دفاع اساسا لو القائد العام
للقوات المسلحة هو المجلس السيادي؟؟
بعدين كمان جهاز الامن تابع للسلطة السيادية و
التنفيذية برضو؟؟ يعني تابع للمجلس السيادي..
دا شنو يا أخواننا؟؟؟
|
Post: #7
Title: Re: الوثيقة الدستورية ابتلعت قوات الجنجويد and
Author: Mutasim Idris
Date: 07-27-2019, 00:46 AM
Parent: #6
تبعية القوات المسلحة بعد دمج الجنجويد فيه للمجلس السيادي
ماااااا ح تتبلع. بعدين كمان تبعية جهاز الامن والمخابرات
للمجلس السيادي من جهة وفي نفس الوقت لمجلس الوزراء!!
|
Post: #8
Title: Re: الوثيقة الدستورية ابتلعت قوات الجنجويد and
Author: منتصر عبد الباسط
Date: 07-27-2019, 00:47 AM
Parent: #4
Quote: اين قوات الدعم السريع ؟
اين مليشيات الدفاع الشعبى ؟
اين المليشيات الطلابية ؟
اين المليشيات الإسلامية الأخرى
لماذا لم تذكر الوثيقة عن هذه المليشيات صراحة بالدمج في القوات النظامية او حلها
|
بطبيعة الحال الدفاع الشعبي والملشيات الطلابية أو أي ملشيات كيزانية
ستكون باعتبارها محلولة لأنها قوى غير نظامية أصلا وايدلوجية
والدعم السريع وضعه سيترك للظروف والمصلحة والوقت المناسب
ومسألة حل وتسريح أو دمج أوإعادة هيكلة وما شابه من أمور فنية
هذه أمور لا علاقة لها بمهام الوثيقة الدستورية لأن الوثيقة الدستورية هي فقط لبيان مهام
وخصائص وتبعية للمؤسسات القومية الثابتة .
أما الكلام عن كيف سيكون مصير كذا وكذا هذا لا أعتقد من مهام الوثيقة
وعدم ذكر الدعم السريع فهو إما لاعتباره جزء من القوات المسلحة
أو لاعتبار ما سيكون من كونه سيحل ويسرح أفراده أو يدمج في القوات المسلحة .
|
Post: #9
Title: Re: الوثيقة الدستورية ابتلعت قوات الجنجويد and
Author: منتصر عبد الباسط
Date: 07-27-2019, 00:50 AM
Parent: #8
Quote: تبعية القوات المسلحة بعد دمج الجنجويد فيه للمجلس السيادي
ماااااا ح تتبلع |
انت عاوز الجيش يتبع للمدنيين؟!
|
Post: #10
Title: Re: الوثيقة الدستورية ابتلعت قوات الجنجويد and
Author: Mutasim Idris
Date: 07-27-2019, 00:52 AM
Parent: #9
| Quote: انت عاوز الجيش يتبع للمدنيين؟! |
يتبع للسيادي يا منتصر ما لوزير الدفاع؟؟؟؟؟؟؟؟
وبعدين السيادي دا انت ناسي انه فيه مدنيين!!!؟
|
Post: #11
Title: Re: الوثيقة الدستورية ابتلعت قوات الجنجويد and
Author: Mutasim Idris
Date: 07-27-2019, 01:01 AM
Parent: #10
برضو كمان من الاشياء الملفتة جداااا وجود المسمي دا فيالوثيقة الدستورية ( بيات نية ما) ومحشور في النص!!يعلن الحرب والطوارئ!! هل نحن في حرب؟ عندنا طوارئ؟بعدين تحديد منو يكون في المجلس دا واااضح فيهاالتفصيل علي المجلس العسكري اللي ح يرأس المجلسالسيادي في الانتقال الاولي اللي هو القائد العام للقوات المسلحة!!دا جرس انذار لشئ ما مطبوخ وجاهز..
امممممممم
وزير العدل والنائب العام في مجلس الحرب او مجلس يقرر الحرب؟
|
Post: #12
Title: Re: الوثيقة الدستورية ابتلعت قوات الجنجويد and
Author: منتصر عبد الباسط
Date: 07-27-2019, 01:09 AM
Parent: #11
Quote: يتبع للسيادي يا منتصر ما لوزير الدفاع؟؟؟؟؟؟؟؟
وبعدين السيادي دا انت ناسي انه فيه مدنيين!!!؟ |
أنا فهمت من كلامك أنك ترفض تبعية الجيش إداريا للمجلس السيادي
والمجلس السيادي به ضباط من الجيش وليس منطقيا تبعية القوات المسلحة المطلقة لوزير الدفاع وحده
ولا منطقبا تبعيتها للجهاز التنفيذي المدني فتبعيتها للمجلس السيادي ولو به مدنيين هو الأكثر مقبولية.
|
Post: #13
Title: Re: الوثيقة الدستورية ابتلعت قوات الجنجويد and
Author: Mutasim Idris
Date: 07-27-2019, 01:17 AM
Parent: #12
منتصر بالهداااوة بالله فهمني..
القوات المسلحة تتبع لمجلس سيادي مناصفة مدني وعسكري.
القوات المسلحة لا تتبع لوزير الدفاع. ح يكون شغلو شنو؟
ام ح تسمي المجلس السيادي وزارة الدفاع مثلا؟!
الامن والمخابرات يتبع للمجلس السيادي ومجلس الوزراء1
فهمني دي برضو كمان!
السيادي مسئول من الامن والمخابرات والقوات المسلحة.
|
Post: #17
Title: Re: الوثيقة الدستورية ابتلعت قوات الجنجويد and
Author: منتصر عبد الباسط
Date: 07-27-2019, 01:31 AM
Parent: #12
| Quote: يعلن الحرب والطوارئ!! هل نحن في حرب؟ عندنا طوارئ؟ |
معقول !!!!
انت واثق ومتأكد مية المية أنو بكرة دي أو خلال اسبوع واحد تحتاج لاعلان حرب ؟!
يعني بكرة لو في دولة هاجمت السودان واعتدت على سوداني أو احتلت جزء من ارضنا
ما نرد عليها ول شنو! ...شكلو عهد الكيزان المتخازل المنبطح أصبح مثال يقاس عليه!
أما حالة الطواري أيضا قد يحتاج لها لأي سبب أمني
وفي النهاية لا يعلم بالغيب إلا الله والدساتير تضع حساب لكل شيء ولو كان احتمال حدوثها
واحد فاصل مليون في المية وإلا لما صار الدستور دستور أصلا.
ولا تمتنع عن الكتابة في الدستور إلا إذا كانت مستحيلة تماما
وحدوث حرب أو ما يدعو لفرض حالة الطواري ليس من الأمور المستحيلة
وحالة الطواري قد تحدث بسبب كوارث طبيعية أو أوبية أو حدوث هجمات ارهابية
أو حدوث فتن قبلية أو أي سبب وليس بالضرورة بسبب مظاهرات أو احتجاجات.
وبرضو تحديد من هو الذي يحق له أن يعلن الحرب أو حالة الطواري
حتى لا يقوم مثلا والي أو محافظ أو وزير بإعلان الحرب أو حالة طواري
معتبرا أنها من اختصاصه.
|
Post: #14
Title: Re: الوثيقة الدستورية ابتلعت قوات الجنجويد and
Author: علاء سيداحمد
Date: 07-27-2019, 01:21 AM
Parent: #10
Quote: طبعا انا بالنسبة لي المكون العسكري دا عامل لي جن..
واضح من الوثيقة إنه ح يتم دمج القتل السريع في القوات
المسلحة!! والمجلس السيادي هو القائد العام للقوات المسلحة!!
الكلام دا كيف؟؟؟؟؟؟؟
يعني القوات المسلحة ما تابعة لوزير الدفاع؟؟؟؟
هل ح يكون في وزارة دفاع اساسا لو القائد العام
للقوات المسلحة هو المجلس السيادي؟؟
بعدين كمان جهاز الامن تابع للسلطة السيادية و
التنفيذية برضو؟؟ يعني تابع للمجلس السيادي..
دا شنو يا أخواننا؟؟؟ |
سلام يا معتصم
شكوك في محلها وتساؤلاتك مشروعة جداً
بالنسبة لوزير الدفاع : وزير الدفاع ووزير الداخلية تابعين لرئيس الوزراء
ورئيس مجلس السيادة هو القائد العام للقوات المسلحة يعنى في الفترة الأولى القائد العام للقوات المسلحة ح يكون عسكرى من المجلس السيادى وفى الفترة الثانية مدنى من مجلس السيادة .
| Quote: يعني القوات المسلحة ما تابعة لوزير الدفاع؟؟؟؟ |
تابعة لوزير الدفاع لكن وزير الدفاع بيعتبر المفتش العام ورئيس الجمهورية او رئيس مجلس السيادة او الملك او السلطان دائما يكون هو القائد الأعلى للقوات المسلحة وهو المسئول المباشر لوزير الدفاع
Quote: بعدين كمان جهاز الامن تابع للسلطة السيادية و
التنفيذية برضو؟؟ يعني تابع للمجلس السيادي..
دا شنو يا أخواننا؟؟؟ |
في الأحوال العادية والدول الحرة الأجهزة الأمنية دائما ما تكون تابعة لوزير الداخلية وهناك دائما ما يكون مستشار امنى لرئيس الوزراء او رئيس الجمهورية او السلطان او الملك
ولكن عندنا في السودان الوضع كان مختلف جدا جدا والأجهزة الأمنية كانت تقوم بمهام غير مهامها الرسمية .
وهنا في الوثيقة الدستورية جهاز الامن تابع للمجلس السيادى ومجلس الوزراء حسب المهام المنوط بها حسب الوثيقة حيث انها ستقوم بجمع المعلومات وتحليلها وتقديمها الى من
بهمه الامر في المجلس السيادى او في مجلس الوزراء . دى مهمتها الرسمية وانا اعتقد ان هذا الامر جيد .
وطبعاً الشرطة عادت الى موقعها الطبيعى حسب الوثيقة الدستورية
|
Post: #15
Title: Re: الوثيقة الدستورية ابتلعت قوات الجنجويد and
Author: علاء سيداحمد
Date: 07-27-2019, 01:25 AM
Parent: #14
Quote: واضح من الوثيقة إنه ح يتم دمج القتل السريع في القوات
المسلحة!! |
ليس هناك ما يدل على ذلك وحميدتى رجل غير صادق وغير مأمون العواقب ومفروض يكتب بالخط العريض دمج قوات الردعم السريع في الجيش
|
Post: #16
Title: Re: الوثيقة الدستورية ابتلعت قوات الجنجويد and
Author: علاء سيداحمد
Date: 07-27-2019, 01:27 AM
Parent: #15
Quote: شكراااااا يا علاء ياااخ..
انا من قبيل اقطع واواسي عشان اجي افتح البوست دا..
غايتو ح أشاركك كان رضيت كان ابيت هههههههههه |
شكر على الواجب يا حبيب اقل ما يمكن ان نقدمه لاهلنا العزاز الكرام
|
Post: #18
Title: Re: الوثيقة الدستورية ابتلعت قوات الجنجويد and
Author: علاء سيداحمد
Date: 07-27-2019, 01:34 AM
Parent: #16
Quote: بطبيعة الحال الدفاع الشعبي والملشيات الطلابية أو أي ملشيات كيزانية
ستكون باعتبارها محلولة لأنها قوى غير نظامية أصلا وايدلوجية
والدعم السريع وضعه سيترك للظروف والمصلحة والوقت المناسب
ومسألة حل وتسريح أو دمج أوإعادة هيكلة وما شابه من أمور فنية
هذه أمور لا علاقة لها بمهام الوثيقة الدستورية لأن الوثيقة الدستورية هي فقط لبيان مهام
وخصائص وتبعية للمؤسسات القومية الثابتة .
أما الكلام عن كيف سيكون مصير كذا وكذا هذا لا أعتقد من مهام الوثيقة
وعدم ذكر الدعم السريع فهو إما لاعتباره جزء من القوات المسلحة
أو لاعتبار ما سيكون من كونه سيحل ويسرح أفراده أو يدمج في القوات المسلحة . |
ياريت يا منتصر بدون جرجرة وبدون افتعال معارك في غير معترك لانو حميدتى انسان غير مأمون الجوانب
الشعب فاقد فيه الثقة نهائياً وكان الأولى ذكر بيان حال قوات الجنجويد في الوثيقة حتى بعبارة سيتم دمجها مستقبلا في القوات المسلحة .
|
Post: #19
Title: Re: الوثيقة الدستورية ابتلعت قوات الجنجويد and
Author: Mutasim Idris
Date: 07-27-2019, 01:40 AM
Parent: #16
Quote:
ورئيس مجلس السيادة هو القائد العام للقوات المسلحة يعنى في الفترة الأولى القائد العام للقوات المسلحة ح يكون عسكرى من المجلس السيادى وفى الفترة الثانية مدنى من مجلس السيادة .
|
يا علاء الكلام دا مافي الوثيقة. لو كانت تابعية القوات المسلحة (لرئيس المجلس السيادي)
ح تكون مفهومة وياريت كمان لو في تفصيل انه الفترة التانية
من الانتقالية ح تتبع للمدني في السيادي.. خلوها عاااائمة كدا
تبعية في كل الانتقالية للسيادي!!
طيب لوووو سلمنا بالفهم دا يا علاء وضعية جهاز الامن
والمخابرات برضو تابع لرئيس السيادي أم ح يعين
مستشار ليه هو خاص بالامن في المجلسين كمان؟؟
وليه بس تداخل الصلاحيات دي اساسا!!
Quote:
وهنا في الوثيقة الدستورية جهاز الامن تابع للمجلس السيادى ومجلس الوزراء حسب المهام المنوط بها حسب الوثيقة حيث انها ستقوم بجمع المعلومات وتحليلها وتقديمها الى من
بهمه الامر في المجلس السيادى او في مجلس الوزراء . دى مهمتها الرسمية وانا اعتقد ان هذا الامر جيد .
|
دا تنوير يا علاء ما مباشرة مهام زي ما الوثيقة قالت
تبعية عديييييييل للمجلسين.
|
Post: #20
Title: Re: الوثيقة الدستورية ابتلعت قوات الجنجويد and
Author: Deng
Date: 07-27-2019, 02:02 AM
Parent: #19
سلامات يا علاء سيد أحمد.
مرحب بك في عالم ابتسام سنهوري.
|
Post: #21
Title: Re: الوثيقة الدستورية ابتلعت قوات الجنجويد and
Author: علاء سيداحمد
Date: 07-27-2019, 02:07 AM
Parent: #19
| Quote: يا علاء الكلام دا مافي الوثيقة |
موجود يا معتصم هاك :
ورئيس مجلس السيادة هو القائد الأعلى للقوات المسلحة : عشان كدا انا ذكرت بانو في الفترة الأول حيكون عسكرى وفى الفترة الثانية ح يكون مدنى
لان مجلس السيادة فيه 11 شخص 5 عساكر و 5 مدنيين ورقم 11 مدنى سيتم اختياره بالتوافق مابين العسكر والمدنيين
وطبقا لهذا ما ممكن مجلس السيادة بكاملها تكون القائد الأعلى للقوات المسلحة انما القائد الأعلى للقوات المسلحة هو رئيس مجلس السيادة
والقائد العام هو : وزير الدفاع
|
Post: #22
Title: Re: الوثيقة الدستورية ابتلعت قوات الجنجويد and
Author: علاء سيداحمد
Date: 07-27-2019, 02:22 AM
Parent: #21
Quote: سلامات يا علاء سيد أحمد.
مرحب بك في عالم ابتسام سنهوري. |
يا مراحب يا ارو دينق
يا ريتنى لو كنت افهم ربع فهم ابتسام سنهورى في القانون انا بحب القانون وكنت عايز اقرأ القانون
لكين الوالد رحمه الله تعالى منعنى منع بات من دراسة القانون حيث فهمه كان منصباً في انّ المحامين
والقضاة بياكلوا أموال الناس بالباطل . وانا لم ارد مخالفته ابدا وتنازلت لرغباته .
|
Post: #23
Title: Re: الوثيقة الدستورية ابتلعت قوات الجنجويد and
Author: دفع الله ود الأصيل
Date: 07-27-2019, 03:02 AM
Parent: #22
[} سلام يا علاء يا صديق ، بصراحة بوستك في
صميم الصميم. و تستاهل علي أوسكارات7 نجوم
«تيك أواي» لأنو ستهن امتثال معانا بجاي . بعديك
توجساتكم إتا و أخونا معتصم مشروعة تب و في
محلها مظبوط . علا لاكين كلام شيخ منتصر
دا ما تدوه الواطة. شكلو قارئ قانون فعلن.
|
Post: #24
Title: Re: الوثيقة الدستورية ابتلعت قوات الجنجويد and
Author: Mutasim Idris
Date: 07-27-2019, 06:29 AM
Parent: #23
يا علاء تاني..
دا تعريف المجلس السيادي :
مجلس السياده هو رأس الدولة ورمز سيادتها ووحدتها وهو القائد
الاعلي لقوات الشعب المسلحة.
هنا يا علاء مافي رئيس المجلس هو القائد العام للقوات دي!
حسب فهمي للجملة انه كوووول المجلس هو الراس وهو القائد.
قد تكون انت فهمت معني القائد (فرد) بالتالي معناها رئيس المجلس
في الفترتين هو اللي ح يكون القائد العام للقوات دي.
اما هنا في الفصل التاسع الاجهزة النظامية
القوات المسلحة:
القوات المسلحة مؤسسة عسكرية حامية لوحدة الوطن ولسيادته
(تتبع) للقائد العام للقوات المسلحة و (خاضعة) للسلطة السيادية
وفقا للقانون.
طيب.. هنا عندنا (تبعية) للقائد العام و(خضوع) للمجلس السيادي
يعني ما رئيس المجلس بس هي خاضعة ليه.
حسب فهمي لتفسيرك انه القوات ما بالضرورة تتبع لوزير الدفاع
وممكن تكون تحت (الراس) دا بس.. دا يا علاء في الجمهورية
الرئاسية تتبع القوات لرئيس الجمهورية ووزير الدفاع يكون مفتش.
انا هنا عندي مجلس سيادي (إنتقالي) ح يتناوب علي رئاسته في
الفترتين عسكري ومدني ليه أتبع القوات دي ليهم في حين عندي
وزير دفاع باااااالغ بصرف مرتب وعنده مكتب ليه ازيد من أعباء
المجلس السيادي وأقلل من وزير الدفاع وأنا عندي مشاكل لا ليها
حد لا عد أمها إعادت هيكلة وتأسيس للقوات دي زاااااتها بعدما
لحقها من أدلجة وولاءات لنظام أنا اطحت بيه بثورة!!!.
وكمان اقوم أضيف للمجلس دا كمان جهاز الامن الوطني أٌس كووول
المشاكل والمحتاج فعليا لفرمطة وإعادة بناء عدييييل جزء للمجلس
وجزء لوزير الداخلية!!
الشرطة تابعة لوزير الداخلية.. يعني استثنوها من السيادي.
ياريت يمر بالبوست دا من قانوني المنبر يوضح ويشرح
انا صراحة راسي ضارب من التفكير في اللخبته دي.
|
Post: #25
Title: Re: الوثيقة الدستورية ابتلعت قوات الجنجويد and
Author: Mutasim Idris
Date: 07-27-2019, 06:37 AM
Parent: #24
وبهناك كمان في مجلس الامن للحروب والطوارئ.
فيه اختيار محدد لبعض الوزارات بالاضافة للامن الوطني والنائب
العام ووزير العدل!!
وزير العدل والنائب العام دخلهم شنو بالحروب؟ الطوارئ مقبولة.
بعدين منو الحدد يكون الوزارات والمؤسسات دي في المجلس دا
قبل الاتفاق والمشورة مع قوي الحرية والتغيير؟
حركات الكيزان دي كرهناها , وفي ثورة قامت للتغييييييييييير.
قصة المجلس دا والمفتش العام للجيش وهيئة الاركان والموسسات
القديمة بتاعة البشير كورس ما ح نشيلوا معانا في ديمقراطيتنا
ابتداءاً من الانتقالية.
والاهم من دا وداك هل قوات القتل السريع ح يتم دمجها في القوات
المسلحة بدون ااااي دستور ول قانون ول اااي حاجة؟؟
كيري كدا بس؟؟
الكلام دا ما ح يمشي علينا..
|
Post: #26
Title: Re: الوثيقة الدستورية ابتلعت قوات الجنجويد and
Author: Mutasim Idris
Date: 07-27-2019, 07:30 AM
Parent: #25
هههههههه
قبضت ليك الدعم السريع ومصيره حاشرنوا وين!!
القتل السريع قاااااعد لا دمجوهوا لا سرحوهوا او مشطوهوا.
لا وكمان خل الباب مفتوح للمليشيات تبرطع وتنطط من
غير زول يقول ليها تلت التلاتة كم؟ أو اي جهة مسلحة!!
حولااااا.
وكمان الفقرة دي ادت رئيس الوزراء صلاحيات وحاجات كانت
عند المخلوع البشير تتخيل!!
الوثيقة قالت: اي حاجة نسيناها ما ضمناها هنا والبشير
كان بعملها , يحق لرئيس الوزراء عملها..
يا اخوانا انا يا نسيت العربي أو راسي مُكبس!!
|
Post: #27
Title: Re: الوثيقة الدستورية ابتلعت قوات الجنجويد and
Author: علاء سيداحمد
Date: 07-27-2019, 08:25 AM
Parent: #26
فعلا يا معتصم قوات الدعم السريع قاعد ومادد رجلينو كأبوحنيفة ومادد لسانو للثوار
حسب البند 3 فى المادة 64
|
Post: #28
Title: Re: الوثيقة الدستورية ابتلعت قوات الجنجويد and
Author: علاء سيداحمد
Date: 07-27-2019, 08:27 AM
Parent: #27
لم يتم الغاء قانون 91م الجائر
لم يتم الغاء قانون النظام العام الباطل
لم يتم الغاء كل القوانين المسيئة والمشينة
|
Post: #29
Title: Re: الوثيقة الدستورية ابتلعت قوات الجنجويد and
Author: علاء سيداحمد
Date: 07-27-2019, 08:31 AM
Parent: #28
Quote: [} سلام يا علاء يا صديق ، بصراحة بوستك في
صميم الصميم. و تستاهل علي أوسكارات7 نجوم
«تيك أواي» لأنو ستهن امتثال معانا بجاي . بعديك
توجساتكم إتا و أخونا معتصم مشروعة تب و في
محلها مظبوط . علا لاكين كلام شيخ منتصر
دا ما تدوه الواطة. شكلو قارئ قانون فعلن. |
وعليكم السلام الاديب الاريب ود الاصيل
شاكر ليك حضورك البهى
|
Post: #30
Title: Re: الوثيقة الدستورية ابتلعت قوات الجنجويد and
Author: Gafar Bashir
Date: 07-27-2019, 08:51 AM
Parent: #29
Quote: وعدم ذكر الدعم السريع فهو إما لاعتباره جزء من القوات المسلحة
أو لاعتبار ما سيكون من كونه سيحل ويسرح أفراده أو يدمج في القوات المسلحة . |
هههههههه
ده اسمو المسكوت عنه
عارف ليي مسكوت عنه
لانو مافي زول بقدر يتكلم فيهو
اعملو ليكم جيش وتعالو نتكلم فيهو
لكن منو البخليكم تعملو جيش
كل ما تكونوا ليكم سبعة انفار طوالي حانلبسهم يكم انقلاب عسكري
اكتبو كتابتكم ووقعوا توقيعكم
والراجل يتكلم في قوات الدعم السريع
اما واما وام دي ما بتنفع
نص صريح
حل قوات الدعم السريع واستيعابها في الجيش والشرطة في حال استوفت المتطلبات الخاصة بقانون القوات المسلحة والشرطة ... طبعا فريق خلا ده الا يمشيي يقرا من الاول
|
Post: #31
Title: Re: الوثيقة الدستورية ابتلعت قوات الجنجويد and
Author: علاء سيداحمد
Date: 07-27-2019, 08:57 AM
Parent: #29
Quote: فعلا يا معتصم قوات الدعم السريع قاعد ومادد رجلينو كأبوحنيفة ومادد لسانو للثوار
حسب البند 3 فى المادة 64 |
يا معتصم بمراجعة بسيطة وجدت انّ الوثيقة الدستورية تُـلـغـى دستور 2005 م
فى المادة رقم 2 فى الاحكام العامة والمعروف انّ قوات الدعم السريع اصبحت قوة نظامية
حسب تعديل دستور 2005 فى العام 2015م
حسب منطوق هذه المادة لم تعد قوات الدعم السريع قوة نظامية
|
Post: #32
Title: Re: الوثيقة الدستورية ابتلعت قوات الجنجويد and
Author: علاء سيداحمد
Date: 07-27-2019, 09:08 AM
Parent: #31
البند رقم 2 من الاحكام العامة يعارض البند رقم 3 فى المادة 64
والخاص باستمرار عمل اجهزة ومؤسسات الدولة القائمة مالم تحل او تلغ او يعاد تكوينها بموجب اى تدبير لاحق .
لان هذا البند اى البند رقم 3 فى المادة 64 انما هو مفصل بالظبط على مقاس قوات الدعم السريع
ولكن من حشر هذا البند هنا نسى او تناسى ان قوات الدعم السريع قوة نظامية حسب دستور 2005 والتى الغته هذه الوثيقة الدستورية .
وبناءا عليه قوات الدعم السريع قوة غير نظامية
|
Post: #33
Title: Re: الوثيقة الدستورية ابتلعت قوات الجنجويد and
Author: Mutasim Idris
Date: 07-27-2019, 09:10 AM
Parent: #31
يا علاء انا بجد محتاااااار..
معقولة بس! بعد الثورة دي والتضحيات والموت والاغتصابات والاعتقالات
والفقد والضرب والاعتصام والمليونيات وووووووو.. الثورة يا علاء!!!
دي الوثيقة اللي ح تحكم الفترة الانتقالية؟؟ كوووولها ثقوووب.
أربعة شهور يا علاء بعد سقوط البشير ويكلفتوا وثيقة زي دي!!!
دا شغل ني.. دا غير مقبول اطلاااااااقاً.
Quote:
يا معتصم بمراجعة بسيطة وجدت انّ الوثيقة الدستورية تُـلـغـى دستور 2005 م
فى المادة رقم 2 فى الاحكام العامة والمعروف انّ قوات الدعم السريع اصبحت قوة نظامية
حسب تعديل دستور 2005 فى العام 2015م
حسب منطوق هذه المادة لم تعد قوات الدعم السريع قوة نظامية |
الانقلاب المسرحية يا علاء كان تمهيد لتمرير الموية بفووووق للجسر.
الدعم السريع في الوثيقة القديمة كان تابع مع القوات للسيادي..
في الوثيقة دي ما هبشوا.. تابع لحميدتي!!!!!!!! يعني ما مكون
من المنظومة العسكرية ولا خاضع لااااااي قانون!!!!
|
Post: #34
Title: Re: الوثيقة الدستورية ابتلعت قوات الجنجويد and
Author: علاء سيداحمد
Date: 07-27-2019, 09:20 AM
Parent: #33
Quote: يا علاء انا بجد محتاااااار..
معقولة بس! بعد الثورة دي والتضحيات والموت والاغتصابات والاعتقالات
والفقد والضرب والاعتصام والمليونيات وووووووو.. الثورة يا علاء!!!
دي الوثيقة اللي ح تحكم الفترة الانتقالية؟؟ كوووولها ثقوووب.
أربعة شهور يا علاء بعد سقوط البشير ويكلفتوا وثيقة زي دي!!!
دا شغل ني.. دا غير مقبول اطلاااااااقاً. |
نعم يا معتصم الشغل دا شغل نى وشغل كلفته وسبهلله
وعليه نطالب تجمع المهنيين وبشدة وقوة قبل التوقيع على هذه الوثيقة الشمطاء لا بد من الغاء كافة القوانين المقيدة للحريات
وقانون 91م وقانون النظام العام .. ولا بد من تحديد مصير قوات الدعم السريع وبصورة واضحة وجلية لا تحتمل اللبس ابداً .
والا فهذه الوثيقة لاتمثل الشعب السودانى فلتستمر المليونيات حتى اسقاط المجلس الانقلابى والتجمع وقوى الحرية والتغيير
|
Post: #35
Title: Re: الوثيقة الدستورية ابتلعت قوات الجنجويد and
Author: درديري كباشي
Date: 07-27-2019, 10:08 AM
Parent: #34
علاء والصحب الميامين كل عام وانتم بخير
زمان عندنا في لعبة الدافوري في الحلة
وكما هي معروف كرة قدم عشوائية بلا مدرب ولاحكم لكن محدودة العدد حسب حجم الميدان
يصطف ابناء الحلة في صف طويل وسط الملعب
وغالبا يكون هناك كابتنين من أحرف ابناء الحي وهم اصحاب السلطة .
يبدأوا في العزل واحدا مقابل واحد
واحد يقول ؟أمجد الثاني يقول اسعد
وخالد والتاني طارق
وتبدأ عملية العزل تدريجيا تبدأ من الأبرع وانت نازل حتى يكتمل كل فريق في النهاية يبقى عدد حائر في الوسط لا الى هؤلاء ولا الى هؤلاء في ذات الوقت يتركوا كما هم لا أحد يعبرهم أو يعتذر لهم وهم في الغالب الأقل حظا في المهارة كيشه كما يقال عليهم .
في النهاية يتقينوا ويرضوا بنصيبهم ويذهبوا الى الضل منتظرين نصيب قد يأتي نتيجة لاعتذار احد الحرفاء بسبب مرسال طاري وقد لا يأتي ابدا حتى يؤذن المغرب وينتهي التمرين .
أعتقد من هذا الباب أن تجاهل ذكر الدعم السريع في الوثيقة .
على كل حال حالنا ما بعيد من الدافوري خالص .
|
Post: #36
Title: Re: الوثيقة الدستورية ابتلعت قوات الجنجويد and
Author: علاء سيداحمد
Date: 07-27-2019, 10:26 AM
Parent: #35
Quote: نص صريح
حل قوات الدعم السريع واستيعابها في الجيش والشرطة في حال استوفت المتطلبات الخاصة بقانون القوات المسلحة والشرطة ... طبعا فريق خلا ده الا يمشيي يقرا من الاول |
تحياتى اخوى جعفر بشير
بالظبط يا جعفر نص صريح لا يحتمل التأويل في دمج قوات الدعم السريع في الجيش والشرطة غير كدا يفتح الله والشوارع لا تخون
مامكن بعد ارتال الشهداء قوات الدعم السريع تكون قوة نظامية قائمة
|
Post: #37
Title: Re: الوثيقة الدستورية ابتلعت قوات الجنجويد and
Author: علاء سيداحمد
Date: 07-27-2019, 10:31 AM
Parent: #36
| Quote: عتقد من هذا الباب أن تجاهل ذكر الدعم السريع في الوثيقة |
وعليكم السلام اخوى درديرى الكباشى
المثل المضروب في مشاركتك موباااااااااااالغة
|
Post: #38
Title: Re: الوثيقة الدستورية ابتلعت قوات الجنجويد and
Author: Mutasim Idris
Date: 08-02-2019, 08:02 PM
Parent: #37
منذ احداث مجزرة الابيض وضلوع القتل السريع في إرتكابها
والاعتقالات التمت وسط مرتكبي المجزرة من القتل السريع
إختفي فريق الخلا تمااااما عن المشهد. وما ننسي كمان بعد
زيارته للقاهرة ومقابلة السيسي إعتكف حميدتي التصريحات
وماظهر الا في المفاوضات الاخيرة حول الوثيقة.
طبعا فريق الخلا ماعاوز يعكر المزاج العام الاسااااسا معكر
وكرهان قواته دي. ووضعية الدعم السريع في فترة الانتقالية
وما بعدها ح ياخد كثير من التفاوض من قوي الحرية
والتغيير في دمجها في مليشيا الجيش وقوات الحركات
المسلحة. فريق الخلا عاوز المليشيا دي تكون براااااااها
جسد قائم بذاته خارج اااي منظومة أمنية معروفة علشان
يواصل مسلسل ارتزاقه وعمالته كمان حماية (كنزه) جبل
عامر الذهبي.
المفاوضين ح يقيفوا في المحطة دي كثييير جدا الليلة لانها
ح تحدد معالم كثيرة جداااا خاصة علاقة وزيري الداخلية
والدفاع بالسيادي ومجلس الوزراء.
أرجو الا تكون هناك مساومة بموافقة العسكر علي نسبة
السيادي ٦٧٪ للقوي مقابل وضعية الدعم السريع!!
|
Post: #39
Title: Re: الوثيقة الدستورية ابتلعت قوات الجنجويد and
Author: Mutasim Idris
Date: 08-02-2019, 08:14 PM
Parent: #38
قبل التوقيع..
تسليم اللجنة الامنية للكيزان القوات النظامية والامن في الانتقالي
خطوة خطييييرة جدا وقد تنسف الانتقالية قبل إنتهائها.
المجلس العسكري قااااال هو شريك في الثورة , اذا كيف عاوزين
الاشراف علي الاجهزة الامنية بكاااملها بحجة معرفتهم بحالها
وهي التي كانت الد أعداء الثورة والثوار وإعادة هيكلتها هي
من صميم عمل الحكومة المدنية ومن الاسباب الرئيسية و المهمة
اللي جعلت الشارع يفوض الحرية والتغيير بالتفاوض.
إعادة هيكلة وتفكيك الاجهزة الامنية موجوووووود كبند مهم
في ميثاق قوي اعلان الحرية والتغيير نفسها!!
حذاري يا قوي الاعلان من الوقوع في الفخ او المساومة..
الثورة مستمرة..
|
Post: #40
Title: Re: الوثيقة الدستورية ابتلعت قوات الجنجويد and
Author: Elbagir Osman
Date: 08-02-2019, 08:33 PM
Parent: #39
أقوى الجيوش في العالم تخضع للمدنيين
ولا تتدخل في السياسة
بما في ذلك قرارات الحرب والسلام
التي تحددها السلطة المنتخبة باعتبارها ممثلة لإرادة الأمة
دور القوات المسلحة تنفيذ الحروب فقط وليس اتخاذ القرار بشأنها
الجيوش الجيدة تكون في الحدود
وليس داخل القصور الرئاسية
|
Post: #41
Title: Re: الوثيقة الدستورية ابتلعت قوات الجنجويد and
Author: Mutasim Idris
Date: 08-15-2019, 09:33 PM
Parent: #40
دمج الجنجويد في مليشيا الجيش من اولي اوليات المرحلة.
|
|